|
|
|
 Re: العقل الجمعى: تشاد عريقة الديمقراطية وإسرائيل جنه لللاجئين وخليل أبراهيم بطل للسودان الجديد (Re: Khalid Kodi)
|
خالد .. ازيك
اتمناكم بخير
عارف بكلامك الكبار ده .... زكرتنى قصه لذيذة
الاخ (....) لا اعرف اسمه الحقيقى .. لكن هو من اولاد مربع 11 بمدنى
وطبعا اولاد مربع 11 فى مدنى مشهورين جدا بالنكات والهزل وهم بالتاكيد ناس جميلين
المهم يا سيدى الفاضل ..
الشباب قاعدين فى دكان الفوال بعد عشوت (فته) جميله .. بدا الحديث عن السياسه
عمر البشير عمل وعلان سوى .. الخ ..
صاحبنا (....) قاعد بس يعاين فى الجماعه وهم بيتغالطو وخاتينو قرض
فجأة هب صاحبنا (......) قال ليهم وبالصوت العالى وبانفعال شديد جدا
(( عمر البشير شنو وجبهة شنو ديل ناس ما بيفهمو .. يعملوا مشاكل مع امريكا والامم المتحده ويتصاحبوا مع تشاد والحبش وناس حق العشا ما عندهم .. ما اسمع زول تانى يقول جبهة اسلاميه ولا عمر البشير ولا زفت ))) الناس طبعا صنت وكل زول عصر ضنبو واتخارج ..!!
يا خالد صاحبتنا الزمان دى قاعده ساكت .. فلا تشغل بالك بيها .. كده شوف لينا قصة دكتور صقر (والاهنا المعلوم) الدكتور الاخر خليل ..
لى قدام
الريح ..
| |
 
|
|
|
|
|
|
|
|
Re: العقل الجمعى: تشاد عريقة الديمقراطية وإسرائيل جنه لللاجئين وخليل أبراهيم بطل للسودان الجديد (Re: Tragie Mustafa)
|
عدل الاقتباس يا خالد كودي وبردع لك لما القى وقت......
وكيه في امثالك....جاءك الرد ومن داخل اهل السودان الجديد...والجاي تتاجر بقضاياهم...
في تلاحم بطولي هامشي (ابراهيم بقال) ينقذه (الجنوبين) ويكتب من ملكال!!
يكونوا الجنوبين برضوا شماركيننا يا ربي في هذا العقل الجمعي!
قال عقل جمعي قال!!
على فكرة نسيت اقول لك حاجة كبيركم الذي علمك السحر و الكنتو متوهيطن تحت ادارته
عبد العزيز خالد كان سينطلق في معارضته قبل ارتريا من تشاد...و االسبب قالوا
كان بيقول للناس انه زامل قيادات تشاديه سابقا نافذة في السلطة في دورات عسكريه
سابقه وبينهم صداقة قويه ويتوقع دعمهم لحركته !! ولكن بتواصله معهم علم رفض الرئيس
ادريس دبي...فتح اراضيه للمعارضة السودانيه ايام كان سمنا على عسلا مع حكومة الخرطوم!
فهل يا ترى وقتها كنا....سنسمع امثالك جونا بعد الهنا بسنه ليحدثوننا عن تشاد عريقة
الديمقراطيه كما فعلت بعراقة الديمقراطيه بارتريا؟؟!!
عالم وهم!!
| |
|
|
|
|
|
|
|
|
|
Re: العقل الجمعى: تشاد عريقة الديمقراطية وإسرائيل جنه لللاجئين وخليل أبراهيم بطل للسودان الجديد (Re: Tragie Mustafa)
|
طبعا دي حتعجبك يا خالد كودي وتفتكر نفسك اكتشفت الذرة
عشان تجي تبرطع فيني زي برطتهك في دزبشارة وانه هنالك فرق في عروبيتك
وكنها ناصريه او بعثيه وناسي انه كله عندنا صابون.
Quote: على فكرة نسيت اقول لك حاجة كبيركم الذي علمك السحر و الكنتو متوهيطن
تحت ادارته عبد العزيز خالد كان سينطلق في معارضته قبل ارتريا من تشاد... |
هنا عارفك حتحاول تعمل هليلة ..وانه انت مع د.تيسير محمد علي ولم تكن اصلا
مع عبد العزيز خالد...ولكنك ناسي انه كله عندنا صابون ياهم كلهم قوات تحالف
وعبد العزيز هو الاصل!!
| |
|
|
|
|
|
|
|
|
|
Re: العقل الجمعى: تشاد عريقة الديمقراطية وإسرائيل جنه لللاجئين وخليل أبراهيم بطل للسودان الجديد (Re: Khalid Kodi)
|
يا بروف حالتك بقت تحنن والله
تراجي رد ليك في الصميم
فبهت!
ما الذي يجعل تشاد تختلف عن ارتيريا
فمن حيث النظام متشابهتان
انت حاربت النظام السوداني بحزب انطلق من اسمرأ ليه طيب!
مشكلتك انك غير مبدئي
وتفكيرك كيدي
يعي بقيت امفكو من الناحية المبدئية
تاني حاجة:
قل لنا من قال ان اسرائيل جنة اللاجئين
و لا خلاص بديت تكدب يا بروف!
ليس للهارب من الموت فرصة لاختيار بين الجنان و النيران , حسبه الفرار بجلده من الموت في "الميادين الناصرية"و غير الناصرية من ميادين القتلة الى
أي مكان
أي بلاد
لا يكون الموت في إنتظاره
لقد شتت جهودنا يا شيخ العرب!
انت تهاجم ثورة الشعب الدارفوري هنا
حتى عبدالواحد"العلماني" لم تتركه بلا هجوم في هذا البوست
بتلميحاتك عن اسرائيل المقصوده و
باستهزائك الجاهل بحق ضحايا النظام السوداني الذين هربوا مرة أخرى من الموت
بين يدي بقايا الناصرية
فتضحك على نكبتهم هنا وانت الفنان ما هذا تورد الإبل يا بروف!
انت ودرت الدرب !
| |
|
|
|
|
|
|
|
|
|
 Re: العقل الجمعى: تشاد عريقة الديمقراطية وإسرائيل جنه لللاجئين وخليل أبراهيم بطل للسودان الجديد (Re: Hatim Yousif)
|
زمـان ..
زمـان خالص قلت لي خالد دافنشي حركاتك دي بطله تمجيدك لي تراجي وبعض الثوار ح يدخلك في ورطة تاريخيه .
كان بقول لي:
شوف التمبوشي .. ويمشي يخليني ..
يومــا ما .. قال لي اختلف معاك في حركاتك البتعمل فيها دي .. ولازم تجي تعتذر لي ( د) بشار ..
قلت ليهو:
والله يا دافنشي الكلام دا بتاباهـو .. ثوار الغفلة وفلول الكيزان ديل يتعمل ليهم فرش متاع هنا علشان محتاجين لي (براسـو) نلمع بيهو الاقنعة بتاعتهم دي ويظهرو للناس على حقيقتهم ..
تاني جا قال لي:
شوف التمبوشي ..
قلت ليهو كويس انا بنتظرك يا دافنشي واقرب لفه .. والله اللف ليك جنس لف لمن تعرف حاجة ..
البهمني في الأمر دا .. انا عايز اعتذار واضح من دافنشي ..
ليه يا دافنشي تجي تقول لي اعتذر لي (د) الصقـر .. وإنت حسع دي قاعد تمسح بيهو الواطـه .. هو و(د) تراجي في بوست واحد ..
ملحوظة:
طبعا يا الريح ما ملاحظ لي إني ما جبت سيرتك خالص .. بالنسبة لي حركة الاعتذارات دي .. حسع كان جبت سيرتك بقول ليك .. يعني انتو الاتنين قاعدين تتحامو على ( د) صقر و ( د) تراجي علشان لقيتوهم مهمشين .. ولقيتوهم قاعدين كنب ساكت 
والله يا (كودي فاميلي) حقارين لكن ..
يللا بلاي يا دافنشي انا منتظر اعتذارك .. لو ما اعتذرت لي في البوست دا .. متضطر اكلم ليك اخونـا عاطف عابدون ينزل ليك بوست مطالبة على النحـو التالي:
يا دافنشي إنت مطالب بإعتذار واضح لي تمبس (توجد صورة) 
| |
|
|
|
|
|
|
|
| |
Khalid Kodi
Tragie Mustafa
الريح كودى
Yassir Tayfour
Al-Shaygi
د. بشار صقر
Hatim Yousif
tmbis
فيس بوك
تويتر
انستقرام
يوتيوب
بنتيريست