كتب الكاتب الفاتح جبرا المتوفرة بمعرض الدوحة
|
أولى عُمُر...
|
ما قدرة العمر الكلام.. لا قادر القلب ينشرح.. ساعات يمر عمرك ضلام.. ساعات يجيك مليان فرح.. تبرا الدروب الما بتجيك.. وتفارق الدرب التعب.. من شوقو ليك..
ياهو قدرك يا شقا.. ملصت كم خاتم وفا؟ وسممت قدر الايد معاك.. حزيتا بخاتم صدا.. وسوار كضب.. ما طوق القلب البحب.. لا طال شتاهو معاك دفا..
ما كنت ببكيك يا مطر.. لو كنت عارفة الموية فيك.. مليانة طين.. تدفق عكر.. لو كان سحابك ما غلط.. ما كان سماك منك فتر..
ندمان عمر.. سكسك مشتت من عقد.. منضومة فيو حبات صبر.. ما بتبكي مطمورة البلا.. لمن ترش الوجعة حر.. والشمس ما دايما نهار.. ولا الضلام دايما قمر.. وياهو القدر..
اخدر طريقك يا قلب.. لو تزرع التيرابو حُر.. زرعك حصادو يكون فلاح.. وارضك ترابا تشوفو دُر.. افتح اشاراتك طريق.. خلي الغمامات التُمر..
ازرق سماك.. صافي ولبن.. طلك نداك.. قوسك قزح.. فرعك لدن..
لحنك فرح.. وضياك غناك.. شوقك وتر..
افتح المقفولة باب.. واقفل المفتوح كتاب.. وابدا من اول سطر..
حاءك حنين.. باءك أمَر..
|
|
|
|
|
|
|
|
Re: أولى عُمُر... (Re: Rasha Hatim)
|
يا حليلك يا سليكة بقت القصيدة تنزل الصفحة التانية عادي وين الغاوون؟
كل سنة وانتي طيبة ياخ و عقبال مية سنة من الــQuote: حاءك حنين.. باءك أمَر |
| |
|
|
|
|
|
|
Re: أولى عُمُر... (Re: كمال علي الزين)
|
Quote: حليلك يا سليكة بقت القصيدة تنزل الصفحة التانية عادي وين الغاوون؟
|
يعني كده الزولة كان بتكتب كويس نتحاشاها
وكان عجبنا كلاما , نقراهو ونسكت مخافة التصنيف
__________________________
المداخلة لزوم رفع البوست تاني ..
| |
|
|
|
|
|
|
Re: أولى عُمُر... (Re: كمال علي الزين)
|
Quote: بقت القصيدة تنزل الصفحة التانية عادي وين الغاوون؟
|
وانا متعهد رفع البوست ده
ليك علي ياعمك ..
ما (ينوم) ..
وبيني وبينو الأرشفة
_______________
أو (الخور )
| |
|
|
|
|
|
|
Re: أولى عُمُر... (Re: Rasha Hatim)
|
يا مواهيم ... دي مافهمتوها أوكي Quote: كل سنة وانتي طيبة ياخ و عقبال مية سنة |
طيب دي ما كحلتوها
وإلا يعني نجيب ورد وبتاع باركوا اول بعدين اتسربعوا
| |
|
|
|
|
|
|
Re: أولى عُمُر... (Re: محمد البشرى الخضر)
|
Quote: يا شرا() اتعوضي الله في البوست دا و نزليها لما الغاوون يجو راجعين |
ننسحب كان كده ..
مع تسجيل إعجاب بالقصيدة
وتهنئة بلميون سنة
هذا مع التمسك بموقعنا كغاوون
| |
|
|
|
|
|
|
Re: أولى عُمُر... (Re: salma subhi)
|
(*)
(عمك) نقول معاك شعر ولا نشتت
________________________________
والله الواحد لما يكون متحيل وعاوز يرفع ليهو بوست بكون منظروا جبان ياخ
| |
|
|
|
|
|
|
Re: أولى عُمُر... (Re: كمال علي الزين)
|
ياعمك (الغاوي) أنا سحبتا (الجملة الملاسية) دي وبعتذر
(عمك) ضقع لي وما ردا علي وأنا مستعجل , ولزوم الإستعجال حا أركب مكنة (محمد عادل)
وحا أسأل سؤالي دغري كده :
إنتو أخونا (عماد الطيب) داك ماكان (غاوي ) زينا كده
البوست ده عمل (37) مداخلة ولا غواية له (أي لا أثر ) له ..
| |
|
|
|
|
|
|
Re: أولى عُمُر... (Re: كمال علي الزين)
|
Quote: يا(عمك) ماتركز معانا شوية |
يا عمك اعتذار غير مقبول
أوع تتكلم عني بالطريقة دي تاني
تمشي تفتح بوست اعتذار عديييييييييييييل
وإلا
حأعمل ميت واكلا في حنان حناني زاتو
| |
|
|
|
|
|
|
Re: أولى عُمُر... (Re: محمد عبد الماجد الصايم)
|
(*)
إعتذاري مابفيدني
العملتو كان بإيدي
سامحني غلطان بغتذر .. بعتذر
أنا بعتذر ..
ياعمك ماتشمت الناس فينا نحن معشر (الغاوون)
إقبل الإعتذار , وسأفتح لك بوستاً كارباً في مقبل الأيام
(إنشاء الله يوم فتح بوستك مايجي يا الغاوي أخوي)
| |
|
|
|
|
|
|
Re: أولى عُمُر... (Re: عبدالكريم الامين احمد)
|
Quote: يا ودالصايم بالله ادينا نفس ياخي من الشديدة القاعدين تضربوها دي انت وصحبك وكمال |
كيكي ياخ بطل حركاتك دي يعني عربيك المكسر بي هناك داك بدون فيل
يا عمك .. بي حالتك دي لو ركبت معانا بأجزو لينا
| |
|
|
|
|
|
|
Re: أولى عُمُر... (Re: Rasha Hatim)
|
الأخت رشا : إحساس جميل وكلام بسيط وساهل ..
Quote: افتح المقفولة باب.. واقفل المفتوح كتاب.. وابدا من اول سطر.. |
باقي لي كان حا تكون أحلى لو إتعكست
أقفل المفتوحة باب.. وأفتح المقفول كتاب كتاب.. وابدا من اول سطر..
وجهة نظر قارئ يعني ما شاعر ..
تخريمة : ما بتدوني البت الفي الصورة دي ؟
| |
|
|
|
|
|
|
Re: أولى عُمُر... (Re: عمر الفاروق)
|
Quote: ما بتدوني البت الفي الصورة دي ؟ |
أولاً في كلامك شئ من عدم إحترام (الأنثى)
كيف (ما بتدوني ليها) ؟
يجب مراعاة (الجندريات) وإحساسهن عند الحديث ..
خليك واقف في الصف ..
__________________________
ياعمك أنا منتظر وعندي سؤال
| |
|
|
|
|
|
|
Re: أولى عُمُر... (Re: محمد عبد الماجد الصايم)
|
الأخت رشا ..
تحياتي .. يبدو أننا أمام شاعرة ( متمكنة ) وقادمة بقوة .. Quote: أولى عُمُر...
ما قدرة العمر الكلام.. لا قادر القلب ينشرح.. ساعات يمر عمرك ضلام.. ساعات يجيك مليان فرح.. تبرا الدروب الما بتجيك.. وتفارق الدرب التعب.. من شوقو ليك..
ياهو قدرك يا شقا.. ملصت كم خاتم وفا؟ وسممت قدر الايد معاك.. حزيتا بخاتم صدا.. وسوار كضب.. ما طوق القلب البحب.. لا طال شتاهو معاك دفا..
ما كنت ببكيك يا مطر.. لو كنت عارفة الموية فيك.. مليانة طين.. تدفق عكر.. لو كان سحابك ما غلط.. ما كان سماك منك فتر..
ندمان عمر.. سكسك مشتت من عقد.. منضومة فيو حبات صبر.. ما بتبكي مطمورة البلا.. لمن ترش الوجعة حر.. والشمس ما دايما نهار.. ولا الضلام دايما قمر.. وياهو القدر..
اخدر طريقك يا قلب.. لو تزرع التيرابو حُر.. زرعك حصادو يكون فلاح.. وارضك ترابا تشوفو دُر.. افتح اشاراتك طريق.. خلي الغمامات التُمر..
ازرق سماك.. صافي ولبن.. طلك نداك.. قوسك قزح.. فرعك لدن..
لحنك فرح.. وضياك غناك.. شوقك وتر..
افتح المقفولة باب.. واقفل المفتوح كتاب.. وابدا من اول سطر..
حاءك حنين.. باءك أمَر.. |
دايماً أميل للدارجي ، في كل شئ ، خاصة الشعر ، فالكلام يصلك ( بما يحمل ) في منتهى السهولة والبساطة.. قصيدة شبعانة ، مليانة ، زمن ما قريت شعر ( ساهل وممتع ) .. شكراً ، وأرجو أن تتحفينا بالمزيد ، ويبدو أنها ليست تجربتك الاولى ..
| |
|
|
|
|
|
|
Re: أولى عُمُر... (Re: Salah Abdulla)
|
Quote: دايماً أميل للدارجي ، في كل شئ ، خاصة الشعر ، فالكلام يصلك ( بما يحمل ) في منتهى السهولة والبساطة.. قصيدة شبعانة ، مليانة ، زمن ما قريت شعر ( ساهل وممتع ) .. شكراً ، وأرجو أن تتحفينا بالمزيد ، ويبدو أنها ليست تجربتك الاولى .. |
يكفيني من كلماتي انها قد وجدت لديك القبول..
شكرا على الكلام الجميل والمشجع يا صلاح..
كل الود
| |
|
|
|
|
|
|
Re: أولى عُمُر... (Re: عمر الفاروق)
|
Quote: باقي لي كان حا تكون أحلى لو إتعكست
أقفل المفتوحة باب.. وأفتح المقفول كتاب كتاب.. وابدا من اول سطر..
وجهة نظر قارئ يعني ما شاعر ..
تخريمة : ما بتدوني البت الفي الصورة دي ؟ |
عمر يا فاروق
انا قاصداها كدا يااااخ.. كدي ارجع اقرا تاني وما تبرغتنا وتخلينا نشرح
تخريمة لتخريمتك
البت قالت جنها وجن الكورة
| |
|
|
|
|
|
|
Re: أولى عُمُر... (Re: Rasha Hatim)
|
Kutch up
في شنو؟ فيييييييي شششششششششنو؟
فففففي شششششنو؟
عليك الله مالكم؟
فهمونا حاجة
أي حاجة؟
دا مش شعر؟
والله شنو؟
يا بتّي ديل مالُمْ؟
فهّميني انت
بسم الله
| |
|
|
|
|
|
|
Re: أولى عُمُر... (Re: إسماعيل حميم)
|
Quote: مرفق مودتي
إسماعيل حميم
|
إزيك يا(سمعة) ومشتاقين ..
الجملة يجب أن تكون كالآتي :
مرفق (غواوتي) ..
وهنا أستشهد بقول الشاعر:
وللإغواء في غوي كل شعر
يد غويت وغوي مستحق
شكر الله سعيكم وتحياتي لي (سالي ) عليك الله ..
| |
|
|
|
|
|
|
Re: أولى عُمُر... (Re: إسماعيل حميم)
|
Quote: الأخت رشا
كثير من الإعجاب . . وشئ من الإجتهاد. . . ليته يصادف قبول ووزن
ياهو قدرك يا شقا ملصت كم خاتم وفا؟ وسممت قدر الايد معاك.. حزيتا بخاتم صدا.. وسوار كضب.. ما طوق القلب البحب.. لا طال شتاهو معاك دفا.. لا جف من الحر نضب
مرفق مودتي
إسماعيل حميم |
فعلا الاضافة بتاعتك وزنت الابيات..
كثير من الشكر يا حميم على لطافة الاحساس ورقة الاجتهاد..
ودي وتقديري
| |
|
|
|
|
|
|
Re: أولى عُمُر... (Re: عبدالفتاح أبوشيمة)
|
Quote: في شنو؟ فيييييييي شششششششششنو؟
فففففي شششششنو؟
عليك الله مالكم؟
فهمونا حاجة
أي حاجة؟
دا مش شعر؟
والله شنو؟
يا بتّي ديل مالُمْ؟
فهّميني انت |
في الحقيقة والواقع هنا كان في قصيدة..
وشكلو ناس البيت رحلو.. وهسي محرسنو لاولاد اهلهم العزابة الشايفاهم عينك ديل
| |
|
|
|
|
|
|
Re: أولى عُمُر... (Re: محمد البشرى الخضر)
|
Quote: عمك (صلاح عبدالله) ده , عندو باقي وشكلو مامشي معانا العرس .. |
كمال الزين .. يا خوي أنا لا عم زول ، ولا عندي باقي ، ولا بباري الناس للحفلات .. شوف جماعتك ديل يمكن واحد يتضهب معاك .. وبصراحة أكتر مضايقاني قصة البوست العملتوه مضحكة ده .. والأغرب أنكم ( ما كده ) يعني الحاجات دي ما بتشبهكم..
شئ مؤسف.
| |
|
|
|
|
|
|
Re: أولى عُمُر... (Re: Rasha Hatim)
|
الله يجازيك يا سليكة
ياخ أنا كل ما أقرا البوست دا اتفقع ضحك واسأل نفسي برضو زي سؤال كيكي الفوق داك
يا ربي الشديدة الأنا ضربتها دي كانت من ياتو مكان
غايتو أنا بعترف بعد بوستيك دا مفروض يودوني لاهاي طــــوالي
ود الزين دا ما عارف حيمشي معاي ولا يجليني
عوّضــك الله خيرا .. ونجيك في السمح
| |
|
|
|
|
|
|
Re: أولى عُمُر... (Re: محمد عبد الماجد الصايم)
|
Quote: الله يجازيك يا سليكة
ياخ أنا كل ما أقرا البوست دا اتفقع ضحك واسأل نفسي برضو زي سؤال كيكي الفوق داك
يا ربي الشديدة الأنا ضربتها دي كانت من ياتو مكان
غايتو أنا بعترف بعد بوستيك دا مفروض يودوني لاهاي طــــوالي
ود الزين دا ما عارف حيمشي معاي ولا يجليني
عوّضــك الله خيرا .. ونجيك في السمح |
الخير فيما اختاره الله
غوية وتزول يا عمك
| |
|
|
|
|
|
|
Re: أولى عُمُر... (Re: Rasha Hatim)
|
تحياتي رشوش تعرفي ماري كده قلت كده اشوف الحاصل شنو خليت الموضوع وخلييت القرايه بقيت اشوف في رشا الصغيره ماشاءالله تبارك الله ربنا يحفظه شبه رهيب ( بيني وبينك كده شهووده احلى حبتين
مع كل التحايا
| |
|
|
|
|
|
|
Re: أولى عُمُر... (Re: عادل فقاد)
|
Quote: تحياتي رشوش تعرفي ماري كده قلت كده اشوف الحاصل شنو خليت الموضوع وخلييت القرايه بقيت اشوف في رشا الصغيره ماشاءالله تبارك الله ربنا يحفظه شبه رهيب ( بيني وبينك كده شهووده احلى حبتين |
يا عادل ازيك وازي الاولاد؟
حقو الزول يلقاها فرصة ويقشر بالتانية كمان
تحياتنا للجميلين بطرفكم..
كل الود
| |
|
|
|
|
|
|
|