|
|
|
 Re: وداعا ود المايقوما .. وجيتكم باسمي الحقيقي (Re: اساسي)
|
العزيز
اساسي ( البقى ما اساسي )
Quote: خيرا اتفك الارتباط بينك والمايقوما واللغط الدائري
مرحب بي عودتك يا حبيب واعفي تقصيرنا في امرك |
غايتو بكري دهـ لوكان وقفك كنت جيت الغربية
عمرة
وسلمت عليك
ياخي حرف واحد منك يكفي وتسلم ياجميل
| |
 
|
|
|
|
|
|
|
|
Re: وداعا ود المايقوما .. وجيتكم باسمي الحقيقي (Re: محمد عبد الماجد الصايم)
|
شقيقي
محمد الصايم
ياخي ماتجيب لي الهواء تاني( كمان هواء جكة )
لمان اقول ليك وقفوني تجري تكلم محمد البشرى , كان احسن لو نشرتوا في المبوبة ..
انت عارف وانا بكلمك عملت رفرش للبورد لقيت عمك منزل البوست ( غايتو جنس ناس )
مني ليك مليون تحية
وان شاء الله يفصلوني تاني عشان اتعرف على واحد تاني مثلك
| |
|
|
|
|
|
|
|
|
|
Re: وداعا ود المايقوما .. وجيتكم باسمي الحقيقي (Re: عزاز شامي)
|
2002 التقيت به في مدينة الخبر (احدي اجمل مدن المملكة العربية السعودية )
كنت ابحث عن عمل ..
فقد كنت جديدا في دنيا الاغتراب (كرت كرتونة )
قام باتصالات عديدة حتي تكلكة مساعه بالنجاح وتم تعينيي محاسب بشركة الفوزان ولانني كنت اسكن في الخبر ومقر الشركة في الدمام قام باستضافي بجمعيتهم العامرة في مدينة الدمام حتي ذهابي الي فرع الشركة بمدينة جدة (جدة المدينة التي احببت واتمني العودة اليها في اقرب فرصة ممكنة)..
بيننا صديق مشترك (سمو)(نسيبو برضو والنسيب قشة في العين)
الان اقول لك شكرا يا بحر
ومعا خلف الزعيم في مشواره الافريقي الطويل..
| |
|
|
|
|
|
|
|
|
|
Re: وداعا ود المايقوما .. وجيتكم باسمي الحقيقي (Re: على محمد على بشير)
|
المريخابي الجميل
على
ود الحاج يوسف
وشوف البقول ليك ارصد منو ؟
انت عارف معنى الاسم دهـ ؟
وكمان كاتبو كده ساكت بدون لقب ؟
اقول ليك :
اسال ابوجهينة ولا ابوشيمة
اقرب ليك شوية : بما انك في السعودية
انت عارف الملك عبد الله وانا في سرج واحد عديييييييييييييل كدهـ
تخريمة :
غير الصورة دي ورجع لينا صورة بنتك الحلوة ( ربنا يحفظها ليك ان شاء الله )
تحياتي يامنقة
| |
|
|
|
|
|
|
|
|
|
Re: وداعا ود المايقوما .. وجيتكم باسمي الحقيقي (Re: ارصد محمد جلال)
|
..
.
سلام يل حبيبنا
وحمدالله على السلامة
الا لكن يا مان عندى كم سؤال -اليومين دى انا طارح تساؤلات -
واحد : انت وقفوك ولا قدمت طلب تعديل للمسمى والاجراء اخد يومين وهيلمانة ؟؟
اتنين : انت ليه ادردقت فى الواطة لمن قال بدر نورتاور سماقو ؟؟
ثلاته : اسم ارصد دا من مواليد كم ؟؟
اربعة : انحنا اتلاقينا ووين؟؟
_______________
يا شباب دى اسئلة شخصية ما يجى واحد يستغلها
ويعمل ينا منها شورشرة ..
| |
|
|
|
|
|
|
|
|
|
Re: وداعا ود المايقوما .. وجيتكم باسمي الحقيقي (Re: فيصل محمد خليل)
|
بالله اسمك ارصد يا ود المايقوما؟؟؟
وده من ايه ولا معناهو شنو؟؟؟؟
المهم يازول مرحب بك وبكري شكله هلالابي وصاريها لك من زمان.
الشيئ الثاني الطلعنه بيه من كل هذه الافلام الدارت هنا
ان النوبين اخطر من اللوبي اليهودي
يازول ده انتو ركعتوا بكري ذاته في يومين
وكمان لقيت ديكن لسه عنده نفس يقلع لك حقوق اكبر وبيطالب لك باعتذار كمان.
رغم انك نائم في هذا البورد ولا نعرف لك مشاركات غير هلال مريخ
الا انه شفنا الهبة القويه لاجلك...سمح المقدرة يا اخوي.
| |
|
|
|
|
|
|
|
|
|
Re: وداعا ود المايقوما .. وجيتكم باسمي الحقيقي (Re: Mohamed fageer)
|
مرحب حبابك اخى ارصد
والله اسمك احلا من ود المايقوما بكتير
البسمع ود المايقوما دى
يقول انك من شلة العم جهينة الله يطراه بالخير
Quote: نطالب بفصل المريخاب من المنبر
و علي رأسهم حمزاوي |
نبيلو سلامات
ياخوى كل شىء ولا الخال حمزاوى ده
رغم هلالابيتى حد النخاع
لكن الخال ده كومو كبير
البتاوق فيه ساى
بنقوم عليه باكرية
اها شن قولك فهمت كلام الغبش ولا ارجع ليك تانى ؟
تحياتى للجميع
اسماء الجنيد/ مسقط
| |
|
|
|
|
|
|
|
|
|
Re: وداعا ود المايقوما .. وجيتكم باسمي الحقيقي (Re: Yasier Elsayed)
|
وهسه دى ما اخير منها المايقوما ؟؟؟؟
Quote: بالله ار دلقونا يقني ؟؟
|
تانى ؟ تاااانى يا ود المايقوما جيتو المولد ؟؟؟
ـــــــــــــــــ
الحق يا بكرى الجماعة قاموا على الضعضعة !!
وقبل ما يحصلو الانكسار والدشديش رجعهم لينا اسكوير وون بالله !!
ود المايقوما حبابك ما عجبتنى ليك الجكة دى ,, انشالله عدوينك
انت هين ,, كعبين ناس9715 مداخلة ديل !! انا غايتو على المشاية !
| |
|
|
|
|
|
|
|
|
|
Re: وداعا ود المايقوما .. وجيتكم باسمي الحقيقي (Re: ارصد محمد جلال)
|
صرخة حق لكجبار
*********
اصل الوجعه هم كفار
القتل العمد مع الاصرار
دسو رؤسهم طلقوا عيار
ريحة الغدر الفيها الضار
طعم الظلم والظالم فار
صاري الخوف فى كفو شعار
عارف ناسو لفيف اشرار
فيه الخائن والجبار
وفيه الحاقد والثرثار
لفحوا الضى العالى فنار
دفنوا البسمه هدموا جدار
كسروا رقاب اسيادا جسار
لا بيهابوا الضربة ولا الاضرار
سدوا الفرقة وزالوا دمار
شدوا ضهورهم للاعمار
دفروا الضيم مسحوهو غبار
روهو ترابك دم اطهار
دفنوا شهيدا كان مغوار
معز والصادق يا ستار
وشيخ الدين الفج النار
صغيرنا فقيرى مع الابرار
يا كجبار ...
انتى الهيبه وهم العار
انتى كرامة وهم فجار
لن نحتار ...
ولن نختار
غير الضربة الفيها الثار
ولن نتوارى خلف ستار
لن نتخاذل ولن نحتار
نرفع صوتنا عالى جهار
يا كجبار ..
انتى جدودنا الديمه كبار
انتى جذورنا انتى وقار
انتى الجيل الربى صغار
انتى المرأة الحاضنة الدار
انتى شموخنا والثوار
انتى تراثنا والاحرار
انتى حضارة غناك مسدار
انتى النيل الشال اسرار
انتى خدارنا والنوار
انتى نخيلنا الكلو نضار
بيه عريسنا اتجرتق وسار
يا كجبار
لسه عيونا حارسة ديار
ولسه قلوبنا مولعه نار
فينا الشرف الغطى بحار
وفينا الوهب الروح للجار
فينا وفينا كم اخيار
لن نبكيك ..
ولن نرثيك ..
ولن نحتار
لن نوفيك غير الثأر
لن نتخاذل ولن نحتار
ولن نختار غير الثأر
****
والمجد والخلود لشهداء الوطن الغالى
اسماء الجنيد / مسقط
Quote: نبيلو سلامات
ياخوى كل شىء ولا الخال حمزاوى ده
رغم هلالابيتى حد النخاع
لكن الخال ده كومو كبير
البتاوق فيه ساى
بنقوم عليه باكرية
|
والله يا حمزاوي واسطتك قوية
نسحب طلب فصل المريخاب
| |
|
|
|
|
|
|
|
|
|
Re: وداعا ود المايقوما .. وجيتكم باسمي الحقيقي (Re: nabielo)
|
Quote: والله يا حمزاوي واسطتك قوية
نسحب طلب فصل المريخاب |
هههههههههههههه
نبيلو سلامات تانى
كتر خيرك على الاستجابة السريعه
ياها المحرية فيكم يا ابناء نخل الشمال
الجرتق عرسانا.. وعمق جذور المحبة حد الغرق الحنين
شكرا نبيلو
شكرا نيلين وضل نيمه
| |
|
|
|
|
|
|
|
|
|
Re: وداعا ود المايقوما .. وجيتكم باسمي الحقيقي (Re: ارصد محمد جلال)
|
شِنْ فايدة مديدة الحلبة والويقود بشيلو اليانكي ؟؟
يا ابو السُّرة
قامت من دخاخين العمى تلمِّع وشِيها
كان اليانكي مِسْتَنِّيهَا
كان اليانكي مستنيها في مراية السَجَم في اللّيل
لقيتها مِتِلْ فريخ الطّير
مَرَقْ ود عينها من ود عينها
رجّافة المزمّلْ حُمّى
جَفَلَتْ مِنّو
وَقَعَتْ عندي
صدرها بغلي
يا ابوالسُّرة
شُفْتَ اليانكي في ود عينها
سُقْتَها للبحر
يمكن يغسِّل عينها من اليانكي
فُتْنَا الحَجْرة بالكَتّة وغطسنا مسافة
حبيبنا ود المايقوما ..بتعرف اليانكي ؟؟؟
أوووووووووووخخخخخخخخخخخخخخخخخخخخخخ..
بكري ده عمل ليك يانكي عديييل كده ..
الظاهر عليك يا قريبك إنت من ناس كملت كوتة التمباك وصقعتوا الجرّة ..
واوووووووووعا من الرااااااااجع
ياخ حمد لله على السلامة ..
| |
|
|
|
|
|
|
|
|
|
Re: وداعا ود المايقوما .. وجيتكم باسمي الحقيقي (Re: keiga2000)
|
الحبوب أرصد
ألف مرحب بعودتك ..
تراجى .. صدقينى ودالمايقوما أوراكم نجوم القايلة .. كان ناقداً ساخراً
وإن كنت لا تعرفى أسئلى عمر الفاروق وول ابا عبدالرازق ..
.. عن الاكليشيهات الرياضية الساخره حول الأحداث التى كان يقدمها أرصد ..
أفتقدناك كثيراً يا أرصد ..
بريمة
| |
|
|
|
|
|
|
| |
ارصد محمد جلال
hanouf56
اساسي
فيصل نوبي
عمار محمد حامد
A.Razek Althalib
محمد عبد الماجد الصايم
حمد فتح الرحمن
على محمد على بشير
عمران حسن صالح
mohmed khalail
BADRELDIN MAHMOUD
طارق جبريل
Medhat Osman
khalid abuahmed
ممدوح عثمان
nabielo
القلب النابض
محمد البشرى الخضر
عمار عبدالله عبدالرحمن
عبدالفتاح أبوشيمة
فيصل محمد خليل
Tragie Mustafa
Elawad Eltayeb
haroon diyab
Sayed Bekab
نبيلة عبد المطلب
motaz
showgi idriss
Yasier Elsayed
دينا خالد
Mohamed Elbashir
Abomihyar
Ahmed Yousif Abu Harira
Omar Bob
حيدر حسن ميرغني
عمر الفاروق
keiga2000
Biraima M Adam
Adam Mousa
فيس بوك
تويتر
انستقرام
يوتيوب
بنتيريست