|
ود المايقومــا ضحية الاستبداد وغرف اشباح الليبراليين
|
راح صديقنا المرح ود المايقوما كأول ضحية لغرف اشباح النظام الليبرالي.. اللوبي الليبرالي القوي داخل مؤسسة البورداباب ضيعت الشاب المرح.. كان شاباً حيوياً ..مرحاً ولماحاً.. قال احد المعزين في فراش ود المايقوما: كان مرحاً طيب السريرة وقد اخذوه بسوء الفهم ..ظنوه يقول فيهم شرا مسطيراً.. بينما هو في مرحه المعتاد.. قال شيخ المعزين: يحسبون كل صيحة عليهم.. وتوافد المعزين ..عرباً ونوبة وبجاوية وشكلك وفور وزغاوة وناس ساي.. قالت نوبية:ويبيووووووووو إن جاننن بكري ...ولا جسي فهميمم ..كتى من شافري سكي كُج.. قال مثقف الفراش طابقاً الجريدة: لكل ليبرالي كبوة وقد كبا الليبراليون في ود المايقوما فغطسو حجره.. كبا قبلهم الشيوعيون فغطسو احجار ضباط قصر الضيافة وكبا المايويون فغطسو حجر الاستاذ بالاشتراك مع بغال الجبهة.. وكبا الاسلاميون فغطسو حجر السودان.. وكبت تايوتات حركة العدل فودرت الاطفال والصبية واهل امدرمان.. وهاقد بدات كبوات الليبراليين فبدوها بهذا الشاب المرح.. وكلكم كابٍ وكلكم مسؤول عن كبوته..
قال المستغربون في الفراش: بس ود المايقوماذنبو شنو؟؟ قال حكيم الفراش: ذنبو انو بكري بسمع من طرف.. قال زول ساي:قصدك بكري إضينة؟؟ قال الحكيم: يازول هوي ..ماتقولني كلام ماقتو.. وجاء النوبيون قائلون: إنانوبيون وانا لله راجعون..
|
|
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: DKEEN)
|
Quote: يتابع الحزب الليبرالي منذ فترة وبمزيد من القلق والاحباط مايدور في هذا البوست |
شفتو كيف..يعني الحزب تابع في قصد وترصد .. ترك الحزب اللبرالي مايدور في الوطن عشان يتابع في قلق واحباط مايدرو في بوست ود المايقوما.. لا وما قلق عادي ..قال ليك (في مزيد من القلق).. ماعلينا من هذا الجانب.. فاولويات الحزب ليست من شأننا كناس عوام ساي .. بس لامن امين إعلامي على حزب -أياً كانت جغرافية هذه الامانة التي انيط بها -يقول لينا نحنا كنوبيين:
Quote: بالسنة السوء والازدراء |
وماعارف
Quote: مواجهة اللسان الفصيح ولازلتم تشعرون امامه بالضعة والانكسار |
فان ذلك القول يُعد قولا جارحا في حقنا كنوبيين ونفسنا عاجبانا وقول ينم عن عنصرية واضحة.. فلو ده راي اعلامي متقوم في هذا الحزب معناتا انو هذا الاعلامي يرى ان النوبيين في الموقع الجغرافي الذي انيط بامانته ليسو اكثر من نوبيون كسيرين فيهم وضاعة.. وهوامرُ ُ لا ارضاه لا للاهل ولا لي .. ويستوجب عدة توضيحات ليس اقلها الاعتذار لعموم النوبيين في هذه الدنيا.. . قال امين الثقافة والاعلام بالحزب الليبرالي مشكورا:Quote: / الاخ صابر عبد الهادي هو امين الاعلام لفرع الحزب الليبرالي السوداني بالولايات المتحدة الامريكية.و المذكرة المشار اليها لم ترفع باسم كل الحزب الليبرالي السوداني وانما باسم الحزب الليبرالي بالولايات المتحدة (بامريكا كما جاء في عنوان البوست). والاخ صابر مخول بموقعه هذا لاصدار بيانات باسم الفرع في امريكا؛ |
قالت نوبية فصيحة اللسان (الحزب اللبرالي ليس مركزيا بل يعمل بطريقة فدرالية تخول مكاتبه الحق الكامل في التعاطي مع مجريات الأمور بشكل يتماشى مع روح الحزب و مبادئه الأساسية) واحد من اتنين يا اما هذه النوبية فصيحة اللسان والوجه لاتفقه ما تقول..وبالتالي كلامها بندق في بحر الليبرال.. او تفهم ما تقول وبالتالي كلامها بندقية في نحر هذا الحزب.. يا إما كمان هذا الحزب لايفقه الامناء عليه ما يقولون..وبالتالي يجب على قائل العبارات غير اللائقة في حق النوبيون ان يعتذر على ملا النوبة هنا عن إسفافه تجاه هذا شعب النوبة كما اوردنا.. او إنه يفقه مايقول وبالتالي نفقه نحنا انو مبادي الحزب الليبرالي بندق في بحر ساي وبالتالي هو امين على حزب من ورق عنصري..
وإلى ان نرى اعتذار هذا الامين الاعلامي : نامل منه عدم اصدار أي منشورات اعلامية تروج لراي الحزب الليبرالي في امريكا عن فكرة الحزب عن النوبيين فنحن لاُيسرنا ان يعلم الشعب الامريكي من خلال إعلام حزبه الليبرالي انو النوبيين كسيرين وبهم وضاعة ..
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: عاطف عبدون)
|
الاخ عاطف عبدون
تحياتي وشكرا للمخاطبة ..
Quote: وكلام غايه في السخف ولمن يكون صابر داير يكتب بيان عن بوست ما ممكن يشمل النوبيين
لانو لو افترضنا انو البوست كان فيهو غلط
فالناس الشاركوا في البوست ما اتكلمو بي لسان النوبيين
انما بي لسانهم هم فقط
ودا حقو يجي من صابر ما منك انت |
ما ورد في مذكرة الاخ صابر كلام غير سليم وقد اعتذرت عنه باسمي شخصيا وباسم الحزب الليبرالي ويمكنك ان تجد اعتذاري في بوست الاخ تبلدينا واعلاه
Quote: ولو عندكم وكت ارجعو للبوستات البتطرح الهم النوبي وراجعو الاسامي الانتو افترضتو انها غلطت وارجعو لي كلام مدحت في البوست الم |
انا لم افترض شيئا ولا اعرف اللغة النوبية ولم اقرا هذه البوستات وساراجع البوستات التي اشرت اليها مع كامل شكري .
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: DKEEN)
|
العزيزة عزاز اختلف مع معاليك في القتيهو فوق ده عن ما ورد في مستوجبات الاعتذار.. فالاعتذار يجب ان يكون عن الاساءة التي وجهت الينا كنوبيين ويجب ان يكون من الامين بتاع امريكا ما عشان نحنا بنحب الماكدونالد ولكن عشان جات منو وبعدين تجي حكاية الاعتذار لي ود المايقوما واساءة الظن فيهو والتسبب في طردو وبعدين يمشي يحنس لينا بكري عشان يرجع حساب ود المايقوما..
صدقيني يا عزاز لو قال الاساءة دي اي زول ساي ما كان سالتا فيهو.. بس ده راي حزب يعني بكرة بعد بكره نلقى الراي ده في الكونغرس.. وعند ناس اليونسكو ويقومو يوقفو لينا دعم حماية الاثار وترميمها ويقولو ديل ناس وضيعين على حسب راي امناء الاعلام في احزابهم ..
ده كوم
Quote: خليك حقاني يا دكين |
ووريني وين ما كنتا حقاني ده الكوم التاني.. لاني ما حامشيها ليكي ساي ..
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: DKEEN)
|
Quote: Quote: / الاخ صابر عبد الهادي هو امين الاعلام لفرع الحزب الليبرالي السوداني بالولايات المتحدة الامريكية.و المذكرة المشار اليها لم ترفع باسم كل الحزب الليبرالي السوداني وانما باسم الحزب الليبرالي بالولايات المتحدة (بامريكا كما جاء في عنوان البوست). والاخ صابر مخول بموقعه هذا لاصدار بيانات باسم الفرع في امريكا؛
قالت نوبية فصيحة اللسان (الحزب اللبرالي ليس مركزيا بل يعمل بطريقة فدرالية تخول مكاتبه الحق الكامل في التعاطي مع مجريات الأمور بشكل يتماشى مع روح الحزب و مبادئه الأساسية) |
دكين،
سلامات و التركين فاتك غايتو
تعال نفكك الموضوع وحدة .. وحدة ...
تعليقي بأن الحزب اللبرالي ليس مركزيا أمر أكده أمين الإعلام بقوله ان مكاتب الحزب تصدر بيناتها بما ترتئيه مما ينقل السؤال أو الإعتراض إلى مكتب الحزب في أمريكا. العمومية التي جاء بها البيان تحسب ضد مصدر البيان لا الحزب لأنه مرة تانية البيان صدر من المكتب وبشكل فردي ولم يؤيده إلى الآن أي أحد من أعضاء المكتب في امريكا سواء من الاعضاء في سودانيس أون لاين او عن طريق إبلاغنا به عن طريق أعضاء الحزب الموجودين هنا. ثم ثانيا، الاعتذار عن البيان لابد أن يكون على أمرين: (أ) الاتهام لود المايقوما و المتداخلين بأنهم أساءوا لنور تاور (ب) اللغة التي جاء بها البيان و ايحائاتها السلبية تجاه عقية كاملة.
كونك تحكم على حزب من تصرف فرد من أفراده ده بيكون نوع من التعسف. أحد اعضاء الحزب اللبرالي انزل البرنامج الخاص بمنطقة النوبة، و بغض النظر عن اتفاقنا من عدمه مع هذا الطرح ممكن نقرأه بشكل ايجابي و تضويح لموقف الحزب الرسمي.
الحزب اللبرالي ليه الكثير من المآثر الطيبة ما نجي نمسحها بجرة قلم علشان فرد.ومن الخطا أنو نجير تجاهل صابر عبدالهادي و امتناعه عن التفسير ضد الحزب ككل.
خليك حقاني يا دكين.
كل الود،
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: DKEEN)
|
Quote: نور تاور انسانة واعية وصاحبة قضية..
|
قضية جنائية ولا اراضي ..!! شوف يا يا مان .. انت بوستاتك دي بتندرج تحت باب ( المعنى في بطن الشاعر ) .. يعني أكيد أكيد ما قاصد الكاتبو .. وأكيد أكيد في حاجة تانية .. دا اولا .. وكنت بعتبرك ذكي لكي تلتقط القفاز ( أها الحتة دي انا ما فاهما زاتو ) .. المهم .. الحزب دا عبارة شكلة .. زوبعة .. يعني ما سمعنا يوم عن افكار الحزب ولا بعمل في شنو .. العبارة من الاول ( دور بونية يا معلم بجي البوليص اكيد حيسأل المتشاكلين منو ) ..!! طلبت من اخونا عادل قبل كدا الانضمام لهذا الحزب ولكن كما يبدو انهم ما ناقصين عواليق .. فعشان كدا عمل اضان الحامل ما في عديل .. هسع انا نازل ضد الحزب الذي لم يمنحني عضويته .. يعني ممكن تقول عليها حقد طبقي .. وما ينطبق علي الحزب ينطبق علي ( النوبة ) .. والله يا ديكو يا اخوي ما طالبني حليفة لكن والله انا ( المحس ) سمعت بيهم في البلد .. و وتأنيب ضمير ساي كوني ما عرفتهم من زمان ( لجهلي ) قمت خشيت فيهم شديد .. بس دا الحصل .. اها يا عمك ما شايف انه شابكننا ( نوبة نوبة ) .. هو في شنو يا جماعة .. ما كنا عايشين في البلد دي كويس والصلاة علي النبي .. كلو بقى مضطهد ويجعر ليل نهار ..
.. ..
وشكرا ..
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: عزاز شامي)
|
الأخت عزاز تحية طيبة ... بعد هذه الإفادةQuote: والاخ صابر مخول بموقعه هذا لاصدار بيانات باسم الفرع في امريكا؛ وفقط لفرع امريكا حق اعلان ان كان البيان يمثلهم ام لا |
لا اعتقد ان الطبيعي هو ان ياتي اعضاء الحزب بامريكا ليأكدوا موافقتهم على المذكرة فموقع صابر عبد الهادي يعني ان كل ما يصدر منه باسم الحزب يمثل الحزب و راي اعضاؤه الشي الطبيعي ان نقرا لهم نفي او رفض لما جاء في المذكرة قد تكون هناك اسباب تنظيمية تمنع التعليقات الفردية على بيان او مذكرة رسمية لغير المخولين لذا رسميا يبقى ما ورد في المذكرة هو الراي الرسمي للحزب الليبرالي و اعضاؤه في امريكا حتى يعالج الموضوع بصورة واضحة
تحياتي دكين اضم صوتي معك و مع المنادين بعودة حساب ود المايقوما
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: DKEEN)
|
الاخ العزيز عادل عبدالعاطي
اقدر جدا سعيك الجاد والدؤوب للارتقاء بمستوى خطاب الحزب الليبرالي.. واقدر ايضا اعتذارك..وهومقبول في كونه راي الامين الثقافي للحزب ..
بس لايلزمنا ان تعتذر فانت لم تسي الينا.. وانما اساء الينا الامين الاعلامي للحزب بامريكا .. وهو على ما اعتقد زول مكلف وبالغ ومختار وليست به شبهة جنون.. يعني يقدر يجي هنا او اي مكان اخر في هذا البورد ويعتذر بي شجاعة او ما يجي ويلتزم بما قال برضو بي نفس الشجاعة..
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: DKEEN)
|
Quote: والاخ صابر مخول بموقعه هذا لاصدار بيانات باسم الفرع في امريكا؛ وفقط لفرع امريكا حق اعلان ان كان البيان يمثلهم ام لا |
معقولة بس يا عادل؟ يعني كل ما يصدر زول مفوض بإصدار البيانات اي بيان يخص موضوع ما حنمشي نستفتي المفوصين فيماقاله المفوض باسمهم ؟؟ انتا بي صحك؟؟ اصلا لوالبيانات التي تصدرمن الامناء الاعلامين لاتمثل راي منسوبيهم ُمستأمن في شنو اخونا ده؟؟ ياعادل زول عندو صلاحية امين اعلامي حيطلع شنو يعني ..بيرقر بي اسم الحزب؟؟
دي وكالة بالاغلاق يا عادل كل مايصدر منه يمثل راي جماعة الحزب في امريكا مالم يصدر فرع الحزب بيان ينسف ما قاله الامين الاعلامي بتاعم.. وفي الحالة دي يا يجي يعتذر هو ذاتو ويقدم خطاب بديل او يجينا زول تاني يعتذر نيابة عن فرع الحزب هناك.. ووبالطبع لازم يكون عندو صفة تخوله مثل هذا الاعلان ومعارف بي صراحة تاني ممكنيجينا منو عشان يعتذر لانو راي الشخص المخول له بمثل هذه الاراء (الامين الاعلامي) لم يتغير حتى هذه اللحظة.. اومايجي زول ذاتة ونقرض على راي الحزب انتا ياعادل مع احترامي التام ليك..لا تمثل راي الاخوان في امريكا..ولاترضي بالتغول في اختصاصات المؤسسة الحزبية.. فهم عندهم زول مكلف وبالغ وراشد ومختار..
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: Abdel Aati)
|
يكفي للتوضيح ان ما جاء ليس موقف كل الليبراليين ناهيك ان تكون لهم بيوت اشباح الاخ عادل فعلا كفى وفاض بس انا ما داير موقف كل الليبرالين انا داير موقف امينكم الاعلامي بي امريكا .. ياعادل خليك حقاني نحنا ما كايسين غير اعتذار من الزول الاساء لينا.. لو دي انتا شايفها كتيرة علينا من الامين بتاع الحزب في امريكا ورينا انها كتيرة...
Quote: بدرالدين ... ابوننقا تود تلمي |
اشرحا ليك ليه.. اويشرحوها ليك ليه نحنا ما ملزمين نقعد نشرح كلامنا.. بالذات لامن يجي الطلب بي صورة فيها حدرة وترصد .. انتا لو شايف فيها اي اساءة اثبت انها اساءة وبعدين تعال نحنا بنعتذر ليك عنها.. ولو مافيها اي ساءة انتا حتعتذر عن سوء ظنك.. دبل اعتذار الدور ده..لانو القصة دي اتحسمت وما مضطرين كل مرة نقعد نشرح لغاتنا لي عربان السودان..
ياخي اتعلم نوبية يا عادل صدقني حتتعب كتير لي قدام
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: DKEEN)
|
دكين سلامات تاني
رديت ليك ادناه لكن برضو ارد على كلامك الاخير دا
Quote: ياخي البوست حقي وانا قتا ليك انتا ما مضطر تشرح لغتك لي زول بترصد وبفتش لي مداخل عشان يثبت انك اسئتا ..تقوم تجي تشرح ليهو؟؟ |
أثبت اني اترصد اولا واني ابحث عن مداخل لاثبات انك اسئتا .. بعدين هل انا طلبت شرح كل اللغة النوبية ام سألت عن جمل محددة جائت في علاقة بالموضوع محل الحوار ؟؟ بعدين يا اخي اذا انت ما عايز تترجم انت حر لماذا تمنع الاخرين من الترجمة اذا ارادوا ؟؟ وانا طلبت طلبي بكل تهذيب ..
Quote: مالك مالو ياخي انتا؟؟ |
هذه يرد عليها عاطف عبدون .. من وجهة نظري اعتقد ان البوست مفتوح وولمتاس حق الحوار مع بعضها .. اما اذا كان فتح البوست يعني ان يتكلم الناس فقط فيما يسمح لهم فيه مبتدره فهذا شي اخر .
Quote: هو لو شايف انها اساءة يجي يثبت لينا انها اساءة . |
انا ما شايف حاجة ولذلك طلبت الترجمة .
Quote: اهو شرحتا ليهو بالعربي ولسع قال ليك عايز شرح تاني |
طيب ما فهمتا ياخي .. المشكلة شنو ؟؟ وليه تفرض نفسك وصي على عاطف عبدون اذا اراد ان يشرح لي تاني وتالت ؟؟
Quote: ياعادل شرح اكتر من كده تاني ماف ديذاتا ما كانت مفروض تجيك.. نحنا ياخي ما مضطرين نشرح.. ما غلطانين في حق زول عشان تجي تستطـنقـنا انتا.. |
دكين هل انا طلبت منك بالاسم شرح ؟؟ تكلم عن نفسك يا اخي وانا لم استنطق احدا وانما سألت عن جملة محددة لشخص محدد ارجو التكرم بالترجمة او الرفض ولكن لا تتحكم في رغبتي في المعرفة ورغبةى من يريد ان يلبيها .
Quote: هل نفهم من تساؤلاتك دي انها اتهامات ولا كيف |
لا ليست اتهامات وانما تساؤلات .
Quote: ياخينا ما تقعد تتساءل لينا هنا.. |
من حقي التساؤل وسأسأل في اي مكان ارغب فيه يا دكين .
Quote: انتا مالك يضحك حتى الدردقة او يضحك حتى جبل العوينات؟؟ |
كان يمكن ان اسأألك وانت مالك ومالي اسأل ولا أألف كتاب في التساؤلات سوى ان هذا ليس بمنطق.
Quote: شنو شابكنا لماذا يضحك حتى الدرقة ..انتا وصي على الدردقة دي بقيت ونحنا ما عارفين ولا شنو؟؟ ولا ياربي الدردقة دي بقت حاكورة ليبرالية؟ |
لا أجد ردا على هذه الاسئلة .
Quote: نحنا يا عادل يا خوي ما مضطرين نجاوب على اي حرف بتقولو هنا .. |
من انتم اولا ؟؟ ومن قال ان هناك انسانا مضطرا لفعل شيئ ؟؟ يا دكين كل انسان حر في كي بوردو فهل انت وصي على جميع اعضاء المنبر او كل النوبيين حتى تحدد ان كان يحق لي طرح الاسئلة او كان لأحد امكانية الرد علي اذا رغب ؟؟
Quote: عندك بينة اتهام ضد اخونا ود المايقوما قولا لينا عديل |
ما عندي اتهام عندي اسئلة ممكن ؟؟
Quote: ما عندك ما تجيب لي اسئلة وعلامات ابسطروفيل نحنا في غنى عنها. |
هل تحدد لي ماذا اكتب يا دكين ؟؟ ومن يحمل عقلية بيةت الاشباح هنا ؟؟
Quote: نحنا هنا ما عشان نتساءل |
انت ما هنا عشان تتسائل انت حر .. هل طلبت منك ان تتسائل ؟؟ انا هنا اريد ان اتسائل ..
Quote: نحنا هنا عشان الامين الامريكي بتاعكم يعتذ عايزو يعتذر ناديهو ما عايزو بلاي لو سمحتا ما تجي تتساءل. |
وهل هذا البوست يا دكين فيه طلب اعتذار ؟؟ ام هو بوست ملئي بالاساءة لليبراليين والحزب الليبرالي ؟؟ وانا اعتذرت شخصيا والاعتذار قناعة ناتجة من الشحص ولا يمكن مناداته لها؛ لذا كلامك عن عايزو او ما عاييزو يعتذر ليس له محل ؛ وانا يا اخي ساتسائل يمكنك الرد او عدم الرد لكن لا يمكنك منعي من التساؤل.
Quote: نحنا وكت جيناك ما جيناك بي تساؤل جيناك بي اساءة واضحة وصريحة |
الاساءة الواضحة الصريحة اعتذرنا عنها يا دكين قبل فتحك لبوستك ولكنك تجاوزت عنها لتمارس الاساءة لحزب الليبرالي واعضائه .
انا ايضا ما قلت ليك اعتذر عن اسائتك للحزب الليبرالي والليبراليين.
Quote: قنا ليهو هو يجي يعتذر |
أين قلت هذا ؟ في عنوان البوست ام في صدره ام عجزه ؟؟
Quote: اعتقد انو كلامي الفوق ده عربي واضح وان كانت تعوزه الفصاحة.. يعني ما محتاج زول يجي يشرحو ليك..او نكررو ليك .. |
نعم هو واضح وان كان غير مقنعا لي
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: DKEEN)
|
يا دكين سلامات
Quote: فعلا كفى وفاض بس انا ما داير موقف كل الليبرالين انا داير موقف امينكم الاعلامي بي امريكا |
هل هذا يعني انك سحبت كلامك عن بيوت اشباحنا ولهجتك العمومية في الحديث عن الليبراليين والحزب الليبرالي التي ابتدرت بها البوست ؟؟
Quote: ياعادل خليك حقاني نحنا ما كايسين غير اعتذار من الزول الاساء لينا. |
طيب ليه ما عنونت البوست بي اسمو او باسم فرع الحزب في امريكا وقد اوضحنا امس موقفنا سواء كنت انا او الاخ عمار ونحن الاثنان اعضاء مكتب تنفيذي في الحزب الليبرالوهي اعلى هيئة قيادية تنفيذية في الحزب ؛ كما اوضحهم الأمر في قرائتها عزاز شامي وابو بكر سيد احمد وغيرهم تمام الايضاح انهم لا يرون ان هذا هو موقف الحزب الليبرالي وتم كل دلك امس في بوستات لا اعتقد انك لم تقرأهبدليل اقتباسك لكلام عزاز شامي في بوستك .
Quote: لو دي انتا شايفها كتيرة علينا من الامين بتاع الحزب في امريكا ورينا انها كتيرة.. |
لا ما شايفها كتيرة ولو كنت شايفا كتيرة ما كنت اعتذرت باسمي واسم الحزب وانا المسؤول عن اعلام الحزب ولو انت حصرت بوستك في الاخ صابر او فرع امريكا لكنت دقيقا وعادلا
Quote: اشرحا ليك ليه.. اويشرحوها ليك ليه نحنا ما ملزمين نقعد نشرح كلامنا. |
مش انت قلت انو الاخ ود المايقوما مظلوم ؟؟ طيب ود المايقوما نقل الكلام دا وقال انو ضحك لمن وقع واتدردق في الواطة؛ وطلبي للشرح رغبة في ان افهم الحاصل .. هل اجرمت في هذا الطلب ؟؟
Quote: بالذات لامن يجي الطلب بي صورة فيها حدرة وترصد . |
وأين هي الحدرة والترصد ؟؟
Quote: انتا لو شايف فيها اي اساءة اثبت انها اساءة وبعدين تعال نحنا بنعتذر ليك عنها.. |
انا ما شايف فيها حاجة لاني ما فاهما ولذلك طلبت ترجمتها . والكلام ليس عن هذا وانما عن نقل ود المايقوما لها والتعليق الذي نُسب له فيها؛ وايضا سألت عنه ..
Quote: ولو مافيها اي ساءة انتا حتعتذر عن سوء ظنك.. |
وأين هو سوء الظن ؟؟ هل طلب ترجمة جملة في موضوع اصبح يتخذ معبرا للاساءة للحزب الليبرالي والليبراليين هو سوء ظن ؟؟ ام محاولة للفهم ؛ ومن بينها فهم موقف الاخ صابر وفهم موقف الاخ ود المايقوما وغيرهم .
Quote: دبل اعتذار الدور ده.. |
وعماذا يتم الاعتذار الاول ؛ ثم عماذا يتم الاعتذار الثاني ؟؟ لو كان عن الكلام الجارح في مذكرة الاخ صابر فقد اعتذرت قبل ان تطلب مني ذلك ؛ اما لو كان عن طلب الترجمة فهذا سيكون شيئا غريبا حقا .
Quote: لانو القصة دي اتحسمت. |
اي قصة قد حُسمت ؟؟ واذا كانت قد حًسمت لماذا فتح هذا البوست غير العادل في حق الليبراليين والحزب الليبرالي ؟؟ وهل تم نقاش هذه الجملة وحسمها؛ وهل تم اصلا نقاش الكلام المنسوب لود المايقوما ومعرفة اسباب ضحكه الذي جعله يدردق في الواطة؛ وهل تم نقاش علاقة نور تاور بالبوست المحذوف ؟؟ كلا يا صديقي لم يحسم شيئ ونحن من جانبنا اعتذرنا عن الاساءات التي تمت من طرف منتسب لنا ولم نتابع كل تفاصيل الاشكال رغبة في تجاوز الموضوع ولكن يبدو ان رغبتنا تقابل بعدوان من طرف البعض والدليل هو هذا البوست لذي يمتلئي بالاساءات للحزب الليبرالي والليبراليين ومن بينهم عشرات النوبيين .
Quote: وما مضطرين كل مرة نقعد نشرح لغاتنا لي عربان السودان. |
اولا من طلب منك شرح لغتك ؟؟ لقد طلبت انا ترجمة جملة واحدة دات علاقة بكل هذه الزوبعة؛ نُقلت من بعد للبوست مثار الجدل والذي تم حذفه .. ثم من هم عربان السودان ؟؟ وهل تعتقد اني من عربان السودان ؟ في الحقيقة انا افخر بجذوري النوبية فالمجموعة الاثنية التي انتمي اليها بالدم هي مجموعة نوبية استعربت لغة ؛ وجدتي لابي دنقلاوية ؛ فالرجاء تخفيف العيار قليلا يا دكين .
Quote: اخي اتعلم نوبية يا عادل صدقني حتتعب كتير لي قدام
|
والله بديت اتعلم وبعرف كم جملة واتمنى ان اتقن النوبية وعدد من اللغات السودانية الاخرى ..
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: Abdel Aati)
|
Quote: هل هذا يعني انك سحبت كلامك عن بيوت اشباحنا ولهجتك العمومية في الحديث عن الليبراليين والحزب الليبرالي التي ابتدرت بها البوست ؟؟ |
ياخي ما سحيتا اي كلمة قتها هنا.. ولو انتا شايف انتو اعتذار زولكم ده رهين بي كلامي عن بيوت الاشباح كلمني عديل كده.. عشان نعرف انك زواغة وبتاع احابيل كلامية لانو كلامي انا بي انو الليبرالين عندهم غرف اشباح ما عندو علاقة بي اعتذار الزول ده لي شعب النوبة.. اوعك تحاول تقارني بي زولك الامين عليكم داك.. انا لستُ امينا على احدٍ..بيد ان محدثكم امين.. انا بتكلم نيابة عن نفسي وعن من يقبل من اهلي إنابتي..يعني مخيرين يعني انا بالذات بتمشي فيني فكرتك بتاعة (الاستفتاء) القتها كمخارجة لي زولك الامين بتاع امريكا .. لكن ما بتمشي فيهو لانو مفوض بي اسمكم انا بقى غير مفوض يعني ما تحاول تربط اتهامي ليكم بي مسبة امينكم..
Quote: مش انت قلت انو الاخ ود المايقوما مظلوم ؟؟ طيب ود المايقوما نقل الكلام دا وقال انو ضحك لمن وقع واتدردق في الواطة؛ وطلبي للشرح رغبة في ان افهم الحاصل .. هل اجرمت في هذا الطلب ؟؟ |
ياخي ما من حقك تسال .. يدرق ما يدرق انتا مسؤل عن دردقة الخلايق؟؟ ياخي دي عوجة شنو يا خوانا.. خلاص الدردقة دي بقت من ضمن ملكية للحزب الليبرالي وحاكورة تابعة ليكم؟؟ عندكم النص في الدردقة؟؟ هسي في ذمتك ده استفسار يستفسرو امين اعلامي لي حزب؟؟
وأين هي الحدرة والترصد ؟؟ الترصد انو اخونا ودعدبون شرح وانتا لسع مصر يشرح ليك تاني والله تاني انا ماعارف عاطف ده حيشرها ليك كيفن؟؟ اللهم إلا يصلو ليك .. يعني انتا كمايس ليكي لي فرقة تخش بيها عشان تتهم ..ودي واضحة وماعايزة شرح.. زول قال ليك دي معناتا كده ودي معناتا كده .. تاني يقول ليك شنو؟؟ يعملا ليك في نوتة موسيقية ولا راجيهو يقول ليكم انا قتا ليكم انعل دينكم؟؟ هوالترصد ده كيفن.. الترصد ده غيروهو ؟؟
Quote: انا ما شايف فيها حاجة لاني ما فاهما ولذلك طلبت ترجمتها |
تطلبا ليه وكت ماشايف فيها حاجة انتا هسي قاعد تطلب اي شي ما شايف فيهو حاجة؟؟ ولا بس بقت في ونستنا نحنا النوبيين ما تطلب ياخ.. ولو طلبتا اطلب بي في محل الطلب فيهو لايمكن تفسيرو على انو استجواب ..مش تختها لينا في محل كانك قاعد تستجوبنا او كاننا مطالبين بي ادانة انفسنا.. بعدين ياخي نحنا الدايرن من زولك اعتذار ..تجي كمان تطلبنا تفاسير حضرتك..
Quote: وأين هو سوء الظن ؟؟ هل طلب ترجمة جملة في موضوع اصبح يتخذ معبرا للاساءة للحزب الليبرالي والليبراليين هو سوء ظن |
سوء ظن ونص وخمسة لامن يجي في شكل انفستقيشن .. ولامن يجي في معرض الحاجة الى ادانة.. انحنا نقول ليك ود المايقوما ما عندو ذنب وترجمو ليك الكلام مرة ومرتين وتجي تقول لينا فسرو لي كلام ود المايقوماوانتا عارف سلفا انو ده الكلام الذي بسببه تمت الاساءة من امينكم الاعلامي.. كيفن ماسوء ظن.. غيروهو سوء الظن ده؟؟
Quote: وانا المسؤول عن اعلام الحزب |
انتا قتا انك امين ثقافي على ما اظن دي جديدة علي بصراحة..وحتى ولو انتا امين الحزب الاعلامي ياخي الاساءة جاتنا من فرع امريكا..خلي اليجي هو يعتذر ياعادل هسي خليني من الانا قتو لانو كوني قتو او ما قتو سحبتواوماسحبتو .. لحنتو او غنيتو ماعندو علاقة بي الاعتذار المطلوب من زولكم لذلك بقية كلامك ذاتو ما قريتو... نادي لينا زولك داك يجي يعتذر او قول لينا انو الزول ده ما ملزم بي الاعتذار.. او قول الامين الاعلامي ما حيعتذر لي شعب لانو انتا كفرد اسئتا لي مؤسسة حزبنا ..
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: Abdel Aati)
|
Quote: Quote: مالك مالو ياخي انتا؟؟
هذه يرد عليها عاطف عبدون .. من وجهة نظري اعتقد ان البوست مفتوح وولمتاس حق الحوار مع بعضها .. اما اذا كان فتح البوست يعني ان يتكلم الناس فقط فيما يسمح لهم فيه مبتدره فهذا شي اخر |
طبعا دي منتهتى الكيد والصيد في الموية التي تعتقد انها عكرة .. وكت انتا اصلا شايف انوعاطف يردعليها .. مالك جايبا هنا.. محاولة افساد الود البيني وبين عاطف عبدون وصلت ويبدو انها نجحت وعاطف زعل وشال مداخلاتو مع انو القصد من كلامي كان منتهى المحبة وكوني زعلان من تعبو واجتهادو في انو يشرح ليك لانو كان اجتهد او ما اجتهد انتا ما حتفهم لانك قاصد شي معين وساكيهو وفعلا صدقتا في كلامي :الراجل اجتهد فشرح ..وطلعتا انتا برضو ما فاهم شي .. بس كلمة البوست (حقي) دي ما فهما على سبيل الدعابة زي ما انا قاصد وفسرها بصورة منافية لما قصدت به .. وانتا جيت تميت سوء فهمو.. الاخ عاطف مودتي لك وكامل اعتذاري لو فهمتا قصدي بصورة غلط .. وانا المحقوق ليك لاني فعلا ما قدرتا اوصل ليك الفكرة بصورة واضحة .. وعموما ارجو تقبل الاعتذار .. عادل يبدو انو السياسة تمكن منك عميقا لدرجة انك بقيت تلتزم الخطوط غير الاخلاقية الفيها برضو.. ما مشكلة بنردها ليك يا حبيب..وانا بطني غريقة..
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: DKEEN)
|
Quote: طبعا دي منتهتى الكيد والصيد في الموية التي تعتقد انها عكرة .. وكت انتا اصلا شايف انوعاطف يردعليها .. مالك جايبا هنا.. محاولة افساد الود البيني وبين عاطف عبدون وصلت ويبدو انها نجحت وعاطف زعل وشال مداخلاتو مع انو القصد من كلامي كان منتهى المحبة وكوني زعلان من تعبو واجتهادو في انو يشرح ليك لانو كان اجتهد او ما اجتهد انتا ما حتفهم لانك قاصد شي معين وساكيهو وفعلا صدقتا في كلامي :الراجل اجتهد فشرح ..وطلعتا انتا برضو ما فاهم شي .. بس كلمة البوست (حقي) دي ما فهما على سبيل الدعابة زي ما انا قاصد وفسرها بصورة منافية لما قصدت به .. وانتا جيت تميت سوء فهمو.. الاخ عاطف مودتي لك وكامل اعتذاري لو فهمتا قصدي بصورة غلط .. وانا المحقوق ليك لاني فعلا ما قدرتا اوصل ليك الفكرة بصورة واضحة .. وعموما ارجو تقبل الاعتذار .. عادل يبدو انو السياسة تمكن منك عميقا لدرجة انك بقيت تلتزم الخطوط غير الاخلاقية الفيها برضو.. ما مشكلة بنردها ليك يا حبيب..وانا بطني غريقة.. |
شكرا يا دكين ..
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: DKEEN)
|
Quote: Quote: هل هذا يعني انك سحبت كلامك عن بيوت اشباحنا ولهجتك العمومية في الحديث عن الليبراليين والحزب الليبرالي التي ابتدرت بها البوست ؟؟ |
ياخي ما سحيتا اي كلمة قتها هنا.. ولو انتا شايف انتو اعتذار زولكم ده رهين بي كلامي عن بيوت الاشباح كلمني عديل كده.. عشان نعرف انك زواغة وبتاع احابيل كلامية لانو كلامي انا بي انو الليبرالين عندهم غرف اشباح ما عندو علاقة بي اعتذار الزول ده لي شعب النوبة.. اوعك تحاول تقارني بي زولك الامين عليكم داك.. انا لستُ امينا على احدٍ..بيد ان محدثكم امين.. انا بتكلم نيابة عن نفسي وعن من يقبل من اهلي إنابتي..يعني مخيرين يعني انا بالذات بتمشي فيني فكرتك بتاعة (الاستفتاء) القتها كمخارجة لي زولك الامين بتاع امريكا .. لكن ما بتمشي فيهو لانو مفوض بي اسمكم انا بقى غير مفوض يعني ما تحاول تربط اتهامي ليكم بي مسبة امينكم..
: Quote: مش انت قلت انو الاخ ود المايقوما مظلوم ؟؟ طيب ود المايقوما نقل الكلام دا وقال انو ضحك لمن وقع واتدردق في الواطة؛ وطلبي للشرح رغبة في ان افهم الحاصل .. هل اجرمت في هذا الطلب ؟؟ |
ياخي ما من حقك تسال .. يدرق ما يدرق انتا مسؤل عن دردقة الخلايق؟؟ ياخي دي عوجة شنو يا خوانا.. خلاص الدردقة دي بقت من ضمن ملكية للحزب الليبرالي وحاكورة تابعة ليكم؟؟ عندكم النص في الدردقة؟؟ هسي في ذمتك ده استفسار يستفسرو امين اعلامي لي حزب؟؟
وأين هي الحدرة والترصد ؟؟ الترصد انو اخونا ودعدبون شرح وانتا لسع مصر يشرح ليك تاني والله تاني انا ماعارف عاطف ده حيشرها ليك كيفن؟؟ اللهم إلا يصلو ليك .. يعني انتا كمايس ليكي لي فرقة تخش بيها عشان تتهم ..ودي واضحة وماعايزة شرح.. زول قال ليك دي معناتا كده ودي معناتا كده .. تاني يقول ليك شنو؟؟ يعملا ليك في نوتة موسيقية ولا راجيهو يقول ليكم انا قتا ليكم انعل دينكم؟؟ هوالترصد ده كيفن.. الترصد ده غيروهو ؟؟
Quote: : انا ما شايف فيها حاجة لاني ما فاهما ولذلك طلبت ترجمتها |
تطلبا ليه وكت ماشايف فيها حاجة انتا هسي قاعد تطلب اي شي ما شايف فيهو حاجة؟؟ ولا بس بقت في ونستنا نحنا النوبيين ما تطلب ياخ.. ولو طلبتا اطلب بي في محل الطلب فيهو لايمكن تفسيرو على انو استجواب ..مش تختها لينا في محل كانك قاعد تستجوبنا او كاننا مطالبين بي ادانة انفسنا.. بعدين ياخي نحنا الدايرن من زولك اعتذار ..تجي كمان تطلبنا تفاسير حضرتك..
Quote: : وأين هو سوء الظن ؟؟ هل طلب ترجمة جملة في موضوع اصبح يتخذ معبرا للاساءة للحزب الليبرالي والليبراليين هو سوء ظن |
سوء ظن ونص وخمسة لامن يجي في شكل انفستقيشن .. ولامن يجي في معرض الحاجة الى ادانة.. انحنا نقول ليك ود المايقوما ما عندو ذنب وترجمو ليك الكلام مرة ومرتين وتجي تقول لينا فسرو لي كلام ود المايقوماوانتا عارف سلفا انو ده الكلام الذي بسببه تمت الاساءة من امينكم الاعلامي.. كيفن ماسوء ظن.. غيروهو سوء الظن ده؟؟
Quote: : وانا المسؤول عن اعلام الحزب |
انتا قتا انك امين ثقافي على ما اظن دي جديدة علي بصراحة..وحتى ولو انتا امين الحزب الاعلامي ياخي الاساءة جاتنا من فرع امريكا..خلي اليجي هو يعتذر ياعادل هسي خليني من الانا قتو لانو كوني قتو او ما قتو سحبتواوماسحبتو .. لحنتو او غنيتو ماعندو علاقة بي الاعتذار المطلوب من زولكم لذلك بقية كلامك ذاتو ما قريتو... نادي لينا زولك داك يجي يعتذر او قول لينا انو الزول ده ما ملزم بي الاعتذار.. او قول الامين الاعلامي ما حيعتذر لي شعب لانو انتا كفرد اسئتا لي مؤسسة حزبنا ..
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: DKEEN)
|
قال الامين الإعلامي للحزب الليبرالي الفرع الامريكاني:
Quote: نحن في الحزب السوداني الليبرالي تحت القيادة الواعية للاستاذة نور تاور لدينا برامج وبدائل متكاملة لما جرى ويجري في منطقتكم من تدمير مربرمج وممنهج.. |
وصلتنا الاسانيد التي تنبع منها فكرة فرع الحزب الامريكاني حول النوبيين.. نشكر فرع الحزب الامريكاني تحت القيادة الواعية على طرحة جزء من برنامجه تجاه النوبيين.. ونأمل موافاتنا بـ(بدائل) الضعة والانكسار عبر هذا البوست طالما يصر فرع الحزب الامريكاني عليها..
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: DKEEN)
|
الاخ حميدة مسكاقمي Quote: الحزب الليبرالي دا هو شنو .. |
نحن في امانة الاعلام لابناء قرية فلعوها جاط الشنقليين بمجلس محلية ريفي الباوقة والفاروق ندين ونستنكر ونشجب عدم معرفتكم بالحزب الليبرالي العملاق الذي ولد باسنانه ليبراليون حتى النخاع الشوكي غايتو في السودان دا جنس حاجات ليبرالي وكنفدرالي وتحالف قوى الشعب العاملة وامانة ما بين النهرين واتحاد ناقلي الماء من ابوضلوع . غايتو جنس حاجات الله قادر
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: حمزاوي)
|
تحياتي دكين
و أسمح لي :
الأخ العزيز عادل
تحياتي
Quote: ان ما جاء ليس موقف كل الليبراليين |
حتى و لو جاء ما جاء من عضو واحد ، أليس في مقدور الحزب أن يتلافى الأمر و يجعل المسيء للنوبة أن يعتذر ؟ ألم يحدث هذا من قبل؟
الحزب الليبرالي به أكثر من عضو نوبي : فلماذا قبل هذا التسرع لم يستعن الحزب بهم في ترجمة بوست ود المايقوما؟ ( إلا إن كان في الأمر فش غبينة شخصية لا غير .. لأنه لا يعقل أن يكرس الحزب و يصفق لإهانة قبيلة تسد عين الشمس ).
حقيقة وقفت طويلاً عند جملة الأخ صابر عد الهادي التي تقول : ( و لا زلتم تشعرون أمامه بالضعة و الإنكسار ) ... و نحن هنا ليس في مجال ( هاؤم أقرءوا كتابيا ) .. و لكن لا بد أنه له قناعاته التي جعلته يقول ذلك ، و لا أظن أنها في أضابير الحزب ، لأن هناك نوبة و نوبيات في نفس الحزب.
الإعتذا واجب
دمتم
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: DKEEN)
|
Quote: حتى و لو جاء ما جاء من عضو واحد ، أليس في مقدور الحزب أن يتلافى الأمر و يجعل المسيء للنوبة أن يعتذر ؟ ألم يحدث هذا من قبل؟
الحزب الليبرالي به أكثر من عضو نوبي : فلماذا قبل هذا التسرع لم يستعن الحزب بهم في ترجمة بوست ود المايقوما؟ ( إلا إن كان في الأمر فش غبينة شخصية لا غير .. لأنه لا يعقل أن يكرس الحزب و يصفق لإهانة قبيلة تسد عين الشمس ).
حقيقة وقفت طويلاً عند جملة الأخ صابر عد الهادي التي تقول : ( و لا زلتم تشعرون أمامه بالضعة و الإنكسار ) ... و نحن هنا ليس في مجال ( هاؤم أقرءوا كتابيا ) .. و لكن لا بد أنه له قناعاته التي جعلته يقول ذلك ، و لا أظن أنها في أضابير الحزب ، لأن هناك نوبة و نوبيات في نفس الحزب.
الإعتذار واجب |
كلام من عميق الافهام.. الغريبة يا ابو الجلاجل انو المستامن ده ذاتو لمح لي انو بفهم نوبية..
والغريبة اكتر انو البني ادم ده ما جا اعتذر لحدي هسي .. بعد ده الواحد مضطر يعتقد انو ده ده الراي الرسمي لفرع الحزب الامريكاني..
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: الطاهر ساتي)
|
دكين اننقا ملك كاشا قوربجتم صابر غلتان تاما و اننقى عادلكن قصركموه قوبالك بنجنمي
- كلامك لعادل دا يا دكين درّرراب، كان ممكن الواحد يشوفك تتغابى، إلا أوّل مرة أشوفك تتعاور، بالجد زعلتني.
الكلام الفوق دا -ما لغتك، دا محسي- ولما يغلبك ما بشرحو ليك، أوووعك يا عُزاز، شغلتنا فيهو شنو (أنا وإنت) نشرح ليهو، ما ياها الغتاتة!؟
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: DKEEN)
|
العزيز محسن
Quote: الكلام الفوق دا -ما لغتك، دا محسي- |
الكلام الفوق ده ما محسي ولا نوبي .. ده خارم بارم ساي ياخوي.. (صابر ..وغلتان ..وعادل..وقصر) تفتكر النوبيين ديل ما كانو بغلطو او ما كانو بقصرو عشان تعوزهم مفردة الغلط والتقصير يقوم مترجمك الغشيم ده يجي يختها ليكي كده ؟؟ بعدين ياخي بالجد نحنا ماكنا مضطرين نشرح حين ياتيك طلب الشرح مسربلا بالاتهامات.. ومع ذلك جو طيبين وطيبات شرحو.. وبعد ان شرحو ..لسع برضو طلعو مطالبين بمزيد من الشرح.. يعني ُمصرين يمرقونا غلتانين..
انتا مرجعك في اللغة المحسية محتاج تغيير.. كما واحب ان اذكرك بان مرجعك في الاعلان عن حالاتك الطارئة كالحريق والتشتشة ايضا يحتاج الى تغيير.. يعني من الاخر كده مراجعك كلها ضاربة يامحسن ياخوي..
استعن دوما بالصبر وبالرجال وانها لكبيرة على العاشقين..
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: DKEEN)
|
أخوي العزيز جدا دكين ...
سؤال عادل ما خطأ وما مسربل بالاتهامات ..
على الأقل سأل وما زي اخونا صابر اللي داير يجي الأول!
وما يسأل!
سيدنا ابراهيم موش سأل الله؟
انحنا احسن من الله؟
عادل اعتذر عن الاساءة للنوبين باسم الحزب قبل ما يسأل...
المهم ما الرد على السؤال،
المهم الرد على ما يترتب على السؤال!
لو جا بعد السؤال و أدانا و قال انتو غلطانين في نور تاور
ساعتها بنرد و بنفند ..
مشكلتنا ما كانت في الاتهام بالاساءة بس، مشكلتنا كانت في النظرة السلبية للنوبيين و دي الأهم!
غلطنا لو كان حاصل بنعتذر عنه و بنشيل المسؤولية
بس نعتذر لعرقية كاملة كيف؟
مشكلتنا يا دكين ما مع الحزب اللبرالي ولا مع صابر مشكلتنا مع الأنا المنتضخمة مع العقلية اللي بتضهد الأقلية مع العقلية المتربصة
خلينا ضد الفكرة وما نتجنى لانو الظلم الحار ...
عارفني باصدقك القول و أخوك محسن برضو عشمان فيك الخير ..
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: DKEEN)
|
أخوي العزيز دكين (كان عاجبك)
ليه تسيب الفيل و تطعن في ضله؟
ليه تغفل القيمة الإجابية في الإعتذار و تتشعبط في المعاني السلبة في السؤال؟
ليه؟
ثم ثانيا،
وده معاناتااعتذارو كان اعتذار سياسي يحفظ به ماء وجه الليبراليين
اللبرالي ده موش حزب سياسي؟ معناته الاعتذار سياسي وإلا منطقيا عادل ما مضطر يعتذر عن خطأ عماد إلا لأنه ورد في سياق بيان حزبي...
Quote: فهمتي الحتة دي ياعزوز انتي ومحسن خالد ولا ارسما ليكم في جدراية؟؟ |
لا والله،
أعد!
بجيك صادة بعدين لاني عازمة ناس عشا بتركين و قراصتي في الدوكة!
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: محسن خالد)
|
محسن،
سلامات ...
يبدو ان الأخ المجري خصنما بما عاب على السودان عامة.لا نسجل غيابا في الوقوف ضد الظلم و القتل ضد من هم ليسو من إثنيتنا بل و نذهب لما هو أبعد من ذلك ولكن الأمر ينعكس تماما متى تبادلنا الكراسي و أصبحنا نحن من بحاجة إلى وقفة حق. بطيبعة الحال لا نتوقف كثيرا عند مساندة الآخرين لنا لاننا قادرون على الصد و يربطنا خيط وودت لو منه ما يكفي للم شمل كل أطياف السودان بذات التماسك و الترابط الي يجمعنا. أما مأخذه علينا حادبا كوننا لم نلق بالا إلى اللغة النوبية و تدوينها فيؤسفني أن أخالفه ل لأنه اتهام و قول غير دقيق. هناك محاولات متكررة للحفاظ على اللغة بالشكل الحالي ولكن استمرارية اللغة تحتاج لمناخ محدد و عوامل أخرى غير التدوين و التلقين...
سأعود بالتفصيل ف وقت لاحق ...
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: عزاز شامي)
|
جُوَّه الموضوع، عُزاز، أولاً التركين دا لو بقى لدكين فإنّني أعلن طلاقك بالثلاث. بَرَّه الموضوع، أعيدي قراءة حكاية الأرومة والثقافة دي لو سمحتِ، ولن تغفر لك معزتك عندنا هنا ولا سماحتك. هو أنا بقول في شنو؟ عشان تجي تتمي لي الدرب العاطفي البداهو أخونا دكين.
Quote: يبدو ان الأخ المجري خصّنا بما عاب على السودان عامة. |
ياختي المجرّي قال إنّكم أرومتنا جميعاً، ولذلك عليكم أن تتقلوا من هذه الخفّة المجانية.Quote: لا نسجل غيابا في الوقوف ضد الظلم و القتل ضد من هم ليسوا من إثنيتنا بل ونذهب لما هو أبعد من ذلك |
يا عُزاز الموضوع ما زي تلاوم ناس البورد وخصوصاً من يهرجلون بزعم السياسة وليه ما جيت كتبت معانا في قضية دارفور؟ وليه ما جيت كتبت معانا في قتلى كاجبار، وليه ما جيت كتبت معانا في شهداء بورتسودان، وليه ما جيت كتبت معانا في أحداث أبيي؟ ما نحن دايرين نستعدل خمج الأرومة والجهويّة دا، لقيم الثقافة السودانية الواحدة، هو أنا بقول في شنو يا عُزاز البنت الكوشية يا من أنتِ (أمّنا) كلّنا كسودانيين، ونزولاً عند لغتك أنت يا عُزاز (إثنيتنا) جميعاً، فشنو الفرز الجهوي والإثني البعمل فيه دكين دا؟
Quote: ولكن الأمر ينعكس تماما متى تبادلنا الكراسي و أصبحنا نحن من بحاجة إلى وقفة حق. |
هذا الكلام ما يزال يستبطن الأرومة ويتحدُّث من هذا المنطلق الأرومي، ويا حسرة. حق؟ ياتو حق يا عُزاز؟ واحد اسمو صابر شتّم (أرومة) السودانيين كلّهم، هو أنا بقول في شنو؟ تاني أعيد ليك أقري الموضوع مرتين وتلاتة. كراسي شنو ياخ وأنا بشوف دكين صاحبي الذكي –شخصياً- بعمل من الفسيخ شربات. صابر شنو ياخ وشتيمة شنو، إنتو ما عندكم شغلة! وألا الله ما ليكم! وألا ما عارفين ثقافتكم بتعني شنو من جوهر الثقافة السودانية؟ قال "حق" قال، وقال صابر قال.Quote: بطيبعة الحال لا نتوقف كثيرا عند مساندة الآخرين لنا لاننا قادرون على الصد و يربطنا خيط وودت لو منه ما يكفي للم شمل كل أطياف السودان بذات التماسك و الترابط الذي يجمعنا.
|
آخرون يا عُزاز؟ البلد دي ما فيها آخرون أبداً، بل هم "أبعاضٌ" من بعضها بعضاً. وياتو صد ورد دا الفي وسط البلد وبين إخوتها، وإنتو عاملين هيلمانة براكم اسمها النوبيين؟ يا ناس بالطريقة دي أنحن حا نخلي شنو للجُهّال الما قروا سطر من معارف الإنسانية يقولوهو!؟ كدي بس وروني! وأي زول سوداني عامل فيها هادي نزلتو من مركبة فضائية جات من المريخ ويقول ليك (الآخرون) بدلاً عن إخوته ودمه ولحمه.
Quote: أما مأخذه علينا حادبا كوننا لم نلق بالا إلى اللغة النوبية و تدوينها فيؤسفني أن أخالفه ل لأنه اتهام و قول غير دقيق. |
ليس مأخذ المجرّي "عليكم" أنتم "الآخرون" بل مأخذه على "نفسه" شخصياً التي هي "أنتم" وما هي بآخرين مزعومين ومفبركين من أوهام، وعشان تفهمي الكلام دا أوضح وكالشمس، أين سيكون موقع هذا الكلام لو عرّستك غداً إنت (أمنا) الكوشية دي وجبت منك أطفال؟ هل هناك هُوَّة ثقافة بين المجرّي وبينك؟ أم هل هنالك كائنات فضائية ستخلّفها هذه الزيجة!؟ وإن كنتِ ترمين إلى منطقة اللغة كأحد المؤشّرات الثقافية وتتحدثين عنها كشيء منفرد فهذا هو أُس العيب وأمّه الذي حداني للكتابة أعلاه بقصد التمييز بين الأرومة والثقافة التي إحدى جزيئاتها هي اللغة. لأنني أتحدث عن لغات مزروعة ومتوفرة بالسودان كلّه لا عن لغة واحدة بركن الشمال. وأنا أتحدّث عن "ثقافة" سودانية واحدة هي نتاج هذه الثقافات المتعدّدة وحصيلتها الخاتمة التي جعلت لغة (المحس) ذاتها مسنودة باللغة العربية، كما جعلت اللغة العربية مسنودة بالَّللس واللاويق والأرنبو والسبلوقة والواسوق .. وإلخ من لغات الكوشيين. هذه هي الوحدة الثقافية التي يردّها دكين بكل بساطة لجهل المترجم وسوء تقديراته دون أن يُمعن النظر في دلالتها العميقة كما يفعل غيره من مجريون حين يجدون هذه الكلمات الكوشية أعلاه بوسط ثقافتهم الجزئية. فما هي (عروبة) الروباطابي والمسيكتابي الذي تسمى أرومته بـ(الروباطـ"ـاب"… والمسيكتـ"ـاـب") بينما الـsuffix (آب) هي من وراثته الكوشية. شيءٌ يذكّر بسخف الكيزان وسماجتهم حين يزعمون أنّهم عرّبوا كلمة Technology بمجرّد إعداد رسمها هذا هكذا: التكنولوجيا، مع إبدال "الجي واي" إلى "الجيم ألف" ثم تُوضع في لافتة كبيرة تُعَلَّق على واجهة كليّة العلوم و(التكنلوجيا) العربية الإسلامية، جامعة السودان. فأي مساخرٍ على هذا الغلاف! دون أن نسألهم عن مساخر المحتوى التكنولوجي، إن كمبيوتر أو إم بثري، أو بلاي أستيشن أو دايود وألا ثيرموستات. ومن ذات منطلق الأغلفة والمحتوى ما هي كوشية (عزيز لا بعانخى) و(عُزاز لا شختو) و(كمال بشاشا لا أركماني)؟ والموضوع كلّه بابٌ للفرح والاحتفال وليس للنقمة ولا لدعوى بـ"الانكسار" كما هرطق أخونا صابر، وهذا افتخار بأنّنا نتاج الإنسانية جمعاء وليس نتاجاً لأرومة واحدة ومحدودة، فعُوا ما أقول بقلوبكم المثقّفة لا آذانكم الأروميّة لعلّكم تُرحمون.
Quote: هناك محاولات متكررة للحفاظ على اللغة بالشكل الحالي ولكن استمرارية اللغة تحتاج لمناخ محدد و عوامل أخرى غير التدوين و التلقين... |
ومن يختلف معك حول ذلك!؟ ولكي تبقى هذه (اللغات الكثيرة) وليس (اللغة الواحدة) كما يُقَرِّر خطابك، فإنّي لذلك دعوتكم للعمل على سبيل إبقائها في الوجود الثقافي الحي بدلاً عن إبقائها في غَيْرة الأرومة جامدة الدماء. ولكن لكي يتم ذلك فلا بُدّ من سراة يقومون بهذا الدور وهي دعوتي لكم. وهؤلاء السُّراة –للأسف- لا بُدَّ لهم من شيء (محفوظ عبر التلقين) و(التدوين) وهو الشيء الذي تحتاجه هذه اللغات، فهل لغة (الأنواك) مثلاً، مكتوبة وملقّنة ومحفوظة في قواميس بوسعنا أن نشتريها من البوك ستور متى ما شئنا!؟ دعيها لغة الأنواك.. بل هذه اللغات الكوشية (الأصل) ذاتها لا أعتقد بأنّ لها أكثر من قاموس يتيم صنعه شخص (مجرّي) وليس سودانياً، فأين هي باقي الاجتهادات والمساعي السودانيّة وبخصوص هذه الثقافات في تمامها وليس في إطار لغاتها فحسب؟ فلنجب على ذلك بعيداً عن الهياط والزيطة والزعل. وإن كنتِ تقتنين معلومات عن ذلك لم تتوفّر لي فأرجو أن تمديني بها على نحوٍ موثَّق لا بكلامٍ مرسل، يسنده التباهي لا العمل! *** المهم إنو التركين لحسو دكين، وإنت طالق ----------------------------------- لقد رددتُ على عُزاز بالسطر الواحد كي لا نمضي في هذا الطريق غير المُفيد، ولكي لا يكرّر مداخلتها أحدٌ من بعدها، فما كتبه –المجرّي- باللون الظهري هو تفاكرٌ بصدد التمييز بين الثقافة والأرومة، ولأجل دعم الثقافة السودانية الكبيرة والواحدة بثقافاتنا المتنوعة والجزئية. ومن يعيد المُعاد فلن أردّ عليه. فإنَّ المجري عدوه الأوَّل هو التكرار ثم الغباء من بعد، والغباء لازمته التكرار. ولذلك فالمجرّي يرى في هذا التعدُّد المُختلف والمتجدّد حياته بدلاً عن مقبرته. كما يجد فيه انحيازه الكبير والإنساني الخالد، بدلاً عن أرومته المحدودة والهالكة لا محالة.
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: محسن خالد)
|
موش قتا ليكي ياعزوز محسن ده لو استفزيتو بنتج ليكي تجليات جعليين في البوست ده..
Quote: أغَيْرَةٌ هي على الثقافة السودانية |
لغتنا هي جزءاصيل من ثقافتنا وثقافتنا كنوبيين جزء مقدر من الثقافةالسودانية إن لم تكن كل ثقافة السودان الشمالي, والزائد عن حياض ثقافته وعترته ليس ناكرا لجميل الثقافات الاخرى ولا متنكرا لها كما ولا يصح ان ُيقال لمن يروم الزود عنهاانه متحيز لفئة او مُـتعنصر الى جهوياته .. ايكون عنصريا من يزرع النخل دون اللالوب في فناء منزله بالكلاكلة؟؟ ايكون عنصريا من يمنع عن التمرة آفة السوس مستخدما قناية للنظافة جايبنها من جنوب النيل الازرق؟؟
Quote: ننتظر فيه اعتذاراً من (شخص) لا يقدّم ولا يؤخّر في تاريخ تلك الحضارة بمثقال ذرة، |
كيفن ما بقدم ولاباخر.. محسن خالد ما زاد غير انيحرر شهادة وفاة للحزب اللبيرالي صحي الحزب الليبرالي ده حزب ناشي بس هو حزب يمثل جماعة لها برنامجها ورؤاهاالخاصةتجاه قضايا البلاد.. فاذا كان بيان الامين الاعلامي لهذا الحزب في اكبر دولة في العالم لايقدم ولايؤخر فاولى باعضاء هذا الحزب الفرتقة الى جهات اخرى.. وانا شخصيا كبني ادم حريص على انت تظل قوميتي وثقافتي في مامن من الزوال بقوم بعمل لي حساب لي راي اي جهازاعلامي مهما بلغت به الضآلة .. في زمن فيه المحرك الاساسي للثقافات والبلاوي هي الاجهزة الاعلامية ومضاعفات المعلومةالسغيرة فمن الغشامة ان تظل في صمتك وتقول ده زول ليبرالي لايدري مايقول ... ولانو هذا البيان الذي تراه لايقدم ولايؤخر ونراه عظيماً صدر في اكبر دولة تعتد بعتادها الاعلامي وخامةالعالم ده كلو خم اعلامي في اول مدارج الخم بتاعها..
Quote: فما الذي فعلتموه لهذه اللغات وأين هي مجهوداتكم نحوها وهي تنقرض |
اها السونياهو ده قدرتنا في حماية هذه اللغة .. وشرف الحفاظ على هذه اللغة وصيانتها فهو فرض كفاية يقوم به اجلاء من ابناء النوبة جهدهم مقدر واعمالهم محفوظة وسعيهم مشكور.. اما شرف الزود على المتطاولين عليها من الصعاليك وشذاذ الافاق والمتمسخرين فهو فرض العين حقنا.. جعلنا الله سفهاء هذه الامة وسخرنا لخدمةاغراضٍ لايقوم بها عقلاءالامة...وكل ميسر لما خلق له.. هذا مع الاعتراف الجميل بانو هناك تقصير تجاه هذه اللغة وكل التراث.. باقي كلامك دراريب يا محسن ياخوي.. سمح ومهضوم ..وانا وحاة الغالية اسعى جاهدا لخدمة هذا الارث الوافر بالانجاز لا بالهياج كما تفضلت في عباراتك الذكية.. ولكن لاباس من بعض الهياج الحلال هنا وهناك لكسر رتابة الاعمال الممنهجة .. اقلاهو عشان نعرف الفرق بين ان تكون هائجا وبين ان تكون ممنهجاً.. واهو دروشتنا دي مرقت لينا كلامك ده تذكرة..
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: DKEEN)
|
Quote: آخرون يا عُزاز؟ البلد دي ما فيها آخرون أبداً، بل هم "أبعاضٌ" من بعضها بعضاً. |
والله يا محسن فيها كترة آخرون! و اقفين صف!
أخوي المجريّ، محسن خالد،
طوباوية تفكيرك مسبوقة على مر العصور، ركن إليها مثاليو البشر و الحالمين بواقع أفضل مما عايشوه. هرب مثاليو و رومانسيو من تسكن بلادهم و ومن المؤكد أن مر بك أحد احفادهم نافخا فيه سجارته في هواء ليس بأحسن حال مما نفخ فيه، اسأله إن رغبت عن مآل اولئك الطوباويين، أو مر بقبورهم و اطرح الرقم الاخير من الأول و ستصدم لموتهم المبكر و رحيلهم عن جسور و انهار تغنوا بها متأملين .. من حسن حظهم حباهم الله بطبيعة تستحق الركون إليها و كفاهم الله خيبات دموية الثورة الفرنسية بالارتماء في أحضان طبيعة جادت ما جادت من خضرة ووديان و بيئة انتجت أدبا بني على اجواء الرعي و نصوص العهد القديم. الشاهد يا محسن، انحنا مشكلتنا في الأرومة أنها غير متفق عليها. قد تعترض و تضرب بيدك في الهواء و تزجرني بأن نبدأ بأنفسنا، و سأجيبك باننا بدئنا و و استدعينا لندفع أذى عن ما استدبرنا مطمئنين و كم غفلنا!
يا سيدي المشكلة ليست في المسميات بقدر ما هي في مقدرتنا على هزم خوفنا من (الآخر) .. الآخر بعبع مرعب.. عفريت متربص لا تتكهن بتصرفاته ولا ردود فعله. مشكلتنا في المسميات و (المتفق) عليه... انحنا فاقدين الثقة في الآخر، فيكف نتماهي معه؟ ستنام مغمضا عينا و آخرى شاخصة. و (الآخر) خائف منا أيضا! و يرانا كما نراه! رمينا قفازاتنا مرارا و التقطانها باسرع مما رميناها و انتصبنا على اطراف الأصابع لمجرد (حدس).
تكوين الأرومة مسؤولية طرف فقط؟ قول طرفين... ثلاثة... مليون طرف، لأنو الآخر ببقى منظور وكل ما تعمل زووم أوت بتلاقي الآخر أقرب و أقرب لغاية ما تبقى نفسك زاتها (آخر) و أحيلك لشهادة خالد عويس عن الآخر في الرواية و بها كلام مرتب قد يغنيك عن هرطقتي الآن و انا متعبة حد التعب.
الأرومة التي أعرفها هي الانسانية و امارس اندامجي بأريحية مع هويات أخرى لا تقاسمني المليون مربع، ليس ترهبا مني ولكن لعنة ثالوث الآخر (العرقي، الديني، الجغرافي)، تتلبسهم فجأة و يمتد طيفها لي بغريزة الدفاع عن النفس... لم أخلق هذه الفروقات، و ما انا إلا رد فعل. ما انا بشر، صح؟ باحتفظ بحقي الأدنى انو ادافع (عني) عن مكوناتي الاساسية من لغة و ثقافة و أرض و أغاني و قيم معينة ممكن تكون مغلوطة ممكن تكون متخيلة عن مجموعتي الضيقة جدا، انا لو ما حددتني انا منو اتماهي ليك كيفن؟
عارف يا محسن، قبل مجيئي لسودانيس أون لاين، ردود الفعل كانت عندي على مستويين، و احتمالات الزلل محدودة، و ربيت الملل و لمن كبر و بقى راجل، جيت هنا لقيت انو ردود الفعل ضاقت على حيلتي و أخدت منحى تاني، و على الرغم من رفضي القول بأنو سوق الجمعة ده هو السودان، إلا اني بديت أحسن انو هو فعلا نسخة كوميديا سوداء من السودان، مسرح كبير الأدوار فيهو درامتيك وماشة بالسرعة القصوى للجهتين الضد والوقوف في المنتصف قد يكزن برعونة عبر الطريق في لندن و النظر بعكس الكتابات البيضاء على الأرض. نسخة بتديك اسوء الاحتمالات و افضل الاحتمالات و البينهم املاهو انت بالمقارنة و سعة الخيال.
الموضوع الشال حسنا انا وأخوي الكاشف كان مشحون بالدراماتيكية المناسبة للحدث، والآن و أنا أكثر هدوئا و تعبا أرى بأن هبتنا كانت مبررة جدا، لو نظرت ليها من بعد الخوف ثلاثي القلت ليك قبيل. بتعذر لينا خوفنا البقى جوانا على موروثنا اللي هو جزء من موروث الكل، بس الكل فرط فينا، نقبل وين؟ ولما أقول ليك تفريط ما ببتدي من حسي، بارجع بيك للستينات، و بارجع لعيون حبوبتي الدامعة تحكي لي عن بيتهم الغرق، و التنهيدة الجاية من جوة الجوة، التنهيدة زاتها شايلة خوف، و الكلام بقى شايل خوف، و اتكالب الخوف من طبيعة ومن حاكم ومن غربة في الوطن و غربة بين قطع الفسيفساء المفروض تشكل لوحة كبيرة فوقها علم مفروض ينطقنا عننا كلنا... حسي بقينا في الخوف من التربص، و الخوف من كونا نبقى انحنا انحنا! و بقينا في هملة نفسر و نستنا و سلامنا. التربص ده ما بلوتنا برانا، 10 مايو القت بكبش جديد في محرقة التمييز و التربص، و اتجرجر و اتحبس فيها محمد و شرف الدين و عثمان و قالوا ليهو علشان انت شبه ابوك و جدك و أهلك، بتفتكر شعور الخوف الدخل فيهم بيكون كيف؟
يا محسن، انا ضحية من ضمن ضحايا بتمنو أرومتك الطوباوية، و زي ضحايا من الاركان الأربعة في الحزين الوطن. اديني انت وصفة سحرية تحول خوفنا ده لقيمة موجبة تنقذنا من اننا ننقرض بايدينا؟
تخيل يا محسن، صابر ده كشخص ما كان مشكلتني نهائي، بس تفكيره كان مشكلتي! و ضربت تفكيرة في كام ألف لقيت انو الضرورة بتحتم انو أشيل رمحي و اسك الخوف الفكو فينا زي hot potato و اتخبى وراء فهمه لوحدة الارومة اللي انت بتنادي بيها. صابر ما نوبي على حد كلامه، بتصرفه ضدنا و تربصه بينا افتكر انه بكده بيكون مارس قمة التجرد، و طبز عينه و عينا!
أولادي كان الله رزقني الذرية، بنقل ليهم كل لفتة من لفتات أبوي، و بعلمهم حركات يد أمي و تعابيرها وقت الكلام، و مشيتها وقت الهمة و التلكأ وقت الغضب. و لغتنا النوبية، و عواصة الاديرة، و عمل المش، و الويكة المفروكة، و لف التوب، و لف العمة، و شراب موية الزير، و بعوض الفات فيهم ...أبوهم منو ما فارق معاي، من السودان من الهند من مدغشقر، هو وشطارته في تثبيت برامج موروثه في عقول الصغار
موضوع اللغة و الحفاظ عليها مداخلة فك ارتباط عملة الخوف من عملة التربص، و بجيك برواقة بس انام و اخلص امتحاني الأخير ...
ابقى طيب، و مليون شكر على تحفيز (خوفي) من نفسي المرة دي انو أكون بقيت جهوية و اتغلبت غريزة الصراع على العقل ...
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: عزاز شامي)
|
_______________________
عزاز شامي .. كيفنك .. أو (هكرفي)
كلام المجري البيساندو محسن خالد ما كلام طوباوي أبداً الناس دي قاعدة تتكلم عن نسيج اجتماعي كبير وواسع، لأنو النظرة لي جوة دي هي الانحياز للأرومة البيتكلمو عنها، لأنو تفاعلات السودانيين (باختلاف الأرومة) أوجدت تقاطعات هي اللملمات لينا قطع الفسيفساء الشكلت العلم السوداني كوحدة مكانية وثقافية واحدة كبيرة، صحيح في المحكات كل أرومة بتحتفظ بخصائصها، بس لمن نجي نتكلم عن القطر (السودان) بنلقاهو عامل زي دورق المختبرات الكيميائية، ملان بالتفاعلات واندماج الخصائص والسحن واللهجات. النوبيين وين من التشكيلة الكبيرة دي؟
حتى لو رجعنا إلى العهود القديمة، قبال دموع حبوبتك وحبوتي على الناس البيوتن غرّقن، حتلقي إنو الأرومة النوبية كانت وما زالت لغاية حسي، بتخاف من الاندماج في (الآخر) خوف المتعالي، ما خوف المتوجس، لأنو التوجس جا في مرحلة متأخرة جداً، مع إنو النوبيين كان المفروض يكونوا أكتر القبايل السودانية تجانس مع (الآخر) بحكم الجغرافيا البقتهم في البوابة الشمالية الجو منها العرب والأتراك داخلين للسودان.
الكلام عن الأرومة الموحدة ، بمعزل عن تفاصيل الكلام الورد في مداخلة المجري، بيكون مجحف كتير في حقو، لأنو بالطريقة دي بتكون قاعدة تنزعيها من نسقها التاريخي كله كله. وكلامك القلتيهو فوق ده عبارة عن خطاب عاطفي ما أكتر، والثورية البتمارسي فيها بي طريقتك دي بتبقى ثورية رومانسية ما بتقدم ولا بتأخر حاجة، لأنو ما في قوة في الدنيا دي يا عزاز بتوقف ليها عجلة تاريخ، وكان ممكن، كان بقوا الفراعنة والبابلين والسومريين والناس الجهامة ديل، حتى أصحاب الحضارات القريبة زمانياً. التاريخ ما بينحاز لي زول، التاريخ بينحاز للأقوى والأفضل والأصلح. ولازم نعترف بأنو الحضارة العربية جات هزمة الحضارة النوبية في عقر دارها، وكفاية إنو ونستكم البتقولوا عليها رطانة دي، كانت بالعربي.
غايتو ما عارف، بس أولادك ديل حيتجهجهوا جنس جهجهة في الدنيا دي
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: هشام آدم)
|
هشام!
كليو قيرجوة! مسوبن قوسنا إلا ويلدي؟
يا اخوي انت مع منو؟
شمتان فينا انو حضارتنا ما سائدة حسي ولا كيفن يعني؟ ومنو القال ليك انو البقاء (للأصلح)؟
ما هي دي الرومانسية بشحمها و لحمها و قصص الموروث الشعبي بتاعت الشاطر حسن و ابو زيد الهلالي! صراع الشر و الخير في القالب التاريخي عمره ما اتحسم بالمقايس دي ...
يعني تعتقد زوال ممالكنا كان لغلبة (العرب) ولا لعوامل تانية؟ وهل من ضمن العوامل (خير) العرب و (شر) النوبيين؟ و تعمدت مفردات (خير) و (شر) لانها هي الأصل و بتتلبس حلل (الأصلح) و (الأفضل) بحسب السياق...
بجيك صادة بس اخلص الامتحان الأخير بعد سويعات و أرجى الراجيك
_____
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: عزاز شامي)
|
_____________
معقولة يا عزاز ؟ حركة التاريخي اللولبية في الفهم الماركسي أو المتوجة (قمة/قاع) بتسميهو رومانسية؟ أنا داير أعرف رومانسية كيف؟ وبعدين الأصلح أكيد ما بفهم الخير والشر، لأنو في كلام كتير ممكن يتقال فيما وراء الخير والشر حسب فلسفة نيتشه وغيره والتكامل الجدلي بين الخير والشر وحركتهم مع حركة الأخلاق والقيم في المجتمعات الإنسانية.
على العموم .. برجاكِ لغاية ما تنتهي من الامتحانات ، والصبر سلبة ولا يهمك بس شوفوا لينا طريقة للتعبير عن اللغة النوبية غير الحروف العربية دي لأنو ده شكل من أشكال الاستلاب زاتو
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: هشام آدم)
|
هشام ...
لا احتفي كثيرا باللغة الصفوية و المفردات حمالة الأوجه خاصة لو كنا نناقش امرا يخص الجميع بمختلف خلفياتهم الثقافية وأجده لزاما ان نقترب بلغتنا لهذا الجميع لا أن نترفع عنه وكأننا نخوض فيما نكره...
الأخوة نيتشة و هيجل ما كانو سودانيين و بالتالي تعميم أي من نظرياتهم بدعوى و حدة التركيبة الانسانية فأعده أيضا بندق في بحر ...
أما فيما يخص الاستلاب و و الضرب تحت الحزام،
فيحضرني سؤال ( كما يقول مثقفونا الأعزاء)
اتتبع خط سير اودنيس؟
لانه يؤسفني أن أبلغك بأن النوبة ليست (بيروت) !
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: عزاز شامي)
|
_________________________
Quote: لا احتفي كثيرا باللغة الصفوية و المفردات حمالة الأوجه خاصة لو كنا نناقش امرا يخص الجميع بمختلف خلفياتهم الثقافية |
عزاز شامي ...
صباح الخير، هنا ما في لغة صفوية ولا حاجة، ده كلام عادي وزلال، ولو بقت مشكلة بتبقى مشكلة تعبير ما مشكلة لغة صفوية ولا غير صفوية ولا كلامي فيهو مفردات حمّالة أوجه أبداً، الخير خير في حيزو المكاني والزماني، والشر شر برضو في حيزو المكاني والزماني لأنو المجردات (زاتها) ما قابلة للتعميم أبداً. وبالتالي فالتنظير في مسألة الخير والشر بيكون تنظير على المستوى العام وليس على مستوى أقرب إلى التخصيص وبالتالي بيكون (التنظير للمجردات دي) قابل للتعميم، فلمن أقول مثلاً (الخير مدعاة إلى الراحة النفسية) ممكن النوبي يفهمها بي طريقتو والهندي الأحمر يفهمها بي طريقتو، ولمن أقول (الشر نقيض الخير، وليس هنالك شر قائم بزاتو ولا خير قائم بزاتو) فبرضو ممكن كل مجتمع يفهمها بما لديه من معطيات حضارية وثقافية وما لديه من إرث حول مفهوم الخير والشر على حد سواء.
Quote: الأخوة نيتشة و هيجل ما كانو سودانيين و بالتالي تعميم أي من نظرياتهم بدعوى و حدة التركيبة الانسانية فأعده أيضا بندق في بحر ... |
إسهامات الفلاسفة والعلماء ما اسهامات وطنية أو تراثية يا عزاز علشان ما تقولي كلام ز يده ، الإنساني إنساني في الأصل وفي المنتهى. وبصراحة فأنا أستغرب منك كلام ز ي ده ، واحد زي ماركس لمن جا نظّر في علم الاجتماع والاقتصاد الاجتماعي كان بيتكلم عن حركة تاريخية كاملة ما كان بيتكلم عن أوروبا ولا كان بيتكلم عن عيلتو أو سيرتو الذاتية، ولمن هيغل برضو اتكلم عن سلطة الروح وهيمنة الأخلاق، ما أظن كان بيتكلم عن نفسو في المقام الأول، بل كان بينظّر لظاهرة الإنسان في محيط بشري أعم من وجهة نظرو. ولمن نيتشة انتقد المادية والمثالية الألمانية وتيارات الحداثة واتكلم عن المبادئ الأخلاقية أبداً ما كان بينطلق من منطلقات ذاتية. وأيّ فيلسوف كمان كان بنفس القدر.
لا يمكن إنو نفصل إسهامات الفلاسفة والعلماء عن سياقها التاريخي أبداً لأنها امتداد طبيعية لحركة الفكر البشري بشكل عام ويبقى الكلام عن جنساوية (Nationalitism ) العلوم والفلسفة كلام مرفوض تماماً على اعتبار إنو الإسهامات دي، هي إسهامات بشرية في الأول وفي الآخر.
ثم هل (سودانيين) دي بتساوي عندك (النوبة) أو (النوبيين)؟ ويبقى الكلام عن الأرومة وإشكالياتها فوق كم زاتو؟ ولا لو مرق لينا فيلسوف سوداني (ما نوبي) كان قلتِ ( والله الفيلسوف ده ما نوبي و بالتالي تعميم أي من نظرياتهم بدعوى و حدة التركيبة الجغرافية والاجتماعية للسودان فأعده أيضا بندق في بحر )؟ العلم والفلسفة ما فيهو سوداني وعراقي ونوبي وزنجي! والاستلاب الثقافي ظاهرة لا تخص بيروت وحدها بالمناسبة. والكلام عن الاستلاب الثقافي ده كلام طويل وممل زاتو .
__________ على الهامش: انت انتهيتِ من امتحانتك ولا شنو؟
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: هشام آدم)
|
ود المايقوما ده اصلا فيه شك من زمان وده عمر حسنين طاهر ما ارصدجلال واختفي عمر وظهر ارصد وفي بداية الموضوع افتكرت انو ارصد وعمر شخصيه واحده لكن في الاخير اتضح انهم شخصيتين مختلفتين قد قام ارصد بتغير بيانات عمر و الاستيلاء علي الحساب الخاص بي ود المايقوما واخير ا انتصر الحق بعد طرد ود المايقوما وارجاعه باسمه ارصد ونتمني اعاده الاخ عمرالى البورد مرة ثانيه وهو يتمنى ذلك
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: nour tawir)
|
عُزاز، ياختي مداخلتك دي ذكّرتني النكتة البتقول. قال ليك واحد صيني راكب ليه في رأس جبل، الجبل دا شهير جداً بإنّو بيعمل صدى مبالغ فيه، لأي صوت يصدر على قمّته. قام الصيني انطرب شديييد من حلاة الجبل ومهابته وخضرته المنعنشة فقال: شن.. شان.. شو.. زان. قام (الصدى) ما عمل للراجل دا أي إيكو ولا يحزنون، بل جاهو راجع يدّبى بالراااحة وقال ليه: قلت شنو يا اللّخو؟ يضحك نهارك لقد سبقني الصديق هشام آدم على حكاية ثورة رومانسية دي، وربما أنا من سبقتُه عليها حينما قلتُها بخصوص طرح عبد العزيز دكين لذات الرؤية بصورة أحكم مما تطرحينها الآن، وأطول، وأركز، وهذا هو السبب الأساسي الذي جعلني أتوسّع في حكاية (الإنسان المجرّي) أيام كانت الصراعات في هذا البورد لها طعم ونكهة، والمجالدون يتعبون في المجالدة وإبراز المهارات التي تدعم الحجّة لا المساخة، ولا يبتذلون ساحة التفاكر بالشتائم الرخيصة والساهلة كما هو حال البورد في هذه الأيام. المهم يا ستي، أنا قلت لدكين مسألة التعايش السلمي والمُحِب دي من صميم علم المصلحة المحسوبة بالمليمتر وليس الطوباوية، ومن صميم علوم الاقتصاد وليس التحانن الغشيم. فلنأخذ رحلة أوروبا الماضية من اللاتينية -فقط- دون أن نردها إلى (الرومانية) ودون أن نذهب بها أبعد إلى (اليونانية/ الهيلينية Hellenistic) وهي عِرّقاة أوروبا الأصل وأرومتها، والمسلمون هم صاحب هذا الاكتشاف وناشروه عبر ترجماتهم من قبل أن تعرف أوروبا اليونان، فحسبنا أنّ أوروبا تشظت من اللاتينية القريبة إلى أنجلوساكسونية وفرانكفونية ودتشية وإسبانيولية..إلخ بعد أطنان من اللحوم المحترقة وفناطيز من الدماء المهدرة، وهاهي عادت بحكم "المصلحة" و"الاقتصاد" لا الرومانسية والتحانن إلى ماذا!!؟ ببساطة إلى (الشينغينغ فيزا)، وهل تعلمين أن هذه الفيزا هي موضوعٌ مطوّل من (المصلحة) المضغوطة في شكل ختم يركّبك القطار الذي يحوم أوروبا كلّها دون سؤال ولا منكر ولا نكير، هل تظنين أنّ هذه الشينغينغ فيزا هي موضوعةُ تحاننٍ وتواصلٍ وصلةِ رحمٍ!؟ أنت مخطئة إذاً. كما عادت أوروبا من الريال والدولار والجنيه إلى (اليورو). وبدعة هذا اليورو لم تتم هرباً من فكرة (اقتصاد المُقايضة) التاريخي الذي كادت أوروبا أن تبلغه من كثرة تشظيها إلى دول وإلى عملات وأعلام ترفرف بالسيادة لكل رطانة لسان، ولم يتبق لها بعد هذا التشظّي إلا استبدال البقرة بقمح، والإسكانيا الإسكندنافية بمارسيدس ألماني، من بعد عزّة اللاتينية أم علومها حتى اليوم ومعارفها الجدية لا الونسات والجاتينغ. وكذلك لم يُبْتَدع هذا اليورو لتسهيل أمور العملة للسيدات والسادة المسافرين في المطارات، أبداً، فهو ابتكارٌ تم لحصر الاقتصاد العالمي ولتقويض اقتصاد آسيا واستعمار اقتصاد إفريقيا الذي هو أصلاً مستعمر. ودائماً تطربنا حكمة الأمثال الأممية -الإنسانية- إن شئتِ، بالحكمة البسيطة للرجل الذي قاربه الموت فنادى أبناءه وطلب منهم أن يكسروا "عصاً" واحدة، فكسروها بكل سهولة، ولما طلب منهم أن يكسروا حزمة العصي مجتمعة، أعيتهم.. وأنَّى لهم!؟ فقال لهم ببساطة فاتكة: (في الاتحاد قوَّة)، ألا تذكرك هذه العبارة بـ: الاتحاد الأوروبي!؟ حكم وعجائب!!
وإليك وإلى كل مغالط في أنّ ما تكتبينه الآن هو مجرّد تأملات من كلام دكين، هذا الرابط للوقوف على كلام عزيز، وكلامي في بدعة (الإنسان المجرّي)، وكفى بالكتاب السالف ذاته علينا حسيبا، أخبرتُك بأنني لن أكرّر ما قد قيل سالفاً: بشاشة دة ما عندو موضوع وكوني بألف خير
----------- هشام متلوّم معاك يا عزيزي، عاارف، أبقه طيّب وسامحني ما أمكنك
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: محسن خالد)
|
محسن وهشام ادم..
من الواضح انكم افضتم في الموضوع واسهبتم .. وحملتموه بعض من شجونكم وكيمان من الرؤى التي تتسق ومن الرؤي التي لا تتسق .. بينما هو ليس بهذا القدر من الحمولة ..
استكنرت علينا يا محسن هبتنا في وجه الدفاع عن ارومتنا.. متعللا بان النفرة لاتصح إلا لاجل القومية السودانية.. وان الناس يجب ان تسعى لهذه النظرة الجامعة لا للارومات..
يامحسن لو كان المنتقص من قدرة في هذا البورد فلاتي اوجنوبي او هدندوي كان البورد ده العميان فيهو شال المكسر..
وتلاتين بوست اتفتح وهدم بيعُ ُ وصلوات.. لكن بس عشان نوبي ما قرع في امره إلاخيول اهله .. لانو النوبي ده في البورده ينظر اليه وكانه ضمن حاشية السلطان .. حقه ما بروح لانه محسوب على اهل الحكم .. فهو شمالي باي حال من الاحوال.. وشايفين روحم من زمان.. ولايسالون الناس .. لذا فمن المؤكد انهم ليسو من ضمن اهل الهامش الذين تُغمط لهم حقوق.. فما محتاج فزعة ولادقة نقارة..
يامحسن هانذا اكرر لك ما سبق وتناولناه في بوست سابق .. مجريتك دي عمل ابداعي فردي .. مُستخلص تجربتك الحياتية الخاصة..لاتصلح لكي ُتعمم.. انا ما ُمجبر اني اباري هوية قومية لبلاد لم تتشكل حدودها حتى الان .. السعي ورا الضمير القومي السوداني هي احلام مثقفين مشروعة وجميلة .. بيد انني لستُ مجبرا على مباراتها ولاحاجة لي بها مالم تثبت جدواها, وهو امرُ ُ لم يحدث خلال زمان وجود فكرتهامن ايام الغابة والصحراء بتاعة ناس محمد عبد الحي وعثمان وقيع الله ولحدي الغاغة والصعراء بتاعة حسن موسى وصحبه المكرمين.. والى ان نجد لهذه الابعادالقومية حدود تلمها خليني قابض قي ارومتي دي .. وما انا إلا من ارومتي ان غوت غويت وان سلكت سبيل القومية سلكتها غير هياب..
| |
|
|
|
|
|
|
Re: ود المايقومــا ضحية الاستبداد وغرف اشباح الليبراليين (Re: nour tawir)
|
العزيزة نور اسعدالله مساك اجدني ممتنا لسعة صدرك وطولة بالك.. ليست لدي خلاف شخصي مع الحزب اللبرالي..ولا ارقى اصلا لمستوى الخلاف.. ان ما حدث كان من الممكن ان يكون مع اي تنظيم اخر لو صدر على صدر بياناتهم ادانة لشخص بري يهمنا امره.. فقط اسفنا لصدور ذلك البيان ..فاعتبرناه مسيئت وغير مقبول في حقنا.. تمت ادانته من الاخوان في الحزب الليرالي واعتذروا عنه فقبلنا الاعتذار.. ربما لو لم يكن هذا العنوان لما جاء الاعتذار.. وربما لو لم يكن اللغط كثيرا ما تشرفنا بزيارتكم والحوار معكم..
دمتي رايقة يانور ولا اخالفك الراي ولايوجد بيننا غير مودات صافية..
| |
|
|
|
|
|
|
|