|
عم عبد السميع ،،،، نحن من يحتاج أن يصحي ،،، وليس بريش
|
يوم الخميس 1 / 5 / 2008م حوالي الساعة تلاتة ضهر وأنا مشلهت وجاري جري شديد في أمور الدنيا لمحت إنسان ماشي علي الأرض ويتوكأ علي عصاية في إيدو اليمين لابس جلابية وش مألوف جداً بالنسبة لي لكن إسمو منو؟؟؟ وشفتو وين ؟؟؟ وين ما إتذكرت ،، مشاغلي تزحم رأسي لكن الملامح ما غريبة بس الوش إتغير شوية ملآآآن هموم وسرحان حاولت أتذكر لكن ما قدرت أو إنشغلت بعد خلصت عملي حوالي الساعة 8 رجعت البيت وعرس الجيران يملأ الفضاء أصواتاً والأرض بشراً فجأة من غير أي مقدمات إتذكرت الزول الشفتو قبيل عبد السميع بريش أشهر عسكري مرور في السودان بريش
وعذرت نفسي اصلي ما شفتو قبل كدا من غير الميري الابيض
صينية بريش تقاطع القصر مع البلدية تقاطع الرسميات مع الأهالي زي وزيكم بريش نزل معاش وشارع البلدية أصبح لا بيودي ولا بيجيب عامة الناس إلي ومن الخرطوم ناس بري وبحري والكدرو الضحكة العذبة والمشاغلات تطبيق القانون بإنسانية خسارة يا بريش وخسارة يا خرطوم
|
|
|
|
|
|