|
|
|
 Re: التحية لبشاشا الامير الكوشي الاصيل المتضامن مع المهمشين والمستضعفين (يوجد صور) (Re: اساسي)
|
الفكرة شنو.؟
الفكرة انه اي زول عنده غبن تجاه الحاصل في السودان فياهو داك السودان مليون ميل , الداير يدخل باي طريقة الحدود فاتحة تدخل كداري تدخل بي زت واي تدخل بي طيارة تدخل بي ركشة ان شاء الله سايقها من انجمينا للعرضة الطريق فاتح , وبمكانك استخدام اي هتاف يعجبك ويثير فيك النخوات العايز تثيرها وممكن تبدها كل القوة الخرطوم جوة , فيا اخوانا نصراء المستضعفين والمهمشين المتضامنين عبر الكيبوردات حول العالم , السودان فاتح علي الاربع قبل , بدون اي حراسات , ويتقبل الداخل كل انواع نضالاتكم المحسوسة والمادية من كتابة علي الحيط لحدي تفجير المشاريع الاستراتيجية الي دك القصور الرئاسية , فالان زمن انكم تدردقوا الشفع وتقعدوا بعد داك لي سماحة الوصف في المنتديات موضة انتهي زمنها , وبقت ما مقنعة ولا في زول بيشتريها بي قرش , دايرين نشوف زي بشاشا ومحمد سليمان وبقية الكورال السايبيري مع القوة في الخرطوم جوة , دايرنهم يقولوا للشفع القصر اليوم يومنا انحنا وليس انتم ؟ اليوم نحن الذين نتقدمكم لازالة دولةا لجلابة العظمي الرابضة علي صدور الهامش مئات السنوات . دايرين بشاشا دا ومحمد سليمان نشوفهم علي ظهر اليه عسكرية وهم يرتدون الزي العسكري المموه ان شاء الله شايلين ( نبل) الوقت داك بنحترمهم ونقول ديل اهل وجعة وناس حارة , ما زي الان بنشوفهم في البوفيهات المفتوحة في غياهب القاعات الفندقية الامريكية وهم يتضامنون مع اهليهم بصحن بامية مفروكة وقراصة اتعملت بطوة تيفال لو صرف تمن الطوة الاتعملت بيها علي الاسلحة لأتت بمدفع هاوزر يزلزل اركان النظام
بالهنا والشفا يا عمك ومحل ما يسرى يمري
| |
 
|
|
|
|
|
|
|
 Re: التحية لبشاشا الامير الكوشي الاصيل المتضامن مع المهمشين والمستضعفين (يوجد صور) (Re: osman abdala)
|
أساسي يا جميل
والله يا أساسي الجماعة ديل حيرونا عدييييل كده ، الواحد فيهم ضارب الكندشة دي وقاااااعد يأكل ليك في الايس كريم والهامبيرغر ومرطب ويجي يقول ليك معارض .. ويقول ليك الجماعة ديل رجاااااال ومناضلين ، طيب أنتو الرجالة دي مالكم مابتعرفوها مايدااااك السودااان وااااقف وحدودة تدخل قطارات مش بشر ، ماتمشوا تبقوا رجال ذي ديل وتقاتلوا هناااااك ، وتجيك واحدة كده ناطة تقول ديل أرجل منكم .. طيب وكتين أنتو عارفنهم رجاال ماترسلوا وليداتكم ديك وتودهم يبقوا رجااال ذي ديل مالكم داسنهم في بلاد العم سام وبلاد الضباب ماتمشوا إنتو زااااتو تساندوهم ما مهيرة كانت مرأة وفاطمة عبد المحمود وفاطمة احمد إبراهيم نساء ماتبقول زيهم كماااان وأمشوا جاهدوا بي هناااك وسيبكم من ديل رجال وديك نساوييين ، السواي ما حداث وبلاش هضربة ورجولة عبر البورد . العايز يناضل يمشي بي هناك أها الشفع ديل مشوا وقاتلوا . يالا ورونا إنتو رجالتكم وشطارتكم دي بي هناك . وبطلوا حكي في الفارغة هنا.
شكراً اساسي .
مودتي
عماد
| |
|
|
|
|
|
|
|
|
 Re: التحية لبشاشا الامير الكوشي الاصيل المتضامن مع المهمشين والمستضعفين (يوجد صور) (Re: اساسي)
|
حقيقة مذهول للتحول الجذري في المنبر، والفهم المتقدم جدا، للويكة و طبيعتها في السودان!
خطاب البنطلون الجديد اصبح بقدرة قادر هو المرجعية لقوي الاستنارة بغض النظر عن حجم ذلك، ولو قطرة واحدة!
كان المتوقع من سياق خطاب نصف القرن الماضي، ان يتصدر امثال اساسي واجهة المنبر، او في الاول فعلا ده كان الحاصل، حيث علق القراصة ، في واجهة المنبر.
من جهة اليسار كنت متوقع كلام الدقة القديمة أوسمان عبدالله يكون الخط العام لقوي اللياقة ، ولكن تبلدينا قلب الهوبا و جاب السمكـ ، بي كلام ياريتو كان برنامج القوي التقديمة من 56م!
حيدر اصبح انسان تاني علي قول ترباس.
وهذه الاسماء مستخمة للترميذ فقط لا لزاتها.
حقيقة اكاد لا اصدق هذا، وكنتيجة سنبدا بالتدريج تغيير لهجة خطابنا الحاد جدا او عنيف، حتي نكون مواكبين او متاقلمين مع واقع حركة الويكة في المنبر..
_
| |
|
|
|
|
|
|
|
|
|
Re: التحية لبشاشا الامير الكوشي الاصيل المتضامن مع المهمشين والمستضعفين (يوجد صور) (Re: اساسي)
|
..
.
Quote: والله يا عثمان الواحد داير ليهو كورس يفك شفرات اخونا بشاشا ,
لكن للضمان كدا حمبرة دي من اخوات المستلب والمجولب والسفرجي وجركاس وكدا يعني |
والله بوست الامير والويكة دى .. ممتع ..
الغريبة ما قاعد ياكلها بالشوكة والسكين
______________
والله يا اساسي انااخدت كورس 6 شهور فى المنبر اطارد فى جمل استخدمت فيها الكرمبا
وحتى استوعب المعنى حسي اضطريت تانى اسجل عشان الحمبرا دى ..
تكون شوربة افغانيه بالتميز .. 
| |
|
|
|
|
|
|
|
|
|
Re: التحية لبشاشا الامير الكوشي الاصيل المتضامن مع المهمشين والمستضعفين (يوجد صور) (Re: فيصل نوبي)
|
دايرين نشوف زي بشاشا ومحمد سليمان وبقية الكورال السايبيري مع القوة في الخرطوم جوة , دايرنهم يقولوا للشفع القصر اليوم يومنا انحنا وليس انتم ؟ اليوم نحن الذين نتقدمكم لازالة دولةا لجلابة العظمي الرابضة علي صدور الهامش مئات السنوات . دايرين بشاشا دا ومحمد سليمان نشوفهم علي ظهر اليه عسكرية وهم يرتدون الزي العسكري المموه ان شاء الله شايلين ( نبل) الوقت داك بنحترمهم ونقول ديل اهل وجعة وناس حارة , ما زي الان بنشوفهم في البوفيهات المفتوحة في غياهب القاعات الفندقية الامريكية وهم يتضامنون مع اهليهم بصحن بامية مفروكة وقراصة اتعملت بطوة تيفال لو صرف تمن الطوة الاتعملت بيها علي الاسلحة لأتت بمدفع هاوزر يزلزل اركان النظام
بالهنا والشفا يا عمك ومحل ما يسرى يمري
الحبيب أساسي تحياتي وسلامي
التحية لا أعتقد أن هذا العنصري الكوشي غير جدير بها ولا أهلاً لها دي شفت بالبوت وضرب تحت الحزام برغم عامل السن إلا أنه يستاهل لانو نضالو البدعيه وكلامو البقول فيهو هنا دا يظهر قدر عقلوا السخلة دا
وشوفت يا اساسي كلامك الفوقو دا تعرف ما يتحقق نهائياً لانو الجماعة ديل هنا آخر ترطيبة وآخر جعجعة خلف الكيبوردات والجماعة هناك مدروشين ومرمدين والرماد كال حامد وكال خليل ظااااااااااااتو
| |
|
|
|
|
|
|
| |
اساسي
حيدر حسن ميرغني
osman abdala
فيصل نوبي
ابراهيم محمد الحسن
ebrahim_ali
ناذر محمد الخليفة
Al-Shaygi
Kabar
علاء الدين يوسف علي محمد
عمر الفاروق
عبود عبد الرحيم
عاطف عبدون
ghariba
adil amin
Ahmed musa
فيس بوك
تويتر
انستقرام
يوتيوب
بنتيريست