تعرفي يا إشراقه لحظت أن أكثر المواد المصورة التي أعيد مشاهدتها مرارا وتكرارا كانت لأطفال. لا أخفيك أنني ظللت طوال الأيام (البايخه) المنصرمه أبحر في إبداعاتهم ومبالغاتهم وبراءتهم الجميلة. ربما لأننا نفتقد البراءة - زي ما شايفه. شكرا يا دكتوره على المرور.
05-17-2008, 09:22 PM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
Quote: لا أخفيك أنني ظللت طوال الأيام (البايخه) المنصرمه أبحر في إبداعاتهم ومبالغاتهم وبراءتهم الجميلة. ربما لأننا نفتقد البراءة - زي ما شايفه.
مساك طيب يامحمد!
الغريبة قبيل بديت كتابة رؤوس لموضوع سميتو {حركات شفع} مرات الزول يتعب من شيل الحياة دى فى روحه تكون خلاااااص واقف على حافة الشهقه البتكون ماعارف دى شهقة حياة ولاموت
فكرت فى حركات الشفع... واتمنيت ارجع شافعة تانى وماينهرنى زول يقول لى اقعدى ساى ولا اقعدى كويس ولا ضحكتك شرخت الهواء
يخلونا نعيش براءتنا وتفاصيل طفولتنا اتمنيت اعمل زى مرافىء بتى لمن اصحيها الصباح عشان نجهز هى للروضة وانا للمكتب نفس حركات اخوها ولدى واصل التقول متفقين علىّ { شوية كمان ياماما- اشرة دكايك {قاصدين عشرة دقائق}
نفسى اعمل زى الحركة دى عشرة دقائق بس تهدأ الدنيا عندنا
------ ياحليل ناسنا!! بس لو بحتنا تحت تحت بنلقى ناسنا ديل ذاتهم ماقصروا فى الحاصل لينا
تحياتى واحترامى
05-17-2008, 11:29 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: انا ما ظهرت عندي اى حاجة ولا حتى صورة في البوست ده تقصد شنو انت رامي ليك عنوان زى المسكول كده
.
معقوله بس يا الطيب؟ الحاله انت من أهل الكرامات وبتقرا الفي العيون قبل ما ينكتب. ده انت يا (شيقا) بتقرا البنكتب بالحبر السري ، تقول كلام زي دا؟ ياخي انت ربنا حبَاك بنعمة الجلاء البصري والجلاء السمعي معا وتحتفل بأعياد الجلاء وما تقرا كلامي؟ الزمن ده كلو اقول (شيقا) عشميق حبل الوجج مُقلام الحجج خال فاطنه وخريف الرتوع أبشقّا وقمر السبوع وبرضو تفشِّلني؟ يا الطيب العنوان بسيط لا ألغاز ولا ترميز فيه والببالغوا عدد من الأطفال لكل منهم إبداعه الخاص ولاعلاقة (لمبالغاتهم) بوزير دفاع أو سفير هجوم؟ ما زالت الدنيا بخير يا طيب والمنبر برضو..
05-18-2008, 10:49 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: معقوله بس يا الطيب؟ الحاله انت من أهل الكرامات وبتقرا الفي العيون قبل ما ينكتب. ده انت يا (شيقا) بتقرا البنكتب بالحبر السري ، تقول كلام زي دا؟ ياخي انت ربنا حبَاك بنعمة الجلاء البصري والجلاء السمعي معا وتحتفل بأعياد الجلاء وما تقرا كلامي؟ الزمن ده كلو اقول (شيقا) عشميق حبل الوجج مُقلام الحجج خال فاطنه وخريف الرتوع أبشقّا وقمر السبوع وبرضو تفشِّلني؟ يا الطيب العنوان بسيط لا ألغاز ولا ترميز فيه والببالغوا عدد من الأطفال لكل منهم إبداعه الخاص ولاعلاقة (لمبالغاتهم) بوزير دفاع أو سفير هجوم؟ ما زالت الدنيا بخير يا طيب والمنبر برضو..
حليلك يا المرتضى ات قايل الحال زى زمان ؟ التطور التقني ده بقى بشويش علينا اى حاجة الا اكان الواحد تاني يشوف ليهو صمغ يتمسح بيهو ويبهل في جسمو تراب حتى لا تلتقطه ادوات الانذار المبكر ومحل ماش تتجدع وتقدل سااااااى وتقول الزارعنا غير الله اللجي يقلعنا.
05-18-2008, 12:56 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
لم يعد الحال كما كان ولن يا طيب, ما أود تأكيده هنا أن هؤلاء الأطفال وضعوا ابتسامة وضحكة تخصص بعض الكبار في مصادرتها من وجوهنا بأفعالهم فأصبح الصغار كبارا والكبار صغارا. هؤلاء الأطفال الأبرياء يمكن أن نطلق عليهم ما نطلقه على بعض المنظمات( مبهجون بلاحدود).
05-18-2008, 01:43 PM
الزاكى عبد الحميد الزاكى عبد الحميد
تاريخ التسجيل: 12-09-2005
مجموع المشاركات: 895
Quote: هو ترياق يسري في شرايين زمن أسيف يستعذب موت الفأل في المآقي..
الزاكي اباهي، الشكر لك أنك ظللت من الذين نستند إليهم بصفتك (حائط ليس ينهار) في أقصى حالات الإحباط والنكوص ، ادرك انك ككثير من الراشدين في هذا الإسفير ترقب الأمور عن كثب ولاتشارك في العبث الذي يدور أو تتعامل قطيعيا مع كل من يضرب طبلا أجوفا يستنفر به أقلام الخصوم في متوالي الدنكشواطيات التي تترى. بالفعل إنه زمن أسيف يستعذب موت الفأل في المآقي . لله درك.
يا حفيظ، سلامات يا عزيز، زرقاء اليمامة هنا ما بتنفع ، العامل الحاسم هنا هي التكنولوجيا، هسه كان زرقاء اليمامه اشتغلت في معمل لفحص الملاريا أو تحري رؤية فيروس التهاب الكبد باقي ليك حاتشوف حاجه؟ طيب ، ترجمه على الشريط، الموضوع الإفتتاحي طفل مغربي يقرأ سور قرآنية قصيرة بطريقة طريفه. الثانية لطفل إيراني ، بعد (التدريب) والتلقين ، يخطب في المصلين عن وفاة السيدة فاطمة ولاينسى إبداء التأثر حتى ينتحب (الكبار). أما الطفل اليمني فهو أسطوري في سخريته ووضوحه، ما عندو لاغتغته ولا غتاته, أما الطفل وليد الخواجات ده كلما أقرا بعض (العناوين) هذه الأيام أعود إليه لإزالة أشياء كثيرة، فمفعوله أكيد. هسه لقيت واحد من الأطفال ديل شكله مختلف ويبدو من ملامحه إنه عندو مستقبل (سياسي) عظيم، أديني رايك فيهو. تسلم ياحفيظ و... بركه الجيت.
05-18-2008, 03:21 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
والله انا زيك يالطيب ما ظهرت لى حاجه الا الولد النائم ده والله بتبالغ يامرتضى انت ما عارف انو فى المنبر ده هنالك ناس من الطبقة المتوسطة ما عندهم الانترنت السريع ....
05-18-2008, 10:15 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: والله انا زيك يالطيب ما ظهرت لى حاجه الا الولد النائم ده والله بتبالغ يامرتضى انت ما عارف انو فى المنبر ده هنالك ناس من الطبقة المتوسطة ما عندهم الانترنت السريع ....
في المكتب ما ظهرت لي لكن في البيت هييييييييييييييييييييييع فورة وقلبة
المرتضى الطفولة دى بتشبه طفولتك انت
نحن يا ود القرشي مهارات طفولتنا بتقاس بكيفية خمشتك لضنب العقرب او سكّك ، وانت حابي ، للسحلية
05-18-2008, 10:44 PM
رشا سالم رشا سالم
تاريخ التسجيل: 08-24-2006
مجموع المشاركات: 2605
Quote: والله انا زيك يالطيب ما ظهرت لى حاجه الا الولد النائم ده والله بتبالغ يامرتضى انت ما عارف انو فى المنبر ده هنالك ناس من الطبقة المتوسطة ما عندهم الانترنت السريع ....
حتى أنت ياأحمد؟ ياخ خدمة ال ADSL واصلة عندكم وعايز تعمل لي فيها طبقه متوسطه وهوامش ومتون؟ أتمنى (الترجمه) اللي عملناها لحبيبنا عبدالحفيظ خلّتك في الصوره. سنكتفي ، مؤقتا ، بالصور بدلا عن الفيديو عشان كمان باكر ما تقول لي ما قادر أفتح الصفحة. خليك قريب يا زعيم، هو إنت لاقي وقت لينا مع الحزن في الأغنيه السودانيه اللي أصبح زي مزيج برنت زي ماقال طراوه دائما عالي الإغلاق. يا سلام عليك يا أبوحميد.
05-18-2008, 10:59 PM
نهي محسن أبوراس نهي محسن أبوراس
تاريخ التسجيل: 04-02-2008
مجموع المشاركات: 488
الغريبة يا مرتضى ...إنو الجهاز بتاعى فى المكتب حلف ما يجيب البتاعات ديل.... لكن لما رجعت البيت ظهرت بدون أى تعب فى الجهاز يعنى تكنلوجيا جهاز البيت - رغم تواضعه - طلعت أشطر من بتاع المكتب - رغم حداثتو- حٍكَمْ!!!!!!
05-19-2008, 10:07 AM
أبوبكر أبوالقاسم أبوبكر أبوالقاسم
تاريخ التسجيل: 11-27-2007
مجموع المشاركات: 2805
Quote: دورة الحياة تبدأ بالطهر والنقاء ، ونقضى نحن معظم سنين عمرنا لجلاء أنفسنا علنا نُحظى بما إستهلينا به حياتنا ولكن هيهات.
العزيز أبوبكر ابوالقاسم,
لاشك أن ما يعجبنا في أحباب الله أولئك له اصله في أماني النفس السوية التي تنشد حالهم وبراءتهم والعودة إلى الأصل النقي ولكن..، أأقول هيهات كما قلتها أنت؟ أتمنى أن نعود إلى ما خلقنا عليه حتى ننام بذات اليسر في مخادعنا. اللهم اغسل عننا الأدران والأحزان.
وضوح في إبداء وجهة النظر.. قولا
05-19-2008, 10:34 AM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
يا نهى محسن كيف حالك، شوفي الشاب ده ببالغ كيف ، قال للكبار ورّوني العدو واقيفوا فرَّاجَه؟ الظاهر بيقرا سودانيزأونلاين ، مش في واحدين هنا بيقولوا البجيك مشمر لاقيهو شنو كدا ما عارف، نحن بننسج على منوال وردي وبنقول التقى جيل البطولات بجيل الهراوات.
05-19-2008, 07:45 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: شوفي الشاب ده ببالغ كيف ، قال للكبار ورّوني العدو واقيفوا فرَّاجَه؟ الظاهر بيقرا سودانيزأونلاين ، مش في واحدين هنا بيقولوا البجيك مشمر لاقيهو شنو كدا ما عارف، نحن بننسج على منوال وردي وبنقول التقى جيل البطولات بجيل الهراوات.
هاهاهاهاهاها في نوع كده مابنفع معاهو الا الهرش... وصاحبنا ده مشي بالنظرية دي... وعندي احساس الزول ده مش بقرأ سودانيزاونلاين بس... الزول ده عضو عدييييييييييييل كده....
05-20-2008, 09:55 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: إنت قايل الرطانة ديل ماشين هبوب سااااااااااااااي نحن كمان أسياد الكون وبنوريك الكلام ده... زي ماقال عمرو بن كلثوم...
أبا شيقوق فلا تعجل علينا وأنظرنا نخبرك اليقينا
بأنا نورد الرايات بيـضاً ونصدرهن حمـراً قد روينا
وأيام لنا غـر طــوال عصينا الملك فيها أن ندينا
ورثنا المجد قد علمت معد نطاعن دونه حــتى يبينا
أعمل حسااااااااااااااااااااااااااابك
يجازي محنك يا بت ابو راس انا الزمن ده كلو مالي بيك إيدي طااااااب وقلت البنية دى من اسمها بتنا عديل كده والله خسارة تطلعي رطانية امانة ما ضيعت اسم يا بت ابو راس .
Quote: يجازي محنك يا بت ابو راس انا الزمن ده كلو مالي بيك إيدي طااااااب وقلت البنية دى من اسمها بتنا عديل كده والله خسارة تطلعي رطانية امانة ما ضيعت اسم يا بت ابو راس .
انت عارفه يا نهى والله اسم جدك كلما يبايني بطريني اهلي لانو عندنا اسرة ود ابو راس - بس بيني وبينك اصلو ما بشبهكم انتو الرطانة تكونوا همبتوهو مننا صااااااااااااي .
Quote: عشان كده أخيرك تنضم للحلف الأقوي...ال هو حلفنا طبعا...وخليك من الضعفاء وأحزاب لعقة الدم العجيبة ديك..
فيك الشك رطانية لانك لو بالصح رطانية اكان كلامك الفوق ده يكون كالاتي :-
اشان كدا اخير لك تندم للهلف الاقوى .. ال هو هلفنا تبعا .... وهليك من الدوأفاء واهزاب لعقة الدم الاعجيبة ديك .. حذاري من انتحال صفة الرطانية حتوديك في ستين الف داهية يا نهى اختي .
Quote: لا نحن الريس ده خالينو لمن المواضيع تتعقد عشان يحلها لينا..
اكان بقى ده فزعك خمي وصري
Quote: عشان كده خالينو لمن ننقلك لحلفنا بإذن الله...
اكان لحلفاء ام دراب ديك خليناها ليكم لكن اكان هلفتنا الجديدة هييييييييييييييييييع معاكم الحجل بالرجل
Quote: إنت عشان أخوي انا بفتش ليك المصلحة....
ما مضمونة تكون إندك هدن اجندة .
05-20-2008, 06:00 AM
نهي محسن أبوراس نهي محسن أبوراس
تاريخ التسجيل: 04-02-2008
مجموع المشاركات: 488
Quote: انت عارفه يا نهى والله اسم جدك كلما يبايني بطريني اهلي لانو عندنا اسرة ود ابو راس - بس بيني وبينك اصلو ما بشبهكم انتو الرطانة تكونوا همبتوهو مننا صااااااااااااي .
كمان جابت ليها سلبطة....
Quote: اشان كدا اخير لك تندم للهلف الاقوى .. ال هو هلفنا تبعا .... وهليك من الدوأفاء واهزاب لعقة الدم الاعجيبة ديك .. حذاري من انتحال صفة الرطانية حتوديك في ستين الف داهية يا نهى اختي .
والله نهنا هاولنا نشوف مسلحتك وين...لكن يذهر مافي نسيب... ترجمة لغير الناطقين بها: والله نحن حاولنا نشوف مصلحتك وين لكن يظهر مافي نصيب
Quote: اكان بقى ده فزعك خمي وصري
هسسسسسسسسسسسسسة بجيك وبقعد كل زول في علبو....
Quote: اكان لحلفاء ام دراب ديك خليناها ليكم لكن اكان هلفتنا الجديدة هييييييييييييييييييع معاكم الحجل بالرجل
يازول هوووووووووووي نحن حلفتنا دي واااااحدة ومعروووووفة...انت كان عندك حلفا تانية امشي ليها...
Quote: ما مضمونة تكون إندك هدن اجندة .
يازول دي غلطتنا الحاولنا ندخلكم وسطنا ونطور منكم..لكن المفروض نعمل حسابنا من الدخلاء والمتسلقين ..
انا سحبت عرضي ليك...مادايرنك معانا في الحلف الا اذا جبت موافقة رسمية ومكتوبة من الBoss وانت عارفو منو وتكون موقعة من 1500 شاهد من أعيان حلفا ( حلفتنا وليست الحلفا التي تتحدث عنها) ويكون انضمامك بمراسيم رسمية طبعا انت ماسمعت بيها لكن ممكن ندعمك بالكتيبات الممكن تساعدك في اللحظات التاريخية دي
05-20-2008, 06:45 AM
فضيلي جماع فضيلي جماع
تاريخ التسجيل: 01-02-2004
مجموع المشاركات: 6315
الأخ المستشار/ محمد المرتضى كثيرا ما تأتي بوستاتك بمثابة شجر وارف الظل أو استراحة يفيء إليها الكثيرون من الضجر والجفاف حين يطغى زبد التراشق اللفظي العقيم على معظم مساحة هذا المنبر. صحيح إن بعض هذه البوستات ينحو منحى التذكار واستعادة أويقات طواها الزمن وتسارع الأحداث فكادت تندثر ‘ حتى إذا أشرت أنت أو غيرك إليها قام الكل مهرولا ، نافضا عنه وقارا زائفا، ثم حدثنا كما لم يحدثنا من قبل عن تلك الأويقات.. وهو (أعني المتداخل/ة) إنما يريح نفسه من الهموم باستعادة تلك الحصة القريبة- البعيدة من حياته أو حياة آخرين من رفاقه (بوست "ناسنا" مثالا). تعجبني مثل تلك الأفكار في كبح جماح حصان البورد من الإنزلاق. بل إن مثل هذه البوستات تقف سدا منيعا في وجه أقلام تسعى لمصادرة المنبر واحتكاره بطرح البعض كتابات دافعهاالكراهية إلى حد الموت (ولعلي أقتبس هنا بعض ما قلته لي قبل فترة قصيرة عبر الهاتف ونحن نشفق على وطن بأكمله من التفتيت بأيدي أبنائه من كل حدب وصوب..وحال المنبر اليوم لا تحتاج مني لشرح ما قلت)! ملاحظة هامة: وقفت كثيرا عند صور بعض الأطفال ممن حفظوا أو لقنوا بعض آي القرآن الكريم ثم قام أهلهم بتصوير المشهد وبثه كما لو أنه إعجاز ديني. مثل هذه الأفكار - وإن بدت في ظاهرها بريئة- إلا إنها في باطنها تحمل بذور هوس ديني أريد له أن يخرج من وضعه الطبيعي بتلاوة أجزاء من المصحف الشريف وتلقينها للصغار في فصل المدرسة والخلوة (وهو أمر محمود وليته يكون) لينتهي - كما رأينا- بتلقين آيات القرآن لأطفال بعمر عام ونصف العام وعامين لكي يقال إن الطفل المعجزة قد نطق أول ما نطق باسم الجلالة أو بآيات من القرآن الكريم !! هذا السباق المحموم في الهوس الديني ليس قصرا على عالمنا الإسلامي وحده بل هو متمكن من أصحاب معتقدات دينية أخرى..فالهوس الديني ليس له حدود جغرافية أو طائفة بعينها. قصدت أن أقول وبمنتهى الدقة أن مثل هذه اللقطات المأخوذة في الغالب من فيديوهات شخصية/أسرية قدلا تكون كلها بنفس البراءة التي تبدو بها اللقطة!! آمل أن تكون هواجسي في غير محلها.
Quote: والله نهنا هاولنا نشوف مسلحتك وين...لكن يذهر مافي نسيب...
انا قنعان من خير الناطقين بغيرها اتهنوا بيهو انتو سيادو .
Quote: ترجمة لغير الناطقين بها: والله نحن حاولنا نشوف مصلحتك وين لكن يظهر مافي نصيب
يجازي محنك ضحكتيني
Quote: هسسسسسسسسسسسسسة بجيك وبقعد كل زول في علبو....
الا يجيبو وليد قوادة - تاني مروتو في لسانو بس
Quote: يازول هوووووووووووي نحن حلفتنا دي واااااحدة ومعروووووفة...انت كان عندك حلفا تانية امشي ليها...
انتوا (نايمين) بعد تصحوا تلقوا المصريين زرعوها بنضورة كلها .
Quote: يازول دي غلطتنا الحاولنا ندخلكم وسطنا ونطور منكم..لكن المفروض نعمل حسابنا من الدخلاء والمتسلقين ..
والله دى ما قصرتوا فيها طااااااب علمتونا نخلي الويكاب ونسوى الشاورما ونخلي العصيدة وناكل القراصة- وعلمناكم تقلبوا العقارب
Quote: وتكون موقعة من 1500 شاهد من أعيان حلفا
طيب ال Boss شغال تورّق خضرة وين ال Absolute mandate بتاعو
Quote: ( حلفتنا وليست الحلفا التي تتحدث عنها) ويكون انضمامك بمراسيم رسمية طبعا انت ماسمعت بيها لكن ممكن ندعمك بالكتيبات الممكن تساعدك في اللحظات التاريخية دي
اول مرة اعرف اندكم كتيبات خلاف ال مينيوهات بتاعة المشاوي
05-20-2008, 01:11 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: والله يا مولانا الواحد يطلع من بوستك جنينة عديييييييييل! يندهش و يبكي و يضحك و يتخارج.
يا سعد، ( بطريقة عمر عبداللات) ، حمدالله على السلامه، جهجهتنا معاك يوم في نيوزيلندا ويوم اليابان ويوم في السودان, ياخ دوحة الجميع دي فيها ناس سمحين جد جد ولاشك أنكم سعدتم ببعضكم، تسلم من (الجنينه) لكن لو الحاله زادت شوف لي معاك جنازير بمفعول يوازي ال ECT هسه يا سعد الما بيخلينا ندخل الحاله دي شنو؟ ربنا يحفظك ويحفظنا وقول يا لطيف.
شوف الشافع الهوفر ده بيعزف على الهارمونيكا كيف.
05-20-2008, 05:22 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: يالمرتضي ..بحاول اتخيل العرريب ودشيقوق لو لحقوه في الزمن الغابر وكت ماهو "تفل" وصوروه بلاك اند وايت ... عجب
الباش عزيزنا، الطيب شيقوق ده قيل عنه ، والعهدة على الراوي والمخبر، أنه كان very cute في طفولته في الزمن الغابر اللي قلت عليهو وبالطبع يتبدى ذلك بجلاء في الشكل الحالي (أصالة ومعاصرة) يعني حتى بالصور البلاك آند وايت ( اللون ماالشَرَاب) كان عجيبا... كان رمزا عبقريا .. والله يا باش الطيب دا إنت ظالمو . _
شايفو قبّل عليك وعمل ليك كمال أجسام في الكليب الأخير
05-21-2008, 03:57 AM
نهي محسن أبوراس نهي محسن أبوراس
تاريخ التسجيل: 04-02-2008
مجموع المشاركات: 488
الاستاذ الغالي محمد المرتضي والله بتبالغ انتا باخي دي سنين طويلة من الزمن الجميل وايام مسقط الجميلة بالله بلغ تحياتي للجميع بدون فرز ولك حبي واشوافي خضر
05-21-2008, 01:49 PM
mamkouna mamkouna
تاريخ التسجيل: 12-05-2004
مجموع المشاركات: 2246
Quote: عندي صداع بسيط.....طلبت من وليداتي و أبو وليداتي الهدوء .... بلعت لي بنادول و قفلت على نفسي باب اوضتي.....منيت نفسي بدقيقة من الهدوء تعيد لرأسي ما فقده من هدوء...قفلت عيوني و قبل ما اندمج في النوم ..حسيت بحركة خفيفة جنب السرير....فتحت عيني نص فتحة..لقيت ولدي الصغير (( 3 سنوات )) بيحاول يتسلق السرير....بعد عدة محاولات فاشلة تمكن من اعتلاء السرير و تكور في حضني بهدوء....و ابتدا يدندن في صوت خااااااافت...(( معليش ...معليش....معليش..))...ثم طبع قبلة سريعة على عيني المغمضة و ابتدا يربت على خدي بيده الصغيرة بموسيقى منتظمة..و يهمهم..((.معليش...معليش...معليش..))... شوية شوية ابتدا يخفت وقع الموسيقى الى ان ارتمت يده الصغيرة الى جانب وجهه الملاصق لوجهي......فتحت عيني مرة اخرى ....لأجده و قد غط في نوم عميق و ما زال يهمهم (( معليش...معليش...معليش..))..... تصدقوا.....الصداع راح..!! ..و حل محله إحساس... .. أروع... و أجمل... و أحلى... و أصدق... و أعمق ...من أن تصفه الكلمات.....!!!! هسسسسسسسس..... وطوا صوتكم....حمودي لسه نايم !!!!!!
05-21-2008, 06:36 PM
abubakr abubakr
تاريخ التسجيل: 04-22-2002
مجموع المشاركات: 16044
Quote: تعجبني مثل تلك الأفكار في كبح جماح حصان البورد من الإنزلاق. بل إن مثل هذه البوستات تقف سدا منيعا في وجه أقلام تسعى لمصادرة المنبر واحتكاره بطرح البعض كتابات دافعهاالكراهية إلى حد الموت (ولعلي أقتبس هنا بعض ما قلته لي قبل فترة قصيرة عبر الهاتف ونحن نشفق على وطن بأكمله من التفتيت بأيدي أبنائه من كل حدب وصوب..وحال المنبر اليوم لا تحتاج مني لشرح ما قلت)!
أستاذنا الجليل فضيلي، لن نترك تلك الأقلام تحدد لنا متى وأين وعماذا نكتب، تلك الأقلام ( وأعتذر للأقلام) التي تظن أن الشمس تدور حولها في الوقت الذي مجّ الناس قرعها الغبي لطبول الحرب والدعوة المقيتة للعنصرية والبغضاء وكيل الشتم والبذاءة في وقت نحن أحوج ما نكون لتوسيع مواعين الحب المزينة بالتسامح، إن تلك الأقلام لم يعد لها ما تقدمه ولكننا بالتوازي لن نترك لها القيام بدور شرطي المرور لتوجه حركة المرور في المنبر.
__
نعم ، أتفق معك ، يجب ألا نعطل تطور إبداع أطفالنا بالتلقين الأعمى ، نموذج الطفل الإيراني أعلاه جد فاقع في جانب غسل المخ وقد أشرت لذلك في موضعه بأنه تلقى (تدريبا) ليقول ما قال. هنا قصدت الشكل الطريف الذي يتبدى في أفعالهم وليس المضمون دوما يا عزيزي. محبتي.
05-22-2008, 07:44 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
محمد الشيخ سلامات يا بركه، تحايا كثر ، شكرا للمرور (السريع) وسلام لقسم (الترخيص) وجنَّبك المولى (المخالفات). يا الحبيب أولئك الأطفال هم الجمال الذي نسأل الله ألا يخلو منه بيت، كما قالت الأخت ممكونه يعيدون التوازن إلى النفس في اقصى حالات الألم والرهق. مجرد رؤيتهم لها طعم الصدق والطهارة، إذا غضبت فانظر إلى طفل يبتسم. مودتي يا ودالشيخ.
05-22-2008, 09:54 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
سوسن عبدالله، شكري على الزيارة كثير، يا سوسن هناك بعض الساسة يعتقدون أن بعضا من شروط النظر إليه/ها كسياسي ، تجهم الوجه وافتعال الجدية ، وهناك البعض ممن يتوهمون أنهم من أهل السياسة يضيفون إلى تلك المتطلبات أن تكون مسيخا أو حاد اللسان وتنتقد بعلم وبجهل وتشتم يمنة ويسرة وتتبنى ما تعرفه وما لاتعرفه من قضايا تتصل بالسياسة. تتذكري زمان الطرفه اللي كان بيحكوها عن أخوانا الشيوعيين، وعشان البلاشفه ما يزعلوا نقول إنها عن المناشفه، قالوا إتنين من المناشفه غرقت سفينتهم وكانا يصارعان الموج حين بانت لهما جزيرة من بعيد فقررا، قبل أن يصلاها، أن يعارضا حكومتها، كده على بياض. أها في ناس القصه دي عندهم والشافع اللي في الصورة إياها ظاهر عليهو من هسه لابيعجبوا العجب ولا هيثم طمبل ، لأني ما عارف علاقة العجب بالصيام في رجب. هسه شوفي التعب اللي وصل حد الحذاء ده. تسلمي ياسوسن.
05-22-2008, 03:27 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
NAGABY AJOOZ الشاب خضر، سلام وتحايا، الناس طيبين وأنواء الطبيعة تزورهم بين الفينة والأخرى وهم كما تركتهم سوى بعض التعديلات الجغرافيه، قال لي أحد الأصدقاء القدامى هنا ، مش ملاحظ إننا زمان كنا بنتلاقى لمباركة المواليد الجدد وهسه بنتلاقى في العزاءات بس؟ طبعا ياخضر دي سنة الحياة، زمان الناس ودودة ولوده وهسه الغم والهم بيشيل في الحبايب على الطريقه الهيروشيميه. أسعدني في العصر مرورك،
05-22-2008, 10:43 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11826
اها يامرتضى رخصتي بتاعة مسقط باقي ليها سنةمن النهاية. في طريقة نحصلها وللا نقتنع بنصيبنا. حتى الآن ترن في أذني صفقة(من تصفيق)موقعة(من ايقاع) من بنية استاذنا محمد الطيب وصاحبتهاو أظنها بنية بكري في النادي السوداني الساعة اتناشر (ليلا)ولم أجد نفسي الا وانا اصفق معاهن على نفس الأيقاع (تتتتتا تتتتتا تتتتتا تتتتا )ولم أفق الا وبالمدام تخاطبني " ياراجل انت جنيت" انا الآن مطالب بفتح قناة هارموني اكثر من اربع ساعات في اليوم.امس طلب مني فتح هارموني الساعة الرابعة صباحا!! وبعد أن فتحتها وجدت ندى القلعة (ما علينا) المهم طلب من سعادتي أن أرقص , ففعلت!!!!!!!! اها الجن كيفنو؟؟ ربنا يحفظ خالد و أقرانو.
سلام هوي ياود شيقوق
05-23-2008, 03:27 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
محمد الشيخ، تعال جدد الرخصه والبيعه والموده، مسقط كما تركتها هاشة باشة نظيفة ومجتمع الجالية فيها هو ذات المجتمع الراقي المتآلف الخالي من مسببات الكولسترول الإجتماعي. مازالوا على قلب رجل واحد ، أو إمرأة ، لزوم الجندرة وكدا. تحايا حد التشبع
محمد عثمان سلام، أبوظبي؟ أظن ان تلك المنطقة في حر هذه الأيام (يحِل الشاي) ونتمنى لك زيارة بارده لها، يعني يا محمد إضافاتك الغنائية غائبة، لأول مره، ونتمنى أن نسمع ما يخص الأطفال الذين أراهم جميلين في كل أحوالهم.
محبتي يا محمد.
05-23-2008, 01:47 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: عدمهم و بُعدهم....جوى.. شقاوتهم و ضحتكهم..دوا.. ربي ما تحرم بيت من الأطفال.
حقيقه يا ممكونه وآمين، ربنا يسمع منك، ما أجملهم حتى في أقصى حالات مايسببوه من إزعاج إذا مرض الواحد منهم نتمنى لو أن نمرض عوضا عنه وأن يشفى سريعا ل (يزعجنا).
أحلام سعيدة.
05-24-2008, 03:51 AM
الزاكى عبد الحميد الزاكى عبد الحميد
تاريخ التسجيل: 12-09-2005
مجموع المشاركات: 895
الزاكي الباهي، مقالة التجاني تجسيد حقيقي ، ليس لطفل في اتجاهه للخلوة وحسب ، بل لكثير من جيلنا وهو في طريقه للمدرسة صباح السبت ولعب الجمعة يرسلنا للأسَرة drained زي مابقولوا و(مسلِّمين الفاضي) على حد تعبير ناس الكلية الحربية، صباح السبت تظهر فيه كل مواجع وإرهاق الجمعة ومالم ننجزه من الواجبات المنزلية وتحديدا تمارين الرياضيات. ياه يا زاكي، ليتها تعود حتى بالهوم ويرك. محبتي.
النوم قِسَم.
05-24-2008, 03:18 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد المرتضى حامد
Ishraga Mustafa
الطيب شيقوق
الزاكى عبد الحميد
Ahmed al Qurashi
رشا سالم
نهي محسن أبوراس
أبوبكر أبوالقاسم
saadeldin abdelrahman
abubakr
خالد علي محجوب المنسي
فضيلي جماع
MOHAMMED ELSHEIKH
salma subhi
NGABY AJOOZ
mamkouna
Osman Musa
الفاتح الجنيد
فيس بوك
تويتر
انستقرام
يوتيوب
بنتيريست