كتب الكاتب الفاتح جبرا المتوفرة بمعرض الدوحة
|
|
 العازفين ومشاكلهم التي تتعلقل بي (العدادات) منذ الازل
|
[B]اسأله كتيره لها علااقه بي العازفين
العازف بجهز نفسو لي البروفات ,بيحفظ , بيتعزب لحدي ما يحفظ الماده وبيهاجر عشان يجي النادي ويشارك في نشاطات النادي
ومرات كتيييييييييييييييييييييييييييييييييييييييييييييييييييييييييييييييييييير يجامل والظروف صعبه جدا شي كداري
شي ركشا شي مواصلاات عامه شي شي شي شي شي.
وبعد ده كلو زي ما المثل بيقول (الخيل تجقلب والشكر لي حماد)
من غير حساسيه الاخوه الفنان والاساتذه (حق الفنان العازف ماديا ومعنويا مهضوم)
لممممممممممممممممممممممممممممممممممممممممممممممممممممممممممممممممممماذا
الناس ديل من غير كوم العمال الوراهم ديل (معلش لي رتابه التعبير) ما حيدو الصوره كامله
فاتحيه لكم اخوتي العازفين واشكر لكم عطأكم المتواصل دائما في رفع شأن الفن السوداني
احنا في بلد المعيشه فيها صعبه لي الغايه يعني العدادات تتراوح ما بين 30 لي 50 الف
لو الفنان تنازل من جزء بسيط من عدادو حا يحل مشكلتين في وقت واحد المشكله الاولي
رجوع الزمن الجمل بتاع المجموعات والوركستره المعروفه لي الجمهور والمشكله التانيه
وهي ممكن يضعو حد لظاهره فنان و اورغن دي . كتير من الناس قد لا يوافقوني في الرأي
و حيقولو دي مسؤليه مصنفات وشركات انتاج والي اخره .والحل في يد الفنانين
انا ما ممكن اربط الحفله بي 2 او 3او 4 مليون عشان العازف يكون نصيبو 30 او 40 او 50 الف
الفرق كبير . انا اتكلمت كتير وكلاامي ده حا يجيب لي هواء تقيل والله يستر لكن كما اتفقنا من غير حساسيه
لكم الود
باب النقاش مفتوح خصوصا الاخوة اهل الفن
غاندي
|
|
 
|
|
|
|
|
|
|
|
Re: العازفين ومشاكلهم التي تتعلقل بي (العدادات) منذ الازل (Re: ميسرة غاندي)
|
شوف يا أبو حنين لو الفنانيين رجعو لينا العدادات
الض........نا ليهاعلى شرط بالجنيه القديم بنرجع
السودان . لاكين مع ناس الاورغنات ديل ما أظن نأكل معاهم عيش
ولا الواحد يشيل معاهو كاويه ويلم فى البيزات المبرمجه دى
ويشبكه تشتيش لامن اليابانى يآمن .
طبعا انا ما عارف العداد بقى كم فى السودان .
لامن مرقنا كانو 6 ولا 7 اورغنات هسه قالو ممكن تأجر
الاورغن من السوق الشعبى و لا من بتاع الحافله لآنه عنده
ساوندسستم كمان .
| |
|
|
|
|
|
|
|
|
|
Re: العازفين ومشاكلهم التي تتعلقل بي (العدادات) منذ الازل (Re: حمد اسماعيل)
|
الموضوع بيتعلق بي العدادات المابتسمن ولا بتغني من جوع
يعني يا سيد حمد لو المشكله هي الاورغن انا بكره حا اجيب
الكاويه من عندي والاورغن وبعداك فش غبينتك فيه والاورغنات دي
زمان كانت معاك في المسرح وكانت لها زكريات خالده اسع الوضع اختلف
لكن ممكن يرجع كما كان . عليك الخلقك تابع في رفع البوست
مودتي
غاندي
من غير حساسيه
| |
|
|
|
|
|
|
|
|
|
Re: العازفين ومشاكلهم التي تتعلقل بي (العدادات) منذ الازل (Re: ميسرة غاندي)
|
الحساسية في شنو يا أبو محننة...آفو آ السنجك إنت عندك نية الرجعة تاني لنفس العذاب و لا شنو.....؟
المهم يا صديقي ظاهرة مباراة الفنانين في بيت العرس دي..... الناس إنتفضوا عليها زمان و إنت كنت جزء من هذه الإنتفاضة....نسيت و لا اذكرك؟ و هي ما كان القصد منها العداد و بس ...و لكنها شملت مستوي ما يقدم فنيا و موسيقيا و لديك تجربة الفرق و الجماعات الموسيقية و الغنائية أدناه على سبيل المثال لا الحصر:
1) عقد الجلاد
2) السمندل
3) أمبايلا
4)عزة
و روح الإنتفاض هذه واكبت و تزامنت مع الإنتفاضة الشعبية في منتصف الثمانينات و لكنها لم تستمر طويلا إذ إنقلب عليها العسكر و حدث لإنتفاضة الموسيقيين ما حدث للإنتفاضة الشعبية من ردة....و ظهروا ناس كركب و جركب و تمت عسكرة المجتمع بما فيه الموسيقيين و هذه كانت الأسواء.....و الباقي إنت عارفو كويس....و إنت برضك من أحد نتائجه.....و هذه المنافئ...؟؟؟؟؟
| |
|
|
|
|
|
|
|
|
|
Re: العازفين ومشاكلهم التي تتعلقل بي (العدادات) منذ الازل (Re: Azhari Nurelhuda)
|
ابو الزهور
ليك وحشه
انشاء الله طيب
الكلاام ده انا ما نسيتو لكن ممكن يتعاد تاني وتالت وعاشر كمان
لو تناقشنا فيهو بي جديه واصرار وانا واحد من الجماعه زي ما
قلت لكن وانا في السودان ما حصل اشتغلت خلف فنان لوحدي وانت اعلم بذلك
اما بخصوص خارج السودان كتير بنشتغل مع بعض انا والشباب ومرات بفرضوعليك
اصحاب المناسبه بانو عاوزين وارغن وبس وعشان ما نطلع من الموضوع عاوزين
نتكلم في انو العدادات ما بتكفي العمال المساكين ديل (في السودان طبعا)
تخريمه
جايك في البوست التاني اديني فرصه وحا ارجع ليك
لك كل الود والاحترام يا صديقي
احب التكنلوجيا زاتو ياخي
غاندي
| |
|
|
|
|
|
|
|
|
|
Re: العازفين ومشاكلهم التي تتعلقل بي (العدادات) منذ الازل (Re: ناذر محمد الخليفة)
|
نقول ليك شنو يا اخ ميسرة ، ما الحاجات دى هى المرقتنا من السودان
تلقى ليك فنان هلفوت راسه فاضى واقف قدامك يغنى ، وبعد ده كله الخيل تجقلب
والشكر لى حماد وبعد ده خامى الدجاج وبيضه غايتو فى الاول الناس تحاول محاربة
ظاهرة الاورغنات اللى وسخت أضان السودانى
لازم تكون فى اركسترات جادة وتقدم عمل جاد حتى تنمحى هذه الظاهرة من الوجود
ولك كل الود
| |
|
|
|
|
|
|
|
|
|
Re: العازفين ومشاكلهم التي تتعلقل بي (العدادات) منذ الازل (Re: ترهاقا)
|
الاخ ترهاقا
التحيه والتقدر لي شخصك الكريم
انت عارف من خبرتك في المجال ده انوالاضافات والرقيع المميز
في الماده قبل ان تصل المستمع عن طريق الازاعه او التلفيزيون ,
بتجي في شكل (عضم) زياده رتوش وتحليات من الاكورديون بتقير الشكل .
يبقي من باب التقدير ان يكون لي الكلام ده تمن , مش ملااليم او جنيهات
تقطي حق المواصلاات وعلبه سجاير فقط وده الوده المرحوم اميقو عليه الرحمه
القبر. والقائمه تحكي الحاصل اسماء لا تحصي من العازفين الممتازين انت عاصرتهم.
اما عن ظاهرت الاورغنات == كما زكرت لو الفنان تنازل عن جزء قليل من عدادو
الظاهره دي حتنتهي بنفس السرعه التي بدأت بها. يعني الكوره في رجل الفنان .
وبلمناسبه في مواضيع كتير ممكن تطرح هنا وهي لها علااقه بي الفن عامه والعازفين خاصه الفي السودان,
يبقي المسأله ما عايزه كاويات زي ما قال العمد حمد اسماعيل ولا حاجه, نناقش المشكله ونحاول نجد الحل لها.
ونبدأ في حل مشكله العداد؟؟؟؟؟؟ اولا والله يا ترهاقا انا مشيت السودان السنه الماضيه وشفت ما يضحك وما يبكي
في النادي وما تقدر تعمل اي حاجه غير انك تتحسر علي اوضاع عمالقه الفن في السودان .
عموما اخي اشكرك علي المرور وتابع معنا هذا البوست رأيك مهم لي الغايه........
كل الود والاحترام
غاندي
| |
|
|
|
|
|
|
|
|
|
Re: العازفين ومشاكلهم التي تتعلقل بي (العدادات) منذ الازل (Re: ميسرة غاندي)
|
مساء الخيرات
شايف انو التركيز على العداد وبتاعين الاورغ فيهو اغفال عن حقيقة مهمة
واسئلة كتيييره منها على سبيل المثال
لماذا يفضل صاحب الحفله الاورغ
اكيد السبب مادى بحت
ولماذا يفضل شباب اليوم الاغنية السهله التى لا تحتاج الى تعمق او فهم يعنى اغنيه زى فلم الكرتون من الاضان للتسليه مع اراحه العقل
ومن الذى ساهم فى هذا الهبوط
هل للحكومه دور
ام ان الدور الاكبر للاقتصاد
ما الذى فرض راجل المره على بنات خوا واعراسن
ليه الالات غاليه يا ربى عليها جمارك وليه عليها
ليه مر قرار منع الغنا فى الاعلام ساااكت
وهل كان له تاثير
ليه الشعرا الجادين والفنانين الجادين كلهم معارضه
وليه نحن خلينا العزف بعد مصطفى سيد احمد
وليه
وليه
وليه
| |
|
|
|
|
|
|
|
|
|
Re: العازفين ومشاكلهم التي تتعلقل بي (العدادات) منذ الازل (Re: osama dahab)
|
حبيبنا اسامه
مساك سعيد بي توقيت هنا
التركيز ما في الاورغن ولا عازف الاورغن , كتير من المجموعات كانت وما زالت تستعين بي الاورغن .
وما اظن صاحب المناسبه له ان يتدخل في كيفيه تشكيل المجموعه التي تصاحب الفنان وعشان ارطبات
الحابل بي النابل دي النتيجه , عموما نناقش المسائل واحده واحده واكيد في حل
اول مشكله هي العددددددددددددددددددددددددددددددددددددددددددددددددددددددددددددددددددداد
لك الود
غاندي
| |
|
|
|
|
|
|
|
|
|
Re: العازفين ومشاكلهم التي تتعلقل بي (العدادات) منذ الازل (Re: ميسرة غاندي)
|
الأخ ميسرة ..
والله فكرتك دي بس خطفتها من رأسي ..
إنت سحًار ولا شنو ؟؟؟
من مده وأنا تراودني فكرة البوست ده وبنفس الفكرة بالضبط ...
لكني كنت متردد إنو بوست زي ده عايز ناس عاشوا حياة الفنانين والعدادات والصبحيات والرحلات والحفلات جوة الخرطوم والعدادات السقرية ...ووووو
ياخي تسلم على الفكرة الرائعة دي ..
ومعاً لعودة الأمور إلى نصابها ..
والله أنا أيام قامت موجة الأورغنات والترزية الناس قاموا ليك فيني ياخي أكورديون شنو ياخي ..لكني كنت متمسك بالأكورديون وما أزال وكان رأيي إنو الأورغن ده مهما أوتي من إمكانيات فهو في النهاية إحساس عازف واحد ..!!
والزمن داك عداداتنا كانت في آخر وأفضل ما وصلت إليه 10 ألف جنيه ... وبتاع الأورغن كان بيطلع بي 100 - 150 الف جنيه ....!
وتلقاه من الميجريين ...!! وده مصطلح كنا بنطلقو على النوع البيركب ليك المركبات كلها major عشان كده قمنا سميناهم الميجريين ...! وتلقاه وليد كدي ماتشتريه بي 150 قرش ورأسو فاضي وبعد شهرين تلقاه راكب ليهو عربية ...!
أنا لحدي ما سافرت من السودان ما عملت لي عجلة لا من الغنا ولا من المحاماة ...!
لكن باقي ليك تاني فيه مستمع يستاهل أحسن من الجوطة دي ويستاهل يعملوا ليه بروفات ...!!!؟؟؟
| |
|
|
|
|
|
|
|
|
 Re: العازفين ومشاكلهم التي تتعلقل بي (العدادات) منذ الازل (Re: عثمان دغيس)
|
عثمان يا دغيس يا راقي
اصلو ناس الاكورديونات ديل دايما متأخرين ودي الجاب الهوء ليكم
عشان تأخيركم ده سمبكوكوم بي (الشوايه ) وشايفك بي هناك
تشيل وتصفق لي حبيبنا عمر انشاء الله يرسل ليك (شيك) عداد.
المهم يا صديقي والله سعيد جدا لي مداخلتك ومعا الصوت حا يعلو
عزيزي المشكله ما في ( القوشرن) ما متحيز او متعاطف عشان انا (اورغنابي).
لكن ما نمسك العصا من نصها لو الفنان بيربط الحفله بي المبالغ الكتيره دي
طيب ما الجماعه العمال ديل ارخيها ليهم حبه, وممكن الاورغن زاتو يكون من ضمن المجموعه
زمان وانا مع النورس كنا بنضرب مع الهادي حامد ومحمود وعمار والطيب مدثر, وزكرته الاسماء
دي عشان سبب وهو (الخيارات ) يعني ما كنا بنفتس لي عداد لو ما ابالغ كل يوم في عداد.
المجموعات ممكن ترجع والاورغن ممكن يكون شكل اضافي لي المجموعه ويرجع الحال كما كان
وانا ما عايز الناس تركز علي بتاع الاورغن وتنسي الفنان, لنه الفنان ده عامل اساسي في
حل الازمه والكلاام كتير في الموضوع ده (وما خفيه اعظم)
فيا صديقي تابع البوست ده معانا عاوزين نكون جادين في الموضوع ده بلمنطق
لك ودي يا حبوب
تخريمه
تحياتي لي كل الشباب بي هناك
غاندي
| |
|
|
|
|
|
|
|
|
|
Re: العازفين ومشاكلهم التي تتعلقل بي (العدادات) منذ الازل (Re: osama dahab)
|
يا شباب الموضوع هنا واضح:
الغنايين بشيلوا نص العداد ليه؟
بأمارة شنو.....؟
الحمد لله أهم ديك الشعراء حلوا مشكلتهم و سنوا قوانين تحميهم.....و قلعوا غناهم من الجماعة ديل على عينك يا تاجر ...و منعوهم من ترديده و الثراء غير العادل منه و سيتبعهم الملحنون قريبا...
و الحق و الباقي علينا نحن ديل في إقتفاء أثر الشعراء و سن قسمة عادلة في هذا الموضوع....
و سبحان الله ....و اللهم لا شماته .....شوف الحاصل ده كان السبب الأساسي فيه طمع الغنايين المامعقول و هي ذاته الحكاية دخلت عليهم دخلة كعبة.......
في الوقت الحاضر خليكم من بتاعين الأورغنات ديل و فكروا في حل و تنظيم لمسألة العازفين دي....
| |
|
|
|
|
|
|
|
|
|
Re: العازفين ومشاكلهم التي تتعلقل بي (العدادات) منذ الازل (Re: ناذر محمد الخليفة)
|
يا ناذر
صباح الخيرات
ظاهرة الاورغنات دي حا تروح في خبر كان .
المهم انو يكون حق العازف ماديا ومعنويا
محفووووووووووووووووووووووووووووووووظ
انت عارف انو الفنانين الكبار ما بيشتغلو
عدادات زي زمان عارف ليه (العداد عالي)
وتاني حاجه بيشتغلو حفله شباك واحده في الشهر عشان تقطي الفرق الحصل
وبي المناسبه بتاع (القوشرن ده) عدادو كلو ما بحصل 200 الف
والباقي بيمشي وين ؟ اكيد في جيب الفنان (ليهم حق في نفس السنه يكون عمل بيت عربيه وعرس 4 مرات كمان)
ودي الخطه المبرمجه اساسا .
يا.......................... هلو هلو انت معانا
لك الود
غاندي
| |
|
|
|
|
|
|
|
|
|
Re: العازفين ومشاكلهم التي تتعلقل بي (العدادات) منذ الازل (Re: ميسرة غاندي)
|
حبيبنا ميسرة
الموضوع جميل وشيق والكلام حولة كتير
لكن المهم فى الامر التردى الحاصل دا ما فى الغناء وبس فى كل شى.
والجشع والطمع طابع كتير من البنى ادميين
والفنان واحد من البنى الادمين ديل
بى حسابات الربح والخسارة تلقى الفنان عاوز يطلع بى اكبر مبلغ ممكن
من المناسبة لذلك ما شغال بى يقدم شنو ولا جودة العمل من عدمة
افضل يشوف ليهو ترزى رهيب يفصل بعد داك العداد زى ما داير
واذا بقى عاوز يحسن من مظهرة شوية يشوف بتاع كونقا ولا ساكس معاه
ويكون كدا فصل الكنجالات زى ما داير
وفى النهاية الضحية المستمع المغلوب على امرو لمن اصبحت العاده دى
شى عادى ومقبول عند كتير من الناس.
لاحظت حاجة لمن مشيت البلد فى صيف 2006 موسم اعراس
ما خليت حفلة ما مشيته , والحفلات كلها فنان وترزى
الفنان الوحيد الشفتو شغال بى اوركسترا عاصم البنا
يا اخوى الكاش بقلل النقاش والفنان عاوز عائد مغرى
بدل مجموعة من العازفين والحصيله عنده شوية جنيهات
وارجو من ذوى الاختصاص يفيدونا فى المشكلة دى
احمـد خضـر
| |
|
|
|
|
|
|
|
|
|
Re: العازفين ومشاكلهم التي تتعلقل بي (العدادات) منذ الازل (Re: ahmed khidir)
|
الحبيب ميسرة
شكرا على هذا البوست.
غايتو أنحنا في فرقةالشباب في الابيض حلينا مشكلة العداد دي على الطريقة " الإشتراكية" حلوة دي مش كدة؟
كنا بنضرب الحفلة وبعد داك بنتقاسم العداد بالتساوي يعني " القون" بياخد زيو زي اي واحد" ولذلك كان اهم ما يميز فرقتنا " هو الهارموني" في كل شيء.
ما عارف حسه العداد بقى كم؟.
وما عارف لسع روح الود الكانت سائدة بين العازفين لمن يقولوا ليك والله شغالين للعازف فلان " جميل بثينة" موجودة ولا ماتت مع اشياء جميلة من ذلك الزمن الجميل؟
لك من الود انغام من باخ.
| |
|
|
|
|
|
|
|
|
|
Re: العازفين ومشاكلهم التي تتعلقل بي (العدادات) منذ الازل (Re: الفاتح ميرغني)
|
اخونا ميسرة سلام واللة دة موضوع في غاية الاهمية
ونحنا المزيكاتية جبنة الهوا لي روحنة برانة حسة لو اي مزيكاتي
احترم فنة وتعامل كمعترف ومشي علي طريقتي ................
بتين ..وين ...الساعة كم ...وتدفعوا كم ...
ما حيكون في مشكلة وطول ما العازف بدخل
العلاقات الشخصية والصحوبية في شقلة حيجد
ما يستقلة بلا رحمة وبيقول المثل اسال مجرب ماتسال طبيب
وفكرة التراضي بين الطرفين والاتفاق دة في حد ذاااطوا ما بذعل
قون / والغريب مرات في لحظة دفع العدادا يظهر في الافق العديد من الاعزار
/ زي معليش يا جماعة الحفلة ما جابت قروش / وكل الافلام الهندي البالي بالك
وفي نفس الوقت لو نجحت الحفلة وجابت اكتر من حقها / يضربو الطناش /
وتسمع منهم يا سلام كانت حفلة جميلة ويضربوا الزوقان منتهي الاستقلال والانانية
كيف لهذة العازف ان يطور من ادواتة اذا لم نقدر وما يقدمة من فن بالمال لكي
يقدم احسن ماعندة وبطريقتهم هذة اصبح العازف قدلا يملك القدر في شراء اوتار لجيتارة
خليك من شراء كتب موسيقية او لدراسة موسيقية يسخرها في خدمة موضوع القون الفني ...........يلا سلام
| |
|
|
|
|
|
|
|
|
|
Re: العازفين ومشاكلهم التي تتعلقل بي (العدادات) منذ الازل (Re: الفاتح ميرغني)
|
الاخ الفاتح يا مرغني
صباحك زين
ياخي اشكرك علي المداخله وحقيقي زكرتني بي فرقه الشباب وانا بفتكر انو نموزج ناجح
عند ابن عمتي واسمه فيصل دبلوك كان عازف (كمنجه) والان خلص طب ومقيم في (ايرلانده)
عموما روح الود نسبيا اقل من ايام ازمن الجميل وليته يعود لينا
تخريمه
اسف لو رديت عليك متأخر
وارجو المواصله لي رفع البوست
خالص الود
| |
|
|
|
|
|
|
|
|
|
Re: العازفين ومشاكلهم التي تتعلقل بي (العدادات) منذ الازل (Re: ahmed khidir)
|
حبيبنا احمد
مساك سعيد
ما بيناتنا يا جيتاري يا خطير
لكن حقيقي المشكله ممكن تتحلي بي بساطه
يعني لو بتزكر يااحمد ايام النورس كنا في
عداد او نص عداد الناس بتشيل الشيله
الايام دي قال ليك في حامل اختام كمان (سمساري)
يا حليل السر وشو يطراة الله بلخير
كان ممشي نادي جنوب زي الترتيب
امشي نادي جنوب اليوم كشاتين وضمنا ما تديك الدرب
وده كلو من عدم العداد ( ياخي الحفله قالو بربطوها من بره بره)
مع خالص الموده
غاندي
| |
|
|
|
|
|
|
|
|
|
Re: العازفين ومشاكلهم التي تتعلقل بي (العدادات) منذ الازل (Re: ميسرة غاندي)
|
الأخ ميسرة ...
تحياتي ...
أخوك بِعِد من الشغلانية دي من زمن طويل .. والمشكلة زي ما كانت هي هي. الفرق الوحيد هو الرقم البتتكلم عنه (30 - 50 ألف) كنصيب العازف. ونحن خليناها كانت 150 - 200 جنيه، لكن أفتكر النسبة هي نفسها. في شئ تاني .... في السودان مافي منطقة بين الهاوي والمحترف، كلهم بيطلعوا حفلات وبياخدوا عدادات، وكمان بيشتغلوا مع بعض. أفتكر لو لقينا حل لمسألة تصنيف العازف (هاوي - محترف) ممكن نكون عملنا خطوة نحو إيجاد حل لمشاكلهم (العدادية).
أرقد عافية
| |
|
|
|
|
|
|
| |
ميسرة غاندي
Saber Abdelhadi
Azhari Nurelhuda
ناذر محمد الخليفة
ترهاقا
osama dahab
لؤى
ahmed khidir
الفاتح ميرغني
نادر السوداني
الفاتح يسن
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست