|
Re: الى دومـة وكل من لف لفهـا.. مبروك نجاح سـوزانـا. (Re: Abureesh)
|
الاخ العزيز ابو الريش شكرا علي التهنئه لبنتك سوزانه وعقبال فاطمه واخوانها النتيجه ظهرت يوم الخميس 12 يونيو . في الاشهر السته الاخيره ما كنت قادره اتنفس ملء رئيتي . غايتو تاني عندي فرقه ثلاث سنوات والدور يكون علي سامي . الف شكر سيدي انا وعقبال كل بناتنا واولادنا الممتحنين
| |
|
|
|
|
|
|
Re: الى دومـة وكل من لف لفهـا.. مبروك نجاح سـوزانـا. (Re: doma)
|
. . . ويييييييييين يا حكومة .... الخواجية عملتا ..... والله عافى منها .... وبعدين عندى ليك نكتة ...فى واحد شاف ليهو خواجيات وبعدين قام سأل قال : والله الناس ديل إيونو كلو كلو خدُر خدُر , مالو إيونو كدا.....قالو ليهو دى عيون الناس البصلحو العربات واللوارى وكدا ....أها قال بنقنقة كدا ... وهمهم ....سبحان الله ....يكونو أداف لئيونو دا هاجة ولا كدى أشان يشوف كويس ... يصلح أربات تمشى سريئ ولا شنو ؟؟؟
تخريمة وبعدين تحكى النكتة دى لسوزانا لحدى ما نخرم عليكم بهناك ... والزولا دى ماها ساهلا .... وأكيد بتكون نايمالا فوق راى ...... بس قولى ليها الرشيد دايرو لساتك لعربيتو بتزحلقن تزحلق ... يمكن تقول ليك ساهلا ... مو بعيد ...عند الله وعندكم ...
وعقبال للعبد لله سامى .... وأن شاء الله تكونى انسترتى معاهو فى الأمانة الليلتى .
..
| |
|
|
|
|
|
|
Re: الى دومـة وكل من لف لفهـا.. مبروك نجاح سـوزانـا. (Re: doma)
|
Quote: نحن حجزنا يوم 14 سبعه عشان مفروض نرتب امور البنيه المفارقانا . |
خلاص خشينـا فى الإشـتوديـوم كوليق والرفرات.. ثقتنا فيها كبيرة وإن شاء الله من نجاح لنجاح. 14 سبعـة.. طيب.. إن شـاء الله نشوفكم قبال التاريخ دا.. والقراصـة القاطعاهـا من راسك دى حنأكلها تانى.
| |
|
|
|
|
|
|
Re: الى دومـة وكل من لف لفهـا.. مبروك نجاح سـوزانـا. (Re: doma)
|
Quote: Quote: والقراصـة القاطعاهـا من راسك دى حنأكلها تانى.
لووووول بقيت فنانه فيها تصدق؟؟؟
اسال الرشيد البصيلي |
والله بينى وبينك قراصتك كاربة جنس كربة .... وانا بدور لى منها حُرف بالملاح الأبيض ... أما الأخ سامى والله تلومتى فى حقه ... الفوائد ساهلة بس انتى ادى الزول حقو قبال هو كمان ما يطلب عليها فوائد تبقو لى انتى وولدك زى المنشار طالعين تاكلو نازلين تاكلو .... وبعدين الخواجات بحسبوها صاح ... والزول الشويطين دا أكان قام بالنكاسات بودينا كلنا الأفارقة انا وانتى التوج .... أحسن تتخارجى منو بسلامتك .....
....
تخريمة
الجماعة داقاهم ليك مطرة ومكوفرين تب ... أها وهم ماشين مرولم ببيت واحد من الجماعة القاعدين فى الخلا مع البهايم ... اها الراجل قام قال ليهم : لا هول ولا قوة إلا بالله ... المترة دا ما تأباكم شديد وانت اكيد جئانين ... قالو ليهو والله جئانين .... قال ليهم تيب اقعدو دايرة .... الجماعة قعدو دايرة .... قال ليهم كنجلو إدين (( يعنى يجهزو ايديهم )) الجماعة جهزوا ...وكنجلو يدينهم وجاهزين راجين العصيدة الحارة عشان يدورو .... قام عاين ليهم بسخرية وقال ليهم .... هع والله لو لقيتو عصيدة حارة تتعبوها جنس تعب .... وهو ما عندو ولا حاجة .... والجماعة اخلاقهم جات فى نخرتم ...
نحنا لما نجيك ما تعملى جنس العملة دى .... وما عهدناك .... جهزيها وقوزيها ونحن بكواريقنا جاهزين ...
| |
|
|
|
|
|
|
Re: الى دومـة وكل من لف لفهـا.. مبروك نجاح سـوزانـا. (Re: Abureesh)
|
يا أبو الريش كيف ... شفتك زقلت ليك كلمة جميلة بالصينى وهاك دى انتا ودوما
Doma是一名非常出色的厨师,我希望她能有很好的将来,享有很多好吃可口的美食。 你了解的。好不好?
أو قول لدوما شيلى الكلمة دى ووديها لأقرب صينى جنبك عشان يوريك الفيها دى شنو ....
شفتو القنابل دى كيف؟
السنة دى دوما قراصة رمضان دى بتجى طابقاها ليك من بون .....قولى لى دى قراصة ولا كلاش
| |
|
|
|
|
|
|
Re: الى دومـة وكل من لف لفهـا.. مبروك نجاح سـوزانـا. (Re: Abureesh)
|
السلام عليكم طبعاً زي ما انت عارفة يا دوما ناس الأم بيسموا على بتهم وينسوا ليك الراجل ويشبكوهم ليك أولاد زينب نجحوا ، ولاد بت الفحل عملوا وكذلك جانب الراجل وقياساً على ذلك فتحياتنا وتهانينا بالله لبتنا سوزانا بت الفحل بس بيني وبينك ماها راكبي ضمة ضمة ......... تخريمة ازيك يا أبو الريش ........... وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
Re: الى دومـة وكل من لف لفهـا.. مبروك نجاح سـوزانـا. (Re: الزوول)
|
Quote: Doma是一名非常出色的厨师,我希望她能有很好的将来,享有很多好吃可口的美食。 你了解的。好不好? |
Doma is a very good cook, I hope she can have a good future, enjoy the many delicious appetizers food. You know. OK » البصيلى نحن ناقشن كل حاجة .. أنا من مدنى مركب مكنة ديامى
مبروك تانى لسوزانا يا دوما
وصلتى البلد ؟؟
| |
|
|
|
|
|
|
Re: الى دومـة وكل من لف لفهـا.. مبروك نجاح سـوزانـا. (Re: الزوول)
|
أبو الريش سلام ياخى نقعد نباريكم بالقوقل ونسيب القراية
تعرف زمان منتخب مدنى فاز بكاس السودان ومشوا الصين .. لما رجعوا قلنا ليهم الصين كيف .. كان فى لاعب إسمو سنطه ظريف جدآ .. قال لى تقعد فى القهوة الجرسون يكورك "وجهز لينا 7ألف قهوة و15ألف شاى و900 شيشة" ده فى الطلب الواحد
أها إنشاءالله دومة تجيب ليكم معاها تركين
| |
|
|
|
|
|
|
Re: الى دومـة وكل من لف لفهـا.. مبروك نجاح سـوزانـا. (Re: رأفت ميلاد)
|
والله يا رأفت ميلاد لقيتك مصيبة ... نان قلنا نقبض الجو على العبد لله دوما .... عايزين نخليها تسوسق بالروشتة دى لحدى ما نفسا يقوم مع أخوانا الصينيين .... تجى انتا تفرتقا لى فى راسى ....غايتو ما علمتا فوقى فايدة .... وأتاريها حوا والدة ....
تحياتى مرة أخرى الأخ رأفت ميلاد
| |
|
|
|
|
|
|
Re: الى دومـة وكل من لف لفهـا.. مبروك نجاح سـوزانـا. (Re: الرشيد البصيلى)
|
Quote: 名非常出色的厨师,我希望她能有很好的将来,享有很多好吃可口的美食。 你了解的。好不好 |
عاد يا الرشيد اهلك ديل قدر كتابتهم غايتوا بشوف حلل كثيره وكفاتير الشاهي والصحانه تتطاقش وانت وابو الريش محضرين الكواريق . النبي دي امنيه تتمناها لامك طول عمر ي في التكل مقابله النيران شوت وشي
ما ترقيني شويه يا ولدي تلقي لي وظيفه غير الطبيخ دا . ولا نزلوني المعاش غايتوا امي زمان كان بتقول الحماره تلد ترتاح. الا ولاد تنا دي بري منها نحفت لما نقع كركرب . زمان كنت بحلم قلت يكبر ولدي يا يمه ويقول كدي يعرس وامش لي بيته عاد العروس تتكبكب فيني واخر راحات بس ما علي غير طق الحنك واكل واجقم اربي لي كضيمات . الولد عرس الا ما بنقدر نفتو
| |
|
|
|
|
|
|
|