|
|
 بلاغ مفتوح باْسم الشعب السوداني...............
|
بلاغ مفتوح باْسم الشعب السوداني
ايهاب اسماعيل
دوافع كثيره تجعل المرء يشعر بالاسي والحزن تقف غصه في الحلق يصعب وصفها علي الاطلاق تكرس للفساد الاداري والمنهجي الذي ظل يكبل مفاصل احهزه ومؤسسات الدوله حتي صار في اطار الاعتيادي والماْلوف عند الكثيرين الامر الذي اظهر نهج جديد وممارسات دخيله يتصرف بادواتها لوبي من النافذين في الاحهزه التنفيذيه في الدوله بلا رقيب او محاسبه كانما السودان اقطاعيه بالوراثه عند هؤلاء والوزاره مصيده لنهب اموال الدوله بالمؤامرات والرشاوي والصفقات القذره والمال الحرام بمسميات من شاكله مناديب ووفود وممثلين للسودان في المؤتمرات الدوليه طالما المنفعه مشتركه واللعبه منطمه بعنايه ترضي جشع وحوش المال العام بالتراضي كانت او بالتهديد والوعيد
هنا في جنيف ما يحدث لاسيما في اجتماعات الامم المتحده الدوريه يصعب تصديقه و تصوره ما لما تراه امامك بالعين المحرده وما تشهده جنيف من تدفق هائل لسودانين من جهات مختلفه في مهام رسميه متعلقه بالشاْن السوداني مع المجتمع الدولي في مجالات حقوق الانسان والامم المتحده او انضمام السودان لاحدي المنظمات الدوليه تخيل معي عزيزي القاريْ مايحدث باسم السودان واموال الشعب السوداني كيف توظف ويعبث بها من شاءت له الااقدار ان يتصرف فيها بلامسئوليه او وزارع ضمير و الشعب مغلوب علي امره ومغيب ومحروم من ابسط مقومات الحياه واخرون بتدللون بها في المدن الفخيمه والفنادق ذات النجوم الخمس فهنينا لك ايها الشعب الكريم الجوع والفقر والمسغبه مادامت عبارات البراحوازيه من شاكله لابد من موت البعض من اجل حياه الاخر برفاهيه مازالت تمارس الطحن اليوماتي وصبر يقطع الافئده المتهالكه بالامال السراب هذه الممارسات لابد ان تفتح باب للاسئله والمواحهه والمحاسبه لماذا يدفع الشعب السوداني لاعداد كبيره من الوفود التي تاتي باستمرار الي جنيف بلاجدوي او منفعه للوطن اغلبهم من غير ذوي الاختصاص هدفهم الاول زياره سويسرا والحصول علي الامتيازات الدولاريه والتسيب من الجلسات الهامه باعذار واهيه للتسوق والراحه والاستجمام او بحجه ماذا استطيع ان اقعل او اغير وتاره بعدم فهم اللغه هذا ما يميز الكثير ممن يمثلوا السودان في اخطر قضاياه وملفاته ذات الحساسيه المفرطه صحيح هنالك مسئولين وكفاءات تشارك بمسئوليه واقتدار وحس وطني رفيع في ظل الفوضي والمحسوبيه لنماذج ضعيفه بكل المقايس تجهل مداخل العمل الدبلوماسي والحوار مع المجتمع الدولي وللانصاف احلك الظروف التي واجهت السودان دوليا وما متوقع ان يصدر منه عقوبات قاسيه كانت برعايه بعثه السودان بالامم المتحده بقياده سفيرها المتمرس ابراهيم ميرغني رغم التحفظ علي اشياء كثيره لكنها تولت الدفاع عن السودان افضل من غيرها في الوقت الدي يشوه فيه البعض سمعته بالسرقه والتزوير وما يحدث في جنيف قد يكون مشابه له في نيويورك لا تندهش او تصاب بالصدمه وتتحسر الف مره علي حال السودان و مسئول رفيع سابق يتقلد ملف هام معني بانضمام السودان الي احدي المنظمات العالميه يعبث به في بارات جنيف برعايه السائق
البنغلاديشي ومن حر مال الشعب السوداني وهل هناك اخطر من ذلك ما هكذا ينصلح السودان بامثال هؤلاء مطلوب شخصيات اعتباريه شفافه وكفاءات نزيهه تدافع عن السودان حتي لاتصبح ملطشه عند المجتمع الدولي
اصبح الفساد ينهش كالسرطان في جسم الدوله وغابت الشفافيه و الرقابه والمسئوليه حتي ديوان المراجع العام ما عاد قادر علي حمايه مال الدوله من ايدي اللصوص
قديما ادخلت الحركه الاسلاميه نموذج رائع لابراء الذمه لاعضائها من الحركه لمراقبه اي شكل مفاجيء من اشكال الثراء الحرام يمكن السيطره من تمدده و لكن المراقب الان يلحظ الشكل الخفي والمعلن للفساد باشكاله المختلفه في يوم الناس هذا وركب العالم ينطلق ونحن مازلنا نتحدث عن الفساد الاخلاقي والمنهجي والعقليه المختله بميزان الاخلاص والنجاح والمسئوليه تجاه الوطن بعد ان تقسمت المؤمرات والغنائم علي حساب معاناه الشعب والمسحوقين وظلننا نحتل سنويا موخره المراكز عالميا علي حسب تقارير منظمه الشفافيه العالميه بالرغم من شهادتها المجروحه الا انه هناك ثقوب تتسع باستمرار وايدي تمتد الي مال الشعب في عز النهار لايتجراْ احد بسؤالها وتظل محميه بالحصانه ودلال المكانه وعندما يسرق الصعيف تجدهم اقاموا عليه الحد
لابد من بلاغ عاجل لوزراء الخارجيه ..الماليه...العدل ومجلس الوزراء بوقف هذه الفوضي فورا والتعامل الصارم مع اشكال الفساد المتفشيه في الدوائر الحكوميه لتنميه موارد الدوله وضبط الصرف الحكومي البذخي وحسنا فعلت الحكومه وهي تعترف بمثل هذه التجاوزات التي لاتحتاج الي مؤتمرات وقرارات بقدر حوجتها الي يد من حديد تدك بها معاقل الفساد والمفسدين
|
|
 
|
|
|
|
|
|
|
|
Re: بلاغ مفتوح باْسم الشعب السوداني............... (Re: ايهاب اسماعيل)
|
| Quote: قديما ادخلت الحركه الاسلاميه نموذج رائع لابراء الذمه لاعضائها من الحركه لمراقبه اي شكل مفاجيء من اشكال الثراء الحرام يمكن السيطره من تمدده |
متى كان هذا؟ الحركة التي تسميها إسلامية هي التي قننت للفساد و أصبح حلالا على أبنائها فركبوا فاره السيارات و سكنوا القصور و تركوا الشعب يتضور جوعا.
الكلام دا قولو لزول ما عندو حديدة و ما عاش في ظل حكم الترابي البشير.
| |
|
|
|
|
|
|
|
|
|
Re: بلاغ مفتوح باْسم الشعب السوداني............... (Re: هشام مدنى)
|
الاخ هشام مدني ....اتمني اكون كتبتها صاح المره دي
خظا بسيط غير مقصود في حرف واحد يعمل فيك كده... ولايهمك يا راجل لك العتبي
Quote:
ايهاب الزم حدودك
وانا ما بهمنى اى زول لا فى جنيف ولا سويسرا ولا العالم ده كله
وده كلامى الاخير
جيت البلد دى بى حر مالى ومن عرق جبينى
وما عايز ازيد
اتكلم على قدرك
فتك بعافيه |
| |
|
|
|
|
|
|
|
|
|
Re: بلاغ مفتوح باْسم الشعب السوداني............... (Re: ايهاب اسماعيل)
|
شكرا لك من يحرص علي حمايه المال العام من لديهم الغيره علي الوطن واليكم احدي الردود
الاخ ايهاب
اود في البدء ان اشكرك الشكر الجزيل علي بلاغك الذي ناديت من قبل بفتحه باسم الشعب السوداني ضد المفوضيه الساميه لانضمام السودان لمنظمة........ العالميه ولعل البعض توقع ان تنقطع رحلات المفوضيه الصيفيه السنويه الي جنيف بعد قراءة المقال ولكن المال السايب يعلم السرقه
نما الي علمنا ان السيد المفاوض القومي واركان حربه في طريقهم الي قضاء العطله الصيفيه بجنيف هروبا من حر السودان القائظ وحتي يكون ذلك علي حساب اموال الشعب السوداني اخترعت المفوضيه مايسمي بالمفاوضات الثنائيه مع بعض الدوال الاعضاء في منظمة .....ولعله لايفوت علي فطنة الرجل السوداني العادي
الذي لم يقرا عن الدبلوماسيه ولم يمارسها ان المفاوضات الثنائيه تتم في عواصم الدول نفسها فمن اراد ان يتفاوض مع الهند يذهب الي نيودلهي ولاياتي الي جنيف ولكن مصالح الذين يعلمون في المفوضيه تجعل جنيف قبلتهم التي يصلون عليها.
لقد تكررت زيارات المفوضيه الي جنيف بغرض اجراء بعض المفاوضات مع سفارات بعض الدول وفي كل مره توافق تلك السفارات من باب المجانله الدبلوماسيه وعلي مضض علي مقابلة وفدنا الهمام ولكن ترسل اصغر دبلوماسييها لمقابله وفدنا السامي وبعد ذلك تخبرهم بانها ستقوم بنقل ذلك الي العاصمه ومن ثم افادة السودان
ان كل مايقوم به وفد المفوضيه من تفاوض مع السفارات لتسهيل عملية انضمام السودان للمنظمه يمكن ان تقوم به سفارة السودان في جنيف فاذا كانت سفارتنا لاتعلم ذلك فهذه مصيبه وان كانت تعلم فالمصيبه اعظم
والادهي والامر من ذلك كله سفير الخارجيه والعقل المفكر والمدبر للمفوضيه السفير...... الذي نقله المفاوض القومي من ليبيا الي جنيف ليتولي ملف منظمة التجاره وبعد انتهاء فترته في جنيف اصبح مديرا لمكتب المفاوض القومي في السودان هذا..... رغم انه يوفر الشرعيه الدبلوماسيه للمفوضيه الا انه في مجالسه الخاصه لايكف عن شتم المفوضيه والمفوض القومي فهل ذلك محاوله للتنصل من المسئوليه والظهور بمظهر يبرئه من اعمال المفوضيه وخمجها ام انها محاوله للتضليل يلعبها السفير لحساب ولي نعمته المفاوض القومي
ولنا عودة بعد انتهاء العطله الصيفيه للمفوضيه وقال مفاوضات ثنائيه قال
س... الخرطوم
| |
|
|
|
|
|
|
|
|
|
Re: بلاغ مفتوح باْسم الشعب السوداني............... (Re: ايهاب اسماعيل)
|
ورد اخر مليْ بالاخطاء الاملائيه والشتائم ننشره كماهو عملا بحريه النشر يبدو ان صاحبه غاضب علي الحقيقه المره
البعد التاكد التام من الكتابات الغعير صحيحة وعارية من اى اسباتات ولا تعبر الا عن شخصية مريضة ظلت تايه لفترة من الزمن فى بلاد المهجر دون اى هدف واضح تسعى اليه كل ذلك ولد حقد كبير فى داخلك لتتهم ابنء الوطن المخلصين تحددين الذين يعملون فى السفارة السودانية بالقصور مع علمنا التام بشحصك الضعيف
ولنا المزيد ان عتم
عبد القادر ابراهيم
| |
|
|
|
|
|
|
|
|
|
Re: بلاغ مفتوح باْسم الشعب السوداني............... (Re: هشام مدنى)
|
الاخ هشام مدني مره تانيه
Quote: لا تتحدث عن بطولات ..كفا الى هنا ودعك من نصح الشعب السودانى الذى تذوق الامرين منكم
كفاية ...................كفاية |
لا خير فينا ان لم نقلها ولا خير فيكم ان لم تسمعوها
تعرف يا هشام في ناس في الدنيا دي حاسدين وحاقدين واولاد ستين كلب فاضين لاصحاب البطولات والتميز وفي ناس متملقين ومنافقين اشبه بالحشرات الصغيره تهتف للباشا الكبير حتي لو كان علي خطا ْاها زي ديل يعملوا معاهم شنو.
يديك العافيه
| |
|
|
|
|
|
|
|
|
|
Re: بلاغ مفتوح باْسم الشعب السوداني............... (Re: ايهاب اسماعيل)
|
Quote: لا خير فينا ان لم نقلها ولا خير فيكم ان لم تسمعوها
تعرف يا هشام في ناس في الدنيا دي حاسدين وحاقدين واولاد ستين كلب فاضين لاصحاب البطولات والتميز وفي ناس متملقين ومنافقين اشبه بالحشرات الصغيره تهتف للباشا الكبير حتي لو كان علي خطا ْاها زي ديل يعملوا معاهم شنو.
يديك العافيه |
لا تحاول الخروج من موضوع البوست ولا تجبرنى الدخول فى دروب لا تسيطيع السير فيها ....................الخ...
خلينا فى موضوع البوست وسيبك من التهاتر.....
| Quote: بلاغ مفتوح باْسم الشعب السوداني............... |
اين كنت من زمان ؟
هل الفساد ونهب المال عام بداء الان ؟؟
انت مطالب بالاعتذار اولا لزملاء مهنة اتهمتهم فى مقال سابق .....
الطريق طويل ونحن مازلنا فى البداية
مع تحياتى
| |
|
|
|
|
|
|
|
|
|
Re: بلاغ مفتوح باْسم الشعب السوداني............... (Re: ايهاب اسماعيل)
|
يا إيهاب ياخوي اتهامات شنو الجزافا دي؟ طيب هسع إنت اتهاماتك دي ما لها ما جزافا؟ ما الحكاية معروفة جو كلهم سنة 1989 قلبوها و شردوا و عذبوا و قتلوا و أفسدوا في الأرض أيما إفساد واختلفوا سنة 1999 و بعداك الترابي و مجموعته عملوا فيها صحابة. و خلافهم دا ما كان عشان حقوق شعب ولا حريات... كان صراع سلطة. قلت لي اتهامات جزافا؟ أمشي بس راجع تقارير المراجع العام... أمشي شوف العمارات القامت... أمشي شوف وين مشت قروش `كنانة و الرهد و دمغة الجريح و طريق الإنقاذ الغربي و غيرها... أمشي قول كلامك دا لأبو ولده انتحر عشان هو ما قادر يوفر ليهو مصاريف المدرسة... أمشي قولوا للأسر البقت تاكل وجبة واحدة... ياخي صراعكم دا ما عندنا شغلة بيهو... هلكتونا... اتصارعوا بعيد مننا و تمثيلية إنكم حريصين على حريات ولا أموال شعب دي ألعبوا غيرها.
بالمناسبة لا شيئ شخصي هنا و أنا لا أعنيك كإيهاب إسماعيل و لكن أخاطب فيك العقلية البتتكلم بيها.
| |
|
|
|
|
|
|
|
|
|
Re: بلاغ مفتوح باْسم الشعب السوداني............... (Re: هشام مدنى)
|
Quote:
اين كنت من زمان ؟
هل الفساد ونهب المال عام بداء الان ؟؟
|
كانت الثقه عمياء وممتده ولم يكن هناك فساد يذكر ولم نكن نعرف بان السلطه المطلقه تفسد كما نراه الان بعد ان طفح الكيل Quote:
انت مطالب بالاعتذار اولا لزملاء مهنة اتهمتهم فى مقال سابق .....
|
اعتذار شنو انا اعرف عن ماذا اتحدث ومن اعني ولا اتهم احد ما لم املك ادوات الاتهام وهم يعرفون انفسهم جيدا عندما يحاولوا خداع الناس بالاكادبيب والضلالات لخلق معجزه وهميه وبطل فاسد
وقع ليك
| |
|
|
|
|
|
|
|
|
|
Re: بلاغ مفتوح باْسم الشعب السوداني............... (Re: ايهاب اسماعيل)
|
نرحب بالساده الاكارم اعضاء الوفد الميمون ونتمي لكم اقامه طيبه في جنيف رغم انف الشعب السوداني ورغم فشلكم الفاضح في انضمام السودان للمنظمه العالميه طوال هذه السنين واصراركم علي عدم الاعتراف بالفشل الذي ظل يلازم الملف طوال هذه الفتره.وتبربراتكم بعدد من الاتفاقيات مع دول ليس لديها اي وزن او تاْثير يساهم في عمليه الانضمام.
اتابع منذ سنين طويله تفاصيل هذا الملف وكتبنا كثيرا وبشرنا بانضمام السودان قريبا حتي الان لم نري تقدم ملحوظ ويبدو ان الملف مرتبط بتحسن الاوضاع في السودان.
وفي حديث مع احد المسئولين عن الملف بجنيف قبل اسابيع قليله اكد بان عمليه الانضمام مازال ينتظرها الكثير
| |
|
|
|
|
|
|
|
|
|
Re: بلاغ مفتوح باْسم الشعب السوداني............... (Re: ايهاب اسماعيل)
|
للتوثيق ومزيد من الاطلاع
Quote: نرحب بالساده الاكارم اعضاء الوفد الميمون ونتمي لكم اقامه طيبه في جنيف رغم انف الشعب السوداني ورغم فشلكم الفاضح في انضمام السودان للمنظمه العالميه طوال هذه السنين واصراركم علي عدم الاعتراف بالفشل الذي ظل يلازم الملف طوال هذه الفتره.وتبربراتكم بعدد من الاتفاقيات مع دول ليس لديها اي وزن او تاْثير يساهم في عمليه الانضمام.
اتابع منذ سنين طويله تفاصيل هذا الملف وكتبنا كثيرا وبشرنا بانضمام السودان قريبا حتي الان لم نري تقدم ملحوظ ويبدو ان الملف مرتبط بتحسن الاوضاع في السودان.
وفي حديث مع احد المسئولين عن الملف بجنيف قبل اسابيع قليله اكد بان عمليه الانضمام مازال ينتظرها الكثير |
| |
|
|
|
|
|
|
|
|
|
Re: بلاغ مفتوح باْسم الشعب السوداني............... (Re: ايهاب اسماعيل)
|
| Quote: كانت الثقه عمياء وممتده ولم يكن هناك فساد يذكر ولم نكن نعرف بان السلطه المطلقه تفسد كما نراه الان بعد ان طفح الكيل |
كنت تعرف الكثير لكن مصلحتك الشخصية هـــى الذى منعتك وجفا قلمك يا أستاذ/ وين الأمانة الصحفية وين الشعب البتتكلم عنه ده ما كنت يوميا بتشوف كل شى ولم يتحرك قلمك...
انت كنت احدهم واليوم تتحدث عن الحقوق والبلد.....
قال البلد قال
| Quote: اعتذار شنو انا اعرف عن ماذا اتحدث ومن اعني ولا اتهم احد ما لم املك ادوات الاتهام وهم يعرفون انفسهم جيدا عندما يحاولوا خداع الناس بالاكادبيب والضلالات لخلق معجزه وهميه وبطل فاسد |
انت اتهمهت زملاء اعرفهم حق المعرفة واتهامك لهم غير صحيح ....
واطالبك بالاعتذر لهم وكل منهم بالأسم هنا فى المنبر العام وهذا ليس تهديد ويكون فى علمك شخصي لا يعرف التهديد كلامى واضح وصريح وبتعرف القانون هنا تماما
ما وقع لى والله كلامى واضح واسئلتى اوضح من الشمس
| |
|
|
|
|
|
|
| |
ايهاب اسماعيل
Elawad
فيس بوك
تويتر
انستقرام
يوتيوب
بنتيريست