|
|
 رحبوا معانا بــ ((( دانيا المكي ))) جديدة لنج
|
Quote: اللقب: Dania Elmaki
: .
عدد البوستات: 127
تاريخ التسجيل: 15-08-2007
محل الاقامة: بلاد الله الواسعه
: Not shown
عنوان مكتبتى بسودانيزاونلاين دوت كم :
اكلات مفضلة: سالمون مشوي و ايسكريم
الاسم الحقيقى: دانيه
التلفون:
الجامعة/المعهد:
الحالة الاجتماعية: Married
العنوان الدائم:
الفنان المفضل: وردي, كاظم, حليم
اللون السياسى: تركواز بالبني الغامق
النوع: Female
الهوايات المفضلة: كمبيوتر و موسيقى, طيران
الوظيفة: في المجال الجوي
تاريخ الميلاد: 17 يوليو
درست المرحلة الابتدائية فى ......و سنة....: مدارس كثيره جوه و بره السودان
درست المرحلة الثانوية فى ......و سنة....: Norman Thomas HS, New York
درست المرحلة المتوسطة فى ......و سنة....: Saint Catherine Of Sienna School
شاعرك المفضل: نزار, اسماعيل حسن
عدد الاطفال: أحمد
معلومات اضافية:
مكان العمل:
مكان الميلاد فى السودان: كوستي
صورتى:
|
دي زولة راقية شديد أول مالفت إنتباهي سؤالها بورداب الدوحة عن صديق والدها وهو الأستاذ التجاني إبراهيم وزول صاحبو التجاني لابد يكون مميز بالروح المرحة وأخو أخوان ،، وزولة زي دينا بتسأل عن صاحب والدها بالتأكيد ما راح تكون أقل منهم في الصفات الملازمة للوالد وصاحبو ،، لذلك فهي مميزة أضف إلى ذلك البروفايل الكااااااااااارب أعلاه.
وزي ما قال أستاذنا في عالم الفن والمسرح السني دفع الله | Quote: من يبحث عن اصدقاء ابوه زول فيهو خير كتير |
|
|
 
|
|
|
|
|
|
|
|
Re: رحبوا معانا بــ ((( دانيا المكي ))) جديدة لنج (Re: BADRELDIN MAHMOUD)
|
الأخ عبدالرحمن
مرحب بدانيا وسطنا..
وسؤالها عن أصدقاء الوالد معناتو إنو الأبوين أنجبا أولادآ وبناتآ فيهم حرص على إجلاء سيرة الأسرة!..بعد وفاة الوالد والوالدة أو حتى وإن كانا أحياءآ يرزقون, يادانيا..
أثناء حياة والدي لم أنتبه ولكني أصبحت مهمومآ بسيرتهما الذاتية بعد رحيلهما! وبقيت مداوم على أخبارهما من أفواه الناس.. جيران وأصحاب وأقارب ودفعات مدرسية وزملاء في العمل الحكومي والعام!.. شوفي ديل كم مجال وفي داخل كل مجال من ديل في كم واحد?!.. طبعآ مشروع بكون ضخم وداير تفرغ عديل.. لكين البشفع إنو الواحد بتحصل على معلومات بتخليهو يقول بكل فخر (تلازمه دهشة) إنو الحمدلله ..ولدوني ناس زي أمي وأبوي ديل !.. ينتمي ليهم وينتمو ليهو!.. حسع بقى في الفيديو والوسائل الحديثة والمتطورة في التوثيق البخلي الزول يحتفظ ببسمة وضحكة وحركة وخلجات إحساس الناس البريدم .. حاضرة كلما هفت النفس للتلاقي!..وزي ماقال ود السني في حديثه {الممسرح} إنو الزول أو الزولة لمان ينشغل بسيرة أبوهو ولا أمو ده زول صاح..أو مايعني.. وأتمنى أن يكون الوالد حيآ يرزق يا دانيا!.
مرحب بيك تاني..
وتحياتي
| |
|
|
|
|
|
|
|
|
|
Re: رحبوا معانا بــ ((( دانيا المكي ))) جديدة لنج (Re: حسن الجزولي)
|
تحياتي لجميع المتداخلين
حسن الجزولي, رحم الله والدينا جميعا الاحياء منهم و الاموات,
الحمدلله الوالد ربنا يديه العافيه و اتفق معاك ان التوثيق مهم جدا لاننا لمن نفقدهم نقعد ندور وراهم و احيانا نكتشف اننا لم نكن نعرفهم حق المعرفه لاننا لم ننتبه في حياتهم, أخوي الصغير مشى السفاره السودانيه مره عشان ياخد فيزا للسودان هناك القنصل عرفه من الاسم و سأله انت ولد المكي الدبلوماسي العظيم؟ و اتلموا فيه ناس السفاره كلهم و لمن رجع البيت قال لي تعرفي انا ما كنت عارف بابا راجل ليه تاريخ عظيم و شأن الا الليله. اكثر شئ بيرعبني اني افقد والدي او والدتي تصدق اني احيانا امشي و هم نايمين اشوفهم بيتنفسوا ولا لا بعد وفاة والد احد الاصدقاء اثناء نومه؟ التوثيق مهم, لا انسي انه صديقتي امريكيه لمن توفت امها بعد الجنازه مشت البيت تشوف البومات الصور القديمه اكتشفت ان الصور كلها امهاما في الا البسيط عشان امها هي الكانب بتصورهم و نبهتني لضرورة تصوير الجميع.
الشئ الوحيد اللي انا فعلا فخوره اني عملته للاسره ان امتلك عده اشرطة كاسيت قديمه لجدي من ناحية الوالد رحمه الله و كنت اقعد اسجل ليه مجرد ونسه و حكاوي لمن امشي السودان اجازه بحكم اني عشت بره و ما عاشرته كثير غير اجازات, و ما تتخيل اني كيف حزينه على اخواني انهم حتى ما قعدوا معاه قبل وفاته لانهم كانوا صغار لكن الاشرطه دي عزائي الوحيد.
تخريمه انت اخ عبدالمنعم؟
| |
|
|
|
|
|
|
| |
عبدالرحمن عبدالله أبوشيبة
معتصم الطاهر
حسين محي الدين
ماجدة عوض خوجلى
ismeil abbas
Dania Elmaki
BADRELDIN MAHMOUD
حسن الجزولي
فيس بوك
تويتر
انستقرام
يوتيوب
بنتيريست