|
|
|
 Re: الخبر الاكيد قالو البطانة اترشت (Re: Yasir Elsharif)
|
و الخبر المؤكد انو الاعادى اتحشت
و الخبر الاكيد انو الظرابين طشت
و في جحاره عافت ريحة بطونة المشت
خدرى يا بطانة ما هى الاراضى اترشت
ولعى يا زهور ما فينا زول بتشمت
وطلعي حسكنيت خلى الكلاب تتلفت
ما دايرين شمار جيبوا الحقيقة الفكت
| |
 
|
|
|
|
|
|
|
|
Re: الخبر الاكيد قالو البطانة اترشت (Re: Hassan Makkawi)
|
يا سعادتو والله خلعتنا..
قلت في زولا ما نصيح بهبش بطانة الجن وشيوخها أولاد أبسن..
وبطانة البطاحين الناس الزين .. ومعاهم ناس أدروب وشيخ ضرار .. أها نحن خطتنا كان أمدرمان ولا الخرطوم ( إترشت تاني) فزعتنا حتكون لي بطانة أبسن.. نسرح مع قيعانها وغزلانها ونشوفها ديك رايهوبة الشتا اللاقيالا قالبآ منسي .. أها ونعرج على أولاد الجنيد أهل سوما ومحمد أصحاب الكرم والفزعة لا مجدوع ولاجدعة بضبحوا الجضعة للجيعان بلا وجعة.. ونسمع لينا منهم بيت بيتين شعر وفنجان قهوة بن حبشي ونوبة ذكر حامدة وشاكرة .. ونميل لي عيال طلحة شيوخ وأعيان يكفونا ويفزعونا .. أهل ملكتنا بت طلحة والعجب العجيب كان أكرموك بي مسدار من مساديرهم .. ننسى الهموم والخرطوم لاخليلا فز لا خليلآ دفر قبل رجع..
الخبر الأكيد قالوا البطانة أتعزت
عامرات فروقا بالغناوى إتنزت
شاحد الله الكريم لا تبلى لا تسددت
والناس من هناك جات عليهم فزت
ودام هناها البطانة
| |
|
|
|
|
|
|
|
|
|
Re: الخبر الاكيد قالو البطانة اترشت (Re: malamih)
|
| Quote: بنم يا جماعة ... وبدوبى |
لووووووووووووووووووول غايتو دى بالغت فيها دى
الاخ محمد حامد سلامات .. جد ضحكت فى مشهد الناس الجات
ملفوحة زى
جيت لافحة طرف توبى القاك بتنم ؟؟
عفيت منك وحات الله
Quote: الخبر الأكيد قالوا البطانة أتعزت
عامرات فروقا بالغناوى إتنزت
شاحد الله الكريم لا تبلى لا تسددت
والناس من هناك جات عليهم فزت
ودام هناها البطانة |
هيــــــــــــــع على قول الرشيد ابراهيم 
ملامح سلامات انت يا يابا تتعلا ما تدلا قول آمين
| |
|
|
|
|
|
|
|
|
 Re: الخبر الاكيد قالو البطانة اترشت (Re: soma)
|
آمين يابت الجنيد.. دعواتك ما بتقع واطة وتحياتي لأخونا محمد الجنيد
أها أبقو لينا فزعة.. لكن باقي لي ياسوما كلام ودجمعة ده تحتو كلام
الزول ده ما برمي الكلام ساي .. إترقبوا الأخبار ..
| |
|
|
|
|
|
|
|
|
|
Re: الخبر الاكيد قالو البطانة اترشت (Re: محمد حامد جمعه)
|
الخبرالاكيد قالو البطانة اترشت
والناس ديك قالوا اكيد اشرت
وتانى اليوم فى البطانة اتلمت
وقول المك لود دكين الحماية حقت
يا مك دايرين المساواة وسرعةالبت
ما طول الحكاية ونبقى فى الحكماء
بس كمان زمان قالوا فى الفشت
الليلة الوداه البطانة الاترشت
حرام ان بقى مدروس لى شره وتمت
| |
|
|
|
|
|
|
|
|
|
Re: الخبر الاكيد قالو البطانة اترشت (Re: محمد حامد جمعه)
|
Quote: الخبر الاكيد قالوا البطانة اترشت
ساريتين تبقبق لي الصباح ما تفشت
هاج فحل ام صريصر والمنايح بشت
وبت ام ساق على حدب الفريق اتعشت |
Quote: ولداً بطبـــــــق المســـــــــــــــرى فوق المســــــــــــــرى
يخلف ساقــــــــــو فــــــوق ضهــــــر ابوقوائم ويســـرى
حقــــــــــب قربينـــــــو فوق جربانـــــو خت ابكســـــــرة
فرقــــــــــــاً شتـــــــى من ناس يمــــــــه زيدي الكســـرة
|
دحين الراجل ما اتمسك فى البطانة!
جنى
| |
|
|
|
|
|
|
|
|
|
Re: الخبر الاكيد قالو البطانة اترشت (Re: soma)
|
معدن كرم ، وفزعة ونصرة، وأهل حارة. يقول الطيب ود ضحوية بعد أن رأت خليلته وكانت ترقص له غباراً من بعيد:
قومي ونسفي الفوق المتاقيل هدا
وخليك من كتال عرباً دواسهم هدا
يعجبك عوسنا كان لحق الضراع إنمدا
تمي الرقصة عقبال السما الينهدا
لهم مساجلات مع أهلنا الحلفاويين (دون إثارة نعرات وحاجات عنصرية وحساسيات أكتر من حساسية
حساس محمد حساس... أصلو اليومين دي الناس كلها روحا محرقاها.. من نيمولي إلى الهرم لذا لزم التنويه)
شاعرهم قال (مرحباً) بالإخوة من الشمال القصي: وهم يكنون البطانة ويدلعونها بقولهم (أم هبج):
بعد أن رأي التركترات تشق الترع (أبو عشرين):
ما دام في مناصحك رقد أب عشرينك
معليش يا أم هبج في الزايلة ضقتي سنينك
لو هذا الزمن قادرين نمرقوا سنينك
الحلفاوي بي عجلة تركتر يهينك؟
ولكن حصل التمازج الحضاري والإنصهار والمصاهرة ولعن الله الشيطان.. والحالة بقت (ون).
حساس محمد حساس
| |
|
|
|
|
|
|
|
|
|
Re: الخبر الاكيد قالو البطانة اترشت (Re: soma)
|
معدن كرم ، وفزعة ونصرة، وأهل حارة. يقول الطيب ود ضحوية بعد أن رأت خليلته وكانت ترقص له غباراً من بعيد:
قومي ونسفي الفوق المتاقيل هدا
وخليك من كتال عرباً دواسهم هدا
يعجبك عوسنا كان لحق الضراع إنمدا
تمي الرقصة عقبال السما الينهدا
لهم مساجلات مع أهلنا الحلفاويين (دون إثارة نعرات وحاجات عنصرية وحساسيات أكتر من حساسية
حساس محمد حساس... أصلو اليومين دي الناس كلها روحا محرقاها.. من نيمولي إلى الهرم لذا لزم التنويه)
شاعرهم قال (مرحباً) بالإخوة من الشمال القصي: وهم يكنون البطانة ويدلعونها بقولهم (أم هبج):
بعد أن رأي التركترات تشق الترع (أبو عشرين):
ما دام في مناصحك رقد أب عشرينك
معليش يا أم هبج في الزايلة ضقتي سنينك
لو هذا الزمن قادرين نمرقوا سنينك
الحلفاوي بي عجلة تركتر يهينك؟
ولكن حصل التمازج الحضاري والإنصهار والمصاهرة ولعن الله الشيطان.. والحالة بقت (ون).
حساس محمد حساس
| |
|
|
|
|
|
|
|
|
|
Re: الخبر الاكيد قالو البطانة اترشت (Re: A.Razek Althalib)
|
حساس يا حسيس في صورتى عاين لية
قابض لي مصيب لو فكة شال عينيه
دة عكار البحار البجروا منو عشية
وكان جريتو جر تلقاهو حابس مية
شد عضلك شدييييد و انتل عروق الحية
يجيك قاصدق عديل لا بشوف وليد لا بنية
باراكودة بحر مخ مافى... بس زندية
لفت و دورت كايسالة لقمة هنية
لا قت حسكنيت قاليهة وين يا بنية
قات لي يا كرية.....خلينى لسة شوية؟؟
قال ليهة الكرية... الليلة عمرك لية
يا بساقن رقيق .....؟؟"؟ساقك قسية علية
ما زى ساق( تراجى ) البشحم مروية
ساقك ساق رجال ما راضعة من كندية
ساقك ساق شديدة... ما امو سودانية!!
لابس ليهو شورت ما شورت أفندية
شورت الصيد عجيب بيطلع الحورية
و حباب الرجال البعرفوا الطورية
مرتجل
| |
|
|
|
|
|
|
|
|
|
Re: الخبر الاكيد قالو البطانة اترشت (Re: Hassan Makkawi)
|
[Quote: لابس ليهو شورت ما شورت أفندية
شورت الصيد عجيب بيطلع الحورية
و حباب الرجال البعرفوا الطورية.. |
.
يا مكاوي الشورت العانيهو ده زي اللباس هيل الصوره العندك في البروفايل... ولا واحد تاني...
Quote: ما زى ساق( تراجى ) البشحم مروية
ساقك ساق رجال ما راضعة من كندي |
هيييعع اب لباس انت ان ما جبت سيرة تراجي اصلك مابترتاح...
| |
|
|
|
|
|
|
| |
محمد حامد جمعه
Ahmed Yousif Abu Harira
A.Razek Althalib
أبو عبيدة البصاص
عمر التاج
النورس الحزين
آدم صيام
abas
على محمد على بشير
Rayah
Yasir Elsharif
Hassan Makkawi
jini
Elsanosi Badr
فيس بوك
تويتر
انستقرام
يوتيوب
بنتيريست