|
|
 المريخ يواجه أولمبيك خريبكة المغربي.. والهلال في مجموعة إنييمبا
|
انتهت قبل قليل قرعة ربع نهائي دوري الأبطال ودور السنتة عشر مكرر للكونفدرالية
المريخ سيلعب مع أولمبيك خريبكة المغربي
والهلال في المجموعة الثانية مع إنييمبا النيجيري.. مازيمبي الكنغولي والقطن الكاميروني
المجموعة الأولى ضمت الأهلي.. أسيك الإيفواري.. الزمالك وديناموز هراري الزيمبابوي
في حال صعود المريخ لدور المجموعات سيلعب في مجموعة واحدة مع المتأهل من لقاءات
النجم الساحلي والترجي
شبيبة القبائل وإستر دوالا
الاتحاد الليبي وكوتوكو الغاني
بالتوفيق
|
|
 
|
|
|
|
|
|
|
|
Re: المريخ يواجه أولمبيك خريبكة المغربي.. والهلال في مجموعة إنييمبا (Re: مزمل أبو القاسم)
|
الاستاذ مزمل ابوالقاسم اهلا وسهلا بيك
سيبدء الهلال حملة الوصول الى الكاس هذا العام
اعلم يامزمل بان الهلال اكبر منك وستعلم يامزمل بان الهلال فريق كبير
ودائما يحب ان يقابل الكبار ويهزمهم فان المقبره هذا العام يامزمل
سوف يدفن فيها كل من انمبيا والقطن ومازيمبى اقوى فرق القاره
ولكن سنرى قوات ملكم حبوبه ماذا ستفعل
وسنرى انكم فى اى منقلب تنقلبون يامزمل
| |
|
|
|
|
|
|
|
|
|
Re: المريخ يواجه أولمبيك خريبكة المغربي.. والهلال في مجموعة إنييمبا (Re: خالد الجبل)
|
اعلم يامزمل بان الهلال اكبر منك
الأخ محمد
هسع باللة فى داعي للأساءة ،الراجل جاء ينشر لكم خبر ينتظره كل الرياضيين من الصباح وارسل مندوب من جريدته لينقل لكم الخبر أول باول تقوموا تسئوا اليه والى المريخ والعجب . أم انها فرحة الوقوع فى المجموعة السهلة .
الاخ محمد
بحكم انك رجل متعلم نرجو ان تساعد بالأرتقاء بمستوي التشجيع ولاتصبح مثل بعض كتاب الأعمدة الذين يكتبون عكس قناعاتهم لأرضاء القراء المتعصبين ،فباللة شخص يسي للعجب وكورته ممكن يكون انسان منطقي مع تحياتي
| |
|
|
|
|
|
|
|
|
|
Re: المريخ يواجه أولمبيك خريبكة المغربي.. والهلال في مجموعة إنييمبا (Re: مزمل أبو القاسم)
|
| Quote: والهلال في المجموعة الثانية مع إنييمبا النيجيري.. مازيمبي الكنغولي والقطن الكاميروني |
والله يا الهلالاب السنة دي اذا ما شلتو الكاس
الا تاني تشيلوها عصر يوم القيامة
اها ربنا اداكم انيميا وقطن وما ذنبي
شوفتوا حلاة الاسماء دي
ربنا بيدي فرق ساهلة
ولكن نعمل شنو مع شقي الحال
شدوا حيلكم عشان تشرفونا
اخوي محمد عادل
مافي داعي للالفاظ دي
انت شاب عاقل ومتخرج جديد
اخونا مزمل نقل الخبر بس
وله الشكر
ماكان في داعي للتجريح دا
| |
|
|
|
|
|
|
|
|
|
Re: المريخ يواجه أولمبيك خريبكة المغربي.. والهلال في مجموعة إنييمبا (Re: مزمل أبو القاسم)
|
هكذا أورد الاستاذ/مزمل الخبر كصحفي محترف
| Quote: انتهت قبل قليل قرعة ربع نهائي دوري الأبطال ودور السنتة عشر مكرر للكونفدرالية |
أهمية البطولة هي التي حتمت البدء بالبطولة الكبرى اي نهائي دوري الابطال
وهنا رجع الاستاذ بالخبر كمشجع مريخابي
Quote: المريخ سيلعب مع أولمبيك خريبكة المغربي
والهلال في المجموعة الثانية |
فكان لا بد من تقدمة للوصيف بحكم الإنتماء
وعلى كل السكة سالكة للفريقين واتخيل حظ الهلال اوفر من المريخ حسب القرعة التي امامنا
| |
|
|
|
|
|
|
|
|
|
Re: المريخ يواجه أولمبيك خريبكة المغربي.. والهلال في مجموعة إنييمبا (Re: طلحة عبدالله)
|
اولا اخي مزمل
شكرا علي المعلومة القيمة.
ثانيا :
نصيحة لوجه الله اخي مزمل ان تعتزل الكتابة
سواء في الصدي او اي من الصحف او في سودانيز
اونلاين لفترة من الزمن.
س:
ليه؟؟؟؟؟
ج:
1- لان القاعدة وسط كتاب الهلال المحترفين اصبحت
(اذا اردت ان تشتهر فعليك بمهاجمة مزمل) وقبلنا
هذا الامر منهم لكن تعدي الامر الكتاب المحترفين
لبعض الصبية في المنتديات. وهذا يقلل من مكانتك
وهذا ما لا نرضاه نحن المريخاب.
2- نريد ان نري ولفترة محدودة ماذا سيكتب الذين
لا يجدون مادة يكتبونها في مقالاتهم اليومية سوي
مهاجمتك.
| |
|
|
|
|
|
|
|
|
|
Re: المريخ يواجه أولمبيك خريبكة المغربي.. والهلال في مجموعة إنييمبا (Re: ALGARADABI)
|
الاخ ادهم هل تحسب ابقوتة من الصبية
ياخى فى المنتدى الرجل يقاس بمشاركاته
وتاريخ تسجيله وحضوره فقط
فاذا قلت مشاركاتك ندر وجودك
واذا ندر وجودك لا مكان له فى البورد
على البورد هذا هنالك صحفى رياضى واحد معترف به
اما البقبية مثلى ومثلك ومثل مزمل وطلحة
كلهم مشجعون فقط
فاسال عنه لانك جديد فى عالم البورد
اما نصيحتك لمزمل فى محلها,,لان دنيا البورد تختلف عن دنيا الصحف
فى صحيفتك من الممكن ان تبرطع ما تشاء ولا احد مسئول عنك
لكن فى البورد لابد من حراسة بوستك زى موية القمح@
والا لا يزورك احد فى المرات القادمات
تحياتى
ابوقوتة
c.v
تاريخ التسجيل: 20-04-2003
مجموع المشاركات: 5369
@ تعبير جميل للجزيراوى المسرحى بدر الدين شنا
عضو من الزمن الجميل فاتتك قفشاته
ارجع الارشيف ممكن تستفيد
لك الود قيقا بيتات
| |
|
|
|
|
|
|
|
|
|
Re: المريخ يواجه أولمبيك خريبكة المغربي.. والهلال في مجموعة إنييمبا (Re: Elsamani A.Malik)
|
الاخ عباس
انا ما غلطت علي احد في المنبر وكلمة صبية
ليست مسيئة لاحد وراجع المعني جيدا
يعني لامن تكتب:
| Quote: انت غلطت في ناس كتار ومزمل بتاعك ده عندو لستن بجيب ليه الغلط |
افهم شنو انا من لستن دي (لستن عربية)؟؟؟
ولامن تقول
| Quote: وشتيمت الهلال زي طلحه حبيبي ده |
وشتيمة الهلال وليس (شتيمت) يتضح الفرق
بين الكبار الذين يحترفون الكتابة والصبية
الذين يتعلمون الانشاء والاملاء.
وبعدين يا اخي انا ما قصدتك انت مالك (متسربع)
عموما لك العتبي اذا غلطت وطالك بعض الرشاش
| |
|
|
|
|
|
|
|
|
|
Re: المريخ يواجه أولمبيك خريبكة المغربي.. والهلال في مجموعة إنييمبا (Re: ادهم عبد الرحمن نصر)
|
اخي ابوقوتة
تحياتي
| Quote: الاخ ادهم هل تحسب ابقوتة من الصبية |
انا لم اذكر انك من الصبية بل قلت بعض الصبية
وبعض لا تعني الكل الا اذا كنت تفهم انك منهم
والفي في بطنو ...... كما يقول المثل الشعبي
| Quote: فاسال عنه لانك جديد فى عالم البورد |
اولا شكلك ما لقيت حاجة ترد بيها علي غير تاريخي في البورد
ثانيا وللمعلومية انا كنت عضوا في هذا البورد في العام
2002 باسم doodi5
اما المهم عندي فهو النوع وليس الكم في المشاركات
يعني بالعربي لو عايز اعمل مليون مشاركة في اليوم من
النوع اياه ممكن (وبرضو ما قاصدك عشان ما تفهمني غلط)
عموما برضو لك العتبي حتي ترضي اذا لحقك طرف السوط
ولحبيبنا ورمزنا الباقي والمنافح عن حقوقنا مزمل اكيد حبنا
| |
|
|
|
|
|
|
|
|
 Re: المريخ يواجه أولمبيك خريبكة المغربي.. والهلال في مجموعة إنييمبا (Re: ادهم عبد الرحمن نصر)
|
انت غلطت في ناس كتار ومزمل بتاعك ده عندو لستن بجيب ليه الغلط
دي انا قاصد بيها لسان وشوف وين حرف التاء والالف في الكي بورد
وشتيمة الهلال وليس (شتيمت) يتضح الفرق
بين الكبار الذين يحترفون الكتابة والصبية
الذين يتعلمون الانشاء والاملاء.
وفي دي انا غلط لكن برضو ما بيحق لي مزمال او غيرو يشتمو الهلال سيد البلدولا يحق لي طلحه ان يتخصص هنا في شتيمة الهلال ورئيس الهلال وبالمناسبة الواحد لو عاوز يمشي في الطريق ده ما صعب
وما في مشكله يا ادهم اخوي واسال كيقا وسامي وشيبا وراكوبه نحنا هنا معاهم من سنة كم مافي واحد قال لي واحد فيهم صبي ولا غيرو لانك انت ما عارفني انا عمري كم سنة امكن اكون اولادي قدرك
عموما حصل خير
وزولك ده كايسين ليه هنا بالسنين لانو لو فتح في الصدي وسيله للرد عليه كان قفلها زمان ونفد بي جلدو
ولا علي الاقل يترك اميل بس
شكرا يا زول والعفو والعافية
| |
|
|
|
|
|
|
|
|
|
Re: المريخ يواجه أولمبيك خريبكة المغربي.. والهلال في مجموعة إنييمبا (Re: MOHAMMED ELSHEIKH)
|
شوفوا ياهلالاب اقول ليكم
مزمل دا انتو بتحبوه اكثر من حبناليه والدليل على ذلك متابعةكتاباته والبوست جاب مانزل كدا وصل في لحظة حوالي الثلاثمائه مشاهد طبعا في هلالاب معجبين بكون ماعندهم باسبورد وهذاان دل انمايدل على مكانة المزمل عندكم خليها عندنانحن البنريدو وبعدين مزمل دا مافي يرد على الاساليب والكتابه السيئة والإساءت من خلف الكي بورد
هلالكم دا صاحب صفر دولي من الإنجازات ودي ماعاوزه ليها درس عصر وهذه اغلب كتابات مزمل حارقكم وين؟؟؟
جيبو ليكم انجاز واحد وتعالوا اتفاصحوا عشان الرائع مزمل يرد عليكم.؟؟؟؟
ونحن عندمانقول انتو وصفاء ليس انتم الوصفاء الوحدين بس تشاركوا كل فرق السودان ابتداء منكم لحدي اخر فريق سجل في الاتحاد (لانكم اصحاب صفر من الانجازات)
وزيادة عن الوصافة ماعندكم روح الرياضة وكان باريتو مزمل دا بقتل ليه فيكم واحد؟؟؟؟
ونؤكد شعبية مزمل وسط المريخاب الزعلانيين والدليل متابعة كتاباته بعدين مزمل دا بكره الهلال عشان شنو الهلال حقق شنو للكره السودانية عشان يكرهوه ماصاحب صفر دولي 
سير يامزمل وعين الله ترعاك ولانامت اعين الوصفاء
ابومصطفى
| |
|
|
|
|
|
|
|
|
|
Re: المريخ يواجه أولمبيك خريبكة المغربي.. والهلال في مجموعة إنييمبا (Re: keiga2000)
|
| Quote: سير يامزمل وعين الله ترعاك ولانامت اعين الوصفاء |
فوووووووووووووووووق
عشان مزمل
وابو مصطفى
وادهم الظريف
المهتم بالكيف ,,
ياساكن جنب القيف
قال هو من الزمن العفيف
كان جالس على الرصيف
ياود ياحريف
للصدى انت حليف
وقارىء شفيف
ومدافع بالسف
ابو الهل ما بقيف
فى الممتاز وليف
وينك ياوصيف؟؟؟
خمسة سنينi can bleave
مع الصغار تقيف
مرات تقابل صير
ومرات للدولفين مضيف
هذا العام وضعك مخيف
قول يالطيف
ياناصر الضعيف
من التوانسة
وفريق كابتن لطيف
قلت لى راس السوط لحقنى,,ولد دا خليك معانا سنة كدا
وسف تعرف الصحفى ابو لدن
وليش بقول انا صحفى,,عشان نوع البفتح بوست زى دا وما بجى راجع تانى
اما عن الخبر,,اصبح منقول على الجوالات وكل webside,,ليس هنالك سبق صحفى
اها سالت عن الصحفى الرياضى البوردى الوحيد,,الذى يقال عنه صحفى رياضى
ولا ما عندك زمن,,,
تحياتى لك وشكرا على سعتة صدرك
اتصل على مزمل وقول ليه عند ضيوف فى بوستك
ما زلت مصر على رجوعك للارشيف دا بلحقك ناس سنة سادسة
اها
فتك عافية
هامش
البوست كلمة معربة تعنى بها مشاركة جديدة,,يلزم صاحبها حارستها
زى موية القمح ياسمح
ارجع ل كتاب الدرر المكان ,,لصاحبه عادل سجيمان
| |
|
|
|
|
|
|
|
|
 Re: المريخ يواجه أولمبيك خريبكة المغربي.. والهلال في مجموعة إنييمبا (Re: ابو عثمان)
|
Quote: يازول الوصفاء معروفين والبتمنو كاس الدوري معروفين خليك حقاني
وا نامت اعين الوصفاء دي حقيقة ناس جمال الوالي وحسن اتشكلو والنوم جافاهم من عدم الحصول علي الدوري هيهيهيهيهيهيهيهي |
نحن لو ما جبنا كأس الدوري ده تاني عشرة سنة ما مشكلة لأننا حققناه في يوم من الأيام ... والتاريخ شاهد على ذلك . بس إنتو يا الوصفاء بالله طوال تاريخكم المخزي داااااك جبتو ليكم كأس خارجي واحد ؟!!! ومابراكم قلتوا نحن وصيف البطل مرتين ؟!!! أها بتعترفوا بالوصافة دي وتاني بترجعوا في إعترافكم مالكم ؟!!! وحقاً الاختشوا ماتوا .
نحن كان النوم جافانا بسبب الدوري رغم تحقيقنا ليهو من قبل !! إنتو النوم طائر ليكم منذ الأزل علشان ماشفتوا ليكم حديدة جاية من بره !! قال جافاهم قال .
مودتي لكل الهلالاب . ومن قبلهم طبعاً لكل المريخاب زعماء وأسياد البلد . وبرضو العجب حبيبي .
عماد
| |
|
|
|
|
|
|
|
|
 Re: المريخ يواجه أولمبيك خريبكة المغربي.. والهلال في مجموعة إنييمبا (Re: ابو عثمان)
|
في هذا المنبر لايوجد من هو فوق النقد .. وهو ساحة للقاءات المباشرة .. تخيل بأن رمز كبير ومفكر في درجة الدكتور منصور خالد لم يسلم من النقد بل وفي بعض الأحيان من الاساءة ... تقول لي مزمل أبو القاسم ......فكتاباته كلها مسيئة جدا . علي الأقل فاليعرف رأي الناس مباشرة طالما أنه لايتيح مجالا للقاء مع الاخرين بعدم وضعه للبريد ا لاليكتروني الخاص به ..
| |
|
|
|
|
|
|
|
|
|
Re: المريخ يواجه أولمبيك خريبكة المغربي.. والهلال في مجموعة إنييمبا (Re: مزمل أبو القاسم)
|
ألأخ/مزمل أبوالقاسم
شكرآ جزيلآ على الخبر
كما أرجو أن يكون لك الوقت لترد على وجهات نظر ألأخرين حول كتاباتك وترد عليهم..وقارع الحجة بالحجة..وعذرآ للكتابات التى التى بدرت من بعض الهلالاب..ويرجع ذلك لحدتك عليهم فى الصحف..ما أجمل ألأعتدال..
ألأخ/طلحة عبدالله:
Quote: يا عبس دا شرف لا ندعيه وتهمة لا ننكرها ..
لكن هسي أنت عايز تقعني أنو المشجعين كلهم واحد...؟؟
يعني نحن كمشجعين (مريخاب) زيكم انتو كمشجعين (هلالاب) .. ؟؟
ياخي فرق بين الصفوة والكفوة .. |
فرقك شنو من المشجعين الكفوة..لاتظن أنك من الصفوة بهذا الحديث
هذه المهاترات لاتخدم الرياضة بشىء....إن كان بدر هذا من الهلالاب أو المريخاب....خلونا نشجع بوعى.ونشجع الكورة الحلوة بدون تعصب..
إسماعيل محمد أحمد عباس..
| |
|
|
|
|
|
|
| |
محمد عادل
عبود عبد الرحيم
عبد اللطيف السيدح
7abib_alkul
طلحة عبدالله
خالد الجبل
علاء الدين حيموره
معاوية محمد الحسن
kamalabas
abuguta
حسين محي الدين
Al Sunda
keiga2000
abas
ادهم عبد الرحمن نصر
ALGARADABI
mohanad haimoura
محمد عبدالرحمن
بدرالدين يعقوب
يسرى معتصم
Elsamani A.Malik
Badr Edinn Abdul Rahman
على محمد على بشير
khaleel
MOHAMMED ELSHEIKH
عبدالله كع
ابو عثمان
mo
ismeil abbas
شول اشوانق دينق
فيس بوك
تويتر
انستقرام
يوتيوب
بنتيريست