قلع الضرس... بوست مهم لاسابيع البورد يا ود البشرى

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 17-12-2018, 12:59 PM الصفحة الرئيسية

مكتبة اشراقة مصطفى(Ishraga Mustafa)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
17-06-2008, 08:14 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


قلع الضرس... بوست مهم لاسابيع البورد يا ود البشرى


    الما جرب وجع الولاده عليهو بمعافرة وجع الضرس
    الوجعين فيهم حاجة رابطه
    اكتر حاجة بخاف منها وجع الضرس و دكتور الاسنان نفسه
    بتزكر زمان كنت صغيره وزمن كان ناس المدرسة بيهتموا بالتلميذات ويمشوا معاهن المستشفى
    كانت المرة الاولى اللى اشوف فيها حدايد الدنيا والعالمين
    حسيت وجع الضرس راح واديتها ليكم جرية

    من كم يوم قام الضرس ينتح- ليه النتح بيحلى بالليل ياجماعة
    النهار كلو يكون الضرس مسكين وود ناس وفجأة من تخت رأسك عشان تنخمد يقوم يفرنب عجلاتو

    امس لمن حمانى النوم فى اليوم القبالو {التقول من نومى الكتير} اتصلت بطبيبى المعالج وعملت مواعيد
    قلت للبنية- اللى بتشبه بنات الحور محتاجة لمواعيد عاجلة وقد كان
    اليوم نص النهار جلست فى الكرسى الوثير
    والحدائد تلمع
    والمشارط
    والسكاكين لا حولاااااااااااااا

    الضرس ده مانافع
    لازم ينقلع

    فى النمسا مابيقلعوا الضروس
    هناك اسهل حاجة القلع
    وممكن تعمل فيها متخصص فى طب الاسنان وتأخد وتدى مع الطبيب وتقول ليهو ياخ اقلعوا ريحنا- ولاشنو يا انعام عبدالحفيظ؟

    هنا الاّ فى الحالات العجيبة
    يبدو انك بتأكلى شكولاته كتير
    ش..ك...و..... ايه؟
    الضرس ده بيكون من كد الدوم والدليب
    وبالكتير كدى حلاوة كسلا
    ولا حلاوة اشراقه- دى والله كانت حلاوة لايوقه بشكل تلصق فى اللهاة وماتلقى الطريقة اللى تطلعها بيها

    المهم قلبى وجعنى
    يقلعوا منك حاجة ..من روحك ومن جسمك دى كتيرة والله
    سألنى الطبيب لو عندى نية ارجع المكتب
    وجدتها فرصة انو ممكن تحلنى من القلع
    قلت ليهو ايوه – عندى تقرير مفروض اسلمه الليلة
    خلاص اعملى مواعيد لبكره بس على شرط تمشى من هنا على البيت طوالى يعنى مافى شغل بكره...

    من قبيل بفكر وبقارن- رغم انو مافى اوجه مقارنات
    طب الاسنان
    التعامل مع الاسنان نفسها
    نظافتها ونوعية المعجون.. هل هو فعلا معجون صحى
    يعنى معجون ابو صفقه داك وشابكيننا سيجنال يجعل الاسنان اكثر بياضا..هل هو فعلا صحى؟

    الليلة الفرحة وبكره الضبحه
    كان بيقولها البنات اللى جزت الداية بت اللذين روحهن
    بيقولنها للبنات اللى منتظرات فى صف {الطهور}

    وانا فى الطريق اتزكرت الطهور
    الضرس حايتم قلعه لانو خلاص بقى مافيهو فائدة وهى من الحالات النادرة جدا يصل الطبيب هنا الى القلع
    يعنى بيعملوا فيهو اى حاجة عشان يفضل جزء من تاريخ المضغ ولذعة المرارات- ده طبعا لينا نحنا ناس العالم النامى {شفتو التعميم ده كيف؟- معزورة مش ياعمك؟}

    طيب الطهور ده لشنو؟

    طيب!!
    يعنى بكره حايتم قلع الضرس...
    حزينة وحياة الله
    قلت لى لاختى الليلة فى مكالمة انى حزينة عشان حايقلعوه لىّ
    الطبيب نفسه قال القرار ده بتأسى وهو بيواسى فينى

    ضحككككككككككككككككككككككككككت
    وقالت لى ، مايقلعوه ياخى، هو ضرس ولا رقبه اصلوا

    بالله بقى القلع ساهل
    تقلع موبايل
    تقلع ضرس
    تقلع رقبه
    كلو زى بعضو

    المهم لحدى ما يحدث الحادث
    برجع للموضوع
    موضوع الاسنان فى السودان!!

    لكن بالجد موجوعة يقلعوا منى ضرس رافقنى كل هذه الاعوام
    العشرة مابتهون
    والشمس دى التاخد كل اسنان حمير الدنيا وغزلانها بس تحن على ضرسى ده
    ياجماعة والله حافظوا على ضروسكم


    كدى ياود البشرى الله يقدرك البوست ده مايكون بوست فى اسابيع البورد- تكون حقارة ويومها حا اكتب فيك قصيده حداسة
                   |Articles |News |مقالات |بيانات

17-06-2008, 08:23 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    بعدين ياعمك اعزرنى لو قلبت الباء تاء
    والياء ثاء

    الضرس ماهاين عليهو بكره ينقلع وهو الكان مساعد على النقة وضبط مخارج الحروف
                   |Articles |News |مقالات |بيانات

17-06-2008, 08:32 PM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    اولا كفارة و سلامتك


    تانيا قلت اجي قبل الكشيفين


    تالتا
    Quote: الما جرب وجع الولاده عليهو بمعافرة وجع الضرس
    الوجعين فيهم حاجة رابطه

    خدمتيني في دي
    تاني حنك بتاع انا ولدت وربيت
    ماب ينشي فيني
    انا ذاتي قلعت و دفعت
    طروس وقروش

    نصيحة :
    ماتخليهو عند الدكتور
    ارميهو في عين الشمش
    يرجع ليك ضرس الغزال
                   |Articles |News |مقالات |بيانات

17-06-2008, 08:42 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: osman righeem)

    Quote: خدمتيني في دي
    تاني حنك بتاع انا ولدت وربيت
    ماب ينشي فيني
    انا ذاتي قلعت و دفعت
    طروس وقروش



    أها ياعثمان يا اخوى قمنا على الغلاط- طبعا ده كلام زولة روحها اقصد ضرسها محرقها
    انا قلت رابط- رابط ده مامعناه وجع الولاده كلو
    انتو قايلين الجنة دى وضعوها تحت اقدامنا ساى
    يازول وجع الولاده الله ماوراك ليهو- المحيرنى انو بعد الوجع والالم ده نقوم نلد تانى زى الماحصل حاجه- ولله فى خلقه شئون

    نصيحتك دى غاليه
    انا ناوية ادسهو واول زول ماشى السودان يرميهو لىّ فى اى تراب


    الله يبعد عنك وجع الضرس يا اخوى
                   |Articles |News |مقالات |بيانات

17-06-2008, 09:02 PM

علاء الدين حيموره
<aعلاء الدين حيموره
تاريخ التسجيل: 07-08-2006
مجموع المشاركات: 5671

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    اها يا اشراقة النقول ليك القصة دي ..


    واحد جعلي بايت مع نسابتو .. تاورو الضرس بالليل .. والجقلبة حصلت والكوراك وقع .. والليل كلو صاحبك يكورك ...

    الصباح بدري خجل يلاقي نسيبتو وكان سألتو يوقول ليها ده من الضرس !!!
    فتش ليه لعود غلييييييييييييييد وقلع بيه عينو ...

    اها جات النسيبة تسأل فيه .. مالك يا ابو محمد الليل كلو تكورك ؟؟؟
    قال ليها جيت ماشي وما شايف والعود قلع عيني ..

    قالت ليه ابو محمد بتكورك من قلعة العين انا والله قلت يكون قايم عليك ضرس ...


    ما براك يا اشراقة

    الف سلامة ليك وما تشوفي شر
                   |Articles |News |مقالات |بيانات

17-06-2008, 09:51 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: علاء الدين حيموره)

    كيفك يا دكتورة اشراقة

    البوست ده ذكرني قصيدة الضرس لاستاذنا محمد بابكر الدرويش التي قال فيها :


    يا الضرس الأصم اللي السنين مدخور

    أتاريك منتهي بالسوس بقيت منخور

    في الدنيا أم قدود أنا كنت بيك فخور

    ما بهمّك عضم لو كان دواخلو صخور

    **

    حليل ضرسي العزيز الإنفقد يا عبوش(2)

    واسوني الجميع وفيك عزّتني بت غبوش (3)

    كم قشيت فراخ ما قنعت يوم من بوش

    بنات سنار بكن عملن عزاك في كبوش(4)

    **

    الليلة الضرس فارقني يا باسبار (5)

    حليل ابن الأصول ضرسي العزيز البار

    يا الضرس الأصم اللي اللحم هبّار

    خطير ساعة الرخاء وعند الفلس صبّار

    **

    في يوم العرس يهرج تقول طاحونة

    ما بحب في الصُفر إلاّ الملانة صحونة

    زمان بنقش بيك الخِشنة والمسحونة

    ظهر جيل ناس نزار(6) من الطريق زحّونه

    **

    تمام أنجز خدمتو لا اشتكى ولا كلّ

    ما قالو اعتذر من دعوة حاشا وكلا

    يوم ردم الصحون وبالسمك نتسلّى

    زي لمح البرق سيفاً سنين في السلة

    **

    كم فارم قلوب كبدة وكلاوي وشيّة

    وكم عزموك بنات العاصمة في المنشّية

    يا الخليت وراك كم من كفت محشيّة

    في الرتب الزمان تستاهل الباشيّة

    **

    يا الضرس الأصم اللي الحجر بتصادم

    كم كاسر عضم ولي فتّة دايماً هادم

    وكت حصل القدر وبناكا صار متهادم

    مثبوت ليك جميل لي بطني نعم الخادم

    **

    كم أفنيت دجاج ما بين مبيّض ولاحم

    وكم قشيت صُفر جاهز لأيّ ملاحم

    أفراخ الحمام ما كنت ليهن راحم

    في نسف الضلع ما ليك شريك ومزاحم

    **

    يمسي الليل بدين يصبح مهدِّن وهاضم

    وللبصل الكبار في مرارتو قارش وراضم

    مرات حسّو فوق ومرة بضرب كاضم

    وراك وشي الجميل أصبح حُفر وكراضم

    **

    للقرآن بتتلي دايماً تصلي تصوم

    مرات تنزلق من زَلّة ماك معصوم

    يا الخيرك كتير عند الله ما مخصوم

    كم صالحت ناس كانت أعادي خصوم

    **

    بنات الدندر العزّن كتير في ضرسي

    شاحد الله الكريم يحضرن جديدي وعرسي

    للحافظ فنون أدب الحياء والدرسِ

    حوى سورة (البروج) و(العصرِ) ثمّ (الكرسي)

    **

    تيلاد الكرام الْ ليكا ما هجّنَ

    ويبكنك سنوناً كنت ليهن جُنّة

    وكت حصل القدر بسرعة ليك لجّنا

    في وداعة الكريم نتلاقى جوّه الجنّة
                   |Articles |News |مقالات |بيانات

18-06-2008, 05:36 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: الطيب شيقوق)

    أستاذنا ود شيقوق سلامات

    ده والله وصف محير خاصة هنا

    Quote: ويبكنك سنوناً كنت ليهن جُنّة

    وكت حصل القدر بسرعة ليك لجّنا

    في وداعة الكريم نتلاقى جوّه الجنّة



    فى وداعة الكريم

    غايتو انا ضامنة الجنة لكن ضرسى ده مابعرفوا
                   |Articles |News |مقالات |بيانات

18-06-2008, 05:13 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: علاء الدين حيموره)

    علاء الدين ود عمى حيموره

    صباحاتك خير

    كلها ساعات ونخلص من الحنين البينا- اقصد الحنين البينى وبين ضرسى

    لكن خالتنا دى ناقشة الوجع صحى
    الوجع اللى اكلو صاحبنا فى قدة عينو



    اختك صبورة شديد
    حبة تخفض الالم والكمدة بالرمدة

    معزتى ياعلاء
                   |Articles |News |مقالات |بيانات

17-06-2008, 10:36 PM

الملك
<aالملك
تاريخ التسجيل: 02-01-2005
مجموع المشاركات: 5756

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    ..

    يا شمس شيل سن الحمار
    وادينى سن الغزال




    نشيد تلقائ حين بدأ العمر ياخذ مزاجه ,,!!
    وبدأت الأسئلة الغريبة ,,والتفكير فى كيف وماذا ولماذا,,
    إتذكر عبارة
    "انا سنى مرق اوديهو وين يمة؟!!"

    :- اجدعوا فى راس البيت ,,,وقول كده

    ..
    ..
    يا حليل الأسنان زاتا






    إشراقة كامل تضامنى مع ضرسك
                   |Articles |News |مقالات |بيانات

17-06-2008, 11:24 PM

Sabah Hussein
<aSabah Hussein
تاريخ التسجيل: 05-09-2006
مجموع المشاركات: 2024

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: الملك)

    اشراقه يختى حكاية الضروص القايمه علينا دى شنو؟

    بس الحمد لله صاحبتى طمنتنى قالت لى دا ضرص عقل عايز يقوم.

    ورفعت لى معنوياتى. يعنى لسع بسنن( ماتفهموها غلط يابتاعين السينا.)
                   |Articles |News |مقالات |بيانات

18-06-2008, 05:48 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Sabah Hussein)

    سلامات ياصباح

    ضرس العقل ده كمان سغيل خلااااااااااااس ياختى
    يطلع ليك من نص اللحم كدى ويعافر عشان يشم الهواء التقول اللسان ده ذاتو لاقى هواء
    وجعو ده كمان براااااااااااااه
    ياوب قامن لىّ
    شفتى ليك محن- ضروس عقل تجى بعد منتصف الاربعينات

    يالجمال الطفولة!!
                   |Articles |News |مقالات |بيانات

20-06-2008, 11:58 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Sabah Hussein)

    Quote: يعنى لسع بسنن( ماتفهموها غلط يابتاعين السينا.)
                   |Articles |News |مقالات |بيانات

18-06-2008, 05:44 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: الملك)

    ياملك

    ياخ سن الغزال دى انا ماعارفة ليه الناس مكنكشين فيها
    سنون الارنب مالها
    والحمار المسكين ده مالو عيبو لىّ

    انا غايتو لو شاورونى عاوزة سنون عصفورة

    زماااااااااااااااااااااااااااان كنا بنفرح لمن تنقلع سن
    خلاص بداية الشباب والصبا
    بعد سنوااااااااااااااااااااااااااااات يبدأن يتقلعن تانى
    وكل ماينقلع ضرس تحس بايامك نقصت... بالمنطق كدى اصلها بتنقص مش؟
    عارف بالكنكشة فى الاسنان دى تقدر تلقى اجابة لكنكشة جماعتنا من استقلال البلاد فى الكراسى اياها


    عندى صاحبتى مقلعة خمسة اضراس
    ليوم الليلة محيرانى اشواقها للنحم {اللحم} وسبّاقة فى المضغ
    والمحيرنى اكتر ليوم الليلة راجلها بتكلم عن جمال اسنانها روضتن الفريدة

    وكامل تضامنى ايضا مع ضرسى المسكين!!
                   |Articles |News |مقالات |بيانات

18-06-2008, 00:20 AM

ناهد بشير الطيب
<aناهد بشير الطيب
تاريخ التسجيل: 08-02-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    اشراقة ياحبيبة .....

    زمان يااشراقة

    كان القلع بدون مخدر ...
    وكانوا بيثبتوا المريض بالركبتين ...
    (ركبتين الحكيم).....اتخيلتى المنظر؟


    سلامات على العموم ...ونشوفك بخير...

                   |Articles |News |مقالات |بيانات

18-06-2008, 05:58 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: ناهد بشير الطيب)

    Quote: زمان يااشراقة

    كان القلع بدون مخدر ...
    وكانوا بيثبتوا المريض بالركبتين ...
    (ركبتين الحكيم).....اتخيلتى المنظر؟


    عاد ياناهد يابت امى ده ما الهناى ذاتو
    جارتنا {الشمشارة} بى ثقافة العولمة { شمارتية} كانت دايما بتقول

    {هووووووووى يابنات احمدن الله والله نحنا زمان طهرونا من غير بنج}

    اها بمناسبة من غير بنج دى اتزكرت ولادة الحبل
    وسوء التغذية
    والمرأة الحامل والمرضع من النادر يكون عندها غذاء خسوسى ده لو لقت يكون جوز حمام
    { ليوم الليلة موجعنى الحمامات اللى اكلونى ليهم ايام الملاريا والتايفود الكوستاوى}

    عارفه ياناهد صاحبتى الموضوع بتاع الضرس ده وراهو مواضيع تانية
    ربما مدخل تمهيدى لسياسة الجسد فى السودان وتابوهاتو


    اها قبال ما اسرح نتلاقى فى الرملة الدقاقة- دقاقة الكلام والحكى والتحليل
    وانشاء الله لا تفوتى لاتموتى ياناهد بت امى
                   |Articles |News |مقالات |بيانات

18-06-2008, 03:07 AM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    لاغراض الاحصاء


    اثنان من البوردابيات الفهيمات
    بفقدن ضروس العقل
    خلال النصف الاول من هذا العام

    ترصد الاثار لاحقا
                   |Articles |News |مقالات |بيانات

18-06-2008, 06:33 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: osman righeem)

    اشراقة

    Quote: غايتو انا ضامنة الجنة لكن ضرسى ده مابعرفوا


    ربنا يشفيك
                   |Articles |News |مقالات |بيانات

18-06-2008, 06:54 AM

ابو جهينة
<aابو جهينة
تاريخ التسجيل: 20-05-2003
مجموع المشاركات: 20346

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: الطيب شيقوق)

    إشراقة

    سلام و تحية

    أولاً ألف سلامة ...

    أما بعد :

    في كثير من الأحيان نسمع : الدكتور ساب الضرس البينتح و قلع السليم.

    سوداني هنا من النوع الأخلاقو في نخرتو ، مشى لطبيب مصري قلع ليهو الضرس السليم .. و صاحبنا بالليل قام زي المجنون لما الضرس تاور تاني.
    من الصباح مشى للدكتور و قال ليهو : شوف لا تقول لي كاني ولا ماني .. قبال تقلع الضرس البيوجعني دة ترجع لي ال قلعتو في بكانو ..
    غايتو لوا الأجاويد الزول كان داير يدخل إيدو في خشم الدكتور و يقلع ليهو ضروسو جَبِد ساي.

    دمت
                   |Articles |News |مقالات |بيانات

18-06-2008, 06:57 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: ابو جهينة)

    Quote: في كثير من الأحيان نسمع : الدكتور ساب الضرس البينتح و قلع السليم.


    مساك الله بالخير ياصديقنا ابو جهينة

    انت جيتنى فى الحتة الاصلا عاوزه اصل بيها بالبوست ده
    حاولت اديهو طابع ونسة ومن خلاله نشوف مشاكل الاسنان فى بلدنا

    رغم انى بتزكر فى منتصف التمنياينات ايام الانتفاضة ومركز مساعدى طب الاسنان فى الشهداء بامدرمان
    يطيبوا ليك الضرس زى الماحصل حاجة

    يعنى التدهور اللى طال المرفق ده مابنفصل من التدهور اللى اصاب كل المرافق فى {الدولة}
    وده انعكاساته علينا بتظهر فى طريقة تعالمنا مع اسنانا

    يعنى المشى للدكتور ده وده بيدخل فيهو العامل المادى طبعا- بيتم بعد خراج الروح
    وفى الاول تكون البداية بالادوية البلدية
    شىء قرض
    وشىء قرنفل
    وحتى الصعوط

    ده بيخلينا من جانب نفكر فى مسألة العودة الى الطبيعة- دى حسع اللى بيعملوها ناسنا هنا
    بمعنى جدوى الادوية البلدية
    ومن جانب آخر انو الادوية البلدية دى ماخضعت الى تجارب
    اهو بنتعامل مع الحياة بطريقة تتسق مع فكرة {عدى من وشك- اى حاجة والسلام}

    ده بيلقى الضوء على سياسات الصحة فى بلدنا
    شفت الموضوع ده متشعب كيف؟

    شكرا يا ابو جهينة على رمى بعض من ثمار افكارك النضرة

    وتسلم
                   |Articles |News |مقالات |بيانات

18-06-2008, 03:12 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: الطيب شيقوق)

    Quote: ربنا يشفيك


    ربنا استجاب لدعوتك يا ود شيقوق



    معزتى
                   |Articles |News |مقالات |بيانات

18-06-2008, 06:47 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: osman righeem)

    Quote:
    اثنان من البوردابيات الفهيمات
    بفقدن ضروس العقل
    خلال النصف الاول من هذا العام





    لاغراض الاحصاء!!
    يعنى الاحصاء بقت بس فى ضريساتنا ديل ياعثمان؟
    كدى عليك النبى فكر معاى عن علوم الاحصاء فى بلادنا
    كل تنمية وتطور بيقوم على دعائم من ضمنها علوم الاحصاء
    تقوم السياسة تدخل فى النص
    يكتلوا ناس
    ويولدوا تانين
    يزحوا ناس
    ويجيبوا ناس للمشاريع الزراعية
    ويتزاوجون ويتناسلون ويكتر {العنصر العربى}


    حسع الكلام ده الجابوا شنو ياعثمان يا اخوى؟
    اختك والله معزوره كل ما الساعات تجرى ويقترب موعد القلع بتصحا جنون الاسئلة فينا
    لكن بعد القلع نتفاكر فى موضوع الاحصاء ده
                   |Articles |News |مقالات |بيانات

18-06-2008, 06:53 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    استراتجية {ماعسكرية} لمقاومة الالم


    فى الحالات اللى بمر بيها دى وحالات شبيهه بنادى جبريلى
    كل زول مفروض يكون عندو جبريلو- ركيزة الروح فى غرفة العالم الواسع

    كل ما امشى لطبيب الاسنان والمكنات بتاعتو تزن فى رأسى بكون فى حتة تانية
    يا بنقرأ فى كتاب
    ولا بنحكى
    ولا بشاكل- جبريل مابشاكل لكن بيفور البطن للشكل- مايفور دود القلب اكتر بنات الحور ديل يا اخوانا
    بنات حور الدنيا- عشان مايجىء زول ناطى يقول لىّ خرجتى عن السائد والمألوف-

    اها...الله يهديك ياجبريل تقوم تمشى معاى
    والاّ حا نستخدمو القوات العسكرية بتاعتنا
    وبعدين والله نعمل بيك معرض زى بتاع عرض الاسلحة اياها!!


    كدى حسع الاشواق دى نخليها بعيد- النبقى دابنا وداب ضرسنا؟
    لجبريل اضراس من حليب لو تعلمون!!
                   |Articles |News |مقالات |بيانات

18-06-2008, 11:50 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)


    صباحا بدرى قمت والضرس ينتح
    شريط الكاسيت وسورة البقرة اثناء التجهيز الصباحى للعيال تحيط البيت ببعض طمأنينه.

    انتهت المهام الصباحية
    وتمنى لى الصغار قلع ضرس من غير الالآم

    طيب لسه قدامى ساعتين اعمل شنو؟
    الحاجات الروتينية اللى بتتعمل يوميا انجزتها فى ساعة
    وصوت ندى القلعة...

    { مهما الاطباء اتخصصوا مابيلقوا للريد الدواء
    الريدة تدخل فوق العضااااااااااااااااااااااااااااام}

    شفت كيف ياجبريل!!
    وجبريل فيهو شىء من سيدنا جبريل عليه السلام
    فيه من طمأنينه,,,, طيب يا جبريل الهوى يالله !!

    جبريل طلع بيخاف من طبيب الاسنان
    لكن برضو مافى طريقة انت حاتكون معاى لامحالة....
    كسر رقبة يعنى؟
    لاّ.. كسر رتابة!! سغيلة ودمها باااااااااااااااارد- معزورة عندى قلع ضرس..
    المسافة لطبيب الاسنان تحتاج لساعة الاّ ربع
    الجو بديع والبنات {فاصلات الدين عن الدولة}
    و{ظاهرات رقم} برضو ومامحتاجات يعملن
    مس كول
    ,:::::
    ::::
    :
    وصلت العيادة
    وجاء دورى كما محدد بالدقيقة والثانية- ليه يعنى الانضباط ده..
    سألنى الطبيب اذ كل شىء كويس؟
    محاولة اخيرة للزوغه خاصة وجبريل معادته معاند
    الضرس فيهو ورم....استعنت بنصيحة صديقنا كوجان- لمن الضرس يكون ملتهب ما مفروض ينقلع
    الطبيب اكدّ انو ده شىء طبيعى وشرح عن اختلال الفكين الساند الضرس المتهالك روحه فى حيطته
    وقفت الحورية السمحة قدامى بالحقنة..
    وتااااااااااااااااااخ الحقنه...
                   |Articles |News |مقالات |بيانات

18-06-2008, 11:55 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    بصراحة الالم كان خفيف
    البنج كان جبريل
    وموية عيونو
    والصفق الاخدر الفى اصابعينو
    حسيت بيهو ماسك وشى بين يدينو..
    الحورية مندهشة فى وشى البقى لونه بمبى ولاّ بنفسجى
    والكرسى اتحول لحديقة وريفه
    ومرت نصف ساعة كان الضرس فى صحن قدام عيونى
    الطبيب مصر يشرح لى ليه الضرس ده قرر يقلعو..
    بينى وبينكم انا كنت فى وادى تانى
    ياخ انت قلعتو وخلاص.. ومن امس بتتأسى وتشرح لى عن الاسباب...
    طيب...
    الطبيب ده لو خلى ضرسى ده على البنج الجبريلى لكان افضل
    لكن بعد حقنتو خشمى سافر ووصل ام درمان مطالبا بحقوقه فى الكلام والنظام والتنظيم وتوزيع ثروة البلاد

    الاحساس بالخشم البقى اكبر من الدنيا وجبريل يشيل ويحاحى فى الحمام اللى رك فيهو
    ومحمود تاور يغنى وينادى السمبرية والقمرية عشان يجوا يركوا فى الزنكية- اقصد القشية .

    احساس النفخ الفى الخشم ذكرنى بحالة اكتئاب وطنية مريت بيها بعد تخرجى- السبب كان ياجماعة الانقلاب- وده موضوع براااااه..
    المهم كنت بحس بتضخم فى يدى واقدامى
    ومره حسيت بتضخم خشمى...
    وفجأة لقيت نفسى فى مظاهرة واقترحت للمواطنين الاستفاده من الخشم ده وتحويله لبص ابو رجيله عشان تتحل شوية ازمة الدفارات- اقصد المواصلات..

    طيب ياعمك...
    سواق الترام رقبتو سندها بمزاج فى الغابة ومستمتع برؤية السمبرية والقمرية ومحاحاة جبريل..
    ساعتين وبعدين الخشم اتفشى فشة من {لايخاف الفقر}

    نسيت اقول الوصايا اللى قالوها لىّ
    والورقة المطبوعة المفروض اتبع خطواتها
    وده موضوع لبعدين...

    ياخ شكرا ياجبريل
    شكرا للرفقة
    ومعليش للعسم الفى يدينك- القال ليك منو تسند وتحاحى!!


    لسه الموضوع ما إنتهى- مادام دخل فيهو جبريل بيكون يادوب بدأ
                   |Articles |News |مقالات |بيانات

18-06-2008, 12:16 PM

هويدا شرف الدين
<aهويدا شرف الدين
تاريخ التسجيل: 16-04-2008
مجموع المشاركات: 2068

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    الأخت الغالية إشراقة

    ألف حمد الله علي السلامة

    عارفة عندي ضرس واحد موجعني واول مره في حياتي اضوق وجع الضرس متعبني وطلع روحي اتوكلت وقررت امشي دكتور الاسنان والله خائف بالجد بالجد المهم الدكتور فتح لي خشمي وقال لي بسيطة وما بحتاج قلع فنزلت طوالي علي السكينة قام نطفو لي وحشاه حتي ارتحت الحمد لله بس الم الضروس فعلا صعب
                   |Articles |News |مقالات |بيانات

18-06-2008, 07:09 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: هويدا شرف الدين)

    سلامات ياهويدا

    ومرحب بيك عضوة فعّالة فى حوشنا الضوا اكتر بوجودك

    عارفة الضرس اللى اتقلع الليلة ده لولا تعاملى معاه باهمال كان الوضع بيكون مختلف
    فى سنتى الاولى فى النمسا مشيت لطبيبة اسنان نمساوية
    وانا يادوب بلاوى فى اللغة عشان افهم
    المهم الفهمتو من كلامها انو ماممكن يكون فى زول فى الدنيا يهمل ضرسو ويخلى السوس تنخر فيهو للدرجة دى....
    ادتنى مضاد حيوى لانو الضرس كان مورم
    ارتحت منو فترة وتانى قام
    امشى الدكتور يقوم يصلحوا
    القلع صعب يقتنعوا بيهو هنا- اها لمن امس زولنا آمن وورانى فى الشاشة صورة الضرس
    مسكين تعبتو معاى، ترايهو يلاوى فى العضم لمن كسرت ضهره- الله يغفر لىّ

    سمحة المقدرة ياختى
    هناك فى ضهارينا جهة كوستى نحشيهو ليك قرنفل لو فى ولو مافى الله ما كتر الاّ القرض

    انشاءالله ماتشوفى شر يختى


    -------

    صورتك مريحة ياهويدا وبتدخل القلب من غير حواجز- ربنا يخليك لاهلك واسرتك
                   |Articles |News |مقالات |بيانات

18-06-2008, 12:26 PM

حسين محي الدين
<aحسين محي الدين
تاريخ التسجيل: 21-09-2007
مجموع المشاركات: 2852

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    أشراقة
    العذبة
    بتتحملي حتى الوجع (عشان العشرة)
    وذكرتيني بيت ما عارف كتبه منو (أو بالاحرى ناسي)
    عليك العشرة والزمن الجميل .. ما تنسي أزيار السبيل

    سلامتك ألف سلامة
                   |Articles |News |مقالات |بيانات

18-06-2008, 03:38 PM

rosemen osman
<arosemen osman
تاريخ التسجيل: 06-06-2008
مجموع المشاركات: 2916

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: حسين محي الدين)

    حمد الله على السلامة يا أشراقة
    وبركة الموضوع بقى هين
    حاجات كتيرة فى حياتنا ( وجع ضرس )
    وقد نكون نحن أحداها بالنسبة لآخرين
    لكن بطبعنا وحنيتنا بنتمسك بيها
    والخيارات الموجودة أما أقتلاعه
    أو علاج الجذور
    أو أخذ مسكنات الى أجل قصير
    أى الخيارات أفضل لا أدرى

    دمت بخير

    (عدل بواسطة rosemen osman on 18-06-2008, 03:57 PM)

                   |Articles |News |مقالات |بيانات

18-06-2008, 08:47 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: rosemen osman)

    Quote: حاجات كتيرة فى حياتنا ( وجع ضرس )
    وقد نكون نحن أحداها بالنسبة لآخرين
    لكن بطبعنا وحنيتنا بنتمسك بيها
    والخيارات الموجودة أما أقتلاعه
    أو علاج الجذور
    أو أخذ مسكنات الى أجل قصير
    أى الخيارات أفضل لا أدرى




    دى حاتكون ياروزمين خاتمة وجع المسك






    -----
    انتى بصحك ما حاتتصلى تانى؟ خلاص حانوقف براكين
                   |Articles |News |مقالات |بيانات

18-06-2008, 07:36 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: حسين محي الدين)

    سلامات ياحسين

    بالجد كدى زعلت شديد وحزنت لمن الدكتور قرر يقلع الضرس- هو زاتو كان بيعتزر كأنو فى كارثة
    كم من السنوات رافقنى
    فى الصك على الاحزان
    فى بريق الفرح اللى بيحصل مرة مرة
    فى الجوع
    فى اكل الجداد والتون فيش اللى كرهتوا بيها فى سنواتى الاولى فى البلد دى
    لانها كانت الحاجات الارخص

    عندى جزء خاص بالحزن ده بعنوان { مناحة الاسنان ودم الاسئلة}
    كنت حاسة باسنانى كلها يتنوح وهى بتفتقد رفيقا طيبا
    ماغلط عليها بشىء
    حسع دى قاعد جحر فاضى
    الاّ من آثار الفقد
    والاسئلة اللى بيثيرها فينا هذا الفقد
    فقد الاحبة
    فقد الروح لتوزانها
    فقد ... فقد..فقد

    شفت كيف ياحسين
    المسألة يعنى ماضرس وانقلع وارتحت من الالم
    لانو سؤال الالم ده براهو سؤال تانى

    تسلم يا اخوى وانشاءالله ماتشوف وجع ضرس
                   |Articles |News |مقالات |بيانات

18-06-2008, 04:54 PM

الزوول
<aالزوول
تاريخ التسجيل: 14-05-2003
مجموع المشاركات: 2463

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)
                   |Articles |News |مقالات |بيانات

18-06-2008, 10:14 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: الزوول)



    الزول سلامات

    صوت خالتنا اللى فى التسجيل ده قومت على كل اضراس الذاكرة

    مالك علينا يا اخوى فى الليل المافايت ده؟








    ---
    ابكتنى الخاله بصوتها الحنين وكلامها الأحنّ
                   |Articles |News |مقالات |بيانات

18-06-2008, 05:21 PM

عبدالفتاح أبوشيمة
<aعبدالفتاح أبوشيمة
تاريخ التسجيل: 15-04-2008
مجموع المشاركات: 4163

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    Quote: الما جرب وجع الولاده عليهو بمعافرة وجع الضرس
    الوجعين فيهم حاجة رابطه


    سلامتك من الوجع

    ما تشوفي

    شر؛

    ما تتعبي روحك

    دكتورة

    الدكتور

    ما بجي

    سوي

    مسكنات

    الله يشفينا جميعاً




    دكتورة معليش

    أمسحيها لي في وشّي

    السوس اللي جاب وجع الضرس

    كان قاصدني

    العبد لله

    دايرني آكل عصيدته

    سماح يا دكتورة

    عشان أدعو ليك

    يشيل منك

    انت هو جبريل حقكم

    دا ما بوريكم الخبارات

    حقة ناس الشمارات

    (عدل بواسطة عبدالفتاح أبوشيمة on 18-06-2008, 07:24 PM)
    (عدل بواسطة عبدالفتاح أبوشيمة on 18-06-2008, 08:05 PM)

                   |Articles |News |مقالات |بيانات

18-06-2008, 10:29 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: عبدالفتاح أبوشيمة)

    مساك طيب يا استاذ عبدالفتاح


    Quote: انت هو جبريل حقكم

    دا ما بوريكم الخبارات



    جبريل ده حقى برااااااااااااااااااااااااااى
    {كم} دى حقت الدنيا الزايله دى

    جبريل ده من صنع هوايا
    ومن نبض روحى
    بحرى الهادر
    المطمئن
    الشجى
    ذو الحنان
    وبين يديه جنة عرضها احلام الناس الطيبة
    ومداها غير محدود الاّ بمحبتى
    جبريل ده راجلى الروحى- ايوه راجلى عدييييييييييييييل كدى
    عشان كدى {كم} دى خليها بعيييييييييييييييييييييد عليك الخوة

    شكرا يا ابوشمية وربنا مايوريك وجه ضرس
                   |Articles |News |مقالات |بيانات

19-06-2008, 07:43 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    Quote: انت هو جبريل حقكم

    دا ما بوريكم الخبارات

    حقة ناس الشمارات


    اخونا عبدالفتاح

    صباحك حلو حلاوة روح جبريل لمن ترضى عنو الليالى والنهارات الجاية

    تعرف اهم مايميز جبريلى ده هو انو مامهتم بالخبارات ولا الشمارات
    لانو ببساطه هو عارف انى بحبو اكتر لمن يكون مشغول بخبارات قلبى
    وشمارات النداء لمن ينتح وتر منتصف الليل

    باقى العمر كلو ما بيكفى نحكى ونبكى ونركض فى وديان تصالح الذات
    حلمى فى كتف شوقو لحياة مستحيلة
    واحزانه ترقد فى حديقة اشجان ليها ذاكرة ووجه ماطر
    الزمن الباقى من العمر يا عبدالفتاح يا اخوى مابيكفى حتى املأ عيون روحى من رغوة انسانه
    ولابيكفى ...
    م
    ا
    ب
    ي
    ك
    ف
    ى



    تسلم ياعبدالفتاح وتسلم ليك شيماء
                   |Articles |News |مقالات |بيانات

18-06-2008, 07:00 PM

انعام عبد الحفيظ
<aانعام عبد الحفيظ
تاريخ التسجيل: 07-12-2005
مجموع المشاركات: 8738

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    يا إشراقة سلامتك الف سلامة من الألم

    حاااااااسة بألمك فظيع فظيع

    مريت بالألم دا قبل كدا وكتبت هنا

    وجع الضرس

    غايتو ألم الأسنان ما يحس بيهو إلا المجربو

    وعندنا جارتنا ربنا يديها العافية

    عندها ضرس كان معذّبها شديد وحاميها النوم

    لما تسألها منو بتقول ليك الجن ولا وجع السن

    أعتقد دا أبلغ تشبيه لوجع الضرس
                   |Articles |News |مقالات |بيانات

18-06-2008, 07:43 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: انعام عبد الحفيظ)

    Quote: ربنا استجاب لدعوتك يا ود شيقوق


    سلامة يا شروقو بس اوصيك تاني اكان جاك راجع اقري ليهو آية الكرسي تاني ما ببراك برية

    هيييييييييييييع
                   |Articles |News |مقالات |بيانات

19-06-2008, 07:49 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: الطيب شيقوق)

    Quote: هيييييييييييييع




    هيييييييييييييييع ساى يا ود شيقوق
    تراك طلعت زولا بركة


    بالله بالمره كدى شوف لىّ بنزل المعش متين
                   |Articles |News |مقالات |بيانات

19-06-2008, 07:35 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: انعام عبد الحفيظ)

    Quote: هناك اسهل حاجة القلع
    وممكن تعمل فيها متخصص فى طب الاسنان وتأخد وتدى مع الطبيب وتقول ليهو ياخ اقلعوا ريحنا- ولاشنو يا انعام عبدالحفيظ؟





    انعام الحلوة

    عارفة من زمن بوستيك بتاع الضرس داااااااااااااك انا بزازى بضرسى ده
    ماهان علىّ اسمع يقولو لىّ لازم يتقلع
    تصدقى بالله يا انعام.. ليلة امس دى كنت حاسة بحزن غريب
    كلما يطقش لسانى الفقد احس بمعنى الفجيعة
    ماهو ما مجرد ضرس واتقلع
    دى رفقة طويلة وعشرتنا كان فيها كل شىء طيب وحنين

    بعدين فكرة يقلعوا حاجة منك دى ماراكبة لىّ فى رأسى
    الضرس ممكن يوجع ويحميك النوم
    وممكن يتقلع والامل يزول- الالم الحسى
    لكن فى نوع الم كدى معنوى- ده بيفضل
    تحسيهو جوووووووووووووووووووووه
    النوع اللى بينخر ويواجهك مع روحك

    يعنى زى امس بالليل...
    براى والفقد ورائحة الذكرى
    وافتقدت صوت جارتنا اللى بتثير اشعار الليل

    يبدو انها مبرمجة مع الشناء


    انعام اخير اقيف مادام جبت سيرة جارتنا دى خائفة اللسان ينزلق فى بيت الفقد واندلق


    الله يديك الفى مرادك يا صاحبتى
                   |Articles |News |مقالات |بيانات

18-06-2008, 07:51 PM

محمد عبد الماجد الصايم
<aمحمد عبد الماجد الصايم
تاريخ التسجيل: 16-10-2005
مجموع المشاركات: 34989

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    سلامتك والألم بيزول .. وكفارة ليك يا زوله


    وجع الضرس دا ما بشوف الناس الفي بالي ديل



    المهم
    حمدلله ع سلامة الضرس اللتخارج منك دا
                   |Articles |News |مقالات |بيانات

18-06-2008, 08:49 PM

كمال الدين بخيت اسماعيل

تاريخ التسجيل: 21-03-2007
مجموع المشاركات: 0

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: محمد عبد الماجد الصايم)

    Quote: مساعد على النقة وضبط مخارج الحروف
                   |Articles |News |مقالات |بيانات

18-06-2008, 08:56 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: كمال الدين بخيت اسماعيل)



    ياجماعة الخير

    الضرس ده بعد مايقلعوا البخليهو ينتح شنو؟


    يكون عنده مرض حامد ياربى؟
                   |Articles |News |مقالات |بيانات

18-06-2008, 09:56 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30900

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    ازيك يا شروق و سلامات سلامات
    الأولى من وجع الضرس والتانية من وجع فراق الضرس - الحيرنا دا
    زي ما قلت ليك كل ما اقرا ليك مداخلة عن العشرة و رفقة العمر و الم الفقد برجع فوق اتاكد
    هل الموضوع عن ضرس ولا عن حبيب او صديق عمر
    بغرتينا منو ضرسك دا
    Quote: الضرس ده بعد مايقلعوا البخليهو ينتح شنو؟
    ضرس زي البتحكي عنو دا ما بتقلع قلعة باقي اضراس خلق الله و تنقلب صفحتو خلاص
    لازم ينتح وتعاني من اثار فراقه فتره و يمكن تحتاجي فترة نقاهة و تغيير جو تو أوفر إت
    واحتمال إلا تخشي في مود تركيب ضرس جديد حتى ينسيك ليه

    رغم ورود ذكر الموضوع في الأسابيع لكن جدا مصر على القصيدة الحداسية
    قد يتم اعلان الحب علي فيها وكدا

    تسلمي يا دكتورة

    (عدل بواسطة محمد البشرى الخضر on 18-06-2008, 09:57 PM)

                   |Articles |News |مقالات |بيانات

18-06-2008, 10:50 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: محمد البشرى الخضر)

    Quote: زي ما قلت ليك كل ما اقرا ليك مداخلة عن العشرة و رفقة العمر و الم الفقد برجع فوق اتاكد
    هل الموضوع عن ضرس ولا عن حبيب او صديق عمر




    يا ود البشرى مرحب بيك

    كدى يالناس الفوق استأذنكم
    عندى مصالح مع ود البشرى ده { مصالح لازوردية وكدى}


    ماتستعجل
    بجيك للحبيب الضرس
    والضرس الحبيب
                   |Articles |News |مقالات |بيانات

18-06-2008, 11:42 PM

ibrahim kojan
<aibrahim kojan
تاريخ التسجيل: 29-03-2007
مجموع المشاركات: 1457

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    حمدلله علي السلامه..

    وفي اماكن أخري الضرس البينتح بيحشوهو تمباك

    عندكم تمباك...؟؟

    وبعدين مع ناس كيكي ديل أوع تقولي الضرس بتاور.. يجيك ناطي أبو ساندرا ومجموعة الديامه النشطين والبوست جاهو البلا!؟؟
                   |Articles |News |مقالات |بيانات

19-06-2008, 07:07 AM

rosemen osman
<arosemen osman
تاريخ التسجيل: 06-06-2008
مجموع المشاركات: 2916

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: ibrahim kojan)

    أولا مبروك الصورة الحلوة
    رغم أنى عارفة يومين وتغيريها
    المهم أخبار واصل ومرافىء شنو وأنت تتأرجحى فى أجواء الجرسة
    بين سورة البقرة وفلانة السمحة








    بتصل قريب
                   |Articles |News |مقالات |بيانات

19-06-2008, 07:54 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: rosemen osman)

    Quote: بالله بالمره كدى شوف لىّ بنزل المعش متين


    انت ومنى خوجلي حتنزّلوا الناس المعاش كلهم وتبقوا شغالين بالمشاهرة وحتى المشاهرة ذاتها عندكم فيها راي

    هيييييييييييييع
                   |Articles |News |مقالات |بيانات

19-06-2008, 12:24 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: الطيب شيقوق)

    معاش شنو كما ياود شيقوق

    يازول تمر السنين ونزيد حيوية وشباب
    وهيا على العمل!!



    قال معاش قال..
                   |Articles |News |مقالات |بيانات

19-06-2008, 08:45 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: rosemen osman)

    Quote: رغم أنى عارفة يومين وتغيريها



    ماهو ده المجنن بوبى ياروزمين!!

    بوبى ده انا ذاااااااااااااتو- يعنى لازم نشرح، البلد دى منها خوفة وحاة سيدنا عيسى عليه السلام

    تعرفى دى حالة قلق وهواية كمان- هواية انك تشوف نفسك بكل الزوايا المنبطحة والمتعرجة
    كان سهول كان حقول ولا غابة..... لكن اصبرى علىّ فى تموز حا استقر على نيولوك زى البصمة
    بصمة شوقى لزولا بعيد....

    حا تخلينا نكتب شعر يابت...

    ابعدينا من الغاويين والغاويات ديل- نسعل الله السلامة




    ------
    انا ذاتى مفروض اتصل، الكروت قاعده ورخيصه وونستك غالية شديد- كل يوم انوى وبعدين تاخدنى المشاغل
                   |Articles |News |مقالات |بيانات

19-06-2008, 08:29 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: ibrahim kojan)

    يا كوجان

    استعدل معانا يا زول وماتجيب لبوستينا ده الهواء

    ابو ساندرا وكيكى مرة واحدة كدى!! انّا لله وانأ اليه راجعون... راجعون ...راجعون لامحالة


    غايتو كلمة {الضرس بيتاور} دى عندى ليها فهم تااااااااااااااانى خالص- رغم جزورى الرديفية والديمية




    محمد معانا ماتغشانا
    بعيد بعيد بالله
                   |Articles |News |مقالات |بيانات

19-06-2008, 08:24 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: كمال الدين بخيت اسماعيل)


    سلامات ياكمال الدين


    النقة!!!!

    يازول ده موضوع براااااااااااااهو كدى

    مش بيقولوا {النسوان} نقناقات؟
    طيب {المرة} بتنق ليه؟
    يعنى لازم نشوف الاسباب!! طبعا بقى على المثل اللى بيقول {الحرامى فوق رأسو ريشه}


    ياحليل زمن النقة... فضل زمن هو نهدرو فى النقة؟

    عارف المداخلات زى بتاعتك دى- مش هى اقتباس من كلامى؟ لكن فتحت فى ذهنى جدول لموضوع جاى
    عن النقة والفتاوى التى يجيدها ناسنا- وهييييييييييييييييييع ياقول ودشيقوق نحنا السأس ونحنا الرأس ومافى زول يغالطنا بالله انو جدنا العباس- لزم كدى والله
                   |Articles |News |مقالات |بيانات

19-06-2008, 08:17 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: محمد عبد الماجد الصايم)

    Quote: حمدلله ع سلامة الضرس اللتخارج منك دا



    محمد عبدالماجد
    حرام عليك يا اخوى

    عارف الضرس اللى اتقلع ده كان من اميز ضروسى
    قرب يبقى مخلوف ويشبه النقاربى اللى على خد أنثى مجنونة

    مهم جدا نسأل نفسنا عن العلاقة الحميمة بينا وبين مكونات جسدنا
    كيف بنتعامل مع اصابعنا
    مع {نخرتنا}- نخرة دى لمن اقولها بتى بتموت من الضحك اظن عشان النخخخخخخخخخخخخ دى
    كيف بنحس مع عيونا
    التعامل مع اللسان- اللسان ده مهم جدا التعامل معاهو بحزر- يقوم يزلقك فى مهاوى ما انزل الله لها من سلطان
    تونسو وتحكيهو عن الحيطان اللى ليها { ودان}
    المهم...
    الضرس اتقلع بعد صبر سنوات تصل الى خمسة عشر عاما
    القيت عليهو النظرة الاخيرة كان فيهو شق وصل سريره فى لثة اسئلة الليل
    مضى وبقى مكانه يؤكد على فقده الحزين


    شكرا يا ود جدنا الصايم- تصوم عنك الاحزان انشاءالله
                   |Articles |News |مقالات |بيانات

19-06-2008, 08:25 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)


    بت امي كيفنك
    عاد الفيك اتعرفت
    عايزة تجيبي لينا وجع الضرس كمان

    ومنو القاليك الرجال ما ولدوا








    شروق الف الف سلامة



    تليشة:
    والله كتابك داك فتشت عليه الدنيا كلها
    ولمن غلب حماري رسلت لي المرنيسي شخصيا ومنتظر ردها
    لازم ارسله ليك قبل ما امشي السودان
                   |Articles |News |مقالات |بيانات

19-06-2008, 08:38 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: طارق جبريل)


    الله يجازى محنك ياطارق

    عليك النبى الزول ده حاااااااااااااااااااااامل عديييييييييييييييل كدى؟

    متين وكيف؟ الله يرحمك يا جدنا ود تكتوك شوف زمنا ومحنو
    ياربى اتوحم؟
    زولك الحامل ده نسانى ضرسى والله وخلانى افكر فى حاجات تانية- بيجىء زمانها



    ----
    البركة فى مرسالك لفاطمة المرنيسى، ياخ دى عالمة عدييييييييييييل كدى وبستمتع اقرأ ليها
    ياخى لو ما اتلقى ما تزاحم نفسك وما تتحسس باقى انا دمى تقييييييييييييييل بعيد عنك
    يعنى ده لو ما تلقى فى حاجة تانية ممكن تجيبها- شفت ليك سغاله
    ------


    تليشة بت ام لذينا: انت متأكد ياطارق البطن القدام الراجل ده جنا، يعنى زول؟ ولا كرش بيرة بارده
    موضوع حمل الزول ده والبيرة البارده دى الاتنين بيجيبوا الهوا...

    حصل يا كيكى واعمل حجر على ابو ساندرا
                   |Articles |News |مقالات |بيانات

19-06-2008, 08:39 AM

محمد عثمان

تاريخ التسجيل: 09-11-2006
مجموع المشاركات: 6490

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    شروق الف سلااااامة

    و الضرس فعلا مسالة مزعجة شديد
    و حصلت لى مرة فى كندا..اتالمت شديد يومها من احد
    ضروسى و مشيت لناس الاسنان و قلت ليهم اقلعو الضرس دا
    طبعا رفضوا فى البداية و اكن بعد تحانيس تم قلع الضرس
    و كلفنى الشى الفلانى...طبعا المشكلة ما لقيت شمس اجدعو
    قصادها..و راح فى حق الله..

    تحياات اشراقة و مشتااقين..
                   |Articles |News |مقالات |بيانات

19-06-2008, 10:35 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: محمد عثمان)

    محمد ود عمى عثمان ازيك

    ووينك يازول طولت الغيبة


    غايتو لو مافى تأمين فى البلد دى كان الزول صرف القداموا واللى وراه { رغم انو مافى لا وراء
    ولاقدام ولا ابو النوم ذاتو}

    علاج الاسنان نار الله الموقدة وفى حاجات التأمين ماحايدفعها
    زولك قال لى ماتزعلى على الضرس ممكن يتعمل كبرى يربط بين الضرسبن- المفقود والموجود

    نفسى كان اسألو كبرى طائر ولا كبرى راكى


    حايعمل لى فيهو أمنيات كهرباء زى المشحوطة بلا تأمين فى نص الشوارع بتاعتنا ديك؟

    اها موضوع الكبارى ده بجيك ليهو- الايام دى فضيت شوية وعندى مزاج ونسة مجيهة زى بتاعة ود البشرى
    اهو البوست ده جاب تمنو- ود البشرى يعامل اسنانه بالفة غريبة- عمك بالغ لكن
                   |Articles |News |مقالات |بيانات

19-06-2008, 09:44 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30900

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    شروق كيف اصبحتي
    الم الفراق عساه خف شوية

    Quote: يومين وتغيريها
    يومين شنو
    في واحدة امس دقيقتين ما تمت اظنها
    مابين كليكة رفرشة و ريلودها كانت اتغيرت
    دا قلق شديد يا شروق

    تعرفي بعد قريت البوست العجيب دا
    الصباح وانا قدام المراية اثناء السواك عاينت لأسناني بعين تانية خالص
    لقيت نفسي بمرر الفرشاة عليهم بحنية غريبة كدا
    و شعرت بنوع من الإلفة و تصدقي لو قلت ليك حسيت بخوف اني افقدهم
    طبعا ضحكت على روحي و استغفرت و قلت الله يجازي اللي كان السبب

    غايتو لو طلع الضرس دا ما ضرس
    تكوني بالغتي عديل معانا
                   |Articles |News |مقالات |بيانات

19-06-2008, 10:23 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: محمد البشرى الخضر)

    Quote: غايتو لو طلع الضرس دا ما ضرس
    تكوني بالغتي عديل معانا



    وغايتو يا ود البشرى لو كديسة جيرانا ماتت من خلعة ضحكتى القدر الحيطة
    تكون اتلومت فى ستها ووحدت بيها


    ياخى الله يضحكك كمان وكمان


    Quote: الصباح وانا قدام المراية اثناء السواك عاينت لأسناني بعين تانية خالص
    لقيت نفسي بمرر الفرشاة عليهم بحنية غريبة كدا
    و شعرت بنوع من الإلفة و تصدقي لو قلت ليك حسيت بخوف اني افقدهم
    طبعا ضحكت على روحي و استغفرت و قلت الله يجازي اللي كان السبب



    بعدين ياعمك انت كنت بتتعامل مع الاسنان دى كيف؟
    بطورية الشىء؟


    ------
    قلنا خلوا تموز يجىء وحانبطل
    ونثتبت المبادىء الاسايسة للاسنان فى اعلاء شأن الانسانية الغراء
                   |Articles |News |مقالات |بيانات

19-06-2008, 12:44 PM

محمد عثمان

تاريخ التسجيل: 09-11-2006
مجموع المشاركات: 6490

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    والله يا اشرااقة نحن ما خلينا حاجة
    الغنا السمح بتاعنا دا...

    شفتى الزول اب سنا فضة..برضو غنو ليهو

    و كمان قلنا البوست يفرفش شوية..

    مش موسم الشوق الحلو..؟؟؟

    و سلاااام ليك و لــ ود البشرى..



    "
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">

                   |Articles |News |مقالات |بيانات

19-06-2008, 01:07 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: محمد عثمان)


    بالغت لكن يا محمد عثمان

    تصدقى ضرسى اللى اتقلع ده كان فضى، ياخى مالك مزكرنا ناس اب قجة- ياحليل الخنفس
    والشارلستون لكن الدبابة اللى كان بيلبسوها صبيان زمان ماكانت بتعجبنى
    من يومى محددة موقفى من الدبابة



    شكرا للنفحة - انا جاياك بطلبى قريب
                   |Articles |News |مقالات |بيانات

19-06-2008, 01:16 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    Quote: غايتو لو طلع الضرس دا ما ضرس
    تكوني بالغتي عديل معانا




    ده ضرس وماضرس
    ضريسة ورمله
    بحر وقيفا منتظرة زمن الدميرة

    لكن ده ضرس!!


    بعدين انت ماتشيل الصبر يا ود امى

    طيب حسع كدى - كيف لمن انزل فيك قصيدتى تعمل شنو ؟





    ------
    ماتنسوا بالله تعاملوا مع {قوارير اسنانكم بالفة زى حقت ود البشرى دى}
                   |Articles |News |مقالات |بيانات

19-06-2008, 03:32 PM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    د. اشراقة
    تحياتي

    Quote: الضرس اللى اتقلع الليلة


    الف جمدلله علي السلامة
    وبركه (الإتحليتي) منو


    نجيك في الاحصائيات بعد ازالة اثار العدوان
    و ربنا يًّجبرك بجبريل
                   |Articles |News |مقالات |بيانات

19-06-2008, 04:29 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32520

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: osman righeem)

    هلا يا اشراقة..
    وحبابك وحبابك ضرسك الاتخلع
    الضرس ترباسو اتخلع..
    انتي عارفة يا اشراقة كنت عاوز اقول ادق صدري واجي اخلع الضرس بتاعي بدلك
    لكن فجاة اذكرت بانني ذاتي قاعد خالي ضروس...
    اربعة يعلم الله كلو واحد اتخلع في بلد..
    والثالث بالتحديد حصل في المجلد في زيارة ليها بعد 10 سنوات ومن سوء حظي الزولة
    الخلعتو بت اهلنا(وانا ماعرفتها) والزولة تشيل وتنقر وبالكماشة لحقتو غنم زهرة..
    وغايتو طلعت ليها بعضة في يديها وكم محاولة هروب مني...
    وانا ما عرفتها وهي لم تعرفني
    في المساء مشيت لبيتهم لزوم السلام علي الخالة وكدا..
    وفجاءة القي ليك زولتي الخلعت ضرسي واتجرست قدامها واقفة قدامي..
    وكانت جلسة فتت فيهو الجرسة الضرسية وطالبت بتعويضات بدل عض وابتزاز حتي لايعم الخبر الفيافي...


    وبجي راجع لكلام كوجان المكوجن بس دقيقة النمسكل لابوساندرا ونجي شمال جنوب نسربع سوي سوي
    وخلع الضرس كلام فيهو لاولوةدهD
                   |Articles |News |مقالات |بيانات

19-06-2008, 04:44 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: عبدالكريم الامين احمد)

    ياكيكى ياخ اسأل طارق عليك الخوة

    واتاكد منو انو الراجل ده غعلا حامل!!


    مخير الله عاد كان بقى صحى حاملة
                   |Articles |News |مقالات |بيانات

19-06-2008, 04:41 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    كتب المكوجن بلا بصل إبراهيم كوجان
    الفنان :
    {يجيك ناطي أبو ساندرا ومجموعة الديامه النشطين والبوست جاهو البلا!؟؟ }
    ------------------------------------------------------------------------

    اها جينا
    براااااكم هبشتوني

    فتحملوا
                   |Articles |News |مقالات |بيانات

19-06-2008, 04:51 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)


    يا اشراقة الراجل حامل
    والعهدة على اوبرا وينفري

    وكيكي دة انا محل ما امشي
    القاهو كابي الجرسة وفاكي آخره

    عرس هو مدردق
    غنية سمحة وهو يكب في الدموع
    ضرس برضو كابي الراندوك مع قريبتو
                   |Articles |News |مقالات |بيانات

20-06-2008, 06:23 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: طارق جبريل)

    طارق ود امى


    مافى طريقة تسوق ابو ساندرا ده لمشوار

    كيكى ده مقدور عليهو


    الله يجازى الكان السبب - ياكوجان
                   |Articles |News |مقالات |بيانات

19-06-2008, 05:02 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    عايز في الأول اتلعبث في شروق ست البوست
    وست البنات لي حدهن
    كتبت :
    {ولا حلاوة اشراقه- دى والله كانت حلاوة لايوقه بشكل
    تلصق فى اللهاة وماتلقى الطريقة اللى تطلعها بيها
    ------------------------------------------------

    يا حلاوة انت
    الليلة الصقي لي في لهاتي
    وفي روحي ذاتها

    سجن سجن غرامة غرامة



    وقالت :{بالله بقى القلع ساهل}

    على حسب يا شروق
    مرات بيكون ساهل جدآ جدآ
    ومرات تقعد تقنع وتلاوي وتحنك

    لكن في النهاية بيحصل

    وقالت :
    بالله بقى القلع ساهل
    تقلع موبايل
    تقلع ضرس
    تقلع رقبه
    كلو زى بعضو
    ----------------
    لا والله مرات في فرق
    ولازم الحنك يكون سنين
    والعدة تمام
    زي بتاعت عوض دكام*

    يعني مرات قدر الدكتور مايحاول
    برضو القلع ما بيحصل

    إلا بعد التخدير


    وقالت :قلت لى لاختى الليلة فى مكالمة انى حزينة عشان حايقلعوه لىّ

    في هذه الحالة مابقدر أقول غير

    كر




    مش قت ليكم برااااكم ناغمتوني
    * أشهر وأشطر طبيب اسنان سوداني
                   |Articles |News |مقالات |بيانات

19-06-2008, 05:32 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: أبو ساندرا)


    ابو البيات

    انا والله براءة

    كوجان ده اللى هبشك
    اشمى ليهو فى لوثيانا بتاعتو ديك ووريهو المكشم بلا بصل

    طبعا يا ابو البيات كلامك نصو مفهووووووووووووووم
    لكن بعمل فيها لا من شاف لا من درى


    كوجان تعال لزولك ده

    ياعمك انا فى ورطة الضرس جاب اتنين

    ابو ساندرا وكيكى


    والله ما تزحوا اكلم ليكم هناى
                   |Articles |News |مقالات |بيانات

19-06-2008, 05:51 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32520

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    Quote: ابو ساندرا وكيكى


    والله ما تزحوا اكلم ليكم هناى

    هلا يا اشراقة
    وانا ذنبي شنو يا اشراقة شايلين حسي مع الضروس المخلوعة دي..
    ده قلت ايييه ياجماعة ..
    وبعدين السوال عن زول طارق القالو حامل انا بقترح انو يتحول لابوساندرا
    لانو خبرة اووووي الخال ده

    وكلو من كوجان المكوجن..انشاء الله نحضر يوم خلاعة ضرسو
                   |Articles |News |مقالات |بيانات

19-06-2008, 06:00 PM

khaleel
<akhaleel
تاريخ التسجيل: 16-02-2002
مجموع المشاركات: 30134

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: عبدالكريم الامين احمد)

    الضرس لا يخلعه الا الحكناكيش عند الاطباء وهو يعالج بالعرديب

    ما سمعتي كابلي لما قال انت يا الفرنيب يا اللي الضرس عرديب

    عوض دكام قال ما بفتح عيادة في امدرمان عشان ناس امدرمان اسنانهم قوية

    وناس بحري بياكلو الحلويات وناس امدرمان بضربو الكوارع


    object width="425" height="344">
                   |Articles |News |مقالات |بيانات

20-06-2008, 11:57 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: khaleel)

    لكن ياخلو لقيتكم جرسة جرررررررررررررسة شديدة

    فوق شنو يعنى ياخوى











    -----------
    حكاية عجيبة
                   |Articles |News |مقالات |بيانات

19-06-2008, 06:04 PM

ibrahim kojan
<aibrahim kojan
تاريخ التسجيل: 29-03-2007
مجموع المشاركات: 1457

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: عبدالكريم الامين احمد)

    الزول الحامل دا كان بيعرف أحمد عكسو؟؟؟ يا كيكي ولا نوديهو ...

    بعدين يا كيكي لو ماجابك المشترك يجيبك منو البلا اليخم ضرسك.. نحن في بلاد الفرنجه الضرس البيتاور بيكشفو عليهو كل ست شهور؟؟

    (ولو طلع ضرس متاور) بيكشف عليهو دكتور إدريسسسسسسسسسسسسسسسسسسسسسسس كل تلاته شهور؟؟؟؟



    إشراقه شفاك الله وجنبك شرور الدنيا والعالمين ..

    ومن ناس كيكي وأبو ساندرا ليوم الدين...أمين يا رب!
                   |Articles |News |مقالات |بيانات

19-06-2008, 06:07 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    يا دكتورة ماتجهجهينا
    لأحوال القلع
    و انواعه
    كما يلي :
    بالله بقى القلع ساهل
    تقلع موبايل
    تقلع ضرس
    تقلع رقبه
    ------------------

    لأن القلع محدد بالدلالات التالية
    الولادة {الما جرب وجع الولاده عليهو بمعافرة وجع الضرس}
    الطهور{ وانا فى الطريق اتزكرت الطهور}

    ففي الحالتين أعلاه الواردتان في صدر البوست
    بيكون لا مناص من القلع
    حتمي يعني
                   |Articles |News |مقالات |بيانات

19-06-2008, 06:13 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    كتبت حلاوة إشراقة:
    صورتك مريحة ياهويدا وبتدخل القلب من غير حواجز- ربنا يخليك لاهلك واسرتك
    -------------------------------------------------------------------------

    الضرس تاورك يا شروق ؟



    غايتو دي إلا تجيبي ود البشرى ينقشك ليها
                   |Articles |News |مقالات |بيانات

19-06-2008, 08:14 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: أبو ساندرا)

    يا ود بشرااااااااااااااااااااااااااااه

    تعال انقذنا من الجماعة ديل
    ياخى ولو على ظهر دبابة
                   |Articles |News |مقالات |بيانات

19-06-2008, 10:22 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    كتبت حلاوة إشراقة
    الناشبة في لهاتي :
    Quote: طبعا يا ابو البيات كلامك نصو مفهووووووووووووووم


    و
    كلو
    كيف؟

    بيفقه
    واللا
    ما بيتفقه؟
                   |Articles |News |مقالات |بيانات

19-06-2008, 11:29 PM

ASHRAF TAHA
<aASHRAF TAHA
تاريخ التسجيل: 04-08-2007
مجموع المشاركات: 1017

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    Quote: الما جرب وجع الولاده عليهو بمعافرة وجع الضرس


    ياخي الضُرس ده بي حقنة موضعية بفكو وجدعو ليك في الصحن داك

    زي (رصاصة الكاوبويات)في صحن (الاستانليس)

    وكولها قُطنة كم يوم مع شوربة

    أما الولادة دي فغير

    مثلاً الراجل لو جاهو (إمساك بتجلع كدة لمن يآمن)

    لا تكذبي

    فقد رأيتهما معاً (الضُرس والولادة)

    تحياتي
                   |Articles |News |مقالات |بيانات

19-06-2008, 11:58 PM

tayseer alnworani
<atayseer alnworani
تاريخ التسجيل: 30-07-2007
مجموع المشاركات: 1500

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: ASHRAF TAHA)

    شروقة حبيبتى
    بركة فى مزاجك للونسة السمح رجع لينا
    عندى حبوبتى بتقول (يا ابو خرس من الضرس ) اصعب منه مافى و تزعلى على ليه
    ما لحمة الضية اكليها بالسن القدام .


    صدقى الليلة انا مزاجى سهر ساكت بكرة ربك يستر فطور الجمعة ما يكون بوش



    كسرة
    ----------------
    بوستك تم تفخيخه ابوساندرا و منو ومنو
                   |Articles |News |مقالات |بيانات

19-06-2008, 11:36 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30900

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    هلا شروق وكيف امسيتي
    معليش كنت مشغول بنصب بعض المشانق بعدين انتي طلبتي من الصبر سابقا

    Quote: لكن ده ضرس!!

    عارفة يا شروق
    لما يقوليك دا زول ضرس ياخ
    او ضرستنا بي كذا وكذا
    ليها دلالات سلبية و الضرس نفسه طالما هو موجود فلا اهمية او تميز له
    فقط اليومين و التلاتة البساهر المو بيك فيهن قبل خلعه او حشوه او قتل جذوره
    و بعدها يرجع مجهول تاني
    اها بعد البوست التاريخي - طبعا عاجباني قصة اسمي الفي العنوان -و كان طلع ضرس ولا ما ضرس
    لا يمكن يعود مجهول مرة تانية
    ولا حتكون لكلمة ضرس اي دلالات سلبية عندي

    دي اضيفيها لفوائد البوست مع الإلفة اللت السنون

    شايل الصبر امي و مستني لكن بالله لما تجي توقعي لينا الفلم اضيفي معاك
    قصة صهرنا الإسفيري عمك جبريل و سر قصة تموز
    عشان زي في اعراض تسطيحة حاصلة وكدا

                   |Articles |News |مقالات |بيانات

20-06-2008, 09:40 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: محمد البشرى الخضر)

    Quote: عارفة يا شروق
    لما يقوليك دا زول ضرس ياخ
    او ضرستنا بي كذا وكذا
    ليها دلالات سلبية و الضرس نفسه طالما هو موجود فلا اهمية او تميز له
    فقط اليومين و التلاتة البساهر المو بيك فيهن قبل خلعه او حشوه او قتل جذوره
    و بعدها يرجع مجهول تاني
    اها بعد البوست التاريخي - طبعا عاجباني قصة اسمي الفي العنوان -و كان طلع ضرس ولا ما ضرس
    لا يمكن يعود مجهول مرة تانية
    ولا حتكون لكلمة ضرس اي دلالات سلبية عندي

    دي اضيفيها لفوائد البوست مع الإلفة اللت السنون
                   |Articles |News |مقالات |بيانات

21-06-2008, 06:16 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30900

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    Quote: شايل الصبر امي و مستني
                   |Articles |News |مقالات |بيانات

25-06-2008, 02:25 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: محمد البشرى الخضر)

    Quote: شايل الصبر امي و مستني


    يامحمد البشرى اياك تتعلم الانتظار


    شوف امثالنا:

    الفاتك فوتو
    العفص ليك اعفص ليهو


    تنتظر دى شنو كمان هو فى زمن... اعمل خطتك وشتت مع الزمن


    لكن بالمنطق الفاتك ده تفوتو كيف وهو بيكون وصل ابوحمامة؟
    البيعفص ده لمن تفتح عيونك من وجعة العفصة يكون فك البيرق



    ياخ السن اللى جنب الضرس ليوم الليلة بتمارس فى احزانها
    اها قلت نشوف آخرها
    وبعد ما الملم معاولى {الحريمية} الناهضة ضد {الذكورية} بشوف حركات السن دى


    ياخ سلام والله البوست ده لمن بديتو يا ود البشرى كان مزاجى معتدل جدا- ربيعى وماطر الهوى اقصد الهواء
    يجى زول يدينى محاضره فى.... فى شنو.... خلىيهو اللى يجى خاصة وانو مزاجى نااااااااااارى يانارى انا...

    لكن قبل الارشفة بجيك وبوريك النتيجة

    تسلم يامحمد ويسلم زوار هذا البوست الضارس وبعتزر عن عدم تمكنى من الرد كل على حده وكان بودى

    لكن الله واحد، كلكم بعزكم واختكم فى محبة الله والارض
                   |Articles |News |مقالات |بيانات

21-06-2008, 07:34 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    غايتو كل مرة انا بزداد قناعة
    ان إشراقة مصطفى
    كتابتها فيها روح وطعم

    بنتظرها بولع
    وبقراها بشغف

    وبتم لي كيفي

    شكرآ يا شرووق
    وأمسحي أي هرجلة لي أعلاه
    في وشي الشين ده
                   |Articles |News |مقالات |بيانات

21-06-2008, 08:10 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: أبو ساندرا)

    Quote: شكرآ يا شرووق
    وأمسحي أي هرجلة لي أعلاه
    في وشي الشين ده




    يسلم وشك يأ ابو البنيات
    واى {هرجلة} ممكن الاستفاده منها فى السياق
    يعنى الكلام اللى انت كتبتو ماجاء من فراغ، يعنى كل كلمة ليها دلالتها ومرجعيتها

    وبعدين كونى اشوف الدنيا فى حى شعبى من الدرجة الأولى واواصل برضو فى حى اكثر شعبية
    بيخلينى اتعامل مع اى {هرجلة} من غير تشنج وتحويلها الى قراية ونتحاور فيها ونتبادل فيها الرأى

    مرة تانية يسلم وشك يا اخوى
    وينورك دائما بالمحبة
                   |Articles |News |مقالات |بيانات

28-06-2008, 04:48 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30900

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: Ishraga Mustafa)

    شروق ...معذرة ما انتبهت للإضافة في وقتها
    Quote: اياك تتعلم الانتظار
    لحد ما معاك حق لكن ليس على اطلاقه
    في حالات تستحق الإنتظار بل واحيانا الإنتظار نفسه ممتع
    وحكاية الضرس تستحق الإنتظار لأنو الموضوع اكبر من مجرد ضرس وانقلع - احساسي بقول كدة
    زي ما تفضلتي تغير المزاج الربيعي هو المشكلة
    عشان كدة ياريت لو تطلبي عدم ارشفته او توعدينا انك تكتبي واحد تاني تواصلي فيه من محل ما وقف دا
    مع عودة المزاج الماطر - قريبا ان شاء الله

    نيابة عن زوار البوست الضارس نبادلك المعزة و التقدير
                   |Articles |News |مقالات |بيانات

28-06-2008, 08:47 PM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: قلع الضرس... بوست مهم لاسابيع البورد يا ود البشرى (Re: محمد البشرى الخضر)

    كل سنة وانتو طيبين يا ود البشرى

    فكرت اواصل فى الضرس ده
    لقيت فى جسد بحاله واقف لى زى يوم القيامة
    قلت افلى سلمى وتفلينى عسى ولعل لقيت المسألة بتولع نيران الذاكرة

    قلت اقوم انزل آخر نصوصى يقوموا يعلنوا علىّ الجهاد


    وبعدين بكرى ده الا يمط البورد ده عشان تحتمل مكتبتى

    ياخ النوم المافى ده تلوليه كيف لو ما الكتب والكتابة

    قدر ما تنهر ضقادع الليل عشان يبطلن نواحن تلقى الليل لسة بيقولوا ليهو ت..ا..ت..ى

    أها شفت ماصدقت لقيت لى موضوع

    يازول انا عندى تقريرين مفروض اسلمهم يوم الاتنين ويادوب حا ابدأ


    سلام عليك وعلى كل الناس الحلوة المرت من هنا

    ونشوفكم فى ضرس آخر

    وانشاء الله الله مايجيب فقد تانى


    معزة شديدة يا ود البشرى


    -----
    ياخ صلح الاخطاء براك واياك تقول لى اعد- صدقينى مابقدر اعيد!! يكون ترباس ده قاصد الاملاء؟؟
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de