|
|
 مبروك للسودان فوزه علي مالي...ومازدا فاشل
|
أستطاع لاعبونا الاشاوس الفوز علي مالي المنتخب العملاق بثلاثة اهداف مقابل هدفين باستاد الهلال بأمدرمان...ورغم الفوز ...الا ان الفوز جاء نتيجة لمجهود خارق من اللاعبين خاصة العملاق علاء الدين يوسف الذي تجول في كل انحاء الملعب واحرز هدفا ولا اروع
ولكن.....
|
|
 
|
|
|
|
|
|
|
|
Re: مبروك للسودان فوزه علي مالي...ومازدا فاشل (Re: yasir Abdelgadir)
|
حافظ...دامر..الباشا...سفاري...وموسي الزومة
عمر بخيت..علاء يوسف..هيثم مصطفي..مساوي
علاء بابكر و مدثر كاريكا
ضعف الدفاع ظهر في دامر الضعيف اصلا و الباشا في غير موقعه الرسمي
ضعف الهجوم في اصرار مازدا غير المبرر علي علاء بابكر اللاعب المحلي والذي لم اجد حتي الان التبرير المقنع في اصراره علي هذا اللاعب الذي لا ينسجم مع زملاءه بسبب انضمامه اليهم محليا فقط
اما كاريكا فلا يوجد اي سبب لاشراكه وجلوس هيثم طمبل علي كنبة الاحتياط طيلة هذا الوقت
اخطاء في التشكيلة قاتلة
يتحملها مازدا فقط
ويبدو انه سيظل مفروضا علي كل السودان مادام شداد مفروض غصبا عن كل االسودانيين
| |
|
|
|
|
|
|
|
|
|
Re: مبروك للسودان فوزه علي مالي...ومازدا فاشل (Re: yasir Abdelgadir)
|
بدون تحيز: تحمل عبء اخطاء مازدا خط الوسط وكان علي قدر المسئولية خاصة علاء يوسف العملاق والبرنس وعمر بخيت الذي عاد لمستواه وكذلك اللاعب التكتيكي الاول مساوي....بالاضافة لابداعات الغزال مهند
موسي الزومة...شتارة ..تصدق احيانا وتخيب احايين...ومازد برضو مصر عليه
سفاري ممتاز
حافظ....تعبان
| |
|
|
|
|
|
|
|
|
|
Re: مبروك للسودان فوزه علي مالي... (Re: yasir Abdelgadir)
|
| Quote: وكان الدفاع بأكمله ضعيف عدا سفاري |
الدفاع مادفاع المريخ اكيد يكون سئ فقط يكفيه فخرا انه وقف اما محترفين بمعني الكلمه ولو كان هنالك العجوز ريتشارد وعلاءجبريل والمعز كان تجيب الكوره من الشبكه فقط
ياياسر يا ياسر
الزومه كيف
كاد ان يكرر هدفه في ابوبكر الشريف
مازدا يستحق تمثال في وسط العرضه شمال ولا رائك شنوبدون تحيز
ابومصطفى
| |
|
|
|
|
|
|
|
|
|
Re: مبروك للسودان فوزه علي مالي...ومازدا فاشل (Re: yasir Abdelgadir)
|
الصديق ياسر
تعرف مشكلة المنتخب السوداني إنو كل ما تجي ترفض مازدا تتهم بأنك بترفضو عشان مريخيته؟ برغم أنو المريخاب أنفسهم ما مقتنعين بيه مدرب و لا حتى مدربهم راضي بيه مساعد؟؟؟
وبعد كده كل ما تنتقد مازدا يجوا المريخاب ناطين ليك في حلقك زي ما حاصل هنا في البوست
عموماً مبروك للسودان و لا تحلم بأن يقوم الإتحاد السوداني بإعفاء مازدا مش لأنو كفء ولا لأنو شداد بحب المريخ و بكره الهلال لكن السبب الوحيد لتمسك الإتحاد بمازدا هو إنو زول رخيص يعمل بالمجان و لا يكلف الإتحاد قرش أحمر
خالد
| |
|
|
|
|
|
|
|
|
|
Re: مبروك للسودان فوزه علي مالي...ومازدا فاشل (Re: خالد عبد الله محمود)
|
الدفاع كان مشكلة كبيرة
دامر
بطى ولا يجيد التمركز
ضعيف فى الكرات الراسية
وايضا سفارى بالرغم من ادائه الجيد لا يحسن التعامل مع الكرات المعكوسة والراسية
تاخر دخول طمبل
وكنت اتوقع خروج كاريكا وليس علاء طيارة الذى سبب ازعاجا كبيرا لدفاع مالى
خط الدفاع دا ما بينستر فى المباريات القادمة
| |
|
|
|
|
|
|
|
|
|
Re: مبروك للسودان فوزه علي مالي...ومازدا فاشل (Re: خالد عبد الله محمود)
|
الدفاع كان مشكلة كبيرة
دامر
بطى ولا يجيد التمركز
ضعيف فى الكرات الراسية
وايضا سفارى بالرغم من ادائه الجيد لا يحسن التعامل مع الكرات المعكوسة والراسية
تاخر دخول طمبل
وكنت اتوقع خروج كاريكا وليس علاء طيارة الذى سبب ازعاجا كبيرا لدفاع مالى
خط الدفاع دا ما بينستر فى المباريات القادمة
| |
|
|
|
|
|
|
|
|
|
Re: مبروك للسودان فوزه علي مالي...ومازدا فاشل (Re: خالد عبد الله محمود)
|
الدفاع كان مشكلة كبيرة
دامر
بطى ولا يجيد التمركز
ضعيف فى الكرات الراسية
وايضا سفارى بالرغم من ادائه الجيد لا يحسن التعامل مع الكرات المعكوسة والراسية
تاخر دخول طمبل
وكنت اتوقع خروج كاريكا وليس علاء طيارة الذى سبب ازعاجا كبيرا لدفاع مالى
خط الدفاع دا ما بينستر فى المباريات القادمة
| |
|
|
|
|
|
|
|
|
|
Re: مبروك للسودان فوزه علي مالي...ومازدا فاشل (Re: mohmmed said ahmed)
|
اولا مبروك الفوز على فريق معظم لعيبته من المحترفين امثال كانوتيه وسيدى بيه وكيتا
ثانيا فى اعتقادى ان يتم محاكمة شداد بتهمة الخيانة العظمى لعدة اسباب
شداد يصر على مازدا ويفرضه مدربا للمنتخب رغم ان السودان كله يرفضه لدرجة الكراهيه
هل يستمر مدرب محترم ... اكرر محترم فى تدريب فريق بعد ان يشارك فى بطوله دوليه ويهزم
فى مبارياتها جميعا 3/صفر ... لم يفتح الله علي هجومه بهدف يفطروا بيهو الصايمه ثم يعود
للسودان ويجد ان ثورة الجماهير قد هشمت سيارة زوجته .. وبيته مجمى بسيارات الشرطه ؟؟؟
لما لايحترم مازدا نفسه ... ويشتت .
فشل ماذدا فى تطوير اى مهاجم للمنتخب بعد اعتماد الهلال والمريخ على مهاجمين اجانب .. فى نفس الوقت لما احمد عادل كان فى الخرطوم 3 تم اختياره للمنتخب لسيكافا فى اثيوبيا ..لم يشركه ماذدا
فى اى مباراة ... الان بعد ان اعتمد الهلال على احمد عادل يتباكى ماذدا على ان احمد عادل مصاب
ودى دلاله واضحه على انو ماذدا بيعتمد على مجهودات مدربى القمه ..
ياجماعه فى السودان الان من احسن المدربين فى الممتاز .. جمال ابوعنجه .. طارق احمد ادم .. الديبه .. اين هم من المنتخب ؟؟
- مساعد المدرب الهمام مزدا هو اسماعيل عطا المنان .. سمعتوا بيهو درب الزول ده قبل كده اى فريق ؟؟
- سمعتوا كان مساعد مدرب فى الخرطوم 3 ولا فى هلال الابيض ولا حتى موردة سنار ؟؟
- جيل هيثم مصطفى والعجب وطمبل وعلاء يوسف ومهند وسفارى وقلق ومعز .. جيل بمواصفات افتقدها السودان كثيرا ... هل فوت شداد الفرصه على السودان الوطن فى استثمار هؤلاء اللعيبه وصقلهم بمدرب عليهو القيمه مش زى مازدا لتحقيق بطولات للسودان ؟؟؟
تخيلوا كيف سيكون الحال لو كان للمنتخب مدرب مع وجود هذه الكوكبه ؟؟؟
الاولاد ديل بى مازدا السكران ده بيغلوا مالى وتونس ... تفتكر بشوية فكر تدربى مش ممكن يعملوا لينا حاجه ؟؟
شلسى اتعاقد قبل كم يوم مع سكولارى مدربا له ب 6 مليون يورو فى السنه غير الحوافز
يعنى حوالى 500 الف يورو فى الشهر يعنى بحوالى مليار ونصف جنيه سودانى فى الشهر
الاهلى المصرى بيدى مانويل جوزى 50 الف دولار فى الشهر
نحن (دوله كامله ) ماقادرين نوفر 20 الف دولار بس لمدرب شبه محترم
- نفسى اعرف وكالة السفر البيتعامل معاها شداد ومجدى ومعتصم عشان اعرف تزاكرهم فى الشهر بى كم
ولو قعدوا فى الواطه دى وبطلوا سفر ومنجهه وسياحه على حسابنا ممكن المبلغ ده نستفيد منو
ونجيب بيهو مدرب ..
والله انا يدونى فرصه فى شداد ده .. الا ارجموا ليكم فى الشارع .. واعمط ليهو باقى شعيراتو الطايرات ديل ...
انتو الرياضه دى مافيها انقلاب
| |
|
|
|
|
|
|
|
|
|
Re: مبروك للسودان فوزه علي مالي...ومازدا فاشل (Re: DEEK_ALJIN)
|
الاخ العزيز ديك الجن
كلامك دا عجبني بالحيل:
Quote: فى اعتقادى ان يتم محاكمة شداد بتهمة الخيانة العظمى لعدة اسباب
شداد يصر على مازدا ويفرضه مدربا للمنتخب رغم ان السودان كله يرفضه لدرجة الكراهيه
هل يستمر مدرب محترم ... اكرر محترم فى تدريب فريق بعد ان يشارك فى بطوله دوليه ويهزم
فى مبارياتها جميعا 3/صفر ... لم يفتح الله علي هجومه بهدف يفطروا بيهو الصايمه ثم يعود
للسودان ويجد ان ثورة الجماهير قد هشمت سيارة زوجته .. وبيته مجمى بسيارات الشرطه ؟؟؟
لما لايحترم مازدا نفسه ... ويشتت .
فشل ماذدا فى تطوير اى مهاجم للمنتخب بعد اعتماد الهلال والمريخ على مهاجمين اجانب .. فى نفس الوقت لما احمد عادل كان فى الخرطوم 3 تم اختياره للمنتخب لسيكافا فى اثيوبيا ..لم يشركه ماذدا
فى اى مباراة ... الان بعد ان اعتمد الهلال على احمد عادل يتباكى ماذدا على ان احمد عادل مصاب
ودى دلاله واضحه على انو ماذدا بيعتمد على مجهودات مدربى القمه ..
ياجماعه فى السودان الان من احسن المدربين فى الممتاز .. جمال ابوعنجه .. طارق احمد ادم .. الديبه .. اين هم من المنتخب ؟؟
- مساعد المدرب الهمام مزدا هو اسماعيل عطا المنان .. سمعتوا بيهو درب الزول ده قبل كده اى فريق ؟؟
- سمعتوا كان مساعد مدرب فى الخرطوم 3 ولا فى هلال الابيض ولا حتى موردة سنار ؟؟
- جيل هيثم مصطفى والعجب وطمبل وعلاء يوسف ومهند وسفارى وقلق ومعز .. جيل بمواصفات افتقدها السودان كثيرا ... هل فوت شداد الفرصه على السودان الوطن فى استثمار هؤلاء اللعيبه وصقلهم بمدرب عليهو القيمه مش زى مازدا لتحقيق بطولات للسودان ؟؟؟
تخيلوا كيف سيكون الحال لو كان للمنتخب مدرب مع وجود هذه الكوكبه ؟؟؟
الاولاد ديل بى مازدا السكران ده بيغلوا مالى وتونس ... تفتكر بشوية فكر تدربى مش ممكن يعملوا لينا حاجه ؟؟
شلسى اتعاقد قبل كم يوم مع سكولارى مدربا له ب 6 مليون يورو فى السنه غير الحوافز
يعنى حوالى 500 الف يورو فى الشهر يعنى بحوالى مليار ونصف جنيه سودانى فى الشهر
الاهلى المصرى بيدى مانويل جوزى 50 الف دولار فى الشهر
نحن (دوله كامله ) ماقادرين نوفر 20 الف دولار بس لمدرب شبه محترم
- نفسى اعرف وكالة السفر البيتعامل معاها شداد ومجدى ومعتصم عشان اعرف تزاكرهم فى الشهر بى كم
ولو قعدوا فى الواطه دى وبطلوا سفر ومنجهه وسياحه على حسابنا ممكن المبلغ ده نستفيد منو
ونجيب بيهو مدرب ..
والله انا يدونى فرصه فى شداد ده .. الا ارجموا ليكم فى الشارع .. واعمط ليهو باقى شعيراتو الطايرات ديل ...
انتو الرياضه دى مافيها انقلاب |
يبدو انو الجماعة ديل قطعوا الحبل السري لاي انقلاب حتي لو في الكورة
| |
|
|
|
|
|
|
|
|
|
Re: مبروك للسودان فوزه علي مالي...ومازدا فاشل (Re: mohmmed said ahmed)
|
الاخ محمد سيداحمد
مرحب بيك بعد غيبة
وكلامك دا صحيح
Quote: الدفاع كان مشكلة كبيرة
دامر
بطى ولا يجيد التمركز
ضعيف فى الكرات الراسية
وايضا سفارى بالرغم من ادائه الجيد لا يحسن التعامل مع الكرات المعكوسة والراسية
تاخر دخول طمبل
وكنت اتوقع خروج كاريكا وليس علاء طيارة الذى سبب ازعاجا كبيرا لدفاع مالى
خط الدفاع دا ما بينستر فى المباريات القادمة |
| |
|
|
|
|
|
|
|
|
|
Re: مبروك للسودان فوزه علي مالي...ومازدا فاشل (Re: خالد عبد الله محمود)
|
الصديق خالد:
Quote: برغم أنو المريخاب أنفسهم ما مقتنعين بيه مدرب و لا حتى مدربهم راضي بيه مساعد؟؟؟
وبعد كده كل ما تنتقد مازدا يجوا المريخاب ناطين ليك في حلقك زي ما حاصل هنا في البوست |
مدرب المريخ احضر مساعده معه بدون ان يشاور اي حد لانه ضاق به ذرعا وفقد الامل في تغييره.....وهذه تكفي
| Quote: لا تحلم بأن يقوم الإتحاد السوداني بإعفاء مازدا مش لأنو كفء ولا لأنو شداد بحب المريخ و بكره الهلال لكن السبب الوحيد لتمسك الإتحاد بمازدا هو إنو زول رخيص يعمل بالمجان و لا يكلف الإتحاد قرش أحمر |
لا شداد لن يغيره لانه بيوزن ليهو الكفة في الانتخابات وبيجيبه تاني حتي لو يروح المنتخب في اي داهية
| |
|
|
|
|
|
|
|
|
|
Re: مبروك للسودان فوزه علي مالي...ومازدا فاشل (Re: yasir Abdelgadir)
|
دا كله كووووووووووووووم
وعرقلة دامر للمعترف الاستطورة كوم تانى
زولكم دا ياطلحة امس كان داير يطيع مستقبل كونوتيه
ياخى قولو ليه اضغط على الكورة مش رجل الخصم
الرجل دا مسلم واسلامو احسن من اسلام رئيس دولة,,
تصدقو اشترى قطعة ارض فى اشبيلية عشان يبنى على مسج الحى
اها دا زول بضعيوه ,,انتو ما مسلمين ياعالم
| |
|
|
|
|
|
|
|
|
|
Re: مبروك للسودان فوزه علي مالي...ومازدا فاشل (Re: abuguta)
|
العزيز جدا ابوقوتة
| Quote: ياخى قولو ليه اضغط على الكورة مش رجل الخصم |
ياخوي يقولوا لي منو....أنت بتضيع في زمنك ساكت
Quote: الرجل دا مسلم واسلامو احسن من اسلام رئيس دولة,,
تصدقو اشترى قطعة ارض فى اشبيلية عشان يبنى على مسج الحى |
والزول دا راقي جدا...لو شفت تعليقو للتلفزيون لحظة وصوله....لكن تتكلم مع منو مع دامر؟؟؟
| |
|
|
|
|
|
|
|
|
|
Re: مبروك للسودان فوزه علي مالي...ومازدا فاشل (Re: طلحة عبدالله)
|
Quote: الاخ خالد عبد الله محمود
سلامات يا زول
أنا مؤقن أنه قد خانك التعبير في ما تحته خط اعلاه لان :
(زول رخيص )
تختلف بالتأكيد عن :
(مدرب رخيص) ..
لك الود |
الأخ طلحة
هوي يا زول ما تجيب لي هوا نحن بنتكلم في الكورة و بس 
كامل إحترامنا لمازدا كإنسان و كلاعب كرة قدم ماهر
و لكن ليس هناك أي ذرة إحترام لمدرب فاشل يفرض وجوده على المنتخب رغم أنف الغالبية من الشعب السوداني.
بعدين يا طلحة إنت مازدا ده وقت أصلو أحسن من جوزيه مورينهو ليه ما خليتو درب المريخ بدل تدفعوا آلاف الدولارات لمدرب أجنبي؟؟؟؟
لك من الود بمثل ما أعطيتنا و أكثر
و شكراً للتنبيه
خالد
| |
|
|
|
|
|
|
|
|
|
Re: مبروك للسودان فوزه علي مالي...ومازدا فاشل (Re: yasir Abdelgadir)
|
Quote:
زولكم دا ياطلحة امس كان داير يطيع مستقبل كونوتيه
|
ياخ معقول يا ابقوتة تتكلم عن مستقبل لاعب عمرو 31 سنة ..
عموما ندين محاولة دامر لتدمير مستقبل المخضرمين
كامل تضامننا مع :
الاسم : فرديريك كانوتيه
تاريخ الميلاد : 2 سبتمبر 1977
مكان الميلاد : ليون بفرنسا
الطول : 1متر 92 سنتم
النادي : اشبيلية
الرقم : 12
| |
|
|
|
|
|
|
|
|
|
Re: مبروك للسودان فوزه علي مالي...ومازدا فاشل (Re: yasir Abdelgadir)
|
| Quote: وشهدت تدريبات الامس عودة الثنائي فيصل العجب وعبدالحميد السعودي للمشاركة في التدريبات وانخرطا بقوة بجانب بدرالدين قلق واظهر الثلاثي روحا معنوية عالية اثناء التدريب الامر الذي اسعد الجماهير التي حرصت علي متابعة سير الاعداد |
اراح مازدا العجب من الفريق القومي بعذر الاصابة وهاهو بعد اقل من اربعة وعشرين ساعة مع المريخ
واراح قلق بعذر الايقاف وهاهو يتدرب مع المريخ
ليرهق كل لاعبي الهلال ولا يعفي حتي المصابين منهم من السفر والترحال
انت لست بفاشل فقط ولكنك منحاز لناديك المريخ يامازدا شئت ام ابيت
| |
|
|
|
|
|
|
|
|
|
Re: مبروك للسودان فوزه علي مالي...ومازدا فاشل (Re: Maawya Hussein)
|
لا يامعاوية القصة ما موازنات بس القصة انحياز سافر وكريه:
مازددا اراح العجب وقلق كبار السن من نادي المريخ بأعذار واهية ومطبوخة والمنتخب في اشد الحاجة لهما فالمنتخب يلعب بدون طرف ايمن وصانع العاب واحد وهو هيثم المرهق رغم اخلاصه وتفانيه
اختار من نادي المريخ الصغار الذين لا يتأثرون بالضغط المتواصل...ولم يرحم حتي مصابي الهلال ريتشارد وجبريل واحمد عادل وتجول بهم من الكونغو الي اليمن ليذهبوا للقاهرة بعدها
هذا مدرب غير عادل ومنحاز ويسخر المنتخب لتدريب لاعبي المريخ عند الحاجة ويستند الي دعم شداد الحاقد اصلا علي الهلال لاجل صلاح ادريس ولا يوجد من يلجمه.....
| |
|
|
|
|
|
|
|
|
|
Re: مبروك للسودان فوزه علي مالي...ومازدا فاشل (Re: Akoy Deng)
|
ألاخ الكريم أكوي دينق:
شكرا لمرورك
| Quote: منتخبكم دا جاب شنو عشان نبارك لكم |
أكيد تقصد منتخبنا لانو أنت سوداني واخ عزيز
, | Quote: اهى النتيجة ال فيها ضربة جزاء دى ولاغيره |
.
ضربة الجزاء دي من ضمن اللعب وأمس ايطاليا لم تتمكن من الفوز علي فرنسا الا بعد ضربة جزاء
Quote: مازدا فاشل وكمال شديد فاشل وكل الجلابة فاشلين فى القيادة , كدا خلونا من منتخبكم الذيلية .
|
اتفق معاك في انو مازدا فاشل وشداد فاشل ولكن لم افهم معني كل الجلابة ....اذا كنت تقصد عموم السودانيين من الشماليين فهم سودانيين برضو ولا نرضي هذا التفريق مثلما لانرض احد بأن ينعتك بأي لفظ غير انك سوداني اتمني ان يكون اخطأت الفهم وانك تقصد الممازحة فقط
ومرحبا بك اخا عزيزا
| |
|
|
|
|
|
|
|
|
 Re: مبروك للسودان فوزه علي مالي...ومازدا فاشل (Re: yasir Abdelgadir)
|
كيفك يا دكتور ياسر ..
نحن قبيل شن قلنا ..
كنت متابع للمباراة منذ بدايتها ..
وكنت خايف أن تكون النتيجة لغير صالحنا ولكن الحمد لله قدرنا أن نفوز على مالي بمحترفيها ..
هناك خلل واضح في منختبنا مافي شك وياهم ديل لعيبتنا يعني ما عندنا غيرهم ..
وحتى طرق اللعب التي نلعب بيها ( شختك بختك ) مافي تكتيك معين ..
منذ البداية إنتبهت لعدم وجود عمق في متوسط الدفاع مما أدى ذلك لإرباكه وحصول أخطاء كثيرة نتج عنها هدفان وكرات كثيرة خطرة أمام المرمى ..
وجود لاعبين إرتكاز هما عمر بخيت وعلاء الدين يوسف يقلل من دعم خط الوسط ومساندة الهجوم ..
ضعف خط هجومنا وعدم تمركزه الصحيح قلل من خطورته أمام المرمى ..
الحسنة الوحيدة التي فعلها مازدا إرجاع سيف مساعد للطرف الأيمن والذي قام بواجبه على أكمل وجه وساعد في هذا النصر الكبير ..
منتخبنا يحتاج للكثير حتى يحجز لنفسه مقعد في خارطة الكرة الأفريقية ووجوده بهذا الشكل لن يقدمه خطوة للأمام وسنعود لمربعنا الأول وهو تزيلنا لقائمة المنتخبات في أفريقيا ..
مازدا وإسماعيل عطاء المنان مفروضين على المنتخب مافي شك ..
وشداد الفي راسه بعمله طالما جمال الوالي بيسأل مازدا ( أولادنا عاملين كيف ؟ ) ..
يا طلحة المسكين ما تجي تشب لي في حلقي 
التحية للجمهور السوداني الذي وقف خلف المنتخب وقفة مشرفة ..
ولا ننسى دور اللاعبين وإستبسالهم والزود عن شعار الوطن ..
| |
|
|
|
|
|
|
|
|
|
Re: مبروك للسودان فوزه علي مالي...ومازدا فاشل (Re: معتصم دفع الله)
|
معتصم العريس : ياخي مشتاقين...سألين عنك لكن يبدو انو العروس اخدت كل وقتك
Quote: هناك خلل واضح في منختبنا مافي شك وياهم ديل لعيبتنا يعني ما عندنا غيرهم ..
وحتى طرق اللعب التي نلعب بيها ( شختك بختك ) مافي تكتيك معين .. |
لو في تكتيك او اللعب ما شختك بختك يبقي المدرب واحد تاني غير مازدا
| Quote: منذ البداية إنتبهت لعدم وجود عمق في متوسط الدفاع |
عمق مع امير دامر..انت متفائل جدا
| Quote: الحسنة الوحيدة التي فعلها مازدا إرجاع سيف مساعد للطرف الأيمن والذي قام بواجبه على أكمل وجه وساعد في هذا النصر الكبير |
الحسنة في سيف وليست في مازدا لانو سيف لاعب تكتيكي من الطراز الاول اما مازدا فهو قد اراح قلق لمباراة المغرب وهو يعلم انو المنتخب بدون طرف يمين
| Quote: مازدا وإسماعيل عطاء المنان مفروضين على المنتخب مافي شك .. |
لاول مرة يتفق الغالبية في عدم رغبتهم في رؤية هؤلاء علي دكة المنتخب الوطني ..ولكن يبدو انو للمصالح احكام
| |
|
|
|
|
|
|
|
|
|
Re: مبروك للسودان فوزه علي مالي...ومازدا فاشل (Re: yasir Abdelgadir)
|
Quote: واصل المنتخب اعداده الجاد لمواجهة نظيره المالي مطلع الاسبوع المقبل وادي المنتخب تدريبا ساخنا مساء امس بملعب اكاديمية تقانة كرة القدم بمشاركة جميع اللاعبين عدا سيف مساوي الذي اكتفي بالمتابعة من خارج الملعب بسبب الاصابة وقد اشتمل المران علي تدريبات متنوعة | Quote: واختتم بتقسيمة ساخنة بين الاحمر والاصفر انتهت بفوز الاصفر |
بستة اهداف مقابل ثلاثة.. احرز للاصفر هيثم طمبل ثلاثة اهداف «هاتريك» وهدفين لجيمي وهدف لسفاري في حين احرز للاصفر كاريكا هدفين وهدف لموسي الزومة |
.
دا تمرين المريخ ولا المنتخب الوطني
؟؟؟
| |
|
|
|
|
|
|
| |
مزاحم الضوي
طلحة عبدالله
keiga2000
Mohammed Haroun
خالد عبد الله محمود
mohmmed said ahmed
abuguta
Maawya Hussein
عبدالله كع
Akoy Deng
نيازي عبدالله مرحوم احمد
معتصم دفع الله
فيس بوك
تويتر
انستقرام
يوتيوب
بنتيريست