|
الود مفقود بين عمي يحي والانقاذ
|
عمي يحي محاسب قديم يعمل في المصنع السوداني للحلويات
حزب امة قاطع
مرة وقف عربيتو داخل المصنع في الشمس
قلنا ليهو يا عم يحي وقف العريبة في الباركنق
قال القي باركنق وين مع ناس الجبهة ديل
ومرة وهو يقود سيارته في اتجاه جبرة وكانت هناك امطار شديدة
وما عندو منشات وقزاز العربية بقي حاجة تانية
وقف العربية وقال ( عليك الله دي حكومة دي)
|
|
|
|
|
|
|
|
Re: الود مفقود بين عمي يحي والانقاذ (Re: khaleel)
|
صديقي مامون الكوتش
صلي صلاة العيد مع الانصار في ود نوباوي وبعد الانتهاء من الصلاة
ركب عربيتو وجاهو عمك كبير وقال ليهو وصلني معاك
مامون طلع الكيس وسفة كبيرة جدا
عمك قال ليهو ( والله يا ولدي انصاريتك سمحة لكن خربتها بالسفة دي)
مامون قال ليهو ( تعرف يا حاج المهدي عليه السلام لو حضر الانقاذ دي كان شرب شيشة)
| |
|
|
|
|
|
|
Re: الود مفقود بين عمي يحي والانقاذ (Re: khaleel)
|
تعرف يا خلي عندنا واحد بلدياتنا من الغرب كده ايامات الانقاذ الاولي ديك ما مكجن في الدنيا دي الا علي الحاج وقال لو الحكومة دي اتقلبت ما عندو شغلة الا يمشي بفتش علي الحاج ده وين وحجيب لاندكروز (الناس دي اللاند كروزرات دي معلقة في راسها من زمان) ويشيل فيها علي الحاج ده ويوديهو لاهل البلد ويقول لييهم تعالوا هنا يا ناس هووووي انتو عارفين كل قروش الديات حقتكم من زمان الحكومة بتديها للزول ده يجيبها ليكم لكنوا اكلها.. قال بيقول لييهم كده وبخليهو معاهم وبزح من الموضع
| |
|
|
|
|
|
|
|