|
Re: بصراحة كدا...نانسي عجاج و طارق الأمين ديل ببالغوا....!! (Re: mamkouna)
|
Quote: و القمرية تصدح..تستريح دبابة.. |
الما بالغ في بلدنا دا منو يا ممكونة
غايتو دي من اجمل المبالغات الحصلت قريب دا وياريت البلد وناسا يبالغو كدا طوالي ويخلونا من مبالغاتهم الشترا ديك
تسلمي يا ممكونة
عفيناك من لنك الحفظ لكن طيارة الخميس الشريط دا كان ما جاني فيها ياني البجي اعمل ليكم غزوة مبالغة
| |
|
|
|
|
|
|
Re: بصراحة كدا...نانسي عجاج و طارق الأمين ديل ببالغوا....!! (Re: saadeldin abdelrahman)
|
ممنونة بعد إذنكـ .. ابو الدفاع مشتاقين يا حبيبنا .. و مقصرين شديد ( و لكـ ان تجد لنا العُذر يا صديقي ) يا دفعة إنت لسه غزوة (الموز) مؤثرة فيكـ ياخ نانسي دي من زمان قُلنا ليكم موهبة دايرة (مساحة و زمن) و الباقي ده بيجي براو .. يهيء لي الشريط ده ما أداها جزء من حقها في الاداء لسه .. و أتوقع منها أكثر من كده كتير .. بإختصار كده (الصيني ده إبداع )
_ لنا لقاء في الموقع و الزمان المحددين (بإذن الله).
| |
|
|
|
|
|
|
Re: بصراحة كدا...نانسي عجاج و طارق الأمين ديل ببالغوا....!! (Re: mamkouna)
|
بالكربون يا مولاي اه من غلبي .. وده ما للمقارنة إلا يا خواض ..كلامك صاح وعليه ينتفي بوليغ طارق الأمين في الحتة دي !!! نانسي زاتها ما بالغت وغتعجنت كتييير في الأغنية دي وخلتها بدون ملامح .. التقليدية في اللحن ظهرت لي من أول مقطع بعد ما جات سيرة الربابة وقبل ما تتم باقي المقطع قلت لو الجماعة ديل جابو صوت ربابة بتعزف يكونوا تقليديين لمممن غلط .. يذكروك بي الألحان المن يجيبو فيها سيرة النوبة تدخل إيقاعات نوبة أو جيبو سيرة العود يقوم يدندن العود .. دي تقليدية في اللحن بي صورة مبااالغة الأغنية بصراحة تنفع في برامج الهيلاهوب ولكن ما بتتناسب وشريط كاسيت .. اتمنى ان لا يكون عذر الزميل طارق الأمين في تكرار فكرة اللحن إنه يجاري ما كان يفعله ناس الحقيبة بتغير الكلمات على نفس قالب اللحن ..
غايتو انتو الدايرين تبالغوهو ده بتبالغوهو
| |
|
|
|
|
|
|
Re: بصراحة كدا...نانسي عجاج و طارق الأمين ديل ببالغوا....!! (Re: Amjed)
|
Quote: سبحان الله انتو متأكديين الكلام دا ما كاتبو انا...
|
والله العظيم ياأمجد فريد أنا يوم بموت بالضحك من تعليقاتك العجيبة دي
في البوست بتاع عيد العمال الشرط ضحكني في موضوع الجماعة شالوا حسك قايلنك بتغني
يسعد أيامك يا ظريف
ست الذوق والجمال لحده
ممكونة
معليش ما حأقدر أعلق على موضوع البوست
لأنو برغم وجودي في الخرطوم لسه ماسمعت الشريط
لكن أوعدك أسمعه وأديك رأي
محبتي
| |
|
|
|
|
|
|
Re: بصراحة كدا...نانسي عجاج و طارق الأمين ديل ببالغوا....!! (Re: mamkouna)
|
Quote: البلد الحنين ..سميتو يُمٌة و يابا... بين العالمين ..عزة و جمال و مهابة.. الحزن القديم ...تمطر تزيلو سحابة.. لا أطفال حزانى...لا نازحين و غلابة.
|
يا الله يا ممكونه يديك الفى مراضك ويهنيك _ قوللا امين والله بلد هيل نا ........... دى مجنونه فى مخها .. مرقتنى من دبرسه الله يخليك يا نانسى لى وليدك وتعيشى ليهو لحدى ما يشوف .. بلد هيلنا داك لكم الشكر انتى وطارق على هذا الابداع تحياتى
| |
|
|
|
|
|
|
Re: بصراحة كدا...نانسي عجاج و طارق الأمين ديل ببالغوا....!! (Re: Abdel Aati)
|
يا ممكونه، جئنا لنستمع ( ريثما يصلنا الأصل المدفوع الثمن) فلم نجد شيئا بعد (عمليات الإزالة)، بالطبع لم نسمع بهذا العمل إلا من خلال هذا البوست ويهمنا جدا أن يتم التعريف بهذه الأعمال في حينها فلم أسمع عن عمل للفنانه نانسي إلا من خلال مشاهدة واحدة في قناة النيل الأزرق منذ مدة تقارب العامين، ولا أظن أن الفنانه نانسي ستعترض على تقديم بعض النماذج هنا بدون لينك حفظ. شكرا على إبقائنا في دائرة المواكبة مودتي.
| |
|
|
|
|
|
|
Re: بصراحة كدا...نانسي عجاج و طارق الأمين ديل ببالغوا....!! (Re: نانسي عجاج)
|
Quote: الآداء : باهت جدا،أفسد الكلمة واللحن التقليدى ذاتو صوت ضعيف ومصنوع مجرد من اى موهبة، يصيب المستمع بالاكتئاب يصلح للمواويل فقط عند الضرورة ( لمن واحدة من الكورال تغيب ) |
الاخ الطاهر ساتى سلامات مع احترامى جدا لرايك لكن بالجد مهما اختلفت الاراء والاذواق ما قدر ده.. لفنانة نانسى صوت طروب وحنون جدا نتمنى ليها دوام التقدم ولك اخى تحياتى وعذرا ان شاركتك فى احساسك
ممكوووووووووووونة دايره احلى بيك يا بنية يا بنية يا ضى القمر يا واحة فى شمسا وحر يا كلمة ما انكتبت شعر ويا نغمة ما دقاك وتر يا احن من كل البشر يا بنية يا ضى القمر دقـــــر يا دقـــــر
هسه ينطوا ليك ناس محمد المرتضى يقولوا لى ده فى ممكون ؟؟؟ آىىىىى وحات الله فيها تسلمى دائما بتجينا بالمسك و بالطيب والدعاااااش والهمبريب
التحية للاخت نانسى وجد عمل رائع طارق اب صلعه سلامات وين الصلعــة اقصد وين الطـلة يا ود الفريق والحلة تسلموا والله وشكرا ضل ضحى تحياتى اسماء الجنيد/ مسقط
| |
|
|
|
|
|
|
Re: بصراحة كدا...نانسي عجاج و طارق الأمين ديل ببالغوا....!! (Re: soma)
|
انا أقايتو نانسي عجاج دي ياممكونة صوتها
بيلمس وتر جوَووووووة في روحي وإختيارها للأغاني
بيخليني أتأكد قدر شنو الزولة دي واثقة من نفسها وإمكانياتها الكبيرة في عوالم الطرب البديع ..!
بالجد برافو نانسي ولي قدام دوماً
و
شكراً أُستاذي يحي فضل الله على ( رفقة) نانسي الجميلة
و
شكراً طارق الأمين
و
شكراً جميلاً الصديق الرائع ضياء الطاهر على روعة الحانك المدهشة ..!
و
مانعدمك ياممكونة الحبيبة يارب ..
| |
|
|
|
|
|
|
Re: بصراحة كدا...نانسي عجاج و طارق الأمين ديل ببالغوا....!! (Re: نانسي عجاج)
|
Quote: العزيزة ممكنونة عاطر التحايا اليك ، ولكل رفقتك في البوست سعيدة بان العمل لفت انتباهك، وانتباه المشاركين .. واخد حظه من التحليل والتفحيص والتمحيص
لي عودة اخري ولكن
احب اقول.. انه فعلا يمكنك ارجاع الوصلات التم سحبها، ومافي مشكلة ، وشكرا لحسن تفهمك واستجابتك .. وما اعتقد انه كان الغرض من انزال الاعمال الا مذيدا من الاستماع والمشاركة .. وما اعتقد انه كان العرض من التنبية شي غير مصلحتي .. فلكي وعادل التحية
ولكم مثلها
ولي قدام
التعديل بغرض التصحيح |
العزيزة..نانسي.. سعيدة للغااااااية بمداخلتك و كرم أخلاقك... و سعيدة أكثر بثقتك في نواياي.
كل الحصل إنو الشريط عجبني جداً جداً و رأيت أن أتقاسم متعة الإستماع له مع ناس البورد... ..دون أن أحسب مغبة ما أفعل. شكراً للأخ عادل عبد العاطي على تنبيهي لضرورة إستئذانك.. و شكراً للأخ فيصل نوبي على عدم تنزيل لنكات الحفظ..!
لكِ فائق مودتي و إحترامي
| |
|
|
|
|
|
|
Re: بصراحة كدا...نانسي عجاج و طارق الأمين ديل ببالغوا....!! (Re: mamkouna)
|
Quote: احب اقول.. انه فعلا يمكنك ارجاع الوصلات التم سحبها، ومافي مشكلة ، وشكرا لحسن تفهمك واستجابتك |
شكرا ليك يا نانسي .. و تحياتي ليك و لطارق الأمين ود حلتنا على الإبداع المشترك ... و بفكرك يا نانسي .. إحنا اتلاقينا في حفلةإستوكهولم أواخر العام 2007 م و بالأمارة اتصورت معاك ... شكرا يا نانسي على الرفقة الجميلة و إحنا بنستمع ليك مع طارق .... "راجعي المسنجر" و يا ممكونة بس نزلي لينا"بلداً هيلي نا" عشان ترسخ لينا ... و أهو الإذن جاك من صاحبة الشأن ... و عشان ما نبقى طماعين .. دايرين غنية و احدة .... و مشكورة على نشر الجمال ...
| |
|
|
|
|
|
|
Re: بصراحة كدا...نانسي عجاج و طارق الأمين ديل ببالغوا....!! (Re: mamkouna)
|
Quote: بالكربون يا مولاي اه من غلبي .. وده ما للمقارنة إلا يا خواض ..كلامك صاح وعليه ينتفي بوليغ طارق الأمين في الحتة دي !!! نانسي زاتها ما بالغت وغتعجنت كتييير في الأغنية دي وخلتها بدون ملامح .. |
بااااااالغت يا عمر يا شين (يعني عشان طارق ونانسي مريخاب!) هههههههههه (ما بعرف اعمل الوشوش البضحكن ديك) ياخي يا عمر على الطلاق نانسي دي فيها صوت انا ما سمعت زيّو الا مرّة كنت حلمان اني متّ ودخلت الجنة وارااااقد واعاين للتفاح في الشجرة واعزل منو والبعزلها اعاين ليها كده تجيني ناطّه من الشجرة واقرش التفاحة واسمع في صوت واحدة بتغني في طعامة غناء وسماحة صوت حاجة غرييييييييبة وصحيت لقيت ود جيرانّا امو مرسلاهو لي امي دايرة شوية (عجين خمّار) والولد مزرر قميصو غلط ولابس سفنجتو بالقلبة .. وتاني ما سمعت صوت زي صوت الجنّة داك الا من الفناااااااااااااااااااااااااااااااااااااانة جداً جداً (نانسي عجاج) تسلمي يا نانسي وتسلم يا طارق والى الامااااااااااااااااااااااااااااااااام .. عمر عمر عمر : العجب كيف!!!
| |
|
|
|
|
|
|
Re: بصراحة كدا...نانسي عجاج و طارق الأمين ديل ببالغوا....!! (Re: عاصم ابوبكر حامد)
|
ممكونة العزيزة شكرا للبوست انا جيت بعد سحب الاغاني مما اضطرني امشي اصالح زول كنت قاطعاهو معاهو عشان متأكدة انه عندو الاغاني وماخاب ظني واستمتعت شديد الزول اصله مايخاصم ناس مفيدين معجبة بنانسي وبكل اعمالها وملاحظة التطور في اداءها وبتمنى ليها المزيد من التقدم
_________________
* نزار الخواض ياعزيز متهيأ لي انه اللحن المستخدم دا لحن شعبي يخص قبيلة محددة ومشهورة بيهو وممكن ملاحظته في اكتر من عمل او اغنية مشهورة *عاجباني خفة نوبي رغم التحذير *الطاهر مهم جدا بالنسبة لينا تعيد نظر وتنصف نانسي لانها فعلا موهوبة
| |
|
|
|
|
|
|
Re: بصراحة كدا...نانسي عجاج و طارق الأمين ديل ببالغوا....!! (Re: mamkouna)
|
الأخ نزار الخواض.. أتفق معاك في إنو اللحن مألوف و بيشبه ألحان لأغنيات كثيرة.. و أعتقد إنو دا سبب سرعة تقبله و سهولة هضمه.. الكلمات بسيطة و عفوية و تزامنت مع وجعات كثيرة بنمر بيها كلنا.. مما ساعد برضو على تقبلها و سهولة هضمها.
أتفق برضو مع ملاسي في إنو يا ريت لو كان الشريط يحمل إسم (( بلداً هيلي نا )).. ... بدلاً عن (( رفقة ))... للأسباب السابقة.
| |
|
|
|
|
|
|
Re: بصراحة كدا...نانسي عجاج و طارق الأمين ديل ببالغوا....!! (Re: mamkouna)
|
الأعزاء..
ود المايقوما.. خليل.. الجندرية.. فيصل نوبي.. سعد الدين عبد الرحمن.. أشرف طه.. هشام مدني.. عمر الفاروق.. محمد المرتضى حامد.. عمر أحمد.. أمجد.. ديامي.. نهال الطيب.. نهى محسن أبو راس..... حليمة 2.. الطاهر ساتي.. عادل عبد العاطي.. نانسي عجاج.. سوما.. نادية عثمان.. غباشي.. أمير عوض الجمري.. طلال عفيفي.. عاصم أبو بكر.. راوية.. الباش..
شكراً على مروركم/ن و مشاركاتكم/ن.
| |
|
|
|
|
|
|
|