|
|
 لى وطن مشتاق بغازل
|
كم مراكب الشوق تسافر
فى دروب ما ليها آخر
لى وطن مشتاق بغازل
فى حجل من عاج
واساور آبنوس
وزمام من الآكسير
موشم بالمراجين واللآلئ
وزخرف أفريقيا البلالى
فوق نهيد ممشوق وعالي
وسكسك أفريقيا المدفق
فوق كتيفا جيدو عالى
وريش نعاما
وصوت بلوما
هديل حماما
ورش من عارض غماما
ونفحة من ذاتا وطعاما
وبسمة بتحى الوسامة
قبلة بتدفئ الغلابا
وجرعة فى جوف التعابا
للدرافين واحبابا
وللسلاطين واحبابا
للمساكين الضهابا
المن بعيد قاصدنو بابا
وليها عازفين الربابا
لى نخيلا ديسو سادر
فوق صديرن طرفو سادل
منو بنسوي السواتر
لية تجتاحنا الخواطر
كم نضحى وكم نخاطر
للمقيم فى قلبو دايما
وللبعيد من قلبو خاتر
منصور عبداللة
|
|
 
|
|
|
|
|
|
|
|
Re: لى وطن مشتاق بغازل (Re: Elmosley)
|
الاخ موصلى واللة على ماأقول شهيد حاولت ان أهديها اليك ولكن خشيت ان اتملق اعرف امكانية ادائها لموسيقاها الداخلية وتراثيتها ومضامينها كنا مجموعة ايام الإنتفاضة وكان معنا المرحوم مصطفى سيد احمد فطلب منى الأخ الدكتور صلاح الزين ان اعطيها لمصطفى فقد حدث ولكن لا احسب مصطفى غناها ولكن الصديق الوسيقار عباس عمر قال لى مصطفى يخمر القصائد ولكنة قد رحل عنا لة وعلية الرحمة ومرة أخرى الامين الحاج الجقلس قال لى فيها نفس القدال فذهبناالى القدال بالسوق العربى مكتبة آنذاك فقرأتها علية ان كان قد كتبها فجلس ومسك برجلى ذلك العملاق واحسب ذلك للوطن فيا اخ انت أكثر من يستحقها فهى لك تصرف فيها حيث ما شئت
ولك ولكل من معك أخلص الأمانى بالعم الجديد
منصور
| |
|
|
|
|
|
|
|
|
|
Re: لى وطن مشتاق بغازل (Re: lana mahdi)
|
الاستاذة لنا شكرا على التعليق الجراب يئط أطيطا بالعامى وقطع أخضر لكن مافي سوق وبضاعة جماع فى السوق لك ولة ولكل اهل الإبداع الإنحناءة والجلوس بمنتهى الأدب والخشوع
منصور
| |
|
|
|
|
|
|
|
|
|
Re: لى وطن مشتاق بغازل (Re: munswor almophtah)
|
منصور يا ود عمي اها
كدا جيب لينا تاني من جوه وورينا المدكن
اصلو انت اكان ما بقيت زي نزار قباني ما بترتاح
يا اخوانا فيكم زول عارف لى رايعة الشاعر مصطفى عوض الله بشارة
فإن مررت به فى مدخل شهقا
- -- - - - - - - -مؤتلقا
قصيدة جميلة فى مدح المصطفى صلى الله عليه وسلم
| |
|
|
|
|
|
|
|
|
|
Re: لى وطن مشتاق بغازل (Re: المكاشفي الخضر الطاهر)
|
المكاشفى القيدو فى شبلو خصيم الدعت قلت دايرلك مدحة واللة شنو اذا كنت تحتاج لكتابات مصطفى عوض اللة بشارة من دربك دا امشى للغابة والصحرا لهواري ولكنك تحتاج لصبر طويل بعدين نزار دا امة الخنساء ام ابوة الشنفرى
وكل سنة وانت أكثر دروشة
منصور
| |
|
|
|
|
|
|
|
|
|
Re: لى وطن مشتاق بغازل (Re: munswor almophtah)
|
منصور العزيز
جعلتني اقطع الشك باليقين بأنه لا يوجد أجمل من هذا الوطن ..حجول/اساور/زمام/ابنوس/بلوم/نعام وحمام ..
شكرا لك وانت دايما تلقي الضو علي كل ما هو ايجابي وجميل .. ومرحي لنا بكل هذا التراث والاصالة
مع كل الود
غادة
| |
|
|
|
|
|
|
|
|
|
Re: لى وطن مشتاق بغازل (Re: غادة نصر)
|
الأستاذة غادة
الحمد للة الذي عبر بك بحور الشك لبر اليقين وتلمست يداك كتل الحجول والأساور والأبنوس ورأيتى ريش النعام وسمعتى هديل الحمام ووزعتى الحلوة للصبية وللسلاطين والفقراء الدعاء
لك حلو امانى
منصور
| |
|
|
|
|
|
|
|
|
|
Re: منصور يا رائع (Re: عادل محمد الصافي)
|
الاخ عادل الصافى جزاك اللة كل خير وجزا ال حريز وآل نوفل وال اسلاج والنوبة والشيخ الطيب وآل دشين وشهين وجمميع والكوداب والسروراب خير الجزاء كذلك
قل لمحمد عبدالجليل المجنون الشوق بحر واسالة عن حسين شرفي وعن نايل وصحتة وعن عيدالمنعم عبد الرحمن وقل لة انعل ابو الشمش واحد واحد وكذلك احوال عبدالرحمن الهادي وعمر الفضل
اسالة ايضا عن المكاشفى الخضر الطاهر صوفى زي الشيخ عبداللة ودالشيخ الحسن البصرى واللة صوفى زي اخونا دوكة واخونا الاستاذ عبدالرحيم امام اطال اللة اعمارهمم ووفقنا واياهم ولك وللجميع السلام
منصور
| |
|
|
|
|
|
|
|
|
 Re: لى وطن مشتاق بغازل (Re: munswor almophtah)
|
Quote: لى نخيلا ديسو سادر
فوق صديرن طرفو سادل
منو بنسوي السواتر
لية تجتاحنا الخواطر
كم نضحى وكم نخاطر
للمقيم فى قلبو دايما
وللبعيد من قلبو خاتر
|
ولسة بتعبي الدفاتر
من رنين الشوق مرايا
لى بريق طرفو المحاور
كان قليبك شايلو طافر
نور بيتلافى العمايا
وخير لنيلينو النواضر
دربك المعدول و قادر
يجدل العز فى إبايا
وينقش التاريخ مناظر
وللحبيب باسل مغامر
كان حنينو الفى الحنايا
وكان فخارو البيهو عامر
| |
|
|
|
|
|
|
|
|
|
Re: لى وطن مشتاق بغازل (Re: lana mahdi)
|
ولسة بتعبي الدفاتر
من رنين الشوق مرايا
لى بريق طرفو المحاور
كان قليبك شايلو طافر
نور بيتلافى العمايا
وخير لنيلينو النواضر
دربك المعدول و قادر
يجدل العز فى إبايا
وينقش التاريخ مناظر
وللحبيب باسل مغامر
كان حنينو الفى الحنايا
وكان فخارو البيهو عامر
البيهو عامر ديمة شاكر
شايل الآهات حكاوي
وناظم الاشواق غنايا
ديمة للحنية زاكر
وللحنان والعشرة فاكر
حانى دفاق للحجاوي
وحاشا ما بيحمل وشايا
يا اخت رباح....ما زالت وما انفكت مهرتكم رابحة ...حرة وكنانية ودوما من المغيرات صبحا
| |
|
|
|
|
|
|
| |
munswor almophtah
Elmosley
lana mahdi
المكاشفي الخضر الطاهر
فيس بوك
تويتر
انستقرام
يوتيوب
بنتيريست