|
Re: Two Flowers On The Stage (Re: فيصل نوبي)
|
كان نفسي استمتع بهذه الرحلات الجوية.. صدف وجود كمية من الطيارين في منطقة دبي في الويك اند المنصرم.. نامل ان يكون الاستمتاع بكرم المضيفة كان في اكمل وجه..
مع اني واثق انكم فشلتونا..
مدرستنا في الطيران يانوبي هي الافضل على مستوى العالم.. المندوب السامي ليس إلا مجرد سامبل لنوعية الطيارين الذين تخرجو من مدرسة القولد للطيران الشراعي الخاص..
وكان شعارنا دوماً: طِــر ثقيلاً وُدر حول عالمك الخفيف..
| |
|
|
|
|
|
|
Re: Two Flowers On The Stage (Re: DKEEN)
|
يا ديكو نشهد لكم بأن الطيار يستحقها مليون في المية لكن طياركم فشّلنا مع معلمين الشاورما كانت لحظات ممتعة ..بدأت بفشل زريع نسبة لمرورنا بمقبرة عن طريق الخطاء مما ادي لتحويل مسارنا و إضاعة ساعة و نصف من الوقت الضيق الذي منحنا إياه سعادته .. لم تسر الرياح علي حسب أهواء الطيار و لكن بعد إتضاح الرؤيا تمت معالجة الامور رغماً عن كل المخططات لإفشالها .. حسدناكـ ساعة رسالتكـ المعلنة عن قيام طائرتكـ ليلة نهاية الاسبوع في تمام الواحدة .. و دعونا لسيادتكم بالرحمة .. و لسيادتنا بان نلحق الركب .. رغما عن إنقطاعنا في الفترة الماضية عن التحليق الا أننا شاركنا ليلة أمس..
_ يا ديكو طيارتنا وصلت سليمة و دي براها سلامة بعد طيران ممتد لأربع ساعات متواصلة ..
| |
|
|
|
|
|
|
Re: Two Flowers On The Stage (Re: فيصل نوبي)
|
Quote: لا لا قصدي سيفين بدون نخلة |
أو كما قال الهندي: هذا سعودية سيم سيم علم .. إنت في يروح سييييدا إنت في (تمر) ..وقصد البلح إنت في يروح كده ..كده ..يمين شمال..إنت في سيف على طوووول .. قطع رقبة عدييييل
نوبي : شيل صندوق و اووووووووووووعا من الفاضي..
| |
|
|
|
|
|
|
Re: Two Flowers On The Stage (Re: فيصل نوبي)
|
يانوبي الفاروق ده زول ساي..بحب الكورة والغنى والغنايات ..
،،،،،،،،،،،،،،،،،،،،،،،،،،،،،،،،،،،،، بعدين يامان روق المنقة ما تعمل لينا شوشرة.. حنضطر نسحب رخصتك الجوية لو كلامك في المسالة زاد عن المعقول والمتاح مناسرار الطلعات الجوية .. اصلا هي ذاتا يادوب رخصة بتاعة نقل جوي..
| |
|
|
|
|
|
|
Re: Two Flowers On The Stage (Re: فيصل نوبي)
|
.. . يا فتح
دا عباس بن فرناس ؟؟
____________
فى ليلة ليلاء رأى عباس حلما مزعجا.. رأى كأن ملكا نزل من السماء وظل يصفعه على قفاه، وهو يقول له: ما طار طائر وارتفع إلا كما طار وقع. استيقظ عباس صارخا وقد تورم قفاه. هرع اليه الحراس والأطباء. عجز الأطباء عن تشخيص الورم الذى أصاب قفا عباس، وعجز الحراس عن القبض على الملاك الذى هاجم ـ فى المنام ـ عباس -
| |
|
|
|
|
|
|
Re: Two Flowers On The Stage (Re: حمد فتح الرحمن)
|
Quote: عجز الأطباء عن تشخيص الورم الذى أصاب قفا عباس، |
دي علي وزن عضاكـ قبل كده البتاع ده !! قال ليو لا طيب طوالي تمشي تاخد حقنكـ و تعمل نائم
_ ما إتكسر يا حمد .. لأنه ملاكـ .. بيكون طلع الـ Stage
| |
|
|
|
|
|
|
Re: Two Flowers On The Stage (Re: فيصل نوبي)
|
دكين :
Quote: الفاروق ده زول ساي..بحب الكورة والغنى والغنايات .. |
أحسنت .. صفّقوا ليييييييو ..أو كما يقول أستاذ عبد المنعم بتاع العربي.. بس يا قريبك نسيت تضيف ليهم ركوب الخيل و الإطّلاع وجمع الطوابع .. دكين ياخ انا ود امدرمان فلا تغرنك شفتنة الكلاكلة وقليل من خبايا الميين روود..
| |
|
|
|
|
|
|
Re: Two Flowers On The Stage (Re: فيصل نوبي)
|
Quote: الفاروق ده زول ساي..بحب الكورة والغنى والغنايات |
عمر ما تفهمني غلط.. الحاجات الانا قتها ليك دي هي الانتا بتحبها موش البتفهما.. انتا من ضمن القتهم ديل بتفهم الغنايات بث لحسن حظ الحاجات الباقية..
| |
|
|
|
|
|
|
Re: Two Flowers On The Stage (Re: فيصل نوبي)
|
السنة القبل الفاتت جانا البرسونيل منجربتاع الشغل زيارة السودان قأل لي في عصرية كده كل الزولة في الرياض اشوفهم يقولون امدرمان امدر مان ام درمان ممكن تودني امدرمان دي التاريخية اللي تفخرون بها .. قتاليهو جدا يا بو عبدالله اتحركنا من فندق القصر في بحري... لامن وصلتا نص كبري شمبات جاني تلفون من ابواللول صحبي اها انا سايق وابو اللول بيربرى فيني مريت بي بت المال وكسرتا الشهداء ولحدي ما وصلتا حي الامراء في العرضة وخشيت بي جنب الكهرباء ماشي على الموردة حتان نهى المكالمة.. اها ابوعبد الله فجاة قال لي : ها عبدالعزيز ما وصنا امدرمان بعد؟؟ الراجل لافي تلت ساعة في شوارع امدرمان ويقول لي وينها امدرمان.. ماعرفتا اقول ليه وشنو؟؟خجلتا اقول ليهو انتا ليك تلت ساعة حايم فيهاززتاريهو الراجل متوقع يشوف شي غير الشافو في حلة حمدوخوجلي وباقي الحلال الفي بحري.. في النهاية قتا ليهو: مرة تانية يا بوعبدالله بجيبك امدرمان التاريخية ..هسي خلينا نشربك قهوة حبش..
امدرمان دي ياعمر ليست إلا حِــلال.. وحالة نفسية جوه الناس السكنو امدرمان.. حالة نفسية لايجوز ان تسوقها على الكل اوالقشرة بها لغير اولادها.. يعني ما تجي تقول لي اولاد الكلاكلة انا ود امدرمان... فهي عندهم لاتعني سوى استادالهلال وزريبة العيش الجنبها..
| |
|
|
|
|
|
|
Re: Two Flowers On The Stage (Re: DKEEN)
|
دكين :
Quote: يعني ما تجي تقول لي اولاد الكلاكلة انا ود امدرمان... فهي عندهم لاتعني سوى استادالهلال وزريبة العيش الجنبها.. |
وما قصدت أكثر من ذلك ..
Quote: السنة القبل الفاتت جانا البرسونيل منجربتاع الشغل زيارة السودان قأل لي في عصرية كده كل الزولة في الرياض اشوفهم يقولون امدرمان امدر مان ام درمان ممكن تودني امدرمان دي التاريخية اللي تفخرون بها .. قتاليهو جدا يا بو عبدالله |
بيعجبني فيك دوماً خيالك الخصب ورسمك لي مشاهد تقطعها من شبطك تجملها بذكر أسماء ما أنزل الله بها من سلطان والمحصلة قصة واقعية .. أبو عبد الله ده إن شاء الله بس ما قال ليك بي المرة خلينا نشوف بحري القادننا بيها وبناتا سمحات وشمبات وما ادراك ما الغنا السمح وخجلت تقول ليهو يا ابو عبد الله إنت ساكن في بحري عديييل كده !!
Quote: يقولون امدرمان امدر مان ام درمان ممكن تودني امدرمان دي التاريخية اللي تفخرون بها .. |
وهو شن التاريخ يا دكين ؟؟ ما ياهو البنا المكركب وبيوت الطين والزقاقات الراجل متوقعك توريهو شنو أكتر من كده؟ وبعدين طالما براهو قال ليك التاريخية فالراجل ما قصّر معاك وأداك براح كده توديهو الأماكن التاريخية بدون ما تتقيد بي جماليات ولا حياة مدنية ولا غيرو .. يعني تاريخية يبقا ممكن عااادي توديهو المسرح القومي ..وانت طالع لابأس تغشّيهو الإذاعة والتلفزيون ..مرقتو منها بيت الخليفة قريب أدوهو غشوة .. دار الرياضة من هناك ما بعيدة بي الكرعين وريها ليهو ..ومن هناك بي الركشة أمشو خور ابو عنجة ومنها أطلعوا على أستاد الهلال والمريخ ضمنياً حا تكون جيت بي الزرايب ما محتاجة غشوة ..عايز تمشي بيهو بيت الأزهري ما بيناتنا عايز توديهو بيت عبد الله خليل في نفس الشارع عايز توديهو بيت نميري شاقق شوية عايز تمشي بيت السيد الصادق من هناك برضو قريب.. ناس الطابية وبوابة عبد القيوم ده طين ساي ما تقول ليهو عنو ..أرخيهو أعمل فيها ما شايف حاجة .. والله يرضى عليك ما تجيب ليهو حكاية غنو هنا كان في شعراء زيهم زي ناس شكسبير وكان في فنانين وكانت القهاوي زيها زي قهاوي ناس المصر اللحدي أسة بيقولوا ليك ده كان بيقعد فيها نجيب محفوظ وما ادراك ما السباعي وهلم جرّ .. معليش والله ما لحقنا عملنا إهرامات في امدرمان ولاااا عمك بيكاسو جانا بهناك رسم ليهو لوحتين تلاتة ولم يترك لنا الفراعنة مخطوطات غرامية وبعض من تحانيط .. الله يخلي لينا الكاشف كان بيلحن بعض الالحان في سوق الموردة ممكن تعتبرها تاريخ نفتخر بيهو ونستأذن فيهو ناس الخرطوم .. ياخ امدرمان دي فيها ابراهيم عوض !!! سوق ابو عبد الله ده وديهو حي العرب بس وفكّو هناك خليهو يروح في الزقاقات دي وريحة سوق اللحمة تجيبو راجع ما مشكلة بس خليهو يقيف يسمع قصص وحكاوي عن عبيد عبد الرحمن وسيد عبد العزيز .. ياخ وديهو دار فلاح الإتفرتقت دي وبتكون ما قصرت معاهو ..
Quote: امدرمان دي ياعمر ليست إلا حِــلال.. وحالة نفسية جوه الناس السكنو امدرمان.. حالة نفسية لايجوز ان تسوقها على الكل اوالقشرة بها لغير اولادها.. |
إجابة صحيحة شيل ليك كيس موز ..
| |
|
|
|
|
|
|
Re: Two Flowers On The Stage (Re: عمر الفاروق)
|
Quote: ما ياهو البنا المكركب وبيوت الطين والزقاقات الراجل متوقعك توريهو شنو أكتر من كده؟ |
منو القال ليك الراجل متوقع كده؟؟ الراجل متوقع بيوت زي بيوت خان الخليلي وزقاق المدق وسيدنا الحسين والهتاويل وزقاقات المسلسلات المصرية ديك.. الراجل متوقع بيوت ووشوارع وتفاصيل على قدر الاحاديث القدتو عن امدرمان.. الراجل ما متوقع اوديهو لي بيوت طين مهدرمة وفيها قزاز الحرامية داك وبول في الحيط وكتاحة رقشة وموية بلاعات ود نوباوي.. اصلا لو الشغلة بيوت طين وزقاقات ما اوديهو حي (معكال) الجنب الدييرة ده واقول ليهو امدرمانسخةعن دي..مع انو حي معكال ده حيتظلم ..فهواجمل في تصاوير البناء المعماري ومافي بيت فيهو ماطابقين ومن الطين الني وعلى ابواب الدور والنوافذ تشكيلات بديعة من اعمال يدوية متقنة.. امدرمان دي باب خشب مزين ساي مافيها خليك من حيطة طين مبنية بشكل مؤسس وجمالي.. بيوت الطين الفيها ُبنيت على عجل وشغل بتاع خلص خلينا نلقى لينا ضل.. امدرمان دي يا عمر ياخوي بنوها رواعية وبدو بتوعين خلا ما عرفو الطوب الاخدر والبناي بيهو إلا بعد وصلو البحر.. امرق لي فيها بيت واحد فيهو حيطة جالوص عليها تعب المصنعية.. ياخي بيتنا الفي دنقلا ده وحاتك الشغل الابداعي اليدوي الفيهو يخلي بيت الخليفة القتو ده مجرد غرف جالوص وهو في حقيقته اصلا لايتجاوز كونه كذلك..
Quote: وبعدين طالما براهو قال ليك التاريخية فالراجل ما قصّر معاك وأداك براح كده توديهو الأماكن التاريخية بدون ما تتقيد بي جماليات ولا حياة مدنية ولا غيرو .. |
تاريخ شنو ياخوي في بيوت طين وسوق رواكيب كلو طوب وباقي كمرات اسمنت ما تموها المقاولين.. اصلا لو ده التاريخ فاي حتة في الكرة الارضية تمت ميتين سنة تصلح لكي تكون مأرخاً.. جماليات التاريخ ليست في كون الاشكال جميلة يا سيد عمر فالحجارة الصماء تعتبر تاريخية لم يفهمها.. الجماليات في البرزنتيشن ..كيف تعرض الحاجات العندك بصورة جميلة.. كيف تحترم تاريخك عشان غيرك يعرف قيمتو عندك..لو ما بالشكل بي احترامك ليهو على الاقل.. امشي اودي الراجل زقاقات كلها بولندا وجلبغة بلاعات وسموم وسوافي واقول ليهو امدرمان التاريخ قدامك؟!! اهو قدامك الطابية شوف كم تيس عاشر غنم الموردة فيهو... موش بنقول عليهم متخلفين امشي الدرعية دي شوف باقي قلاع وادي حنيقة القديمة مسورة كيف ومُحافظ عليها كيف.. وليه لحدي الدرعية تعال هنا في سوق الثميري جنب المصمك..شوف سوق التراث حقهم.. احترام واسعار ..وحتة تقدر تسوق ليك سائح فيها وتقول ليهو اهو ده شغلنا.. هسي لو مشيت سوق الرواكيب في امدرمان تلقاهو كلو رسيفرات وباقي خرصانة بتاع الكارو ياخي حتى الكارو ده يفتقر الى النواحي الجمالية زي كاروهات المصريين.. اللحام يجرح الحمار والحمار يهر في الشارع والشارع كلو موية والموية مالية الدنيا والدنيا مواسيرها تقول ليك خخخخخخخخخخخخخخخخخخ.. امدرمان دي ياخوي اكستنشن لي قهاوي الكبابيش والهواوير في طريق الاربعين..
قال زقاقات قال..
موزك ياخوي خلي معاك ..ينفعك انى شئتا..
| |
|
|
|
|
|
|
Re: Two Flowers On The Stage (Re: فيصل نوبي)
|
- آلو - آلو .. ازيك يا شين - ها ها ها وين يا الأمام - أمام شنو؟ - المقدمات ياخ - آآآآآ ها ها ها ... طيب اعمل حسابك من الجمبك دا - لا ما مشكلة الإتنين آخر آخر تعادل , كعب الامام - تعادل كيف يعني؟ (نسال الله السلامة)
كااااااااااااااكـ زي الفتاو وكدا
| |
|
|
|
|
|
|
Re: Two Flowers On The Stage (Re: حمد فتح الرحمن)
|
Quote: محاولة بائسة لقلب ميزان القوى |
كاااااااااااااااكـ
اها احنا حبوبتنا قالت: يا صاحـب البـطحة الحكاية طاقـية لو ما عليـك لافقـة خليهـا مخفـية ابوي انا لا تضيق خل روحك رياضية فرطت و غيرك شات و دي قصة عادية
اها وقع ليك السبت حموووووووووودي
| |
|
|
|
|
|
|
|