|
|
|
 Re: دموع وتنهيدات اولاد الغبش (تسجيل ونصوص) (Re: Elsanosi Badr)
|
يا حليل الغبش الكلكم سادتنا
لديار الخميس الظروف ساقتنا
البلد الجميله السمعته جابتنا
لا لقينا العمل ولا الدوريات خلتنا
المساعد ابوي دود الخلا ا بعاجات
كراماتك مثبوته في الزمان الفات
جافينا الوطن لا جدود ولا ابوات
دايرك لي حجاب من التلات تسعات
ابواتي الغبش ليكم شكيت اغراضي
بالقضا والقدر قليبي المسيكين راضي
صغيركم كان هما يحكم في الدوائر قاضي
سمحا للبريد وكيا للموراضي
انتم اطبائي دايركم تشوفو اعراضي
من مرض القلب والجري الفي الفاضي
ابواتي ما تشمتو القالو الكلام هو فاضي
احسبو الامر يا ساداتي بينكم ماضي
قمنا للعمل في الحرج حرجنا
وظلت الهموم جوه القلب منعجنا
كسرولنا البيوت دبرنا لي مخرجنا
الريح للسليمه في المعامل سجنا
للقصر الجميل نزلنا واستأمنا
اخوانا العذاذ فيهم بشاشه اهلنا
الترحيب والكرم والله العظيم هولنا
تحيو وتعيشو يالليمكم يتمني
جيناكم قاصدين ما خاب فيكم املنا
والبسمة من افواهكم تحمل رضاكم عنا
كل الفي المعامج لحماك يا ذو المنا
من الحاسدين شر الانس و الجنا
الوضع الفيه نحنا والله مو مقبول
والبريقة بتلف سواقها تقول مسطول
السبب الخلاني ناوي الرجوع علي طول
استفزاز ببساطة وكلمة المجهول
زي ما اقول اسافر يقولو لي اتصبر
والمروق بلف مكسي السراق في العنبر
السبب الخلاني ناوي الرجوع في شهر
حالة المجهولين اصلاً دوام في خطر
الوضع الفيه نحنا..هربنا من الواقع لكن وجدنا هموم
القلب يحسب والعلات جا من النوم
المجهول حقيقي اصلو ما معلوم
خربانة الدنيا غارانا دار الشوم
لكن نحن السودانيين تاريخنا دوام معلوم
بنصون العرض لفارغة ما بنحوم
الشعب العفيف لنصرت المظلوم
وما هن علي الزهب الفي الخزن مختوم
الليلة في دة العد الشهر والعدو تلاتة سنين
حالتهم معلومه ماكلين شاربين
جافينا الوطن ما قلنا مغتربين
جيوبنا فاضيه لا هلله لا مليم
فينا اليحسب في السنين لا عمل لا مال
دايرين الرجوع كايسين سترة الحال
ده الخلاني ارجع بي سرعة واستعجال
كان الرب قبل ما فش عليه محال
اكل البسكويت والببسي بالقارورة
ما بنسينا لبلدناً عيشو بالمطمورة
من غير المناسك اللمسلمين مشهورة
ما بهوي غير بلادي في كافة المعمورة
انا ما بحب الكولا الببسي وموية الصحة
وما بريد المنادي والكبسة بتزيد الصحة
من عودة بلادي انا اصلي ما بتنحي
وما مهم ريالكم ان كتر وان شحه
فتناك يالخميس وتاني ما بنجيك
فتناك يالخميس ياخايب عرفنا الفيك
خلاص اتحاربنا لا تدينا لا نديك
نزلنا في تنتحت ماسكين دريب الشيك
السودان وطنا اصبحنا ناوين ليه
سألين الاله من فضله يغنيه
الشيك وصلناه وعرفنا الفيه
نوم الحارور اديتو لينا معديه
تراه الشباب اصبح خلاص مربوك
دايماً في حيرة وداهمته شكوك
عدمان الحرية وفي العمل مملوك
وعامل التنكه ما بفتح حساب في بنوك
الخالقنا مو ناسينا
ان اتعلقنا في حبال الهوا بدلينا
فتناك يالخميس وللمعامل جينا
سألين الاله رب العلا يغطينا
البريقه بتلف(عربيه الشرطة) والجيب دة ما خلانه
ساهرتيبنا الليالي عيونا مو نعسانه
فتنا ليها المدن في الخلا لاحقانه
خلاص فايتين بلادنا تاني شن طالبانه
كان جينا للحقيقه البريقه مي غلطانه
العيب فينا انحن البصايرنا عميانه
هجرة بالسنين بكل شرف وامانه
قاعدين من غير عمل ونقول الظروف خاينانه
نحن نحن اهل الكرم كل الجنسيات عارفانه
نحن اهل البشاشه تقوي ومعاهه امانه
الدايرن يفهمو عننا اسلوباً معاه رزانه
اسألو للخليج المملكه وسكانه
نحن اهل النفوس الفي بعضها مرضيه
نحن اهل التواضع لا كبر لاريه
غشتهم المراعي ودواجن الوطنيه
ربي استر عليهم من حمة المالطيه
نحن نحن نحن اهل الشهامه المن بعيد معنيه
نحن اهل البشاشه والبسمه سوداينه
الليل يالنور اخوي الغربه مي مرتعنه
العجب العجايب كان موسي قام ودعنه
بالسودان بلدنا ياربي جود وارفعنه
شجرتنا الاصيله المنها اتفرعنه
ارجوك ياصديق شيل معاك تحايه
لاهل الطبول اهل الذكر والرايه
قول ليهم ولدكم لا عمل لا روايه
داير ليه حجاب بخره ومعاه محايه
بلغ تحياتي للولد الوسيع ديوانو
مشبع بالزكر جالسين دوام ضيفانو
ما بصر الجبين حافظ حقوق جيرانو
صاين للعرض وماسك عليه لسانو
اليله الغربه حاره واحسن كويه النار
لا مال لا اهل دي ودرتنا ودار
هلكت للشباب وفيها بقي محتار
والقضاء والقدر امر الكريم مختار
ماسكين المزارع كوسه ومعاها خيار
يعافرو في الارض ويكسرو الحجار
جاتكم امانه من صغيرلكبار
ماشفتو الجزيرة الخضرة المعاها ثمار
ابوك يالجيلاني الغربه مي هماه
لكن بخاف البشاتن والكلمه البتجيه في قفاه
الزول يفوت والدينو انا نفسي مي حاباه
يهاجر بالسنين مقصودو ما يلقاهو
يسلم حاج علي الرجل الحليم في وفاه
ركازة الضعيف مسكنو ومأواه
ذو الطبع الرزين حقيقه الشكر حقاه
الرجل الاديب يارب جود وارعاه
البريقه بتلف والجيب ده ما خلانه
ساهرتيبه الليالي عيونا مي نعسانه
فتنه ليها المدن في الخلا لاحقانه
خلاص فايتين بلادنا تاني شن طالبانه
الاحد الصباح الدريقه جات شايلانه
ما بالخاطر ودعنا لي خلانه
السجن الدوريات كتمه وكمان زنزانه
بسجنها الكبير والله العظيم ازانه
عدينه فيه يومين الكلباش رطن في يدانه
البصات الكبيره بالبشر مليانه
سبعه ساعات سفر زله ومعاه اهانه
والداخل السجون ما بقبلو بيه علمانه
اخواني الشباب ان اصبحت ناوي القومه
الروق عن الله والروح في يد قيومه
ما تودو الرسائل اخباركم شعر منظومه
وانكشفت حقيقه الشنط الكبار مردومه
اهلنا في السودان كرماً معاه حفاوه
ارجعو ياشباب الامه ما بتتساوه
الزول كان مرض في المستشفي ما بداوه
عشان هو مجهول وساكن مع البداوه
الليله كلمة المجهول انحنا ما بنرضاها
كل الناس عبيد عند خالقها ومولاها
البلد الدوريات لافه فقدت خلاص معناها
غير البيت العتيق والله ما بنغشاها
غايتو انا والرجوع بقيننا بايتين سوا
اتوكلت علي البارئ وعقده العزم من جوه
مويه من بلادي ولا لحمه محشوه
احسن لي من جبالاً فيها القرد يتحوم
تراه الشباب في امرو دايماً حائر
حارسين الحرج والله دمنا فاير
اغريتونا بالشنط الكبار وعصائر
غشيتونا انشاء الله اغترابكم ائر
في الميناء نزلت مابقدر اجيب تفسيري
سلاااااااام ياوطن سلام ياعذتي وتوقيري
قال لي ادني قريب النحكي ليك في ضميري
احوال الشباب ماشين يعمرو غيري
خليهم يابلد يمكن الظروف جباره
عساهم يعودو بالمال الكتير وبطاره
قال لي نفسي ما برضي ليها حقاره
كرامتي فوق مرفوعه بي عذتها ووقاره
___________________________
| |
 
|
|
|
|
|
|
|
|
Re: دموع وتنهيدات اولاد الغبش (تسجيل ونصوص) (Re: osman righeem)
|
رغيم ود الغبش صديق الغبش لك تحيات الابوات والصالحين
برضي بردد معاك يا رغيم...
Quote: المساعد ابوي دود الخلا ا بعاجات
كراماتك مثبوته في الزمان الفات
جافينا الوطن لا جدود ولا ابوات
دايرك لي حجاب من التلات تسعات |
وانت ردد معاي....
عووك يالصالحين يالالف بالجملة
انتو الذاكرين بتقشو الدمع للخملة
دايركم حجاب من المجاهدين والحملة
قلت يا ابواتي الغبش يا اهل الذكر والحالة
عوك يالصالحين مسحوره السيالة...
| |
|
|
|
|
|
|
|
|
|
Re: دموع وتنهيدات اولاد الغبش (تسجيل ونصوص) (Re: Elsanosi Badr)
|
مشتاق للرسول شوقاً عليّ كتير
مشتاق للرسول الهادئ نبي الخير
يا اخواني الجواز الكان زمان في حيره
الليله الجواز ختو عليه التأشيره
كعب الزول بالعشا ينمده
ياخي كعب الزول من دارخليه ارتده
انا خلاص قليبي الحنين جده
في زيارة الرسول والنزول في جده
في جده النزول قبال الشروق بقليل
وكانت الافواه تحمل التهليل
الليله هللت الحناجر والدموع بتسيل
وااه شوقنا للروضه المقامه جميل
قبله المسلمين شفناه بيت الله
والصفا والمروه من شعائر الله
هللنا وكبرنا وجمله الافواه
مقام سيدي الرسول انا عمري ما بنساه
من بعد ما زرناللشفيع وحبيب
مفروض نعود بكل الجمال والطيب
اخواني المعاي جبروني علي التهريب
ركوب الصالون واذكر مهاه الجيب
قلت يا اخواتي الغبش يا هل الذكر و السجدة
تالئين القرآن عارفين مواضع السجدة
عووك يالصالحين الليله دايرين نجدة
دايركم حجاب من الدوريات والنجدة
ابواتي الغبش بيكم دوام بستملأ
عووك يالصالحين يالالف بالجملة
انتو الذاكرين بتقشو الدمع للخملة
دايركم حجاب من المجاهدين والحملة
قلت يا ابواتي الغبش يا اهل الذكر والحالة
عوك يالصالحين مسحوره السيالة
البلد الغنيه وكتير جباله
لا ضقنا العمل لا شفنا ليه رياله
حالتك يالخميس والله العظيم بطاله
| |
|
|
|
|
|
|
|
|
|
Re: دموع وتنهيدات اولاد الغبش (تسجيل ونصوص) (Re: Elsanosi Badr)
|
اخوي د. السنوسي
سلام كتير
ياخ سؤال
الزول اب سورية و صارو وشيهو ده منو
والله يشبه لي عيال ناس الضامن و هي اسرة نزحت من باديتكم من اكثر من مائة عام
واستقرت بتنفاسي السوق والتي بها سوق الثلاثاء الكبير
وكان سالت اهلك الكبار في البادية بيحكوا ليك عن سوق الثلاثاء
ونعود له مرة اخري
| |
|
|
|
|
|
|
|
|
|
Re: دموع وتنهيدات اولاد الغبش (تسجيل ونصوص) (Re: osman righeem)
|
Quote: والله يشبه لي عيال ناس الضامن و هي اسرة نزحت من باديتكم من اكثر من مائة عام
واستقرت بتنفاسي السوق والتي بها سوق الثلاثاء الكبير
وكان سالت اهلك الكبار في البادية بيحكوا ليك عن سوق الثلاثاء.... |
تعرف يا رغيم طبعا نحنا كنا ولعهد غير بعيد دنقلا العرضي كان سوق رئيسي لاهلنا نتزود منها... في مناطقكم لي ابناء عم تزوجوا واختلطوا بسكان تلك المناطق...
اسرة العميري في دنقلا وناس الخبير في حفير مشو... وايضا لنا فخذ قبيله ذابوا مع اهل البطانه...
انا زاتي كنت في مناطق دنقلا ومشو والخندق عبر الصحراء عدة مرات...
| |
|
|
|
|
|
|
|
|
|
Re: دموع وتنهيدات اولاد الغبش (تسجيل ونصوص) (Re: Elsanosi Badr)
|
ابوك يالجيلاني الغربه مي هماه
لكن بخاف البشاتن والكلمه البتجيه في قفاه
الزول يفوت والدينو انا نفسي مي حاباه
يهاجر بالسنين مقصودو ما يلقاهو
يسلم حاج علي الرجل الحليم في وفاه
ركازة الضعيف مسكنو ومأواه
ذو الطبع الرزين حقيقه الشكر حقاه
الرجل الاديب يارب جود وارعاه
__________________________________________
| Quote: لكن بخاف البشاتن والكلمه البتجيه في قفاه |
| |
|
|
|
|
|
|
|
|
|
Re: دموع وتنهيدات اولاد الغبش (تسجيل ونصوص) (Re: Elsanosi Badr)
|
الوضع الفيه نحنا..هربنا من الواقع لكن وجدنا هموم
القلب يحسب والعلات جا من النوم
المجهول حقيقي اصلو ما معلوم
خربانة الدنيا غارانا دار الشوم
لكن نحن السودانيين تاريخنا دوام معلوم
بنصون العرض لفارغة ما بنحوم
الشعب العفيف لنصرت المظلوم
وما هن علي الذهب الفي الخزن مختوم
| |
|
|
|
|
|
|
|
|
|
Re: دموع وتنهيدات اولاد الغبش (تسجيل ونصوص) (Re: shazaly gafar)
|
الشاذلي ولد ابوي دود الخلا اب عاجات... سلام ونتملك النمه
Quote: ما بِنْدورها عيشةً بالنفاق ومظاهر
وما بِنْدوركى يا السافرة ام لباساً ظاهر
نحن اولاد غُبُش كايسنو رزقاً طاهر
من قومة الدُغُش لامِن نجمنا يساهر
|
نحنا يا السمحه يا مديسا كلو مساير
متوشحين بالعفه ام لباسا ساتر
عينا مليانه وللشينه اصلنا ما بنخاطر
كرام اهلنا المن الزمان الغابر
| |
|
|
|
|
|
|
| |
Elsanosi Badr
osman righeem
عاطف عبدون
shazaly gafar
AMNA MUKHTAR
فيس بوك
تويتر
انستقرام
يوتيوب
بنتيريست