|
|
 هؤلاء هم من انقذوا ركاب الطائرة السودانية .. على ذمة القناة الفضائية المصرية الأولى .... !!! :)
|
بالأمس واثناء المرور العادى على بعض القنوات الفضائية (عدم شغله) توقفت عند الفضائية المصرية وبرنامج البيت بيتك (يقدمه صحفى مرموق دار على اكثر من فضائية عربية) .. المهم شاءت الاقدار ان يستضيف هذا الصحفى أحد الناجين من حادثة الطائرة السودانية المنكوبة فى العاشر من يونيو الجارى .. وبدأ يسرد السيد/ مصطفى شعبان وهو بالخرطوم الاحداث منذ قيام الرحلة من دمشق وان كابتن الطائرة ليس بالقدير ولا المؤهل بقيادة الطائرة.
أكثر ما شد انتباهى من أخونا ابن النيل (مصطفى شعبان) انه وزميله المصرى الآخر (الاستاذ/منجى كما يحب هو تسميته) هم من تمكنوا من انقاذ كل الاطفال والعجزة اللذين كانوا بالطائرة وذكر بأن السودانيين تركوا اطفالهم وراءهم ونجوا بانفسهم وانه وزميله كانوا آخر من غادروا الطائرة .. وأول من غادروا المستشفى بعد أن أكملوا الكشف الطبى ؟!؟!؟!؟!؟
والغريب العجيب ان الصحفى مقدم البرنامج أجرى اتصال مباشر بالسفير المصرى بالخرطوم والذى بدوره أيد الدور البطولى لابناء مصر فى انقاذ الاطفال وكبار السن الذين كانوا بالطائرة ؟؟؟؟؟؟؟؟؟؟؟؟؟؟؟؟؟؟؟؟؟؟
وما زاد الامر حسرة ان السيد مصطفى وزميله منجى اصروا على النزول فى بورتسودان عندما توقفت الطائرة هناك ولكن لم يسمح لهم كابتن الطائرة بذلك ؟؟ وعند الوصول لمطار الخرطوم تم فتح الباب الذى يلي كبينة القيادة حيث كان الكابتن اول من غادر الطائرة ...
هكذا وبهذه الاكاذيب (الله أعلم) شاهد كثير من الناس فى العالم البرنامج ولهم الحكم فى أن يصدقوا ما جاء به هذا الاستاذ أو يكذبوه .. حتى فى ديارنا ياتى الغريب لينقذنا وينقذ اطفالنا من الموت ....
أخخخخخخخخخخخخخخخخخخخخخخخخخخخخخخخخخخخخخ بس لو لقيت فيك فرصه .....
|
|
 
|
|
|
|
|
|
|
 Re: هؤلاء هم من انقذوا ركاب الطائرة السودانية .. على ذمة القناة الفضائية المصرية الأولى .... !! (Re: celecon)
|
ازاي الكلام دة ؟؟؟
كيف عرف انهما اخر ما غادرا الطائرة ؟؟؟ طيب ليه ما انقذو المريضة التي كانت علي نقالة؟؟ وحيث انهما كانا عند الباب اول ما فتح وراؤا الكابتن يخرج (هذه افادة عكس ما ذكره عباس الفادني واخرون )ليه ما راح وراه يسالو ليه ما نزلتناش في بورتسودان( واصلو دة سبب غضبهما واتهامهما للكابتن بعدم الكفاءة وهل هما جهة قادرة علي ان تقرر حتي كفاءة ذمتهما ؟؟؟)
كيف تاكد "سفير" ام الدنيا في الخرطوم من ان هاذين الفحليين المنقذيين قاما بكل هذه الاعمال البطولية الخارقة ؟؟
هذا الاسفاف المسئ لاهل السودان والذي يذاع عبر الفضائية مصرية(الرسمية) مرده لضعف التعامل الرسمي السوداني مع العجرفة والفهلوة المصرية ؟؟
ادانتنا نحن السودانيون لادارات سودانير والدفاع المدني والطيران المدني في تقصيرهم الذي ادي الي هذه الكارثة لا يعني ان نقبل اسفافا كهذا وامل ان تستدعي وزارة الخارجية السفير المصري وتستوضح منه كيف تاكد من قول هذيين الدعيين ؟؟؟
| |
|
|
|
|
|
|
|
|
|
Re: هؤلاء هم من انقذوا ركاب الطائرة السودانية .. على ذمة القناة الفضائية المصرية الأولى .... !! (Re: celecon)
|
الباشمهندس أبوبكر ...
لك التحية
هذا المدعى لو كنت سمعته يتحدث لقلت انه مالك الدنيا ومافيها ، وطريقة النقاش الذى اداره الصحفى فيه كتير من الازدراء والاستخفاف بالسودانيين وعدم مسئوليتهم ... وأكاد أجزم ان المتحدث من الخرطوم (مصطفى شعبان) ماهو الا صبى زبالة ولا عامل نضافة عشان يحكم على قدرة الكابتن السودانى فى قيادة الطائرة ... بس تقول ايه حسبنا الله ونعم الوكيل ...
ونقول معك :
| Quote: وامل ان تستدعي وزارة الخارجية السفير المصري وتستوضح منه كيف تاكد من قول هذيين الدعيين ؟؟؟ |
| |
|
|
|
|
|
|
|
|
|
Re: هؤلاء هم من انقذوا ركاب الطائرة السودانية .. على ذمة القناة الفضائية المصرية الأولى .... !! (Re: abuguta)
|
celecon سلامات ومشتاقين والله غيبة طويلة ان شاء الله طيبين
.. عذرا والله زعلنى الكلام الفوق ده نسيت ما سلمت عليك اكرر اسفى واعتذارى
نرجع لى فراس الفراعنة
| Quote: أكثر ما شد انتباهى من أخونا ابن النيل (مصطفى شعبان) انه وزميله المصرى الآخر (الاستاذ/منجى كما يحب هو تسميته) هم من تمكنوا من انقاذ كل الاطفال والعجزة اللذين كانوا بالطائرة وذكر بأن السودانيين تركوا اطفالهم وراءهم ونجوا بانفسهم وانه وزميله كانوا آخر من غادروا الطائرة .. وأول من غادروا المستشفى بعد أن أكملوا الكشف الطبى ؟!؟!؟!؟!؟ |
الرياء والنفاق يتحدث بلسانكم
من عمل عمل خيرا لا يتحدث به بل يصر على كتمانه
ويتحدث عنهم الغير .. و لو كنتم صادقين فى ادعائكم هذا
فاقول لكم الرياء والمباهاة بعمل الخير يبطل حسناتكم المزعومة
اتقوا الله يا بشر محجر الاحاسيس والمشاعر
والعتب ما عليكم انتم
العتب على ناسنا القدلتوا وسطهم ما ادوكم علقة سااااااااخنة فى ارض المطار
والا كلامكم ده متوا فى بطنكم لما وصلتوا اهلكم وقعدتوا تتبجحوا
| Quote: وانه وزميله كانوا آخر من غادروا الطائرة |
يا بهوات آخر من غادر الطائرة
غادرها شهيد حتى الملامح احترقت مع ركام الطائرة
كضب السواد والرماد
| |
|
|
|
|
|
|
|
|
|
Re: هؤلاء هم من انقذوا ركاب الطائرة السودانية .. على ذمة القناة الفضائية المصرية الأولى .... !! (Re: celecon)
|
تحيه لكل الاخوة المتداخلين ...
وتحيه خاصه لبنت الجنيد شاعرتنا سوما ...
تعرف يا أبوعثمان قدر ما حاولت أركز عشان عينى تقع ليها فى تلفون مباشر للبرنامج
ما لقيت غايتو لحكمة يعلمها ربنا لانو كان الواحد فى حالة هياج وسب ولعن لا يعلم بيها
الا الله بس ربك ستر ولطف ... آخر الزمان ده والله ... آآآآآآآآآآآآآآآآآآآخ وبس.
والحالة كمان الشباب المصرى الشاهد الحلقة وجاء يحكى بيها ... كيف تقدر تقنعه انه
الموضوع ده ما ممكن يحصل .. يعنى ده ياتو مخ الممكن يصدق انه مثلا ابنى أو والدى أو
والدتى أو جارى أو حتى سووووووووووووووووودانى يحترق واناانجو بنفسى واتركه لمصرى
عشان ينقذه ...
| |
|
|
|
|
|
|
|
|
|
Re: هؤلاء هم من انقذوا ركاب الطائرة السودانية .. على ذمة القناة الفضائية المصرية الأولى .... !! (Re: celecon)
|
المصريين هم اصحاب المثل البيقول ( اذا جاك الطوفات حط ابنك تحت رجليك ) فكيف يستقيم ذلك مع كلام المعتوهيين هولا بانهم من انقذ ركاب الطايرة لكن الحق ماعليهم علي حكومتنا....
المطار بدون عربات اطفاء كافية
الحريق تم اخمادة بالماء فقط
رجال الدفع المدني بدون ملابس واقية من الحريق
سيارات الاسعاف التي شاهدناها اثناء الحادث عبارة عن حافلات تم عملها سيارات اسعاف
لو لم يكن كل ذلك هل كان ممكن يتتطاول علينا الاقذام
المطلوب الان استدعاء هولا الدعيين مسالتهم حول هذا الكذب الصريح وكشف حقيقة ماتم في الطائرة من عمليات انقاذ ومن قام بها وعلي كابتن الطائرة وطاقمها اللجو الي القضاء لرد كرامتهم ومحاسبته هولاء المعتوهين علي الاساة الينا ثم طردم من السودان لكن من يفعل ذلك وحكومتهم قتلت السودانيين في وسط القاهرة دون ان يرمش لها جفن وحكومتنا الرشيدة وقفت تتفرج ولم تحرك ساكننا .......... انه الهوان الهوان الهوان ....لكن من يمتهن كرامتنا ويدوس علي حقوقنا ويشردنا في المنافي ومعسكرات اللاجيين ولن يهتم اذا تمت الاساة الينا من ( الاشقاء )
تخريمة
عندما كنا في جامعةالفرع مرة كانت في مظاهرة وفي واحد مصري من الطلاب كان واقف يتفرج وجات عربات الاحتياطي المركزي صاحبك اول واحد جري تاني يوم سالناهو دا شنو يامدحت العملتو امس ...... تجري قدام البنات قال لينا ( هي الشجاعة اية ....... نصها كلام ونصها جري ) دا حال ناس ينقذوا ليهم ركاب طايرة من الحريق لكن نرجع ونقول الله يجازي الكان السبب
| |
|
|
|
|
|
|
|
|
|
Re: هؤلاء هم من انقذوا ركاب الطائرة السودانية .. على ذمة القناة الفضائية المصرية الأولى .... !! (Re: celecon)
|
للأمانة فى موضوع الشجاعة والاقدام احكى لكم قصة
فى عام 1995 فادرت السودان الى مصر انا واطفالى فى شهر خمسة واتذكر كان عيد العمال قبل يوم واحد
مفروض تاخد الطائرة السودانية السادسة صباحا تم التأجيل كالعادة الى 12 ظهرا واخيرا استقرينا على 6 مساء
غادر اهلى ثم دخلت الصالة فطارت الطائرة 12 مساء ما علينا) كان على متن الطائرة بعثة مصرية كاملة
واظن وقتها كان المصريين يغادرون السودان فى شكل افواج وفى لحظة الاقلاع اى بعد تحرك عجلات الطائرة واندفاعها بقوة
الى الاعلا اندفع دخان قوى من اجهزة التكييف كما قالت المضيفة لان درجة الحرارة فى الخرطوم كانت 50 درجة
خاف الركاب واتذكر لم نسمع اى صراخ بل اندهاش لان الطائرة كانت تدخن اثناء الاندفاع الى اعلى وتوقع الركاب وقوفها ولم يحدث
ولكن بعد دقيقة غمر تقريبا كل الركاب المصريين وكانهم فى مسرحية ومشهد متفق علية وبعد ان هداء الدخان كان كل همى فى رجل وطفلة سمان لدرجة خرافية وتم توعيتهم بعد تعب ( تحسست جيب الكرسى الامام وطلعت البرشوت وقلت الزول دة كان حيتعبنا تعب لان المطاط اكيد حينقطع من قولة تيت) يا جماعة المصريين ديل ناس ما كعبين لكن حكاية الشجاعة والاقدام دى ما قدر قدرتهم
وعايزين يطلعة قرش من اى شئى مرة حادث بسيط فى السيدة عائشة عربية هبشت واحد ماشى الزول قعد ويقول دة انا هموت خلاص مت
قرب يدينا عنوان مدفنة العائلة واستغربنا الراجل ما فية شلخة واحد جمبى قال لى ياخ دة منتظر صاحب العربية يديه عشرين جنيه
هى فرصة وبيكون مخصوص رمى نفسة تحتها,
يا ناس دة عيد بطولة وشجاعة وصور جرائد وكمان قرشين حلوين,
هو فى زول ابيض بنتظر الموت ليه عورة ليكم ؟
| |
|
|
|
|
|
|
|
|
|
Re: هؤلاء هم من انقذوا ركاب الطائرة السودانية .. على ذمة القناة الفضائية المصرية الأولى .... !! (Re: celecon)
|
شكراً celecon
حقيقة... ده كلام فارغ ولكن حكومة السودان هى الخلت أى واحد ينظر فينا زى ما عايز... مصرى ينقذ اطفال وعجزة سودانيين بدل يقتلهم زى مجزرة المهندسين؟ ... الله اعلم!
| Quote: أثني اقتراح الباشمهندس أبوبكر.. على السيد دينق ألور أن يستدعي هذا السفير ويستوضحه.. إساءات وإهانات مجانية تستحق الملاحقة القضائية لهذين الراكبين المصريين.. |
عليك يا celecon بالآتى:
توقيت حديث السيد السفير بالتحديد إن كنت تعلم لان اليوم 14/6/2008م معلوم فقط زمن المحادثة.
مصرى يمثل فيهو رحيم وهم القتلوا اهلنا فجيغ ساكت حتى العجزة والاطفال ما خلوهم؟! ده حالة غريبة علينا الرد عليها.
شول اشوانق
__________
سوما إزيك؟
| |
|
|
|
|
|
|
|
|
|
Re: هؤلاء هم من انقذوا ركاب الطائرة السودانية .. على ذمة القناة الفضائية المصرية الأولى .... !! (Re: celecon)
|
شول ازيك ... شفت بلاى الشهامة والرجوله دى كيفن ..
توقيت البرنامج كان حوالى الساعة العاشرة والربع بتوقيت السودان
فى يوم 14/6/2008 السبت والبرنامج البيت بيتك والمقدم محمود سعد
ولا محمد سعد ما عارف .....
حتى بالامارة بعد ما اتكلم عن موضوع الطائرة .. استضاف طفلة مصرية
فقدت كل اسرتها فى السعودية فى حادث حريق شفتهم بالرياض هى كانت
بالمدرسة والمكيف عمل حريق والبيت كلو اتحرق وابوها وامها واخوتها
(عليهم الرحمة) وهى فى صف ثانى ومنتقله الى صف تالت ...
____
قال ايه الجماعه جريوا وسابوا اطفالهم والناس الكوبار فى السن عشان
ينقذوا انفسهم .... (يمكن صاااااح) ...!!!
| |
|
|
|
|
|
|
|
|
|
Re: هؤلاء هم من انقذوا ركاب الطائرة السودانية .. على ذمة القناة الفضائية المصرية الأولى .... !! (Re: celecon)
|
كلام غريب جداً .....
1- الطيار ماعرفش ينزل ... كلام خبير بالطيران ..
2- جالس في المقد رقم 19 في وسط الطائرة .... كلام خبير مسافات
3- الطيارة نزلت وراحت على المنطقة الرملية ... كلام خبير مطارات .
4- الطيار نزل أول واحد ومعاه الطاقم .... لا تعليق..
5- العد الذي نجا لا يتعدى 104 شخص ...خبير عداد جداً
أما حديثه عن أن الناس كلها عاوزة تنجي بنفسها ... كلام مرقة سااااكت .. لأنو لو فعلاً كدا كانت المضيفة عليها الرحمة نجت بنفسها ...
الخلاصة
مقدم البرنامج مستهبل والمتحدث مستهبل أكبر منه ....
ولسه شكلو البلد على الضُلف ( ضلفتين الباب )
| |
|
|
|
|
|
|
| |
abubakr
ابوحراز
Yasir Elsharif
baha eassa
Hisham Ibrahim
ابراهيم محمد الحسن
abuguta
ابو عثمان
كمال عكود
شول اشوانق دينق
Osama Mohammed
فيس بوك
تويتر
انستقرام
يوتيوب
بنتيريست