|
|
 تلفزيون السودان يسئ لدكتور معز عمر بخيت .... وال"أم بي سي" تكرمه في احتفال ضخم
|
قدر ماقعدنا وصاقرنا التلفزييون الليلنا القاعدين ندفع ضرائب عشان ما يقفل ويمشي لي لقدام...صاقرناهو الليمات الفاتت دي عشان يجيبو خبير صغيروني عن اكتشاف بروف معز الاخير.. ابدا يخرب ولا بالغلط.. والدنيا برا قايمة وقاعدة والقيامة رابطة وكانو معز دا زول ما من السودان..يا عاجبلكم يا ناس التفلزيون اكتشاف معز ماهو اقل من الافراج عن سامي الحاج واصحابو... علا اظنكم انتو ناس خيار وفقوس" الخيار بعرفو وشفتو...علا الفقوس دا يعميني فيهو هو واليورو لحسي ما وقعن في عيني".... تلفزيونات الدنيا كلها جابت خبر معز ونضمت معاهو علا انتو...منها:
- قناة السي ان ان...هيع" انتو ارجل منها اكنكم يا ناسنا؟"
- الجزيرة
- دبي
-البحرين
- قناة هارموني..وحات اتلله القناة دي بس لو لقت نص اللاقياهو قناة ساهور كان بدعّت وفرجّت.. علا حكم القوي علي الضعيف..... انتو قناة ساهور دي حكايتا شنو؟؟؟؟؟
_ قناة الشارقة برضو ح تحاورو يوم الخميس القدامنا دا
- اما قناة الام بي سي ح تكرمو تكريم راسو عديل كدي يوم الجمعة الساعة اتنين ضهر بتوقيت السودان.... ويانماس تلفزيون السودان بعد تقضو من سامي الحاج تعالو اتفرجو معانا....
|
|
 
|
|
|
|
|
|
|
|
Re: تلفزيون السودان يسئ لدكتور معز عمر بخيت .... وال"أم بي سي" تكرمه في احتفال ضخم (Re: عوض محمد احمد)
|
Quote: أنا لن أعود إليك
لا سرا أحيل حياده جهرا
ولا همسا عفيف
أنا لن أظل أسير هاتفك المرابي
لن أنام على انتظارك
في بيوت المشركين
العازفين عن الصلاة
بسندس الفتح المبين
أنا قد تلوت معوذتين من الجوى
أعلنت للبابا صمود القادمين
من كل ذنب في طريق الهجر
جفف دمعه
لهب الحنين
أنا ما اكتويت إذا اكتوى
قلبي بقهرك يا سنين
والله لا صلبوا المسيح بربوتي
لا لحظة حرقوا أكف تضرعي
عمدا
ولا سحقوا بدنيايا اليقين
لك في الخيام شفاعة الأجراس
تفترش الرنين
لك نظرتي تستاء منك
على مواقيت الرتابة والأنين
لك كل صوت في هدير تذمري
لك نفرتي
وجل المساء الذابل الممهور
بالغضب الحزين.
|
الاخ المبدع سجيمان .. تحية طيبة
مثل الدكتور المعز لايحتاج تكريم .. فمثل كلماته الرائعة تكرمه
وانجازاته العلمية تقف في كل مكان شاهدا علي نبوغه .. فله التحية
واعلاه بعض كلماته الجميلة .. لك الود
| |
|
|
|
|
|
|
|
|
|
Re: تلفزيون السودان يسئ لدكتور معز عمر بخيت .... وال"أم بي سي" تكرمه في احتفال ضخم (Re: Sayed Bekab)
|
أولا مليون مبروك وكل الفخر بالدكتور معز ( نور المنبر وفخر العلم )
وبعدين يا أخ سجيمان لسه ماعرفت السبب ؟؟؟ ويمكن دكتور معز ذاتو ما عارف السبب
إنت لو تتذكر قبل فتره الدكتور قام يهابش ونزل بوست كبير وعريض قال عايز يترشح لرئاسة الجمهوريه ... يعني عايزهم يدوهو فرصه للدعاية الانتخابية ؟؟؟؟ ياراااااااااجل!!!!!!!!!!
تحياتي والله يهدي ناس ( تلفزيوننا ) ( القومـــــــــــــــــــــــــــــــــــــــــي )
تحياتي
| |
|
|
|
|
|
|
|
|
|
Re: تلفزيون السودان يسئ لدكتور معز عمر بخيت .... وال"أم بي سي" تكرمه في احتفال ضخم (Re: Osman Musa)
|
سى جى كيفنك.. ان شاء الله طيب
مبروك مرة تانية لبروف معز
الاكتشاف كان وسيظل فخر لكل السودانيين...
رغم انه الحقارة من الليك بتحرق زى ما بقولوا حبوباتنا..
لكن بروضو نقول كما قال معظم المتداخلين
بروف معز وغيره من مبدعى بلادى
ما محتاجين لى اى تكريم من تلفزيون الكيزان ..
مش تلفزيون السودان! كما ذكر بعض الاخوان
السودان برىء برآءة الذئب من دم يوسف منهم
والبحصل فى البلد تحت راية الكيزان وليس السودان
سيطل السودان اسم يعلوا هامة كل سودانى مخلص
على مر الزمان.. شكرا سجيمان
التحية للجميع
والف مبروك مره اخرى للبروف
اسماء الجنيد / مسقط
| |
|
|
|
|
|
|
|
|
|
Re: تلفزيون السودان يسئ لدكتور معز عمر بخيت .... وال"أم بي سي" تكرمه في احتفال ضخم (Re: Raja)
|
ونِعم التكريم !
شوفناه والله ورفع راسنا عالي !
ود. المعز رشّ ليك عُـلا الفارس بي كم نظرة أثناء إلقائه للشعر ! شيء عجيب !
وبرضو رش الجوهرة بنت الإبراهيم بكم بيت شعر (( حلال كدا))
بس يا د. سجيمان من حقك تطلع عمولتك من د. المعز بأسرع فرصة ممكنة!
وأنت يا سجيمان - ليه ما عندنا مذيعات زي عُــــلا الفارس دي ؟؟؟
دي طيارة وقامت لي فوق !
والا رشا البتقدم برنامج غني خليجي - عديل كدا ام الأولاد بتقفل التفلزيون لمن تجي رشا دي والا ترسلني بره البيت ( بمبرز والا خضار والا كرت تلفون المهم لازم تمرقني بره البيت ) رشا دي في قناة ُدبي يا د. سجيمان - يوم السبت الساعة 6:30 مساء والخميس ) عليك الله شوف النظافة والحلا دي - وبرضو ليه ماعندنا زي رشا دي في التفليزيون السوداني القومي ؟؟؟؟
هشام
| |
|
|
|
|
|
|
| |
سجيمان
haroon diyab
الفاتح خليل الفكي
حيدر حسن ميرغني
عزيز
khalid saad
Salah Yousif
نوسة
Hisham Ibrahim
jini
زهير الزناتي
baha eassa
bushra suleiman
Sayed Bekab
abdulhalim altilib
Sabah Hussein
Osman Musa
محمد فرح
طارق جبريل
MOHAMMED ELSHEIKH
Raja
7abib_alkul
Badr Edinn Abdul Rahman
محمد فضل الله المكى
ismeil abbas
Dr. Moiz Bakhiet
فيس بوك
تويتر
انستقرام
يوتيوب
بنتيريست