|
دعواتكم لزميلنا المفكر د.الباقر العفيف بالشفاء العاجل
|
|
 Re: الأربعين... عمر الزهور عمر المنى...النساء لايكذبن!! (Re: Amira Elsheikh)
|
Quote:
رايك شنو يا اشراقة الممثلة المصرية شيرين عمرها 50 سنة وهى سعيدة
ومحتفية بذلك..( كانها فى العشرين)..ودائما ما تتحدث عن عمرها الحقيقى
بمحبة شديدة.....
|
يا اميرة الامورة...
كلما يكون هناك انجاز حقيقى وملموس بيكون فى احتفاء بالعمر
وتحسى بانك لسه صغنونة ويادوبك فى بداية الطريق
البخوفنى فى الغالب يا اميرة مافكرة العمر مشى دى البيخوفنى لحد الفزع لمن احس بانى مافعلت حاجة فى السنوات المضت دى، وبخوفنى اكتر انى امشى من الدنيا دى من غير ما اخلى حاجة بسيطة ينتفع منها الناس، أمشى من غير ما اغرس فكرة ومعنى المحبة فى واصل ولدى ومرافىء بتى واخليهم يواصلوا لحدى مايصلوا لمرفأ
اها عليك الله شددى شديد فى الباب وتعالى نبتكر طريقة نكتشف بيها الشهادات المزورة
وجمعة بالتفلية لذيذة {جعانة من صباحات الرحمن}
| |
 
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: Ishraga Mustafa)
|
خالتو إشراااااااااااااااقة الحبيبة،،
متيييييين إنتي بقيتي للاربعين،،
لسة بدري عليك،،
ده انا كنت حاسباك قدرنا سناً و اكبرنا
عقلاً و قلباً،،
علي العموم انا في الطريق إلي الاربعين فهل يسمح لي بالجلوس،،
و انا لسة بحبك زي قبل تلاتة سنين و اكتر،،
حدثني عنك عم جعفر نصر،،
و إستغرب جداً إني بعرفك،،
و كمان إتفشخرت و إتبوبرت إنك صحبتي،،و فردة خالص،،
محبة،،
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: طلال عفيفي)
|
غايتو ياطلال عشان الابيات دى نص سماح
النص التانى نفكر فيهو قبل ما ندلى بالرأى
Quote: على هذه الارض ما يستحق الحياة
نهاية ايلول
سيدة تدخل الاربعين بكامل مشمشها
ساعة الشمس في السجن
غيم يقلد سربا من الكائنات
هتافات شعب لمن يصعدون الى حتفهم باسمين
وخوف الطغاة من الاغنيات |
فعلا كل عمر ليهوحلاوتو لكن الاربعينات دى اسكت ساى خليها فى جنس حاجات
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: طيفور)
|
Quote: يا شروق كدي حسبي لينا الحاجات دي شنيها؟؟
نالو شنو...؟
الحنا تلبنا بي هناك وجرينا الخمسين
تكون في حاجة فايتانا كدا ولا كدا
وتبقا علينا سيك فوق الخمسين
حاااااارة يااااااخ |
هييييييييى ياطيقور....
عاوزنى اقيف فى حوش الحكاية واقول...
ابيييييييييت... اها شن بتسوى
* ومع ذلك فيها حاجات والله لو كنت عرفتها كنت كنكشت فى الاربعينات دى
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: Ishraga Mustafa)
|
Quote: | Quote: Quote: غايتو يا شروق ما بتوقع كثافة جندرية عالية هنا |
الله يضحكك يالنا
تصدقى انت تستاهلى الزول يسافر ليك
يعنى لو اتلمينا وحبذا لو معانا ليلى ورندا ، ده نحنا حانعمل عمايل ضحك، ضحكت لمن كلب جارتى نط
اها عدم كثافة الجندريات ده هو الموضوع المفروض نحفر فيهو |
ياريت يا حبيبة ..أضحك الله سنك دوماً..تعرفي..إنتي عاملة زي أمي مستحيل تدس عمرها، حسة مرات مرات زميلاتها المن أيام المدرسة أو الجامعة بتغابو فيها العرفة خاصة لمن يلاقونا (شحوط) كدي جنبها
وعندها صاحبتها الروح بالروح مارقة معاش السنة دي محذرة بناتها ما يقولوا مارقة معاش يقولوا مستقيلة
ومن سنة كم و سبعين هي عمرها 22 سنة صاحبتها دي
فعلاً مسألة عدم كثافة الجندريات هنا دايرة ليها حفر
| |
|
|
|
|
|
|
|
|
 Re: الأربعين... عمر الزهور عمر المنى...النساء لايكذبن!! (Re: lana mahdi)
|
my dear sister
40 is the mature age
where every thing should be well thought after and well done
as we mature we get to know how to live
so welcome to the 40 s club
and to make us all feel jealous this from ustaz nizar to all of us
>> نزار قباني >> عيد ميلادها
عيد ميلادها
بطاقة من يدها ترتعد
تفدى اليد
تقول : عيدي الأحد
ما عمرها؟
لو قلت .. غنى في جبيني العدد
إحدى ثوانيه إذا
أعطت، عصورا تلد
وبرهة من عمرها
يكمن فيها .. أبد
ترى إذا جاء غد
وانشال تول أسود
واندفعت حوامل الزهر..
وطاب المشهد
ورد..وحلوى ..وأنا
يأكلني التردد
بأي شيء أفد
إذا يهل الأحد
بخاتم ..بباقة؟
هيهات. لا أقلد
أليس من يدلني؟
كيف .. وماذا أقتني؟
ليومها الملحن
أحزمة من سوسن؟
أنجمة مقيمة في موطني؟
أهدي لها
الله .. ما أقلها؟ ..
من ينتقي؟
لي من كروم المشرق
من قمر محترق
حقا غريب العبق
آنية مسحورة خالقها لم يخلق..
أحملها ..غدا لها
الله ..ما أقلها
لو بيدي الفرقد
والدر والزمرد
فصلتها جميعها
رافعة لنهدها
ومحبسا لزندها
هدية صغيرة .. تحمل نفسي كلها
لعلها
إذا أنا حملتها
غدا لها
ستسعد
يا مرتجي .. يا أحد
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: lana mahdi)
|
اها يالنا جيتك بروقه...
قصة دس العمر دى لاقية ليها مبررات بس ماكنت عاوزة اكتبها فى شكل مقال فى الوقت الحالى
حصلت لى قصص كتيرة فى حتة العمر دى مرات تضحكى ومرات تتغاظى ويتغاظوا غيرك
فى مشيتى الاخيرة للسودان وقفت مع اخواتى الاتنين واحدة انا اكبرها ب 5 سنوات والتانية اتولدت على يدى، اه صاحبهم سألنا منو الكبيرة فيكم؟ طبعا بينى وبينك فرحتنى الحاجة دى مش عشان العمر عشان المحافظة، او زولة تقول لامى فى وقت مضى لمن اكون حايمة معاها فى مشوار {دى اختك ياعشة}.
صاحباتى مرات بغيظهم لمن اقول ليهم انا فى نص الاربعين وتعلو الاصوات بمرح {انت السألك منو من عمرك؟}
أها يالنا القصة ليها موروثها الثقافى {حسع الجاب الكلام كباب ده شنو هنا؟}
بس الاربعينات يالنا تحفة، تحفة واحساس بالثقة والمسئولية وحاجات تانية بقولها ليك بعدين...
| |
|
|
|
|
|
|
|
|
 أين الرجال؟ (Re: Ishraga Mustafa)
|
شروق
كتر خير دكتور مصطفى الإعترف إنه في زمرة الأربعينات
تخيلي ظلمت بنات جلدتنا
يعني ما الجندريات براهن الما سجلو هنا كثافة عالية
| |
|
|
|
|
|
|
|
|
|
Re: أين الرجال؟ (Re: lana mahdi)
|
| Quote: يعني ما الجندريات براهن الما سجلو هنا كثافة عالية |
يالنا لحدى ما اجيك بروقة كدى حقو نعترف باننا {النساوين} ولا {العوين} وتحت تحت كدى المواعين
بنخاف اكتر، عليك الله التسميات الفوق دى مش بتخوف.. وبجيك لحكاية دس العمر دى
لكن برضو بقول معاك
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: Ishraga Mustafa)
|
تجاوزت الاربعيين بكثير وتجاوزت زوجتي الاربعيين بنصف ذلك فهي في الاربعينات وانا في الخمسينات وكلانا يري الاخر كما يهوي اي كما الاتنيين الذين اجتمعا منذ ربع قرن من الزمان .. نتوائم مع اعمارنا ومتطلباتها .. شخصياتنا المتوافقه في علاقاتنا الاجتماعية وفهمنا للدنيا والاصدقاء والاهل واحترام علاقات وصدقات كل منا وحاجة كل واحد منا لللاخر بحيث نحاول معا الابحار في غربة طويلة حاولنا فيها ونحاول دائما تجاوز الصعاب معا .. فالاغتراب الطويل يهلك البدن والروح ولكن حاجتنا لهذا الاغتراب اللعين من اجل اولادنا تخفف عن مصاعبه الروحية اما البدنية فلقد تعودنا علي العمليات و حقن الانسوليين وحبوب السكري والضغط وووووووومقابلة الاطباء بانتظام منذ عقديين من الزمان ...هي لا تخرج لعمل وانا اخرج للعمل ولكن واجباتنا متساوية .. هي تقوم باشياء كثيرة تهم بنتي وولدي وانا واصدقاؤنا المشتركيين وغيرهم فلكل واحد منا اصدقاؤه .. هي تقوم با شياء كثيرة لا اقدر عليها انا .. وانا اعمل مثلي مثال ملايين المهندسيين والمهندسات فربما لو كانت مهندسة لفعلت مثلما افعل وتفوقت علي بالاشياء الذي لا اقدر عليها وهي الاقدر ....
لم تكن حياتنا حين بداءنا سويا صاخبة فلذا هي حياة انسانية هادئة بالامها وامالها منذ ان بداءت ..نحب بعض بهدوء وانسانية لا تعرف العمر كحاجز ... العمر ليس شاغلنا بمعني اننا لا نحاول ان نخفي عدد السنوات التي مضت ولكن مثلنا مثل كل البشر نعرف ان الذي مضي اكثر من القادم فنقلق علي اولادنا الذين ولدوا وتعلموا حتي كبرو في غربة ...معضلة يعيشها الالاف مؤلفة من شتات الشعب السوداني ولسنا استثناء ...
فترة الاربعينات والخمسينات عندي هي اغزر فترات حياتي التي مضت انتاجا في مجال عملي رغم ضعف في البدن ....
بعض من هدوء وحب كثير لمن حولك وحول الذي حولك يساعد في تماسك .. الاكثار من الحب لا يتعب الروح كالكره والبغضاء ...نحن نبقي صغارا باكثارنا من الحب ...
مودتي
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: abubakr)
|
يا ابابكر يا مدرسة
مداخلتك دى اسرتنى شديد، فى حتات فيها افرحتنى وفى اخرى قربت تبكينى {لو فضل فيها دموع}
التعامل مع مراحل العمر المختلفة ووفقا لمتتطلبات المرحلة المعينة بتحتاج لوعى ومرات وعى حاد
زى الحب مثلا، فى سن العشرين مختلف عن الثلاثين والاربعين والخمسين، بيتراوح بين التأجج والهدوء {مع انى لا اؤمن بهدوء الحب، فى مخيلتى دائما مفروض يكون صاخب وجياش وربما دى امنيات لكن بتدى الاحساس الحقيقى بالحب مهما كان العمر.
المرأة محرومة او بتحرم نفسها فى الغالب خاضعة للثقافة السايدة، يعنى مفروض تكون راضخة لفكرة انو العيال كبروا وانو الحب ده حق العيال تانى وتظلم نفسها ورفيقها بثقافة مفروض تنقرض وتعيش النساء والرجال برضو حياتهم المقننة. {مالى بقيت انظر كتير كدى}
| Quote: العمر ليس شاغلنا بمعني اننا لا نحاول ان نخفي عدد السنوات التي مضت ولكن مثلنا مثل كل البشر نعرف ان الذي مضي اكثر من القادم فنقلق علي اولادنا الذين ولدوا وتعلموا حتي كبرو في غربة ...معضلة يعيشها الالاف مؤلفة من شتات الشعب السوداني ولسنا استثناء |
دى بالذات وجعتنى شديد لانها تخصنى وتهبش وجع جوايا، مخطوطة عن الكبر والموت فى المهجر تنتظر الاكمال والصف... لحين الوقت داك ربنا يدينا العافية ونصل باطفالنا لبر الآمان فهم المسئولية الحقيقية ونتاج للحظة حب حقيقى وصلاة من نوع خاص.
| Quote: بعض من هدوء وحب كثير لمن حولك وحول الذي حولك يساعد في تماسك .. الاكثار من الحب لا يتعب الروح كالكره والبغضاء ...نحن نبقي صغارا باكثارنا من الحب ... |
مافى ذيادة، ابدا ابدا
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: Ishraga Mustafa)
|
دكتورة اشراقة
نهاراتك سعيدة
عمك (او صاحبك) احمد سعد مرة كان في ندوة هو وصديقه عبد الله الطيب (وطبعا هم انداد ومولودين في
نفس العام 1921 لكن البروف عبد الله الطيب اكبر من احمد سعد شوية),المهم احد الحضور وجه سؤال
للبروف داير يعرف منو الاكبر فيهم قام عبد الله الطيب قال ليهو:-
انا اتولدت قبل احمد لكن هو (اكبر مني)!!!!شفتي تواضع العلماء كيف يا دكتورة؟؟
رحم الله البروفسور عبد الله الطيب وامد في ايام الاستاذ احمد سعد لمذيد من العطاء
عمر
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: Ishraga Mustafa)
|
اهلا باشراقة الاربعينية ... لكن يا دكترةانا متاكدة انها اربعين خريف ما اربعين سنة ساي تعيشي يا زول وتعمري راسنا فهم ...
اما الكلام التحت ده يستحق انو يتعلق في الشوارع وكل المناطق العسكرية ..
Quote: تجاوزت الاربعيين بكثير وتجاوزت زوجتي الاربعيين بنصف ذلك فهي في الاربعينات وانا في الخمسينات وكلانا يري الاخر كما يهوي اي كما الاتنيين الذين اجتمعا منذ ربع قرن من الزمان .. نتوائم مع اعمارنا ومتطلباتها .. شخصياتنا المتوافقه في علاقاتنا الاجتماعية وفهمنا للدنيا والاصدقاء والاهل واحترام علاقات وصدقات كل منا وحاجة كل واحد منا لللاخر بحيث نحاول معا الابحار في غربة طويلة حاولنا فيها ونحاول دائما تجاوز الصعاب معا .. فالاغتراب الطويل يهلك البدن والروح ولكن حاجتنا لهذا الاغتراب اللعين من اجل اولادنا تخفف عن مصاعبه الروحية اما البدنية فلقد تعودنا علي العمليات و حقن الانسوليين وحبوب السكري والضغط وووووووومقابلة الاطباء بانتظام منذ عقديين من الزمان ...هي لا تخرج لعمل وانا اخرج للعمل ولكن واجباتنا متساوية .. هي تقوم باشياء كثيرة تهم بنتي وولدي وانا واصدقاؤنا المشتركيين وغيرهم فلكل واحد منا اصدقاؤه .. هي تقوم با شياء كثيرة لا اقدر عليها انا .. وانا اعمل مثلي مثال ملايين المهندسيين والمهندسات فربما لو كانت مهندسة لفعلت مثلما افعل وتفوقت علي بالاشياء الذي لا اقدر عليها وهي الاقدر ....
لم تكن حياتنا حين بداءنا سويا صاخبة فلذا هي حياة انسانية هادئة بالامها وامالها منذ ان بداءت ..نحب بعض بهدوء وانسانية لا تعرف العمر كحاجز ... العمر ليس شاغلنا بمعني اننا لا نحاول ان نخفي عدد السنوات التي مضت ولكن مثلنا مثل كل البشر نعرف ان الذي مضي اكثر من القادم فنقلق علي اولادنا الذين ولدوا وتعلموا حتي كبرو في غربة ...معضلة يعيشها الالاف مؤلفة من شتات الشعب السوداني ولسنا استثناء ...
فترة الاربعينات والخمسينات عندي هي اغزر فترات حياتي التي مضت انتاجا في مجال عملي رغم ضعف في البدن ....
بعض من هدوء وحب كثير لمن حولك وحول الذي حولك يساعد في تماسك .. الاكثار من الحب لا يتعب الروح كالكره والبغضاء ...نحن نبقي صغارا باكثارنا من الحب ...
مودتي |
لكما التحية والاحترام والانحناء...
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: Ishraga Mustafa)
|
سلامات يا د.إشراقة,
Age ain't nothing but a number!!
كل مرحلة من عمر الإنسان لها طعمها و
لها ما يميزها عن تلك التى مضت وأخرى
ننتظر قدومها لو كان فى العمر بقية!!
عيش المرحلة العمرية بإحداثيات صحيحة
يكون ناتجه الإستمتاع بما هو ممتع فيها
وفهم مراراتهاإذا وجدت وقيل أن الشباب
شباب القلب فكثيرا ما نرى كبار سن يملأ
حياتهم المرح والحركة ويبدوعليهم الرضا
عن مراحل حياتهم السابقة.
لا يرضينا كثير أو لا يعجبنا طفلا يتشبه
بالكبار ويتصرف مثلهم ونطلق عليه بعض
المسميات وكذلك كبير أو كبيرة السن عندما
يحاول أن يبدو أو يتصرف تصرفات من هم أصغر
سنا منهاأو منه وينعت ذاك السلوك بالتصابى!!!
الذكاء أن تعيش المرحلة بخطوطها وحدودها الصحيحة
وبذلك سيكون لكل مرحلة طعم مختلف إذا كنت تملك
القدرة على التذوق ومعرفة الفرق.
Enjoy your fourtith dear and be proud of what you acheived.
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: أيمن الطيب)
|
اشراقه
اولا:
لو عيد ميلادك خليني اقول لك كل عام وانت بخير.
ولو فرعنه جندريه اقول لك ناكشانا مالك,ما كنا حلوين؟؟؟
تاتؤبعين حلوه اجدني لازلت ازخر بالحياه وبالمقدره على العطاء و الحب و التواصل.
النضج يكسب الاشياء طعما اجمل.
فقط حزينه لاجل كل الاسطوانات المشروخه التي كانت تلقن للنساء عن ان الاربعين هي سن اليأس!!
...ولتظلي بخير...ولي عوده اذا سمح الوقت.
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: Tragie Mustafa)
|
يامراحب بالاربعينيات الواثقات من نفسهن وبجن بثبات لبيت عرين العمر
طبعا ياتراجى ده ماعيد ميلادى، ده عيد ميلاد النحت والتفكيك، فى حاجات كتيرة محتاجة لنحت واعادة صياغة، خوفنا من العمر وخاصة النساء والاسباب اللى خلت كتيرات مننا يهربن من مواجهة العمر دى وكأنما كل شىء مربوط بسنوات الطمث... طمث الحياة ده مابيقيف طالما نحن قادرات على الانجاز والفعل الايجابى.
| Quote: فقط حزينه لاجل كل الاسطوانات المشروخه التي كانت تلقن للنساء عن ان الاربعين هي سن اليأس!! |
ده موضوع جاهز ومكتوب على ورق القى زمن واطبعه، {سن اليأس} دى ممكن تبدأ من عمر خمستاشر ياتراجى، لمن الدولة تكون محبطة والابواب مغلقة فى وشها ومحاصرة بكمية تابوهات، الدولة ياتراجى وسياستها هى اللى بتوصل الناس لسن اليأس وخاصة النساء. الثقافة دى كرستها ليها سياسة مناهجنا وسياسة التنمية اللى رسموها وماشاركن فيها النساء وتبقى مشاركتهن فى التنمية فى الغالب غير مرئية. تعالى نشوف ربات البيوت، ديل بالنسبة لى اهم ركائز التنمية البشرية لكن ده غير مرئى فى غالب الامر وبيتم التعامل معاه بتبخيس حتى مرات من جابنبا نحن النساء، تسألى الواحدة تقولى ليها شغالة شنو تقول ليك {ماشغالة، انا ربة منزل} طيب ده ماشغل بس غير مدفوع الاجر ومن هنا ترسخت فكرة انو ده ماشغل، رغم انو ده شغل وواعى جدا واساسى فى التنمية.
اها ياستى قصدى من البوست ده ماعمرى {كذات} بل عمرى وعمرك واعمارهم موضوع محتاج مننا لوقفة
| Quote: ...ولتظلي بخير...ولي عوده اذا سمح الوقت. |
وانتى بخير وفى انتظارك تانى
ومحبتى
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: أيمن الطيب)
|
صباحات العمر اللى يادابو ابتدأ يا ايمن { ده بيبدأ من الاربعين وانت طالع فوق}
Quote: عيش المرحلة العمرية بإحداثيات صحيحة
يكون ناتجه الإستمتاع بما هو ممتع فيها
وفهم مراراتهاإذا وجدت وقيل أن الشباب
شباب القلب فكثيرا ما نرى كبار سن يملأ
حياتهم المرح والحركة ويبدوعليهم الرضا
عن مراحل حياتهم السابقة. |
عارف قصة شباب القلب دى هى البتخلى الزول مايحس بالسنوات البتنسرب من عمرو، واحدة من اهم الوسائل لده الضحك ومحاولة التغلب على الاحزان باى شكل رغم انو مرات بيكون صعب تقوم ليك قايمة ومع ذلك بيكون فى طريق مليان شوك صاح بس ممكن يتزح شوية ويفسح للقدم موقع لو اردنا.
Quote: الذكاء أن تعيش المرحلة بخطوطها وحدودها الصحيحة
وبذلك سيكون لكل مرحلة طعم مختلف إذا كنت تملك
القدرة على التذوق ومعرفة الفرق. |
شوف كم من سنوات العمر ضاعت؟
ضاعت بفهم سياسى يا ايمن؟
اجيال تتخرج وتضيع سنوات عمرها المنتجة فى انظار رحمة الدولة
شوف كم من الاجيال بره وكم من العمر ضاع دون انتاج ودون انجاز يذكر
الدولة مسئولة مسئولية كاملة عن ضياع العمر فى شربة تخبطها وعدم سياستها الواضحة تجاة الشباب
حتى الاطفال نفسهم، تفتكر ممكن فى ظل اوضاعنا دى يحسوا عمرهم؟ لارياض اطفال، لا اكواب حليب، لا مدارس كفاية ولا... ولا.... وعييييييك من القائمة
عارف لمن كتبت البوست ده كنت بفكر فى حاجات كتيرة بتجتاح الواحد/الواحدة مننا، بيشغلنى منها قضايا كتيرة زى العمر وفكرته، الحياة وفكرتها، والموت وفلسفته، حبيت انحت معاكم ونلقى طريقة مختلفة نتعامل بيها مع العمر ونحاول نزيح غبار كثيف ومتسخ حول انسانيتنا.
ومع ذلك تبقى فترة الاربعيبات فترة ثرة ومليانة بالمسئولية والثقة والحياة... غايتو عندى لسه فيها خمسة سنين كان الله ادانى عمر عندى فيهم مشاريع كتيرة عاوزة انجزها قبال ما امش
خلاص كفاية نقة، مع السلامة
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: Ishraga Mustafa)
|
دكتورة اشراقة
كيفك حالك
العمر يا استاذة لا يقاس بالسنين و انما باللحظات الحلوة التى عاشها الانسان
وفي رواية اخرى بعدد السنين الحلوة التى عاشها البنى ادم .
واذا سلمنا بالمقولة اياها بيكون عمر معظم السودانيين قليل (شقى وتعب وشلهته وراء العيشة)
يعنى ببساطة زي عمنا جبورة ود جابر لمن سألوه عن عمرو وقالو ليه احسبو لينا بالايام الحلوة ، قال ليهم كان كدا انا كان مت اكتبوا على قبري جبورة جابر من بطن امه الى المقابر .
Quote: غايتو يا شروق ما بتوقع كثافة جندرية عالية هنا
لنا مهدي
38 سنة إلا 5 شهور |
استاذه لنا متأكدة
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: الصادق خليفة)
|
سلامات يالصادق..
العمر بيقاس عندى بالاضافة للى ذكرتو بالانجازات... قبل مايبدأ اى عام جديد بكون وضعت خطة وبكتبها وبحتفظ بيها، بكتب فيها اللى عاوزة انجزه وبتصور فيها التغيير الممكن يحصل لى لو انجزتها او جزء منها... مرات بلقى فى سنو ضاعت شمار فى مرقة الفراغ ومرات بلقى نفسى عشتها لانى انجزت فيها شىء ملموس..
العمر هو الطاقة الفيينا، اتخيل اننا حولنا كل طاقاتنا السالبة الى طاقة ايجابية وفكرنا ايجابيا
ممكن نلقى نفسنا بنعيش العمر بفرحة حقيقية لانو لينا هدف..
الكلام عن العمر هنا بيكون زى مخطوطة اتوسع فيها لو ربنا سهل فى الفترة الجاية
نحسب عمرنا الضاع بين امانيينا وجحود الحكام
اها يالصادق قبال ما انفتح فى النقة اخير اتخارج
فتك بعافية ياود امى
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: Ishraga Mustafa)
|
العزيزة اشراقة
و الاربعين هو عمر النبوّة
فطوبى للنساء النبيّات
----
فى بيتناارتبط التقدم فى العمر بازدياد نسبى فى مساحة الحرية و المسئولية، لهذا كنت فى كل عام اعد الايام و الاسابيع و الشهور فى انتظار عيد الميلاد التالى. اذكر حتى الان عندما كان عمرى تسع سنوات اننى كنت اقول فى سرى اننى لا اصدق ان عمري سيصبح - بعد ايام قليلة - عشر سنوات كاملة، و"دخلت فى شخصية" حينذاك و اصبحت اخر قلاصة :-). و بالصدفة عثر والدى على صورة من تلك الفترة قبل حوالى الاسبوعين - اضحكتنا جميعا.
و الان، فى عامى التاسع و الثلاثين، كثيرا ما سألت نفسى، عما اذاكنت ساكتسب بعضامن الحكمة خلال الشهور القادمة فهذا ما احتاجه بشدة الان!
و افكر فى اعداد النساء اللائى قضين فى حروبات السودان المتتالية، او بسبب انعدام البنى التحتية لمقابلة احتياجاتهن الصحية و غيرها، و اعداد النساء الكبيرة من المصابات بالايدز على مستوى القارة الافريقية، و من قضين بسبب عدم قدرتهن للحصول على الدواء دون ان يقتربن حتى مما سمى زورا ب"سنّ اليأس" و هذا مبحث هام فالتحية لك لتناوله.
ندى
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: nada ali)
|
طوبى للنساء النبيات
طوبى لمن تقول ذلك... لك ياندى
| Quote: فى بيتناارتبط التقدم فى العمر بازدياد نسبى فى مساحة الحرية و المسئولية، لهذا كنت فى كل عام اعد الايام و الاسابيع و الشهور فى انتظار عيد الميلاد التالى. اذكر حتى الان عندما كان عمرى تسع سنوات اننى كنت اقول فى سرى اننى لا اصدق ان عمري سيصبح - بعد ايام قليلة - عشر سنوات كاملة، و"دخلت فى شخصية" حينذاك و اصبحت اخر قلاصة :-). و بالصدفة عثر والدى على صورة من تلك الفترة قبل حوالى الاسبوعين - اضحكتنا جميعا |
ده أساس وعيك ياصديقتى.. من هنا اتعجن صلصال لوحة الصباح فى دمك
Quote:
و افكر فى اعداد النساء اللائى قضين فى حروبات السودان المتتالية، او بسبب انعدام البنى التحتية لمقابلة احتياجاتهن الصحية و غيرها، و اعداد النساء الكبيرة من المصابات بالايدز على مستوى القارة الافريقية، و من قضين بسبب عدم قدرتهن للحصول على الدواء دون ان يقتربن حتى مما سمى زورا ب"سنّ اليأس" و هذا مبحث هام فالتحية لك لتناوله |
هبشتى فكرتى ياندى، لمن كتبت البوست دة وزى ماقلت لتراجى فوق انو وسيلة الى الموضوع وليس الذات
امتع مادة درستها فى كلية العلوم السايسية كانت بعنوان {قضايا الصحة الانجابية لدى النساء، مقارنة عالمية}، بفكر بصوت عالى حسع انو كونسيبت الصحة الانجابية اتجاوز هنا النساء الماعندن مقدرة ينجبن
وانو فيهو تمييز غير مقصود رغم ان الطلبة تناولا وتناولن الفئة دى من النساء وتأثير الثقافات المحلية على خياة المرأة التى لاتنجب.
كم من العمر ياندى بيضيع؟
امسكيها من زمن الطفولة، مرورا بالمراهقة وسنوات الخصب الاولى
كم من العمر ضاع فى العمل المنزلى وفى الحقل والمحزن مافى اعتراف بكدى وبيفضل ده غير مرئى فى حياتنا اليومية...
شوفى كيف السياسة السكانية قصت ضفائر الحلم النضر؟ احلام بتتحقق كل يوم فى عالمنا البرة ده
وشوفى كم واحدة وصلت {سن اليأس} السياسى دون ان نحفر جدوالنا الانسانية فى السياسة السودانية؟
شوفى كم من عمرنا ضاع هدر فى منافينا؟ المنفى المكانى والزمانى..
شوفى الضاع كم فى الثرثرة والمناكفات والتجريح، ده كلو محسوب على عمرنا وعلى صحتنا
ودة بيقصر العمر من زمنا بدرى
وشوفى... وشوفى... وشوفى.... لمن الشوف ينتهى..
وشوفى كيف العالم برة بيمركز روؤيتو لينا ولعمرنا اللى انهدر وكيف بيمرق نفسو من عجينة مآسينا
شكرا لمداخلتك الواعية ياندى، فتحت في عقلى جداول تانية تخر ماء الفكرة المتحررة سلسبيلا من عقلك المستنير {العاجبنى ومخلينى افخر بيك}
محبتى وتحياتى للامورة ولصويق الازمنة الجميلة خالد
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: Tariq Mohamed Osman)
|
طارق ا ابن دربى
كيف وآل الجلاد واحفادهم
Quote:
اربعينيات ؟؟؟
ده كلام شنو؟ |
ياطارق... لاننا لسه عايشين ذهنيا فى زمن الانتفاضة وتلك الاحلام الاكبر من واقعنا اياه
عشان لسة داسين رحيق عمرنا فيها حاسين انو لسه صغار والزمن واقف هناك...
وبنا مابنا من احباطات تخلينا مكنكشيين فى ذلك الماضى التليد...
ننتبه فجأة والقلب اشتعل هما وغما واناشيد مهرية بجردقة الزمن، ننتبه اننا كبرنا لمن نجر شريط الاحداث المرت والماكنا عاوزين نشوفها...
* شفت حسع رجعتنى للفصاحة وقلة {الحيلة}
محبتى
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: Ishraga Mustafa)
|
العزيزة / إشراقة ،
القصيدة دي مهداة ليك ولندى علي "السينمائيّة" ،
بدون زعل :
حسرة
ربما كنت طوقت خصرك, ذاك الرهيف
جهارا
ونحن إلى لوحة ...
ننتظر
ربما كنت أنت انتظرت يدي
كي تمر على كل تلك القرى
قد أكون أردتك في لحظة
غير أني أقاوم
أعرف أن العزيز من الناس بيني و بينك
لكنني قد امد يدي
ما مددت يدي
وأنا الآن , ما زلت في حسرة , أنتظر.
سعدي يوسف .
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: عادل عبدالرحمن)
|
سلامات يا ابن المشاوير الخضراء
شكرا على الاهداء
واليك اهدى نصا ايضا فى السياق
Quote: خصوبة:
بلغت الأربعين
وفانوس خصوبتي ينفد زيته
ما عدت صالحة لانجب الولد حامى القبيلة
من حدد ميقات خصوبة حواء؟
اكتمي صوتك ولاتسألى
أخفى عوراتك
فبرتقال نهديك عورة
وموسيقى صوتك عورة
انتبهي
غداً تصبحين من القواعد
فما عدت صالحة لإنجاب الولد حامى القبيلة
ولا المؤودة المحكومة بصرامة مواعيد الخصوبة
إشراقة مصطقى حامد
السودان 16.09.2001
|
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: abubakr)
|
| Quote: في كل يوم من السنة كتبت نورما شيئا جميلا قد حدث في ذات اليوم . لذلك فان هنالك دائما سببا ما يجعل الحياة سعيدة.. |
يامدرسة يا ابابكر,,,
هنا بيت القصيد.. ان يكون لحياتنا هدف ومرمى غير محدود بساحل
والهدف البتحقق بيخلى الحياة سعيدة ومحتملة
وانت ماطلعت من الموضوع انت فى قلبة وماسكو من وجع حنانو
| Quote: -قبل دقائق كنت اتحدث مع بنت خالي التي فقدت زوجها بن خالي الثاني "فيصل" ووجدتها متماسكة وتقول يوم قبل وفاته اتصل وقال "القرية جميلة انني افكر في العودة والاستقرار بها " لم يقل لها عن مرضه طيلة شهور كثيرة وكان يقول لها عن الاشياء الجميلة .... |
باللتفانى.. تفانى الانبياء
Quote:
اكييد هنالك اشياء جميلة يجب ان نعيش لها ونجعل منها روزنامة تذكرنا بكل جميل
|
وختامه مسك عقل
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: Ishraga Mustafa)
|
اشراقة العزيزة ,
تحياتى وانت تشرقين باحديث تبعث فينا الكثير و تحفز فينا التعمق و اطالة النظر فى تفاصيل هى احرى بالوقوف و اجدى بالتامل لك عميق التقدير و الامتنان لكل اطروحاتك القيمة
اشراقة لك منى و لضيوفك من كلمات فاروق جويدة:
عمر الحياة يقاس بالزمن السعيد
كل المنى للجميع بايام ملؤها السعادة و راحة البال و ما تنسوا *رزمانة نورما.
*تحياتى استاذ ابوبكر و امتنان لعميق اسهمامك الثر دوما .
| |
|
|
|
|
|
|
|
|
|
شكرا ياسلمى ياداود ياروعة... (Re: Ishraga Mustafa)
|
سلمى داود المبدعة الموغلة فى الغياب... لونت الليلة يومى بالبهجة {شفتو كلام الشعراء والشاعرات ديل، دنيا مكركبة ومليانة اسى وبعد ده نلون} شكرا سلمى لمداخلتك الواعية البتفتح جروح تانية وزى ماقلت ليك فى ردى هو ان ضمن الحفريات القدامى حفرية بعنوان {العقم/خصوبة الروح}، موضوع فى غاية الاهمية وبيحتاج لبحت، صورة المرأة التى ولاسباب بيولوجية لاتنجب وكيف بتنظر ليها ثقافتنا العجيبة والتمييز البيقع عليها مقارنة بالرجل المابينجب، نقوم نحاسبهاوننشف موية روحها لانو موية رحمها مالفقت تعجن طينة، ده موضوع كبير وبيجهو فى بوست آخر... شكرا ياسلمى يامبدعة
Quote:
I remembered a scene from Grey's Anatomy (I am an American Shows addict by the way) I watched 2 days ago...
One of the doctors got fed up of her messed up life and her inability to hold on to a partner. She decided she wanted to have a baby before it's too late, so she started searching sperm donor profiles to find one that she might want to be the Male half of her baby.
She realized after doing the tests that she could not have a baby.. Apparently she had a birth problem with her ovaries. She was devastated.. To the extent that she was talking to herself loudly while sitting on the stairs
One of the male doctors – a handsome one of course came by and barely said hello, when she burst out telling him that her only dream was now gone with the wind and that she has to go shopping for another dream.. and that she was barren and dry… The cute doctor (that she has only met a couple of days earlier) just kissed her passionately full on the lips.. a kiss that left her gasping for breath.. When she collected herself, she asked him what that was for.. He told her “just to remind you that you are not dry”!! "If you felt that, then you are very much a woman"!
She was in her late thirties!
I guess that goes well with your last bit about
الخصوبة..
محبتي
|
* بس شوفى الخصوبة الفى آخر القصة دى... يقولوا لينا سن يأس وقصص عجيبة يفوتوا لينا اجمل سنين العمر
| |
|
|
|
|
|
|
|
|
|
Re: شكرا ياسلمى ياداود ياروعة... (Re: abubakr)
|
مساء الخير يا صديق..
الكتابة قد تكون دواء النفس من احزانها، اكتب وافرش وعيك هنا لتخرج من حالة الحزن، هو اصلو ساكن فينا وسيك سيك معلق فيك عشان كدى لازم نتفكك منه.
Quote: اضافة :
بارتيبا باتيل امراة في الثانية والسبعيين كانت حاكمة لولاية راجستان الشهيرة في الهند اليوم اكتسحت انتخابات الرئاسة الهندية وفازت كاول امراة رئيسة لدولة سكانها مليار نسمةواكبر ديمقراطيات العالم ..المنصب تشريفي لكن انتصار باتيل وفي هذا السن اشارة لكل نساء العالم بان المراة قادرة في كل العمر من بديته الي نهايته .. اننا وحدناالذين نضع حواجز بين مسافة العمر
|
هنا مربط الفرس
لا سن {يأس} ولايحزنزن، سنين انتاج وانجاز وتحدى بيقول للعالم لا لاى تمييز لكبار السن
* مداخلاتك مفيدة ومثرية يا ابابكر لاتحرمنا منها، مداخلتك دى فتقت فى ذهنى شعاع عاوز يوم اضى بيهو التمييز البيقع على الناس الكبار
محبتى
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: Ishraga Mustafa)
|
يا شوق ازيك
ياخ دا اسمو منتصف العمر الجميل
وهسى نحنا قربنا للخريف انتى ما معانا
ولمن نخرف الله لا وراك خرفنا حيكون عجيب
مرة كنا (جماعة ـ خطاب وعميرى )وكنا بنتكلم عن العمر وتقدمه
سبحان الله عميرى رحل اول زول زى ما قال (بفرع ليكم الموت)
اها كنا بنتكلم عن اننا يوم حنتلاقى وتكون السنون مكسرات
والعيون نضارات قعر كباية
وحكاوى من زمن جميل عشناه ( نحلم ان نرويه )
هسى باقى ليك ماخرف دا ؟
يا شوق كل سنه وانتى طيبة والشهر الجاى حا حتفل بمنتصف العمر الجميل تماما
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: Ishraga Mustafa)
|
ياسلمى الخريف ده صاح بتتساقط فيهو اوراق الشجر
بس بدلها بتفرهد اوراق تانية
الاوراق التانية دى هى فعلنا وانجازنا ياسلمى
البتخلينا دائما نحس بقيمة العمر
لسه السكة طويلة
وعندى ليك لسته لو مت {انا بحب الحياة رغم وجعها ووشها الحانفاه لى ديمة}
اها تجتهدى مع اصحاب الخير والحياة لتنفيذها
غايتو انا متأكده ابوبكر بيسندك، الوصية فى الزمة... كويس
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: Ishraga Mustafa)
|
اشراقة سؤال
البوست ده جندر والا مفصل؟ ( اول مرة اليوم استخدم كلمة جندر الحمدلله دخلنا عالم المثقفين)
بي كلام اهلنا
البوست ده عموم ذكرانا واناثا؟
هل فيه مساواة والا للذكر مثل حظ الانثيين
يعني الرجال ابو اربعين فما فوق يدخلو
زالبنات ابو عشرينات يدخلوا
وبكة يكونو البنات كلهم صغار
والرجال في سن النبوة
ده كلام
معلبش هضربة بقايا بخار
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: د.محمد حسن)
|
ياد. محمد حسن
الموضوع من ناحية مجندر مجندر
والجندرة هنا بتشملنا الاتنين
نساء ورجال..
| Quote: هل فيه مساواة والا للذكر مثل حظ الانثيين |
المساواة امنية
تفضل المرأة ويفضل الرجل
والاتنين يعملوا لعالم انسانى
* الشطر التانى من كلامك الوضعت تحتو خط من عندى مابيقيف عارض للبعض يعنى ابو تمنين سنة يعرسو ليهو زى العجب بنية فى ال 19 عمر الزهور المفترى عليه، اها دى كيف؟
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: طيفور)
|
Quote: عايني .. عاوزة الجد....؟
انا ماكلة معاي قصاصات تموز ديك .. اقرا شوية وازوغ
تورتي علينا النفس يااااخ.. قلت اتفشى فيكي بي جاااااي
بي هناك ما بقدر اتفاصح.. شوفتي كيف؟ |
عرفنا الكونية وغرف البلاعة ياطيفور
كمان اتور نفسى براى...ياسلاااااااااااام
الفصاحة دى ممكن تكون باللون ياحريف... تشوف وتسرح وتفكك براك ذرات حنانو
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: Ishraga Mustafa)
|
العزيزة اشراقة
Quote: امتع مادة درستها فى كلية العلوم السايسية كانت بعنوان {قضايا الصحة الانجابية لدى النساء، مقارنة عالمية}، بفكر بصوت عالى حسع انو كونسيبت الصحة الانجابية اتجاوز هنا النساء الماعندن مقدرة ينجبن
وانو فيهو تمييز غير مقصود رغم ان الطلبة تناولا وتناولن الفئة دى من النساء وتأثير الثقافات المحلية على خياة المرأة التى لاتنجب. |
رائع كونك تدرّسين هذه المادة، فحياة المرأة الانجابية بمختلف ابعادها هى احدى الحقول الاساسية لتكريس التمييز ضدها و مهم امتداده ليشمل النساء اللائى لا ينجبن.
Quote: كم من العمر ضاع فى العمل المنزلى وفى الحقل والمحزن مافى اعتراف بكدى وبيفضل ده غير مرئى فى حياتنا اليومية...
شوفى كيف السياسة السكانية قصت ضفائر الحلم النضر؟ احلام بتتحقق كل يوم فى عالمنا البرة ده
وشوفى كم واحدة وصلت {سن اليأس} السياسى دون ان نحفر جدوالنا الانسانية فى السياسة السودانية؟
شوفى كم من عمرنا ضاع هدر فى منافينا؟ المنفى المكانى والزمانى..
شوفى الضاع كم فى الثرثرة والمناكفات والتجريح، ده كلو محسوب على عمرنا وعلى صحتنا
ودة بيقصر العمر من زمنا بدرى... |
يالها من اسئلة يا اشراقة! لا فض فوك
و شكرا لكلماتك الطيبة (حاسبى كدة راسى حا يكبر). و شكرا للاخ الجيلى.
الاخ عادل عبد الرحمن
سلام و تحايا و مرحبا بك فى سودانيز اون لاين...
و بأى دهشة استقبلتك المنافى الجديدة (وكيف استقبلتها؟) ام انها لم تعد جديدة؟
شكرا للاهداء.. قلت لى من غير زعل؟ همممممم!
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: د.محمد حسن)
|
أولا سلام أهل الدار وبعد ..
رمية
قبل هذا كنت أركب الباص أو الحافلة لا أحد يكترث لوجودي ، أظل طوال الرحلة واقفا على رجلي إلا أن يرحمني الله بنزول راكب .
بعد حين :
أركب الحافلة ، أكثر من شاب يتبرع بمكانه الفاره من أجلي قائلا : تفضل يا خال ، نفسيا كنت أتضايق من هذه التصرفات ، لكن بابتسامة حقيقية أقول لهم : ما في مشكلة ، يصر أحدهم أكثر ، ياخي نحن بنتحمل تعال يا خال ما في مشكلة ، أكاد أضرب هؤلاء الشباب " بلنجة" " بكس" أو غيره ولكن كما قيل الكثرة تغلب الشجاعة ، و أقول هامسا دون أن يسمعني أحد " يخلخل ضروسك " أجلس مغلوبا على أمري أدركت تماما أني في سن الأربعين وتحملت بعدها من الهموم ما لم أكن أتحمله من قبل .........
سن الأربعين : سن النبوة ورجاحة العقل والمسؤولية الزائدة تجاه كل شيء .
بعد بعد حين :
أركب دائما كخلق الله الحافلة أو البص ، وكالعادة يتبرع أحدهم اتفضل يا " عم " ، واو كما يقول أولادي الآن ، يا جماعة والله خال كانت ظريفة جدا من عم دي وكما يقال الولد خال والخال حنين وكثير من المفردات التي حفظناها ، هذه المرة لا أتمالك نفسي وأقول بصوت خفيت لكن مسموع لكل الجوار " عما كباس إن شاء الله " ، أحكي لزوجتي القصة تقول : الحقيقة دائما مرة . .
الأربعين وزوجتي وأنا :
أولا زوجتي : ما كانت لتفصح بعمرها وخصوصا عندما تذهب للطبيب * ( لدي الكثير لأقوله عنهم ، لكني لا أريد أن أفسد روعة البوست)
أقول لها : العمر دة بحدد حاجات كثيييرة وعلى ضوءه الطبيب بيقدر يشخص المرض ويكتب الروشتة ....
تقول لي : هذا الأمر لا يخصك
احترم نفسي وأقول خلاص .
صديق باكستاني ظريف قلت له زد عشر سنوات لعمر زوجتي ، قال لي : بالإضافة للتي زدتها سلفا لها ، ويضحك ضحكة آسيوية يصعب وصفها ، أدركت تماما أن حيلة زوجتي لن تنطلي على الطبيب .
بعدها قلت لها قللي ما شئت من عمرك فالطبيب له ميزان لا يخيب .
الأربعيني أنا " وا واواه "
قمت وزوجتي بزيارة لابن عمتي في الحارة السابعة ، ركبنا حافلة من الخرطوم بحري مباشرة إلى الثورة ، مسافة طويلة ، لابد من دردشة وكلام ظريف مع من يجاورك ، جاورت رجلا متصوفا أحببته كثيرا لصدق كلماته ورقته الزائدة ، حكى لي من الحكايا المثير الخطر وقصص الأولين والأخرين ، كنت دائما أقول له " بعدين يا عمنا" وتكررت مني هذه الكلمة كثيرا !
قالت زوجتي : " شوف الما بيخجل دة " ما سكنا بعدين يا عمنا ، ياخي الراجل دة إنت لو ما عمو تكون أخوه الكبير .. ضحكت من زوجتي وقللت قيمة ما قالته ، قالت لي : يا خي لو ما عاجبك شوفنا شوف
ا لمراية .
أنا والمراية :
أنا من المعجبين جدا بالمرايا وأنواعها وأكاد أحاضر حتى أساتذة الفيزياء فالمرآة المستوية ما كانت تهمني كثيرا ولا المقعرة أما المرآة المحدبة فهي التي أعرفها وكيف لا فهي مصغرة الصور ، سطحها العاكس منحني للخارج ، وهل هنالك عوالم تخلو من الإنحناء ؟ ، عرفتها جيدا عندما كنت أمتلك سيارة فارهة " حسب مواصفاتي أنا" ولا تهمني مواصفات الهيئة العامة للمواصفات والمقاييس ، مرآة على شمالك وأخرى على يمينك وآخرى تتوسط المنطقة الأمامية في أعلى السيارة من الداخل . كلها مرايا محدبة ، ما أحلاك وأنت الوحيدة القادرة على إرجاعنا إلى الوراء عندما يغيب ال
كتب على المرايا " objects in mirror are closer than they appear " .
راجعت نفسي قليلا وقلت فلنستخدم المرايا أو المنظرة ، المنضرة المعنى واحد ، هذه المرة المرآة مستوية ، صفات الصورة فيها كالأتي :
مستوية ، تقديرية ، بعد الجسم عن المرآة يساوي بعد الصورة عن المرآة ، معكوسة ، حجم الصورة يساوي حجم الجسم
كل هذه الصفات لم أجد صفة واحدة تقف في جانبي ، معكوسة تعكس الشمال يمين واليمين شمال ، وبعد ذلك كل صفات الصورة هي صفات الجسم ، يعني كما يقول الخواجات المباراة بيني وبين المرآة المستوية هي " 1/0 game "
بعد كل هذا توكلت على الله واستلمت مرآة صغيرة كانت بجانب النافذة ، قالت لي زوجتي : يوجد مرآة أخرى على جانب باب أحد " الدواليب" ، ذهبت لارى صورتي ، وصورتي هي أنا " وا واواه" مرة ثانية وثالثة ورابعة ....
هذا أنا ! الشيب لم يترك مكانا إلا وغزاه وما فعله الشيب في رأسي لا يجروء تيمور لنك على فعله في أي مكان ناهيك عن بغداد ، على العموم مشكلتي معقدة ، تجاعيد كأمواج الرمال الناعمة " ripples" " غطت جبهتي كما غطت الفيضانات ضفاف شرق النيل في الأيام الفائتة .
كثير من التفاصيل أفجعتني وأفرحتني في آن واحد ، أما الفجيعة فيبدو أن الرحلة نصفها ويزيد انتهى بما لها وما عليها وأما الفرحة ففرحتان فرحة بأنه لا يأس مع الحياة واعمل لدنياك أو آخرتك كما تريد فقيمة الوقت في بركته لا في مدته ، وكما قال صاحبي فالبركة لا تحتاج لشرح كثير فهي طريقة لتكثير القليل أو زيادة الناقص ، لا تحسها إلا في الملمات والأيام النحسات . ومع هذا أنت بحاجة لإيمان .
تذكرت أصدقاء أبي عندما قدموا لبيتنا وأنا طفل صغير ، قال أحدهم : وكان مقربا جدا من أبي : قل لأمك تجهز لنا غداء على عجل ، كانو ا " بصا " ويزيد ، هرولت مسرعا ناحية أمي ، أخبرتها بقدوم الضيوف ، قالت مرحبا ، بعدها بقليل ظهر أبي في الصورة كما يقولون وقال لأمي لا يهمك كثيرا هؤلاء أتوا لرزقهم هنا ورزقهم على الله ، قال أبي : اذهب يا ولدي لمحجوب الشايقي و على الحساب خذ منه طماطم وبصل وزيت سمسم .
نهضت أمي مسرعة لصاج عتيق لامع قاوم كل درجات الحرارة بأ طيافها المتعددة من المرئية إلى الأشعة تحت الحمراء الحرارية ، ما هي إلا لحظات ورقائق الكسرى تتهادى من علي يدي أمي المباركة ، أمي كم أحببتها وأحببت كل النساء من أجلها ، فهي إمرأة بريح العنبر وطعم السكر ، تكفيني ملاقتها ليزول كل هم وينفرج كل كرب وتهون كل مصيبة ، حفظها الله من كل شر ومصيبة . رهائف الكسرى مع خليط البصل والطماطم والزيت العجيب ، وقتها كان الضيف يكرم بالقدح ولا مكان للصحون الكثيرة التي تخدع ناظريها ، قدح ، اثنان ، ثلاثة ويزيد اكتفي الجميع وتبقي من الأكل الكثير ، قال صديق أبي لأبي : ما ذا قرأت على هذه الصحون قال أبي : لا شيء ولكن الله يبارك في القليل ، لم أدر معنى هذا الكلام إلا بعد الأربعين .
فرحة أخرى ما أحلاها إن اكتملت ، لن أسميها ولا أستطيع ولكن كما قال الإمام الغزالي :
تركت هوى ليلى وسعدى بمنزل
وعدت مصحوبا لأول منزل
ونادتني الأشواق مهلا فهذه
منازل من تهوى رويدك فانزل
ما أجمل هذه ا لأبيات وأنت تغنيها بصوت شجي في ساعات الخلو وأوقات الفراغ ، حيث لا فراغ إلا في القلوب ، ولا بقاء إلا في الخلود ، وأنا أقرأ لكل المشتاقين بمختلف صنوفهم أتذكر بعض أبيات متواضعة من وقت بعيد :
يا نفس أوبي وارجعي
لله توبي واركعي
ما ضر ذرف الأدمع
لو كنت لليل تعي
دعيك من ليل دع
آه من الزمن الدعي
"وا وا واه " للمرة السبعين ما زال ليلي كليل أبي دلامة وما زال أكلي كأكل صاحب شيخي الزاهد وقصته قصة عجيبة ، شيخ زاهد لا يحب الطعام كثيرا ولا يحب أن يدعى إليه ولا يحب أن يتكلم عنه كثيرا وكان أيضا من الكرم بمكان آتاه ضيف من بعيد ، أكرمه الشيخ إكراما شديدا وناوله ما ناوله من أطايب الطعام ، لم يلحظ الضيف كثيرا أن الشيخ لا يأكل كثيرا ورغم هذا القليل فكان مجاملة للضيف ، شبع الضيف شبعا كثيرا ، لم يتمالك الضيف نفسه وتجشأ إعلانا لإحتلال الطعام مكان الهواء في حشاه وبعدها قال : الحمد لله ، ما كان من الشيخ إلا أن يقول له : يا راجل قل استغفر الله ، فالحمد لله أنت تجاوزتها من زمن بعيد. فأكلي ما زال كأكل هذا الذي يحتاج إلى استغفار.
شكرا للمرآة المستوية على هذا الإيضاح الذي ما كان ليكون لولاها وداعا كل المرايا الباقية فأنا ما عدت أحتمل التصغير والتكبير بعد الأربعين .
وشكرا أختي إشراقة على هذه المساحة ا لتي تركتينا فيها نتفس ونتجشأ كما نريد فلك كل التقدير والود أنت ومن معك .
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: انور الطيب)
|
"قد أكون محشورا في قشرة جوز ,وأحسب نفسي ملكا لهذا الفضاء اللامتناهي"
مقولة هاملت المشهورة عند شكسبير
"i could be bounded to a nutshell ,and count my self a king of an infinite space"
وأظن الفيتوري أخذ من هذا عندما قال :
عشقي يفني عشقي
وفنائي استغراق
مملوكك لكني
سلطان العشاق .
ووجدت عالم الفيزياء المشهور ستيفن هوكنجز يصدر كتابه الجميل العالم في قشرة جوز بما قاله هاملت ، وإن كان في هذا العالم عبرة لنا جميعا ، إعاقة تامة ، ونشاط عقلي حاد لم يعرف الإنهيار بل هنالك من يصنفه بأنه أعلى ذكاء من أنشتاين .
وكذلك عالم الرياضيات ووربويز في كتابه نظم المعلومات الجغرافية مفاهيم رياضية قدم لبعض فصوله بهذه المقدمة الرائعة التي تفوتنا كثيرا وإن أسقطناها على العمر
فالعمر حالة مزاجية تختلف باختلاف الأشخاص وهو عند زهير بعد الثمانين لا يطاق
" سئمت تكاليف الحياة ومن يعش ثمانين حولا لا أبالك يسأم "
وعند غيره يبدأ العمر في خريفه ....
ودمتم .....
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: انور الطيب)
|
سلامات يا انور
احد ايجابيات غربتى هو تعامل الخواجات مع عمرهم، كل شىء مخطط ودقيق
مرة سجلت لاحدى المواد الدرستها فى جامعة فيينا طالبة، طبعا اتوقعتها فى سن 18 او قول 22
كان عمرها ستين سنة؟
ستين سنة وعاوزه تقرأ الجامعة، تحضر الماجستير
والله اليوم داك اتذكرت كل نسوان السودان واتذكرت كيف بندفن مرات بالحياة بحجة انو خلاص العمر انتهى... طيلة مافى نفس طالع ونازل معناها فى مقدرة على الفعل... كل السمستر ماقادره اتعامل معاها باعتبارى الاستاذه المشرفة على الكورس، دايما متخيلة انها امى ولا خالتى، وفى قافتى تحاجج ليك زول فى العمر ده بتبقى صعبة... غايتو بمرور الزمن اتعلمت وعرفت انو ده شىء عادى.
الصورة مع برلمانيات نمساويات، السيدة لوناشيك على شمال الصورة مسئولة السياسة الخارجية لحزب الخضر دعتنى قبل فترة لعيد ميلادها الخمسين.. دعن الدنيا والعالمين وقالت ليهم انا امرأة خمسينية وفى الدعوة كتبت بما معناه {ان ثمن الهدية يجب ان يوضع فى صندوف فى مكان الاحتفال لدعم مشروع للمهاجرين الشباب، فكرت فى اختلاف ثقافتنا، يعن فى الخمسين اللى فضل لى منها خمسة سنوات بس مفروض بمرجعيتى السودانية الزم البيت واستنى يومى لانو دى سن اليأس...
من السودان فى نماذج بعرفها ولسه فاعلة، لاحقا حا احكى عن عم احمد سعد اطال الله فى عمره
وتشكر يا انور على اثراء البوست
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: انور الطيب)
|
| Quote: سن الأربعين : سن النبوة ورجاحة العقل والمسؤولية الزائدة تجاه كل شيء . |
طوبى لك ولى
طوبى لرجاحة العقل والمسئولية
اخا انت جيت فى حتة من زمن مقلقة بى، وبتقودنا لفكرة مرآة الذات
فكرت كتير بل كل يوم لمن اشوف وشى فى المرايا والاحظ بعض سيبات الهموم المصبوغة بالحناء الطبيعية، اسأل نفسى لمن يعترينى الخوف من الشيبات اللى مطن كرعيهن ونامن، ياربى كيف لو شفت مرأة ذاتى؟
لمن اشوف فيها كل اخطائى الفادحة والغير فادحة بمقايسى {زى مقايس اختيارك للعربية الفارهة}
اقسى مواجهة يواجة زولة او الزول فى الاربعينبات لمن يشوف فى مرآة ذاتو ضياع السنين اللى انهدرت فى الفارغة ومقدودة، نشوف كم زول جرحناه، وكم زول اذيناه، بيظهر ده كلو فى مرآة الذات... غايتو كلامك ده عن المرأة خلانى اجتهد انطف المرأة البشوف بيها ذاتى... حاجة صعبة مرات لمن تكون انت وذاتك ومراية تزهج منها تقوم تهشمها عشان الذات تنوم فى غيها العظيم..
| Quote: تذكرت أصدقاء أبي عندما قدموا لبيتنا وأنا طفل صغير ، قال أحدهم : وكان مقربا جدا من أبي : قل لأمك تجهز لنا غداء على عجل ، كانو ا " بصا " ويزيد ، هرولت مسرعا ناحية أمي ، أخبرتها بقدوم الضيوف ، قالت مرحبا ، بعدها بقليل ظهر أبي في الصورة كما يقولون وقال لأمي لا يهمك كثيرا هؤلاء أتوا لرزقهم هنا ورزقهم على الله ، قال أبي : اذهب يا ولدي لمحجوب الشايقي و على الحساب خذ منه طماطم وبصل وزيت سمسم . |
اهى دى الذات العظيمة، الراضية المرضية، طوبى لهم ولرضاهم على نفسهم
Quote: أمي كم أحببتها وأحببت كل النساء من أجلها ، فهي إمرأة بريح العنبر وطعم السكر ، تكفيني ملاقتها ليزول كل هم وينفرج كل كرب وتهون كل مصيبة ، حفظها الله من كل شر ومصيبة . رهائف الكسرى مع خليط البصل والطماطم والزيت العجيب ، وقتها كان الضيف يكرم بالقدح ولا مكان للصحون الكثيرة التي تخدع ناظريها ، قدح ، اثنان ، ثلاثة ويزيد اكتفي الجميع وتبقي من الأكل الكثير ، قال صديق أبي لأبي : ما ذا قرأت على هذه الصحون قال أبي : لا شيء ولكن الله يبارك في القليل ، لم أدر معنى هذا الكلام إلا بعد الأربعين .
|
يا ابن أمى يا انور... هى أمى لانها تنتمى لاجمل الامهات.. ربنا يخليها ويكون عمرها المديد الحافل بانجازات الخلق والرضا مرآة شفافة نرى بها ذواتنا...
شكرى وامتنانى للظل لشريتو هنا... كان ندى للعمر
| |
|
|
|
|
|
|
|
|
|
Re: الأربعين... عمر الزهور عمر المنى...النساء لايكذبن!! (Re: بدر الدين الأمير)
|
Quote: ....
( يادوب إبتدأ العمر الجميل) |
سنوات النضج..
النضج فى كل شىء...
وسنوات العمق...
والمسكان فى الدنيا بالعشرة... {غايتو فكرة الزول يمشى منها دى اصلها ماراكبة لى فى رأسى.. الله يطول الاعمار.. واستغفره وانا على نوم}
* لو يادوب ابتدأ يابدرالدين بتكون فى حسرة على السنوات الفاتت.... فيها جمال اكيد بس بنكون ما انتبهنا ليهو الا بعد ماعدت، عشان كدى الزول/الزولة يمسكوا قوى فى الفضل من العمر
تحياتى
| |
|
|
|
|
|
|
| |
Ishraga Mustafa
وليد محمد المبارك
حيدر حسن ميرغني
Soumeta
عبدالكريم الامين احمد
lana mahdi
طلال عفيفي
طيفور
Mustafa Mahmoud
abubakr
omar altom
ريهان الريح الشاذلي
أيمن الطيب
Tragie Mustafa
Nader Abu Kadouk
الصادق خليفة
nada ali
عادل عبدالرحمن
الجيلى أحمد
خدر
ALGARADABI
سلمى الشيخ سلامة
د.محمد حسن
انور الطيب
رأفت ميلاد
Rabab Elkarib
حواء سليمان ابراهيم
بدر الدين الأمير
فيس بوك
تويتر
انستقرام
يوتيوب
بنتيريست