|
|
 القرضابى الاصيل يرفض 55الف درهم
|
صباح اليوم كنت اتحدث مع الصديق القرضابى
قلتا ليهو صوتك مالو كدا
رد انا هسا فى النيابة
يازول ان شاء الله خير النيابة شنو
انت ما قريت فى الخليج امس
ايوه اتذكرتك الخبر بيقول مفتش اغذية فى بلدية دبى يرفض رشوة 55الف درهم قدمها تاجر هندى لتمرير صفقة اغذية
اها ياجماعة القرضابى رفض الرشوة باخلاق سودانى اصيل
بالرغم من ان الشيطان كانت عندو اغراءات موضوعية للقرضابى
لانو الاغذية دى بهارات يعنى البهارات الفاسدة ما بتكتل ليها زول
بس القرفة والهبهان والقرنفل ريحتم تكون ضعيفة والفلفل يكون بارد
يازول رفعتا راسنا
وناس جريدة الخليج ما يقولوا سودانى ولا بس فالحين لمن الخبر يكون مشعوذ ولا سكران يقولو سودانى الجنسية
|
|
 
|
|
|
|
|
|
|
|
Re: القرضابى الاصيل يرفض 55الف درهم (Re: gamal elsadig)
|
الهندى الشرير دا ما يلقى يقع الا فى يد عمر محمد الحسن
والاقدار تفضح امثال هؤلاء بان يقعوا فى ايدى الشرفاء من امثال اخونا عمر الرجل الذى لا يعرف الا الصدق والتعامل الصحيح ..
نشات البلديات فى دولة الامارات العربية بسواعد وخبرات ابناء السودان وهم مؤتمنون فى ماكل ومشرب من يقيمون فى هذه الدولة وكل المختبرات الصحية لللاطعمة فى دولة الامارات تحت اشراف ابناء السودان الشرفاء من امثال اخونا عمر محمد الحسن ..
وليس بغريب عليه رفض مثل هذه الرشاوى التى يقدمها من يريد الربح السريع دون وازع اخلاقى ..
فعمر من اسرة معروفة تربى ابناءها على العفاف والقناعة والخلق القويم فهو فى المكان الصحيح فى مواجهة امثال هؤلاء البشر ممن لا اخلاق لهم
اهنىء بلدية دبي لانها استطاعت وضع الرجل المناسب فى المكان المناسب وهنيئا لكل عفيف شريف من ابناء السودان ونحن فخورون به ..
| |
|
|
|
|
|
|
|
|
|
Re: القرضابى الاصيل يرفض 55الف درهم (Re: mohmmed said ahmed)
|
التحية للأخ العزيز القرضابي وهو يجسد القيم
التحية للأخ القرضابي وهو ينتصر لتربيته الأصيلة
التحية للأخ القرضابي وهو يقدم الصورة الحقيقية للشخصية السودانية.
التحية من بعد لك أخي الحبيب محمد سيد أحمد
نافلة
55 ألف درهم تعادل تقريباً 15 ألف دولار أمريكي
وتعادل تقريباً 33 مليون جنيه سوداني
| |
|
|
|
|
|
|
|
|
 Re: القرضابى الاصيل يرفض 55الف درهم (Re: mohmmed said ahmed)
|
الأخ الحبيب محمد كيف الحال
لقد أثلجت صدورنا بهذا الخبر و بارك الله فيك...
Quote:
يازول رفعتا راسنا
وناس جريدة الخليج ما يقولوا سودانى ولا بس فالحين لمن الخبر يكون مشعوذ ولا سكران يقولو سودانى الجنسية |
و زي ما قلت بس الحاجة تكون فيها عمل مشين يخص السودانيين تلقاها بالعربي و الإنجليزي زي عملية السرقة بتاعت السنة الفاتت... و دة كلوا محاربة لبني جنسنا و انت تعلم ان معظم الصحفيين من الملة الواطية (الزلم الغنم) اللهم أجعل كيدهم في نحرهم.
شكراً للسماح لي بالمرور،،،
كل الود... هيثم القوز
| |
|
|
|
|
|
|
|
|
|
Re: القرضابى الاصيل يرفض 55الف درهم (Re: خالد علي محجوب المنسي)
|
"تفتح الستارة وتظهر شخصية اعتبارية فى ملابس عادية"
تبدأ الشخصية الاعتبارية فى الردحى:
جيب لى اضانك دى هنا قريب يا قرضابى النقرصها ليك
رافض ليك "مبلغ وقدرو" ..والناس ديل فرحانين وانت تقدل؟
كان تديها لبدر الدين شتاة ده
كان تديها ان شا الله لى انا دى ..
غايتو جنس "قيم" وجنس اخلاق...
الهندى ده راجل ظريف وبس
اداك القروش وكلمك قال ليك الاغذية مدتها منتهية
فى "دول" عديل كده بتجيب اغذية مغشوشة وبتبيعها للمواطنين وبعد داك بتشيل منهم المبلغ ده مضاعف..وجب...chup تبلعو..ولا من شاف ولا من درى
يعنى انت احسن من "الدول"؟
اقوى منهم؟؟ اغنى؟ شنو قول لى بس..
انت قايل فى زول بيبقى غنيان كان ما غشى ليه "اغذية" ولا مواد بنا ولا ذمة ولا زول؟
ياسلاام ديل يفهموهم كيف ديل؟؟
وش معفرت ..وقايم صوف صوف والشخصية تتدلدل..شلاضيمها من العفرته ..حتى تبزبز.
"ستار"
تدخل تماضر "المبشتنة"
ياسلام عليك يا قرضابى ..رفعت راسنا لكن.
| |
|
|
|
|
|
|
|
|
|
Re: القرضابى الاصيل يرفض 55الف درهم (Re: Tumadir)
|
الله ينصـر دينك يا قردابى..
أيوة خليك كدا دائمـا واقف لمبـة.. عمـود نص.. أصلى جنى وجن الشطـة الباردة..
تمـاضـر،
قلتى: "غايتو جنس "قيم" وجنس اخلاق..."
ما بقول ليك حاجـة، بس أزكرك بقوانين المنبــر.
| |
|
|
|
|
|
|
|
|
|
Re: القرضابى الاصيل يرفض 55الف درهم (Re: manubia)
|
الاستاذ محمد سيداحمد تحيه واحترام ....ونشكرك كتير علي نقل الخبر. واقوليك ده شئ طبيعي جدا .. ناس عمر ديل جيرانا حيطه بالحيطه
اسرة من اعرق الاسر في حينا انا ما عايز اشكر لكن انا باعتقد انه ده درس لكل الناس القرأت الخبر سودانيين وخلافهم ....
ياود المنسي.. مايكون ود الحاجه نور ولا ود محمد الحسن محجوب (رحمهما الله واسكنهما الفردوس ) لو ما عمل كده ... ما اصلو الحكايه تربيه .
جاري العزيز عمر زراعه رفعت رأسنا الله يديك العافيه وتحياتي لكل الاهل
| |
|
|
|
|
|
|
|
|
|
القردابى (Re: mohmmed said ahmed)
|
غالبية اهل السودان فى الخدمة المدنية كانوا شرفاء زى القردابى(بعد تعديل اللقب)
بعد الانقاذ والاحالة للصالح العام
بقت اليونان تحقر بينا
والمخابر تضيف السموم
| |
|
|
|
|
|
|
|
|
|
Re: القردابى (Re: mohmmed said ahmed)
|
موقف نبيل لا يصدر إلا من رجل نبيل وأصيل
مثل الأخ عمر محمد الحسن القردابي
وهو موقف يرفع الرأس ويبيّض الوجه
وفعلاً إذا كانت النفوس كباراً
تعبت في مرادها الأجسام
عاش القردابي
وعاش الهلال
وداون داون كمال شداد..
لك تحياتي وسلامي يا محمد سيد أحمد
| |
|
|
|
|
|
|
|
|
|
Re: القرضابى الاصيل يرفض 55الف درهم (Re: mohmmed said ahmed)
|
الأخ العزيز عمر محمد الحسن
ماك الوليدالعاق لا خنت لا سرّاق
والكلام على الأصل والتربية كما قال الأخ والصديق عماد شمت
رفعت رأسنا جميعا يا عمر وبالذات نحن ناس الامتداد
والتحية للأخ محمد سيد أحمد وهو يزين البورد بهذا الخبر السعيد
| |
|
|
|
|
|
|
|
|
|
Re: القرضابى الاصيل يرفض 55الف درهم (Re: ديامي)
|
يا ليت هذا المثال الساطع يصبح قدوة
تعيد للسوداني ما فقده في هذا الزمن الصعب
من صدق وأمانة وأخلاق حميدة
وأصبح هو من يدفع الرشوة لأذية خلق الله
خاصة من أبناء وطنه
التحية للقرضابي
وسلام خاص ليك يا ابوحميد
| |
|
|
|
|
|
|
|
|
|
Re: القرضابى الاصيل يرفض 55الف درهم (Re: mohmmed said ahmed)
|
اخـي الـحبيــب،
مـحــمـد،
فـي الاول اتطلعـت عـلي عـنوان مقالتك بســرعــة، وقـلت في نفـسي باسـتغراب شـديد، مالـو محـمد الليـلة بكـتب عـن.....الـقـرضـاوي!!!، وهـو يعـني القـرضـاوي بتـهمة ال...(المـلالـيـم) البكتب عـنها محـمد!!!،
ولكـن، لاني بتـابع مقـالاتك باهـتمام، دائــمآ انت جـاد في طـروحـاتك، قـلـت نشــوف آخــرتهـا....،
وبـعد الاطـلاع عـلي الـموضـوع، لاامـلك الاوان اشــيد واحـي الاخـلاق الـعالـيــة للاخ ودالقبائــل، القـرضــــــــــــابي، والشـكـر لك اخ محـمد عـلي هذة الاخــبار الطـيـبة .
| |
|
|
|
|
|
|
|
|
|
Re: القرضابى الاصيل يرفض 55الف درهم (Re: عبد الله عقيد)
|
العزيز بالحيل وجمل الشيل عمر
لا ارى جديدا فانت عمر الزمان زاتو
جميل اخلاق وصادق مع نفسك قبل صدقك مع الاخرين
واضم صوتى لاولاد الحلة عماد عويس وصديق حمدتو واقول :
ماتكون ابن الغالين لو ماعملت كده ..
تسلم يمينك ياعمر
| |
|
|
|
|
|
|
|
|
|
Re: القرضابى الاصيل يرفض 55الف درهم (Re: Ahmed El Gasim)
|
الاخوة بورداب الامارات
الاخ محمد سيداحمد
الاخ خالدعويس
لكم التحية والتقدير
اقترح ان نقيم حفل تكريمى له بالنادى العربى بالشارقة ونقدم له هدية متواضعة وندعو له اجهزة الاعلام والصحفيين السودانيين تشجيعا للسلوك القويموالوجه المشرف للسودان
لك التحايا والتقدير ياقردابى فقد رفعت راسنا عاليا
| |
|
|
|
|
|
|
|
|
|
Re: القرضابى الاصيل يرفض 55الف درهم (Re: خالد علي محجوب المنسي)
|
الاخوة الاعزاء
فى محادثة هاتفية بينى وبين الاخ محمد سيد احمد تم الاتفاق على يقوم الاخوة بورداب الامارات بعمل احتفال يليق بالاخ القردابى . وسوف يقوم الاخ محمد سيداحمد بعمل التنويه لذلك والتنسيق مع الجميع وتحديد المواعيد . ارجو من الاخوة التكاتف لابراز هذا السلوك القويم الذى ينم وياصل لسلوكنا السودانى القويم الامين الرشيد فى وقت ارادت فئة الفساد ونهب اموال البلاد ان تاصل لكل ماهو سىء واضحت الرشوة والمحسوبية سمة لدولتنا التى تذيلت قائمة الشفافية وسرق البعض حتى دواء الاطفال .
لكم التحية والتحية لك ياقردابى فقد رفعت راسنا عاليا ورفعت من روحنا المعنوية بعد حالات الانحطاط والفساد السائدة فى بلادنا.
بارك الله فيك وفى والديك الذين ربوك هذه التربية فانت ابن صالح لهم والتحية للاخ محمد سيداحمد الذى ينفحنا دوما بكل جميل.
| |
|
|
|
|
|
|
|
|
|
Re: القرضابى الاصيل يرفض 55الف درهم (Re: خالد العبيد)
|
سلااااااااااام!
لم أستغرب حدوث مثل هذا التصرّف من الأخ عمر محمّد الحسن.
أعلم أنّ الأخ عمر صديق عزيز لقريبي و صديقي الحميم: بشير حسن يوسف.
أنهم ذريّة بعضهم من بعض، فطرت قلوبهم و أرواحهم علي كل القيم الانسانيّة الفاضلة.
تحيّاتي الصادقة للأ خ عمر و عبره، مشكورا، لقريبي و صديقي بشير حسن يوسف.
طارق الفزاري
ود زينب
لا
| |
|
|
|
|
|
|
|
|
|
Re: القرضابى الاصيل يرفض 55الف درهم (Re: الزاكى عبد الحميد)
|
ولا كلمه يا قرضابي
ياقليل الدناوه
يا زول يا عظيم
تحزيرات تماضر قبل وقوع حالة النقاء بي كمين شهر
 
يابابا هسع انا اعمل شنو
مع البامبرز الكمل ده
وانا ماشي السودان ايجازه؟
هل تعلمو انا هذا القرضابي
كان يواجه كميه من الضغوط الماديه
بالظروف الكان بيمر بيها في ايام هذا التجرد من الانا
اقلاها سفر الاولاد للسودان وكنت اتابع معه ذلك وهو في
صمته المعهود لايكل ولا يمل
تحياتي ايها الابي
| |
|
|
|
|
|
|
|
|
|
Re: القرضابى الاصيل يرفض 55الف درهم (Re: إسماعيل وراق)
|
غايتو جنس صوره مقلوبه (سوداني من بلد قمه الفساد)
هي،هي،هي
دا كلام الهندي ما انا
(وش زي الفشفاش)
ومن ديك الهندي حلف الا يبقي جعلي
،،،،،
هييييييييييع
عفيت منك وراضي عليك
يا ود القبايك
هيلك من قديم وسيرة ابوك مطريه
ود شندي
| |
|
|
|
|
|
|
| |
mohmmed said ahmed
gamal elsadig
الكيك
شمهروش
garjah
عاطف عمر
غادة عبدالعزيز خالد
Haytham Abdulaziz
خالد علي محجوب المنسي
Tumadir
Emad Abdulla
Abureesh
hajhamad
manubia
عماد شمت
فتحي البحيري
معتصم الطاهر
Faisal Al Zubeir
Nasruddin Al Basheer
فيصل نوبي
صديق حمدتو
أبو ساندرا
Dr. Moiz Bakhiet
عبد الله عقيد
عامر تيتاوى
Ahmed El Gasim
Muhib
إسماعيل وراق
خالد العبيد
الزاكى عبد الحميد
احمد العربي
فيس بوك
تويتر
انستقرام
يوتيوب
بنتيريست