|
|
 It is a pilot decision??????
|
بعد مرور فترة قليلة من الزمن على كارثة طائرة الخطوط السودانية ، بدأت الإشاعات في كل مجالس الخرطوم، لا أدري إن كانت إشاعات أم حقائق.
الملاحظ إن نحن السودانيين بنتونس كتير في أي مجلس ، وتجيك مداخلات وإضافات من القاعدين والمارين.
سمعت إنه أحد الأسباب في وقوع الكارثة هي (PILOT DECISION)
في المحاولة الأولي للهبوط بالطائرة ، حدثت مشادة بين الكابتين والبرج، ويقال إنه المشادة كالآتي:
- يا زول قلت ليك ما تنزل
- بأنزل
- يا زول إنت قايل روحك منو
- يا زول بأنزل ولما أنزل بأوريك أنا منو
- ........................
-.......................
-.....................
-.....................
المهم الكابتين في الآخر قرر يمشي بورتسودان، ووووو
لما جاء راجع الخرطوم ، أخطره برج المراقبة بأنه الرياح جنوبية ولا بد إنه ينزل عكس الرياح.
الكابتين لا زال حارقاه المشادة القبيل، قام قال
(this is a Pilot Decision)
وحصل الحصل.
(الحماقة وقوة الراس اللي بنشتهر بيها. )
وهل صحيح إنه فات سن المعاش بكتير؟؟
واللي سمعته كمان إمبارح،، إنه الكابتين سيادته عمل كرامة كبيرة بضبايحها وطارها بمناسبة نجاته من الكارثة.
مش (لو كان الكلام ده صحيح) كان أجدر إنه يتفقد عائلات الضحايا اللي اتيتموا وإترملوا وثكلوا.؟؟
(الكابتين دة مش في لحظات الطيران بيقولوا عليه راع، والركاب ديل مش رعيته))
وكلكم راع وكلكم مسئول عن رعيته,
مش كان أبسط الإيمان إنه يتصدق لروح ضحاياه
عجبي
ولسه في كمية إشاعات عن سودان إير ، بعضها تنشره الصحف وبعضها نسمعه في بيوت العزاء
وفضائح الصفقات المشبوهة وتعيينات الترضية ، والفساد ، واللامبالاة والإستهتار وووووو
غلبني الكلام ................
|
|
 
|
|
|
|
|
|
|
|
Re: It is a pilot decision?????? (Re: Siham Elmugammar)
|
Quote: عجبي
ولسه في كمية إشاعات عن سودان إير ، بعضها تنشره الصحف وبعضها نسمعه في بيوت العزاء
وفضائح الصفقات المشبوهة وتعيينات الترضية ، والفساد ، واللامبالاة والإستهتار وووووو
غلبني الكلام ................ |
مها زكريا
السوال المحير لماذا كل حاجاتنا الجميلة تدهورت سودانير كانت جيدة السمعة طوال الستين
عاما ولم تسجل اي حوادث وقد اختير شعارها في مرة من المرات من اجمل شعارات الطيران في العالم
الكرة تدهورت سودانلاين تدهورت مشروع الجزيرة وهلم جرا
| |
|
|
|
|
|
|
|
|
|
Re: It is a pilot decision?????? (Re: khaleel)
|
خليل اذيك
عارف القصة بتاعة ده قرار الطيار و هو البقدر دى كان عاوزة تودى اختك سهام فى ستين داهية
اااااى موت الجماعة عرس لكن منو البدور الموت
اها اختك كانت من ركاب السودانية بتاعة سنة 95 الدخل جوه واحد من محركاتها صقر كبير مما لحق المحرك امات طه
وذلك عقب اقلاعها من مطار الخرطوم سنة ...اها الطيار برضه قرر انو ما مشكله الجماعه ديل بوصلهم بوصلهم
وانطبق عليه سواقنا زينة وحالف ما يدلينا
المهم نحمدالله الذى لاازال احمده كل ما تذكرت الحادث ده..
المهم فى مطار الدوحة المهندسين قالو الطيارة دى ما بتقوم من هنا ده
اها الشمطه قامت بينهم وبين الطاقم السودانى ..
وسواقنا قال ليهم ياخ ان جبتهامن الخرطوم ..بتدوينى ابوظبى كلها 45 دقيقه
و كلامه كان على مسمع كمية من الركاب
يعنى شووووف الثقه دى كيف
والا الغرور البخليك تشيل فى رقبتك مسئولية ارواح ناس قدر ديل
ياخ انا كان نفسى اسٍال الطيار ده انو اذا هو بايع روحه نحن و اطفالنا مالو علينا
المهم طبعا المهندسين العاملين بمطار الدوحة ندعو لهم ليل نهار بالخير
على اصرارهم على رفض السماح للطائرة بالاقلاع حرصهم على حياتنا كبنىادميين
ما حقل تجارب لاثبات مهارة و خبرة الطيار العريضه
المهنيين السودانيين على عمومهم بفتكرو انهم اشطر ناس "بس الامكانيات"
و كتير ما تسمع والله فلان ده حام للعلاج ما خلى حتة فى النهاية بالصدفة كده مشى لدكتور فلان عالجه فى ساعته و هسه ندمان ندم على القروش الصرفها فى "لندن" والله خلونا ها دكاترتنا ديل مافى ذيهم بس خايناهم الامكانيات
اها خت محل دكاترتنا دى مهندسننا و معلمننا ... وابو اهلنا زاتووووو
و شووووووووووف ليك محن
| |
|
|
|
|
|
|
|
|
|
Re: It is a pilot decision?????? (Re: Siham Elmugammar)
|
Quote: المهنيين السودانيين على عمومهم بفتكرو انهم اشطر ناس "بس الامكانيات"
|
كضب ساكت البلد لا يوجد بها تدريب عارفة انا طوال سنوات الجامعة شفنا الكمبيوتر
ربع ساعة وكانوا بدرسونا حاجة اسمها فورترن 77
ما عارفو دها شنو
| |
|
|
|
|
|
|
|
|
|
Re: It is a pilot decision?????? (Re: khaleel)
|
Quote: كضب ساكت البلد لا يوجد بها تدريب عارفة انا طوال سنوات الجامعة شفنا الكمبيوتر
ربع ساعة وكانوا بدرسونا حاجة اسمها فورترن 77
ما عارفو دها شنو |
قرقرقرقرقر
والله يا خليل لو ما لقمة العيش الليله كان فتيتو ليك فت
شغلى حسسسسسسسسسسسسسسسسساسسسسسسسسسسس فى حتة التدريب دى
ياخ ده فيهو جنس بلاوى و محن
القاك فى الماسنجر يوما ما
بس افضى عشان افتو ليك
انت مها مشت وييين فكت لينا اشاعاتها دى و زاغت
| |
|
|
|
|
|
|
|
|
|
Re: It is a pilot decision?????? (Re: maha zakaria)
|
إزيك يا خليل
سهام كيفك ،،
المشكلة هي في (نقص الإمكانيات ) ولا في النفخة الكدابة ولا ..ولا ......
وبقى حتي ما في طيارين غير اللى طلعوا المعاش وجابوهم راجع تاني.. حتى كليات الطيران الهنا دي ما أظن ليها علاقة بتأهيل أي طيارين شباب ، وما أفتكر إنه بيدربوهم ولا حتي علي simulator
ودي يا خليل يعني طيارة كدة وكدة ،،،،
طيب إشمعنى أساتذة الجامعة اللي طلعوهم معاش بالقوة وطردوهم من بيوتهم وهم في الأساس ما شايلين معاهم ارواح ناس لى فوق السحاب زي كابتنا داك ...
مهمتهم أكاديمية بحتة ولسة يا دوب حيبتدوا يعطوا ،، دي قصة تانية نفتح ليها بوست
خليتكم بخير
| |
|
|
|
|
|
|
|
|
|
Re: It is a pilot decision?????? (Re: Siham Elmugammar)
|
هلا مها وخلي وسهام..
وبعد الرجوع الي حثيثات (العوا) التي دارت ما بين البرج وقائد الطيارة..
فعلا القصة داير سؤال ممكن يفيدنا في طيراننا ده..(علي وزن في روحنا دي)..
هل القرار هو للكابتن في امر الهبوط..
واكيد الخواجة جون وايتا ماتركوا الموضوع ده ساكت ..وياريت الاخوة المختصين يدونا لمحة علي خفيف كده
عن القرار في اللحظات دي..والواحد برضو متشوق يعرف الشغلانة دي تدار كيف ما بين البرج والطيارة في حوار هبوط وصعود..
| |
|
|
|
|
|
|
| |
Siham Elmugammar
khaleel
عبدالكريم الامين احمد
فيس بوك
تويتر
انستقرام
يوتيوب
بنتيريست