|
Re: وجبات صينية بالهناء والشفاء - العوافون يمتنعون - طبعاً توجد صور (Re: اسيا ربيع)
|
الصاوي تحياتي.... الناس دي يا الصاوي بتقبض العقارب والسحالي دي كيف... وبعدين العقرب دي بتتقرقش يعني والشوكه كيف...
*شايف برضو ما مخلين حصان لافي... بري وبحري _________________________________________________________________ معانا صيني هنا لعابو سال لامن شاف الصور...وانا بطني قلبت لامن شفت دودة الغز غازنها في العود داك
| |
|
|
|
|
|
|
Re: وجبات صينية بالهناء والشفاء - العوافون يمتنعون - طبعاً توجد صور (Re: Elsanosi Badr)
|
الأخ السنوسي سلامات
Quote: الصاوي تحياتي.... الناس دي يا الصاوي بتقبض العقارب والسحالي دي كيف |
والله السؤآل ده جا في خاطري، لكن افتكر انه الصينيين ديل بكون عندهم مزارع زي مزارع الدواجن عندنا، يعني مزارع عقارب ومزارع سحالي ومزارع ثعابين ومزارع حشرات وكده والله اعلم، وافتكر خالة دوما من تجاوب على سؤآلك ده وتدينا الأكيدة
Quote: معانا صيني هنا لعابو سال لامن شاف الصور |
عليك الله الصيني بتاعك ده عضيهو لي في نص راسو
| |
|
|
|
|
|
|
Re: وجبات صينية بالهناء والشفاء - العوافون يمتنعون - طبعاً توجد صور (Re: اسيا ربيع)
|
الصاوي
قال تعالى
(الَّذِينَ يَتَّبِعُونَ الرَّسُولَ النَّبِيَّ الأُمِّيَّ الَّذِي يَجِدُونَهُ مَكْتُوباً عِندَهُمْ فِي التَّوْرَاةِ وَالإِنْجِيلِ يَأْمُرُهُم بِالْمَعْرُوفِ وَيَنْهَاهُمْ عَنِ الْمُنكَرِ وَيُحِلُّ لَهُمُ الطَّيِّبَاتِ وَيُحَرِّمُ عَلَيْهِمُ الْخَبَآئِثَ )
تعرف يالصاوي انا شربت شوربة ضنب تمساح فى تايلند من غير ما اعرف
ولما لقيتها تمام طلبت تاني قدحين
وشوفت الجنادب والصراصير والثعابين مشوية فى الشارع العام والناس تأكل بشهية تحسدهم عليها
حشرات مشوية
سحالي مخللة بنكهة التوم
ثعبان مخلل بالثوم
ضفادع معلَبة
عقارب بنكهة النعناع والمشمش
| |
|
|
|
|
|
|
Re: وجبات صينية بالهناء والشفاء - العوافون يمتنعون - طبعاً توجد صور (Re: رهف)
|
Quote: بيرقر الحمار وكمونية الكلاب |
تعرفي يا رهف ايام الجامعه ولحظي العاثر كانو ساكنين معاي اتنين بت وولد صينين...ياخي ديل لامن يطبخوا انا بغمر سته مرات في اليوم... علي الرغم من وجود الساكر وكل مزيلات الروائح الكريهه... ياخي ديل عندهم اكل.... ياساااااااااتر من عفانتو...
الذ حاجه مره مشينا رحله ...وقمت لشلاقتي قلت اجرب حاجه بعد ما كترت علي العوازيم ... عليك الله (please try this ,just a bit) واخدت لي قرمه كده من حاجه خضرا كده ببمبي ..والله دي طعمها اصلو ما يتوصف .. مالحه وشوية سكر في النص وطعم بيناتهم... وريحه نفاذه طالعه اول ما تقرم منها...بس حبت القرمه ديك وعينك ماتشوف الا النور.. انا حاسة الذوق معطله عندي كم يوم كده...
| |
|
|
|
|
|
|
Re: وجبات صينية بالهناء والشفاء - العوافون يمتنعون - طبعاً توجد صور (Re: elsawi)
|
غايتو مطاعم الصينين .. عندها حساب خاص..يعني كل وجبة غازينها في عود حسب ما شفناها في ماليزيا... يعني بعد ما تاكل ..يجي الزول و يحسب ليك الاعواد يعني..كم عود اكلت و كل عود ليه سعر حكمتو بالغة... ليهم حق ياكلو السحالي.. لما جونا في (سنجة) عشان يبنو الكبري... ما خلو (كلب) حايم...و لا قزازة عرقي... حايمة ديل بضربو اي شئ كل ما يطير و يزحف و يمشي و يعووووووم عجبي... هواري
| |
|
|
|
|
|
|
Re: وجبات صينية بالهناء والشفاء - العوافون يمتنعون - طبعاً توجد صور (Re: بشير أحمد)
|
الصاوى ماقايلاك كده ياااااااااااااااااااى ياوحش
بالمناسبة الصينين ديل اكلو كديسة صحبتى ..ااااى نعم انا اتكيفت لانى اتخلصت من الكديسة لكن حركتهم دى ما عجبتنى!!!! قلت اسجل موقف هنا يمكن يكون عندهم مخابرات بترجم ما يكتبه السودانيين عن الصين باعتبار حماية المصالح وكده.. معنى الكلام ده كان عندك فكه ماشى تحضر الالمبياد..انننننننننننننننسى
اها فتك مع قرفك ده
| |
|
|
|
|
|
|
Re: وجبات صينية بالهناء والشفاء - العوافون يمتنعون - طبعاً توجد صور (Re: Siham Elmugammar)
|
أعتقد لا يوجد بشر اعقل من الصينيين - حيث يعاني العالم من نقص حاد في المواد البروتينية - لا بد من البحث عن بدائل مثل أكل الثعابين - الضبابة - الوطاويط - الذباب - الصراصير - الدود ... الخ في السودان كمثال ابقار النيل والتي تسمى في السودان "فرس البحر" أو الـ GREEN TEA "القرنتي" من الممكن أن تربى بكميات كبيرة واستخدام طرق مستحدثة لاكثارها وبالتالي أكل لحمها وخاصة انها تتغذى على الاعشاب مثلها مثل الابقار - في السعودية بياكلوا نوع من الزواحف "ضب كبير" أقبح من الصيني ده - فيها شنو يعني - وفي السودان الكبير ده في ناس بتعمل شرموط قعونجات والذين تذوقوه قالوا بعده مافي أحلى من كده
Quote: ونشأت خطة التخفيف من وطأة الفقر من سلسلة من المسوحات أجريت في أوائل الثمانينات كشفت عن أن انتشار سوء تغذية ناجم عن نقص البروتين والطاقة يمثل مشكلة رئيسية في المناطق الريفية الفقيرة. وقد استكملت المسوحات ببيانات أخرى عن مستويات المعيشة لوضع رقم دليلي للفقر. وركز هذا الرقم على 268 منطقة من المناطق شديدة الاحتياج يقطنها نحو 40 في المائة من السكان.
وكان نقص التغذية شديدا بصورة خاصة بين الرضع والأطفال الصغار نتيجة لسوء الحالة التغذوية لأمهاتهم فالنساء، التي كانت تتعرض لنقص الأغذية لدى دخولها سنوات الإنجاب، عانت من انخفاض مسـتويات التغذية خلال فترة الحمل نتيجة لعدم كفاية المتحصلات الغذائية والعادات التقليدية. فقد كانت هذه العادات تمنعهن من تناول بعض الأغذية المغذية مثل البيض وغيره من البروتين الحيواني فضلا عن الفاكهة والخضر. |
| |
|
|
|
|
|
|
Re: وجبات صينية بالهناء والشفاء - العوافون يمتنعون - طبعاً توجد صور (Re: elsawi)
|
الصاوى ... كيف الحال؟
ياخ صعبتها عديل كده... بس كويس لانو الناس تعرف عن اماكن بعيدة زى الصين. اكتر حاجة لفت نظرى فى اكلهم ده ... شوربة مخ الكلب ... ياخ دى بالغوا فيها عديل كده
Quote: انا حاسة الذوق معطله عندي كم يوم كده... |
السنوسى يا اخوى حالتك كان صعب خلاص ... تانى تجى
Quote: في السودان تؤكل القطط خاصه كديس الخلا والبعشوم والجراد والفيران ابو القدح والتمساح وفي مجاعه سنه سته اكلت الحمير |
يا ماما دوما السودانين ديل طيب ما ياهم مع الصينيين واحد
تخيل سودانى بياكل فى حمار
______________________________ الله يعوضكم يا دومه فى الصين.
| |
|
|
|
|
|
|
Re: وجبات صينية بالهناء والشفاء - العوافون يمتنعون - طبعاً توجد صور (Re: elsawi)
|
والله يا الصاوي صور عجيبة ياخي. الغريب المطاعم الصينية هنا مرغوبة جدا و على ذمة واحد صاحبنا إنو صاحبه صيني قال ليهو البتقدم فيها دا لا أكل صيني لا حاجة... إمكن البهارات بس. و لمحبي الأكل الصيني معاكم شيف العوض و كيف تحضر وجبة شهية و ما تنسوا احتمال كبير الدجاج الشهي البتاكل فيهو في المطعم الصيني يكون عبارة عن هذه الوجبة الشهية:
بالهنا و الشفاء... و شكرا ليك يا الصاوي لأنك وفرت لينا حق الغدا و إمكن العشا كمان بعد القرفة دي.
| |
|
|
|
|
|
|
|