|
قوة الرأي العام: قطعة لقيمات هزت الرأسمال..الى راني السماني عاشق التيم هورتون
|
قوة الرأي العام: قطعة لقيمات هزت الرأسمال..الى راني السماني عاشق التيم هورتون
اذا دعتك الظروف لزيارة صديقنا الشاب راني السماني في كندا.. فاول ما يتبادر لذهنه ..سيدعوك لتناول قهوة في احد مقاهي التيم هورتون المنتشرة..و اي زول او زولة في كندا سيفعل ذلك.. لأن مقاهي التيم هورتون و قهوتها علامة من علامات الحياة(اجتماعية و ثقافية) في كندا..و هي بالجد محلات جميلة و تستاهل تعزم فيها زول/ة..و لكن بالأمس حدث حادث صغير في احد تلك المقاهي..و اعتبر في مصاف الفضيحة..التي تأثر بها الراي العام في كندا..و عكرت مزاج الكثيرين و الكثيرات..
كبر
|
|
|
|
|
|
|
|
Re: قوة الرأي العام: قطعة لقيمات هزت الرأسمال..الى راني السماني عاشق التيم هورتون (Re: Kabar)
|
لم ينشغل الرأي العام الكندي امس .. بفضيحة وزير الخارجية الكندي و علاقته الشخصية السابقة (ارتبط بأمرأة كخليلة..و كانت خليلة احد قادة عصابة ملائكة الجحيم، فيما سبق )التي كانت مثار تندر في جلسة البرلمان..و لم ينشغل ايضا بأحتفال اسرائيل بعيدها الستين على تأسيسها..و لم ينشغل بمأساة بورما..ولا بعثة افغانستان العسكرية..ولا ما تعانيه بيروت من حرب جديدة..و لكنه انشغل بقطعة تيمبت (نوع من الفطائر اشبه بالزلابية) صغيرة قدمتها عاملة في مقهى التيم هورتون في مدينة لندن اونتاريو .. لأحد الأطفال..
كبر
| |
|
|
|
|
|
|
Re: قوة الرأي العام: قطعة لقيمات هزت الرأسمال..الى راني السماني عاشق التيم هورتون (Re: Kabar)
|
تقول القصة أن احد الزبونات تقدمت لطلب قهوة..و كانت معها طفلتها البالغة من العمر احدى عشر سنة..فقامت العاملة بتقديم قطعة تيمبت كهدية للطفلة..فرآها مديرها عبر كاميرا داخلية..و استدعاها ..و قام بفصلها من العمل لأنها قدمت قطعة تيمبت بدون مقابل للزبون..!!
وصلت تفاصيل القصة للإعلام الكندي (السلطة الرابعة الماها خمج)..و بثت حوار مع المرأة العاملة..و نشرت هيئة الإذاعة و التلفزيون الكندي القصة على الشعب الكندي..و سارت مثار سخط .. كيف تفصل عاملة من اجل قطعة لقيمات سعرها خمس سنتات؟..عبر الكثيرون عن استئياؤهم..و لمح البعض لضرورة مقاطعة مقاهي التيم هورتون و عقابها على هذا البخل الفاضح..
قامت ادارة مقاهي التيم هورتون (بضغط السخط العام) باصدار بيان توضيحي.. شجبت فيه سلوك ذلك المدير و سوء تقديره للأمور..و اعتذرت لزبائنها الكرام..و اعلنت اعادة العاملة للخدمة فورا..يعني الزولة فصلوها و قبل ما تتم يوم رجعوها تاني للخدمة.. و الفضل يرجع للرأي العام القوي الذي عبر عن سخطه تجاه التيم هورتون..
كبر
| |
|
|
|
|
|
|
Re: قوة الرأي العام: قطعة لقيمات هزت الرأسمال..الى راني السماني عاشق التيم هورتون (Re: Kabar)
|
التيم هورتون.. مقاهي (كوفي شوب)..انيقة جدا ..و هي منتشرة في كندا..تأسست 1964 في هاملتون اونتاريو..و تيم هورتون سيد الإسم كان لاعب للهوكي (اللعبة الرياضية الأولي في كندا)..و توفى في حادث سيارة في 1974.. عدد المقاهي في كندا بلغ 2733 مقهى..و 345 مقهى في الولايات المتحدة الأمريكية..و مقهى واحد في قندهار بأفغانستان (طبعا الفكرة هنا فيها ترميز كبير.. بالرغم من ان الجنود الكنديين بيحبوا يشربوا قهوتهم من التيم هورتون.. لكن الفكرة هي دعاية منظمة مفادها نحن معاكم يا الكنديين حتى في اللحظات القاسية و مناطق الشدة..ملعون ابو الرأسمال ذاتو ياخي).. في البدء كانت مقاهي التيم هورتون تقدم القهوة و الكاكاو و الفطائر.. ثم توسعت و صارت تقدم وجبات سريعة..
تشتهر كافيهات التيم هورتون بنظافتها و جمالها..و هي المقاهي الوحيدة التي كانت تخلو من ركن التدخين الذي كانت توفره المقاهي الأخرى..و هي ليها اثرها الكبير في حياة الكنديين لأنهم يحرصون على تناول القهوة منها.. و كضاب الكندي او الكندية.ز الأمو بت عم ابوهو.. يقول ليك قاعد يسوى أو يشرب قهوة في بيتو..
كبر
| |
|
|
|
|
|
|
Re: قوة الرأي العام: قطعة لقيمات هزت الرأسمال..الى راني السماني عاشق التيم هورتون (Re: Kabar)
|
من القواعد الصحية المتبعة في تيم هورتون (و بقية مقاهي و مطاعم الوجبات السريعة).. أن الوجبات و الفطائر.. لا تمكث لمدة اربعة و عشرين ساعة..و يتم ابادتها فورا اذا لم يتمكن من بيعها للزبائن..و في تيم هورتون تحديدا.. أن تنكة القهوة عمرها دوما اقل من ساعتين..فاذا تم صنع القهوة.. يكتب زمن بدايتها.. و يحسب بالدقائق و الثواني.. فاذا وصلت الساعتين يتم اتلافها ..و استبدالها بقهوة جديدة.. لأن الثيمة الدعائية للتيم هورتون أنه يقدم قهوة طازجة (فريش)..
و المفارقة أن التيم هورتون احيانا يتلف الاف القطع من الفطائر في نهاية اليوم..و لكن حينما تقدم قطعة واحدة هدية.. يعتبر ذلك نقص للربح الداخل..!!
| |
|
|
|
|
|
|
Re: قوة الرأي العام: قطعة لقيمات هزت الرأسمال..الى راني السماني عاشق التيم هورتون (Re: Kabar)
|
هذه الواقعة على بساطتها.. هزت سلسلة التيم هورتون..و لأن الإدارة العليا تعي تماما قيمة الرأي العام..و تخشى مسألة التشهير عبر الإعلام فقد بادرت بادانة حادثة فصل تلك العاملة..و ابعد من ذلك اعلان ارجاعها فورا..و طبعا فكرة البخل الفاضح هي ما تخشاه تلك الإدارة..لأن التيم هورتون له نشاطات اجتماعية من بينها دعم الأطفال و عمل معسكرات صيفيه لهم..
واحدة من المسائل الجانبية..و التي كانت مثار اهتمام الكثيرين.. مسألة الخصوصية..و الكاميرات التي تنصبها المحلات (اضافة لمقاهي التيم هورتون.. فكل استور في كندا لديها مئات الكاميرات المنصوبة)..لأنو السؤال هو ما هي حدود تلك الرقابة؟..و لمن القصة تجيب ليها حقوق خصوصية..و رقابة.. هنا الكتيرين بيدخلوا في حيص بيص.. و هنا ايضا تكن اهمية الإعلام..و سرعته ..و فعاليته..
كبر
| |
|
|
|
|
|
|
Re: قوة الرأي العام: قطعة لقيمات هزت الرأسمال..الى راني السماني عاشق التيم هورتون (Re: Kabar)
|
الطريفة.. في بيتنا هنا.. الحيكومة شغالة في التيم هورتون..و اول ما جات البنيات شبكوها ليك اسئلة.. ماما الحاصل شنو في التيم هورتون؟..و المدام تشيل و تشرح..و تعتذر للبنيات..و انو ده مدير حيوان ساكت..طبعا نحن في غرب كندا..و الحادثة حصلت في شرق كندا..و الناس كلها كانت متفاعلة مع الحاصل..
امنياتنا أن يحل الله كربة الصحافة في بلدنا..و انو الإعلام يقدر يكون فعال في خلق رأي عام محترم..و متفاعل مع القضايا.. مش لحد الثورة و الإنفعال بقطعة لقيمات..و لكن ان تكون له فعالية..
اما ما حدث في كندا.. فالحكومة ذاتها داخلة في حيص بيص.. لأنو الرأي العام هنا عارف البيهو و العليهو.. من الصغيرة للكبيرة..
كبر
| |
|
|
|
|
|
|
Re: قوة الرأي العام: قطعة لقيمات هزت الرأسمال..الى راني السماني عاشق التيم هورتون (Re: Tragie Mustafa)
|
يا سلام يا كبر يا اخي ده الاعلام ولا بلاش
كدي الحقنا بصور يا اخي من موقعهم عشان نوريهم قهوتنا الكنديه الاصلها مدينتنا هاملتون.
Quote: ..تأسست 1964 في هاملتون اونتاريو |
وعلى فكرة نائبتنا البرلمانيه سابقا شيلا كبوس ابنة عمدة مدينتنا الاشهر سابقا كانت تفتخر بانها علمت في اول مقهى بتاع تيم هرتون في هاملتون بياعة قهوة!!
شوف التقديري كيف لقيمة العمل مش زي سارة منصور جايه تشتم قال في اشراقة مصطفى يا بياعة الشاي؟؟!!
وتخيل كانت شيلا كبوس تصر بان تعلن كل مرة حملتها الانتخابيه من نفس المقهى الذي كانت عاملة به!!!
يا كبر يا اخوي الناس ديل وين ونحن وين؟؟؟
| |
|
|
|
|
|
|
Re: قوة الرأي العام: قطعة لقيمات هزت الرأسمال..الى راني السماني عاشق التيم هورتون (Re: Kabar)
|
Quote: Always Tim Horttouns Freesh |
تراجي ..حبابك يا صديقة..
لكن ما فضيحة يا جماهير اونتاريو..قطعة لقيمات؟!!
و الناس يقولوا ليك دايرين يعملوا بياكوت.. تجي تقولي لي فريش..!
كتر خيرك على المرور هنا..و ده الفرق يا تراجي بينا هناك..و بينهم هنا.. هناك قطر يقع يموتوا الناس..وبندقية تدور..و ناس تفقد ارواحها و مساكنها..و اموالها..و الحكومة تشيل و تقبقب في ناس الصحافة..رقابة قبلية و رقابة بعدية..
و ناس فطوهم في التعداد..و لسع نحن بنبارك خروج المسجونين..
المهم..
كبر
| |
|
|
|
|
|
|
Re: قوة الرأي العام: قطعة لقيمات هزت الرأسمال..الى راني السماني عاشق التيم هورتون (Re: Tragie Mustafa)
|
ويا راني السماني يا اخوي ابعد من القهوة دي واي قهوة:
Quote: اذا دعتك الظروف لزيارة صديقنا الشاب راني السماني في كندا.. فاول ما يتبادر لذهنه ..سيدعوك لتناول قهوة في احد مقاهي التيم هورتون المنتشرة.. |
القهوة ما كويسه للرجال بالذات..وبعدين انت لسه شاب وصغيروني وراجين تيرابك يا ود امي وسمحك مالك مقرر بالقهوة غير القرحة و البهدلة ما منها فايدة,اشرب (فرنيش فانيليا) صحيح قد تسمن لكن اخير من مضار القهوة.
| |
|
|
|
|
|
|
Re: قوة الرأي العام: قطعة لقيمات هزت الرأسمال..الى راني السماني عاشق التيم هورتون (Re: محمد البشرى الخضر)
|
محمد البشرى سلامات طوالي قلت لي بس بتسالوا في المهم:
Quote: تراجي ازيك Quote: القهوة ما كويسه للرجال بالذات.
كيف الكلام دا؟ افيدينا باللاي اخوك مدمن نسكافيه
كبر ازيك وكدا |
القهوة بتضعف القوة الجنسية للرجل كلامي علمي وحبوبات وشعوب كاملة تردده وتعرفه. يعني ناسك ناس الخليج دي ما عارفهم قطرهم قايم مالهم؟؟ ما من شراب القهوة.انتهوا ولحقوا الزينين الحق روحك.
في بدائل اسمها قهوة دي كاف بنفس نكهة القهوة لكنها منزوعة الكافيين. وعلى فكرة السجائر ايضا,وحياة خوتك اختاهم لو عايز تعيش بخير وما تم الحياة فياغرا.
| |
|
|
|
|
|
|
Re: قوة الرأي العام: قطعة لقيمات هزت الرأسمال..الى راني السماني عاشق التيم هورتون (Re: Kabar)
|
عارفة يا تراجي زمان .. عندنا خالتنا بتسوي شاي جنب البركس (الله يطراهو بالخير..و سمعت قالو صار بركسة)..اها يوم من اول الصباح قلنا ليها .. انا و صديقي جلال شايب.. ادينا قهوة..عمتك عاينة لينا كده عين اسكت ساكت خليها..و قالت لينا.. ياعيالي القهوة كعبة للشبان..!! كعوبية القهوة للشبان دي.. موضوع نفتح فيهو نقاش مرة تانية.. عشان في ناس ح تبطل تشرب قهوة على طول.. (بالمناسبة نحن ناس شاي و بس..!)..
اها شفتي اللعب كيف.. بت العمدة ذاتها اشتغلت في قهوة..و نحن عندنا ستات الشاي من معاناة لمعاناة..اول حاجة الرفض الإجتماعي البلا فهم..و تاني حاجة التحرش بكل انواعه (جنسي عديل..ولفظي..و استعلائي..و فوق ده تحرش الحكومة المحلية)..لغاية ما تجي ناس البيت.. يعني الواحدة يكون اخوها مثلا بيقبض منها مصاريفو..و كل يوم نقة.. ياخي شغلة الشاي دي..و مفروض تخليها..و فعلتك.. تركتك..حموشية في النقعة ساكت..
الأطفال هنا..و خصوصا في سن المراهقة.. بيعلموهم المسئولية..وقيمة العمل..و طوالي تلقاهم في الصيف شغالين في المقاهي.. تيم هورتون..وندي..بيرقر كنج..ايه اند دبليو..ماكدونالد.. الخ..و كل طفل او طفلة بيحرص على توثيق حياتو في الشغل.. عشان بعدين لمن يبقى وزير..مافي زول بيقدر يقول ليهو سيك ميك..
في حياتي .. اشتغلت..راعي (سرحت ببقر ابوي و اعمامي).. جرسون..عامل طلبة.. و كمساري..الغريبة.. الناس طوالي زانة ليك في راسك.. خصوصا لمن اشتغلت كمساري و انا طالب في الجامعة..ياخي بعدين لو بقيت قاضي.. يا خي بعدين لو بقيت وكيل نيابة.. ياخي بعدين لو بقيت محامي.. يعني المثيولوجيا عندنا زول الجامعة ده برستيج من قولة تيت..و صفوة عالية..عليها الإبتعاد عن الكادحين و الكادحات..
كيف ما نحقد عليكم..و كل قطر ولا بص و لا طيارة جاي من الشرق.. جايب كورجة من ناس الشرق..الغريبة السودانيين اصلوا ما بتغيروا.. يعني البجينا هنا.ز نهائي ما بيفكر في معارف جديدة..و طوالي بيمشى لناسو الكانو معاهو..اها بقينا كويمات كويمات..و اي زول بيعرفوهو بأنو من ناس الشرق..
كبر
| |
|
|
|
|
|
|
Re: قوة الرأي العام: قطعة لقيمات هزت الرأسمال..الى راني السماني عاشق التيم هورتون (Re: Kabar)
|
يا سلام عليك يا كبر على كلامك عن تيم هورتن, انا زبونة اصلية للمحل
تصدق الليلة بالتحديد كنا انا و صحبتي بنتكلم عنه و بالذات عن
الفرينش فانيله, قلت لي صحبتي الاخترع الفرينش فانيلا دى مفروض يدوهو جائزة نوبل
ياخي الواحد كان ما شربه الصباح يكون زي الرايحة ليه محفظة فيها كل الايدييز
مرة كنت في حتة بعيدة من الحتة الساكنة فيها و لفيت زي ساعة افتش لي عن تيم هورتن لأني ما
كنت شايفة قدامي
المهم لمحت ليك مكانه من بعيد و نزلت من العربية اجري زي المجنونة , المهم اشتريت
الفرينش فانيلا و اخدت لي جقمة كبيرة حتى بعد داك عادت لي روحي , بس لمن جيت مارقة
لقيت نفسي ناسية المفتاح جوة العربية , طبعا عارف باقي الفيلم , ضربت للتوترك
ودفعت كم و ستين دولار عشان يفتحوا لي الباب , ما كانت دي فرينش فانيلا
يا حليل الشاي المقنن بي لقيمات حجة سيدى
| |
|
|
|
|
|
|
Re: قوة الرأي العام: قطعة لقيمات هزت الرأسمال..الى راني السماني عاشق التيم هورتون (Re: سناء عبد السيد)
|
Quote: قوة الرأي العام: قطعة لقيمات هزت الرأسمال..الى راني السماني عاشق التيم هورتون
اذا دعتك الظروف لزيارة صديقنا الشاب راني السماني في كندا.. فاول ما يتبادر لذهنه ..سيدعوك لتناول قهوة في احد مقاهي التيم هورتون المنتشرة..و اي زول او زولة في كندا سيفعل ذلك.. لأن مقاهي التيم هورتون و قهوتها علامة من علامات الحياة(اجتماعية و ثقافية) في كندا..و هي بالجد محلات جميلة و تستاهل تعزم فيها زول/ة..و لكن بالأمس حدث حادث صغير في احد تلك المقاهي..و اعتبر في مصاف الفضيحة..التي تأثر بها الراي العام في كندا..و عكرت مزاج الكثيرين و الكثيرات..
كبر |
سلامات كبر والله دي دخلتي من التيم هورتون. والغريبة اثناء تناولي ليها كنت بتكلم مع بت خالتي في التليفون من السودان، كنت بشفط في القهوة بصوط عالي فقالت لي ممكن تشرب من غير ما تشفط. قلت ليها والله هي حارا شديد لكن ما بقدر انتظرها لحدي ما تبرد، وصديقيني لو جربتيها حتغيري كلامك دا، وبعداك بديت احكي ليها عن سحر تلك "الانجليش توفي" واثناء ما كنت بوصف ليها هي شكلها كيف وبتتعمل كيف، اتخيل قالت لي شنو!! قالت لي في زيها في السودان ههههه شفت الهضربا دي كيف. ضحكت وقولت ليها عارفها في بت جيرانا امريكادي مافي زيها. كنت قبل كم شهر في كلمبوس، اوهايو، امريكا المهم وبعد معاناة شديد اتوصلت لاحد محلات التيم هورتون ابهرني المحل من كبر حجمة، طبعا تيم هورتون عندنا هنا شكلها عامل زي اكشاك "بسط الامن الشامل". المهم طلبت الانجليش ومجهز شعوري لاول رشفة. لكن وحاتك طلعت قهوة 7 اليفين احسن منها. . . . بالمناسبة الرد دا من العنوان بس يعني لسة ما قريت الباقي. مررت سريع علي اول مداخلة انت عملتها وقولت اشوف الباقي.... كدي خد دي عشان اجري تيم هورتون وارجع اشوف باقي البوست دا ماشي وين بس ما يودي كباية القهوة متاعتي الخـــــــــــــــور.
ودي وفنجان قهوة مدنكل من تـ يـ م هـ.....
راني السماني
| |
|
|
|
|
|
|
Re: قوة الرأي العام: قطعة لقيمات هزت الرأسمال..الى راني السماني عاشق التيم هورتون (Re: Kabar)
|
Quote: و كضاب الكندي او الكندية.ز الأمو بت عم ابوهو.. يقول ليك قاعد يسوى أو يشرب قهوة في بيتو.. |
Quote: اها طلعتنا اجانب وامريكان وقبائل حدودية وخونة برضو ولا شنو؟؟ |
Quote: بعدين اعمل حسابك من القهوة و الود راني ده يا عيني عليه لسه ما عرس وراجين تيرابه يا راني ابعد من القهوة مش كويسة للرجال. |
تراجى ..الكلام ده بدينك فى الشرق.. قصدى ( شرق السودان ) مش شرق كندا..
______
بت عبد السيد : انت كمان طلعتى كندية يا حلوة
| |
|
|
|
|
|
|
Re: قوة الرأي العام: قطعة لقيمات هزت الرأسمال..الى راني السماني عاشق التيم هورتون (Re: سناء عبد السيد)
|
آمونه يا غاليه
Quote: تراجى ..الكلام ده بدينك فى الشرق.. قصدى ( شرق السودان ) مش شرق كندا..
|
تخيل شرابين القهوة اكثر من يعرفون مضارها وعلى فكرة ثقافة اهل الشرق ة ناس الاردن كلهم تحت تحت بيوصوا وليداتهم يحذروا القهوة الا بحدد معين.
اما ما يحدث انه بها عنصر ادمان وفعلا يمكنك ان ترفع سقف قهوتك ل 6 اكةاب يوميا ومكن تكون بتكتفي ب 3 فناجين صغيره الصباح كلها ما بتعادل ياآمنه كبايه واحده من بتوع كندا ديل, و3 فناجين مساء وهذا ما يفعله ادروبتنا هنالك.
لكن ناس كندا ديل اسكتي ساكت وبالذات مع البرد يشرفوا قهوة زي المجانين,ويتنجدول منذ عمر ال 35 سنة يتموا الحياة بحاجات ثانيه اقصد الاصلين طبعا القال عليهم كبر( ناس امهم بت عم اوبهم ديل)
| |
|
|
|
|
|
|
Re: قوة الرأي العام: قطعة لقيمات هزت الرأسمال..الى راني السماني عاشق التيم هورتون (Re: سناء عبد السيد)
|
ههههههههههه كويس الجات علي كدا والله خوفتني قولت يكون اكتشفو فيها نصيبة ولا حاجة كمان. مش اغلبية الناس هنا بتقول كدا... " تسمع الكتير من اخونا البيض وغيرهم هنا يقولو ليك القهوة دي ما براها" اذكر من زكريات المضحك المبكي.. انو رسبت في احد سمسترات جامعة رجاينا بسبب التيم هورتون. وجامعة رجاينا من اكثر الجامعات انضباطا في كندا ، يحدثكم عنها كبر، وابكر ادم اسماعيل فهم خريجينها. المهم كنت مدمن بحق وحقيقة لتلك القهوة... ولا زلت. من قوانين الجامعة التاخير دون عزر منطقي لاكثر من15 دقيقة يعتبر غياب واذا غبت اكثر من تلاتة كلاسات في السمستر احسن تقنع من السمستر وتشوف ليك شغلة تانية لانو لو نجحت حيرسبوك... فالمهم خلال ذاك السمستر كانت عادة انو ادخل الكلاس والانجليش توفي في يدي. كاعادة الصف طويل في تيم هوتون خلال الفترة الصباحية وفي اغلب الاوقات. وبرغم انو بكون عارف لو شلت قهوة حااتاخر واذا اتاخرت حارسب ولكن للاسف كنت افضل الرسوب مقابل... . .
Quote: تشتهر كافيهات التيم هورتون بنظافتها و جمالها..و هي المقاهي الوحيدة التي كانت تخلو من ركن التدخين الذي كانت توفره المقاهي الأخرى..و هي ليها اثرها الكبير في حياة الكنديين لأنهم يحرصون على تناول القهوة منها.. و كضاب الكندي او الكندية.ز الأمو بت عم ابوهو.. يقول ليك قاعد يسوى أو يشرب قهوة في بيتو..
كبر |
ههههههههههههه تتذكر لمن كنا انا وانت وبهاء سبيل او د. ابكر ادم اسماعيل نمشي القهوة الفي ركن شارع ساسكاتشوان وشارع البيرت، التي كان مسموح فيها بالتدخين. كنت اجيب قهوتي من تيم هورتون وامشي معاكم القهوة التانية. كنتم دايماً تحتجو علي دخولي ذاك المحل وفي يدي قهوة من محل اخر، بس الجميل صاحب المحل كان متفهم. ولم يشعرنا يوم بانو متضايق. يالها من ايام.
راني السماني
| |
|
|
|
|
|
|
Re: قوة الرأي العام: قطعة لقيمات هزت الرأسمال..الى راني السماني عاشق التيم هورتون (Re: rani)
|
Quote: ويا راني السماني يا اخوي ابعد من القهوة دي واي قهوة:
القهوة ما كويسه للرجال بالذات..وبعدين انت لسه شاب وصغيروني وراجين تيرابك يا ود امي وسمحك مالك مقرر بالقهوة غير القرحة و البهدلة ما منها فايدة,اشرب (فرنيش فانيليا) صحيح قد تسمن لكن اخير من مضار القهوة. |
. . مش ياتراجي عليك الله والعرس كمان قرب.. لكن عارفة انا زول بتاع انجليش توفي ساكت و"English Toffee " دا حاجة عاملة كدا زي الفرنش فانيليا > ويا سناء كان ما جربتيها امشي جربيها ساكت حتغيري رائك من الفرنش دي.
English Toffee Manufactured by Tim Hortons
Nutrition Facts Serving Size 10 oz (280.0 g) Amount Per Serving Calories 220Calories from Fat 63 % Daily Value* Total Fat 7.0g11% Saturated Fat 1.5g8% Sodium 200mg8% Total Carbohydrates 40.0g13% Sugars 30.0g Protein 3.0g Vitamin A 0% • Vitamin C 0% Calcium 15% • Iron 0% * Based on a 2000 calorie diet
مع فائق ودي تراجي
راني السماني
| |
|
|
|
|
|
|
|