|
|
|
 Re: ♥♥♥ حبــــي ليك كان زادي ♥♥♥ (Re: محمد الطيب حسن)
|
( حبى أنا ليك كان زادى )
كلمات علاءالدين عبدالرحيم
واداء عبدالرحيم ارقي
حبى أنا ليك كان زادى وكان جـوه الحنايـا دفيـن
كتّ بضارى من الناس وخايفه عليهو مـن العيـن
عليهو كت بصوم وافطـر عليهـو بكابـد الناريـن
كت بحسب سنين الغربة لما تعـود تجينـى متيـن
وكت برجاك فوق النار لمـا وكـت لقانـا يحيـن
نونس فى براءة أطفال وفى الحب نروى ننهل زين
وكلما يوم يزيـد البينـا لمـا بقينـا قـاب قوسيـن
اتارى أنا كت فيك مخدوعه وكم من زي مخدوعين
ما قايـلاك حبيـب آلاف وقلبـك قبلـه للضاليـن
وما قايلاك بتنسي حبيب صبر راجيك ستـه سنيـن
وساهر كم ليالـى طـوال يتقلـب شمـال ويميـن
كيفن يهون عليك تنساهو زولاً كـان عليـك حنيـن
وتشغـل بالـك الأشـواق لمّـن تزبـل الياسميـن
كت دايراك بسمة عريضة فى وجه الزمان الشيـن
وكت دايراك ساعة الحاجة تبقى ليّ دخرى خزيـن
كت دايراك مقنع حوبه وكتيـن المضـارى يبيـن
وكت دايراك فارس احلامى تشاركنى ونتم الديـن
وكت دايراك أمل بسام يزيل ألـم البعـاد والبيـن
كت دايراك شريك الروح واخدمك حافية القدميـن
وكت بحلم بك انت معاي مجرتق بالعديـل والزيـن
جنبك فى يمينك قاعده نسمع فـى دقـر يـا عيـن
تبشر زين مع الأصحـاب وتتشبـل مـن الوزيـن
أنا الأبحرت راكبه الموج اكيد مرسايا بين موجتيـن
وداعاً يا زمـن ظالـم وبالأفـراح علـيّ ضنيـن
وداعـاً يـا قلـب قاسـي لا بيحـن ولا بيلـيـن
وداعاً يا سراب خداع محال ما بيـروي عطشانيـن
وداعاً يا كلام معسـول حـدو ومكمنـو الشفتيـن
وداعاً يا سحابة صيف شايلى مطر ضليـلا رهيـن
تبشر بى خريف جايينا ياما الناس رجوهـو سنيـن
كل زولاً يفكـر فيهـا مـا معروفـة تنـزل ويـن
وألف سلام عليك يا قلبي المسالم وديمه طبعو حنين
يتاورو الشوق ويلعب بيهو تنحر فى حشا السكيـن
تعاودو الذكري تنتر جوا حالـو يحنـن المسكيـن
أخيراً مى ليك سلام وقبل ما تجف دمـوع العيـن
وقبال منى ما تعـدى وقبـال الفـراق مـا يحيـن
بخيت وسعيد عليك إن شاءالله يبقالك عمـار وبنيـن
وقلبى أنا خلى فى أناتو بعدك يامـا راجـى أنيـن
ولو كان يا قلب حبيت بعـدو بعـد قسمـت يميـن
ما ينتمّ ليك مـراد لا تضـوق لا حلـو ولا زيـن
وتفضل طول حياتك تبكى طول عمرك تعيشو حزين
وعمرك ما تجيك سعـادة مـا تتهنـا قـول آميـن
وتانى الحب عليك حرمان ووعد الحر أمانه وديـن
| |
 
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: محمد الطيب حسن)
|
  
ده شنو يا أخوى ،،،
بقيت تعملها ظااااااااااهره ،،،
حالتك حاله والله ،،،
يا زووووووول حرّم متنازل ليك ،،،
سيبك من الجهجهه دى وكسييييير التلج ،،،
حأكون متابع معااااااك يا مان ،،،
المناديل من عندي سيبك من هاااااارون ،،،
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: محمد الطيب حسن)
|
ساني
صباح الخير
Quote: ده شنو يا أخوى ،،،
بقيت تعملها ظااااااااااهره ،،،
حالتك حاله والله ،،،
يا زووووووول حرّم متنازل ليك ،،،
سيبك من الجهجهه دى وكسييييير التلج ،،،
حأكون متابع معااااااك يا مان ،،،
المناديل من عندي سيبك من هاااااارون ،،، |
يااخوي انت ذاتك قاعد تبكي بي بره ....بره
وخليت شربات الفرح
سجمكم ياصباح وميادة
الجماعة بقوا يبكوا من حسع
خايفين الشواكيش ولا شنو ....؟
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: haroon diyab)
|
ساني
Quote:
ده شنو يا أخوى ،،،
بقيت تعملها ظااااااااااهره ،،،
حالتك حاله والله ،،،
يا زووووووول حرّم متنازل ليك ،،،
سيبك من الجهجهه دى وكسييييير التلج ،،،
حأكون متابع معااااااك يا مان ،،،
المناديل من عندي سيبك من هاااااارون ،،، |
ياحبيب قلنا احسن الواحد يظهر حسن النيه من اسي
والحاله انت عارفه براك بقت صعبه كيف
والله مصحه كوبر ماتنفع بعدين
انت بس خليك جنب المناديل
واي واحده ترمش ساي اديها منديل
ومويه تغسل وشها
استغفر الله
الشاكوش ده ما حااااااااار
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: محمد الطيب حسن)
|
Quote:
يااخوي انت ذاتك قاعد تبكي بي بره ....بره
وخليت شربات الفرح
سجمكم ياصباح وميادة
الجماعة بقوا يبكوا من حسع
خايفين الشواكيش ولا شنو ....؟ |
ياهارون صحبك ده والله بقي يتلبد زي الحرامي
اول حاجه يتاوق جوه البوست لو شاف واحده من الجماعه
يقوم رافع رجليه في نص قفاه وهاك ياجري
ربنا يهديه
غايتو جنس محن
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: محمد خليل ساني)
|
الحبيب ساني
Quote:
برز الثعلب يوما فى ثياب الواعظينا ،،،
ده شنو يا ود الطيب ،،، قلت شنو ،،، ربنا يهديه ،،،
طبعا ما عندي تعليق غير الفوق داااااااك ،،،
وإن عُدتم عُدنا ،،، مع محبتي. |
في ثعلب غيرك انت
انا لو ثعلب انت تبقي ماوكلي فتي الادغال
اها عدنا
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: Hatim Salih)
|
العزيز حاتم صالح شكرا علي المرور واضافه نوع اخر
بموسيقي مختلفه واداء مختلف
لكن هل انت بتتفق معاي انو الاغاني بتاعت الشايقيه
ماتنفع الا من فنان شايقي وباسلوب شايقي ( الادوات الموسيقية والكورس )) ؟؟؟؟
خليك معانا
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: محمد الطيب حسن)
|
اكتر اغاني الشايقيه بتتكلم عن قصص واقعيه
والاغنيه دي من ضمن الاغاني المؤثره فعلا
لكن الكثير منا لا يعرف ان للقصه بقيه
وهي عباره عن رد من الطرف الاخر وصاحب الامر
عثمان عوض عثمان
بقصيده اسمه ( كان املي )
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: حيدر حسن ميرغني)
|
العزيز حيدر
شكرا علي تعطيرك البوست بمرورك الجميل
الاغنيه ياخوي حيدر انا قصدت انزله عشان اعرف القصه الواقعيه
المر بيها اخونا علاء الدين ( كاتب الاغنيه ) هل في شخص مر بيها
مع العلم بانو اغلب رواد البورد من المغتربين
يعني بالدارجي كده
هل في واحد علق بت ومشي خلاها بعد اغترب
وماهي الاسباب
هل هو ندمان ولا لا
هل بتمني انو يرجع العلاقات زي ماكانت اول
واسئله كتيره في الخاطر
وخليك معانا
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: محمد الطيب حسن)
|
ود الطيب ،،،
وقعت فى شر أعمالك ،،،
يلا طيب يا ود الطيب ،،، أحكي لينا قصة البنت اللى سبتها لمن جيت هنا ،،،
طبعا بالتأكيد دى حتكون قصه معبره جدا ،،، وح تقول للجميع سبب البوست ده ،،،
عودتك دى طبعا جاتني فى جرح وكنت منتظرك بيها ،،،
ولسه طبعا منتظر ردك ،،، وغيري كُتااااااااااااااار ،،، من الدوحة والخرطوم ،،،
أهااااا أيه رأيك ،،، 
♥♥♥ هاك القلوب دى ،،، بتنفع فى اليوم الأسود ♥♥♥
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: محمد خليل ساني)
|
محمد خليل ساني
الرجل الذي يبحث عن الحب في خياشيم اسماك القرش
عزيزي ساني الشر موجود من بين ايدينا ومن خلفنا ومن فوقنا
ومن تحتنا وعن يميننا وعن شمالنا
وشر اعمالي ربما يجده البعض مدخلا للولوج الي حياة
تنعم بالدفء والحب والحنان مع من يحب
فاذا كان الرجوع الي من تحب والارتماء باحضانه شر
فدع الله ان يعم الشر الدنيا ومافيها
عزيزي ساني
في لحظه معتمة بينما نحن في دهاليز الحياة نتفوه
باقوال نتحسر عليها مدي الحياة حتي اذا كان في اغلب الاحيان
دون تفكير او تروي . والبعض منا وهم ممن احبهم الله
الذين يدركون خطاءهم وينالون شرف الرجوع الي من يحبون
ويبقي المغضوب عليهم في ندم وحسرة مدي الحياة
ويبقي السؤال :
هل اعتزار الرجل للمرأة ينقص من كرامته
ام يظل الغرور حايلا بينه وبين سعادته مع من يحب
ــــــــــــــــــــــــــــــــــــــــــــــــــــــ
ايها الساني ومابك داء كيف تغدو اذا غدوت وحيدا
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: محمد الطيب حسن)
|
أعوذ بالله العظيم من الشيطان الرجيم ،،،
مالك يا أخوى حاصلك أيه ،،،
ينعل أبوهو ده سؤال يخليك تكتب بلون الدم ،،،
ده شنو ده مالك قلبتها تراجيديا كده ،،، حاصلك أيه ،،،
سحبت سؤالى ،،، الحكايه إظاهر دخلت المنطقة الحمراء الممنوعه ،،،
الحكايه جابت ليها سادس و داءٌ و وحيداً ،،، الموضوع إطوّر أوى يا جدعان ،،،
خلاص يا سيدي لو كلامي بيخليك تزعل قدر ده حأسيب ليك البوست الى غير رجعه ،،،
ولو عايز أسحب لك المداخله الفوق ديك كمان وأعملها تعديل ما عندي مانع كمان ،،،
وداعا يا قلب ،،،،
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: Sabah Hussein)
|
صباح
صباح العيد الجابك لينا
Quote: محمد الطيب سلامات ياخى
التعملو بايدك اقصد لسانك يغلب اجاويدك.
جعير الرجال شين شنا.
اللهم لاشماته. شوفتا فيك يوم. |
الحمد لله الشفت يومك
وبعدين اسالك بالله وينم الاجاويد
ياخي ديل شايلين سكاكينم وجايين
ناس كمال سالم ومحمد خليل سادس اقصد ساني
مش في مثل بقول ( التور لمن يقع بتكتر سكاكينو )
بس بالله رائك شنو ولو التجربه دي مرت بيك
عليك الله ماتختشي واحكي لينا
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: محمد عادل)
|
Quote: يعني بالدارجي كده
هل في واحد علق بت ومشي خلاها بعد اغترب
وماهي الاسباب
هل هو ندمان ولا لا
هل بتمني انو يرجع العلاقات زي ماكانت اول
واسئله كتيره في الخاطر |
لاحولا يعني الزول كان مظلوم ساي
غايتو في the Clipالبت دي عندها دلايلا على خيانتو (ماقايلاك حبيب الاف)
كدي منتظرين الحقيقة
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: james)
|
Quote: محمد الطيب...
كده ما كويس الله يرضى عليك..
مافي داعي.. |
ابو الجمس والله من غير رياء مرورك اسعدني شديد
فحين تمر يعرف من يأتي بعدك بأنك قد مررت من هنا
فالرائحه الجميله تبقي في الزكري
ولو عارف كده كنت نزلت الاغنيه من زمان
شكرا صديقي
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: محمد الطيب حسن)
|
محمد الطيب حسن ،،،
جبت ليك البوست ده من الصفحه الثامنه ،،،
شايف الكلام لسه ما انتهى وإنت مهمش الموضوع ،،،
عشان كده قلت أجيبوا ليك لحدي هنا عشان تفضفض أكتر ،،،
منتظرين البكاء اللى على أصوله ،،،
ما تحرمنا من سماع الجِعيييييير ،،،
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: محمد خليل ساني)
|
الشمتان ابو الخليل الكروي
اسم حلو مش
Quote:
محمد الطيب حسن ،،،
جبت ليك البوست ده من الصفحه الثامنه ،،،
شايف الكلام لسه ما انتهى وإنت مهمش الموضوع ،،،
عشان كده قلت أجيبوا ليك لحدي هنا عشان تفضفض أكتر ،،،
منتظرين البكاء اللى على أصوله ،،،
ما تحرمنا من سماع الجِعيييييير ،،، |
انا عارفك لو مشي الارشيف بتجيبو
الله يخليك لجنس ده
تنكت وتهبش في الجحور غايتو لمن يوم يضربك عقرب
وبعدين كلمه مهمش دي بالله ماتقوله لي هنا بوستيني ده
اسي يجو تسعين واحد/ة طايرين
تحت تحت :ـــــــــــــــــــــ
انشا الله جهزت لينا برنامج بعد مانقضي علي الاخضر واليأبس عند هارون
في كلام كتيييييييييييير ما كملناه
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: حسين عوضاى)
|
عزيزي عوضاي المرابط معي علي الثغور ضد الخائن والعميل ساني
Quote:
ولا حا تتفقوا
انتا يا سانى حركات البوليس والدبايب دى ما بتخليها .
قال اتفقنا قال .
ود الطيب قلنا no mercy |
الزول ده اصبر لي بس وبفرجك جنس فرجه
وزي ماقلت بدون رحمه
تسلم يادفعه
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: محمد الطيب حسن)
|
ولم لا نتفق يا ابن ابى سفلعه ؟!!!!
ألم يصل الروم بعد ؟ّ!!!!!
وهل من سبيل الى طليطلة يا ابن الأشرم ؟!!!!
اين حماروي وماويه بنت الأبرش ،،،
____________ تخريمه قبل ما نمثل فيلم الكفار الفوق ده ________________
أحسن ليك نتفق ،،،
طريقك للخرطوم جااااي بى عندنا ،،،
يعني سيك سيك ،،، معلق فيك ،،،
راح تمشي وتلقاني قاااااعد ،،،
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: محمد الطيب حسن)
|
الاخ/ محمد الطيب حسن
صباح الشوايقة الحنينين
واحدة شايقية اب وأم فرحانة بي نضميكم دة .
واحدة ذي كدة خلته اداها ضهرة (أغترب) وعاست عواستهابعده.
واحدة ذي كدة قالت ((التسوي كريد تلقة في جلدها)).
محمد +ساني:
ماقائلك حبيب ألف وقلبك قبلة للضالين.
مودتي
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: حسين عوضاى)
|
سيد البوست ود الطيب ... تحياتنا
المتداخلين من المعنيين بكلمات الأغنية وغير المعنيين ... طبعاً أكيد حنفتو ليكم بس ما هسي .
ولو فيكم وأحد متحسس يرسل لينا علي الخاص ويقووول الروووووووووب
| Quote: كمان لو اديت لى العميل التانى عصام الجيلى سى سى سيسيين . |
عوضاي ياحبة أحسن تطبع علاقتك قبل ما تقول ياريت الكان ماكان . ولا شنو ياشباب "فقد حذر من أنذر"
والله يقدرنا علي خشمنا علي قول أخونا وحبيبنا هارون دياب ...
ــــــــــــــــ
بالمناسبة يامحمد طيب .
شكراً كثيفاً لرائعة الشاعر علاءالدين عبدالرحيم التي تعتبر أحسن كلمات إتكتبت
(في نظر شخصي الضعيف يعني) وياريت الصحافة يقوم ينزلها لينا علشان تزيد من روعة البوست
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: ناهد علي)
|
تتصوري يا ناهد دي نعمه من ربنا سبحانه وتعالي ،،،
والله بالجد نعمة ،،، نعمة إن قلبك يكون قبله للضالين ويحب ألف كمان ،،،
وأيه رأيك كمان لو قلت ليك إنو ممكن يسع مليون كمان مش ألف بس ،،،
عارفه ليه لأن القلب المليان بالحب أفضل من المليان كراهيه وحقد ولآ أيه رأيك ،،،
محمد الطيب ،،، رأيك شنو فى كلام ناهد ده ،،،
أحوال قلبك أيه بتاع ألف ولآ ملاييييييين ،،،
مع محبتي وتقديري.
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: ناهد علي)
|
العزيزه ست الكل ناهد علي
Quote: الاخ/ محمد الطيب حسن
صباح الشوايقة الحنينين
واحدة شايقية اب وأم فرحانة بي نضميكم دة .
واحدة ذي كدة خلته اداها ضهرة (أغترب) وعاست عواستهابعده.
واحدة ذي كدة قالت ((التسوي كريد تلقة في جلدها)).
محمد +ساني:
ماقائلك حبيب ألف وقلبك قبلة للضالين.
مودتي |
هي كريد البقولوها دي ياجماعه فضل فيها جلد
تعرفي يا استاذه ناهد الشوايقه ديل زينه السودان
تحياتي لكل الشوايقه الحنينين
وكم تمنيت ان اكون منهم
شايقي اب وام
او اضعف الايمان بالمصاهره
ولكن ليس المطالب بالتمني
وابشري بخريف جايينا
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: محمد الطيب حسن)
|
الاخ/ محمد الطيب
سلامات
والله متشكرين علي الشعور السمح دة.ومن حق كل زول التمني .
بس والله خجلانه منك مابقدر اقول ليك اتفضل اصلوا اهلنا الشوايقة ديل عندهم رأي في الغريب ومابدوه كل كله .
والله اهلي واعمامي لمايتقدم زول لي بتهم ويكون قريب الواسعة دي مابتشيلم يدخلوا في النار ويمرقوا وبدون تفكير يقوله لية والله نازلين حش التمر تعال لينا بعد كم شهر والوقت داك يكون شهر 2 وحش التمر شهر 9 اها باقي ليك بقدر اقول ليك صاهرم ديل اخير تغطي قدحك.
بقيت احسب عميري الفات عزب لاحفلة لاشبال
لقيت الراح كثير وكثير مرقت لازوجة لااطفال
تراني وسط مهب الريح مريكب ...........(عبد الرحيم البركل)
سلامي واحترامي
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: ناهد علي)
|
ألعزيزه ناهد
Quote: والله متشكرين علي الشعور السمح دة.ومن حق كل زول التمني .
بس والله خجلانه منك مابقدر اقول ليك اتفضل اصلوا اهلنا الشوايقة ديل عندهم رأي في الغريب ومابدوه كل كله .
والله اهلي واعمامي لمايتقدم زول لي بتهم ويكون قريب الواسعة دي مابتشيلم يدخلوا في النار ويمرقوا وبدون تفكير يقوله لية والله نازلين حش التمر تعال لينا بعد كم شهر والوقت داك يكون شهر 2 وحش التمر شهر 9 اها باقي ليك بقدر اقول ليك صاهرم ديل اخير تغطي قدحك |
كلامك ده عايز قعده برواااااااااااااقه
ويكون بضيافه احد المختصين
اكيد من الشوايقه
بيجيبو وبجي خليكي قريبه
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: haroon diyab)
|
عمك
Quote: اها ياعمك
صحبك وصل مكه
عقبالك
بس ماتنسي عندنا حاجات لبورسودان
|
صحبي بكون لسه في الحدود ( ابو سمره ياعمك )
صحبي ابو القدح انت ماعارف
( ياخ يوم ماشين للباشمهندس صديق عمر في الخور
ربنا يطراه بالباربيكو والباسطه الماخمج
عارف وصلنا في ساعه ونص )
وعايز احي عبر البرنامج اخونا صديق البعيد ونقول ليه طولت الغيبه
واهدي الاغنيه لجميع الاهل والاصدقاء
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: محمد الطيب حسن)
|
سمّعني قلت شنو يا ود الطيب
لو ما كنت متابع معاى الطريق حتى بعد أبو سمره ،،،
كنت حتقول شنو بعدها ،،،
أخوك لسه مخلوع لحدى حسع ،،،
من الرياض لمكه المكرمه أخدتها فى 6 ساعات بس ،،،
ما عارف دى سرعه مناسبه ولآ أخوك إتهور شديد شديد ولآ زمن سلحفائي ،،،
و ده طبعا بعيدا عن التلوث الضوضائي وكده ،،،
تحت تحت ـــــــــــــــــــــــِ
سلامات يازول مشتاقين ومنتظرنك بهناك بس ما تنسى تقول لينا المواعيد ،،، إتفقنا ،،،
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: الطاهر ساتي)
|
Quote:
وبالمرة كدة ياريت لو ضاق شاكوش زى ده يورينا تجربتو ومرق منها كيف ...
مودتى |
الوريف خفيف الظل الطاهر ساتي
والل طلتك جميله ونورتنا
تجربه الشاكوش دي شكلك ضقتها ياريت تحكي لينا انت اول
وشعورك كان كيف
بالمناسبه الشاكوش مافيه حاجه
لاعيب لا حرام
تحياتي وتقديري
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: Yasier Elsayed)
|
ياسر السيد
Quote:
ياروعة الطمبور وحنية الكلمات والاداء المميز من المطرب عبد الرحيم ارقى
غايتو الشوايقة ديل يوم بيعملو ليهم مصيبة بالحنية الكتيرة دى
واعمل حسابك صديقى من ( لما بقينا غاب قوسسسسسسسسسسسسسسين) |
والله ياحبيب بدون اطراء او تحيز ( مع اني ماشايقي )
لكن بالجد الحنيه الفيهم تغطي العالم
وشوف لمن الحنيه دي تطلع كلمات موسيقيه من الفنان عبدالرحيم ارقي
بتحرك حاجات من جوووووووه وتشعر بشعور ماتعرف جاي من وين زاتو
تقلب كيانك
وطبعا القوسين ديل اهم حاجه في الموضوع كلو ( تقولي اعمل حسابك )
خليك قريب ياحنين
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: محمد الطيب حسن)
|
شوف كبير الشايقية قال هنا شنو ؟؟
ده برضو حبه كان زادك ؟؟؟؟؟؟
السودان
]بلادي انا
ياخوي بلادي انا بلد ناسا مواريثم
في أول شي ..كتاب الله
وحصان مسروج، وسيف مسنون حداه درع
كتاتيبم تسرج الليل مع الحيران
وشيخا في الخلاوي ورع
بلادي انا بلد الصفقة والطنبور وجاراتن تنق بالليل
وبنوتن تحاكي الخيل
يشابن زي جدي الريل
بلدي أمان ، بلدي حنان وناسا حُنان
يكفكفوا دمعة المفجوع
ويبدّوا الغير على زاتم
يقسموا اللقمة بيناتم
ويدّوا الزاد حتن كان مصيرم جوع
يحبّوا الجار
يموتوا عشان حقوق الجار
يضوقوا النار عشان فد دمعة
وكيف الحال لو شافوها سايلة دموع!
ديل أهلي .. واللــــــــــه ديل أهلي
البقيف في الدار في نص الدار
وأقول لي الدنيا. كل الدنيا ديل أهلي
عرب ممزوجة بي دم الزنوج الحارّة
ديل أهلي .. ديل قبيلتي لمّن أدور أفصل للبدور فصلي
ديل فصلي
أقول بعضي
ألاقيهم تسرّبوا في مسارب الروح
بقوا كلي
ألاقي قلبي والإحساس
وسافر في بحار شوقم زمــــان عقلي
أنا محل قبّلت ألقاهم معاي ، معاي زي ضليّ
أنا لو ما جيت من زي ديل كان وا أسافاي ، وا مأساتي وا زّلي
تصوّر كيف يكون الحال لو ما كنت سودان...
وأهل الحارّة ما أهلي
تصوّر
البوست حلو شديد وما شفتوا الا قبل خمسة دقائق
خلوا القتاته بتاعتكم لما تعملوا بوستات حلوه بس مسنجر
نطلع شوية من الصراعات الجوه دى .
حتى هارون دياب بقى قتيت عاديتوهو معاكم .
تحياتى ليكم ,,,,,,,
ام وضاح
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: essam&amal)
|
العزيزه ام وضاح
Quote:
البوست حلو شديد وما شفتوا الا قبل خمسة دقائق
خلوا القتاته بتاعتكم لما تعملوا بوستات حلوه بس مسنجر
نطلع شوية من الصراعات الجوه دى .
حتى هارون دياب بقى قتيت عاديتوهو معاكم .
تحياتى ليكم ,,,,,,,
ام وضاح
|
اخيرا البوست نور
قسما بالله كنت متوقع مرورك مع اوائل الناس المرو
لكن شفيعنا انك ماشفتي البوست
وزي ماشايفه دائما الابداع جاي من الشوايقه
لانو مواريثم كتاب الله
وزي ماقلتي الواحد يومو كلو صراع وجري وتعب قلنا
مافي حاجه بتريح غير مسدار حنيييييين طالع من شايقي
يخليك تنسي الدنيا وتعيش معاه اللحظه
بحلوها ومرها
منتظرنك تحكي لينا عن الشوايقه
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: essam&amal)
|
Quote:
الاخ/ محمد الطيب حسن
صباح الشوايقة الحنينين
واحدة شايقية اب وأم فرحانة بي نضميكم دة .
واحدة ذي كدة خلته اداها ضهرة (أغترب) وعاست عواستهابعده.
واحدة ذي كدة قالت ((التسوي كريد تلقة في جلدها)).
محمد +ساني:
ماقائلك حبيب ألف وقلبك قبلة للضالين.
مودتي |
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: ابوبكر على)
|
العزيزه ام وضاح
Quote:
انا جعلية آكل النار |
ياحباب مرحب باهلي الجعليه اصحاب الدار
اهل الحاره البخوضو النار
في العدو نازلين طالعين تحلف تقول منشار
( رائك شنو والله من تاليفي )
بس يارب تكوني من جهتنا ( كلي وماجاورها )
Quote: لكن الشوايقة المعاى ديل اولادى { وضاح وشيماء } قالوا ليك
اصبر شوية جاينك .
|
حبابهم الف و لو ما شالم البورد تشيلم عيونا
قواسيب مودتي
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: محمد الطيب حسن)
|
| Quote: او اضعف الايمان بالمصاهره |
ياجامد انا متابعك مان تو مان
يعنى ستة صفر
الواحد كان متخيل قصة شهر سبعة دى انتهت, لكن الظاهر لسة شغالة
تخريمة:
شهر سبعة بنزلو المغتربين اجازة و بجهجهوناو يعرسو فى شهر و يخلو خشمنا ملح ملح
الكلام دا ليك يامحمد الطيب
| |
|
|
|
|
|
|
|
|
|
Re: ♥♥♥ حبــــي ليك كان زادي ♥♥♥ (Re: ابوبكر على)
|
ابوبكر
Quote:
تخريمة:
شهر سبعة بنزلو المغتربين اجازة و بجهجهوناو يعرسو فى شهر و يخلو خشمنا ملح ملح
الكلام دا ليك يامحمد الطيب |
كويس انت اقعد تابعني وانسي المهاجم التاني ( ساني )
لمن تلقاه جاب الهدف الاول ( وعرس )
معلومه برجوازيه :
الحمد لله انا مامغترب
| |
|
|
|
|
|
|
| |
محمد الطيب حسن
haroon diyab
محمد خليل ساني
محمد البشرى الخضر
Hatim Salih
حيدر حسن ميرغني
كمال سالم
Sabah Hussein
محمد عادل
noon
james
حسين عوضاى
ناهد علي
محي الدين جبريل
عصام الجيلي
الطاهر ساتي
Yasier Elsayed
essam&amal
فيس بوك
تويتر
انستقرام
يوتيوب
بنتيريست