|
|
 عطبره........................معاويه المدير ................................
|
عطبره
يا غاليه ريدك فى مسارب جسمى إتسرب سرى
ومازج دماى معاها فى الشربات جرى
ما إنتى يا حبى الكبير داخل قليبى محكره
وبلاك مين طاق الحياه وصبحت رويحتو معكره
يا حلوه يا مصدر غناى وشموخى وأكبر مفخره
من جوف مشاعرى الهايمه بيك بديك حروفى معطره
وأنا ما نسيتك لحظه شان أطراك يوم يا عطبره
السياله يا مرتع صباى وأوتار غناى ينبوع حياتى ومصدره
أنا ببدأ منك شوط طوافى على المدينه وبندره
بطرا الجزيره نواوى كيف زمن التساب النيل حواها وحاصره
العارفين ناس ود نواوى أهل العلم ورثو الصلاح من الورا
الداخله فى جوارهم أمان روعه وحنان ما أحلى ناسها ومنظره
السكه الحديد والسودنه آيات جمال وكرم خصال جل البرا
فى حلة الصاج الكنيسه ومدرسه ودار الرياضه وجمهره
فى القيقر السوق القديم والمدفعيه وعسكره
حوش المخازن والورش ومبنى العموم آيات فخار ما أظهرها
وفى ساحة المولد فرح فى كل عام بمولد النور السرى
الجامع الكبير شارع السلك كليه فيك ما أشهره
بين أم بكول والسوق دوام أجمل حديث ومناظره
الأتبراوى مع الطليح القلعه نورها وجوهره
بهدى الحصايا أجمل غرام بى نورو دايما بحضره
ليك يا الغريبه مكانه فى داخل قلوبنا مسطره
ومين فينا بس مدنى الفكى ما بيذكره
يا إمتدادنا الشرقى فيك أطياف جمال تثرى الخيال ما أكثره
منسابه من حى المطار وفيض الشمالى نعيمها دافق ومصدره
وحلة الصنفور بتفتح للقطر هيمان جرى
إنت يا قلعة نضالنا وحى عمالك مفخره
فى عمومك ساعى طايف يا أم جمال والذوق حاصره
ليك حليوه مناره للتثقيف وفيضا من فنونك آزره
شبابا والشيب تسمو بيك فوق الثرى يا عطبره
يا الفيك قضيت أحلى السنين ليها طارى وبذكره
وكيف كان لياليك الحنان العطبراوى بيسكره
ويشجيها بالنغم الطروب بى ريدو هايمه مخدره
أعلام شموخك عاليه فوقك واضحه للبيك ما درى
المحطه رصيفها والناظر نقابتو عرين أسود متل الشرى
والورش دى عيونها ساهره وفيها حاج الريح والعماره ورفعة منبره
وكبرى للحريه إنبرى
الجبابره رقابهم كسره
والنضال سيرتك طهره
بالحديد والنار سطره
وأنا ما نسيتك لحظه شان أطراك
يوم يا أتبره
معاويه المدير فورت ماكمرى البرتا كندا 7808380298 وطبعا كود كندا 1
|
|
 
|
|
|
|
|
|
|
 موضوع الرسالة (Re: munswor almophtah)
|
الاخ منصور
ولأن من الحب ما قتل
ولان عطبره الجميله بلد الحبائب
اعمل حسابك من وهج الغرام ونار الشوق
ــــــــــــــــــــــ
......
شالني الحنين
عاد بي سنين
رجعني تاني لعطبره
والدنيا كانت حاله زين
عزابه كنا مره نبدو منظمين
ومرات كتيره مجهجهين
والدنيا كانت حاله زين
كان بيتنا من أحلي البيوت
شامخ جوار السوق هناك
من غرفتين
والصاله حلوه منوره
باللمبتين
والحوش وسيع
مزروعه فيه النخلتين
والمزيره والقلتين
والسراير ديمه برا
والشنط مردومه جوه
ونحن كان بيناتنا خوه
وعيش ملح لمده
امتدت سنين
والدينا كانت حاله زين
| |
|
|
|
|
|
|
|
|
|
Re: موضوع الرسالة (Re: علي الكرار هاشم)
|
Quote: السياله يا مرتع صباى وأوتار غناى ينبوع حياتى ومصدره
|
يا منصور
عبرك تحياتنا للأخ معاوية ود المدير..
لقد عشت سنتين في منزلهم الكائن بالسيالة .. جوار الحرازات .. خطوتين من البحر والجزيرة التي يتغنى بها..
| |
|
|
|
|
|
|
|
|
|
Re: موضوع الرسالة (Re: المسافر)
|
اخي المفتاح ..
يا سلام يا معاوية عليك عدت بنا الى الوراء كثيرا عندما كنا نسرح ونمرح في دراكم
ونظرات والدكم العم محمد عثمان ترمقنا دخولا وخروجا. التحية عبرك لكل
اهلنا في عطبرة وفي السيالة والسيالة الجديدة ..
منصور قول لي الراجل اتصل قطعت الاتصالات مالك ..
ود الباوقة
| |
|
|
|
|
|
|
|
|
 Re: موضوع الرسالة (Re: علي الكرار هاشم)
|
عامل حسابى وقلبى تقيل وأتبره مدينة كنت أتوق لرؤيتها لأنها ليست نورا لمن فيها بل شمسا للسودان أجمع تدفئ جنباته وتبعث فيه طاقة الإستمرار بحبال وصالها التى تأتى بالخيرات حتى واو ونيالا معكم يا آل تبره نحتفى ونحتفل بها..............................
فيا علي الكرار هاشم
لك السلام والرحمه فهذا طل من طلل
منصور
| |
|
|
|
|
|
|
|
|
|
Re: موضوع الرسالة (Re: munswor almophtah)
|
سلام
مالك داير تقلب علينا المواجع
لو أنسربت الي البطين الايسر ستجد رسم عطبرة...يضخ الدم الي كل الوجدان
تحية لكل عطبراوي اصيل
د. ياسر زين العابدين عبدالقادر
| |
|
|
|
|
|
|
|
|
|
Re: موضوع الرسالة (Re: yasir Abdelgadir)
|
يا ود الباوقه السلام ورحمة الله عليكم
وكلامك وصل لمعاويه لكن عليكم الله يا من فى جزيرة العرب إنتو تلفوناتكم
حارس مرمى والله شنو كلكم ما فى زول بكون راس حربه يا شيخ قول يا لطيف من خلالك نبعث رسائلنا لعالم كثر المهم معاويه سيحرك لك السلوك وهو فى حاله تهيؤ للذهاب للسودان وسيحتفل مع آل أتبره وآل الباوقه فى أفراح الخريف وما أجمل فرح الخريف وزرعه وروائح عبقه وخالص الود والسلام................
منصور
| |
|
|
|
|
|
|
|
|
|
Re: موضوع الرسالة (Re: طلعت الطيب)
|
يا طلعت الذى أطل بطلعته فى أتبره سلام من الرحمن عليك وأين أنت يا رجل تلفون الحكومه ذاتو راح وجدولك ما منقوش وقبلنا سلامكم يا عزيز و سلامنا للأولاد ومنعول أبوها بلد ياخ....ومليح أتبره الحلوه حافظه ليكم
دوافع حبها الخاص وحب من فيها والمدير دا أنا قايل عندو قرين بقولو قول البقول فيهو دا...........................
منصور
| |
|
|
|
|
|
|
|
|
|
Re: موضوع الرسالة (Re: yasir Abdelgadir)
|
الأخ دكتور yasir Abdelgadir
قالوا أن الطيب صالح عندما كان بالبى بى سى قال ذات مرة هنا أم درمان
وعندما أستدرك أنه فى لندن
قرأ
وللأوطان فى دم كل حر يد سلفت ودين مستحق
وللحرية الحمراء باب بكل يد مضرجة يدق
ثم أعقب
ديارى وإن جارت على عزيزة
أهلى وإن ضنوا على كرام
فالحمد لله الذى جعل من البطين ينساب عشق عطبره
لك منى السلام
منصور
| |
|
|
|
|
|
|
|
|
|
Re: موضوع الرسالة (Re: Seif Elyazal Burae)
|
منصور
سلام و مودة يا عزيزي و ليك وحشة زى شوقي لعطبرة ( حبيبة قلبي )
و التحية لمعاوية
| Quote: فى القيقر السوق القديم والمدفعيه وعسكره |
هنا مربط فرسي و بيت قصيدي
دمتم
| |
|
|
|
|
|
|
|
|
|
Re: موضوع الرسالة (Re: ابو جهينة)
|
الريس أبو جهينه ياخ الشوق والريد والتحايا
وبعدين سبحان من لا يخطأ
ويعنى شنو لوغلـط الريس
قلت لى القيقر تعرف دى زى القنقر ياخى أنعل ابو التسالى واحد واحد
تعرف يا الريس بعض الأماكن إذا رجعت إليها ساسعى فيها أطوف ثلاثين مره
وأرمى جمرات الأسف على إبليسها الذى أخرجنى منها كما أخرج أبونا
وأمناجميعا من الجنه..................
خالص السلام يا عزيز وقال القيقر قال
منصور
| |
|
|
|
|
|
|
|
|
|
Re: موضوع الرسالة (Re: Seif Elyazal Burae)
|
سيف اليزل معاويه يعرفك وهاتفك عندما كنت بالقاهره ويعرف أخوك والرجل الذى توفى بنيويورك هو صديقنا المرحوم جمال بدر وهو خريج آثار وهو صاحب فصاحه ومستوى تعبيرى رفيع عرفت بوجوده بنيورك يوم وفاته عليه من اللطيف الرحمه وذلك فى ما كتبت فى قصتك المسروده والمفروده على صفحات هذا المنبر ولك يا عزيزى السلام..................
منصور
| |
|
|
|
|
|
|
|
|
|
Re: عطبره........................معاويه المدير ................................ (Re: noon)
|
بسم الله الرحمن الرحيم
(نون والقلم وما يسطرون)
صدق الله العظيم
يا noon مرجعك شنو يا ظريفه وإنت عارفه إنو الطيب صالح كان فى البى بى سى ومين الممكن يقول البيت السمح القلتيهو داك بسرعه زى سرعة ردك مرتين يا زوله والله كلامك صاح وانا زول بتاع غلاط وعارف ناس بجو يصححونى وأنا وإنتى فى المنبر دا وإنتى أغلطى وأنابحلف إنك right وشكرا على الحروج من الموضوع والدخول فى أم ضبيبينه ولك من السلام قدر الكون دا كلو....................
منصور
| |
|
|
|
|
|
|
|
|
|
Re: عطبره........................معاويه المدير ................................ (Re: yasir Abdelgadir)
|
تعرف يا دكتور على الحرام أنا عارف أن الذى قيل عنه أنه قال تلك القوله وخت تلك السمته هو أيوب صديق لكن لمن تقول قالها الطيب صالح بتكون قويه الله يسلمك والله شنو وبعدين الحصه أدب وأطلال وناس نون بتاعين التاريخ ديل أصبر ليهم ما هداك بوست السودان عبر القرون لياسر شبيكه لكن الشبك من الشابك بت البحل الشابك وقولو يا لطيف ,,,,,,,,,,,,,,,,,,,,
منصور
| |
|
|
|
|
|
|
| |
munswor almophtah
علي الكرار هاشم
المسافر
طلعت الطيب
ابو جهينة
aydaroos
MOHAMMED ELSHEIKH
noon
فيس بوك
تويتر
انستقرام
يوتيوب
بنتيريست