تيس غنم الزرايب البِسوّن شخ - دة بيت شعر لزوم المفخرة و كِدة ما تزعل كويس
من الله زرعنا في المنبر دة ، و بكري أبوبكر فكّة لينا الباسوورد و بدينا نشخبِت و نتعلم الكتابة و نطير لا فوق و نطير و ندُق ، ما حصل فتحنا مدفع في وش زول بدون سبب و بما إني أنا المدعو علاء الدين يوسف علي محمد بكامل وعي و أهليتي المعتبرة شرعاً قبلني صاحب المنبر لأكتب و بما أنني قرأت شروط و أحكام هذا المنبر و قبلتها و طوّعت قلمي ليكون منصاعاً لها وبما أنني لم أخالف أياً من بنود و شروط و أحكام الإتفاقية ما بيني و سودانيز أونلاين فيما يخص ما أنزله من مواد و مواضيع و بما أنني قد قمت بإنزال موضوع عن صديقي و حبيبي علاء تمبس و قد تكون له مدلولات بيني و بينه يعرفها و أعرفها و لا تسيء للآخرين و تنتقص من حقوقهم شيئا و بما أنك قد تطفّلت في هذا الموضوع حاشاً أنفك فيما لا يعنيك و كتبت لي متهكِّماً ساخراً مستصغِراً فعليه لزِم الرد و بالمثل و هذا شرع لا غبار عليه و لا غضاضة فيه:
فقد كتبت أنا لصديقي تِمبس:
Quote: لو كروت بي كم كرِت ولو حبوب ، نفس روشتة خليل؟ ولا واحدة تانية؟لو غيرتها من البروفايل برفعة تاااااني أنا حِفظتها
إلا تجي تقول لي الرحمة يا علاء الدين
و جئت أنت و كتبت :
Quote: الأخ علاء الدين يوسف علي محمد
سلامات ..
بالله ما تزعل من سؤالي ده ياخ ، لكن نحن إستفدنا شنو من البوست بتاعك ده؟؟ الصورة لو عاجباك ، ما ياهو ده تمبس معلقها ليكم في الصالون ، يعني ما في داعي تحفظها ، ممكن تطلبها منو ويرسلها ليك موقّعة ، ومختومة كمان.. الا غايتو كان إنت وتمبس ده فِرد .. في الحالة دي الهزار مقبول (لو شغلك ده هزار) بس ما هنا..
أنا متأكد أن تمبس دا جا ماشي في بوستيك ده بي نمرة خمسة ، وأداك عجاجو ..
ما تزعل ، كويس ؟..
فقمت أنا زِعلت لأنو شكل ردك كان تهكُّم واضح وليس إرشاد و بما أنه لا علاقة سابقة بيني و بينك و لم يكن هنالك أي تداخل من قبل بيننا ، فسأحاول أن أبلعها و أعتقد أن ما كتبته من باب النصيحة المُرّة و سأرد الجميل منك بمثله إليك . فقمت بالبحث عن مواضيع كتبتها أنت لأسديك النصح بذات الطريقة فلم أجد سوي هذا الموضوع و الذي كتبته في الربع الثاني من العام 2007 و من الزمن داك لحدي هسي لقيت شغلك كلو نصايح و إرشاد فكان لابد من أن نرد إليك الفضل و قد كتبت في ذاك الموضوع:
أول ( خميس ) أرجع فيه مبكراً الى المنزل .. فتحت ( أم لمي ) النيل الأزرق ، نجوم الغد ، وأظنها ( معادة ) .. متابعة عادية جداً.. وقبل أن نختم أقدم شاب أرجو أن يكون خير ختام لهذا الحلقة ( أو كما قال بابكر صديق ) وهو الفنان الشاب فضل أيوب فضل .. لم يثير فيني الاسم شيئاً ، لغرابته ( يمكن ) .. أو أنه ( ما اسم فنان ) .. سأغني أغنية ما لي غيرك حياة ، الكلمات لمحمد عوض الكريم القرشي والالحان للأستاذ حسن عطية .. تضايقت ( كالعادة ) .. جني وجن ( بشتنة ) الغناء .. ولد فارة صغيروني ، عايز يغني الغنية دي ؟؟ نحن ناقصين بشتنة يعني؟؟ وشغلت نفسي بمداعبة صغيرتي ( لمى ) حتى لا أصاب بالاحباط ، خاصة في نهاية الاسبوع ، لأن الاحساس ( البايخ ) هذا سيلازمني حتى مغرب يوم الجمعة .. بدأ الغناء ، وتسمرت للحظة ، وأفلت ( البنية ) ووقفن (إضنيني) وتسمرت عيوني على الشاشة .. أسمع وأنا بين مصدق ومكذب .. بدأت شحنة الطرب التي تنقلني من عالم الى آخر ، والقشعريرة ( وشعرة الجلد كلّبت).. منذ زمن طويل أحلم أن تنتابني هذه الحالة يوماً .. ما هذا الطرب ؟؟ من أين أتى هذا الصوت؟؟ يشهد الله أن ( العبرة خنقتني ) وأنا أستمع لهذا المدعو فضل .. لأنني فعلاً فقدت الأمل في أن أسمتع يوماً لمثل هذا الصوت ( الجديد ) البديع .. هذا الشاب أعاد لي الأمل ، بعد أن أوشكت أن أترحم على ( الغناء ) .. صوت يتغلغلك ( غصباً عنك ) .. ويثير فيك ما يثير من شجن ، وفرح ، وطرب أصيل .. صوت ( مكتمل ) مساحة مهولة ، حتى تكاد لا تستطيع تحديدها.. يطلع بيك فوق ، ويجيبك ( الدلجة ) .. وقبل ما تتنفض ، تلقاه ( دردقك ) مرة أخرى .. ألو ... عماد ألحق حوّل على النيل الازرق سريع .. وأسمع واتمحن .. وقبل أن أفيق من ( نشوة ) الغنية الأولى .. قتلني بأسمر يا أسمر يا جميل .. الله يحفظك يا فضل ويخليك ، ويكتر من الزيك .. فما أحوجنا لمثل صوتك هذا .. الآن فقط تيقنت أن بذرة ، أبوداؤود وعثمان حسين ، والعاقب ، وحسن عطية ، وصلاح محمد عيسى ، وسيد خليفة ، والتاج مصطفى ، ورمضان حسن ، وعبدالدافع عثمان ، والكاشف ، وحسن ضرار ، وخضر بشير ، وابراهيم عوض ، والقرشي ، وعبدالرحمن الريح ، وعبدالمنعم عبدالحي ، وحسين بازرعة .... ووووو .. ما زال يحتضنها رحم أرض بلادي .. وستنبت يوماً وتطرح طرباً ، وفرحاً ، وأملاً ، ونشوة ، وغناء أصيلاً .. وحاجات كتيرة .. أدعوكم للاستماع لهذا الشاب..
ويا تمبس عليك الله ، انت وباقي الناس الحلوين العندهم حاجة للزول ده ينزلوها لينا هنا ..
- - - - - عدلنا(شيئاً) ..
طيب نبدأ النصح و الإرشاد:
Quote: أول ( خميس ) أرجع فيه مبكراً الى المنزل ..
أها و نحن نستفيد شنو من رجعتك للبيت بدري ... و أساساً نحن مالنا و مالك كان الخميس بتزوغ من البيت أو ما بتزوغ ما إنت زول حسب بروفايلك بي شنبك يعني كبيييييييييرو ختييييييييير تتأخر برة ما بتجيك عوجة تجي البيت ما شغلنا
هسي الخلاصة شنو؟
Quote: فتحت ( أم لمي ) النيل الأزرق ، نجوم الغد ، وأظنها ( معادة ) ..
هسي أم لمي دي بتكون جات قرت كلامك دة ؟ أكيد ما شافت منو حرف
و نحن نستفيد شنو هسي من فتحت أم لمي للتلفزيون أو قفلتة؟
Quote: من أين أتى هذا الصوت؟؟
إنت مش قلت أم لمي فتحت التلفزيون
يعني الصوت حيكون جاي من وين بس
Quote: يشهد الله أن ( العبرة خنقتني ) وأنا أستمع لهذا المدعو فضل .. لأنني فعلاً فقدت الأمل في أن أسمتع يوماً لمثل هذا الصوت ( الجديد ) البديع .. هذا الشاب أعاد لي الأمل ، بعد أن أوشكت أن أترحم على ( الغناء ) .. صوت يتغلغلك ( غصباً عنك ) .. ويثير فيك ما يثير من شجن ، وفرح ، وطرب أصيل .. صوت ( مكتمل ) مساحة مهولة ، حتى تكاد لا تستطيع تحديدها.. يطلع بيك فوق ، ويجيبك ( الدلجة ) ..
يا علاء الدين يوسف و الله كتلتني من الضحك ........ لكن النصيحة انت تقلت على اب شنب شويتين و الراجل في النهاية قال ليك ما تزعل يعني في حسن نية غايتووووو اتسديت بالزيادة جنس حمااااضة النمشي قبال ما تقبل علينا ...................
05-24-2008, 08:09 PM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
أهة ردّك هسي مقبول شديد لأنو مافيهو أي سخافة مبطّنة وواضح كلامك و معناك
لكن صحبك أب شنب عايز يعمل فيها بارِم ديلو معاي و نِظام بيتشفتن علي و يوريني إنو أنا زول قداد و بيض و فاضي راس و ما عِندي موضوع و عايز أكتِب بس وهو الأستاذ الحيوريني أكتب شنو و كيف وين و لمنو
05-24-2008, 07:35 PM
Maawya Hussein
Maawya Hussein
تاريخ التسجيل: 12-27-2007
مجموع المشاركات: 10136
حولاااا .. ( كيفتني دي يا معاوية ياخ .. الله يريحك ) .
المهم يا أخونا علاء .. الزول ده ماك عارفو ساكت .. حقو تسأل تمبس عنه .. ألذ و أظرف و أنكت ( من نكتة ) .. و أعزف زول على العود شفتو في حياتي .. و غناي غنا العالمين .. و يحفظ عن ظهر قلب كامل مكتبة إذاعة أم درمان ( من سنة سبعين و لي ورا ) .. و فنان فنان و صاحب قلب كبير و أخو أخوان .. و أبو الدقيق أها زول زي ده .. بيكون مؤذي تفتكر .. و للا بيتعمد يبلع الناس كلامهم و يحرجهم ؟؟؟ ما ظنيت .
فيا سيدي ( بعيد عن حكاية إنه صلاح شقيقي ) .. ظلمت الرجل و الله .. و هو ما اتجاوز معاك و لا اتخطى حدود اللياقة ( الله لا وراك وش الككو الداسيهو ) . فروق اللعب ياخي .. و خلينا نداعب في بوستك ده أخونا صلاح .. و نجرجركم في الكلام و الونسة اللذيذة .. و بالله بالمرة جيب معاك الأصلي تمبس ( أصلها خربانة خربانة ) .. و شايف المنعول أساسي جدع ليهو صارقيلة صارقيلتين .. يشرّك بيهم .. غايتو .. الله يكضب الشينة .
...... يا صلاح .. هبشك الماضراك .
05-24-2008, 08:21 PM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
لاحولالالالالالالالالالالالالالالالالالالالا فاتح بوست عديل كده يا علاء ، ولامي لي ناس الحلة كلهم ؟؟؟ طيب ، تاعب نفسك ليه ؟ ما كان ترد بي غادي !! كدي أول حاجة خليني أشكرك لأني والله ضحكت الى أن بانت نواجزي ، أضحك الله سنك ياخي ، وبعدها ارد عليك ، وبعد داك أرحب ببقية الإخوة الصعايدة.. وبعدين ياخي ما تكون حساس وتدي المواضيع اكبر من حجمها .. أها يا أخو خليني أبدأ ليك من آخر مداخلة ليك هنا
Quote: أهة عشان كلمتك دي أنا سكتّ و ما برجع أعيد لكن لو رجع عاد هو يبقي كلامنا تاني
أنا لازم أرجع عشان أرد ليك ، يعني بعد تعبت تعبك ده كلو ، دايرني ما أعبّرك ، وما أرد عليك؟؟ معقولة بس ؟ أولاً بالتبادي ، أنا شفت بوستيك ، ولأنو فيهو إسم تمبس (ود ناس بيتنا) قمت دخلت وقريت كلامك الموجه لتمبس ومشيت ، أها تاني جيت لقيت مداخلة لأخونا خالد أحمد الطيب ، ويبدو أنك لا تعلم ما بينهما ، ونحن ما صدقنا أنو المواضيع هدت والناس ماشة عااااادي .. المنبر لمن يكون فيهو مشاكل بيبقي بايخ وما بيتقابل..(أرجع للارشيف ، وشوف الحاصل شنو) .. وبصراحة أنا شفت أنو موضوعك ده ح يفتح المواضيع القديمة تاني ، ويعيد حاجات ما عايزينها ترجع ، لذلك كتبت لك ما كتبت (عرفت؟؟) .. قلت :
Quote: قمت بإنزال موضوع عن صديقي و حبيبي علاء تمبس و قد تكون له مدلولات بيني و بينه يعرفها و أعرفها
طبعاً أنا في مداخلتي إتحسّبت إنك ممكن تكون صديق تمبس ، وقلت ليك :
Quote: الا غايتو كان إنت وتمبس ده فِرد .. في الحالة دي الهزار مقبول (لو شغلك ده هزار) بس ما هنا..
Quote: متهكِّماً ساخراً مستصغِراً
إذا كان هذا إحساسك ، فأنت وشأنك .. ثم .. اتهكم عليك واللا استصغرك ، واللا أسخر منك ليه؟؟ في سابق معرفة بيننا؟ في تار بايت ؟؟ وصدقني يا علاء لو كان في حاجة من دي ، كان تهكمي وسخريتي ح يكونوا واضحين جداً .. وجيت قلت:
Quote: والله ما عندي معاهو شغلة لكن زعلني ردو بايخ و مستهتر و مستخِف و مزدري و متعالي و ثقيل و حِشري و متطفِّل دة الحسيتو في ردو ووريتو حدو
بالله لقيت حدي كيف ؟؟ وبعدين لمن توريني حدي ، وريني ليهو في حاجة عندها علاقة بالموضوع ، ماشي ناكت لي موضوع من سنو دو، وكمان ما عندو أي علاقة بالموضوع ؟؟ والله بتبالغ يا علاء. طبعاً أنا بتصور أنو ردي الزعلك ده ، تنطبق عليه كلمة واحدة فقط من (مجموع) الكلمات التي ذكرتها ، وهي ( رد بايخ) وباقي الكلمات كلها عن شخصي الضعيف .. وسؤالي ليك ، بالله كيف قدرت تعرف إنو أنا فيني الحاجات دي كلها ، غايتو الا يكون في زول كلمك
Quote: يعني إستصغار و كِدة
حاشا لله ..
Quote: هسة بكون وصلو الفهم ولا لِسة؟
ياتو فهم يا اللخو ؟؟ وبعدين يا علاء أخوي ، كونك تتعب نفسك وتفتش لي حاجة عشان ، تجيبها هنا ، وتقوم ( تفلفلها) عشان ترد علي ، دي كتيرة منك والله ، يا خي أنا ما بستحق التعب ده كلو .. يعني هسي ما لقيت (حاجة) ترد لي بيها ، قلت أحسن أجيب الكلام القديم ده ، وارد عليهو هسي ده يسموه شنو بالله ؟ وضيوفك (ناس أساسي) ديل يقولوا شنو؟؟
Quote: يعني الصوت حيكون جاي من وين بس
قطع شك ما ح يكون جايي من (مشوار)
Quote: الراجل في النهاية قال ليك ما تزعل يعني في حسن نية
والله غباشي صدق ، أنا حسن النية ياخي
Quote: فقمت أنا زِعلت لأنو شكل ردك كان تهكُّم واضح
حاشا لله أن أتهكم يا ولدنا ، وبعدين أنا كررتها ليك مرتين ، تقوم تجي تزعل ؟؟ أها نفكك يا علاء ، على أمل أن نلتقي .. أساسي :
Quote: ياخي دا اخو البطل زاتو تقوم تشاكله
إنت خلاص ملاسي عاداك واللا شنو ، أنا رئيس الخيانة .. قال أخو البطل قال .. إنت يا عماد ما شايف كلام أساسي ده ، استخفاف ، وإزراء ، وإستهتار ، وتهميش كمان ، ما ترد عليهو ، واللا فلاحتك فيني أنا المسكين ده؟؟ والله يا أساسي ما فضل ليك الا تقول (عماد وأخوه) وبعد داك نسميك ( ملساسي) .. الخارجك إنو (بري) دي فيها أهل بناتي ، والله غير كده الشافني لابد ليك (تحت العمود) ما كضب. عماد عبدالله :
Quote: Quote: فالرجل اكبر منك سنا .. حولاااا .. ( كيفتني دي يا معاوية ياخ .. الله يريحك ) .
هسي يا عماد عبدالله ، يا هو ده الكيّفك في الهيصة دي كلها؟؟ وبعدين تعال هنا يا معاوية ، أنا أكبر من منو ؟؟ من (عمو) علاء ده ، واللا من خالك عماد؟؟ المشكلة إنو الشنب ده غاشي العالم دي ، أحلقو يعني أنا ، ويقولوا علي (... شقي ومجنون) ؟
Quote: أخوك برضو لا بأس به في العود - الفلوت - الطمبور - الأورغ
طيب يا علاء ياخ ما إنت كويس ياخ .. لكن عجيتني قصة ( الطمبور) دي خالص.
Quote: يعني شرّامي قديم
من شرامة وين يا اللخو؟؟ ...................................
يا علاء ، أتمنى أنك تكون عرفت السبب الخلاني أقول كلامي في بوستك داك.. وأرجو أن يتسع صدرك لمثل هذه الردود ، وكن على ثقة من أنك ستواجه العديد من مثل هذه الردود ، وفي مواقف كثيرة.. أخيراً ، ما تزعل من كلامي الفوق ده .. شيل البينفع معاك ، والباقي أرميه البحر ، ولو رميتو كلو ، تكون ما قصرت.
أها .. العفو والعافية ..
05-25-2008, 06:48 AM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
Quote: أولاً بالتبادي ، أنا شفت بوستيك ، ولأنو فيهو إسم تمبس (ود ناس بيتنا) قمت دخلت وقريت كلامك الموجه لتمبس ومشيت ، أها تاني جيت لقيت مداخلة لأخونا خالد أحمد الطيب ، ويبدو أنك لا تعلم ما بينهما ، ونحن ما صدقنا أنو المواضيع هدت والناس ماشة عااااادي .. المنبر لمن يكون فيهو مشاكل بيبقي بايخ وما بيتقابل..(أرجع للارشيف ، وشوف الحاصل شنو) .. وبصراحة أنا شفت أنو موضوعك ده ح يفتح المواضيع القديمة تاني ، ويعيد حاجات ما عايزينها ترجع ، لذلك كتبت لك ما كتبت (عرفت؟؟) ..
لو شفت ردي علي المتداخل الذكرتو حتعرف إنو أنا فاهِم ولو رجعت للأرشيف حتعرف نوع العلاقة و إنو أنا و تِمبس خطنا لو ما واحد متشابه.
Quote: الخارجك إنو (بري) دي فيها أهل بناتي ، والله غير كده الشافني لابد ليك (تحت العمود) ما كضب.
لو البين قوسين دي الباء فيها مضمومة يبقي فيها رد السؤال دة:
Quote: من شرامة وين يا اللخو؟؟
و العفو و العافية يا أب شنب
05-25-2008, 00:02 AM
غباشي
غباشي
تاريخ التسجيل: 01-19-2007
مجموع المشاركات: 1729
علاء الدين أخوي: إنت طوولت من البورد وفقدت حساسية تشاكل منو وتخلي منو ؟ ياخ صلاح عبد الله ده من (إنديييينا) والراجل اخو اخوان .. لكن انا برسل ليك اللستة بتاعت الناس العندنا معاهم تار قدييييييم ..إنت نسيت ولا شنو يا صاحب؟ يا حبة شكلو كده مرقت البحر ما نفعتك والسخاااااااااانة الف عليييك بي غسيل العدّة يا حبيب فهي المتنفس الوحييييد لنا .. ياخ والله ووالله مشتاقيييييييييييييييين ..
05-25-2008, 07:11 AM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
يا أخوي إنت النسيت شكلك و علي قول أساسي مش بقيت سِنّة ناعمة إنت بقيت روحك شفيفة خالِس
ولو ما قريت مداخلاتي الفوق مع أساسي عنّك أنا جادي عايز أفتح بوست كنت و أكتِب ليك فيهو :
صديقي عمر ... كُن بِخير
بس دي لازم معاها تغيير في صورة البروفايل لازم صورة ببدلة و كرفِتة و أكون واقف و رافع يديني رفعة نُص كِدة ما بين رفعة يد البشير وهو بيرقُص و نميري وهو قادِل و معاها نظرة الجماعة الوهم ديل المخمومين في نفسهم ناس أبو سمنة و أبو الطيش و ما أدراك
أها كان جينا للسخانة يمكن فِعلاً يكون ليها أثر لأنو أمبارح و أنا زول كبيييييييييير بي شنبي برضو يا صلاح ، جات مطرة و الخرطوم اليومين ديل مُش فرم والله قِطعة من جهنم فقمت بي شنبي سِمعت صوت المطرة جريت الحوش قالوا لي مالك قلت ليهم ماشي ألعب في المطرة و بالفعل مشيت وقفت فيها و أنا بقول: رشي ما تقيفي إنشاء تسيح إنشاء الله تتملي قدود
أها مع السخانة اللحام دي جيت لقيت ليك صحبك صلاح دة خاشي ليك فوقي تاح تراح طااااااااخ ياخي مسّخ ليك عليك البورد مساخة ما عادية و بقاني ليك هااااااااااااااااايف لمن بقيت قدامي ما شايف و حسيت ليك إنو أنا صغيييييييييييييير و شنبي دة ما فضلت لي فيهو ولا سبيبة
فقلت الزول دة بكون من مناهضي العنصرية الزمان ديلك من المايِك القِدامو دة و من دعاة حقوق المثلييين و من مؤيدي إقتحام أم درمان قمت طلعت ليك من المطرة و بقيت إتجاري في الحوش و الجماعة يقولوا لي مالك و أقول ليهم الفرار وينو يا زول مالك أقول ليهم بس فراري وينو و جيتو ليك
أها طلع من عندياتنا و كِدة
يا أخوي مع السخانة دي رسِّل لي عِدتك ذاتة مافي مشكِلة
05-25-2008, 07:22 AM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
يا صاحب: بيني وبينك انا نسيت ماااااااا اكضب عليك تعرف انا من قبل ما أقرا ردك وشوفت مداخلة صلاح عبد الله قلت في سري: واللللللللللييييييييلة والللللللللللييييييييلة .. باصااااااااااااااااااات ابو رجيييييييييييلة .. والحننننننننننننننننننة والسييييييييييييرة .. وعرفت ليك الموضوع إستحمّ .. اما بالنسبة للسنة الناعمة فأبشرك يا صديقي ستزداد نعومة في الأيام المقبلة والمنبر مقبل على فترة تسجيلات جديدة ربما تشرفنا فيها واحدة من جميلات بلادي كعضو شرفي سأقوم بتزكيته هنا .. تعبنا من ناس الناس البتلعب تحت ال 40 ديل .. عايزين حاجات بتلعب تحت ال20 .. تخريمة : العدّة إنت مش شلتها ايام العرس بتاعي من صواني وكبابي وصحون ؟
05-25-2008, 07:36 AM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
اليومين ديل لمّة ليك فيني تروتسكي برسايل الموبايل بعد ما كان الإيميل و الكلام الكبااااار داك ، أخوك بيقرأ و بيعمل فيها فاهم لكن لما أضغط علي الرد ما بقدر أكتِب التكتحني ليهو
كلامي حيجيهو زي دانة خليل في بلدية أم درمان
أها قلت إتعلم منو و الليلة أول حصة لايف معاهو مباشرة و يمكن يكون معانا ناذِر
05-25-2008, 07:52 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
Quote: من الليلة تاني توسكاااااااا لمسة هنااااااااااااااااان
يا اخوي نحن ناس هههههااااااااااااي كلين ..
Quote: اليومين ديل لمّة ليك فيني تروتسكي برسايل الموبايل بعد ما كان الإيميل و الكلام الكبااااار داك ، أخوك بيقرأ و بيعمل فيها فاهم لكن لما أضغط علي الرد ما بقدر أكتِب التكتحني ليهو
حولاااااااااااااااااااااااااااااااااااا.. تعرف يا مان بي كلامك ده تورتسكي بيكون مربح ليك ناس موبيتل ربح ما عادي .. اتوقع إنو قيمة الرسالة SMS بتاعت تورتسكي بتكون بتكلف خمسين الف جنيه بي الجديد .. بتاعت تورتسكي دي ما إسمها SMSإسمها قصة قصيرة يا حليلو ياخ والله بريدو ساااااااااي الود ده .. بس عيبو قمصانو المشختة ديك ..
05-25-2008, 07:48 AM
Emad Abdulla
Emad Abdulla
تاريخ التسجيل: 09-18-2005
مجموع المشاركات: 6751
يا شبــاب دقيقه بلاي .. ياعمر الفاروق .. أرجو الا ينجرف البوست إلا اي حتة تانية .. يا جماعة بالواضح كدا البوست دا بتاع مشكلة وتصفية حسابات .. صلاح عندو مشكلة مع علاء الدين .. (المدعواساسي) دخلـو شنو في المسالة دي لو فرضنا انو عماد عبد الله أخو صلاح .. وعمر الفاروق صاحب علاء الدين .. يا جماعة اكلتم يوم اكل الثور الأبيض ..
انا بره المكتب شغال بره .. بالنسبة لي بورداب الساحل الشرقي: عينو ليكم من الآن مندوب للاستقبال .. مندوب ما يجي لابس لي حزام دبل كمـر .. ولابس بووت كبير فوقو حديد بي قدام .. وما يجي حالق لينا صلعة .. امريكا دي ما صعبة للدرجة دي .. بالنسبة لي بورداب لندن: الضباب كيف معاكم بلاي ..؟ كـت اووت .. جايب معاي كبسة.. وتلاتة حقـن بنسلين (وسلفه) .. وبعض من الاقاشي وجبنة التلاتة بقرات .. (هذا لمن يهمه الأمــر ) هــاك الانضمام الالكتروني دا ..
بلاي يا شبـاب عودوا إلى سيرتكم الاولى ... البوست دا بتاع (غيبوبة) ورونا مهاراتكم
تمبس في عمل خارجي .. خارج عن حدود المألوف
05-25-2008, 07:53 AM
حيدر حسن ميرغني
حيدر حسن ميرغني
تاريخ التسجيل: 04-19-2005
مجموع المشاركات: 25128
Quote: صلاح عندو مشكلة مع علاء الدين .. (المدعواساسي) دخلـو شنو في المسالة دي لو فرضنا انو عماد عبد الله أخو صلاح .. وعمر الفاروق صاحب علاء الدين .. يا جماعة اكلتم يوم اكل الثور الأبيض ..
يا ولد يا تِمبِس
هو إنت سبب البلاوي دي كلها و جاي تنطط ليك نطتين و تمشي عالم عجيبة خلاس
يا حبيبنا أنا فتحت البوست بِقصد قلت لينا زمن من التضقيل نجرجر الجماعة ناس التارات القديمة يجو هِناك و نطقطِقم
قوم تعال يا أب شنب و لخبِت الموضوع
و أهو شكلو البوست دة عِدل نادي مُحبي الشفافية و جاريني معاهو
05-25-2008, 08:12 AM
Omar Bob
Omar Bob
تاريخ التسجيل: 02-02-2005
مجموع المشاركات: 2543
الاخ علاء تعرف اساسي فتح بوست طويل عريض قال هو قاعد سبع سنوات منتظر زول يجي يفتح فيه بوست يقول عنو يا كريم الروح يا نقي الدواخل ولحدي اسا ما لقي اها اخونا صلاح عبدالله ده بدون ما يفتح بوست هو كريم الروح ونقي الدواخل وفنان لمن غلط لكن مشكلتو انو ما بغني قدام الناس
05-25-2008, 08:28 AM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
وكانت الفراديس تنتظر لقاؤنا المُوُغل في خصوصيته كخصوصية إدلهام الليل في اليوم العصيب
دي أنا بشيلة و بمشي ألعب بيها ثقافة ثقافة مع صحبي عمر الفاروغ لمن يفهم حاجات ذاتو مش حاجة واحدة بس إنشاء الله حقوق النسخ ما تكون محفوظة
نجي لي دي
Quote: وبالنسبة للقاهرة تنورنا ..وعزومتك (قراصة بدمعة جداد) من أبو عشرين ريال كمان
قصرتا معاك ؟!!
تنوِّرنا دي ما قصرتي فيها و حاشا
أما العزومة:
Quote: قراصة بدمعة
والله قصّرتي تب ، إنتي قايلاني جاييك من لندن لالا دي مشاها ود المبارك و فاتني أنا بقيت سوداني أغبش و قااااااااااااعد في البلد دي و خليت عيشة الترطيبة و الإغتراب و كل جمعة صحن القُراصة يجوبغ فوقنا.
لكن لو جينا للجزء التاني و المهم من العزومة وهو:
Quote: جداد
دي لو خليتيها براها تكوني ما قصرتي و يوم العزومة بعد تجيبي لي الطلب الأول بقول
أقين أب كِرعين
جُملة جادة:
مشكورة يا أستاذة نادية و ياها المحرية فيك بِت بلد أصيلة
مُزاح:
أنا أب شنب (ما شنب أخونا صلاح)
في بلدِك بعزِمِك أنا دة
ما تقولي لي مساواة وحق المرأة و ما بعرِف شنو نحن لسة فهمنا ضيِّق عندنا الحاجات دي الراجِل راجِل و المرة مرة
و الراجِل هو البِدفع
لكن لو أصريتي شدييييييييييييييييييد ما بكسِر خاترِك
05-25-2008, 12:45 PM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
Quote: حقو تسأل تمبس عنه .. ألذ و أظرف و أنكت ( من نكتة ) .. و أعزف زول على العود شفتو في حياتي .. و غناي غنا العالمين .. و يحفظ عن ظهر قلب كامل مكتبة إذاعة أم درمان ( من سنة سبعين و لي ورا ) .. و فنان فنان و صاحب قلب كبير و أخو أخوان .. و أبو الدقيق أها زول زي ده .. بيكون مؤذي تفتكر .. و للا بيتعمد يبلع الناس كلامهم و يحرجهم ؟؟؟ ما ظنيت .
بالضبط والاخوة عبدالله برضو اشقائي بالرضاع ارضعتنا البان كافوري و { البان } كسوفو كمان وشهادتنا في بعض غير مجروحة لكنها كما ذكرياتنا صادقة ومتينة
بعدين يا علاء الزول ده حرص بدل المرة مرتين ان يقول ليك {عليك الله ماتزعل ماتزعل} او كما قال عثمان حسين وبادئك بالسلام
05-25-2008, 01:14 PM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
بالضبط والاخوة عبدالله برضو اشقائي بالرضاع ارضعتنا البان كافوري و { البان } كسوفو كمان وشهادتنا في بعض غير مجروحة لكنها كما ذكرياتنا صادقة ومتينة
بعدين يا علاء الزول ده حرص بدل المرة مرتين ان يقول ليك {عليك الله ماتزعل ماتزعل} او كما قال عثمان حسين وبادئك بالسلام
دي مفاجأة الموسم
أبو ساندرا في بوست تابع لي أنا يا مرحبا يا مرحبا
الليلة يا عمر الفاروغ ووليد نسخة لندن المعدل مفروض تجو تشيلو جريدة المنبر حقت اليلة و تصيِّحو بأعلي صوتكم:
ايوة جاي علينا الليلة آخر الأخبار: أبو ساندرا يقتحِم خيمة علاء الدين الكثير المثير عن ماذا قال أبو ساندرا لعلاء الدين
تعرِفوا يا شباب أبو ساندرا دة قصتو معاي شِنو ؟ بعد الفصلة الأولي و أخوك من نادي المرافيد في سودانيز أون لاين و عضو أصيل فيهو ، أها جيتو ليك في واحدة من بوستاتو قلت الزول المحمّر لي طوااااالي دة إلا أشوف ليك نهايو حنكو شنو و أجيب ليك آخرو قمت جيتو ليك في واحدة من بوستاتو وخرمجتة ليهو شوية كدة بس بالله جاني ليك بي نمرة 16 فووووووووو زي المافي شي ولا كشحني ليك بسلام و ما أشوف ليك إلا ختراتو هِناااااااااااااااااااااك واقف مع الزول الوراي أها قلت يا معلِّم إتلم و شتت قبل ما يجو ناس المديدة الحارة زي صلاح أب شنب دة و يجو يردحوك و يشمتو فيك و إتخارج من هِنا إنت زول ما شفيف أها قمت يا أبو ساندرا قبال أيام قريت ليك بوست بتاع شوايقة و حبوبات و شلوخ و ما أدراك يدي حرقتني للكتابة بحكم الشيقنة و كِدة لكن يبدو إنو ضمير المستتر قال لي يا زول دة الما الكشحك زمااااااااااااان بي نمرة 16 و غيرتة رأيي من الكتابة
يا زول حبابك وكتين الله جابك
05-25-2008, 01:14 PM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
بالضبط والاخوة عبدالله برضو اشقائي بالرضاع ارضعتنا البان كافوري و { البان } كسوفو كمان وشهادتنا في بعض غير مجروحة لكنها كما ذكرياتنا صادقة ومتينة
بعدين يا علاء الزول ده حرص بدل المرة مرتين ان يقول ليك {عليك الله ماتزعل ماتزعل} او كما قال عثمان حسين وبادئك بالسلام
دي مفاجأة الموسم
أبو ساندرا في بوست تابع لي أنا يا مرحبا يا مرحبا
الليلة يا عمر الفاروغ ووليد نسخة لندن المعدل مفروض تجو تشيلو جريدة المنبر حقت اليلة و تصيِّحو بأعلي صوتكم:
ايوة جاي علينا الليلة آخر الأخبار: أبو ساندرا يقتحِم خيمة علاء الدين الكثير المثير عن ماذا قال أبو ساندرا لعلاء الدين
تعرِفوا يا شباب أبو ساندرا دة قصتو معاي شِنو ؟ بعد الفصلة الأولي و أخوك من نادي المرافيد في سودانيز أون لاين و عضو أصيل فيهو ، أها جيتو ليك في واحدة من بوستاتو قلت الزول المحمّر لي طوااااالي دة إلا أشوف ليك نهايو حنكو شنو و أجيب ليك آخرو قمت جيتو ليك في واحدة من بوستاتو وخرمجتة ليهو شوية كدة بس بالله جاني ليك بي نمرة 16 فووووووووو زي المافي شي ولا كشحني ليك بسلام و ما أشوف ليك إلا ختراتو هِناااااااااااااااااااااك واقف مع الزول الوراي أها قلت يا معلِّم إتلم و شتت قبل ما يجو ناس المديدة الحارة زي صلاح أب شنب دة و يجو يردحوك و يشمتو فيك و إتخارج من هِنا إنت زول ما شفيف أها قمت يا أبو ساندرا قبال أيام قريت ليك بوست بتاع شوايقة و حبوبات و شلوخ و ما أدراك يدي حرقتني للكتابة بحكم الشيقنة و كِدة لكن يبدو إنو ضمير المستتر قال لي يا زول دة الما الكشحك زمااااااااااااان بي نمرة 16 و غيرتة رأيي من الكتابة
يا زول حبابك وكتين الله جابك
05-25-2008, 09:19 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
القضية ما لازم تتعوم والطرح لازم يكون واضح وانا حا اجي شايل كوم التراب واقيف في النص واكورك : مديدة حااااااااااااااااااااااااااااااارة .. علاء الدين اخوي ده زول طييييب خلاص وشوفي كلامي كان ما بقا صاحب صلاح وعزمو بيرقر اكون انا ما عمر.. لكن بيني وبينك علاء الدين عندو عيب بيعزمك لكن بتدفع إنت .. اسة انت يا عمدة حا تعمل حركات اولاد الحلة ديلك وتجي تخش مع اخوك ولا حا تقيف مع علاء الدين عشان اخوك زمان كان بيطقطقك وبيرسلك تجيب ليهو السجاير ؟ غايتو انت لو خشيت مع اخوك انا بخش مع صاحبي وبجي شايل لي مقص ومكنة حلاقة المّ ليك في شنباتكم ديل وبعد داك اقول ليكم نعيماً واي واحد يطلع بي عشرة الف حق الحلاقة ..
يا علاء .. لو بتعرف الزول عصام جبرالله ده .. لو في ناس حقيقية و نضيفة جواها قدر أصابع اليد .. بيكون واحد فيهم هذا العصام .. و لأنه صاحبي .. و أعز الأصحاب و إنت بقيت في الحسبة صاحب .. فأسمحوا لي أتخارج
ضد القبح و الكلام الشين و شيلة الغباين أريتو يضوي ليكم
الللللللللللللللللللللللححححححححححححححححححححححقققققققققق يا علاااااااااااااااااااء.. جاك صيد سمييييييييييييييييييييييييييييييييييييييييييييين صلاح عبد الله بختك الله مرقك
05-25-2008, 01:45 PM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
Quote: الللللللللللللللللللللللححححححححححححححححححححححقققققققققق يا علاااااااااااااااااااء.. جاك صيد سمييييييييييييييييييييييييييييييييييييييييييييين صلاح عبد الله بختك الله مرقك
ود الفاروغ
هسي أديناهو عضمة تشبه صورة الحاجة الخاتيها في البروفايل دي كان قِبِلة بأخوي و أخوك و شالة و مشي و بطّل هو هو هو
خلاس
كان زاد بنقعد ليهو واطة و نمسِكو نفلفِلو و نطلع منو القراد الماليهو دة قُرادة قُرادة
كلو إلا القراد في بوستاتي
05-25-2008, 11:12 AM
أبو ساندرا
أبو ساندرا
تاريخ التسجيل: 02-26-2003
مجموع المشاركات: 15493
ياعلاء والله من ناحية إنو صلاح حقر بيك دى أنا معاك فيها ومن ناحية إنو إستصغرك والله ماليهو حق . وياصلاح بعد الردحى القالوا فيك علاء ده كلو تجى تعتذر بالسرعه دى ؟
واحد أخوكم زعلان ومقهور إنو شكله قويه زى دى تنتهى بالطريقه السريعه دى !! ودى محاوله متواضعه لو ممكن تسخنوها من جديد ,, أصلو المنبر بقى بايخ ومافيهو حاجه ,,[/B]
05-25-2008, 12:28 PM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
يا علاء .. لو بتعرف الزول عصام جبرالله ده .. لو في ناس حقيقية و نضيفة جواها قدر أصابع اليد .. بيكون واحد فيهم هذا العصام .. و لأنه صاحبي .. و أعز الأصحاب و إنت بقيت في الحسبة صاحب .. فأسمحوا لي أتخارج
ضد القبح و الكلام الشين و شيلة الغباين أريتو القباحة تضوي ليكم
يا عماد إنت لو عايز شكل أنا برسِّل ليك باقي الكلام الأنا كنت عايز أنِّلو لأخوك الزلبطّة صلاح برسِّلوا ليك مسنِجر و نت أفتح بوست أنا برضو بديك عنوانو و شتِت مني ياخ
لكن لقيتكم خطيرين
أردمو
أديهو
حقر بيك
نادو الحريم يزغرِدن
دايرين المشاكل بس مُش ؟ كدي في واحد قرادة كِدة عندو معاي تار بايت شايف البوست جابو نشوفو كان جا خرمج نجي نضقِّل بيهو و نتمرن شوية الشكلة العايزنها مع صلاح جو الأجاويد و الجنجويد طفوها
أها هوهو الجاي دة لايوووووووق و أصنج دة النوع الفِلم بجر معاهو
و ينفع مع ناس الشباك
أهة أنا قلت ليك كاك كاك
تعال يا أب قراد و قول هوهو
05-25-2008, 02:03 PM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
غايتو يا جماعة ، با إنتو عواطلية ، يا كمان ماهيتكم دي ما محللينها .. فاتحين النيت في الشغل وغاشين الناس عاملين فيها شغالين .. شنو يعني نبطل الدوام ده ونقعد نصاقر في سودانيز أونلاين واللا شنو؟؟ الواحد يجي بالليل عشان يتونس ويشوف العالم الحاصل فيهو شنو ، يلقى الشمشرة ألف ، والزغاريد ، والهتافات . حكاية عجيبة. وبعدين يا علاء مفروض تشكرني ، شوف كتبت إسمي بس العالم دي كلها جات جارية ، بختك بقيت مشهور (زينا)
كمال سالم ،،
Quote: ياعلاء والله من ناحية إنو صلاح حقر بيك دى أنا معاك فيها ومن ناحية إنو إستصغرك والله ماليهو حق . وياصلاح بعد الردحى القالوا فيك علاء ده كلو تجى تعتذر بالسرعه دى ؟
خلاص عادوك ناس عماد عبدالله ، وجيت شايل مديدتك الحارة ؟؟؟ إنت عارف يا كيمو أسهل حاجة في الدنيا دي إنك تبقى (فاتية) ونحن طبعاً القصة دي عندنا ما محتاجة اجتهاد ، يعني ممكن تشبك في زول كده لمن يعرف حاجة.. وبيني وبينك كنت جايي ومتأبط شراً ، وعايز أدوّر لي كيتة هنا تحيّر الفيل ، قلت الزول الاسمو علاء ده هبش ولدنا بدون أي سبب ، فتقمصتني الروح الشريرة .. لكن لمن شفت الكلام التحت ده ،
Quote: قد قمت بإنزال موضوع عن صديقي و حبيبي علاء تمبس و قد تكون له مدلولات بيني و بينه يعرفها و أعرفها
طوالي عملت (كما كنت) ومعاها (خلفاً دور) .. خلاص الزول طلع صاحب صاحبك ، ونيتو سليمة ، يعني طلع ولدنا .. بيبقى بعد داك تكون شجاع ، وتعتذر ، وتشرح أسباب هجومك ، وإعلان الحرب المن طرف واحد دي ليه.. ولو ما طلع ولدنا ، والله كان تشوف غبارنا معلق في السماء شهرين ونص (قابلة للزيادة) أنا المزعلني علاء ده ما جاب بوست كوريا ليه (عيبو شنو) جايب لي بوست من سنة حفروا البحر ..
عصام جبرالله ياخوي إنت عارف أخوك ما بتاع كوّش ، لكن علاء ده جاني متنكر ، وفتح نيران على ولدنا ، أها قلنا نسوقو الخلا هناك ، لا حجّاز ولا باركوها يا جماعة .. المهم اتضح في الآخر أنو نيرانو صديقة..
تامبا:
Quote: تمبس في عمل خارجي .. خارج عن حدود المألوف
في شنو يا تامبا ؟ ان شاء الله خير ؟ مداخلة فيه تيران بُيُض ، وأمريكا ولندن وخميس مشيط !! وعمل خارجي .. في شنو؟ الشبكة كيف هناك؟ ان شاء الله (التغطية) كويسة. قلت لي عمل خارجي ؟؟ ذكرتني زمان زمن (الجكّيس) يكونوا الفارات متكاسرين في الجكسوية ، وهي سادرة في تيها ودلالا .. نحن نتكاسر بي جاي وإنت عامل لي إبن بطوطة ، لافي زي الماكوك .. الرياض دي أصلوما نترجع ليها؟ وبعدين وينو معتصم ده ، مش مفروض يقوم مقامك حين غيابك (والعكس) والا (الخطيبة) بدت تمارس في سلطاتها من هسه
أبوساندرا ،، الفيك انعرفت ،،
Quote: أردمه.
أنا يردموني ؟؟ عمرك شفت ليك زول ردمني ؟؟ تاني رجعت لى موضوع صاحبك ؟ ما قلنا ليك عماد عبدالله وخالو كانوا هم أصحاب ( الونسة ) وبعدين تذكر الطرب يا أخو مع الدوام البتطلع منو عشان ترجع ليهو ده؟؟ الله يعيد أيامنا الجميلة (وياليتو يعود الكان ولّى)..
العمدة،، زمان أمي الزلال الله يرحمها كانت بتقول لي جنس حالتك دي ( سعد حماس الطار ) .. اتفاجأت بي ردي الفوق داك ..صاح ؟؟ كنا مفتكرينها نيران عدو ، اتضح انها نيران صديقة .. إزيّك ياخي .. مشتاقين والله..
وآخر كلامنا .. إنتو كلكم فارات ،، وأجمل حاجة في البوست ده أنو جاب لينا نادية عثمان .. نادية إزيّك .
05-25-2008, 10:50 PM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
ياخي الناس ديل مش لو إغتربوا لو غيروا ليهم جنسياتم ذااااااااااتة تلقاهم ياهم حُب الشمار و الجو المكهرب لكن أجمل حاجة فيهم الجودية بسرعة يطفول ليك المشكلة أمسكك و أحجِزك
لكن بيندموا بعد داك و يعضوا النواجذ أسفاً و حسرة و كل واحد يقول في نفسو: ياخي والله لو ما مسكت ليهو يدو كان طفا ليهو عينو الشمال. و التاني يقول: إنت ما شفت البنية الجات و ثبتها ليك والله دي كان عملت ليهو رايدوبِس في كاسكلِكا (عِرفتها دي)
المهم أنا برضو كنت ناي أمرِّن فيك عضلات الكيبور ليها زمن ما سخنت جو و شبكوني ليك لا يا راجل دة فنان و مِننا
و طلع شكل جلابة ساي
لكن لقيت ليك حاجة ليها ضنب جات تهوهو حنقبِّل ليك عليها ونوريهو شوية مناظِر ما شافة معاي قبال كِدة
Quote: وين الشكلة بتاعت قبيل ؟ دايرين الشكلة .. و هسسسسسسسسسسسسه ده تغتس تقلع تجيبا لينا !!..
تعرف يا صاحب... نوع "النبز والردحى العملو ابوالعفين ده مما فارقت الثانوى العام ما سمعتو. انا كنت قايلو عنصري و بليد سياسة بس لكن طلع الشكل زاتو ما اصيل فيهو. ايه تيس و هوههوهوههوهوههو. اخر عمرنا حنشاكل هبل!!!!! ده الفضل كمان، الشرف ده يلقاهو عند الغافل.
العجيبة "اصحابو" المرو من هنا مافي زول ينصحو ولا باللفة يقولو ليهو بطل عوارة شفع الابتدائي دى؟ ياخى عيب، قلة الادب مافي داعى ليها، حتى لو صلاح غلط واغلظ عليك اسلوبك ده اهبل وعبيط، زى البلغو جديدين وعاجباهم ريحة اباطهم يا دوب.
غايتو صحوبية تخليك تتبشتن علنا قدام الناس كده، افففف.
يا كيكي ... ما تتفاصح ... بودوك اوزون و بتفصل ..
ابوسندرا .... التمويهات عندك لكن ... كان تكتبا عديل احسن
رغم فصاحة ابوالعفين و جعجعتوا الكتيرة في البوستات المختلفة المرة دى جا راجع مؤدب شوية و مقروص ، بطل كلام العبيد والخدم اياه، ما قلتو واك واك، و لا حماية قريبو المتنفذ رقم 3 قلت بعد نيفاشا.
اووووف بوست ريحتو ابوالعفين بس .....
05-25-2008, 10:33 PM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
يا علاء .. لو بتعرف الزول عصام جبرالله ده .. لو في ناس حقيقية و نضيفة جواها قدر أصابع اليد .. بيكون واحد فيهم هذا العصام .. و لأنه صاحبي .. و أعز الأصحاب و إنت بقيت في الحسبة صاحب .. فأسمحوا لي أتخارج
ضد القبح و الكلام الشين و شيلة الغباين أريتو القباحة تضوي ليكم
05-25-2008, 10:58 PM
Tragie Mustafa
Tragie Mustafa
تاريخ التسجيل: 03-29-2005
مجموع المشاركات: 49964
الأخ علاء الدين أولا مرحبا بعودتك. و الحمد لله موضوعك مع الأخ المحترم صلاح عبد الله مر على خير. لكن ياخي انت ما تكون شراني كدا يعني الموضوع دا كان راس مالو كلمة من هنا و كلمة من هناك و الموضوع يدور من غير أي داعي. بعدين عصام جبر الله دا ما دايرين نشكرو ليك... مشكلتكم حلوها سوا لكن رجاءا صورة الطفل الفي بروفايلو دي ما تدخلها في الموضوع. دا ممكن يكون ولد أخوهو أو أختو ذنبه شنو إنو انتو الاتنين عندكم مشكلة. أقول قولي هذا و الله يستر علي من الوقوع في مرمى أي نيران حايمة بي جاي.
05-26-2008, 01:37 AM
Rawia
Rawia
تاريخ التسجيل: 11-23-2002
مجموع المشاركات: 8396
علاء الدين سلامات تعليقك دا منتهى العجرفة وقلة الذوق لو سمحت اتكلم مع عصام بالطريقة البتريحك والاسلوب الاتعلمته واتعودت عليه لكن ابعد من التعليق على صورة طفل بالطريقة بتاعتك دي انت ولا عارف دا منو ولا عصام محتفظ بيهو في البروفايل السنين دي كلها لي
منتظرة منك اعتذار وسحب لتعليقك الوحش دا
_______________________________ عماد حق لك ان تفخر باخيك
إزيك ياخي و إنتي زولة رغم قِلةالتداخل بيننا إلا أنني أحترِمك جداً و أحترِم آرائك.
طيب يا ستي عشان ما تقولي أنا متعجرِف و بهبِش من طرف
بهدوء يا راوية راجعي البوست دة من فوق لحدي تِحت وشوفي كان ماشي كيف مع كل الشباب حتي خصمي اللطيف (صلاح) و شوفي حلاوة التعليقات و جمال الردود و الشكلة البِقت صحوبية.
واصلي لحدي ما تصلي لرد المؤدب جداً عصام و شوفيهو جا كتب شنو و عليك الله أعرفي لي السبب.
لأنو أنا ما هبشتو و لا جيت عليهو وشوفي وصفو لي شنو
Quote: تستاهل يا صلاح
قيل: الببارى الجداد بوديهو الكوشة
والببارى ابوالعفين ببقي عليهو جنس حالك ده
أها دة ردو المباشر بدون أية مقدماتيا راوية
Quote: الببارى الجداد بوديهو الكوشة
يعني أنا جدادة
أهة يا راوية ترضي أجي ألقاك فاتحة ليك موضوع أقول ليك إنتي جدادة؟ و لو قلت ليك مش أبقي فعلاً متعجرِف و قليل أدب و عايز مشاكِل؟
Quote: والببارى ابوالعفين ببقي عليهو جنس حالك ده
و هِنا أنا أبو العِفين
دي ما بقدر أقول لو جيت قلتها ليك لأنِك ما بتشبهي الألفاظ القذِرة دي يا بت عزاز الناس أها بالله بالمنطِق كِدة غلتان نا برضو؟
هي الشكلة إنتهت و البوست بقي لذيذ و جاب ونسة و ضِحك و صحوبية
يجي بلغة يا فيها يا نفسيها و أسكت ليهو يا راوية
أفووووووووو ترضيها لي بس؟ تكوني جد ما إحترمتيني
أها المتعجرِف و العايز مشاكل منو
أقري التعليق دة:
Quote: و لا حماية قريبو المتنفذ رقم 3 قلت بعد نيفاشا.
أهة البِتكلم عن أي زول كشخصية عامة ما فوقة حاجة إنشاء يعلِّقو همبول
لكن تجي فيها قريبي و قريبك
يبقي المعاملة بالمثل ما بعرف قريب أقرب من قريب
ولا شنو يا راوية
هسي قريبي الدخلو هنا شنو ؟
هو الموضوع ذااااااااتو شِنو يا راوية
و عشان إحترامي ليك ما يقِل حقو ميزانِك ما يختل يا بت العباسي يا غالية
تحياتي
تعديل لأجل الغالية راوية العباسي و كمان عمدتنا عماد عبد الله
الأخ علاء الدين شكرا ليك ياخي. والله تداخلي ما كان عندو أي غرض فلا معرفة سابقة لي بالأخ عصام و حتى الآن ما عارف الفي الصورة دا منو. لكن الشي الوحيد العارفو إنو ما عندو دخل بالبحصل هنا دا. استجابتك لنداء الأخت راوية متوقعة منك فلك الشكر.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة