|
|
|
 Re: قرصنة برامج الكمبيوتر في أكبر منتدي (سوداني) س.أونلاين! (Re: خالد الطيب أحمد)
|
أما الجانب الأخلاقي فيجب علي الجميع
مراعاة ضمائرهم لحظة التفكير في القيام بمثل هذا العمل..
فأنت تسرق مجهود سنوات طويلة لأناس إجتهدوا..
وأنجزوا ..لكي ينفعوك بهذه البرامج..
راجع ضميرك قبل أن تشارك في هذه الجريمة..
هل تقبل أن يسرق الآخر مجهودك..بحثك.. أي شيء يخصك؟؟
هي تعود لأخلاقيات وضمير كل فرد..
والحديث هنا لا ينتهي
| |
 
|
|
|
|
|
|
|
 Re: قرصنة برامج الكمبيوتر في أكبر منتدي (سوداني) س.أونلاين! (Re: خالد الطيب أحمد)
|
Quote: خسارة مالية ضخمة تتعرض لها الشركات المنتجة لهذه البرامج
جراء عمل القراصنة..نتمني أن لا نكون من بينهم. |
انت الناطق الرسمي للشركات ديل ولا المحامي القانوني لهن
انت بتاجر في المنتجات دي ولا ما عندك شي في راسك تكتبوا
ما تخلي الناس تفيد بعضها البعض.
الظاهرة دي منتشرة في كل المواقع الأنترنيتية...ولا ديلك ماخدين أذن منك
قال توعية..............
حكمة اليوم
في عالم تعمل ضغط وسكري
| |
|
|
|
|
|
|
|
|
|
Re: قرصنة برامج الكمبيوتر في أكبر منتدي (سوداني) س.أونلاين! (Re: PLAYER)
|
الحكيم بلير..
سلامات..
Quote:
انت الناطق الرسمي للشركات ديل ولا المحامي القانوني لهن
انت بتاجر في المنتجات دي ولا ما عندك شي في راسك تكتبوا
|
لا ناطق رسمي ولا حاجة..
بس عاوز أقول إنو دي سرقة لحقوق ناس تعبت وساهرت علشان تنجز..
Quote: ما تخلي الناس تفيد بعضها البعض.
|
تفيد بعضها بسرقة حق الناس يا بلير..يا حكيم؟؟؟!!!
Quote: حكمة اليوم
في عالم تعمل ضغط وسكري |
كنت أتمني تكون إنت منتج البرامج دي!!
علشان تعرف الضغط والسكري لما تشوفها مسروقة ومعروضة
مجانا في سودانيز وغيرها!!
| |
|
|
|
|
|
|
|
|
|
Re: قرصنة برامج الكمبيوتر في أكبر منتدي (سوداني) س.أونلاين! (Re: خالد الطيب أحمد)
|
Quote: أما الجانب الأخلاقي فيجب علي الجميع
مراعاة ضمائرهم لحظة التفكير في القيام بمثل هذا العمل..
فأنت تسرق مجهود سنوات طويلة لأناس إجتهدوا..
وأنجزوا ..لكي ينفعوك بهذه البرامج..
راجع ضميرك قبل أن تشارك في هذه الجريمة..
هل تقبل أن يسرق الآخر مجهودك..بحثك.. أي شيء يخصك؟؟
هي تعود لأخلاقيات وضمير كل فرد..
والحديث هنا لا ينتهي |
كلام سليم تماما ولا غبار عليه
عيبه الوحيد - كالعادة - انو يفقد مصداقيته و قيمته لما تقراه مقرونا بنظرة على اليمين
تلقى الكاتب آخر من يحق له الحديث عن الضمير و المصداقية و اخلاقية السرقة من عدمها
نصيحة - و اكيد ح تديها البحر كالعادة
اكتب البوستات الأخلاقية دي و رسلها بالميل لواحد من كباتن السودان الجديد
خليه ينزلها باسمو و تعال اتداخل عادي و استلم الموضوع بعدين
عشان يجيب دخل وكدا
| |
|
|
|
|
|
|
|
|
 Re: قرصنة برامج الكمبيوتر في أكبر منتدي (سوداني) س.أونلاين! (Re: خالد الطيب أحمد)
|
خلدون
الوتر البتتكلم عنه دا انا ما بدقو ليك بدون مناسبة
لكن في الحتة البتستاهل
لما تجي تتكلم عن الأخلاق بدقو ليك و بعزف كمان
ما تبسط الموضوع وتقول شلت باسويرد عضو بدون اذنه
انت ما لقيتو واقع ولا عثرت عليه وبالصدفة وانت بتتصفح النت
يا اما هكرت إيميله او اطلعت على الباسويرد المستخدمه في الموقع الإنت آدمن عليه و تميت الباقي تباديل و احتمالات
يعني في الحالتين ارتكبت فعل غير اخلاقي متعمد بل و بعض القوانين بتجرمه لمجرد وقوعه بغض النظر عن الإرتكبتو به او الغرض منو
في كتير من المجالات لما يعلنوا عن وظيفة بذيلوها بعبارة على ان لا يكون قد ادين في جريمة تمس الشرف او الأخلاق - او بالمعنى دا
ليه لانو بتوقعوا من الحاصل على الوظيفة ان يعمل على حماية الشرف و الأخلاق و من باب فاقد الشيئ لا يعطيه برفضوا من تعدى عليهم ان يعمل على حمايتهم
فلما تجيني ياخلدون تتكلم عن طيارة ميج حبابك و حباب الونسة معاك
لكن تجي لابس عباءة الفضيلة و الضمير لا زم اعزف ليك على الوتر دا
| |
|
|
|
|
|
|
|
|
|
Re: قرصنة برامج الكمبيوتر في أكبر منتدي (سوداني) س.أونلاين! (Re: خالد الطيب أحمد)
|
Quote: من ويكيبيديا، الموسوعة الحرة
اذهب إلى: تصفح, ابحث
"وارز" (بالإنجليزية: Warez) وتعني برامج الحاسوب التي يقع توزيعها بطريقة غير شرعية وخاصة عن طريق الأنترنت وتحميل الوارِز يعتبر قرصنة وسرقة و محرم دولياً .
كلمة warez تحريف لكلمة wares وتعني فى الأصل برامج حاسوب والوارز لا يمثل البرامج فقط بل يعني أيضا الأفلام وألعاب الحاسوب إلى غير ذلك من البيانات التي يتم تحميلها ويرمز استبدال حرف الs بالz إلى أنها وارز ويتم التحميل عن طريق مواقع أكثرها في شكل منتديات بعد التسجيل بهذه المنتديات تقوم ببحث عن الوار الذي تريد تحميله فتحصل على روابط links تستطيع التحميل منها .
|
| |
|
|
|
|
|
|
|
|
|
Re: قرصنة برامج الكمبيوتر في أكبر منتدي (سوداني) س.أونلاين! (Re: خالد الطيب أحمد)
|
يجب أن يعرف الجميع أن سرقة حقوق الآخرين لا تختلف أيا كان نوعها ,
واستخدام البرامج المقرصنة والمنسوخة بدون إذن من أصحابها هو أخطر
أنواع السرقة اليوم في مجال الكمبيوتر والإنترنت.
فالكثيرون صاروا متخصصين في الكراكات والباتشات والكيجن لسرقة برامج
غيرهم بدون أي وازع أخلاقي أو ديني أو حتي إحساس بالذنب!!!
بتحميل هذه البرامج فأنت تساهم دون وعي أحيانا
بأن تكون جزء من هذه الشبكات الإجرامية..
| |
|
|
|
|
|
|
|
|
|
Re: قرصنة برامج الكمبيوتر في أكبر منتدي (سوداني) س.أونلاين! (Re: خالد الطيب أحمد)
|
السلام عليكم
الأخ خالد الطيب
سؤال
.........................
هل لو كان فاعل هذا الفعل
أي واحد غير فرانكلي ومعاوية حسين
مثلاً
تراجي مصطفى أو أي واحد من أصحابك بتوع السودان الجديد
كان سيكون هذا موقفك؟
.............................
الإجابة تتطلب الأمانة والضمير اللتان تدعو إليهما
..............................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: قرصنة برامج الكمبيوتر في أكبر منتدي (سوداني) س.أونلاين! (Re: الزوول)
|
الزووول..سلامات
وإنشاء الله تكون بخير..
Quote: هل لو كان فاعل هذا الفعل
أي واحد غير فرانكلي ومعاوية حسين
مثلاً
تراجي مصطفى أو أي واحد من أصحابك بتوع السودان الجديد
كان سيكون هذا موقفك؟
............................. |
والله يا الزووول وبكل أمانة (زي ما طلبت إنت)
موقفي كان حيكون أصعب من كده..
لأنو سبب وقوفنا وتواجدنا
خلف السودان الجديد لنفس الأسباب الفوق دي..
ونسمع منك كمان رأيك في الموضوع نفسه!
| |
|
|
|
|
|
|
|
|
|
Re: قرصنة برامج الكمبيوتر في أكبر منتدي (سوداني) س.أونلاين! (Re: خالد الطيب أحمد)
|
الأخ خالد
عاطر التحايا
القانون هو الحد الأدنى من الأخلاق ..
ولذلك فأن من يخالف القانون ، كأن يقرصن منتج موجود في الأسواق ، ويروج للقرصنة بأهداء الكود للناس هنا ويعتقد انه يفيد الإسلام والمسلمين ، فهو شخص غير أخلاقي ..
ولكن الأهم من ذلك هو ان التبعات القانونية لهذه القرصنة لن يتحملها ذلك الشخص خاصة وانه يتخفى وراء اسم حركي ، فتقع على صاحب الموقع ، الذي استغله ذلك الشخص الغير مسئول .. أرجو أن ينتبه الأخ بكري لذلك .. وأرجو من أعضاء المنتدى ان يحافظوا على منتداهم بأن يرفضوا ممارسة مثل هذه الأعمال الغير قانونية في منتداهم والا فإن السكوت على الجريمة هو تواطؤ مع مرتكبيها..
وللأخوة الذين يظنون انهم سيتفيدون من مثل هذه القرصنة أقول لهم ان هنالك بدائل كثيرة متوفرة و "حلال" مثل البرامج المجانية Freeware
عمر
| |
|
|
|
|
|
|
|
|
|
Re: قرصنة برامج الكمبيوتر في أكبر منتدي (سوداني) س.أونلاين! (Re: خالد الطيب أحمد)
|
يا الطيب
انت شايف تنزيل البرامج حرام ونوع من السرقة....ابتعد منها وريح نفسك.
المحيرني انك ماخد الموضوع شخصي جدآ مع انو ما تفرق معاك لو الناس نزلت البرامج ملح ولا بقروش....اما مسالة الضمير فخلي الناس تحاسب نفسها او يحاسبهم ربهم....او القانون.
الزول
حسي الدخل سودان جديد ولا قديم شنو في الموضوع...اي موضوع لازم تلبسوا بجلابية العنصرية وتلفوا ليهوا عمة السياسة عشان يبقي مشكلة بين الهامشون والمهوشين.
الموضوع تنزيل برامج ملح وبلوشي ...ياني زي ما في البصات واحد يقطع تذكرة ويوريها للكمساري بعد داك يمدها لفردتوا ورا ...وداك يمدها للوراه ..ياني حلة كامل يركبوا بحق نفر.
الراجل ما قصد شمالين ولا جنوبين..اهل دارفور ولا أهل العوض ...كيزان موية ولا كبابي شاي...
عليك الله روق المنقة
حكمة اليوم
ياربي السودانين مالوم بقوا كدا?
| |
|
|
|
|
|
|
|
|
|
Re: قرصنة برامج الكمبيوتر في أكبر منتدي (سوداني) س.أونلاين! (Re: PLAYER)
|
السلام عليكم
الأخ عادل بلير
تحياتي
في حساباتي أسؤ الأخلاق هو الضمير المطاطي
أو المقاييس الأخلاقية المفصلة حسب المعرفة الشخصية والنفعية
ولأني كنت أشك حقيقة إن أثارة الموضوع كانت بسبب الكيد لفرانكلي ومعاوية حسين
لذا كان سؤالي لأستبعد هذا الشك وحتى أتأكد أن ليس للموضوع صلة بمكايدات شخصية تجاه فرانكلي ومعاوية حسين
.....................
وبما إن صاحب البوست نفى ذلك فسنرجع للموضوع الأصلي
وسؤال آخر أو هي حالة حقيقية أعرف العشرات مثلها
واحد من المهمشين (الجد جد) شغال في الخرطوم في مصنع أو في مصلحة
عندو أولاد وأسرة وساكن في بيت أيجار
ويكابس فيها من هنا لهنا
ويلتّق فيها بي هنا تنقد بي هنا عشان تكمل معاه آخر الشهر
أولادو كبروا وبقوا محتاجين كمبيوتر تمنو مليون جنيه
اشتراهو ليهم بالتقسيط الممل
الكمبيوتر محمل اولريدي بالويندوز والأوفيس
يعني في رأيك يا خالد يا خوي
امشي أقول ليهم
برامجكم دي منزوعة الملكية وغير شرعية
وكده بتسببوا بخسائر للمساكين ناس مايكروسوفت ديل
وحا تفلسوا بيهم يا جماعة
يقوموا يحسوا بالذنب ويندموا ويبكوا عديل
عشان ناس بيل جيتس المساكين ديل الحا يفلسوا
ويقولوا لي
أها يا الزوول
خلاص مسحناها ...
أها .... نسوي شنو ؟
أقوم اقوليهم
أيوه كده .... برافو عليكم
اها ..تقوموا بعد كده تشتروا نسخة أصلية من الويندوز ب 600 ألف جنيه سوداني
وكمان معاها اوفيس ب مليون و200 ألف جتيه سوداني
وكده تكونوا في السليم
وناس عمك بيل ديل ما حا يفلسوا...
وعمكم خالد برضوا حا ينبسط منكم
وكمان أنصار المهمشين برضو حا يتكيفوا منكم
مش كده...؟
.....................
حكمة اليوم:
..............................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
| |
PLAYER
محمد البشرى الخضر
الزوول
Omer Abdalla
عبد العظيم احمد
فيس بوك
تويتر
انستقرام
يوتيوب
بنتيريست