|
|
|
 Re: معليش يا وضاحة!!!و أنا كمان عندي شقة للإيجار في المنشية !!!!! (Re: نوسة)
|
اعلان مجاني
بما انه الاخوات وضاحة ونوسة اعلنوا عن عرضهم لشقق يمتلكوها للايجار في قلب العاصمة واخرى في المنشية , الامر الذي اعطانا حافذاً للاعلان عن امتلكنا لفيلا فاخرة بتشطيب ديلوكس (بلص) في منطقة قاردن سيتي في اضغث اضغاث احلامنا, وذلك بتقديمها للايجار علي ان يكون المستاجر سفارة او جمعية غربية مشبوهة مع امكانية استئجارها كفيلا رئاسية ,
بصراحة يا اخوانا المغتربين قاعدين تضيعوا في زمن زمنكم ساكت .
ورونا النسوان امات شقق ديل بجيبوهم من وين؟
| |
 
|
|
|
|
|
|
|
|
Re: معليش يا وضاحة!!!و أنا كمان عندي شقة للإيجار في المنشية !!!!! (Re: عمر الفاروق)
|
أخوي عمر الفاروق
الكرتلة دي غايتو إلا عندكم!!!!
و إنتي هووووووووي قايلني أنا بت متين لا من يكون عندي بت للعرس؟؟؟؟؟؟؟
بناتي الكبار 12 سنة عمرهم... لو إنت عمرك 18 بحجز ليكي واحدة من أسي،، و قالو جارك القريب و لا ود أمك البعيد موش؟؟؟؟
و أسي أنا ما بيدخلو لي في البوست بتاعي إلا الجماعة المفلسين ديل مالي؟؟؟
غايتو حالة صعبة
يلا همتكم يا ناس الوكالات و السمسرة و وسيط تي في
| |
|
|
|
|
|
|
|
|
|
Re: معليش يا وضاحة!!!و أنا كمان عندي شقة للإيجار في المنشية !!!!! (Re: Tabaldina)
|
تبلدينـــــــــــــــــــــــا
عييييييييييييييييييييييييييييك!!
تمام؟؟؟
بيزنيس شنو ياخي،، دي فلسة ساكت وحاتك.....
أول هام الصور عندي ظاااااااااااااهرة،، ما عارفة المشكلة منك براك و لا باقي الناس كلهم!!!!
تاني هام عاد يسمك كان أجدع عفشي " و بالمناسبة مشترينو من المحاميد"،، و شوف ليك يا أخوي مخزن لي كونتينرك دة "" النأجر ليك الشقة القصاد دي لي عفشك"
و الشقة ثلاثة غرف و ثلاثة حمامات "إثنين جوة غرفتين" و صالة و بلكونة صغيرونة كدة و مطبخ متوسط الحجم مكتمل "غسالة أوتوماتيك + بوتوجاز + ثلاجة + فريزر+ مايكروويف + عدة كاااااااااملة....
الغرف مفروشة بالكامل و الصالة فيها طقم جلوس ضخم و سفرة + 6 كراسي + تلفزيون بلازما+ ديفي دي و رسيفر......
شقة لذيذة و دمها خفيف و أسي بقوم أغير رأي و ما أأجرها!!!!!!
أها يلا شوف و عمولتك محفوووووووووظة تب.... و أنا أكثر جدية منك
و سي السيد دة ياهو بعدين البيوقع العقد معاك و لا مع أصحابك ...
يلا مستنية الرد
| |
|
|
|
|
|
|
|
|
 Re: معليش يا وضاحة!!!و أنا كمان عندي شقة للإيجار في المنشية !!!!! (Re: Tabaldina)
|
أخي تبلدينا
ياخي ما توهمني ،، الصور أنا عاملة ليها "أبلوود" من موقع و منزلاها و أسي فاتحاها من كمبيوتر
تاني و شايفاها زي العجب
يا أخوي إنت راجع كمبيوترك و ما تعمل لي فيها "تفتيحة"
قلت لي أسرار المهنة؟؟؟
مهنة شنو يا ود العم،، الزول مهنتو من لحمو الحي؟؟
عايزين فيها 1500 دولار " قابل لي التفاوض بعض الشئ"
ما كتير عليها مع الفرش الفارشنو ليها
في المنشية خلف بيت مامون البرير مباشرة
و إنت و شطارتك ، ثلاثة مليون عمولة حاجة تمام بتكون، موش؟؟؟؟؟
| |
|
|
|
|
|
|
|
|
|
Re: معليش يا وضاحة!!!و أنا كمان عندي شقة للإيجار في المنشية !!!!! (Re: Tabaldina)
|
سلامات يا تبلدينا
و الموقع دة حاجبنو مالو الجماعة ديل؟؟ ما صحي و لا شنو؟؟؟
جيب لي موقع تاني لو عندك أعمل منو أبلوود....
قلت لي ضرايب و وجع قلب!! يضربهم الضريب البعاد،، مالم علينا يعني ؟؟ من خدماتهم و نضافة شوارعهم و لا كهربتم و مويتم الشغالة 24/7؟؟
المهم إنت إنكرب و نحن بالمثل و أنا جادة جدية شديدة و بالرغم من إني ماشة السودان إن شاء الله في يوليو و لكن لو لقيت ليها إيجار ، بأجرها و بنزل مع أهلي!! فكرة برضو موش؟؟؟؟
تحياتي للمدام و قول ليها بالله أعزمينا جاد دة لمن نيجي 
يا ناس هوووييي،، أهو تبلدينا دة وكيلي في السودان ، كويس؟؟؟؟
| |
|
|
|
|
|
|
|
|
|
Re: معليش يا وضاحة!!!و أنا كمان عندي شقة للإيجار في المنشية !!!!! (Re: نوسة)
|
..
.
| Quote: سنسعى معك..بدون عمولة..وكمان التوثيق منى وهدية.. |
يا ساتاذ ازهرى ..
ياخى ما تخرب لينا السوق ياخى من الصباح شغال تلفونات
ما خليت اصحابي فى يو ان ولا البترول ..
اطلع منها دا حصرى  وبنطلع ليك حقك ..
حتى الاحد لو انا ما وقعت ليها عقد .. تعال اطرح خدمتك
_________________
اى زبون يجى منك السمسرة حقتى
| |
|
|
|
|
|
|
|
|
|
Re: معليش يا وضاحة!!!و أنا كمان عندي شقة للإيجار في المنشية !!!!! (Re: Adel Sameer Tawfiq)
|
عادل يا ود سمير نورت لي الموضوع..
و تعال النسألك،، إنت لابد وين من أمس و تراجي تنادي فيك؟؟؟؟؟؟ جابتك السمسرة بس؟؟؟و الله غايتو حالة صعبة
و إنت ما شاء الله موش عندك شقة،، عندك ماشاء الله و عيني باااااااااااااااااردة شقق و مستشفى، مالك جاي تخرب على بي جاي؟؟؟؟
و تاني حاجة ما تقول الرجال "أمات" شقق ، إسمن الرجال "أبات" شقق،، و لا هبوية عادتك؟؟؟؟؟ههههههههههههههههه
لك الود و هن صحي النسوان بيقولن بيلقوهم وين زي ديل ، عشان كدة أبعد من "الهوا"،، عشان صاحبتي سهومة ماااااااااااا برضى فيها......
| |
|
|
|
|
|
|
|
|
|
Re: معليش يا وضاحة!!!و أنا كمان عندي شقة للإيجار في المنشية !!!!! (Re: نوسة)
|
..
.
صباح الخير ..
انا لقيت زبائن ..
داير افاوض عشان اصل لاطول مدة ايجار .. ( من سنة الى 3 سنوات ) !! )
مع اعلى سعر .. !!
مع اقل عدد سكان .. !!
مع نوع الجنسية .. امريكان ولا بريطانيين بالعدم اماراتية ( شفت البزنينس كيف )
أسمعنى محتاج للصور .. ضرورى
وبرضو الموقع بالضبط ( دى العمارة البيضاء الفاتحة غرب ؟؟ )
والطابق الكم ..؟؟
المفتاح مع منو ..أو الوكيل منو .. ؟؟
ما عندى مشكلة ابقي ليك وكيل باخد نسبة معينة من من التوتل - طبعا اكيد لو جبت ليك سعر اعلى ؟؟
يا قلب مافى عوجة باعوض شنو وبف باف شنو .. 500 جنية شركة بترشها فى دقايق
تانى ولا جن احمر ما بخش بعدين الشقة جديدة .. لو بقت فوق مافى بعوض المهم الاسانسير يا نوسه مع وجود حارس او بواب
( برفع السعر ) ..
___________________
بالمناسبة ماتأجروا قبال ما ترجعوا لينا ما طلعونا
اى كلام قدا الاجانب والزبائن ..
أدينى الصور فى الايميل .. الان ..
| |
|
|
|
|
|
|
|
|
|
Re: معليش يا وضاحة!!!و أنا كمان عندي شقة للإيجار في المنشية !!!!! (Re: Tabaldina)
|
تبلدينا
فقط في هذه الحالة "بنفاوض" موش؟؟؟
و إنت و شطارتك ، و البنط بيمشي النار!!!
شوف مسنجرك الهوت ميلي،،،،
و بالمناسبة العمارة ياها البيضا الفيها إريال كنار زااااااااااا !!!
الطابق الثاني، فيها حارس لكن ما فيها أسانسير ، و الأجانب ديل أنا عارفاهم بيحبو الرياضة و المشي،، خليهم يمشو دمهم شوية ،، و أصلاً ما محتاجين يرفعو حاجة تقيلة غير "شنطهم"
و باقي التفاصيل رسلتها ليك في الهوت ميل
| |
|
|
|
|
|
|
|
|
|
Re: معليش يا وضاحة!!!و أنا كمان عندي شقة للإيجار في المنشية !!!!! (Re: نوسة)
|
نوسه صباحك كما تشتهي
| Quote: أها "دخول الحمام زي مروقو" شنو داخل و مارق سااااااااااكت كدة و نحن نشيل و ننزل في الصور و نتلتل و حالتنا شلش |
اه ده الخايفن منو مااااااااااااااااااااااا قولنا ليك يا حبا
Quote: وضاحه كانت صريحه .... وقالت ماديرة مفلسين ...
بس الظاهر العرض هنا غير مشروط وممكن لنا ان دخل ونشوف في شنو |
ــــــــــــ
الشقه بشوفوها مليون والمؤجر واحد ولا ريك شنو ( مقولة كازبلاكيه )
| |
|
|
|
|
|
|
|
|
|
Re: معليش يا وضاحة!!!و أنا كمان عندي شقة للإيجار في المنشية !!!!! (Re: Safia Mohamed)
|
أختي صفية
صباح الخير
إستفتاحة ظريفة بي طلتك معانا و أكيد يومنا كلو ح يكون خير بإذنه تعالى...
كدي قولي خير،، أنا عندي رأي في 1500 دولار،، دايراني أقبل بي ال 500؟؟؟
نحن غايتو هنا ما شغالين بي مقولة "الكحة ولا صمة الخشم"" أخير لينا صمة الخشم طواااااااااالي
إنتي كدي شوفي الشقق الب خمسمائة ،
و شوفي شقتنا و بعدين بنتكلم "وااااااااااثقة و كدة"
بالتوفيق للجميع
| |
|
|
|
|
|
|
|
|
|
Re: معليش يا وضاحة!!!و أنا كمان عندي شقة للإيجار في المنشية !!!!! (Re: Tabaldina)
|
تبلدينا يا أخوي
ما في شفقة تب و حاتك، طالما إنت شادي حيلك، همي بااااااااااارد و حاة الله ...
شفت الصور كيف بالله؟؟؟ موش لي حق أقعد و أخلف رجل فوق رجل و أشرط على الإيجار و لي منو؟؟؟؟
ربك يهون و الفيهو خير يبقى ، و كان إتأخرت لي شهر أغسطس كمان ما بطال على الأقل أنزل فيها في إجازة الصيف و أوفر قروش إيجار شقة تانية "أقل تكلفة أكيد"
لك الشكر الجزيل دوماً
| |
|
|
|
|
|
|
| |
نوسة
Tragie Mustafa
اساسي
عمر الفاروق
عمران حسن صالح
كمال ادريس
عبدالله كع
علاء الدين حيموره
Adel Sameer Tawfiq
القلب النابض
انعام عبد الحفيظ
فيس بوك
تويتر
انستقرام
يوتيوب
بنتيريست