|
|
 عندي اختراع في راسي دا داير لي ناس بيفهموا
|
اختراع يفيد البشرية , اصلا الزول في دنيته الزايلة دي ما عمل ليهو حاجة تقابله قدام غير شيل وش القباحة فاخوكم محتاج ليهو لي نقاطة تكفر ليهو زنوبه بعد ما يعزف لحن الختام بتاع اخوكم , اها اخوكم اساسي اصلا زول بتاع حسابات ودائن ومدين وموازنات وميزانيات ما عنده علاقة بالهندسة ولا الطب ولا الطبيخ , لكن عندي فكرة جاتني ليك مرة كدا في مناقشة مع اصحابي في السودان في الثانوي العالي , اها الفكرة دي ما تزال كل مرة تنتح علي نافوخي وتقول لي ما خلاص يا اساسي وقت حاجتي جا يلا قوم كدا واخترعني . وحات الله الكلام دا بالجد
اها ندخل في المفيد , الفكرة هي شنو .؟
الفكرة انه اعمل مولد كهربائي يخرج للناس طاقة كهربائية يمكن استخدامها في كل المجالات بدون استخدام مواد محروقة تلوث البئية وكدا
فكرتي شنو ؟ طبعا لو اتعملت الفكرة دي وما اظنها نافعة ما داير حقوق اختراع ولا ملكية بس داير الاجر
الفكرة يا اخوانا المهندسين قبل ما اقولها نبدأ نفكر في المولد الكهربائي بيولد كهرباء كيف
المولد بيحتاج لي حاجة تلفو زي المروحة ويقوم يطلع بي هناك كهرباء دي الفكرة العامة والبسيطة
الحاجة البتلفو دي ممكن تكون توربينات في خزانات مياه ممكن تكون طواحين هواء تلف وتولد كهرباء ممكن تكون زي الجنريترات بالمواد المحروقة تلف والمولد يحول الحركة دي لي طاقة يعني انحنا ما عندنا مشكلة في المولد لكن عندنا مشكلة في الحركة المحتاج ليها المولد عشان يلف ويطلع الكهرباء
اها انا فكرتي شنو
فكرتي بتقول انه الكهرباء البتطلع من المولد دا تلف وتجيهو راجعة وتشغلوا هو زاتو يعني منه وليهو
دايرة شرح كتير صاح
طيب اشرحها ليكم
اول حاجة نجيب مولد كهربائي صغير وتاني بطارية كبيرة تدينا الاستارت الاول او الدفرة الاولي
اها لما البطارية دي تشغل المولد بيقوم يطلع كهرباء نقوم نشيل واحدة من الخطوط دي ونرجعها ليهو هو زاتو يشتغل بيها
مشكلتي هي التزامن
التزامن بين خروج الكهرباء من المولد ورجوعها ليهو ودي مفروض البطارية الشغلنا بيها المولد في الاول تحل الاشكال دا
لو ما حلتو يبقي دي مشكلتها ومشكلة المهندسين واكون انا عملت العلي
غايتو يا الاخوة المختصين فكروا فيها وانا قاعد لو دايرين تشاورني
|
|
 
|
|
|
|
|
|
|
 Re: عندي اختراع في راسي دا داير لي ناس بيفهموا (Re: اساسي)
|
تحياتي
للأسف لا يمكن تطبيق هذه الفكرة لآنها تخالف القانون الثاني لحركيات الحرارة "الثيرموديناميك" والذي يقول بأنه لا يوجد ألة كفاءتها 100% وبالتالي فهناك فقد للطاقة عن طريق الاحتكاك في محامل المولد والمحرك الكهربائي وهناك فقد آخر نتيجة للمقاومة الكهربائية في الأسلاك وبالتالي فسوف يقل مجموع الطاقة في هذه المنظومة بسبب الفقد إلى أن يتم استهلاك كل الطاقة ومن ثم سوف تتوقف بعد مدة. وجميع الآلات من هذا النوع تسمى بالآلات أبدية الحركة [perpetual motion machines , وتعتبر جميعا غير ممكنة ومكتب تسجيل براءات الاختراع الأمريكي يرفض فورا تسجيل أي اختراع يدعي توليد طاقة من لاشئ.
بعدين ياخي ارتفاع أسعار النفط ده كويس معاكم يعني دعوة سيدنا ابراهيم دي تروح ساكت كده؟
مع ذلك فهناك آلات أخرى تعتمد على نظرية طاقة نقطة الصفر ZERO POINT ENERGY تقوم بامتصاص الطاقة من الفراغ دون مخالفة القانون الثاني للثرموديناميك تبشر بقرب نهاية عصر النفط والتلوث خاصة أنها تتضمن أيضا إمكانية مقاومة الجاذبية الأرضية، ويقول مروجوا نظريات المؤامرة أن هناك قوى معينة تمنع وصول هذه الاخترارعات للجمهور لأنها ستؤدي لمجانية الطاقة مما سيؤدي لانهيار توازن القوى العالمي وانهيار عملات الدول الكبرى.
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: محمد عثمان الحاج)
|
Quote: للأسف لا يمكن تطبيق هذه الفكرة لآنها تخالف القانون الثاني لحركيات الحرارة "الثيرموديناميك" والذي يقول بأنه لا يوجد ألة كفاءتها 100% وبالتالي فهناك فقد للطاقة عن طريق الاحتكاك في محامل المولد والمحرك الكهربائي وهناك فقد آخر نتيجة للمقاومة الكهربائية في الأسلاك وبالتالي فسوف يقل مجموع الطاقة في هذه المنظومة بسبب الفقد إلى أن يتم استهلاك كل الطاقة ومن ثم سوف تتوقف بعد مدة. وجميع الآلات من هذا النوع تسمى بالآلات أبدية الحركة [perpetual motion machines , وتعتبر جميعا غير ممكنة ومكتب تسجيل براءات الاختراع الأمريكي يرفض فورا تسجيل أي اختراع يدعي توليد طاقة من لاشئ.
|
والله يا محمد عثمان دي طبعا الفكرة في الموضوع كله لو دققت شوية حتلقاني انا دخلت في النص بطارية ولو شفت الرسمة حتلقي انه السلك الطالع من المولد ما داخل المولد مباشرة بل حيدخل اول حاجة البطارية يعمل ليها شحن عشان تحافظ علي نسبة الكهرباء الموجودة فيها والكهرباء البتطلع من البطارية هي البتشغل المولد ودي مشكلة التزامن الانا ذكرتها فوق ديك زاتها ذي ما قال الزول قصة المقنيتة حقت العربية لو ناقشها
ركز في الموضوع تاني وخليني من المصطلحات والقوالب الجاهزة الغاشنا بيها الخواجات ديل
انحنا نسجل اختراعنا في فضاءاتنا دي
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: اساسي)
|
أساسي الاساسي
تحياتي ؛؛؛
انت عارف الفكرة دي زمان يمكن جربتها وانا في الثانوي
بس ما ظبطت معاي لانك مجرد ما تسحب سلك الطاقة من الموتور المحرك للدينمو الحركة تتناقص وبالتالي تقل كمية الكهرباء الناتجة وبالتالي يقل عزم الموتور
يمكن ناس الهندسة الكهربائية يعطونا حل
بس بالمقابل لو نجحت الفكرة كمية الكهرباء الطالعة يستهلكها الموتور
يعني من دقنو وافتلو
ومتابع معاك ونشوف ناس الاختساس
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: بشير أحمد)
|
Quote: لانك مجرد ما تسحب سلك الطاقة من الموتور المحرك للدينمو الحركة تتناقص وبالتالي تقل كمية الكهرباء الناتجة وبالتالي يقل عزم الموتور
يمكن ناس الهندسة الكهربائية يعطونا حل
بس بالمقابل لو نجحت الفكرة كمية الكهرباء الطالعة يستهلكها الموتور
|
ما عشان كدا جبنا البطارية دي عشان تحافظ لينا علي عزم ثابت
لكن دي المشكلة الحقيقية الدايرة اختراع
لو نجحت الفكرة اكيد حتتطور
اي حاجة في الدنيا دي بدأت صغيرة وفي النهاية اتطورت
ياخي عمك ابن فرناس طاربيها ريش اسع بقت فيها جامبو وعابرات قارات وصواريخ تمشي القمر واخري تتشرشح في الفضاء
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: كمال ادريس)
|
| Quote: هذه الفكرة من ناحية العرف الصحفي تدخل ضمن الصحافة الصفرا.... لان الموتور حايطرشق ...بس ده. |
ما عشان كدا قلت داير ناس بيفهموا في الحديد ما حقين حروف وكلام جرايد 
المولد ما عنده علاقة بالكهرباء الداخلة المحرك يا عمك
لف عمتك وتعال لي راجع
| |
|
|
|
|
|
|
|
|
|
من دقنو و افتلو (Re: اساسي)
|
اخونا اساسى
النظرية دى درسونا ليها فى سنة خامسة هندسة:نظرية فرداى الخرتمية:من دقنو و افتلو
بس محتاجين نقلتى (اسكافى ) عشان نطبقها
| |
|
|
|
|
|
|
|
|
|
Re: من دقنو و افتلو (Re: Waeil Elsayid Awad)
|
Quote: لنظرية دى درسونا ليها فى سنة خامسة هندسة:نظرية فرداى الخرتمية:من دقنو و افتلو
بس محتاجين نقلتى (اسكافى ) عشان نطبقها |
نظرية فرداي بتاعة الساعة كم
دي نظريتي انا يا عمك
نظرية فرداي ديك يا الحبيب في عمل المولد زاتو مغنطيس وما ادراك ما ملفات سلوك وحنك كتير
انحنا برة المولد الكهربائي كلامنا دا كلو
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: اساسي)
|
السلام عليكم
اساسي الأساسي
يا عمك والله انا شخصياً ما وصلت لمرحلتك دي
بس كانت عاجباني فكرة بطارية العربية البتشغل الماقنيتا
والماقنيتا البتشحن البطارية
وشكلها عندها صلة بفكرتك دي
.............................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: الزوول)
|
الزول وين الحي بيك ياخي غيبة طويلة
المهم
تعرف الفكرة جاية من قصة المقنيتة والبطارية والسك سك الحاصل بينهم
بس المقنيتة معتمدة علي لف العجلات البتلف بي المحرك بتاع العربية المعتمد علي البنزين والجاز
انحنا دايرين نغزي المقنيتة دي بي المحرك البيشتغل بي كهرباء المغنيتة زاتها
شفت كيف انحنا شفوت
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: osman righeem)
|
Quote: اساسي
تحياتي
واحد مهندس كهربائي ( ش م )* طرحته عليهو فكرتك
ما فكر كتير قالي :
سمعت بي حكاية البقره البترضع نفسها !!!!!!!!!!!!!!!!!
و بس ............... و قلب الصفحه.
|
وانت قايل جنا الدابي وجنا الشايقي ديك قالوها في منو ما جنس صاحبك دا زاتو
قوليهو فكرة اخونا دا بالطريقة التالية حاشرحها ليك بالبقر عشان يفهمها
انه يحلبو البقرة وبعد داك يعلموا جبنة وزبادي ويدوهو للبقرة بالمعلقة
اكيد بتجيب حليب تاني
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: اساسي)
|
Quote: فكرتي بتقول انه الكهرباء البتطلع من المولد دا تلف وتجيهو راجعة وتشغلوا هو زاتو يعني منه وليهو
دايرة شرح كتير صاح
|
اساسى اخوى...والله فت اديسون زاتو بهناك .....
قول الاخوان ...ماقصروا معاك وعرفت الشغلانيه البتطلع الكهرباء وتلف وتجيه راجعه
وتشغلوا هو زاتو ...وقول عملتها ...وظبطت ......ناوى تعمل لينا شنو ...شبكات توزيع
ولا كل زول تانى يشيل كهربتوا معاه محل ماماشى ....وحيكون دفعها كيف مقدم ؟
يااساسى الشغلانية دى بتكسبك دهب ابقى عليها ....
كل التقدير للموضوع الظريف ده
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: ناهد بشير الطيب)
|
Quote: وقول عملتها ...وظبطت ......ناوى تعمل لينا شنو ...شبكات توزيع
ولا كل زول تانى يشيل كهربتوا معاه محل ماماشى . |
تعرفي يا استاذة ناهد مسالة الثروة والسلطة دي للان ما فكرت فيها
لكن ليك علي اخيلك المستشارة المالية والمروجة للمشروع والراعي الرسمي زاتو لو المشروع نجح
انا خايف القروش البتطلع لي منه ابني لي بيت بيها واقعد قدامه واديهو ضهري زي ما بيحصل في البوستات التانية
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: اساسي)
|
أساسي
سلام وتحيات وكده
الفكرة جميلة والنتيجة واضحة عندك وكمان وضحوها بعض الاخوان هنا
لكن الظاهر انت ما قاعد تنوم كويس عشان كده ما قادر تقتنع
بعدين شراب الحرجل المر ده خفف منو الظاهر اثر على عقليتك
الخوف يقوم يسوي ليك قرحة
| Quote: اصلا الزول في دنيته الزايلة دي ما عمل ليهو حاجة تقابله قدام غير شيل وش القباحة فاخوكم محتاج ليهو لي نقاطة تكفر ليهو زنوبه بعد ما يعزف لحن الختام بتاع اخوكم , |
وعشان تحقق آمالك دي رسل لي البتقدر عليهو شهريا واعتبرها صدقة جارية
والله حاأدعليك
وحأرجع ليك بخصوص موضوع المولد
والكلام الفني
| |
|
|
|
|
|
|
|
|
 Re: عندي اختراع في راسي دا داير لي ناس بيفهموا (Re: منزول محمد توفيق)
|
بالغت
أول شيئ ما سمعت بي قانون بقاء الطاقة ...
حتى لو إفترضنا الكفاءة 100% و مافي أي تبدد للطاقة في دايرتك الكهرباية بتاعة ( منو و ليهو ) دي حتكون كمية الطاقة المنتجة نفس الكمية الكافية لتشغيل المحرك ... يعني سلكك المارق بره ده مافي ليهو طريقة ..
ولا إستمتع بي صوت محركك يخبو تدريجياً حتى يبطل
ياخي خليتنا نصحي الناس النايمين بالضحك في الكتابة المرفقة مع الرسم التوضيحي
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: amin siddig)
|
| Quote: أول شيئ ما سمعت بي قانون بقاء الطاقة ... |
سمعت بيهو يا امين وعشان سمعت بيهو اقترحت انه يكون في بطارية تحافظ علي نسبة الكهرباء المغزية ويتم تغزيتها من المولد نفسه
| Quote: ياخي خليتنا نصحي الناس النايمين بالضحك في الكتابة المرفقة مع الرسم التوضيحي |
يعني داير تقول ما شفت كاريكتيرات قبل كدا؟
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: AMNA MUKHTAR)
|
Quote: تحياتي
للأسف لا يمكن تطبيق هذه الفكرة لآنها تخالف القانون الثاني لحركيات الحرارة "الثيرموديناميك" والذي يقول بأنه لا يوجد ألة كفاءتها 100% وبالتالي فهناك فقد للطاقة عن طريق الاحتكاك في محامل المولد والمحرك الكهربائي وهناك فقد آخر نتيجة للمقاومة الكهربائية في الأسلاك وبالتالي فسوف يقل مجموع الطاقة في هذه المنظومة بسبب الفقد إلى أن يتم استهلاك كل الطاقة ومن ثم سوف تتوقف بعد مدة. وجميع الآلات من هذا النوع تسمى بالآلات أبدية الحركة [perpetual motion machines , وتعتبر جميعا غير ممكنة ومكتب تسجيل براءات الاختراع الأمريكي يرفض فورا تسجيل أي اختراع يدعي توليد طاقة من لاشئ. |
محمد عثمان الحاج.
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: سيف النصر محي الدين محمد أحمد)
|
انت الليلة شارب ليك موية بطارية وللا شنو ؟؟؟
الواحد يهابش من هنا وهنا لحد مايحرق ليهو بيت
ثلاثة اشياء لاتتحمل الهزار
عبد الرحيم محمد حسين
والمراة الحامل
والكهرباء !!!!!
مش قلت ليك صديقي عامل فيها كهربائ اول ماحضر السعودية
وهو المفتاح بتاع الكهرباء ماشاف شكلو كيف
وعايش في قرية في أهل العوض جاتم الكهرباء قبل سنتين
وكانوا عايزين يطيروا من الفرح
أها اول الأيام لمن يجيهم ضيوف يقولوا ليهم { تشربوا شاي ياجماعة وللا نشغل ليكم المروحة !!!
زولنا جاهو سعودي وقال عاوز يركب { عقد زينة } عشان الزواج
صاحبنا ماصدق طوالي اتفاصح وقال حا يعمل العقد
وقام السعودي اشترى ثلاثة لفات اسلاك
واربعة كراتين لمبات
وصاحبنا بدأ في التوصيل
وصل ليهو 250 لمبة في سلك واحد
اها كلنا عشان نفتتح المشروع قمنا قلنا { الله أكبر } بصوت واحد
زمن الله أكبر كان ليها شنة ورنة
اها المهندس المخترح اب راساً ماكن هو من قام بالتشغيل والتجربة
قومي يا اللمبات اتحرقي من اللمبة الأولى لحد اللمبة 250
عليك أمان الله زولك الا مشى اشترى لمبات واسلاك مرة تانية
وجبنا كهربائ نجيض وقام باللازم
تجربتك دي انصحك تكون برة البيت
عشان ماتحرق الملايات !!!
قال ناس يفهموا قال !!!
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: ابوحراز)
|
Quote: نت الليلة شارب ليك موية بطارية وللا شنو ؟؟؟
الواحد يهابش من هنا وهنا لحد مايحرق ليهو بيت
ثلاثة اشياء لاتتحمل الهزار
عبد الرحيم محمد حسين
والمراة الحامل
والكهرباء !!!!!
مش قلت ليك صديقي عامل فيها كهربائ اول ماحضر السعودية
وهو المفتاح بتاع الكهرباء ماشاف شكلو كيف
وعايش في قرية في أهل العوض جاتم الكهرباء قبل سنتين
وكانوا عايزين يطيروا من الفرح
أها اول الأيام لمن يجيهم ضيوف يقولوا ليهم { تشربوا شاي ياجماعة وللا نشغل ليكم المروحة !!!
زولنا جاهو سعودي وقال عاوز يركب { عقد زينة } عشان الزواج
صاحبنا ماصدق طوالي اتفاصح وقال حا يعمل العقد
وقام السعودي اشترى ثلاثة لفات اسلاك
واربعة كراتين لمبات
وصاحبنا بدأ في التوصيل
وصل ليهو 250 لمبة في سلك واحد
اها كلنا عشان نفتتح المشروع قمنا قلنا { الله أكبر } بصوت واحد
زمن الله أكبر كان ليها شنة ورنة
اها المهندس المخترح اب راساً ماكن هو من قام بالتشغيل والتجربة
قومي يا اللمبات اتحرقي من اللمبة الأولى لحد اللمبة 250
عليك أمان الله زولك الا مشى اشترى لمبات واسلاك مرة تانية
وجبنا كهربائ نجيض وقام باللازم
تجربتك دي انصحك تكون برة البيت
عشان ماتحرق الملايات !!!
قال ناس يفهموا قال !!! |
هو من قلت لي صاحبك عرفت شفرته ما مفكوكة عشان كدا ما رجيت حاجة منه لحدي نهاية كلامك
بعدين انت قايل عندي شجاعة ادبية تخليني اجرب الحاجات دي في البيت؟
لو بقدر اجربها في عدة البيت كان جيت كتبتها
ما عشان اخوك حريف رما الفكرة للدايرين يجازفوا
وانحنا قاعدين لي سماحة الوصف
قال اجربها قال
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: سيف النصر محي الدين محمد أحمد)
|
سيف النصر محي الدين
| Quote: والله يا محمد عثمان دي طبعا الفكرة في الموضوع كله لو دققت شوية حتلقاني انا دخلت في النص بطارية ولو شفت الرسمة حتلقي انه السلك الطالع من المولد ما داخل المولد مباشرة بل حيدخل اول حاجة البطارية يعمل ليها شحن عشان تحافظ علي نسبة الكهرباء الموجودة فيها والكهرباء البتطلع من البطارية هي البتشغل المولد ودي مشكلة التزامن الانا ذكرتها فوق ديك زاتها ذي ما قال الزول قصة المقنيتة حقت العربية لو ناقشها |
اساسي
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: اساسي)
|
شحدت ربي تقوووم كده تمشي تشترك في برنامج " أمريكان إنفينتور" ويلم فيك الراجل القصيير المسيخ داك ويطرشك فارغة لمن تعرف حاجة !!!!
وبعدين ياخ انت يادووووووب جاي تفتش نظرية للمولد والجنيريتر ؟؟؟؟
ياخ إنت من زمن الكهربا بتقطع ؟
الكلام ده كان زمان لمن تلقاك كان عندك عراقي مشروط وداير تحضر المسلسل المصري الحلقة الأخيرة وتقوم تمشي لي جيرانكم المرطبين ديلك من الساعة 7 وتقعد( قعدة العرب) ديك قدام التلفزيون وشك مغبّش وأسياد البيت يرسلوا فيك زي الخدام ناولني موية وجيب لي الكرسي داك
تخريمة :
إضترى محمد تلاجة وكرسي وخمسة دواليب لشركته الجديدة ويوجد في الخزنة الفين جنيه وديون هالكة عند الرضية بت عثمان !!!
أعمل ميزان المراجعة والميزانية ودفتر الأستاذ والدائن والمدين وكم باقي ف يالصندوق وما هي الأصول ؟
قال جنيرتر قال
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: عمر الفاروق)
|
| Quote: شحدت ربي تقوووم كده تمشي تشترك في برنامج " أمريكان إنفينتور" ويلم فيك الراجل القصيير المسيخ داك ويطرشك فارغة لمن تعرف حاجة !!!! |
ياخي شفته لئيم كيف ؟ لكن لآمته ليها قواعد الزول دا مخترع ليهو كم وعشرين اختراع للان مستخدمة في جميع البيوت الامريكية
اخوك لو اشترك في البرنامج حيركز علي المراة الكبيرة ديك اصلحها حنينة وعاطفية
واخوك شكله حيكون يحنن لو مشي عشان كدا حاقدر احنكها ان شاء الله حق التذاكر بس
الله يخليك ليك الام بي سي يا عمر الفاروق اثقفت وبقيت تفتي كمان
تعرف اختراعي دا انا لو بقيت عليهو بمشي بيهو امريكان ايدول عديل
واحنك عمك سايمون واجدع جدعة لي بولا عبدول اخليها تقول شافت اختراعي دا في منامها قبل الحلقة ولا هي قالت شنو للزول داك؟
Quote: ضترى محمد تلاجة وكرسي وخمسة دواليب لشركته الجديدة ويوجد في الخزنة الفين جنيه وديون هالكة عند الرضية بت عثمان !!!
أعمل ميزان المراجعة والميزانية ودفتر الأستاذ والدائن والمدين وكم باقي ف يالصندوق وما هي الأصول ؟ |
كان ما قلت كلامك دا ما تكون عمر الفاروغ
يا انصرافي
وللضمان كدا محمد وتلاجته دي الا يشتغل بيها في مجال الداندرمة حتي يكون عنده اصول
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: اساسي)
|
غبي ..
كهرباء البطارية خشت الموتور لفتو مرقت كهرباء ..
طلعت الكهرباء دخلت تاني الموتور اللافي اصلا من كهربة البطارية قبيل
بقت عليهو كهربتين ..
كهربة البطارية وكهربة نفسو..
طاخ ولع...
دي كانت بي ببساطة تجربة (ميشيل فارادي) تجاه الكهرباء..
فشلت لانو ماقدر يخلي الموتور يستحمل كهربتين في وكت واحد عشان بعديها يفصل كهربة البطارية..
يعني الموتور ما قدر يستحمل كهربتو الراجعة ليهو ..
الموتور احرف من انو يقبل بي انو ترجع ليهو كهربة 220 فولت ياحبة..الموتور عارف انو الكهرباء دي ممكن تحرق رزو..
والبخيت ما بسمي نفسو شقي..
اساسي
بصراحة انتا عبقري هذا الزمان ..ودي بداية ظهور اسمك في الدوريات العلمية وجامعات العالم وخزانات الدنيا..
Such Idiot
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: DKEEN)
|
يا اساسي فكرتك بنت كلب ومجنونة حا ادعمك فيها للاخر قول لي ليه؟
معروف انو الناس البخترعواالحاجات بقلدوا حاجات في الطبعية
يعني العمل الغواصة عملها زي شكل الحوت.
والعمل الطيارة عملها زي السمبرية
نفس فكرتك دي موجوده في الطبيعة
زمان كان عندنا بقرة بترضع نفسها ثم تحول ما رضعته من نفسها الى حليب مرة اخرى.
مش نفس الفكرة.
| |
|
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: اساسي)
|
والله يا أساسي يا أخوي الأخوان رايت لمن عملوا الطيارة الناس ما قالت والله خطيرين ....أها شبكوهم ليك زي قصة البقرة البترضـع نفســــــــــها دي وهم عاندوا لحدي ما سافرنا طب بالطيارة .........أخوك أديسون سمموا بدنوا ...وعاند ................أخوك جراهام بل ............... يازول لي قدام ..........أحرق ملايات البيت ...........طرشق ليك كم حاجة كدا ...............وباكر ناس نظرية فرداي ديل حيقولوا ليك ...........هي دي ما نظرية أساساي .............
........
........
........
مرة قلت داير أخترع بديل للمكيف ..........قلت اجيب طشت فيهوا موية ...........وفريم قماش بلف يخش الموية يتبل ويطلع {إستفدت من تجربة دخلت نملة وأخدت حبة ومرقت} .........أها تقوم مروحة {إستاند} تضرب ليك القماش ويجي هواء بااااااااااااااارد ............كتبت الإختراع ...........قلت ماخاب من إستشار ............جبت ليك إتنين من أصدقائي بتاعين مسرح كدا ............حكيت ليهم وسكت (لزوم التشويق وكدا) .........وسكتو (لزوم الإستغراب وكدا) ..........أها بعد شوية غلبني قلت ليهم : أها رايكم شنو (حاولت أفخم صوتي نظام مخترع وكدا) ............. واحد منهم قال لي : طيب ماده المكيف زااااتو .......الجديد شنو ؟؟؟؟
...........
...........
...........
صحي يا أساسي ده المكيف زاااااتو ؟؟؟؟
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: Ahmed musa)
|
بالنسبة لي دكين , حميدة معاذ
حاتجاهل الرد ليكم لاني بعتبركم معوقات امام الفتوحات العلمية الكبيرة \
احمد موسى
تعرف اخوك محتاج معنويات بعد الاحباطات اللاقتو من الشرذمة اعلاه ناس دكين ومعاذ وحميضة
Quote: واحد منهم قال لي : طيب ماده المكيف زااااتو .......الجديد شنو ؟؟؟؟
صحي يا أساسي ده المكيف زاااااتو ؟؟؟؟
|
قول ليهم ايوة دا المكيف زاتو انا عملتو انتو عملتو؟
تعرف انت زاتك اخترت الناس الغلط , كان تشوف شكري الحلاق وتوريهو الفكرة دي , تعرف تاني يوم كان جوك ناس الامم المتحدة يدوك لجو ثقافي
ياخي سلم لي علي آآآآدولة
| |
|
|
|
|
|
|
|
|
 Re: عندي اختراع في راسي دا داير لي ناس بيفهموا (Re: كمال سالم)
|
أساسي يا مبدع
سلامات ياراجل يا طيب...عارف؟؟..لي زمن طويل مضرب عن الكتابه والمشاركة وماشي بعيييد من حيطة الجامع الكبير..بس والله موضوعك دا مرقني من سباتي..وبعدين أوعك ابو حراز دا يهبط همتك وعزيمتك..إختراعك جميل جدا بس عاوز شوية موديفيكيشن..قصدي تعديلات بسيطه ويكون مصدر طاقة وفعلا بدون ما يستعمل محروقات تلوث البيئةوممكن كمان نفس المولد ينتج لينا حاجات تانية صديفة للبيئة ونسفتفيد منها كمصدر هام للدخل القومي ونحل مشاكل كتيرة في أفريقيا والعالم العربي.
تحياتي ياظريف
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: nile1)
|
الزاكي حبيبنا
تحية وتحيات
ياخي والله البركة في كهربتنا المرقتك من سباتك , لو عارفين كان جهجهنا الجنريترات دي من بدري ,
اها يا المنظراتية ياهو الباشمهندس الزاكي الشغال في اكبر شركة بترول في العالم بيقول الموضوع جميل جدا لكن ودار وداير ليهو شوية مودفيكيشن بالانجليزي وتاني يا توماس اديسون جاك اساسي . ياخي رفعت معنوياتي راس البيت بعد ما حاولوا المغرضين امثال ابو حراز و دكين بقية الهواة تثبيط همتنا والرمي بي طموحاتنا عرض الحائط
خليك قريب لو احتجنا دعم لوجستني وكدا
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: اساسي)
|
ياحبيبنا ،،
استاذنا ابراهيم الصديق ربنا يطول في عمرو زول عقلو كبير بس البلد ضيقة،
طالما قارنت عقلك بي عقلو انا ح اعتبر الموضوع جادي وح اوديهو ليك بي رسمتو لي خبير كهرباء وح يفيدك كتير في الموضوع وربنا يكضب الشينة.
تحياتنا ،،،
زاتوووو
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: ALZOLZATOO)
|
Quote: طالما قارنت عقلك بي عقلو انا ح اعتبر الموضوع جادي وح اوديهو ليك بي رسمتو لي خبير كهرباء وح يفيدك كتير في الموضوع وربنا يكضب الشينة.
|
ياخي نفخو بجلالة قدره قال لي بالحرف الواحد يا اساسي انت زول ذكي بس ما بتحضر لي محاضراتي تقول لي البلد ما ضيقة
بالله اخدمنا ف يالموضوع بس ما يشوف الفكرة ويقول لي ما نافعة ويعمل بيها نايم زولك دا
| |
|
|
|
|
|
|
|
|
|
اعمل حسابك (Re: اساسي)
|
و تانيا يا اساسى
اعمل حسابك مافيا البترول (بعد ما البرميل حصل 120 دولار)
حيكتلوك (دة ما تهديد افهمو ذى ما تفهموا)
عندى صاحبى فى السعودية عاوز يطلع كهربة من الكحول اها
عمل الكحول (عرقى بعجوة المدينة ) ناس الهيئة (ما هيئة الكهربا)
جو و
الباقى تمو براك
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: اساسي)
|
اساسي يالذيذ،،
سألنا ليك الخبير سؤال خسوسي جدا
اها يازول قاليك ممكن تشتغل لي فترة بسيطة وتقيف بعدين مابتتحمل اي لود يعني لو شغلتها وولعت لمبة
ح تقيف طوالي .
تصدق اول ماقلت ليهو قال لي انا فكرت فيها من الابتدائي ،
بعدين لو عندك اي اكتشاف كهربائي شاورنا اول ونشوف الخبير بيقول شنو قبل ماتنشر كهربتك للناس
تحياتي ،،
زاتوووو
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: اساسي)
|
يا أساسى..... السلام عليك
فكرتك دى عملناها سنة 1988 وطرشقت لينا فى راسنا .... وبعدين قمنا فكرنا فى طريقة أخرى وهى أستخدام الطريقة التبادلية للمغنطيس المتفاوت الأحجام والقوة .
يعنى جبنا مجموعة من المغنطيسات وتم تثبيتها على لستك عجلة بحيث تكون اقطاب المغنطيس والذى يليه فى الصف على اللستك مختلفان ومتفاوتان فى الحجم والقوة ... واتينا بلستك اخر مماثل بذات الحجم وتم تثبيت المغنطيسات بصورة مغايرة للعجلة الأولى بحيث ان كانت العجلة الأولى تبدأ بالمغنطيس الصغير ثم الأكبر حجما ، ففى العجلة الثانية أتينا بالأكبر حجما ثم الذى يليه . تم تركيت العجلتين على عمود واحد وثبت الأولى وتركت الثانية حرة تدور حولها بحيث تتنافر المغنطيسات المتقابلة فى بالعجلتين مرة وتتجاذب مرة أخرى مستفيدين من خاصية الأقطاب المتشابه تتنافر والمختلفة تتجاذب ودورت العجلة وقربت تطير لى فى راسى وخفت خوف شديد وبعدها ثبتا على كدا وعلمت نايم .... وانتو جربوها وما تطير لواحد فيكم فى راسو .... وكانت فكرتى هى أحداث حركة يمكن الإستفادة منها بحيث تكون الحركة تلقائية وبدون مخلفات فكانت الفكرة الأولى يا أساسى يا ها فكرتك القلتها دى وبعدين صرفت النظر عنها ومشيت للفكرة التانية دى يلا قوم انتا طورها وورينى الحاصل شنو .... أن ما جنيت
وبعدين تعالوا ادونى حق الملكية الفكرية ..... أخوكم الرشيد البصيلى
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: اساسي)
|
أساسي يا ظريف
الحرب انتهت
كدي خلينا نرجع لإختراعك
أنا غايتو ظبت لي كاس قهوة وقعدت افكر في موضوعك ده
خاصة عندي اجازة اسبوع
وحسب اختصاصي ( تتذكر التلفون ابو منفلة )
لقيت انو الكهرباء التي تخرج وتحاول أن ترجعها مرة لأخرى لتقوم هي بعملية المنفلة
حتعمل لينا موضوع ساقية جحا تشيل من البحر وتكب في البحر
يعني ما حتستفيد من هذه الكهرباء لأنها ستخرج بالقدر الذي يشغل المولد فقط
ولو ربطت لمبة حيقيف المولد لأن اللمبة أخذت جزء من الجهد
وشكرا
| |
|
|
|
|
|
|
|
|
|
Re: عندي اختراع في راسي دا داير لي ناس بيفهموا (Re: اساسي)
|
مستغلا هذا الهرج والفوضي التي تضج في جنبات المنبر
يسرني اني احكي ليكم نكتة الكهربجي ..
اها قالو في كهربي بركب ليهو في شغلات في بيت واحدي نجاضة..
اها بدا من الحوش يركب في اللمبات..
اها جاتو المرة تتمحرك وتتجلع وهو لا على بالو..
وصل البرندة ولسع شغال بركب في السلوك..
المرة برضو جاتو لابسة خفيف وبتتجلع ..وهو ولا على بالو..
وصل اوضة النوم ولسع شغال بوصل في السلوك..جاتو المرة برضو لابسة الاندر وير وخاتة خمرة السنين وبتجلع ..
وصاحبنا ولا على بالو..
اها لامن انتهى جاي ماشي مارق بيتم لقى الدجاج في الحوش مقنقس لي الديك والديك ولا على بالو..
قام عاين لي ست البيت وقال ليها : انتو ديكم ده ((.........))؟؟
المرة قات ليهو : لا، كهربجي..
| |
|
|
|
|
|
|
|
اساسي
محمد البشرى الخضر
حيدر حسن ميرغني
بشير أحمد
كمال ادريس
Waeil Elsayid Awad
الزوول
osman righeem
ناهد بشير الطيب
منزول محمد توفيق
abuguta
ابوحراز
عمر الفاروق
معاذ حسن
humida
عبدالله شمس الدين مصطفى
Ahmed musa
كمال سالم
nile1
ALZOLZATOO
adil amin
ABUHUSSEIN
الرشيد البصيلى
فيس بوك
تويتر
انستقرام
يوتيوب
بنتيريست