|
|
 بركاتك يا شيخ(كلي)..توثيق للشعار الذي خاض به هلال العزة مباريات عبور الصن داونز..
|
أخونا وحبيبنا وصديقنا عضو المنبر سيف كلي يبدو إنو مركّب مكنة فكي وفي رواية (فوزي المرضي) ..
إرتبط لنا نحن الهلالاب هذا (الكلي) بفوز الهلال مثنى وثلاث ورباع كلما أرسل شعار الهلال للعب المباريات الإفريقية ..
أرسل من قبل شعار الهلال الذي لعب به ضد ناساروا في امدرمان وفزنا بثلاثة أهداف..
أرسل لبس الهلال لمباراة الأهلي القاهري وفزنا بثلاثة أهداف ..
أرسل لبسة شعار الهلال للمجد في امدرمان وفزنا بالثلاثة ..
الشعار الذي خاض به الهلال مباريات الصن داونز الجنوب إفريقي كان ثمرة جهود للإخوة الهلالاب من المملكة العربية السعودية وكل أعضاء منتدى الهلال الذين يعملون في صمت ويعطون الهلال فقط ولا يريدون جزاء ولا شكورا ..
الشعار كان هدية مقدمة بإسم منتدى الهلال وكان الفضل الأكبر من بعد المولى عز وجل لمجموعة من الأخوان من بينهم العزيز سيف كلي..
ارسلنا الشعار قبل المباراة بيوم واحد وكالعادة الشعار أخد ليهو (بياتة) عند سيف كلي والظاهر المرة دي يا كلي كتّرت المحلبية والتلاتة بقت أربعة ..
غايتو انا كان نصيبي فنيلة كيلتشي قعدت معاي في البيت شوية عملت فيها اللازم مع العلم إنها باتت بعد داك مع صديقنا زول ساكت اللي برضو أداها من محايتو شوية ..
جمهور الهلال موعود بمفاجأة من العيار الثقيل في الأيام القادمة إن شاء الله بمناسبة صعود الهلال لدور المجموعات ..
ده عبد الله ود زميلنا بالبورد عباس زول ساكت ..
وده الولد الهلالابي المرضااااااان إبراهيم عباس (زول ساكت)
ودي بعض اللقطات قبل ما يترسل الشعار للمباراة ..
|
|
 
|
|
|
|
|
|
|
 Re: بركاتك يا شيخ(كلي)..توثيق للشعار الذي خاض به هلال العزة مباريات عبور الصن داونز.. (Re: عمر الفاروق)
|
الرجل الهلالي الأصيل فاروق
تحياااااات كتااااااار مو شوية ،،،
ألف مليون مبروك صعود الهلال للمجموعات ، وقدها وقدود يا هلال . ومبروك كمان للمريخ صعودة لدور الـ 16 وعقبال الكأس للفريقين إنشاء الله .
مودتي
عماد
تهديفة :   ياعمر يا أخوي ماتشوفوا لينا معاكم صرفه ، التوانسة راجننا بي هناك هسه كده شوف لينا جماعتك ديل يدوها لينا كم محلبية كده وفنائل وشعار الهلال لمدة ( 3 ) سنوات علينا . بس كتروا لينا المحلبية .
| |
|
|
|
|
|
|
|
|
|
Re: بركاتك يا شيخ(كلي)..توثيق للشعار الذي خاض به هلال العزة مباريات عبور الصن داونز.. (Re: عمر الفاروق)
|
يا عمدة :
| Quote: ياعمر يا أخوي ماتشوفوا لينا معاكم صرفه ، التوانسة راجننا بي هناك هسه كده شوف لينا جماعتك ديل يدوها لينا كم محلبية كده وفنائل وشعار الهلال لمدة ( 3 ) سنوات علينا . بس كتروا لينا المحلبية |
.
يا زول إنتو مرزقين وما بتجيكم عوجة لكن برضو نحوّل طلبك لي شيخ(كلي) ونشوف ليكم شعار من ناس القادسية السعودي
تخريمة :
غايتو لو جاكم النجم الساحلي لا كلي بيحلكم ولا بري بتحلكم ولا ووب بتحلكم ..تاخدوا النجيضة بس
| |
|
|
|
|
|
|
|
|
 Re: بركاتك يا شيخ(كلي)..توثيق للشعار الذي خاض به هلال العزة مباريات عبور الصن داونز.. (Re: essam&amal)
|
والله شيخ سيف كلي حبابو ..
الطقم بتاع المباراة الرشينا فيها الأهلى لاقيت سيف والابطال المعاهو يادوبك طالعين بيهو من المحل ومعتلين الشنطة والله من كلام الشباب ديل لحظته عرفت انو ح نفرتق ليك الاهلي فرتقة الجن ..
ياخي ديل شباب بتكلمو براحه كدا والواحد بيضحك طوالي بعد اي كلمة .. ديل يجو يغلبوهم ..؟
غايتو سيف كلي ماعارف سبحتو قدر شنو .. لكن زول ساكت شيخي من الليلة.
حقو يا عمر بعد كدا يتصمم شعار بلعب براهو لي اي جماعة يطولو لسانم .. يخلوهم يدخلو الميدان يسخنو ويدخل سيدا الميدان شايل الفنايل ويمشي يقعد في المدرجات يضرب التسالي
فكرة مش كدا؟؟
| |
|
|
|
|
|
|
|
|
|
Re: بركاتك يا شيخ(كلي)..توثيق للشعار الذي خاض به هلال العزة مباريات عبور الصن داونز.. (Re: عمر الفاروق)
|
عمر فاروق
فكرة جاتنى اسى دى,,,
نرسل كم واحد كدا يحضر المبارة النهائية لدورى ابطال اوربا
وننتظر مين الفائز,,,لو انهزم جلسى بقى الناس بخلع الشعار
ونحن نلملم الفنائل ونجى نوزعها للزرق,,,رايكم شنو
ولو فازو نجارها منهم...
هههههها....هههههههها...والله انا كتيييييير ممبسوط
عشان هلا بوهههههههههت بارا,,,
دورى المجوعات حيكون
الهلال على راس مجموعة
والاهلى على راس المجموعة الاخرى
| |
|
|
|
|
|
|
|
|
|
Re: بركاتك يا شيخ(كلي)..توثيق للشعار الذي خاض به هلال العزة مباريات عبور الصن داونز.. (Re: عمر الفاروق)
|
علاء الدين يا صديق الزمن الجميل:
ياخ أول شي طلّتك بي هنا ما من صالحك خصوصاً إنو دينق قاعد وممكن عادي ياخد الIP بتاعك ويضرب لي سيلفاكير ويقول ليهو علاء الدين عنصري وبياكل في قروشكم !!
أها عليك الله ما كمّلت قروش الدقوسات ديل لسة ؟
Quote: شايف الصورة لااااااااامعة
لقيت نوع الصابون ياهو المثالي ولا أوريك صابونا |
لا أخفيك سراً جربت الفيري والأومو والإريل وكلو ما نفع فعدت مجبراً لإستخدام صابون الغسيل من إنتاج أبو فيل المنطقة الصناعية امدرمان السوق الشعبي فهو يغسل أكثر نظافة
انا هيييييين بغسل وبقعد في البيت كعبين البيغسلوا ويطلعوا بي هدومهم مبلولة لي شارع النيل يا كافي البلا فرقة عشان يغيروا ماف
| |
|
|
|
|
|
|
|
|
|
Re: بركاتك يا شيخ(كلي)..توثيق للشعار الذي خاض به هلال العزة مباريات عبور الصن داونز.. (Re: عمر الفاروق)
|
الهلالابي المطبوع عمر الفاروق
أولاً ألف مبروك تأهل الهلال وعقبال الكأس الجد جد (دبي والشارقة يمتنعون)
ياخي أنا معجب جداً بجهودكم الكبيرة ودعمكم للهلال والذي لا ترجون منه جزاءً أو شكورا. ولكن لدي ملاحظة هامة أتمنى أن تجد نصيبها من الاهتمام والنقاش، خاصة من ناس واعية ومؤمنة بضرورة التطور.
لعلنا نتفق أن الهلال كان كبيراً فيما مضى وبات أكبر الآن بوصفه واحد من أقوى أندية أفريقيا وأشهرها. لذلك، أرى أن مكانة الهلال الجديدة تحتم عليه أن يعتمد على أفضل الممارسات العالمية في مختلف الجوانب، وأهمها بالطبع المظهر.
لماذا لا يكون لفريق بحجم الهلال تعاقد رسمي مع إحدى الشركات الكبرى في العالم في مجال الأدوات الرياضية من فانيلات وشورتات وأحذية وجوارب وبدل تراك سوت وخلافه. لماذا لا يدخل الهلال في صفقة ترويجية متبادلة مع بوما أو أديداس أو ديادورا حتى يتناسب مظهره مع اسمه.
والله بصراحة جهودكم في دعم الهلال مقدرة ونتمنى أن تكون هناك وسيلة منظمة وفعالة تمكننا نحن محبي الهلال من دعم النادي. ولكن حكاية إرسال علم من ناس السعودية وكدارات من ناس أبوظبي وشنط من ناس أمريكا دي بتناسب فرق الروابط والحواري والليق وليس الهلال، أكبر فرق السودان من حيث الشعبية والقاعدة الجماهيرية والإنجازات.
وفي هذا الأمر، تجدني مضطراً للاعتراف بأن نادي المريخ قد تفوق علينا في هذا الجانب (بعد ان فشل في كسر تفوقنا في جوانب أخرى )، فقد لاحظت أن لديهم زي موحد من علامة تجاريةعالمية.
ولا شك أنك تذكر الفضيحة التي حاقت بنا إبان منافسات كأس الأمم الأفريقية عندما كان منتخبنا هو الوحيد الذي يرتدي زياً بائساً ومتنافراً في مخالفة واضحة للوائح البطولةوللإتيكيت الكروي في بطولة شوهدت في جميع أنحاء العالم.
هذا مع تقديري لتفانيكم في خدمة هلالنا العظيم
والسلام
| |
|
|
|
|
|
|
|
|
|
Re: بركاتك يا شيخ(كلي)..توثيق للشعار الذي خاض به هلال العزة مباريات عبور الصن داونز.. (Re: hassan bashir)
|
التحية لك أخي عمر الفاروق .. وكل الأحباب .. هلالاب ومريخاب ..
واستأذنك أخي في الرد على أسئلة الأخ حسن بشير والتي وردت في مداخلته ..
Quote: لعلنا نتفق أن الهلال كان كبيراً فيما مضى وبات أكبر الآن بوصفه واحد من أقوى أندية أفريقيا وأشهرها. لذلك، أرى أن مكانة الهلال الجديدة تحتم عليه أن يعتمد على أفضل الممارسات العالمية في مختلف الجوانب، وأهمها بالطبع المظهر.
لماذا لا يكون لفريق بحجم الهلال تعاقد رسمي مع إحدى الشركات الكبرى في العالم في مجال الأدوات الرياضية من فانيلات وشورتات وأحذية وجوارب وبدل تراك سوت وخلافه. لماذا لا يدخل الهلال في صفقة ترويجية متبادلة مع بوما أو أديداس أو ديادورا حتى يتناسب مظهره مع اسمه |
نعم أخي حسن من أبسط الأشياء المتبعة في الأندية الكبيرة أو حتى المتوسطة .. لأن فريق مثل الهلال يلعب في خامس أكبر البطولات العالمية التي تنظمها الفيفا وهي بطولة رابطة دوري أبطال الأندية الأفريقية تسعى شركات اللبس العالمية للتعاقد معه .. وأذكر أن شركة بوما (مصر) قدمت للهلال زياً في مباراته أمام الأهلي في أولى مباراياته في دوري المجموعات العام الماضي ..
أما مساهمة الأخوان في منتدى الهلال الإلكتروني فقد جاءت مبادرتهم فقط يوم أن مباراة الهلال والزمالك في دور الستة عشر من العام الماضي ولعلكم شاهدتم ما جرى لقميص اللاعب كليتشي بعد أن تمزق واتضح أن الفريق يأخذ معه طقم واحد في المباريات الخارجية وأكمل اللاعب المباراة بنفس القميص ..
فكانت فكرة أعضاء منتدى الهلال أن يتم إرسال أطقم للفريق مساهمة منهم في دعم النادي .. وبالتالي العمل مع مجلس الإدارة لايجاد منافذ للرعاية
ورغم أن مجهودات الأعضاء بمدينة الرياض قد تقدمت خطوات بعيدة لكن كما تعلم البيروقراطية الإدارية في السودان ينقصها الكثير فبقينا في انتظار القرار للمضي قدماً في ذلك وإن شاء يكون التأهل لدور الثمانية دافعاً للاستعجال في ذلك
| Quote: أنك تذكر الفضيحة التي حاقت بنا إبان منافسات كأس الأمم الأفريقية عندما كان منتخبنا هو الوحيد الذي يرتدي زياً بائساً ومتنافراً في مخالفة واضحة للوائح البطولة وللإتيكيت الكروي في بطولة شوهدت في جميع أنحاء العالم. |
نفس هذه الشركة وعن طريق أعضاء منتدى الهلال الإلكتروني في الرياض عرضت توفير أطقم حسب الطلب إذا وافق الاتحاد السوداني لكرة القدم للمنتخب في بطولة أمم أفريقيا الأخيرة في غانا (وبالمجااااااااااااااااااااان) .. وتم توصيل الرسالة إلى مجلس إدارة الإتحاد .. ولكن
يا قلبي لا تحزن
الشكر موصول لك أخي حسن
وبالتوفيق للكرة السودانية
.
| |
|
|
|
|
|
|
|
|
|
Re: بركاتك يا شيخ(كلي)..توثيق للشعار الذي خاض به هلال العزة مباريات عبور الصن داونز.. (Re: saifkeli)
|
Quote: واتضح أن الفريق يأخذ معه طقم واحد في المباريات الخارجية وأكمل اللاعب المباراة بنفس القميص ..
فكانت فكرة أعضاء منتدى الهلال أن يتم إرسال أطقم للفريق مساهمة منهم في دعم النادي .. وبالتالي العمل مع مجلس الإدارة لايجاد منافذ للرعاية
ورغم أن مجهودات الأعضاء بمدينة الرياض قد تقدمت خطوات بعيدة لكن كما تعلم البيروقراطية الإدارية في السودان ينقصها الكثير فبقينا في انتظار القرار للمضي قدماً في ذلك وإن شاء يكون التأهل لدور الثمانية دافعاً للاستعجال في ذلك |
أخي (في الهلال ) سيف كلي
ياخي الواحد يكفيه شرفاً إنك خصصت من وقتك الثمين جزء للرد على ملاحظاتنا بكل رحابة صدر وأريحية. والله عداكم العيب، ولكني ما زلت اعتقد أن إدارة نادي الهلال لا تهتم بهذا الجانب. أذكر أن رئيس الهلال قد صرح من قبل بوجود خطط لإنشاء مصنع للمعدات الرياضية في السودان كاستثمار هلالي بحت، ولكن لا جديد.
Quote: نفس هذه الشركة وعن طريق أعضاء منتدى الهلال الإلكتروني في الرياض عرضت توفير أطقم حسب الطلب إذا وافق الاتحاد السوداني لكرة القدم للمنتخب في بطولة أمم أفريقيا الأخيرة في غانا (وبالمجااااااااااااااااااااان) .. وتم توصيل الرسالة إلى مجلس إدارة الإتحاد .. ولكن
يا قلبي لا تحزن
|
هذا لعمري هو "دس المحافير" بعينه !!!
شكراً مجدداً لأخواني سيف وعمر جميع أبناء الهلال بالداخل والخارج
| |
|
|
|
|
|
|
| |
عمر الفاروق
abuguta
essam&amal
tmbis
علاء الدين يوسف علي محمد
humida
Maawya Hussein
saifkeli
فيس بوك
تويتر
انستقرام
يوتيوب
بنتيريست