مابين محمدحامدجمعة وإبراهيم سليمان: قرفتونا :: سيب وأنا أسيب... لا ما تسيب أنت وأنا أسيب؟؟؟

Quote: الشايقى سلامات اول تبادى قرفتونا دى كتيرة ، لكن ما مشكلة بقبلها منك فى سياق الصالح العام البطنو طامة من الغلاط انا شخصيا ما شديد على الكلام دا ولا متعمدو بس دوافعى كالاتى الاخوة فى حركة العدل والمساواة مصرين على الكذب والكذب الكبار الما عندو معنى ، الحركة نجحت بامتياز فى الوصول الى الخرطوم دى مافيها شك واى زول منصف بديهم النمرة الكاملة عسكريا واستخباريا فى النقطة دى والحكومة مغلوبة فيها عشرة صفر رغم انها استدركت وهو استدراك سبب غباء المهاجمين انفسهم طيب بعد داك بدا الكضب شفت من حكاية وادى سيدنا والطيارة الفككوها وشالوها لغاية احتلينا ام درمان والرصاص ضد الدارفوريين فى سوق ليبيا كلو كان فيهو مبالغات ما قايم على حاجة واحدة صح جينا للمطاردة قالو خليل اتكلم ومرق كويس ونطق للعربية - وطلع مزور - قالو جاى فى الجزيرة ( واحرج القناة الكبيرة جدا لان كان برضو مضروب ) وسكتنا قلنا خليل يمرق متى ما يشاء على كيفو جينا لعشر ، شفت دا لو الحكومة تشبه بين الترابى والسنوسى ما ممكن يدقسو فى عشر والراجل اتمسك والحركة طلعت بيان تسال الناس الرافة بالرجل حسب المواثيق ، والزول مستضاف وعندو دفتر اعترافات قدر الليلة وبكره يجى اخونا دا يقول ليك ما مقبوض وشنو انا ما عملت حاجة غير انى النهار اتصلت بعميد فى جهاز الامن وقابلتو فى حضور مجموعة من الاعلاميين وسالتو بالحرف عشر قالو ما قبضتو الراجل ضحك وقال قبضناه والدليل .. واحد ، اتين ، تلاتة ، وكلها حاجات سمع وشوف وبعد دا الراجل وعد انو الزول هسة كلامو بجهزو عشان يمشى الاعلام .. بالثابتة انا حاولت اثبت حاجة بس عشان ما اى زول ينط يقول طيرة نصدقو . انا بؤمن فى حق اى زول انو يقيف فى الحتة العاوزها لكن ياخ الناس حقو ما تفرض علينا حاجات ويغالطوك لمن عينك تطلع ، وبالمناسبة الواحد اتنين تلاتة دى كلها (شوف ) وفى حضور اعلاميين اتنين منهم اعضاء فى المنبر وما كيزان كمان هسة الضحك كاتلهم فى اخونا دا عموما انا عاوز شورتك لو عارف زول بيكضب هنا اسكت ولا انضم

Quote: اول تبادى قرفتونا دى كتيرة ، لكن ما مشكلة بقبلها منك فى سياق الصالح العام البطنو طامة من الغلاط انا شخصيا ما شديد على الكلام دا ولا متعمدو بس دوافعى كالاتى

Quote:

Quote: اخونا الشايقى الما مشلخ طبعا اسئلتك كلها معقولة والجماعة كل واحد بيلعب باعصاب الاخر لزوم التمويه وشغل الاخرين لان هناك مآرب اخرى فيهالعبة وتجهيز خيارات لاخراج الفصول الاخيره من المسرحية يعنى لا تعتمد على كلام واحد وتقول هذا هو الحق والعين كان ما شافت والاذن سمعت والفم تكلم تبقى كل القصة طلاسم ستفك رموزها الايام . تحياتــــــى ســـــــــيد

Quote: الأخ محمد حامد جمعة................................مسؤول سؤال ختاانا نزلت مقابلة خليل ابراهيم عشان الغلاط ده يتحسم ماشفتك جيت ولا علقت رغم انه المنبر ده فترنا من خليل قبضوا خليل فكوا.....والله الغلوطية دي اجدي من الحقيقة"يعني تكتيك وكدة" عموما اوجزنا وحسمنا موضوع خليل ده....يعني الموضوع ده نتجاوزه ونعتبرك سمعت كل المقابلة ولسياسة ما فضلت عدم التعليق والابحار في الجزية جابت وقناة الجزيرة مابثت...وهو خليل ابراهيم قاعد هنا في المنبر ده بتكلم ليه تلاته يوم"مع تحفظي التام لهجوم حركة العدل والمساواة" لكن نتكلم عن الحقائق المجردة.... نهايته يا محمد حامد جمعة الغلاط بقى تكتيتك...لكن والله زهجتونا دايرين نعرف بعد الغلاط الحيستمر مدى العمر ده في شنو......يعني الخطوة البعدها.... تاني يا اخ محمد قصة الاخ غير الشقيق والقاء القبض عليه من عدمه ...برضه في البوست وريناكم ...يعني بس بوضوح في تعمد فقط لإطالة امد المغالطة لتشتيت الراي العام عن المواضيع الأهم.....عوووووووووووووووووووووك تاني نقول الاخ غير الشقيق على قول ود الشايقي...ااااي لبيان المعلومات الصحيحة فقط اااااي قبضوا وقلنا دايرين نديكم بالأدلة الدامغة ممكن نسمعكم برضه بالصوت وكمان ما من خليل من طرف اخر لا يقبل التشكيك في مصداقيته..مايؤكد القاء القبض على الاخ غير الشقيق... لقيتني كيف يا محمد حامد جمعة"منافس خطير مش انفع اشتغل معاكم ولا لا......هههه تحياتي لكم جميعا واحترامي لكم باختلاف ميولكم السياسية لكن بالجد لانه زهجنا من الموضوع بتاع المغالطات ده خلونا نسمعكم بوعي اكثر...وفي مواضيع تهم البلد فترنا ......فترنا... ود الشايقي...عفيت منك ......الله يصبرنا يا ولدي اكان الغلاط يقيف

Quote: شنو يا الشايقي يا اخي ما مقتنع بكلامي ده؟؟ Re: عبدالعزيز عشر حراً طليقاً خبر اعتقاله فبركة امنية ويا محمد حامد جمعه شايفه كلمة Quote: شوهد دي محيراك؟؟ يعني انت ما عارف انه ناس العدل و المساواة اكثر ناس مخترقين ابو آمنكم ذاته؟؟؟

Quote: أبراهيم سليمان