|
|
 قصيدة سفر ملحوق
|
ناصر الاحيمر
قصيدة
سفر ملحوق
مسافر وين تسيب وطنك
وتهجر كل حنين الشوق
تفتش في شنو المافي ,,,
تشوف في الصبح نسماتو
خريف يديك خيراتو
مسافر وين ماالسفر ملحوق
وطن مليان حلاواتو
صباح الخضرة تفتح ليك
شهية حب
تفارق كيف كنوز احب
وطن غنيان بطيباتو
اخافك بكرة تتحسر
تقول ياريت
لو عشت معاي اهلي مسراتو
وطن محتاج يزيد فرحو
وتزرع كل بذور الحب
يعبق بكرة فوح المسك
يعطر كل ساحاتو
مسافر وين مخلي الكل
جمال ارضك الواسعة
شرق توتيل جنوب رجاف
غرب مرة بخيراتو
جبال النوبة جنة خلد
جنوب فافاي نبات ساحر
حلوة مزاقا اكلاتو
شمالنا نخيل ونيل جاري
حدائقوا يانعة جناتو
مسافر وين شنو مافي
|
|
 
|
|
|
|
ناصر الاحيمر
khaleel
فيس بوك
تويتر
انستقرام
يوتيوب
بنتيريست