دعواتكم لزميلنا المفكر د.الباقر العفيف بالشفاء العاجل
|
|
 هنا {ساحات الفداء}........ من هنا الطريق الى جهنم
|
ايها البلد- ياسودان- كيف امسيت؟
اعرف انى بى من الغباء مايجعلنى اؤكد على احادية لونك!!
لونك واحد
واصلك واحد
وديانتك واحدة
ولغتك واحدة
لون/ اصل/ ديانة/ لغة السلطة!!
يامتعدد يابهى.... يا حلمنا الضائع!!
ان كان هناك وجها {ايجابيا} واحدا للاحداث المؤسفة التى اشعلت الوطن باسئلة دقت مساميرها فى جدارن 1956 هو سقوط الاقنعة- سقطت وانفطر الدم بعاطفية هوجاء، نسى الكثيرون والكثيرات فى خضمها قراءة التاريخ – فكيف يتحول الجانى الى بطل؟
ماحدث فى ام درمان لايمكن قراءته وتحليله بعيدا عن الأزمة السياسية فى السودان، بعيدا عن ثقافة العنف فى السياسة السودانية. وبعيدا عن نسقة التاريخى.
ماحدث له ابعادا سياسية/اجتماعية/ واقتصادية.
ماحدث ليس نبتا شيطانيا.
منذ العاشر من مايو ورائحة الموت والعنصرية النتنة تزكم الحياة- تغتالنا ونحن احياء.
وفى حشرجة الروح اكتب
اكتب ضد العنف- ضد الحرب، ضد العنف ايا كان وضد من كان فالمبادىء لاتتجزأ
اكتب ضد العنصرية.. ضد ساحات الفداء- طنينها فى كل مكان
اكتب لاجل وطن حاقت به لعنة ابنائه وبناته حين اصابتنا لوثة التمركز حول الذات واى ذات يابلد؟
اكتب لاجل الحياة
اذ نها لا تنهض الا بنا- بالناس { البيحبوها}
حين يكون الرصاص هو الصوت الوحيد فى دارفور، حين يكون الوجه الاليف للنازحين والمشردين من اهلنا
حين تعلن مئات النساء فى دارفور عن وحوش الحروب التى افرغت غبائنها فى احشائهن- حين تكون الحياة هى النغمة المفقودة حينها يجب ان نعرف....
الموت هو الموت
لايفرق بين {عربى} و{أعجمى}.
د. خليل جاء من صلب هذا النظام، كان احد اعمدته فى زمن كانت الانقاذ فى قمة بطشها وجبروتها، فكيف يمكن قراءة ماحدث دون الرجوع الى هذا التاريخ؟
كيف يمكن تحتمل الروح التهليل والتكبير على الجثث دون ان {يعشرق} سكر {ام الشهيد}؟
كيف وزعيق ساحات الفداء يرجّ قيم انسانية كان لنا ان نتشريها – عصيرا من الباباى او ماء من رحم التبلدى؟
كيف وتاريخ العنف السياسى فى تاريخنا مسكوت عنه؟
اذن لايمكن قراءة العنصرية الفجة التى طفحت كنتاج طبيعى للازمة السياسية بعيدا عن التاريخ الذى انتجها.
اذن ليس هناك بديلا سوى لغة الحوار
ليس هناك حلا من ان تتحمل الحكومة مسئوليتها كاملة
الحكومة بشقيها مؤتمر وطنى وحركة شعبية
اسئلة لابد من الاجابة عليها بعلمية وعقلانية
من المسئول اذن اذا علمت الحكومة سلفا بتحركات حركة العدل والمساواة؟ لماذا سمحت لهم بالدخول؟
هل سيقف الامر عند هذا الحد؟
حتما لا!!
الحل واضح، حل الازمة السودانية بمشاركة كل القوى الوطنية- نحتاج ايضا لتعريف دقيق لهذه المفردة المكشوطة من وجداننا السودانى..ماهى الوطنية وماذا يعنى الوطن ومن هم الوطنين والوطنيات؟
جدير بنا ايضا ان نعرّف الانسانية ونلامسها فينا..
فى مكان ما موجودة...
الحل السلمى والجزرى لكارثة انسانيتنا- دارفور-
معاملة { الاسرى} استنادا على المواثيق الدوليه التى تعهد بها السودان.
التفاف المجتمع المدنى حول رؤية وخطة واضحة للمدى البعيد.
سلامة هذا الوطن بين ايدينا- هيا اصحوا- كفاكم نوما- كفااااااااااااااااااااكم!!
ايتها الروح- استيقظى الآن- عودى الى نارك- اشعليها
نواقيسا لحياة تقرع فينا- فى هذا الوطن متسعا للجميع- هذا الوطن يخص الجميع...
|
|
 
|
|
|
|
|
|
|
 Re: هنا {ساحات الفداء}........ من هنا الطريق الى جهنم (Re: عزاز شامي)
|
| Quote: من هنا الطريق الى جهنم |
ليس من هناك فحسب يا إشراقة ..
كل الطرق في هذا البلد باتت تؤدي إليها ..
إلى جهنم الفكر و النوايا تمشي الناس طرق اللون و الجهة و العرق و الدين ..
إلى جهنماتٍ عديدات أخر .. الله يعلمها .
هذا بلد الطاعون يا صديقتي ..
نفر منه إليه .. فكلنا ( ميتون ) ..
موات السبايا في قيدهن .
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: Emad Abdulla)
|
سينتهى الطاعون ياعماد
حتما سينتهى كما انتهى يوما فى اوربا
فى الحى الاول فى فيينا هناك رمزا للطاعون- للفترة التى اجتاح فيها اوربا وقضى على اخضرها ويابسها
كلما تحبطنى الحياة فى بلد نفسى اشوفو ناهض بينا ونحنا قويين بيهو- بمشى اقرأ واشوف عن تلك الفترة - بجىء راجعة بالامل
كيف انتهى الطاعون فى اوربا؟
اما ان طاعوننا لايوجد له دواء؟
تصدق... مؤمنة تماما بان هناك طريقا يؤدى الى الخلاص
هذا الطريق يحتاج لنا جميعا
ان ننهض
ان نفكر وبصوت عالى
نقول للدنيا نحنا قادرين وقادرات للنهوض بى ابينا النيل
لابدّ من نهوض- ولو بالنوايا الطيبة
بعدها سيأتى الفعل الطيب
حتما...
لابد اذنّّّ!!
كيف؟ دعونا نفكر
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: عزاز شامي)
|
عزاز ياصاحبتى
صدق التعدد الهناك
مهما حاولوا اخماد ناره وتوهجها- فلن يستطيعوا
عيون اجيالنا الذكية بتقول بخيبتنا وعجزنا...
ولكنا نعرف....
نعرف السر ياصاحبتى
نعرف انه ليس هناك مستحيلا ان تشرق شمس تلك البلاد يوما
بعد اجيال
المهم تطلع
ومعا- قلنا قبيل- فى مكان خاص- يستوعب حميمة سودان واحد واصوات متعددة
معا وبينا بتنهض الحياة
شكرا ياعزاز لانك دائما فى المكان الصاح لاجل الوطن الصاح!!
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: abubakr)
|
اصبحنا واصبح الصوت للحياة يا ابابكر
سيبقى السؤال ان كنا فعلا قادرين وقادرات على خوض هذه النار لتنهض البلد من كبوتها
الحل ياصديقنا ....الحل الجماعى
الصوت الجماعى
والرؤية الجماعية
لبلد يموت بين ايدينا- بل نحن من قتله
رؤيتك ياصديقنا تدفع الامل خطوة
----------
دعونا نفكر بدون تشنج وعاطفية {إثنية}
هذا البلد يخص الجميع
هذا البلد يسع الجميع
ختوا رحمن الامل جواكم وانهضوا/ن
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: Ishraga Mustafa)
|
أهلآ يا إشراقة يا كتابة
يا طاعمة
ان الذين يأججون النعرات القبلية
ويوقظون الجهوية من نعاسها
ويسودون بالعنصرية المقيتة الصحائف
وجنبات البورد
ونواصي البلد
يتغافلون عمدآ بأن السلطة الحاكمة لاجهة لها ولا قبيل
يتغافلون عن حقيقة ان السلطة ،
سلطة تحالف تجار الدين والطفيليين والأمنجية المنبتين والمنتفعين والفاسدين
وهولاء نجدهم في كل قبيلة وينطقون بكل لسان ورطانة سودانية مبينة
لا ولاء لهم ، لا لوطن ولا لموقف ولا لإنسانية
ولائهم لذواتهم الخربة وحماية مايرونه كسبهم
ولو على جماجم ابناء الشعب
واناة بناته ، أمهات وشقيقات ورفيقات مكلومات
ثقافة ساحات الفداء ونعيقها تمشي في البورد
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: أبو ساندرا)
|
Quote: ان الذين يأججون النعرات القبلية
ويوقظون الجهوية من نعاسها
ويسودون بالعنصرية المقيتة الصحائف
وجنبات البورد
ونواصي البلد
يتغافلون عمدآ بأن السلطة الحاكمة لاجهة لها ولا قبيل
يتغافلون عن حقيقة ان السلطة ،
سلطة تحالف تجار الدين والطفيليين والأمنجية المنبتين والمنتفعين والفاسدين |
سلام يا اشراقه من سودانيه مغبونه
وانت وضعت يدك علي مصدر وجعي يا ابا ساندرا
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: doma)
|
| Quote: سلام يا اشراقه من سودانيه مغبونه |
الغبن يادومة ياعزيزتى بيفجر ثورات- بسميها ثورات وليس تمرد كما يقول الاعلام الحربى
على الغبائن العلىّ تجيك الغبينة الطاوية حبالها من بلد فيها لعنة
متأكدة من لعنتها
والاّ كيف يحدث كل ماحدث وماسيحدث
سودانية مغبونة زيك يادومة
مغبونة بالتاريخ كلو
وبصناعة سياسة الموت فى البلد العشطانة لدم عيالها وبناتها
القيامة قايمة
والنيل مستكين
طول عمرو مستكين
شجر النيم اللى قطعنا فروعه بفرح الانتفاضات
فشلت الثورات
فشلت الانتفاضات
وستفشل
الى ان تكون قضايا السلام مرتبطة بفروع شجر النيم- بحماية البيئية بالتنمية المتوازنة والمستدامة
وده درب طووووووووووووووووووووووووووووووويل يلدومة
درب ملغوم.....
يدك معانا...
مبادرة- رؤية موحدة
--------
الموت واحد.....
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: أبو ساندرا)
|
| Quote: ثقافة ساحات الفداء ونعيقها تمشي في البورد |
\
البورد ده بلد مصغر للسودان
بيعكس فعلا حالنا يا ابوساندرا
سقطت كثير من الاقنعة وسط هوشة العاطفة الهوجاء
فى مثل هذا الظرف بنحتاج لحكمة ورؤية ثاقبه
لحكمة نستطيع من خلال ممارستها قراية الواقع كما هو
مسبباته
نسقة التاريخى، السياسى والاقتصادى
بنحتاج للحكمة لدرء ماسيحدث من شروخ فادحة فى نسيجنا الاجتماعى
مايحدث وماحدث فى البورد بعيكس فعلا وعورة الدرب الماشين فيهو
العنصرية الطافحة تحتاج مننا جميعا لوقفة وجادة
ماحدث نتاج طبيعى للازمة السياسية فى السودان
نتاج حتمى للغبن التاريخى الذى مارسته الانظمة- كل الانظمة وعلى رأسها الانقاذ
ليس هناك مخرج سوى صوت الحكمة
وليس هناك مخرج سوى وحدتنا على رؤية ومنهج واضح
ليس هناك سوانا- سواهم وسواهن
متى سنعى الدرس
متى نواجه واقعنا ونشيل وهم تسامحنا اللى قلنا بيهو للعالم
من المواجهة نبدأ...
العنصرية- التمييز الاثنى، النوعى، السياسى هو قطتنا {الاليفة} التى تنام معنا وتشرب حليب صغارنا وتأكل جناها خوفا من شراهتنا وزيفنا- زيف البلد {المتسامح}
اها...
{نحنا الساس ونحنا الرأس}
اها....
{كيف يكون الحال لو ماكنت سودانى}؟
-------
شكرا يابركات- احزر ان لاتغمس يدك عميقا فى الجرح- احزر ان البلاد تخرّ دمها
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: الجندرية)
|
أمانى ياصاحبتى
عارفة البيجمعنا وجعة البلد ده
بلد بقى ماليها وجيع
لطالما شغلنى دور الاعلام فى ترسيخ قيم التسامح والمحبة بين شعوبنا السودانية
اعلام مطبل - متخبط وماليهو وجهة وطنية
ده دورنا يا امانى
تحليل دوره بهدف بيجى نبله من نشر ثقافة ظلت غائبة فى السياسية الاعلامية
كيف يمكن التهليل لموت؟
كيف؟
ابشر هؤلاء؟
------
سلام لتلك الشوارع الفيها بالمحبة مشيت
سلام لوجهك يابلد
ستبقى ....
البقاء للحياة
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: Zoal Wahid)
|
Quote:
الماسكون بالبلد هم الذين يدفعوننا للجنوح
قيادة الدولة هي التي تزكي العنصرية .
اما ان يذهبوا هم ونبقى في وطن واحد
واما ان نذهب نحن - وهم ايضا- ولا يبقى الوطن. |
زول واحد ازيك فى الحالة الكربة دى!!
الماسكون بالبلد؟ّّّ!!
وقيادة {الدولة} التى زكت عبر تاريخها الطويل العنصرية عبر قوانينها المجحفة التى لاتستند على حقوق المواطنة ومساواة السودانين/ت امام القانون
قراية التاريخ مهمة فى الظرف الراهن- اعادة كتابته كما حدث دون تزويق ورتوش
الانقاذ فعلت فعايلها هذا صحيح؟
الا ان ذلك لايعفينا من المسئولية
المسئولية التى دفع ناس كتار حياتهم تمنا غاليا لاجل ان يكون هناك سودان مختلف
سودان متعدد فعلا
متنوع وجميل
ان بذهبوا هم... فدى سلطة {عملوا السبعة وزمتها} عشان يصلوا ليها
ان نذهب معا فليس فى ذلك عدلا
ان يبقوا ويتحاسبوا زى ماحاسبوا خلق الله فى عيشتهم وهواء الله ده ممكن!!
ونبقى نحنا ويكون لينا بدائل؟
بدائل تؤمن لهذا الشعب حياة كريمة
وحقوق انسانية تنهض بكرامتنا
ماهى البدائل اذن؟
كيف يلتئم شرخنا الاجتماعى؟
كيف؟
هنا المحك
ومن هنا يجب ان تكون انطلاقتنا نحو مدى اكثر انسانية
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: Ishraga Mustafa)
|
السودان لو زي البورد معناهو الفقد جلل!
والحل ياغالية؟
الحل؟
كيف نطمن الأمهات؟ كيف نمسح كل الألم ده من عيون الصغار؟
كيف نشق غمامة الظلم؟ كيف نعيد الثقة؟
كيف نتحد في نسيج واحد ما بيفرق بين خيوطه؟
نفسي في نهر مقدس اغسل فيه قلوب الناس من عنصرية مبنية على فروقات وهمية!
فروقاتنا مفروض تثرينا و تميزنا بدل ما تحولنا لأرخبيل من البشر!
تعالي نكمل البديتيهو هناك، تعالي نخاطب بذرة الخير الفاضلة فينا و نحاول ننفخ الروح في جسد الأمل، يمكن نوصل لحل ...
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: عزاز شامي)
|
| Quote: تعالي نكمل البديتيهو هناك، تعالي نخاطب بذرة الخير الفاضلة فينا و نحاول ننفخ الروح في جسد الأمل، يمكن نوصل لحل ... |
عزوز صاحبتى الاقرب من رمشة العين
وانتى
والبنات الزينات
الماليهن الامل
انتن ملح الروح
------
اكثر ايمانا من ذى قبل- هانحن نشعل فانوسا وقوده محبتنا لتلك البلاد- الظالم حكامها واهلها اصحاب الامر
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: Ishraga Mustafa)
|
لو ماواجهنا الجدار الجوانا ما حانقدر نشوف الآخر
الآخر بنشوفوا لمن نعاين لفوق واقدام هوانا لبكره الاحلى ثابتة على موقف مبدئى
موقف ماينتزحزح لمن يتخجّ سعن الروح وهى مواجهة بعواصف النفى والكراهية
شوفوا/ن جواكم/ن
وخلونى اشوف جوايا
تعالوا نبقى لبعض مرآيا نشوف بيها عوجة روحنا
ونفتح كوة أمل
الحياة لنا- للناس البيحبوها
والوطن يسع الجميع
الوطن يخص الجميع
-------
حقوق التصوير محفوظة لعزيزنا طلال عفيف الله يكحل عيونو دائما بالجمال
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: حسين محي الدين)
|
Quote: ولكن من يسمع
ومن يعقل!!
نحتاج لمعجزة حتى يجتمع هولاء الفرقاء (أبناء الوطن الواحد) كما يقولون |
لو دايرين نسمع بنسمع ياحسين
لو دايرين نخت يدنا فى الجرح بنحتاج لشجاعة كافية ومواجهة
هل ننتظر حتى تحدث المعجزة
هل تمطرنا السماء بحل يرضى الجميع- لسودان هو للجميع او مفروض
المسألة بتحتاج لرؤية
لعمل
الرؤية والعمل وجهين لعملة واحدة اسمها التنمية المستدامة
شكرا لرمى بعض شموس ضد الظلام
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: Ishraga Mustafa)
|
عزيزتي اشراقه سلام
Quote: حين يكون الرصاص هو الصوت الوحيد فى دارفور، حين يكون الوجه الاليف للنازحين والمشردين من اهلنا
حين تعلن مئات النساء فى دارفور عن وحوش الحروب التى افرغت غبائنها فى احشائهن- حين تكون الحياة هى النغمة المفقودة حينها يجب ان نعرف....
الموت هو الموت
لايفرق بين {عربى} و{أعجمى}. |
فعلا الكثيرين منا محتاجين للتنبيه هذا
Quote: اذن لايمكن قراءة العنصرية الفجة التى طفحت كنتاج طبيعى للازمة السياسية بعيدا عن التاريخ الذى انتجها.
اذن ليس هناك بديلا سوى لغة الحوار
ليس هناك حلا من ان تتحمل الحكومة مسئوليتها كاملة
الحكومة بشقيها مؤتمر وطنى وحركة شعبية
اسئلة لابد من الاجابة عليها بعلمية وعقلانية
من المسئول اذن اذا علمت الحكومة سلفا بتحركات حركة العدل والمساواة؟ لماذا سمحت لهم بالدخول؟
هل سيقف الامر عند هذا الحد؟
حتما لا!! |
اتمني ان تجد نداءتك هذه من يسمع
فاصبح البعض لايسمع الا ما تقوله قبيلته
وهذه هي المشكله السودانيه الان
| Quote: الحل واضح، حل الازمة السودانية بمشاركة كل القوى الوطنية- نحتاج ايضا لتعريف دقيق لهذه المفردة المكشوطة من وجداننا السودانى..ماهى الوطنية وماذا يعنى الوطن ومن هم الوطنين والوطنيات؟ |
Quote: جدير بنا ايضا ان نعرّف الانسانية ونلامسها فينا..
فى مكان ما موجودة...
الحل السلمى والجزرى لكارثة انسانيتنا- دارفور-
معاملة { الاسرى} استنادا على المواثيق الدوليه التى تعهد بها السودان.
التفاف المجتمع المدنى حول رؤية وخطة واضحة للمدى البعيد.
سلامة هذا الوطن بين ايدينا- هيا اصحوا- كفاكم نوما- كفااااااااااااااااااااكم!!
ايتها الروح- استيقظى الآن- عودى الى نارك- اشعليها
نواقيسا لحياة تقرع فينا- فى هذا الوطن متسعا للجميع- هذا الوطن يخص الجميع... |
اوافقك تماما
وادعم هذا الطرح
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: العوض المسلمي)
|
Quote: فاصبح البعض لايسمع الا ما تقوله قبيلته
وهذه هي المشكله السودانيه الان
|
كلامك صاح يالعوض
وينبغى تحليل هذا الامر علميا وموضوعيا
ماوراء ذلك مهم قرايتو
والحاصل نتاج طبيعى لسياسة التهميش التى مارستها الانظمة السودانية وعلى قمتها الانقاذ بلا منافس
ومع ذلك فالامر يحتاج لحكمة
كيف؟
دعونا نفكر معا
ويسعد ربنا ايامك براحة البال
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: Ishraga Mustafa)
|
--------
اللوحة دى حقوقها محفوظة لصاحبها/ صاحبتها للاسف ماعارفة الاسم فاليعزرنى اصحاب الحق- الا انها فعلت فعلها الايجابى فى التأمل والتفكير- غمضت عبونى على حصحاص الحزن ونمت حلمانة بفكرة المدى انو السودان ده حوش - سهلة- سماء- بحر
الباب لو انفتح عشان تدخل منه سحابة- غيمة ماتعبر ساى... غيمة ترشنا بالحياة وتغسلنا ونتحول كلنا لفيمات وغيوم- نهطل فى الارض، نغسلها- ماهى تعبت مننا- نقلع الغام الحروب ونفتح روحنا ونعريها - عشان تدخلها الغيمة دى- { جنون لو جربتوه ما حاتكون عاوزين تصحوا/ن منه
اغمضوزا/ن عيونكم واحلموا- سودان من غير حيطان- من غير ابواب مفقوله- ابواب مفتوحة زى نفاجات المنى المولع فى عيون الامهات.....
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: مصطفى كدفور)
|
Quote: أعيدوني
أغسلونى من عذاباتى وأوجاع تفاصلي
أعيدوا لي ذاتي المشروخة
أعيدوني لفردوس عشقي القديم
لذاكراتي التائهة
أعيدوني لسماء ينبت في رحمها
وطن لي
لميرى
لبت مندى
ولفاطمة السمحة
مالكم تنظر ونى كالبلهاء
مالكم عاجزون أن تعيدوني حيث خلق الرب حواء
لا لكي تنزلكم من الجنة
بل لتعيدكم حيث تنطلق النهارات مزهوة
ومنتصبة جسدا
يتسع كأغنية الوطن الذي نحلم
الاثنين 23/8/1999
|
متى ستنطلق النهارات مزهوة؟
جسدها رخو- متهالك
والافق جعلوه اضيق من خرم ابرة الروح
فاى خيوط امل يمكن نسجها؟
اعيدونى.....
اعيدوا انفسكم
انفسكن
وأسالوا.....
كيف يكون الحال لو ماكنت سودانى؟
س
و
د
ا
ن
ى
.....
...
.
ى
ى
ى
ى
ى
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: Ishraga Mustafa)
|
Quote: اما آن الاوان ان نبدأ؟
اما آن الآوان ان نتوحد على كلمة واحدة
كلمة اسمها السودان؟ |
العنصريون موقنون ان السودان لهم وحدهم،
حتى ولو انشطر الى دويلات فهم لا يهتمون.
انهم لا يمرون ببوستات الوعي هذه.
يستغلون الدين رغم ( كلكم لادم و ادم من تراب)
اصدقك لقد احسست بالمرارة وانا اقرأ بوستات تصفنا بالجرذان
و الفئران ومن شدة المي امسكت كيبوردي حتى لا ابكي .
انا سوداني انا دارفوري انا فار انا جرذ (شكرا للزملاء الاحباب في المنبر).
قال الله تعالى ( لقد كرمنا بنى ادم) حتى الكافر الملحد داخل في التكريم
اوقدي الشموع ونحن بجانبك سنسعى لحمايتهامن رياح البغض
والعنصرية و العنف ضد الابرياء
معا من اجل حملة تبدأ من المنبر
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: أيزابيلا)
|
يا ازبيلا
قد عدت قبل ساعة من فعالية- من تلك التى لاتعرفين اتبكين ام تضحكين
مجموعة فنانين وفنانات
رسم وتلوين
ورق
واقلام
موسيقى
وكلام عن الفن
فى وسط الصاله قبر او هكذا بدأ لى...
اقترب منى وليد يكبرك قليلا
سألنى ان اقول ماحسيته من هذا الذى بدأ لى....
تراب على الاطراف
فى النص قماش اسود
عليه صور من ازمان مختلفة لناس مختلفين
ورقة مكتوب فيها نصا
وساعة مظبوطة على زمن اليوم
سألته عن عمره؟
28 جراحا ونزيف حرب قال لى وعيونه بتحكى الكتير
فنانا تشكيلى عراقى- او كردى كما عرف نفسه
حرب
حرب
حرب
سألنى بالمثل عن عمرى....
28 ضلعة ينقصها التزام بالميثاق!! قلت له ثم اخذتنى بعض ذاكرة الصور التى نثرها هنا وهناك
نظرنا لبعضنا
غامت فى عيونى ذاكرتة الصبيه
وما احتمل كوارث روح تلك البلاد التى لها انتمى.....
----
انا- نحن فى انتظارك ياشذى!!
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: Ishraga Mustafa)
|
....
..
.
من هنا الطريق إلى كل شيء
فكما كان الطريق يوما الى جنات عدن مزعومة
فهو الآن الى اوطان كثيرة ، صغيرة ومقسمة
جهنم يا اشراقة
هنا
العبور
ثم الكوارث كلها
اننا شتات
طرأوا علينا
فأصبحوا التاريخ
ثم
تواطؤوا علينا
مرروا كل العقول
ليكتبوا وحدهم ايضا تفاصيل المصير
نحن في عزلة
عما تئنه الارض
ويئنه ابناؤها الغرباء
كلنا غرباء الآن !!!!
تُختَصر حياتنا
لونيا
وعرقيا
ودينيا
يامسافاتها
انها عوازل صماء
تقيناسؤالات الضمير
ولا تقينا باسهم
كلنا غرباء الآن
فمن يرفع سقف الوطن
....
..
.
نعم في هذا الوطن متسع للجميع
ولكن
كم منا أتاه بقلب سليم !!
...
..
.
اشراقة
ياااااقلمك
..
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: REEL)
|
سلام لجمالك ياصديقتى هيام
حدثينا ان نهيم بالبلد ولو مرة- مرة واحدة صادقة وبعدها ستحيا البلاد
اقرأى هذا النص- كتبته فى 1998
ولم يتغير الحال منذ ذلك التاريخ
اغيرت اشياء واشياء وبقى البلد مركونا تحت الموائد المستديره من عاصمة البلاد -جوبا- نيفاشا وابوجا والفائمة تطول لبلد اغنيتها الرائجة هى الرصاص- رصاص العنصرية البغيضة
Quote:
من أقصى الوجع تغنى إمرأة لاحتمالات فجر ما
آه يا وطن
يا أرضاَ طيبة كقلب الفقراء
حنينا كأمي ومتسامحا كالأطفال
أهيم بك كمتصوفة
وأغيب في نيرفانا عشقك حتى ألعدم
يا بلدا رحيما كأبي
لماذا أبعدتني عن حضنك
عن سمائك
آه ياانشودتى الجميلة
يا نيلا نحكيه عذاباتنا
وأحزاننا
سأحيكيك يا أبتى
سأحكيك حنيناً
يبكى في كطفل يبحث عن أمه في صقيع المدن البعيدة
آه يا وطن
يا خاطرا طيباً يصدح في دمى أغنيات للحياة والأطفال
غنيتك دافئاً كشمس الظهيرة
أغنيات ظامئة الآن
حنينها يجرفني إلي فوانيس أضاءت ساحات عشقنا القديم
آه يا أغنيتي الخالدة
حزينة أغنيك
وأمسك بتلابيب حلمي المهترئة بوجع الحنين الحارق
أرتق أثواب حلمي
وأغنيك عالياً
ما دام المانجو يثمر في جنوبك
والنخيل الظليل في شمالك
وما دام المخاض يأتي النساء كل عام
سيأتي أطفال يا أبتى يطيبون جراحنا ويغنون لحقول حتماً
ستثمر في صباح ما
لا تبكى يا عزة
لا تركعي
قفي شامخة لنشمخ
آه كيف والنساء حزانى
والأطفال في جنوبك يموتون جوعاً
وينتظرون بريق أمل يأتى من طائرات الشمال
مهين ومحزن
تبكى الأرض وشجيرات الباباى
وزعماء يتوهمون السلام
يجاهدون باسمنا
جهاد باسم الفقراء
جهاد باسم أحلامهم وأطفالهم
أه يا وطن .. لماذا الصمت؟
لا تبك
عاصفة ما ستهب كاسحة
ولن تحنى هامتك يا محمد أحمد
ستحنى أحجاراً هي قلوبهم
الجشعة بامتلاك المال والنساء
بشعة هي الحرب
بشع هو الجوع
الجوع الكافر يسكن كل البيوت
ونساء وطني يسكن حلمي وأغنياتي الحزينة
سنحكي عن وطن للفقراء
لنساء يغزلن خيوط الحلم والعلم والعمل
سنلتقي حتماً بعد أن تهنا في ليالي الغربة الباردات
هناك في مملكتي الجميلة
نلتقي.. نتعانق
نشتم ذرات ترابك
هنا أرضى
هنا ذاتي وذات أجدادي
هنا نرقص
دينكا .. عرب..بجة.. نوبة وهد ندوة
نرقص عل طبل البقارة
وبنات الدينكا الجميلات يناطحن السماء بقامتهن الفارعة
وبشرتهن الناعمة كالأبنوس تضئ الساحة
يحزنني بأني تركت ربوعك الجميلة
وملامحك الحنينة تلازمني زفيراً وشهيقا
كيف تركت جدراناً حمتني من الليالي الحزينات
أشتهيك يا وطني
أشتهي مطرك الحنين في العصريات الجميلة
وآمي تبحث عن موقد للنار في الأرض المبتلة
والصغار يتصايحون فرحاً
والعصافير والطيور تعلن فرحتها
وشجيرات الليمون يرطبها رذاذك
والكبار يحلمون بموسم الزرع والحصاد
آه يا وطن
ماذا زرعنا الآن وماذا نحصد
الغربة.. الحزن.. الشتات
أكتبك بجرحى الغائر
وأبكيك في السادس والعشرين من مارس
أبكيك وطناً يلازمني كالنشيد
نشيد يصرخ في حنيناً وجنون
تنجرف في دورتي الدموية
في صميم القلب وحرقة الوجد
آه يا وطن
أمتشقك عاشقة لأيخبو وميضها
تدوزن تفاصلي الجميلة
وتراقصنى في السادس والعشرين من مارس
أر أقصك مجروحة
أغنياتي حزينة مشروخة
تائهة في أقصى الوجع
أبكيك في السادس من أبريل
تبكيك ميرى .. فاطمة وكلتوم
يبكيك جيلاً من الضياع يبحث في جدار الزمن الميت عن هوية
عن قطعة خبز يسكت بها الجوع
عن بسمة مرتجلة في وجوه نساء بلدي
آه يابلدى
في السادس من أبريل
أبحث عن اللذين أحبهم
عن أم أحمد
تحكينا أناشيد الثورة والتضامن النسوى
عن حكايات لم تقلها
حكايات تمطر في أرضنا اليباب
أبحث عن صبايا هتفنا معاً
ضد سلطة الفرد الأحد
في شارع الجامعة تجمعنا
تبرق أحلامنا صوب واقع نتنسم فيه أريج الصباح
أبحث عن عفيف ورفاقه
ليهبوني فراشة ما زالت تغنى لوطن {بنحلم بيهو يوماتى}
في السادس من أبريل
أبحث عن وجه مدينتي الضائع
عن طبلها في العصريات الجميلة
وجه مدينتي أسمر حميم
بحرها الأبيض يصدح بالأغنيات
ورجليها أهترت من المسير
عينيها كسيرة حزينة
وفمها مذموم بالغضب
ضائعة تبحث عن الضائعين
لا تجهلكم إذا إلتقتكم في زقاق حلم لأجل الصغار والنساء
كاسحة هادرة إن بعت القضية وصمت عن قول الحق
مدينة من نار وتراب
ضائعة منذ تسعة أعوام
كان ذلك في الثلاثين من يونيو
في عام من القرون الوسطى
في السادس من أبريل
أبحث عن رجل أحبه
أسمر كخبز الفقراء
ودافئاً كالقصيدة
ألتقيته في دروب الحلم مغنياً للنساء الجميلات
دمه حبر القصائد والأغنيات
يكتبها في جسدي عنواناً للثورة الآتية
حين يحكى
حين يغضب
أو يتركني وحيدة
تشتعل تفاصيلى بقضية شغلتنا منذ الماضي معاً
قضية في جوف حلمي ياقوتة تلمع وتضيء مسالك الزمن الوعر
رجل يحب النشيد
وقامة النخيل
رجل يحب دوزنة القصائد
وثورات انفعالي بالقضية
عينيه غيمة تهطل في زمن لم تعد تهطل فيه السماء
في السادس من أبريل
أبحث عنى
إمرأة من غضب
من مطر
من لعنات
لا تمر عابرة بيوت الفقراء
تعشق الثورة وقضايا الخبز
ورجل قروي حميم تسكعت معه في خلايا النشيد
إمرأة لم تعد هي
قصائدها كسيرة قابعة في جرح الحلم
إمرأة تحاول أن تنفض عنها رماد زمن أعور
أستهدف برماحه كل اللذين أحببتهم
في السادس من أبريل
أبحث عنا
وجوهنا غير وجوهنا
أصواتنا تأتى من كهف ما
منا من قبض على جمر القضية
ومنا من باعها قانعاً ببضعة دنانير ووعود زائفة
بجنة زعيمهم الترابي
وبعضنا استكان وأسكته الخوف
خوف من كراتين جوفاء
ترتجف فقط من ظل الشرفاء
في السادس من أبريل
أناديكم
أصرخ فيكم
ابحثوا عنى
عنكم
عن اللذين أحببتهم
عن رجل داهمني بالأغنيات الحنينة
عن وجه مدينتي الضائع
من وجدني
ووجد حبيبي
ووجه مدينتي الأليف
ووجدكم
فليسلمنا لأقرب نشيد يهدرّ بأكتوبر
بثورة الخبز
بأبريل
والثورة القادمة حتماً في فجر ما
إشراقة مصطفى حامد
فيينا/ النمسا
* نص كتبته في مارس1998 ونشر في كل من صحيفة الفجر والخرطوم
|
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: Ishraga Mustafa)
|
Quote:
هذا البلد يخص الجميع
هذا البلد يسع الجميع
|
(يخص) هذه هي الكلمة المحببة لصديقي الراحل كانديك .... ففي كل مخاطباته كان يقول نحن منطلقون من تصورات تخص السودان وانسانه ......
الان هل يمكن لنا ان نعيش في وطن يسعنا جميعاويعكس شخصايتنا مجتمعين ...... اذا كان ممكنا فهذا هو الوطن الي يخصنا
مودتي يااشراقة
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: بهاء بكري)
|
عزيزتي
لا وقت للغناء
وقـــــــــد
اصبحت الرئة مثقوبة
وهي تتنفس كل هذا النتن
فساحات الفداء
هنا
وهناك
وتستوطن مكان رحبا بهذا المنبر
ساحات الفداء .... عزيزيي هي
فلسفة ومنهجية متكاملة
لتغييب الوعي
وللتغرير بالبسطاء ..... الطيبون
هي ثقافة راسخة
تستغل الرتق ... أي رتق لتوسيعه
لتمرير
المطامع الشخصيةأحيانا
والطموح الشخصي أحيانا
وربما تمرير الأحلام المؤؤدة
وللاستيطان في ترف الجاه ولسلطةغالبا
وملعون أبوك زمن
فالمستغل فيها
عزيزتي
دائما هو المتعلم
والمفترض انه المستنير بهذا العلم .. وبه تفوق على اهله في القرية والقبيلة والأقليم
والمستغل فبها هم اهلنا ودمنا وقد عميت عيونهم عن كل شئ إلا ما لقن لهم
والمسمى
جسر حق أريد به باطل ...
فبساحات الفداء استوطن النظام
ضاربا عرض الحائط بمعايير الامة قيمها تسامحها وطيبتها
وبذات الجسر عزيزتي
الفداء
تنتهي معايير الأمة
بل تنتـــهي امـــــــــة
وانظري
لقد تمخض ساحات الفداء ...والثروة التي صرفت على هذه الحرب اللعينة
والآف القتلي والمغرر بهم
عن
تقسيــم الثــــروة والسلــطة
تنتهي امة وقد نست او تناست
السودان الوطن الواحد
ما قد كان
ويعمـــــــــــلون على ان لا يكون
بقصد
أو بغير قصد
بجهل
او بعلم
بتغليب للمصلحة الضيقة
قبض على زمام السلطة ....حزبية كانت.... ام جهوية .....ام اثنية ......أم دينية
بتخطيط استراتيجي
او بنوايا طيبة
وفهم محدود
وآليات ساحات الفداء تتكرر وتنسخ نفسها في عدة أشكال
وفي كافة انحاء الوطن
فإعلاء العنصرية معول تحطيم لهذه الامة .....
وإرساء ثقافة الكراهية معول ايضا .....
وقتل الشخصية ....
والتشرزم والتحزب على حساب الوطن
ورفض الآخر ... وتحقير الراي الآخر
وسياسات الإقصاء
"واكيد لم يفت عليك صديقتي القدسية والديناصورية التي تضفى على القيادات الحزبية "أي حزب" ليفلتها من السمة الديمقراطية في مكونات الاحزاب"
وكل هذا
تغليب لمصلحة ضيقة على هدف سامي
وكلها تصب في التقسيم والفصل ....
ومأساتنا الاكبر حبيبتي
في أن كافة ما يصدر عنا
تفسيراتنا
وتحليلنا
تستند
إلى هذه الانشطارية (الكيمان) ....
والراي الجاهز والمرسوم بناء على هذه الانشطارية
ونـــــــــــــــنسى الســـــــــــــــودان
وهذه العقلية وطنها النظام لحماية نفسه
ووقع فيها المعارضون على أساس جهوي او عنصري أو تحزبي
وقد تناسوا ان هذا النظام والذي وطن لهذه الفرقة وهذا الشقاق ..... قضى اولا على الخرطوم والوسط وقد أمتلأت بيوت الأشباح بسكان الخرطوم والوسط .....وفرغوا منها قسرا لينتشروا في بقاع الأرض .....
وماساة دارفور وكافة أقاليم السودان ماسي قديمة متجددة ...
تكمن اولا في عدم شرعية السلطات المتوالية .... وخوف الحرامي فيها .. فاعميت عيونهم عن كل شئ إلا القبض على هذه السلطة وسخروا كل موارد الدولة لحماية هذه السلطة....
(وما هذه اللهفة في النهب وتكوين الثروات إلا مردود لهذا الخوف)
وأشهد انني في اثناء بحث لي عن السكن العشوائي وفقراء المدن في الثمانينات
سمعت هذه الأصوات الغاضبة ... رأيتها حانقة وساخطة بوعي وتروي
صارخة ... صرخات مدوية للانتباه للريف
ولتبني التنمية المتوازنة
هذه الأصوات للدكتور بشير عمر وآخرين من المستنيرين من أبناء غربنا الحبيب معظمهم كانوا اساتذة بجامعة الخرطوم بحوث كتبت في السبعينات والثمانينات ..لا اتذكر الأسماء حاليا .... ولكني كنت أسعى وراء سبب الهجرات للخرطوم والقطنى بأطرافها
في سكن هو ناتج لمشاكل أعمق
هذه الكتابات صدحت /عالية /وبشدة وبقوة /من خلال كتابات احتضنتها المكتبات ولم تجد أذن صاغية.
اتدرين
دوي هذه الصرخات ونضحها بالحنق والتظلم جعلني بحكم خبرتي الضيئلة حينها أري فيها انحبازا جهويا داويا
وقد رايت صرخاتهم الداوية قبل 4 اعوام في وسط الخرطوم وقداستحالت الحركة وامتلأت اللواري بسحنات أقاليم السودان المختلفة
تدرين سمعت صرخاتهم حينها ورأيت نتيجة اهمالها...
وأراها كل عام عند اي أشارة وهم يعرضون مناديل الورق والولاعات فقط لسد الرمق ....
بينما تزداد تخمة من زودهم بها من التجار والمهربين وغاسلي الاموال
ورايتها في سحنات صغارمغطين بالدماء موتى او احياء في التلفزيون السوداني وفي النت في ليلة العاشر من مايو ....
وقد اتوا ساحات للفداء.....
وأخبرتني اختي كيف انهم يطرقون الأبواب فقط من اجل انقاذهم من الجوع (هزيلي البنية جياع صغار)
فهل نغني عزيزتي
وقد ادمنا العجز
وسيرة الوجع
وتركنا الحبل على الغارب لمن يريد توسيع الرتق بسياسة فرق تسد لتلطخ الدماء خارطة السودان وقيم اهله
نريد هذه الصرخات الدواية الآن ....
لإيقاف هذا الكره
ولإعلاء وحدة السودان
نريد المؤتمرات الجامعة خارج السودان بمشاركة كل القوى للخروج من الأزمة
لا ولن نتوقع ان ياتي الحل من الخرطوم
ولا من إشهار السلاح
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: محاسن زين العابدين)
|
العزيزة محاسن
Quote: ساحات الفداء .... عزيزيي هي
فلسفة ومنهجية متكاملة
لتغييب الوعي
وللتغرير بالبسطاء ..... الطيبون
هي ثقافة راسخة
تستغل الرتق ... أي رتق لتوسيعه |
اتفق معك تماما فيما ذهبتى اليه
{ساحات الفداء} التى بدأت حينها بوقا للحرب تركت اثرها فظيعا على النفوس التى وجب عليها ان تستمع لهذه الابواق التى شرخت الحياة والايمان بها..
Quote: فالمستغل فيها
عزيزتي
دائما هو المتعلم
والمفترض انه المستنير بهذا العلم .. وبه تفوق على اهله في القرية والقبيلة والأقليم
والمستغل فبها هم اهلنا ودمنا وقد عميت عيونهم عن كل شئ إلا ما لقن لهم |
لقد لخصتى أزمة البلاد ياصديقة
أزماتنا تكمن فى متعلمينا/ مثقفينا { هل هم فعلا متعلمين ومثقفين؟ فالثقافة والتعليم لابد ان يؤديا الى طريق التحضر والتمدن والانفتاح ولكن}
كل ماطرحتيه يحتاج لتناول جاد
لمواجهة مع الذات
لقراية متأنية
خاصة قولك هنا:
Quote: "واكيد لم يفت عليك صديقتي القدسية والديناصورية التي تضفى على القيادات الحزبية "أي حزب" ليفلتها من السمة الديمقراطية في مكونات الاحزاب"
|
ومع ذلك لابد ان يبقى الامل فينا
لابد من التأكد من الحياة ستمضى بنا نحو الأفق
اذن لابدّمن العمل مع بعضنا
معا يتحقق الحلم!!
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: بهاء بكري)
|
Quote: (يخص) هذه هي الكلمة المحببة لصديقي الراحل كانديك .... ففي كل مخاطباته كان يقول نحن منطلقون من تصورات تخص السودان وانسانه ......
الان هل يمكن لنا ان نعيش في وطن يسعنا جميعاويعكس شخصايتنا مجتمعين ...... اذا كان ممكنا فهذا هو الوطن الي يخصنا |
ولهذا رحل!!
الناس المفيدة بترحل بسرعة
مابتحتمل قبح واقعنا
مشت وتركت لينا ذاد ممكن يكفينا العمر كلو لو قرينا التاريخ كويس
الوطن كبير
كبير يابهاء
لكن العنصرية بتخليهو اضيق من خرم الابرة
كيف نتوحد
كيف يتوحد اليسار والقوى الوطنية؟
كيف تكون فى خطة واضحة وهدف نبيل نجتمع كلنا عليهو
كل السودانين والسودانيات؟
كيف؟
خلينا نفكر سوى ياصديق
فالمخرج فى اتحاد المجتمع المدنى على هدف واحد اسمه البلد البقت فى كف عفريت
خالص مودتى واحترامى
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: Ishraga Mustafa)
|
Quote: افتتاح معرض ملحمة الفداء عصر اليوم بميدان الخليفة بأمدرمان
يفتتح في الخامسة من مساء اليوم الخميس بميدان الخليفة بأم درمان معرض ملحمة الفداء الذي تنظمه محلية أم درمان.
وقال د.الفاتح عزالدين معتمد محلية أمدرمان في المؤتمر الصحفي الذي عقده عصر أمس بمباني المحلية إن المعرض يحتوى على الآليات والسيارات والأسلحة والذخائر التي تم الاستيلاء عليها خلال المحاولة التخريبية التي قامت بها فلول التمرد والارتزاق بقيادة المتمرد خليل إبراهيم بجانب صور تعكس التغطية الإعلامية للأحداث.
وأشار د.الفاتح أن المعرض يهدف إلى توثيق الأحداث منذ بداية التحرك من تشاد وحتى إحداث أم درمان مبينا أن المعرض سيتم بالمهنية العالية من خلال المعلومات القطعية حيث أنه يصف الأمور مثلما وقعت بجانب مواقف القوى السياسية السودانية حيال الأحداث الأخيرة وأضاف أنه سيبرز ايضاً الملحمة الشعبية بكافة قطاعات المجتمع مع توثيق الموقف الإعلامي الوطني.
وأعلن معتمد محلية أمدرمان القضاء تماماً على التمرد مشيدا بمشاركة المواطنين وتعاونهم مع الأجهزة الأمنية والعسكرية، كما أعلن عن عزم المحلية تعويض خسائر التجار الذين تعرضت متاجرهم للأضرار واشار د.الفاتح إلى المشروع الذي تزمع المحلية لاقامته وهو مشروع ترعة غرب أمدرمان والذي يمثل حصناً وسياجاً أمنياً لمدينة أمدرمان
|
من بوست للاخ معاوية حسين بعنوان:
افتتاح معرض ملحمة الفداء عصر اليوم بميدان الخليفة بأمدرمان
متى ستكون لنا معارض لانجازات التنمية؟!!
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: maia)
|
عزيزتى مايا!!
ليك وحشة والله- كنت هناك وكنتى فى البال لنلتقى ولكن!!
لا احد ينكر ان لحركة العدل والمساواى قضية
ولا احد يمكن ان يتجاوز ان د. خليل جاء من صلب الحركة {الاسلامية} - ولايمكن نسيان مواقفه اثناء حرب الجنوب....
ومع ذلك...
مع ذلك اعلن تضامنى الكامل بلا مواربة مع اهلنا فى درافور
وانحاز الى قضيتهم التى هى قضيتنا - قضسة العداله الاجتماعية والمساواة اما القانون
العنف مرفوض ضد من كان
ولكن ماوراء ذلك
لعلنا متفقات عزيزتى مايا فى الاسباب
وهانحن نظرنا الى نصف الكوب- المسولية ملقاة على عاتق النظام
ولكن دورنا نحن شنو؟
هنالك من المبرارت التى يمكن ان تجعلنى اصمت من التشريد والاعتقالات التى لاحقت الحركة الوطنية فى السودان...
ولكن لعبت هذه الحركت الديمقراطية دورا
نظرة سريعة لنا- لاولئك اللذين يسمون نفسهم ديمقراطيون...
ماهو حالنا
غير التناحر
مهم الصراع
ولكن للاسف الصراع السياسى من غير اجندة بيؤدى الى التطاحن ومزيدا من التشرزم
انظر الى كل ذلك فى اطاره المرحلى- بتأخد دائرتها ولو ما انتبهنا حاتكون دائرة شياطينية
هناك افق ما يامايا
لنجهد عقلنا مرة واحدة جماعيا وبتجرد
احلمى الآن كحال الجائع- خبزا؟
محبتى يا مايا
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: Sabri Elshareef)
|
عزيزتى محاسن... لحين اعود لمداخلتك العميقة دعينى اقتبس كلامك هنا
Quote: عزيزتي
لا وقت للغناء
وقـــــــــد
اصبحت الرئة مثقوبة
وهي تتنفس كل هذا النتن |
ومع ذلك سنغنى
سنغنى كل الاغنيات الممكنة
بالطبل
بالدلوكة
بالقرع
طمبرة
نأى لراعى فى المخيلة الطفولية
سنغنى....
ساغنى كما افعل الآن.....
بالغناء نحيا وساعود!!
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: Sabri Elshareef)
|
الاخت اشراقة
تحياتى
اتابع كتاباتك باهتمام
القوى الاصولية الدينية تعبر عن السودان القديم فى طرائق التفكير بل ان شئت الدقة هى السودان القديم نفسه بكل عنفه وتخلفه وان تدثرت بثوب القيم. مبدع جدا حزب المؤتمر الوطنى فى اقامة معارض القتل والعنف والترويع اما تلك التى تعكس ثقافة التنمية والسلام فاجزم انها لم تصادف خيالهم بعد.
انهم يا اختى يعيشون فى عصر اخر فرضوه علينا فرضا، وكان الله فى عون السودان
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: Sabri Elshareef)
|
لا يا عزيزتي إشراقة..أنت مخطئة، مخطئة جدا.
من قال أن الوطن للجميع يتساوون فيه في الحقوق والواجبات؟؟
كلا، من قال ذلك ؟!
هناك من يستحقون العيش، وهناك من يستحقون الموت.
هناك من نأسى لموتهم، وهناك من لا نأبه إطلاقا لموتهم، حتى لو بقيت جثثهم أياما في شوارع الخرطوم!!
هذا لأنهم ليسوا (منا).. من (نحن) بالمناسبة ؟؟
هناك من يستحسن نشر صورهم وهم ميتون، وهناك من لا يسمح بنشر صورهم، لأن للموت (حرمة).
فهذا موت، وذاك موت مختلف جدا.
حتى في الموت يا إشراقة نحن لسنا متساوين، لسنا متساوين أبدا.
ولنا أن ندير أنخاب الدم بيننا لنشرب دماءهم في (عرس الدم).
بالمناسبة من انتصر في معركة أمدرمان؟
ومن انكسر ؟
انتصر السودان !!
وانهزم أيضا !!
بعض الناس ..ناس، وبعضهم الآخر لا يعدو أن يكونوا جرذانا وفئرانا، يا اااااااا الله !!
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: خالد عويس)
|
صديقى خالد..
معك حق
معك حق اذ ان للموت سياسته فى بلاد النيلين
كنت قد تابعت كتابتك العميقة مع العزيز عبدالغنى
وقفتنى رؤيتك وكتابتك العميقة عن الموت...
كنت لزمن قريب اعتقد ان للموت لون واحد
لون ما استطعت ان احدده
فلاهو بالابيض
ولاهو بالاسود
ولاخاتف لونين
وها انت تنبهنى الآن - تدق نواقيس لهفة الحياة لناس بتموت فى بلادهم {فطايس}
نبهتنى الى ان الموت حق على كثيرنا
والحياة {باطلة} حين نناديها على بيوت سكنها القهر السياسى
سيبقى السؤال ياعزيزى...
الى متى ستظل الحياة باطلة فى تلك البلاد؟
متى تزهر الدماء التى سالت على مدى تاريخنا كله
ام ستظل {خلف الغضبان} وتمنع من التسكع بمحبة على حواف النيل
أجبنى ياصديق؟!!
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: Ishraga Mustafa)
|
الاخت اشراقة
حقيقي لقد قلت ما كنت اود حقيقة قوله فهل كل من رفع بندقية يستحق ان نسامحه وننسي ماضيه القريب وننسي ما فعله في ابناء الشعب، ان فكر الانسان لا يتجزأ، اتدرين ان العنصرية حقيقة في السودان ويجب مواجتهها بكل حزم، والاحداث الماضية اظهرت لي ان هناك بعض الناس لا يفكرون في شي غير ان يحاربوا نظام الخرطوم حتي لو كان الثمن السودان نفسه، وان هناك من لا يستطيعون ان يتلمسوا احزان اخوتهم السودانين ولا يحتملون ان يفكروا في معاناتهم رغم ايماني بان الالم واحد في كل العالم ولكني لا استطيع ان اقبل من احد احساسه بمعاناة الفلسطينين ولا يستطيع الشعور بمعاناة اخوته في دارفور، بصراحة شديد الساسة في بلادنا يدمنون الفشل ولا يهمهم في سبيل الحصول علي المناصب ان يضيع السودان نفسه، بالمناسبة كما قال السيد الصادق المهدي "هذا الرجل احبه واحترمه جداً" هل انقطعت كل دروب الحل في دارفور حتي يكون الحل الوحيد المتاح هو الحرب في ام درمان!!!
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: msd)
|
أختي إشراقة
انت واحدة ممن أعترف بأنهن يعلونني ثقافة وروحاً صافية
العنصرية المغطية هي واحدة من مشاكل بلدنا لكنها مشكلة أعقد مما يتصور الجميع لأنها مشكلة موجودة في جينات البشر والثقافة الخيرة هي التي تهذب وتزيل العنصرية لما تنور العقول لأنه العنصرية توأمة الجهل
العنصرية السافرة أسوأ من العنصرية المغطية لأنها جارحة ولو أنها أصدق
العنصريةالمضادة من مثل مانراه في البورد ليست علاج للعنصرية بل تصعيد لها
أعتقد أن هنالك مشكلتان في السودان
مشكلة نظام كهنوتي متحالف مع النفعية الحولوه لنفعي برضو وصفوي وفاشي
والعنصرية ما هي عنوان النظام الأكبر بل فقط عنصر من عناصره بسبب القوي التي تهيمن عليه وهي قوي الصفوة التي هي في أغلبها شمالية العناصر والهوي والتوجه
اغرب شئ أنه زمان كان ناس السياسة بقولوا إنه المشكلة مشكلة طبقات غنية ومتحكمة في السلطة لمصالحهم المشتركة
لكن الآن تحولت المقولة لمركز قبايلة متسيدة وهامش قبايله مضطهدة
وما عارفة هل الديمقراطية لوحدها كافية لحل المشكلة دي ولا محتاجين لتغيير جذري في كل أحزابنا وبنيانها الحزبي أو كيانات جديدة والله يستر
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: صباح حسين طه)
|
أختى صباح
الف شكر على كلامك الطيب- اللى بيدل على معدنك الحلو
| Quote: العنصرية المغطية هي واحدة من مشاكل بلدنا لكنها مشكلة أعقد مما يتصور الجميع لأنها مشكلة موجودة في جينات البشر والثقافة الخيرة هي التي تهذب وتزيل العنصرية لما تنور العقول لأنه العنصرية توأمة الجهل |
أتفق معك ان العنصرية {المغطية} هى من اخطر انواع العنصرية
الجهل بيلعب دور ولكن العنصرية فى رأى مرتبطة بالسلطة- توزيعها وتوزيع المصادر الموجودة فى البلد
بمعنى ان الغبن التاريخى اللى بنلامسه ونحسو فى جنوب السودان
واضعافه فى دارفور الآن
والشرق
وجبال النوبة
ومنطقة النيل الأزرق
اذكر هذه المناطق رغم قناعتى ان هناك هامش فى اطراف العاصمة تاهيك عن المتمة
هامش موجود فى وسط السودان
فقط انهم لم يتمكنوا من دخول {الغابة}- ربما لسياسات التنمية المجحفة لم تكن هناك اصلا غابة
اردت ان اقول ان هناك خطورة اذا حصرنا العنصرية فقط فى الجهل
ماهو {المتعلمين والصفوة} عملوا شنو؟
شوفى معاى النتيجة اللى نحنا وصلنا ليها بعد سنوات من {الاستقلال}
الأمر ياصباح يحتاج ان نجلس مع ليل الذات
ويحتاج ان تكون ويكون هناك صباح
لك محبتى
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: msd)
|
| Quote: فهل كل من رفع بندقية يستحق ان نسامحه وننسي ماضيه القريب وننسي ما فعله في ابناء الشعب، |
الف سلام لوجهك يا msd
سؤالك اعلاه سؤال موضوعى جدا
المصالحة ينبغى ان تكون لاجل الوطن
والمحاسبة يجب ان تكون لاجل الوطن
محاسبة لتصليح الذى اعوج بسبب السياسة السودانية التى مازالت تائه فى درب المكابرة
المكابرة التى جعلت السودان فى مفترق الطريق- مفترق طرق
كل منها يؤدى الى التهلكة....
الامر يحتاج لتروى
يحتاج لنكران ذات
ويحتاج للمحبة
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: khaleel)
|
Quote: كلامك جميل ولكنه ثرثرة النخبة الذين هربوا من جحيم السودان وعاشو في مدن تنوم علي مخدات
وارادو ان يسقط النظام كهذا عفو الخاطر
you have to pay an effort
otherwise
الموضوع بايظ |
صباح الخير ياخليل
شكرا على رؤيتك اولا وثانيا على تنميطاتك الجاهزة بشأن المهاجر/ة اللذين يودون قلب النظام
ان صحّ كلامك فلن يكون على ظهر دبابة- مؤكد
عارف كلامك ده حايشجعنى اقوم على ورقى وانفض عنه التكاسل واضىء بعض من رؤى تظلم المهاجرين كثيرا
المخدات التى قلت عنها يتوسدون الوطن عليها- الى حين اتفرغ لما عندى بشأن المهاجرين ودورهم اقرأ هنا ربما نستطيع معا معرفة واقعنا بموضوعية بعيدا عن الكليشهيات الجاهزة
الموضوع أدناه هو ضمن سلسلة مقالات عن الهجرة وسياستها واوضاع المهاجرين والمهاجرات والتى تنشر شهريا فى مجلة الخرطوم الجديدة- ساحاول انزال بشكل مكبر الآن ان استطعت او لاحقا
الموضوع هنا بعنوان { مواجهة الذات حين يجترحنا التمييز}
ولك مودتى
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: khatab)
|
| Quote: تمورين مشتعله على سطح النهر |
اذن انا والثورة صنوان ياخطاب
ليت النهر يحملنى طميا صاخبا لاغنيات البحر
وتلك الثورة خانعة
سكنها الحزن
وما اضاءت كهوف الذات
الثورات التى تغتال فى مهدها
وتلك التى تنتظر ولادة ناقة البلاد
لن يكون فأرا
سيكون جبلا من امنيات كبيرة سكنتنا دهورا
الامر يحتاج احضرار الافق
-----
كيف يبدو الافق ياصاحب؟
احمرا كلون الدم؟
ام....
غدا للاطفال اجملّّ!!
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: Ishraga Mustafa)
|
العزيزة اشراقة لكى التحية
امدرمان مرتعى وصباى ووطنى قبل الوطن
ما حدث هزنى ولكنى ما ذلت ابحث من الذى اعتدى عليها
بسال كمان سؤال يحرقنى ويؤرق مضاجعى ما مررت بة يوم السبت من
هلع على والدى وأولادى واسرتى واهلى تمر بة نساء دار فور كل يوم
كل ليلة وكل ساعة من ستة سنين
بسال سؤال يجعلنى اشك فى قدراتى العقلية
الضجة الاعلامية دى عن امدرمان لانها قلب المثلث ولا لانوا
نحنا ناس امدرمان احق بالحياة من ناس نور الصادق فى نيالا وناس
من الشيخ فى الضعين وغيرنا الفى الفاشر ولا جبل مرة
الحرب ما ياها الحرب
المعرض العرضو فيهو الغنائم دا ولد لى سؤال مهم دى اول غنائم
من ما بدت الحرب دى
بالمناسبة قبل ساعتين سمعت فى الاذاعة واحدة بقول خليل دا حتى لو جنح
للسلم ما حنجنح دى لو قال شيوعى كان قفلو لى ازاعتو واقامو عليهو الحد
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: زينب بدر الدين)
|
العزيزة زينب بدرالدين
فى البدء ارحب بك كامرأة نافحت ومازالت لاجل حقوقنا المشروعة كنساء ورجال
الاسئلة التى طرحتينها مشروعة وملامسة لقراية الواقع بموضوعية
اسئلة تلامس ايضا وجداننا الانسانى
وبتصحينا من نومة اهل الكهف السياسى فى بلدنا
ربما تكون الفائدة التى ينبغى استثمارها لصالح السلام هو الضرورة الفعلية ان يكون هناك سلاما
بمعنى ناس امدرمان- اللى دفعوا التمن- فى صمة خشمهم نتيجة للسياسات المجحفة التى ادت بحركة العدل والمساواة ان تاخد حقها- بضراع السلاح
ثقافة السلاح هى الثقافة الموجودة وللاسف
التى يدفع تمنها الناس البسيطين
الامر يحتاج لرؤية موحدة يازينب
كل مرة بكرر كلمة رؤية دى
لان منها ننطلق لقدام
قدام يحتاجنا جميعا
مبحلتى وفرحتى بوجودك هنا اضافة حقيقية للرأى والرأى الآخر
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: Ishraga Mustafa)
|
نحتاج لأن يستيقظ فينا الإنسان
نحتاج ذلك بإلحـــاح .....
كيف لإنسان أن يحتفي بموت أخيه الإنسان ؟
بعذاباته
وبجراحاته
وبآلامه
أين كان الإنسان في دواخل من صوروا القتلي وعرضوا جثثهم علي شاشات الموت/التلفاز؟
وأين كان الإنسان في دواخل من إحتفوا بهذه البشاعة/الصور علي جنبات هذا المنبر ؟
نحتاج لأن يستيقظ فينا الإنسان أولاً
ثم الوطن
لأن الوطن بدون الإنسان = ؟(ساحات الفداء) للاسف
أشرقي دوماً
وكوني بخير ؛؛ ياإشراقة
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: Ishraga Mustafa)
|
Quote: اكتب ضد العنف- ضد الحرب، ضد العنف ايا كان وضد من كان فالمبادىء لاتتجزأ
اكتب ضد العنصرية.. ضد ساحات الفداء- طنينها فى كل مكان
اكتب لاجل وطن حاقت به لعنة ابنائه وبناته حين اصابتنا لوثة التمركز حول الذات واى ذات يابلد؟
اكتب لاجل الحياة |
سيظل ساحات الفداء رمزا لتأجيج العنف و الدمار و التقتيل
سيظل نبراسا يضىء للقابضين على العنصريه و الفبلية
وسيظل ذكرى تفلح كارهى الذات و الاخرين
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: Ishraga Mustafa)
|
رحاب صديقتى سودانية من جنوب السودان أعتز جدا بمعرفتها
أتفقنا أن الحب لا يمكن فرضه بالقانون
لكن الأحترام يمكن فرضه
وان لم يكن تحقيق تلك البنود على الواقع فالأنفصال الذى يكفل أحترام كل طرف أفضل
رحاب مجروحة من ساحات الفداء
وأنا وانت والوطن كله مجروح
والجرح واحد
ما دايرين ساحات فداء تانى
دايرين سودان واحد وسودانيين من غير شمالى وجنوبى وغرباوى وشرقى
السودان يسع الجميع
وساحات الفداء لا تزيد الا أتساع رقعة القبور فى بلادنا
وأتساع المكاسب المادية لمن يديرونها
واتساع الفجوات الأنسانية بيننا
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: rosemen osman)
|
Quote: أتفقنا أن الحب لا يمكن فرضه بالقانون
لكن الأحترام يمكن فرضه |
بالضبط كده
ودى النقطة الفايته على الكثيرين/ات مننا
يعنى ذى بعض الناس الهنا البتفتكر انها بتناقش العنصرية فى السودان
ولكنها بتقطع الخطوط الحمراء وتهدف بره الملعب
وتدى نفسها الحق فى تصنيف الناس عنصريا و تطلق عليهم الاتهامات العنصريه كيفما اتفق
سلوكهم ده يقع تحت طائلة القانون
باعتبار ان العنصرية نفسها اصبحت جريمه و هناك قوانين خاصه بها
وكتير من المحاكم فى داخل السودان شهدت قضايا مثل هذه
والقاضى كان جعلى كان شايقى كان فوراوى والا حنوبى ملزم بتنفيذ ذلك القانون
وما يحدث الان فى سلك القضاء السودانى لا يعطينا المبرر للقفز بالزانه
وشكرا ليك و دمتى يا رزمين
________________________
صحى الانسان عدو نفسه
| |
|
|
|
|
|
|
|
|
|
Re: هنا {ساحات الفداء}........ من هنا الطريق الى جهنم (Re: Siham Elmugammar)
|
Quote: امدرمان مرتعى وصباى ووطنى قبل الوطن
ما حدث هزنى ولكنى ما ذلت ابحث من الذى اعتدى عليها
بسال كمان سؤال يحرقنى ويؤرق مضاجعى ما مررت بة يوم السبت من
هلع على والدى وأولادى واسرتى واهلى تمر بة نساء دار فور كل يوم
كل ليلة وكل ساعة من ستة سنين
بسال سؤال يجعلنى اشك فى قدراتى العقلية
الضجة الاعلامية دى عن امدرمان لانها قلب المثلث ولا لانوا
نحنا ناس امدرمان احق بالحياة من ناس نور الصادق فى نيالا وناس
من الشيخ فى الضعين وغيرنا الفى الفاشر ولا جبل مرة
الحرب ما ياها الحرب
المعرض العرضو فيهو الغنائم دا ولد لى سؤال مهم دى اول غنائم
من ما بدت الحرب دى
بالمناسبة قبل ساعتين سمعت فى الاذاعة واحدة بقول خليل دا حتى لو جنح
للسلم ما حنجنح دى لو قال شيوعى كان قفلو لى ازاعتو واقامو عليهو الحد |
روزمين وسهام
اقرن كلام زينب بدرالدين الفوق ده
وبرجع ليكن لاحقا
| |
|
|
|
|
|
|
| |
Ishraga Mustafa
Emad Abdulla
abubakr
أبو ساندرا
doma
الجندرية
james
khatab
مصطفى كدفور
حسين محي الدين
العوض المسلمي
ياسر ميرغنى عبدالرحمن
haroon diyab
عبداللطيف حسن علي
أيزابيلا
بهاء بكري
محاسن زين العابدين
طلعت الطيب
khaleel
زينب بدر الدين
ibrahim kojan
abduelgadir mohammed
Siham Elmugammar
rosemen osman
فيس بوك
تويتر
انستقرام
يوتيوب
بنتيريست