كتب الكاتب الفاتح جبرا المتوفرة بمعرض الدوحة
|
الهادي هباني يستحق عضوية المنبر فهل من مثني؟
|
يا شيخ طراوة ،،،،،،،،، سوق أم دفسوا أهون ،، و على الأقل ليه تاريخ و بقى واحد من حكاوى التراث و برضه عندو قوانينه و قواعده القابلة للفهم و التفسير و ليهو محل بتلاقوا فيهو الناس و بضاعة معروضة للبيع عندها سيد ،، و بدل المشترى البرغب فيها و بسوما يوجد العشرات ،،، و القروش حاضرة ،،، و فيهو الكاش بوقف النقاش ،، و ما فيهو سيد بضاعة ببيع بالخسارة و لا سايم بشترى بالغالى ،،،
لكن قصة ،، الشقة البتكلف ليها 120 الف دولار ،،، و بتتباع ب 240 الف دولار يعنى بمعدل ربح 100% ،، دى قصة تانية ،،، و ده سوق غسالين و مكوجية و شغل مافيا ،، و مافيا خايبة كمان و ممسوخة ما بتشبه مافيا الزمن الكلاسيكى البفهموها ناس ديفيد ريكاردو و آدم سميث ،، الكانت بتدخل البيوت من أبوابها ،،، و كان شعارها المشهورة بيهو أنه "المافيا شريفة" ،، و فيها شئ من قيم الهمباتة و تقاليدهم "الغير حق الرجال ما عندهم تعيين" و كانت برضه ليها حسنات و بتعمل عمل خير و بتشيل من الغنى و بتدى الفقير ،،،
و زى ما فى مافيا شريفة بتفرض نفسها بالتكنلوجيا و إقتصاديات الحجم الكبير (Economics of scale) ،، برضه فى مافيا قذرة بتشتغل فى البودرة و مشتقاتها و توابعها و ما شابهها من الأزلام و رجز عمل الشيطان ،، و هى برضه بتوظف خبراء و متخصصين و بتعرف قوانين السوق و بتحسب حسبتها بأحدث ما توصل ليهو علم الحساب "إشترى بعد يكون السعر العادل أقل من سعر السوق و بيع بعد ما يكون أعلى منه" و "كلما زادت المخاطر زادت نسبة الفائدة" ،،، و طالما تجارة البودرة مخاطرها عالية و عقوبتها المؤبد و فى بعض البلدان إعدام فلازم الجرام يتباع بما لا يقل عن نسبة ربح 250% ،،، و ال 250% دى بتشمل حق الغسيل و المكوة ،،، و جماعتنا بالواضح كده شغالين غسيل و مكوة من يوم ما كتلوا "مجدى محجوب محمد أحمد" و "جرجس القس يسقف" بتهمة الإتجار فى العملة ،، و من يوم ما سفروا بن لادن أفغانستان ،،، و سلموا كارلوس للفرنساويين ،،، و من يوم ما بدأ أباطرة الخصخصة "عبد الرحيم حمدى" و "تاج السر مصطفى" فى بيع أطيانا و بلداتنا بالمزاد العلنى على كل من هب و دب من تجار الدين و البودرة و الأزلام و السلاح ،،، و جعلوا من الخرطوم و بكل فخر أكبر سوق لغسيل الأموال و تمويل الإرهاب و تجارة السلاح ،،، و تربعت مؤسساتنا الوطنية الفضلنا نبنى فيها على مدار أكثر من 50 عام على رأس قائمة غسيل الأموال التى يتم تداولها فى بنك التسويات بالنمسا و معظم البنوك المركزية فى العالم "بنك السودان ، مؤسسة الأسواق الحرة ،، مؤسسة الأقطان السودانية ،، شركة السكر السودانية ،، سوداتل ،، شركة سكر كنانة ،، و غيرها ،،، بجانب الوكلاء المعتمدون من رجال الدين و الدولة (سيأتى يوم لذكر الأسماء) لمافيا المخدرات و غسل الأموال من شتى بقاع الأرض (بنما ،، البرازيل ،، كولومبيا ،، شيلى ،، البيرو ،، جزر الكايمان ،، أفغانستان ،، باكستان ،، الهند ،، روسيا ،، رومانيا ،، هولندا ،، أفريقيا ،، و غيرها) و القائمة طويلة و مرصودة بالوثائق و المستندات الرسمية ،، و "كل شئ إنكشف و بان" كما يقول عبدالمنعم مدبولى ،،، و كله بظهر و بطلع فى الوقت المناسب ،،،
و طالما هامش الربح كبير فال 240 الف دولار البشتروا بيها الشقة مكلفاهم أصلا 60 الف دولار مخدرات و بالتالى لو باعوها ب 150 الف دولار بكونوا حققوا ربح 100% مضافا إليه 30 الف دولار حق الغسيل و المكوة و مسح الشوارب ،،،، و بكون المكوجى الباع ليهم الشقة ب 240 الف دولار و عمل معاهم عقد البيع و استلم المبلغ بجى تانى بعد يومين حسبما هو مخطط و متفق عليه سلفا بشتريها منهم ب 150 الف دولار و بكون فى يومين كل واحد منهم حقق ربح 90 الف دولار ،،، و هم بستلموا قروشهم بشيك مسحوب على واحد من بنوكنا الواخدة على أفاها و غرقانة للباطوس ،،، و كده بتكون العملية إتقننت و صار عندها عقود و مستندات و إتظبطت و اتمنجهت و القروش دخلت جاكوزى البنوك و بتطلع منه مغسولة بالشامبو و مكوية بالبخار و مطبقة و مرتبة و مختوم عليها بختم بنك السودان و شعار صقر الجديان،،،
و الناس الطيبين بقوموا بصدقوا القصة بأنه سعر الشقة 240 الف دولار ،،، و لأنه السوق حر و ما فيه قائمة أسعار بزيدوا أسعارهم هم كمان "و قد يلقى الواحد منهم مغترب دايش ما سمع بالخبر و لا عرف أصل الحكاية و يبيع ليهو" ،،، و لكن فى أغلب الأحيان بجوا بكتشفوا الحقيقة بعد ما يجوا يبيعوا و ما يلقوا مشترى بنصف السعر ده و يقنعوا أنفسهم بأنه القصة كانت مجرد زوبعة فى فنجان ،،، و لكن مصيرهم يجى يوم و يعرفوا أنه غسيل القروش بضعفها و بهد حيلها و بقلل قيمتها و بخليها مجرد قزم قدام تضخم الأسعار ،،،
اعلاه أحد اسهاماته التي يرسلها معنعنة عن طريق ال E.MAIL والمساهمة تحكي عن جمال وموضوعية صاحبها يا باشمهندس بكري أبوبكر عنوان الهادي [email protected]
هل نطمع في ضمه عضو يثري المنبر العامر
|
|
|
|
|
|
|
|
Re: الهادي هباني يستحق عضوية المنبر فهل من مثني؟ (Re: حسين محي الدين)
|
كلامك عن مافيا السوق كله حقيقة وغسيل الاموال فى السودان جارى بدون حسيب او رقيب مع انه الامم المتحدة اصدرت قرار بتجريم غسيل الاموال كجريمة دولية وقانون السوق فى السودان يحكمه عصابات مافيا وبعدين يالنسبة لترشيح الهادى هبانى لعضوية البورد..ليه هشام هبانى ما ثنى لغاية الان؟؟؟
| |
|
|
|
|
|
|
Re: الهادي هباني يستحق عضوية المنبر فهل من مثني؟ (Re: ياسر شبيكة)
|
Quote: الهادى هبانى سيضيف كثيرا لقراء وأعضاء المنبر
رفيق نضال منذ فترة الدراسة والآن رفيق غربة كمان تزيد اعجابا به عند المواقف أخ كريم ابن الأكرمين تجده فى السراء والضراء صاحب فكر ثاقب وقلم لاهب ( ملتهب ) موضوعى ولا يخشى فى الحق لومة لائم
سيزداد المنبر تألقا بوجود العزيز الهادى هبانى يا باشمهندس بكرى
أثنى وأثلث و أربع و أخمسس ووووووووو فى انتظار الهادى هبانى بيننا
يا باشمهندس بكرى ويا أعضاء المنبر تجدون مساهمات الهادى هبانى فى بوست رفاق مصر |
شبيكة ياها الحرية فيك ولي قدام
| |
|
|
|
|
|
|
Re: الهادي هباني يستحق عضوية المنبر فهل من مثني؟ (Re: ibrahim alnimma)
|
حبتو ما هبانى
الهادى ادريس
من طرائف الهادى
بعرفو لزوجتى واقول الهادى صديق وعمدة
ضحك الهادى وعلق يا محمد سيد احمد نزلتنى درجتين انا الناظر ود الناظر
هبانى السياسى والمناضل والقائد دا كوم والكوم التانى هبانى الصديق المسامر والمجامل والمبادر الظريف والوناس اخو الاخوان
فى زيارته الاخيرة للشارقة ونحن فى وداعه انا والصديق ياسراسيوط تحدث مع زوجتى وزوجة ياسر هند بابكر لو الزملاء ديل عملوا اى غلط اتصلو بي فى الدوحة
علقت لياسر ود الناظر دا مالو
اثنى
| |
|
|
|
|
|
|
Re: الهادي هباني يستحق عضوية المنبر فهل من مثني؟ (Re: ibrahim alnimma)
|
حبتو ما هبانى
الهادى ادريس
من طرائف الهادى
بعرفو لزوجتى واقول الهادى صديق وعمدة
ضحك الهادى وعلق يا محمد سيد احمد نزلتنى درجتين انا الناظر ود الناظر
هبانى السياسى والمناضل والقائد دا كوم والكوم التانى هبانى الصديق المسامر والمجامل والمبادر الظريف والوناس اخو الاخوان
فى زيارته الاخيرة للشارقة ونحن فى وداعه انا والصديق ياسراسيوط تحدث مع زوجتى وزوجة ياسر هند بابكر لو الزملاء ديل عملوا اى غلط اتصلو بي فى الدوحة
علقت لياسر ود الناظر دا مالو
اثنى
| |
|
|
|
|
|
|
Re: الهادي هباني يستحق عضوية المنبر فهل من مثني؟ (Re: ibrahim alnimma)
|
حبتو ما هبانى
الهادى ادريس
من طرائف الهادى
بعرفو لزوجتى واقول الهادى صديق وعمدة
ضحك الهادى وعلق يا محمد سيد احمد نزلتنى درجتين انا الناظر ود الناظر
هبانى السياسى والمناضل والقائد دا كوم والكوم التانى هبانى الصديق المسامر والمجامل والمبادر الظريف والوناس اخو الاخوان
فى زيارته الاخيرة للشارقة ونحن فى وداعه انا والصديق ياسراسيوط تحدث مع زوجتى وزوجة ياسر هند بابكر لو الزملاء ديل عملوا اى غلط اتصلو بي فى الدوحة
علقت لياسر ود الناظر دا مالو
اثنى
| |
|
|
|
|
|
|
Re: الهادي هباني يستحق عضوية المنبر فهل من مثني؟ (Re: أبو ساندرا)
|
الأعزاء
د عبد الطلب د احمد طراوة زهير زناتي د ياسر شبيكة صلاح الأمين امير جابر السر عبد الله محمد سيد احمد الأستاد عبد الرحمن بركات - أبو ساندرا ابراهيم النعمه حسن محي الدين
لكم الود وأهل مكة أدرى بشعابها
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ يا السر أنا ما من أسرة بابكر بدري (تعليم البنات) - لكن كلها هي الجزيرة وتكرار الأسماء وشايلين الراية
| |
|
|
|
|
|
|
Re: الهادي هباني يستحق عضوية المنبر فهل من مثني؟ (Re: نورالدين بابكر بدري)
|
الاخ نورالدين بابكر بدري
الهادى هبانى سيضيف كثيرا لقراء وأعضاء المنبر
رفيق نضال منذ فترة الدراسة والآن رفيق غربة كمان تزيد اعجابا به عند المواقف أخ كريم ابن الأكرمين تجده فى السراء والضراء صاحب فكر ثاقب وقلم لاهب ( ملتهب ) موضوعى ولا يخشى فى الحق لومة لائم
سيزداد المنبر تألقا بوجود العزيز الهادى هبانى يا باشمهندس بكرى
أثنى وأثلث و أربع و أخمسس ووووووووو فى انتظار الهادى هبانى بيننا
فوق00000 فوووووووووووووووووق من اجل الهادي هباني بيننا اضفة كاملة الدسم للمنبر
| |
|
|
|
|
|
|
Re: الهادي هباني يستحق عضوية المنبر فهل من مثني؟ (Re: نورالدين بابكر بدري)
|
الابن نور الدين تحياتي ومودتي
أثني ترشيح الابن الهادي هباني رغبة في أن يزدان المنبر بكتاباته ذات النكهة المفعمة بالفكر الإنساني المتقدم ، والمشبعة بأشواق أهل السودان إلى السودان الجديد. ويتميز تناول الهادي للقضايا الاقتصادية بالموضوعية والتنوع والثراء ، وبالمعرفة التي صقلتها التجارب العملية المكتسبة من داخل السودان وخارجه .
إلى جانب موضوعات السياسة والاقتصاد ، من المؤمل أن يتحف الهادي جيل الشباب بذكريات "أم الدنيا" على أيام الدراسة .. وجيل الكهول بطرائف ناس بحر ابيض وقصص الإدارة الأهلية من داخل بيت النظارة ! .. وعن الحسانية الذين هم دائماً في شأن آخر ! ويسعد محبي مدينة الأبيض بحكاويه عن مجتمعاتها وظرفائها من خلال الصور القلمية النابضة التي يمكن أن يرسمها ! محبتي عبد المنعم خليفة
| |
|
|
|
|
|
|
Re: الهادي هباني يستحق عضوية المنبر فهل من مثني؟ (Re: نورالدين بابكر بدري)
|
Quote: ....افتح ذراعيك للقادمين .... يا بكري.... .... .... .... يا الهادي .... ابعد لينا من العموديه دي ... يعني خليك (سوداني) غير معمد... .... عشان .... ماتلحق ود اهلك البهنااااااااااااك ..... اللحق السمحات..... |
كل التعهدات يا باشمهندس كل الضمانات لكلمة موضوعية نقية بعيدة من الإسفاف والتعصب الأعمي كلمة بناءة بعين ترى الحق الأبلج ونقد هادف
لك مودتي - باشمهندس حلولي وحق الزمالة يا باشمهندس بكري يا سيد الحوش
| |
|
|
|
|
|
|
Re: الهادي هباني يستحق عضوية المنبر فهل من مثني؟ (Re: mohamed elshiekh)
|
اسامة الكاشف !!!!! يااااه .. وين يا جميل ? دخلت هنا كيف بدون هبانى و حنان و رجاء ? يا شاذلي زوجتك بتعرف تزغرد ? الحكاية دايرالها زغروتة و امل زيما عارفين لسه شترا في الحاجات دي . دابنا حنستمتع بحوش بكري و نتعلم من جديد بعد جاب اسامة و الشاذلي و هباني ... يا بكري ادي هباني الباسورد بتاعي و طلعني برة , حاواصل اتعلم من الناس ديل بالقراءة من بعيد . ذكروني ... ( ان صرخت بكل قواك .. و رد عليك الصدي : من هناك ?.. فقل للهوية شكرا)..( م.درويش )... فيا صاحب هذا الفضاء الذي يجممع الجميلين ... نصرخ بكل قوانا: اين هباني ? محمد الشيخ ..ازيك يا فنان و جميل . الهم فك عقدة لسان امية بدر الدين عبود الكمبيوترية و ادخله جنات بكري باسافيرها ..امييين. عوض مصطفي ..عوض مصطفي .. مصطفي .. سامع اممظاهرات البرا الدار دي يا باشمهندس بكري ? بهاء ارباب
| |
|
|
|
|
|
|
Re: الهادي هباني يستحق عضوية المنبر فهل من مثني؟ (Re: عبدالكريم الامين احمد)
|
لا اعرف سبب لامتناع الباشمهندس وتمنعه في الاستجابة لكل هذه المناشدات الا اذا اخذ الرائع( بجريرة) ابن عمه ؟؟؟؟؟؟؟؟؟؟واذا حصل ذلك فانه امر مؤسف وانا لذلك لمحزونون ..انا لا اري سبب ولكن هذا من باب التخمين ...ولكن ان صح مانتوهمه يكون تلومت ياباشمهندس وهذا مالم نكن نتوقعه من انسان اتاح لنا هذه المساحة للتوثيق.. هباني ياباشمهندس ليس من اؤلاءك الذين يطلبون او الذين يلحون في الاستجداء واذا طلبنا نحن بانضمامه لا يجب ان يرد.. صدقني هذا هباني رشيق القلم والقوام عفيف اليد واللسان ....هباني منا ال ...علمنا معني الصمود واطربنا كلمات عن الفقراء والجوعي ...والوطن ...هناك كلمات قليلات في بوست رفاق مصر واكرر كلمات قليلات مما عنده يمكنكها ان تجعله يكسر لوائح الانضمام للمنبر .. باشمهندس بكري ........اني بشهادتي هذه لا اطالب بانضمام هباني للمنبر كمشارك فحسب ولكني اتطلع لان يكون احد المشرفين عليه لما له من روح ديمقراطية لا تعرف التهاون او المجاملة والمخادعه انه شرف لمنتدانا ان نقراءه ...بيننا ...فهلا استجبت ...؟؟؟؟؟؟؟؟؟؟؟
| |
|
|
|
|
|
|
Re: الهادي هباني يستحق عضوية المنبر فهل من مثني؟ (Re: زهير الزناتي)
|
قلنا يابكري باب الكريم ما بتسدوا ضلف وهباني ود كرام بابهم الناس بينتظروا قداموا ما تخيب العشم في انتظار قرارك العاجل نناشد حتى يبح الصوت
ود الشيخ.. ودبلدي .. فارس الزمن الرائع الشوق مطر.. لحدي ما نتلاقى برواقة بهاء.. أمل دايماً في البال والخاطر :انما كنا معاً الآن وغداً غياب الجسد.. تواصل الروح أؤكد أنها كانت لقاءات يومية لم تنقطع حتى اللقيا الاسفيرية تحياتي
| |
|
|
|
|
|
|
Re: الهادي هباني يستحق عضوية المنبر فهل من مثني؟ (Re: Arbab)
|
لم نكن نتوقع منك ياباشمهندس ان تستقرق منا كل هذا الوقت ولكن لان صاحب البوست قد سافر ويعلم تماما انه مجرد طرح الفكرة سيجعل البوست يخرج عن رعايته له فلم يوصي اي منا برفع البوست ...وذلك لان هباني مطلب الكل فارجو الا تحرمنا وتحرم قراء البوست مداخلاته واراءه القيمة...هباني رجل مثقف كنا نكنيه بالاستاذ ..يكتب في الاقتصاد،،،،والتحليل السياسي والدولة الدينية ،،، والقصة...باسلوب روائي وقصصي ساخر ...فهلا تكرمت علينا به؟؟؟؟؟؟؟؟؟ بالمناسبة تعلمنا منه الا تلين عذيمتنا ...ولذلك نعدك باستخدام هذه المهارة في المطالبة باعطاءه الباسورد ...والا فانا سنطلب منك ان تجعل صدرك واسعا وان تحتمل هرولتنا وراءك،،،،، تخريمة: تعرفو يقال ان هناك احد المزارعين المعدمين .يفلح في ارضه وكان قد خلع عراقيه الذي لايحتوي سوي عشرة قروش هي عبارة عن مبلغ طحن العيش(الدقيق) ليتثني له العمل بسرعة كعادة المزارعين وبينما هو كذلك اذا بلص ياتي ويسرق العراقي ويهرب ..وهنا هب المزارع ناهضا ونادي لام اولاده قائلا اذا تاخرت طهري الاولاد وهنا ضحك اللص ومي العراقي قائلا له والله انت معدم بشكل ... قلت ذلك لانا لن نقل همة من هذا المزارع في مطالبتك ياباشمهندس...
| |
|
|
|
|
|
|
Re: الهادي هباني يستحق عضوية المنبر فهل من مثني؟ (Re: Arbab)
|
للنور ود البدرى القاصد نور البقع ،،، و لى ود النعمة المجاور و حارس البقع ،،، ولى الزناتى ود أم تقاق و المرغنية و كل أهل البنايا الفيها و لكل الجميلين الرائعين من كتب و لم يكتب ،،، نخاف عليكم من نفوسكم المعطاءة بغير حدود و نحفظ لكم جمالكم ،،، و جميلكم ،،، و سنظل دائما و كلما بحثنا عن الجميل فى أنفسنا لا نجد غيركم ،،، جمال ،،، رقة ،،، نقاء ،،، صدق ،،، وفاء ،،، إخلاص ,, ووووووو كل ما وصفه الجميلين فى هذه الدنيا و ما لم يصفوه ،،، لكم منى الود و الحب و الامتنان ،،، و لصاحب الدار الأخ بكرى أبوبكر ،،، إذا كان جمال السودان فى تنوعه ،،، فجمالك فى سعة صدرك و صدقك فى إبراز و عكس هذا التنوع ،،،،،،،، ووعدنا لك أن يظل فضاءك هذا عنوانا دائما لنا ،،،
| |
|
|
|
|
|
|
|