اللهم لا اعتراض في حكمك قبضوا شنو يعني ؟؟؟ ولي عاملين لها معرض ؟؟؟عشان يثبتوا شنو؟؟ و والله انا بستغرب في الناس البتمش تتفرج علي خيابات الانقاذ دي ؟ المعرض دا كلف كم من ارواح البشر؟؟؟ ولا ما كفايه عايزنها تزيد ؟؟؟!!!
انا سمعت لواء ركن بقول للناس في التلفزيون الأسلحة دي الآن زي لعبات الأطفال ..لأنو سلاح المفرقعات قام بعملية الفحص!! طيب طلعوا ألأطفال الأسرى عشان يعلمونكم كيف تتعاملوا مع السلاح الآن عرفت كيف تمكنت ححركة العدل والمساواة من دخول أمدرمان
عرفت من بعض الرواد أن الذخائر الحية قد تم سحبها من المعرض ،،، ولاحظت تدافع كبير جداً من مختلف قطاعات المجتمع ،، وطبقاتها في المعرض عصر اليوم،،، وكثير من هؤلاء الناس لا فكرة لديهم حول انفجار الدانة ظهر اليوم
ويتخيل لي لو عرفوا في دانة أنفجرت ممكن يكون العدد أزيد من الذي شاهدته ،،، لأن يوم الأحداث لاحظت عدد كبير جداً من المواطنيين في الشوارع يتفرجون علي الأحداث وكأنه فيلم آكشن ، وليس معركة حقيقية يمكن أن تؤدي بحياتهم
وأذكر في ثمانينيات القرن الماضي ،، أنفجر لغم في خور يحد حيًنا من الناحية الشرقية ،، في مدينة كسلا ،،، وكل حيُنا والأحياء المجاورة أندفعنا ناحية الصوت ،،، فأنفجر بعد دقائق لغم آخر لجواره ،، فإزداد جرينا نحو صوت الأنفجار
وفي نفس الفترة أنفجر مخزن ذخيرة في حامية كسلا ،،، ولم يتصدي للمواطنيين المندفعين نحو مكان الإنفجار سوي السور الشائك للحامية والحراس علي الأبواب ،،، وهذا سلوك يجب دراسته ،،، فكل شعوب الدنيا تتجنب الأماكن الخطرة إلا شعبنا هذا
زهير سلامات يازل قلنا الكلام دة قالوا نحنا بتاعين منظمات وبتاع وشغالين مع اليهود قلنا غلط الشفع يتصورو مع السلاح قالوا علينا بتاعين كضب يا زول الناس ديل البعملوا فى الناس يظهر ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة