|
|
 السيد بكري أبوبكر.....كمال ميرغني ...موسيقار عظيم و عازف جيتار متفرد..يطرق بابك
|
السيد بكري أبوبكر
كمال ميرغني موسيقار عظيم و عازف جيتار متفرد
تخرج في المعهد العالي للموسيقى في مطلع الثمانينات...مثل السودان كثيرا في مهرجانات إقليمية و عالمية...تميز بأسلوب متميز جدا في عزف الجيتار شكل إضافة قيمة للموسيقى السودانية...ساهم مع جيل الرواد في تفسير آلة الجيتار الغربية و سودنتها...قدم فنه و معرفته للجميع.. يقوم الآن بدور رائد في تجمع الموسيقيين السودانيين في منطقة الرياض بالعربية السعودية....رب أسرة.. أخو أخوان... كريم و هميم.... وعلي خلق.....و أمه راضية عنه.....
الآن يطرق بابك...رجاءا... هلا كرمتنا و شرفتنا بإنضمامه لنا... وفتحت له الباب وأذنت له بالدخول سيدي.......
تشكر مقدما
|
|
 
|
|
|
|
|
|
|
|
Re: السيد بكري أبوبكر.....كمال ميرغني ...موسيقار عظيم و عازف جيتار متفرد..يطرق بابك (Re: Azhari Nurelhuda)
|
Quote: [السيد بكري أبوبكر
كمال ميرغني موسيقار عظيم و عازف جيتار متفرد
تخرج في المعهد العالي للموسيقى في مطلع الثمانينات...مثل السودان كثيرا في مهرجانات إقليمية و عالمية...تميز بأسلوب متميز جدا في عزف الجيتار شكل إضافة قيمة للموسيقى السودانية...ساهم مع جيل الرواد في تفسير آلة الجيتار الغربية و سودنتها...قدم فنه و معرفته للجميع.. يقوم الآن بدور رائد في تجمع الموسيقيين السودانيين في منطقة الرياض بالعربية السعودية....رب أسرة.. أخو أخوان... كريم و هميم.... وعلي خلق.....و أمه راضية عنه.....
الآن يطرق بابك...رجاءا... هلا كرمتنا و شرفتنا بإنضمامه لنا... وفتحت له الباب وأذنت له بالدخول سيدي.......
تشكر مقدما] |
وفيت وكفيت
واضيف انه لم يكتف بالعزف فقط بل يملك استديو بالسودان ايضا
للتسجيل
كمال مكسب لابقدر بثمن
| |
|
|
|
|
|
|
|
|
|
Re: السيد بكري أبوبكر.....كمال ميرغني ...موسيقار عظيم و عازف جيتار متفرد..يطرق بابك (Re: Azhari Nurelhuda)
|
لا لكمال ميرغنى..
يسقط هذا العازف..
انا ما موافق يا بكرى..
بكرى اوع يكون صدقت؟؟
هذا واحد من اجمل الناس يا بكرى.
غير انه عازف بارع والله لم ارى انسان اكثر تهذيبا من هذا الكمال.
وابن بلد اصيل..واخو اخوان..ودفعتنا كمان..
بكرى لو مافى طريقه ممكن اتنازل ليه عن باسوردى.
او اقول ليك يا ازهرى نعمل لينا جاك طويل ابو راسين..
ونديه وصله من اى واحد فينا..
وانا بقترح من باسورد حمد اسماعيل..
بكرى انت كريم وكمال بستاهل..
وبعدين عندو شركة انتاج قدر الدنيا..
ما معروف يمكن يتبنانى!!!!
| |
|
|
|
|
|
|
|
|
|
Re: السيد بكري أبوبكر.....كمال ميرغني ...موسيقار عظيم و عازف جيتار متفرد..يطرق بابك (Re: صديق الموج)
|
صديق يا موج ياحبيب....
تسلم علي المرور.....
Quote: واخو اخوان..ودفعتنا كمان..
|
هوي يا صديق في دي أنا ما موافق..
يا أخي إنت لامن كنت بتجي إجازة و مغترب قدر الدنيا...
و الجماعة بيحتفلوا بيك و أنا شاهد...كمال ده كان طالب...بس عاد كيفن...المعنى يعني...
Quote: بكرى لو مافى طريقه ممكن اتنازل ليه عن باسوردى.
او اقول ليك يا ازهرى نعمل لينا جاك طويل ابو راسين..
ونديه وصله من اى واحد فينا..
وانا بقترح من باسورد حمد اسماعيل..
|
لكن في دي أنا موافق
| |
|
|
|
|
|
|
|
|
|
Re: السيد بكري أبوبكر.....كمال ميرغني ...موسيقار عظيم و عازف جيتار متفرد..يطرق بابك (Re: Azhari Nurelhuda)
|
كان ذلك في بداية ثمانينات القرن الماضي
تزوجت إحدي كريمات ميرغني عبدالرحمن وكريمة نقية الصديق أبونورة
كان حفل زواجها أسطورياً بكل المقاييس
أسماه أهل رفاعة " مهرجان الثقافة الثاني "
كيف لا وقد أحياه ما يزيد على الخمسة عشر فناناً تقدمهم وردي وحمد الريح وعثمان مصطفى
لم يتسع الوقت بالطبع للفنانين أن يقدم كل منهم فاصلاً كاملاً فاكتفى كل منهم بأغنية وحيدة عدا قامتنا السامقة وردي الذي لم يرضى منه الحضور أغنية وحيدة فزادهم أخرى وختم الحفل برائعته " أصبح الصبح " وكان يعنيها بكل معانيها فكان يرددها وأشعة شمس الصبح قد إنسدلت على الحضور
كلهم أتوا مشاركين لحبيبهم جميعهم كمال ميرغني فرحته
لم يكن في الحفل وزراء ينظمون فقد كان كل الحضور وزراء منظمين فكلهم كانوا أصدقاء كمال وصلاح
طبعاً نوافق ونثني
ونشكر أزهري نور الهدى
| |
|
|
|
|
|
|
|
|
|
Re: السيد بكري أبوبكر.....كمال ميرغني ...موسيقار عظيم و عازف جيتار متفرد..يطرق بابك (Re: الفاتح ميرغني)
|
صدق من قال:
كان ذلك في بداية ثمانينات القرن الماضي
تزوجت إحدي كريمات ميرغني عبدالرحمن وكريمة نقية الصديق أبونورة
كان حفل زواجها أسطورياً بكل المقاييس
أسماه أهل رفاعة " مهرجان الثقافة الثاني
تذكر تلك الايام يا أزهرى ، بلا شك ، عندما حان موعد زواج نوال ميرغنى من حسين مصطفى الحسين ....
اذ طاف كمال على جمهور المعهد ، اساتذة و عمالا و طلابا ، يقول قولته المشهورة :
وحياة أمى نقية لو مشيت معانا العرس أزعل منك
ولم يكن هناك من يغامر باغضاب كمال ميرغنى ، الذى كان يعادل اميقو فى الظرف و عثمان النو فى الموهبة
و الفاتح حسين فى الاجتهاد، و ساطور فى الامام بكل ما غنى وردى و محمد الامين ، آنذاك.
فكان ان تحقق ذلك المهرجان ، الذى لم يتخلف عن حضوره الا من استطاع الى اقناع كمال سبيلا !!!!!!
(شايفة يا أمانى نحن بنعرف نقية من متين ؟)
عجل يا بكرى بالباسويرد
مرحبا بكمال فى البورد.
| |
|
|
|
|
|
|
|
|
|
Re: السيد بكري أبوبكر.....كمال ميرغني ...موسيقار عظيم و عازف جيتار متفرد..يطرق بابك (Re: Azhari Nurelhuda)
|
Quote:
ناس المزيكة عامة
و ناس رفاعة خاصة....
أقيفوا مع إنضمام هذاالعملاق لنا....
كمال ميرغني عبدالرحمن ود نقية النقي ملك الإبتسام....الرجل الفنان. |
ألأخ/أبوالزهور....
وناس أمدرمان كمان...فرزتنا مالك..
ألأخ/كمال يتسلل إلى الدواخل كالنغم الجميل..سيمفونية رائعة من ألأجتماعيات الراقية..تعارفنا قبل سنين قليلة..وألأن كانى أعرفه من زمان..زمان الناس هداوة بال..
تحس بصدق ألأخاء وانت تدخل عتبة بيته..يستقبلك ويودعك بنفس الحرارة..لاتمله ولاتمل أسرته البسيطة.حفظهم الله..ألأخت منى..وزهراته..نقية وسكينة وسارة..
نأمل أن يطل علينا قريبآ فى هذا الحوش الرحب بالناس الجميلة..
مودتى..
إسماعيل محمد احمد عباس...
| |
|
|
|
|
|
|
|
|
|
Re: السيد بكري أبوبكر.....كمال ميرغني ...موسيقار عظيم و عازف جيتار متفرد..يطرق بابك (Re: Azhari Nurelhuda)
|
الحبيب أزهري عبد القادر
شايف آسيا منزلة ليك صورة مبشتنة.
أنا عندي ليك صورة مع محجوب شريف في المدرسة السودانية بلندن تجننننننن.
لكن كلو بي تمنو. وما حأنزلها، يعني ما حأنزلها.
كمال ميرغني برضو موهوب في الكرة الطائرة ولاعب ممتاز.
ووجود كمال حيكون إضافة فعلاً.
يلاَّ سيب فرقة النيل وكونوا لينا سودانيز اونلاين ميوزيك قروب (SMG)
تحياتي للشباب الظريفين بطرفك: باقر، حفيظ، وأحمد ع.الرحمن.
مرحبـاً بكمال مقدماً.
بالمناسبة: رسل رسالة لي بكري في الإيميل بتاعـو وأعطيهو الإيميل بتاع كمال. يعني لو ما عملت كدا حتى الآن.
تسلم.
| |
|
|
|
|
|
|
|
|
|
Re: السيد بكري أبوبكر.....كمال ميرغني ...موسيقار عظيم و عازف جيتار متفرد..يطرق بابك (Re: إسماعيل التاج)
|
يا مولانا إسماعيل
حمدالله على السلامة و لا إنت لسه بهناك...
Quote: شايف آسيا منزلة ليك صورة مبشتنة.
أدفع نص عمري عشان أرجع أنا أو ترجع أيام البشتنة دي..
النيل قائمةو ما عندنا مانع نعمل....SMG يا مولاي..
الشباب جميعا بخير و يغروك التحايا....
*الأخ أحمد عبدالرحمن مع والده في دبي في رحلة علاج نتمني و ندعوا له بالشفاء التام إنشاء الله:
اللهم يا شافي أشفي العم عبدالرحمن شفاءا تاما لا يغادر سقما.....
و سأعمل بمقترحك ده إنشاء الله...
و شكرا على المرور... مولاي....
| |
|
|
|
|
|
|
|
| |
Azhari Nurelhuda
Elmosley
محمد مكى محمد
Emad Abdulla
الجندرية
صديق الموج
ترهاقا
عاطف عمر
Elmoiz Abunura
الفاتح ميرغني
اسيا ربيع
ismeil abbas
إسماعيل التاج
نادر السوداني
Salih Kurdi
عادل التجانى
فيس بوك
تويتر
انستقرام
يوتيوب
بنتيريست