كلاكيت تاني مرة : النيلُ بيننا ... يا صوصل

من وحي الانسان سيد صوصل ....كان :



نتلاقى لمن يبقى باقي الليل غنا و يصبح حلال

او

إحتمال ؟!!!!؟

حتجي الحكاوى كما اتخلق أصل الحكي

من ذاتا شال ...لافيها شال

حكوات مواليد الترف .. او القرف

كان فاتن الزمن الصحى ..

مرات بتمن فى الخيال

يا الله من تلك الخيال

يا الله لي تلك الخيال

ما انتبه ليهن زمن

هن شالن الزمن إرتحال

ختن قوانين للصعب ..

سنن شرايع للمحال

جايات قوافل من غناوينا البليدات الهوام ..


الصــابرة حد الإحتمال

حيجن بعد عرقن سفر ...

فترن عذف ذات الموال

حيجن ..

حيغتسلن غسل موت الرتابة

يكون حنوط الدفنة فال

يا الله من ذاك المأل

يا الله لي ذاك المأل

بُعثن مخاض ..

من بعد ما رحم القصيد إنسدا مال

إتجل وترن شم و شوف ...

ما خلى لي غيرن مجال

يا الله من هذا الجمال

يا الله لي هذا الجمال



يا الله لي هذا الجمال