دعواتكم لزميلنا المفكر د.الباقر العفيف بالشفاء العاجل
|
|
 الرفع المايرنوي للهكر ميكافيلي...!!!
|
مكيافيلي الهكر الذي هكر وسطا علي موقع سودانيز اونلاين
ذكر فيما ذكر مدينة مايرنو وتحدي اعضاء المنبر ان كانو قد شافوها او سمعوا بيها....
فتعال الينا سناخذك جولة في طرقاتها واحيائها واهلها الطيبين وسنجوب معك علي باطن (بنقلو) ضفاف شواطئيها(بتعرف البنقلو يا مكيافييلي)
وسناكل سمك في سوقها العظيم عند (عثمان) وثاني وابكر... وسنقضي لحظات في فريق سلطان مايرنو واحفاده الكرام ثم نجوب بك في جولة الي منزل الاسطوري الراحل (الامين كاغو) ثم نعرج علي خلوة الشيخ الورع (شعيب) وابنه العالي التصوف الزاهد في طريق الطريقة التجانية....
ثم نلاعب الدافوري بصحبة (فاليا) وعبدالرحمن (شقل) ونور الدين باولو..
وسنرد امامك ايها المجرم هتاف مايرنو الشهير (مايرنو زلت هقو)..
في الاسواق سنحملك الي حولة حيث (المو) وجورجي وعبدو بتل (بطل)
ثم نحلق بك انطلاقا من فريق (علي تمباك) الاطراف الشمالية من مايرنو موسكووووووووو حتي (ظيز الهواء) في جنوبيات مايرنو
وحنديك لمحة من حي بانت وفريق سلطان وكل فيافي وفرقان وكراكير مايرنو
ظرفائها...شيوخها...بهاليها...معلميها ...شوارعها..مدارسها..
رائحة ترابها عند المطر..
والقدقدو في اسواقها والهلوك..القق...والقورو...
وان اردت خجايين الكبنغة وخاناتها فلك كل ذلك ولكن بعد عودة
|
|
 
|
|
|
|
|
|
|
 Re: الرفع المايرنوي للهكر ميكافيلي...!!! (Re: عبدالكريم الامين احمد)
|
مايرنو يا ميكافيلي ايها الهكر الاسفيري مدينة وقرية وديعة تنام علي الضفة الغربية من النيل الازرق في ارض حوافها عالي الخصوبة وهي مدينة عمرتها هجرات قبائل الفولان من غرب افريقيا بالاضافة الي اهالي تخوم كنو من الهوسا وبها قبائل لها
امتدادت شتي في كل بلدان غرب افريقيا كبوركينا فاسو والكاميرون والسنغال...
السلطان مايرنو الكبير كان راس الرمح في الفوج الذي حط برحاله حول هذه الارض التي لو تاملت جغرافية ارضها جيدا لتكشفت لك
علوها عن مناسيب النيل الازرق في كل الاوقات بالاضافة الي تصريفها الطبيعي المتميز لمياه الامطار وهي لا يهددها فيضان الازرق الشرس الا في مساحات قليلة لاتشكل خطر علي قاطنيها
الذين يحبوب البحر في رحلة الصيادين الذين يضربون عباب النيل
وهم يتغنون بكورالات افريقية يعوودن بعدها محملين يالاسماك او ما يسمي (بالجيفي) والجيفي في لغة الهوسا هو السمك.......
ونعود
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: عبدالكريم الامين احمد)
|
قبل ان نعود ونسافر برفقة هذا الهكر العجيب وغريب ومثله لن نجد له سوي (كدروك )للتجوال معه علي ظهره ورغم ان اهالي تلكم البلدان الطاهرة لا يسمحون
للانجاس المناكيد وخفافيش الاسافير بالعبور الي مساحاتهم الا اننا سنجد اذنا للمرور لهذه المهمة الخاصة
حتي لا ياتي السطحيين والمنومين مغنطسيا ضد قولة الحق والراي والراي الاخر بحديث سمج وسطحي يفرغ كل المتواجدين في هذا المنبر من عمقهم في الارض السودانية....
واختيار الهكر لامبدا ومايرنو شي يعكس سطحيته العالية وانه ايضا لايعرف كثيرا في هذا السودان...
وليس هذا عيبا في زمن الاهتمامات المتعددة هذا ولكن العيب هو ان تتبجح وتمارس الانطباعية الهشة والسطحية
وتنزع عن الاخريين عمقهم الاستراتيجي في هذا السودان الذي يعملون لخيره
بينما مثل ميكافيلي ومن لف لفه يعملون علي الشر
والدمار
والخراب
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: عبدالكريم الامين احمد)
|
جغرافيا وكما قلنا تقع مايرنو علي الضفة الغربية من النيل الازرق في الشريط المحازي للطريق البري المودي ما بين الخرطوم والدمازين..
ولو قشات لك الظروف ان تتحرك صوبها من مدينة سنار فعليك السواقة لمسافة 16 كيلو و 800 متر هذا كان كانت نقطة بدايتك هي السوق الكبير في مدينة سنار....
لتضرب جنوبا لتفتح لك القري الوديعة علي جنبات الطريق احضان مناظرها الخلابة ووداعة اهلها لتاتي علي قرية حلة اسماعيل ثم في الماضي كان عليك ان تقف قليلا وقبل التقاطع ما بين ترعة مشروع ودهاشم الزراعي لكي يمارس معك عساكر واهل القبانة اتاوتهم وعليك ان تحرك ناظريك ييمينا ويسارا
يسار حتي تمتع نفسك بسلسلة اشجار الجميز المنتشرة بجمال ودهشة حول شواطي الازرق...وان ترات الي ناظرك مجموعة من القطاطي علي مسافة ليس
ببعيدة من الخط البري فلا تندهش انها قطاطي اهلنا الدينكا ..وجدوا في هذا المكان ماؤي ومسكن وتعايش ويصنعون كل الاشياء والمشروبات الروحية
فانصحك ايها العربيد (ميكافيلي) بالتزود بجرعات منها وقبل ان نصل الي تخوم ما يرنو فعلها تساعدك في استيعاب هذا الرفع.,...
ونعود
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: عبدالكريم الامين احمد)
|
وان تجازونا ايها الهكر الرعديد فريق الدينكا وانت مجبر علي احتساء جعة المريسة من ايادي اهله الرائعين ..فالي حتي نواصل السفر صوب مايرنو ايها القبلوس..
وساعتها ستراي امامك مجمع قري عالية الجمال اكثر ما يميزها هي الاشجار العالية والمنتشرة بكثافة واضحة في كل مساحات هذه القري الثلاثة
وانا تاملت اطول شجرة للبان في كل هذه الشجرة فهي شجرتي انا التي غرستها بيدي في هذه الارض الجميلة ومنذ سنين عديدة وارتوت من تراب الفيافي المحيطة بالازرق حتي صارت اطول الاشجار ومعلم بارز لا تخفيه الاعين... فنحن الان في المجمع الثلاثي الذهبي
ودهاشم عرب
ودهاشم مروة
وودهشام ملي
ثلاثة قري تحيط بمايرنو من الجهة الشمالية ومرتبطة اهلها المتوزعة اثنياتهم في كل قارة افريقيا الكبري ويتماذج فيها الافريقية مع العروية
في تعايش وتصاهر وترتبط مع مايرنو في حركة اسواقها ومدارسها وايضا في السفر صوب شرق النيل الازرق صوب قري اخري مترابطة فيما بينها ..
وتجدهم يدا واحدة في الافراح والاتراح وكل مناحي الحياة من رياضة وزراعة
وتقع في المسافة الفاصلة ما بين هذه القري الثلاثة ومايرنو..
مدرسة مايرنو الثانوية للبنات التي تجمع اهل كل القري الثلاثة في تماذج يعمق العلاقات ويصهر الجميع في حب الوطن والارض
وايضا لن ندخلك الي موسكو او مايرنو قبل ما نوريك حاجة عن الفرقان مثل فريق عمنا الراحل (هاشم مودي) وفريق لبيبا وفريق ناس جالون دنقلا...
ونعود
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: محمد عبد الماجد الصايم)
|
Quote: يا عمكـ
حمدلله ع السلامة ياخ!!
باللاي بعد ما تخلص من مايرنو
أدينا لفة على العمارات السوامق دي خلينا نشوفها وين!! |
هلا يا ود الصايم
وبركة الشفناك يا فردة بعد تيه وحزن وتشرد كبير
والهكر الوهم ده وقع لي في الاتو بتاعي والليلة لو ما رفعتو فوووق في سماء مايرنو اصلو ما بخليهو
عشان يشوفو كل اصحابي الجميليين
ناس فاليا وعبدو بتل وثاني وجورجي والمو...
والزول ده قايل الناس مقطوعة من شجرة وجات شالت باصوريد وجات تردح في المنبر ده...
كن بالجوار وسنكلمه عن العمارات السوامق والاسامي الاجنيبية والويسكي ذااااااتو
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: عبدالكريم الامين احمد)
|
واقفين وين احنا يا مكيافيلي يا كرور..
ايوه الان نحن نغادر فريق ليبيا وحي عمنا الراحل هاشم مودي وفريق جدنا يعقوب علي او يعقوب (الي) كما يرددها اهل ذلك المكان...
وممكن وقبل ما نغادر نوديك لناس (مانو ) وعزالدين في فريق (بامنغا) او (ابا بامنغا) عشان كل واحد فيهم يقطع فيك كف كفين بيدينهم العاملة زي الطالوش
عشان تااامن وتاني وتهكر الناس وتعمل حركات...
وممكن ندي عبدالرازق طله في فريق حي الزهور يتف ليك في راسك ده تفة تفتين عشان تبطل شغل القباليس والشواطين الفي راسك المدوقس ده......
والا ن نحن في المنطقة الفاصلة ما بين مايرنو وتجمع القري الشمالية المحيطة بها...
وتستقيلنا مايرنو في بداياتها في حي بانت او فريق بانت حيث عليك النظر الي الجهة الغربية من الطريق لتري الحواشات التي ضربها البور والجفاف
في زمن الجفاف والانحطاط الزراعي الذي قتل الزرع...
ثم الان في لمحة من المركز الصحي من مايرنو ثم المعهد الديني ثم مايرنو الثانوية اولاد..تكلم المدرسة الشهيرة التي درس علي كراسيها الكثير من الاصدقاء
من مايرنو والقري المجاورة...وهناك لو طفنا عبر التاريخ لجلبنا من يحدثك عن الكثيرين من معلمهيا مثل تاج العارفين او استاذ التاج كما يحلو لتلاميذه...
ونعود
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: عبدالكريم الامين احمد)
|
والان يا هكر يا مجرم يا هلامي
الان نحن في التقاطع الداخل الي مايرنو من شارع سنار الدمازين ...,,,!!!!
ولن ندخل الان الي مايرنو بل سنجلسك قليلا في الكافتيريا المشيد في ذلك المكان بالقرب منه البنشر وليس ببعيدا من هذا المكان في الجهة من الزلت
وليس الظلط يا هكر يا مجرم تتواجد طرمبة بترول مايرنو او( الترمبة) يا ترمبة انت..!!!
وان كان الوقت مساء فليك علي اطلب ليك واحد شيشة لراسك المدوقس ده وانادي علي اثنين من الفرد يغسلوا ليك راسك الماكن ده بموية بحر مخزنة من زمن الفيضان عل ان ياتي الطمي المقدس براسك وتخلي حركات الحرامية وسرقة الانترنت دي يا (كافركا)
ونعود
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: عبدالكريم الامين احمد)
|
وفي هذه الزاوية وبعد ان نغسل لك راسك المدوقس بالاستعانة بالبنشرجي الذي يصطاد السيارات التي اهلكت اطاراتها في طريق سنجة الردي
العالي الحفر والمرمات عليك طوالي ان تنظر صوب الغرب تماما....فهنالك تتواجد ساحة الكورة في مايرنو او ميدان مايرنو للكورة...وسنجر لك الزمان
دورات لتمتع نفسك بالكورة الافريقية وقبل كل شي نترحم علي روح ابناء مايرنو العظام من اللعيبة الذين ابتلعهم النيل الازرق في حادث شهير
ابكي كل اهل تلكم الفيافي عندما ابتلع النيل الازرق ابراهيم فاليا واصحابه في حادث المركب الشهير........
ففي هذ المكان كان يجري اروع دوري في السودان ولو وجد الاهتمام ساعتها لرفد الوطن باروع نجوم الكورة واحرفهم
فهنالك فاليا اللاعب الاسطوري صاحب الاسلوب الذي يشابه العجوز روجر ميلا
ثم ابراهومة ونور الدين باولو وعبدالرحمن شقل والمهندس عبدالمنعم محمو د واخوه عوض...
وايضا ياتي فتية فريق الاهلي المبدعين في زمن الشعار الكبير (اهلي لئب وتكتيك)...وما ادراك ما الاهلي من نجوم وحرفنة من خضر وصديق
وابراهيم ولمرحوم عيسي بله والسيد حامد والنور يحي واحمد لونغا (وكرشة لو عرفت ياهكر كرشة ده منو تعال بديك مليار لاعمار ادواتك الهكرية)
ونعود
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: طارق أحمد خالد)
|
Quote: حمدالله على السلامة.. أهل الكروش بدون قروش
الصايم صاجب العين الحارة.. إفتقدنا زي ما افتقدنا المنبر العام ومنبر الهندسة العامل حسكنة |
هلا يا طارق وحبابك ياخي
وكرش ود الصايم هينة يا طارق بجكة بتتحلق وتتساوي زي التتريب
ولكن الكلام البوجع جووووووووه القلب هو منبر اليوم الحار الشالو الهكر ابن اللذينة ده
شاحد ربي يشيلو تايسون هوووك يخلي ريحتو طير طير
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: عبدالكريم الامين احمد)
|
كيكي
| Quote: وان كان الوقت مساء فليك علي اطلب ليك واحد شيشة لراسك المدوقس ده وانادي علي اثنين من الفرد يغسلوا ليك راسك الماكن ده بموية بحر مخزنة من زمن الفيضان عل ان ياتي الطمي المقدس براسك وتخلي حركات الحرامية وسرقة الانترنت دي يا (كافركا) |
سلامات يا عمو
ياخي انت شكلك كدا زعلان من الزول (الهكر) دا شديد
ياخي الراجل بحاول بس يلعب معاكم (شدّت) ورماكم رمية رميتين,
المرة الجاية كتــروا (الهالوك)
ما بتجيكم عـوجــة
العترة بتصلح المشي
يلا سلامات
أحمـد
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: أحمد الشايقي)
|
هلا يا احمد
وزعلان شديد جدا يا احمد من الزول المجرم مكيافيلي ده
ياخ ده اجرام وحاجة هدامة وتجني علي اشياء قيمة
ولو عرفت محلو حرم اركب ليهو طيارة طلب امشي اخش ليهو في كروش واجي راجع
واحنا يااحمد من يوم خلينا اكل الهلوك والقورو والقدقدو في الغربة العجيبة بقبينا نتهكر زي السلام عليكم 
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: عبدالكريم الامين احمد)
|
مايرنو يا سادة
لست هي مدينة الطلس ملس او الشعوذة والفقراء الذين يشدون اليهم الرحال من كل فيافي السودان بل من خليج العرب وبعض المناطق التي تحلم بالمستحيل بين ايادي الفقراء فيها...
ولكنها مدينة متماسكة بين ابائنها بروفسيرات مثل البروفسير الشهير في اللغات (الامين ابو منقة) ودكاترة ومهندسين وموظفي بنوك ومبدعين في كل نواحي الابداع السودانية وصناعية مهرة يغذون كل المناطق الصناعية في مدن السودان باحرف اهل الحديد واجملهم...
وايضا مدينة وكما ذهب رجالها الي جامعات الدارسة في كل انحاء العالم فان هنالك العديد من بناتها ذهبن الي مقاعد العلوم والدراسة ونهل من معين المعرفة الراقي والعميق...وهم منتشرون في ربوع شتي من هذا العالم...
ونعم هنالك نقاط للعمل اللدني وبها سحرة ماهرين وبها دجالين امهر...ولكن في وسط كل هذا ترقد مدينة ضاجة بالحركة الافريقية والنشاط الكبير والرغبة في العمل للجنسين في الغيط والاسواق وعلي اطراف النيل الازرق وفي مدينة سنار والمدن المجاورة وضرب اهل مايرنو بجهدهم الثر وسواعدهم الفتية
حتي تخوم القضارف حيث يطلقون عليها (القدارف)....
ونعود
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: عبدالكريم الامين احمد)
|
هكر استعد علي وزن ارنب استعد..
والان مع غسيل الراس من الطشت بتاع البنشر الواقع في التقاطع اكيد راسك بكون جاء
عشان نحملك في جولة في مايرنو شرقا وغربا شمالا وجنوبا وومابينهما من زقاقات وح ناخذ ليك صورتين الاولي في الاستديو
القريب من التقاطع والثانية في الاستديو الشهير في وسط مايرنو..وقبل ان نحملك الي مجلس السلطان عشان يتم جلدك علي رووس الاشهاد
ولكن قبل كل هذا سنعيد الزمان الي الخلف ونحملك الي الاسطوري الامين كاغو عشان تتخلع من مناظر التماسيح المجدعة في البيت والتي
جبلت علي الذهاب للتنزه في النيل الازرق ثم العودة الي البيت الاسطوري زي الترتيب
هكر استعد
مكيافيلي استعد
ارنب استعد
وبجيك
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: عبدالكريم الامين احمد)
|
مكيافيلي todamenoo
وتودا ميدنو تعني بلغة الهوسا عذبتنا وجنتنا ذاااتو ...
عذابي اولاني في امر تهكيرك لمواقع الحوار السودانية وتعطيل حركتها
وعذاب ثاني في هذا الحكي الذي لو وجدنا طريقة لوصفنا لك فيه مايرنو تلك حجر حجر وزاوية زاوية...
لذا سنعذبك نحن ايضا وسناخذ كداري او كدراويش من منطقة التقاطع الي الشارع العرضي الذي يقسم مايرنو الي
شمالا او جنوبا...
وسنكون راجلين في شارع صبت فيهو حصي لتقية من امطار الخريف ولردم الحفر التي اكلت الامطار ترابها...
وسنمر عبر شريط من البيوت المشيدة بالطين (الني) وبعضها من الطوب الاحمر الذي يتم انتاجه في الكماين المنتشرة في شواطي موسكو او مايرنو...
حتي نصل بك الي التقاطع الكبير الذي وان اخذته شمالا لذهب بك الي المجلس وطاحونة الاطرش ونواحي منازل البروفسير الامين كاغو
وان ذهبت به جنوبا لذهب بك الي احياء موسكو الجنوبية الكثيرة الغموض والضاجة باهلها الكثيري العدد حتي بعض البلدات والزراعة الفقيرة في جنوب موسكو في منطقة يطلق عليها الشرامة اسم له دلالة بذئية...
ونعود
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: Ana Zaty Omdur)
|
Quote: رحبا كيكى وحمدا لله على السلامة
و الله الهكر إتلوم معانا بالحيل
ويا كيكى أديله لامن يأمن
وماينرو دى يمكن مريت بيها ذى دشليون مرة كده فى طريقى لكركوج
وصف جميل ومتابعين |
هلا يا هندسة وحبابك
والهكر قطع راسنا ياخي الله يقطع مويتو وكهربتو دنيا واخرة..
والبزعل في الامر انو مستفز وشايف الناس الهنا دي جاية من كوكب تاني وعندها عمق عميق في السودان ده
وياسلام علي كركوج واهلها الطيبين ياخ
والصابونابي والجزائر وميناء وسنجة وود اللعيز..
والليلة يا منيرة مع زعلة الهكر دي الزول لو ما جراها للحبشة حلة حلة ومدينة مدينة ما برتاح اصلو
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: عبدالكريم الامين احمد)
|
,والا ن يا هكر نحن علي مرمي حجر من سوق مايرنو الاسطوري الواقع في الشارع العرضي الواصل من طريق الدمازين حتي النيل الازرق في مشرع مايرنو المودي الي الشيخ طلحة وكل المناطق الشرقية في النيل...
ولكن عفوا لن اكمل معك التجوال في السوق فان هناك اخريين سيقومون بهذه المهمة وسيرجع الزمان لنعيد الراحل (عبدو بتل) وسنلسمك له والي ثلاثة اخريين من عتاولة موسكو ولكن مع التسليم ساهمس لهم بالتالي (WANG SATAAAAA)
WANG BRAWWWWWWWA
اي ان هذا الرجل لص ...هذا الرجل حرامي
ولو كثرت وعملت فيها قليل ادب لهمست لهم ايضا
WANG MAGI MAGI
اي ان هذا الرجل سي وزول كعب ياتي عمل قوم خسف بهم الارض (او بالعربي كده قوم نبي شهير)
وساعتها لا تلومن الا نفسك مع الدق والكبع
وسنعود
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: عبدالكريم الامين احمد)
|
ساذهبب انا الي تناول سلاسل الاقاشي عندك عمك (اتفضل بحقك) وهو ليس ببعيد من منطقة التسليم والتسلم
وقمة المتعة ستكون عندما يكون السوق في كامل تمامه من باعة متجولين وبائعات للروب والقدوقدو والكنو والكنو هي مديدة مدهشة تصنع من الدخن
وسيجوب بك هذا الثالوث هذا السوق الضاج علي انغام
نمقوما نمقوما نمقوما
وهذه النمقوما تعني
اقبض اقبض اقبض
تردد في ساعات مساككة الحرامية واللصوص حينما يطاردهم الاخريين..
وساتواعد معهم علي ان القاهم مرة اخري عن الشاطي حيث البنطون المودي الي الشيخ طلحة
ونعود
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: عبدالكريم الامين احمد)
|
سيجوب بك الثالوث السوق الافريقي النشط حتة حتة يا مكيافيلي
الطبالي والمحلات الثابتة والبائعات المتجولات والقهاوي العديدة المنشرة في سوق مايرنو بالاضافة الي محلات العيش والافران والمطاعم
والباعة المتخصصين في الاسماك المميزة ويحدثونهم عن هذا الحرامي (سركن عولمة) اي حرامي سلطان العولمة الانترنت....
سوق مايرنو سوق رغم حجمه الصغير الا انه من اكثر الاسواق نشاطا في يوم السوق الذي يتوافد اليه الكثيرين من اهل مايرنو بكل انواعهم والقري المجاورة التي تضرب عميقا حتي ام شوكة وحلة البير في الجنوب الغربي وحلال الشرق ايضا...
وهو سوق كبير لبعض المحاصيل والمنتجات المحلية ونموذج حي للسوق الافريقي في حركته ونمط الباعة من الجنسين
وهو يقع عميقا في وسط مدينة مايرنو ...
وفي الايام العادية يميل هذا السوق الي الهدوء والحركة الروتينية ولكنه في كل اللحظات يظل متميزا باهله وتجاره وكل الباعة في الاماكن الثابتة والطبالي المتحركة بالاضافة الي محلات الاسماك الشهية...
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: عبدالكريم الامين احمد)
|
الصديق كيكي
تحياتي
دعني أرفد بوستك بمادة كتبتها في بوست أخر
كتب السيد ميكافلي
Quote: تم اغلاق منتدى معارضى الضل البارد
والشقق الاجنبية والعمارات السوامق
المتكلمين باسم المهمشين وهم بشاليهات الدول الاجنبية
غير دارين بمعاناة الشهب المسكين والمتاجرين بقضايا دارفور وهم بعيدين كل البعد عن دارفورر واهلنا في دارفور
سؤال :
حصل واحد منكم شاف مايرنو او امبدا ؟
حصل واحد منكم طلع الساعة 6 صباحا عشان يلحق المواصلات قبل الزحمة ؟ |
.........نلاحظ أن الرجل أستهدف أمين الموقع في شخصه ابان غزوته الالكترونية
الأولي ......أما الغزوة الأخيرة فقد ركز علي عضوية المنبر حيث وصف المنبر بأنه
:| Quote: منتدى معارضى الضل البارد |
.....بمعني أن خط المنبر العام يعبر في مجمله عن المعارضة وأن الصوت الداوي
لأغلب عضويته وهو المعارضة ثم عرج ميكافلي علي الاتي
Quote: ......غير دارين بمعاناة الشهب المسكين
والمتاجرين بقضايا دارفور وهم بعيدين كل البعد عن دارفورر واهلنا في دارفور
سؤال :
حصل واحد منكم شاف مايرنو او امبدا ؟
حصل واحد منكم طلع الساعة 6 صباحا عشان يلحق المواصلات قبل الزحمة ؟ |
وهنا يرتدي القرصان ثوب الوطني المهموم بقضايا الغلابة ومواقع المسحوقيين
والمهمشيين الفعليين (من منظوره) ثم شرع في التشكيك والتساؤل عن إن كانت
" معارضةالضل البارد" قد ذاقت معاناة الجري وراء لقمة العيش أو زارت مواقع المعاناة الحقيقية?
........وهنا يحق لنا أن نسأل لماذا يعلن القرصان مساندته لمعارضة الحارة
والتي أكتوت بسجون النظام وبتعذيبه وتشريده وتكميمه للأفواه?
بل لماذا لم ينحاز للمواطن العادي الذي فقد مجانية العلاج والتعليم ولقمة
العيش الشريف وفقد حريته وحقه في التعبير?
.........والأهم من ذلك لماذا يكترث القرصان لمنبر لا تتطلع عليه الاغلبية في
مايرنو او امبدا ومعسكرات اللجوء والنزوح وأغلبية الريف السوداني بدلا
من أن يركز علي أس الداء ومصدر البلاء: أي نظام الانقاذ الذي طال دماره
وخرابه الريف قبل الحضر والقري قبل المدن? لماذا لم يواجه من أفقر الجماهير
وأجاعها وشردها وقتلها وعذبها ? ومن مزق نسيج البلاد الاجتماعي وأشعل الفتن
العرقية في ربوعها? ومن فرط في سيادة وتراب البلاد وعزتها وكرامتها?
ومن كمم الافواه وصادر الحريات?
......نعم لماذا صمت القرصان عن كوارث الأنقاذ ولماذا ركز علي بعض مظاهر
المعارضة السلبية بدلا من الانحياز للتيار الاعظم والايجابي للمعارضة ?
........أنطلاقا من كل هذه المشرات أري أن أمام مفردات تتطابق مع خطاب
السلطة: معارضة الفنادق /معارضة الباردة/العمالة الارتزاق ...خطاب يصب
في مصلحة النظام ويستهدف خصومه ويسكت علي فظائعه .....خطاب أزعجه خـط المنبر العام والمعارضة الفاعلة فيه ولكنه سعي للتذاكي وأختزال مجمل
المعارضة في بعض الاصوات النشاذ وذلك بهدف تشويه المعارضة والتشكيك في مراميها
.........نعم نلاحظ أن الرسائل ركيكة الصياغة والتركيب ولكنها محددة الاهداف
1- أستهداف شخص أمين الموقع ومحاولة تحقيره2- أستهداف خط المنبر وعضويته الفاعلة وتصويرها بأنها بعيدة عن هموم الغلابة وقضايا المهمشيين وتصويرها بمظهر
المترف والمنعم والذي يتقلب في نعيم الفنادق ومراتع الثراء!!!!
.....والسؤال هل الركاكة وطابع التشفي الشخصي عبارة عن تعمية وتمويه
وذر للرماد في الأعين لأعطاء القرصنة طابعا فرديا وأستبعاد جانب المؤامرة
المنظمة وتخطيط جهة ما !!
........... والسؤال من هو المستفيد من تدمير الموقع?
ومن هو المستفيد من تشويه رسالة المنبر وتشويه المعارضة?
كمال
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: Azhari Nurelhuda)
|
| Quote: والليلة يا منيرة مع زعلة الهكر دي الزول لو ما جراها للحبشة حلة حلة ومدينة مدينة ما برتاح اصلو |
الهكر دا لو عمل حاجة واحدة كويسـة إنو إستفزاك لحد ما أخرجت هـذه المعلومات التراثية الهامـة..
بمناسبـة الحبشـة، كنت قايل حدك الدمازين، وبالكتير تكون قطعت الكبرى للرصيرص.. وياريت لو برضو كلمتنـا
عن أهلك الوطاويط فى ود الماحى.. ديل بشربوا من موية النيل الأزرق، وينتظروا الخريف ليزرعوا بالمطر..
حكومـة الهكر لم توفر لهم حتى بابور واحد ولو بالمضاربـة الإسـلاميـة، عشـان يقدروا يزرعوا طول السنـة
من مياه النيل.
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: Abureesh)
|
Quote: بمناسبـة الحبشـة، كنت قايل حدك الدمازين، وبالكتير تكون قطعت الكبرى للرصيرص.. وياريت لو برضو كلمتنـا
عن أهلك الوطاويط فى ود الماحى.. ديل بشربوا من موية النيل الأزرق، وينتظروا الخريف ليزرعوا بالمطر..
حكومـة الهكر لم توفر لهم حتى بابور واحد ولو بالمضاربـة الإسـلاميـة، عشـان يقدروا يزرعوا طول السنـة
من مياه النيل. |
هلا يا ابو الريش
وحبابك والله..
ولولا قليلا من الارهاق لسقنا هذا الهكر حتي سوق ماركاتو الشهير في اطراف اديس..ونادينا علي اهل تسفاي بمضايرته وضربه ضرب غرائب الابل الاسفيرية...
وحتما سنعود ذات يوم يا ابو الريش للحديث عن كل الوطاويط وكل اهل الصعيد الطيبين المهمشين تهميش تاريخي
ولكن رغم كل ذلك يسظلون اروع الناس ويكفي انتاجهم لاحان الوازا ذات النغمات الساحرة
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: Azhari Nurelhuda)
|
Quote: أسمع إنت مادام في مايرنو دي... ماتخلي فكي أبكر ده يرنو بهكراية... كده...تخلي يشوف ال screen طشاش و يلمس ال keyboard زي النار... الهكر الوهمة ده...
أرفعه.... رفع يومه.... |
هلا يا ابو الزهور
وعزرا علي التاخير
واخوك صار مهكور برا وجوا واسفيرا مع الغربة ام قدود دي
وفكي ابكر حالف بطلاق نسوانه الاربعة ما يخلي مكيافيلي ده في حالو...وضروري يرفع جنينة
يرفع جنينة... ويخليهو يلف عكس الهواء وهو يكورك
سامحوني يا ناس سودانيز
سامحوني يا ناس سودانيز:
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: kamalabas)
|
Quote: .. والسؤال من هو المستفيد من تدمير الموقع?
ومن هو المستفيد من تشويه رسالة المنبر وتشويه المعارضة?
كمال |
هلا يا ابوكمال
ودي اسئلة مهمة والايام القليلة اوضحت الكثير من ملامح هذه الهجمة الذي ظهر جليا بانها منظمة ومدورسة
الهدف منها تدمير هذا الموقع تماما وتحطيم كل مخزونه العظيم
ولكن لن يدوم كيد الكائدين طويلا
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: Masoud)
|
| Quote: عندما تعود لأمريكا لا تنسى أن تحضر لنا من مايرنو ما يسر البال ويشد الجسد!! فاهم؟ |
هلا يا مسعود
ومشتاقين ياخي وبركة في الطلة..
ووصيتك علي العين والراس
بس الخوف اصحابك ناس بدرالدين وابو ساندرا ومن لف لفهم عجائز الدوحة يسطو علي متبقي ما يشد الجسم ويسر البال..
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: Masoud)
|
عبد الكريم ما تقول أنت من عندنا ياخى
أنا من سنار حى تكتوك
ومايرنو لا تقل عمارا عن سنار المدينة بعمارتها السوامق ومساجدها وأسواقها ومدارسها
وما عارفة ليه الأستاذ ميكافيلى صورها وكأنها مكان قصى أو مهمش لم يسمع به أحد
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: rosemen osman)
|
Quote: عبد الكريم ما تقول أنت من عندنا ياخى
أنا من سنار حى تكتوك
ومايرنو لا تقل عمارا عن سنار المدينة بعمارتها السوامق ومساجدها وأسواقها ومدارسها
وما عارفة ليه الأستاذ ميكافيلى صورها وكأنها مكان قصى أو مهمش لم يسمع به أح |
هلا يا روزمين وحبابك...
وانا اقول الكتابة والصهيل الاسطوري الجابتو الزولة دي...جابتو من وين
وحبابك وحباب اهل سنار العزاز ...
وانا يا روزمين من ودهاشم في المسافة ما بين سنار ومايرنو وكل الفيافي تلك لها الحب الكثير والانتماء الصادق لاهلها الطيبين
ودهاشم (ملي) حبيبتي....!!!
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: unixo)
|
Quote: عبد الكريم
حمد الله على السلامة .. وكل سنة وانت طيب
يا خى الزول العكليتة دا ما فضل الا يرجعنا لايام
خور جهنم وحى مرازيق فى النهود
ابق عشرة وسلم على الظريف احمد |
هلا ينكس ومشتاقين شديد ومفتشين عليك ياخي ..
والزول ده يا احمد بخلي اي واحد فينا يتحسس جخانينو وكراكيره وعمق الممتد داخلا في هذا الوطن
لانه حقاااااااااااار ياخي و,فعلا غشوة لحي مرازيق ضرورية للتفاهم معاه عقبها:
وستصل تحاياك لاحمد الامين...
....ضروري يا احمد مراسلة الاستاذة حليمة عبدالرحمن لامر مهم عبر بريدها الالكتروني
وكل الود
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: khaleel)
|
Quote: مكيافيلي الهكر الذي هكر وسطا علي موقع سودانيز اونلاين
ذكر فيما ذكر مدينة مايرنو وتحدي اعضاء المنبر ان كانو قد شافوها او سمعوا بيها.... |
ولايهمك ياهندسة الظاهر زولك يكون قاصد
مايرنو المريخ !!!
ألف حمد على السلامة يا كريم .
المركبه مبحرة فى سلام ،،
ولى قدام .
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: Amiral)
|
هلا يا اميرال
والهكر ضروري يااااااااامن فنيا ووجدانيا ولازم يعرف انه خطابه مهزوم وفنياته مهزومة
وانه منفعل انفعال كاذب بالدوافع التي جعلته يهكر موقع عاتي وشاهق مثل سودانيز...
خليك من مايرنو انا متاكد بانه لو ذكر اي مكان في هذا المليون ميل مربع
لوجد منا يلغمه حجرا ويبلعه كلام المريض السطحي هذا..
| |
|
|
|
|
|
|
|
|
|
Re: رفع المايرنوي للهكر ميكافيلي...!!! (Re: Siddig A. Omer)
|
Quote: و الله يا عبدالكريم كان لقيت لى فرصة كنت اسرد ليك أسماء دفعتى الذين درسوأ معى من مايرنو فى سنار المدينة.
و فى معهد الكليات التكنولجية.......
لى رجعة وقاعد معاك هنا.....
يأميكافيلى ياخ ذكرتنا "القدوقدوو الاقاشى" |
هلا يا صديق ومشتاقين والله
وحبابك وحباب سيرة مايرنو الشهيرة بموسكو
فشبابها رائع وفنجري وراقي وياريت تواصل معانا حتي تسهم في الاضافة لهذا الرفع الخاص للهكر الابن لذبنة ده
وفي انتظارك يا صديق
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: عبدالكريم الامين احمد)
|
سلامات يا باشمهندس
على وعدى بخصوص الصور وأعمل الآن على تنزيلها.
حتى الآن العدد (22) والرأى كيف ؟
تبدأ من شارع الحرية بسنار مروراً بودهاشم حتى مرسى الشيخ طلحة.
أنزلها : سيكون منظرها بايخ لأنها لن تكون متماشية مع سياق سردك الظريف.
إنزالها بعد السرد: أعتقد لن يكون ممتعاً .
غايتو لو عندك ترى إرسالها بالإيميل ممكن أنزِّل عنوانى الما خايف منو لأنو مكشوف للجماعة فقد تلقيت رسائل عليه:
أو أنزل تيلفونى ترسل لىّ فيه الإيميل بتاعك.
محتاج لأمارة ( كافتيريا البركة مثلاً أو مدرج المطار الفى ودهاشم؟)
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: أبوبكر أبوالقاسم)
|
| Quote: محتاج لأمارة ( كافتيريا البركة مثلاً أو مدرج المطار الفى ودهاشم؟) |
هلا يا ابوبكر
واثرت فينا اللواعج والشوق يا رجل لمدرج الطيارات القابعة في مدخل ودهاشم...
وهي مربوطة في داخلي بريح واعصار مهيب خرب الكثير مثلما خرب مكيافيلي ايامنا السابقة
وفي اخر زياتي في السنة السابقة وجدت بقايا طائرات عصفت بها الريح....
ياخي نزل الصورة انت والبوست ملك حر وفلنفعل الية العمل المشترك في هذه السياحة صوب مايرنو والفيافي والقري المجاورة لها
وقد وهبنا الرعديد ميكا فرصة كنا نتظرها طويلا لرد الدين لهذه المنطقة...
نزل الصور وسنساعدك بالتعليق وبالتاكيد انها ستثري التحليق والسفر
وفي انتظارك صورك يا ابو بكر
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: Tariq Mohamed Osman)
|
Quote: كيكي
ياخي ده وصف انا كنت قايل جورج امادوا كاتبه
بضبط بيشبه كتابة امادوا لناس اسفل المدينة
فى "كانكان العوام الذى مات مرتين"
فياصديقى انت مشروع كاتب ضل طريقه للهندس |
هلا والف تحية واشواق يا طارق
وشكرا يا طارق علي كلامك الجميل وتحية شاهقة لرائد الواقعية السحرية (امادو)
فهذا جبل شاهق ومعلم كبير وكانكان العوام الذي مات مرتين سفينة من دهشة الحكي والسرد الشاهق
وفي انتظارك هنا
[email protected]
وتحياتي
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: عبدالكريم الامين احمد)
|
الدفعة الثالثة:
منظر من المُشرع والنيل الأزرق
أزيار تتوسط أشجار النيم وسُقيا العابرين
الأقشيه
الأقشيه 2
84
السلعة الرائجة فى السودان
لافتة المدخل فى إتجاه العودة إلى سنار
المؤتمر الوطنى بمايرنو وكانت اللافتة تبدو على البعد فى صورة اللافتة الأولى
لافتة وداع سنار وبداية إختصاص ودهاشم المشروع
شارع الحرية بسنار وأشجار القولدمور البديعة
صيدلية الحرية بشارع الحرية ومجمع الدكاترة
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: أبوبكر أبوالقاسم)
|
هلا وياسسسسسسسسسسلام يا ابوبكر ياخي
ولعت فينا ليس جمر الحي فقط بل كل جمور الحي والاحياء المجاورة والصور اعطت البوست بعد لا يضاهي
وكنت اعتقد بانني سابداء التعليق علي هذه الصور من بدايات شارع الدكاترة والاجزخانة الشهيرة فيه ودكان الخواجة بسنار
ولكن يجب ان تكون بدايتنا هي الصورة اعلاه لما فيها من دلالة وعمق واحداث ...
فهي صورة للمزرعة النسوية التي تجمع نساء تجمع قري ودهاشم الثلاثة وقد بادرت منظمة هولندية نشطة في مجالات تنمية الريف في اشاعة واحدة
من انصع تجارب تنمية القري والريف في ذلك الزمان وبذلت جهدا كبيرا وفصول للاقتصاد المنزلي ورفع الوعي لدي النساء بقضايا التنمية الريفية
وذهبت الامور الي اعلي من ذلك حيث جسلن العديدات من اخواتنا من بنات ودهاشم في منح تنمية الريف في مقاعد الدرس في جامعة الاحفاد المهتمة في منهجها الريفي بهذه المنطقة....وهذا المزرعة كان المومل ام تربط النساء في تلكم الفيافي بالحقل والمساهمة في فلاحة الارض عبر ارضها وتجهيزاتها
وتركتورها الوحيد ثم حظيرة لانتاج الدواجن عملت بكافة وتجهيزات جيدة ...وولكن بالاهمال لمثل هذه المشاريع النيرة يبدو ان الامور قد صارت الي بور
هكذا بدا الامر بالنسبة لي في اجازتي الاخيرة...
مشروع تنمية المراءة في ودهاشم كانت ولايزال متكامل في كل عوامله
1-الارض
2-المراة الواعية
3-الكادر المدرب والواعي بقضايا تنمية الريف
4-حماس كل اهل المنطقة واتفاقهم علي مثل هذه الاشياء ودعمها من كل قطاعات تلكم القري من اهالي وخريجين
فهل نجد من اهل السلطان والحكومات من يلتفت الي تلكم التجارب النيرة ويدعمها الي الامام
من اجل الريف
ونسائه الصابرات الموهوبات...
وسنعود الي كل الصور يا ابوبكر صورة صورة
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: عبدالكريم الامين احمد)
|
وماشي معاك حبة حبة يا ابوبكر حتي نصل الي اعماق مايرنو..
وهنا ايضا صورة للحواشات الجرداء من مشروع ودهاشم الزراعي المثير للجدل
ارض خصبة
ومزارع خبير بدروبها
ومياه الازرق علي مرمي حجر منه
وترعات تئن في انتظار من ينظفها ومشروع ترنح ما بين ادارات لم تعطي الاهالي والارض والزراعة حقها في ظل اللخبتة العالية
في علاقات الانتاج والتخصيص,,
وهذا المشروع يحتاج الي حديث كثير وعميق وسنعود اليه بالتاكيد..ولكن الان مادين في السكة صوب مايرنو لرفع الهكر الرعديد
ولكن صورة صورة وحبة حبة
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: عبدالكريم الامين احمد)
|
هنا وكما نلاحط انه مربط الطائرات في مدخل ودهاشم..
وتقبع فيه طائرات الرش التي تعمل علي رش المبيدات في المشاريع الزراعية بكل المنطقة
ولكم ان تلاحظو الدمار الذي حاق بها اثر هجمة اعصار نادر مر بتلك الفيافي ذات ليل وخلف خلفه خسائر فادحة في المباني
واوقع الكثير من هذه الطائرات ودمرها...اعصار بدرجة عالية ورياح سرعتها كانت رهيبة في ظاهرة نتمني يوما ان تجد من يدرسها ويقدم لاهلنا الطيبين التعامل مع هذه الاشياء بعلمية ان تكررت...
ونعود
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: عبدالكريم الامين احمد)
|
هلا يا ابوبكر
ولسع ماشين في السكة ومادين الدرب
وغبنا عن هذه المساحة وها نحن نعود اليها..
وتحملنا صورتك هذه الي مقطع جزئي وفي مساحة صغيرة من اطراف ودهاشم في الطريق المودي الي مايرنو ومنها الي الدمازين........
والملهم في هذه الصورة هي تلكم المظلة الشهيرة بين سكان تلكم الفيافي
انها مظلة (الجمري) في الاطراف الجنوبية الغربية من ودهاشم وتقدم خدمات ظلها الفقير للذين ينتظرون البصات والدفارات العابرة في هذا الظلط
وجات تسميتها بهذا الاسم تخليد للكمسونجي المرح الشهير (حامد الجمري) والذي يقع منزله في مسافة ليس بالبعيدة من هذه المظلة..
ونعود الي الصور تلك وبالتفصيل ونحن عابرين صوب مايرنو في رفع خاص للهكر الرعديد ميكا
| |
|
|
|
|
|
|
|
|
|
Re: الرفع المايرنوي للهكر ميكافيلي...!!! (Re: showgi idriss)
|
Quote: الكديس والتكة جاهزات عند شيخنا ابكر
قال ليك رسلو بعد يخلس امتحاناتو.. لأنو تاني صلباً يقعدوبو لي قراية الكديس ما بخليهو ليهو |
هلا يا شوقي
وميكا ابن اللذينة امس مسح لي بوست كبير وعريض وخلا خشمي ملح ملح
والمرة دي الكديس حيكون بري وح نعمل ليهو تمارين خربشة تقيلة حتن نسلمو لفكي ابكر يتم الباقي
وشعارنا
كل القوي تكة ميكا جوه
| |
|
|
|
|
|
|
| |
عبدالكريم الامين احمد
محمد عبد الماجد الصايم
طارق جبريل
عبدالوهاب علي الحاج
أبوبكر أبوالقاسم
khaleel
طارق أحمد خالد
أحمد الشايقي
kamalabas
Azhari Nurelhuda
Abureesh
rosemen osman
مامون أحمد إبراهيم
Siddig A. Omer
Ashraf el-Halabi
ibrahim kojan
الزنجي
showgi idriss
فيس بوك
تويتر
انستقرام
يوتيوب
بنتيريست