|
Re: بعض أغاني المبدع جلال يوسف ـ للموسيقيين و المهتمين دعوة للاستماع. (Re: ناصر الحاج)
|
الاخ ناصر الحاج تحية وسلام كبير ليك وللصديق حلال يوسف ابن الدروشاب فى ذلك الزمن البهى يا موصلى ما عارف اذا انت لاقيت جلال فى منتدى الحلفاية ام لا لكن بالجد وامكن جلال نفسه عارف الحقيقة دى انا منذ ذاك الزمان ما لقيت صوت آثر وشجى مثلما يفعل بى صوت جلال وعندى غنية محددة كنت بطلبها منه كلما اشوفه جلال يذكرنى دائما بصوت المتفرد الراحل المقيم خليل اسماعيل (فنان الفنانين) كما يتميز ايضا بالحان جميلة للغاية يا ناصر يا اخى ما تلمنى بالزول الفنان دا انا لى 14 سنة ما لاقيتو ولا صوته يدندن فى اذنى وبلغه بشوقى له انا لا اثنى فقط بل ابصم بالعشرة انه اثراء حقيقى للبورد شكرا ليك ضياء ميرغنى
| |
|
|
|
|
|
|
Re: بعض أغاني المبدع جلال يوسف ـ للموسيقيين و المهتمين دعوة للاستماع. (Re: altahir_2)
|
ازيك يا ضياء ميرغني ، ما شفناك في (خنت) تاني بعد زيارتكم الاخيرة .. رغم انو ياسر جانا تاني ، اتمني ان تكون بخير. فعلا جلال مثل الكثير من المبدعين المغمورين .. او زيك كده انت زاتك . جلال ارسل لي مجموعة من اغانية و التي نفذها ايضا بنفسه، سأقوم بأنزالها في البوست ده و اتمني انو يكون عندو عضوية في القريب عشان يقدر يتحاور مع الناس بشكل مباشر. ح ارسل ليك ايميلو و رقم موبايلو علي الماسنجر خالص تحياتي و شكرا لمرورك و تحياتي لياسر
| |
|
|
|
|
|
|
Re: بعض أغاني المبدع جلال يوسف ـ للموسيقيين و المهتمين دعوة للاستماع. (Re: ناصر الحاج)
|
يا سلام على جلال متذكر أول مرة أسمعوا غني البديع بالعود جهجه الغنية جهجهة شديدة، كان أول أيام جيتو لي البيت القدام دكان جمال كونو جلال ما انسمع بالشكل البيستحقو دي خسارة كبيرة للناس البتسمع غنى راقي وفعلاً امتدادا حقيقى للفنانين السودانيين الكبار... فنان شامل بيألف ويلحن ويغني
تحياتنا لي جلال وهو مكسب للبورد اثني طلب اكاونت لجلال
| |
|
|
|
|
|
|
جلال (Re: ناصر الحاج)
|
نطالب ثانيةً بعضوية لجلال من الاخ بكرى. يا بكرى ياخى دايرين عضوية تريحنا من الصداع
| |
|
|
|
|
|
|
Re: جلال (Re: هشام كمال)
|
سلام يا هشام جلال بقي زي المقدم للاراضي .. تم سنة عديل كده.
وأثني تاني برضو تحياتي
| |
|
|
|
|
|
|
|