|
Re: سلمى سلامة و الاشواق ... ربنا يوصلهم بالسسسسسسسسلامة (Re: محمد سنى دفع الله)
|
ياسلام على لندن وناس لندن من ما وصلت وهاك يا ترحيب والسبب انه اسيا زولة جميلة وبتحب الناس هدى العباسى صديقة العمر الجميل كانت اول زول فى المطار لانه اسيا بتخاف من السلالم البتمشى شفتو كيف ؟ اول ماصادفنى فى المطار طائرة مكتوب عليها(للاعبى الفريق القومى) طبعا لكرة القدم وصلت وكلى دهشة من المدينة العريقة شوارع ماشه يمين وبيوت زى بيوت السكة حديد زمان وكوزموبوليتان فى اقصى تجلياته وهسى البيت مليان ضيوف
دا غير التلفونات حفاوة وبهجة لندن راحات
| |
|
|
|
|
|
|
Re: سلمى سلامة و الاشواق ... ربنا يوصلهم بالسسسسسسسسلامة (Re: ودرملية)
|
ود رملية ازيك ود امى عارف اسيا قامت خلت لى البوست حردتو لى بخشم الباب وزعلت لكن برضو ولا يهمك وبرضو مشتاقين طال علينا فراقكم والله يا غايبين قدرما ننسى العلينا برضو مشتاقين عارف الغنية دى لمن اسمعها بتلبش خاصةلمن يقول كيف تفارق الضفة والنيل هان عليك او لمن يقول الخدود الشاربة من لون الشفق عند المغارب ديل خدودك سيدى سيد الناس ويا سيد الحبايب العيون طرتنى زول من اهلو غايب والشعرفى كتيفو اتهادل سبايب احب هذا الاسماعيل حسن ومحمد وردى الذى اشاد لحنا على مستوى الاهرام فى هذه الاغنية وعثمان مصطفى الذى خلد هذا اللحن تسلم ود امى
| |
|
|
|
|
|
|
Re: سلمى سلامة و الاشواق ... ربنا يوصلهم بالسسسسسسسسلامة (Re: اسيا ربيع)
|
حمد لله على السلامه ياسلمى , أوربا كلها نورت , بس لازم تخطفى رجلك مع منى خوجلى وتشرفينا فى الدوحه , ماتنسى تزورى قريبى صلاح حسن أحمد وتسلمى عليهو . أسيا ربيع إنتى ذاتك موجهين ليك دعوه تزورينا فى الدوحه , وطبعا إنتو ياخواجات مابتحتاجوا لى أى تأشيرات , تدخلوا ساى , عاملين جوازتكم السمحه دى ,, كتير التحايا ,,[/B]
| |
|
|
|
|
|
|
Re: سلمى سلامة و الاشواق ... ربنا يوصلهم بالسسسسسسسسلامة (Re: كمال سالم)
|
كمال سالم من الليلة انت صحبى جدا لانى بموت فى كتابة زول اسمه صلاح حسن احمد رغم انى ما لاقيتو لكن ياخ دا زول من اجمل الكتاب السودانيين فى الدراما والقصة القصيرة امسك عندك موسى ود السرور دى من اعظم المسلسلات الاذاعية لغاية يوم الدين القصة القصيرة عصفورة انجليزية من امتع القصص القصيرة للابد زول ما عادى فلو دا قريبك تبقى اسعد زول واتمنى انى الاقيهو لانى بحب كتاباته جدا لكن حكاية اجى الدوحة دى صعبة شوية بلدكم ما فيها باصات ياخى ناس مفلهمين وعندهم قروش كتااااااااار ما عملوا حساب للناس المتلنا عشن كدى زعلانه وحردانه الدوحة
| |
|
|
|
|
|
|
Re: سلمى سلامة و الاشواق ... ربنا يوصلهم بالسسسسسسسسلامة (Re: Marouf Sanad)
|
عاد الحبيب فعادت روحى وعاد شبابى ياشوق مالك ؟ دعنى أما كفاك عذابى؟ لقد شربت دموعى اما سئمت شرابى؟
***** عاد الحبيب فعادت إلىَّ أحلى الليالى ذكراه يقدح ناراً ووجده فى إشتعال رويته بدموعى وصنته بخلالى وماظفرت بوصل ولاانا عنه لاهى
***** عاد الحبيب فأهدى لكل قلب سلام أهدى العيون بريقاً أهدى الثغور إبتساما فكيف ينسى فؤاداً أهدى إليه الغرام وكيف ينسى محباً أمسى يذوب هياماً
***** زدنى صدوداً فإنى عشقت دنيا عذابى وأرحم سواى فقلبى راهب المحراب إن زادك الحسن تيهاً فاسأل طيور الروابى سلها تجبك بأنى بثثتها كل مابى قد صاغت الوجد لحناً ووقعته ببابى...
| |
|
|
|
|
|
|
Re: سلمى سلامة و الاشواق ... ربنا يوصلهم بالسسسسسسسسلامة (Re: حمد اسماعيل)
|
حمد يا حمداسماعين كيفنك ود امى ومالك قاطع الحركة النشكى ليك اصحابك ناس الموسيقى ولا زول منهن ما جانا مش عليك الله يخثى عليهم؟ لكن عارفة الغايب عذرو معا ومع كل كنت مؤملة الاقيهم بعدالسنين الطويلة من الفراق امكن المرة الجاية نتلاقى كان مد الله فى الايام
لكن قلت لى نشحم الحيطان؟ عارف حكاية الشبه بنى وبين اسيا واحد من اولاد اختها وفاء جا بيت اسيا كنت قاعدة اول المدخل الولد سلم على ومشى قعد اسيا قالت ليهو ـ جدو (اسمه ربيع )ليه ما سلمت على ؟ انقر ما اتهجم وقعد يتلفت بيناتنا قامت اسيا قالت ليهو ـ دى تومتى جات من امريكا انقر ما صدق ؟
| |
|
|
|
|
|
|
Re: سلمى سلامة و الاشواق ... ربنا يوصلهم بالسسسسسسسسلامة (Re: Soumeta)
|
سوميتا اصبرى لامن اجى بالدرب ياالممسوخة عارفة زمان كنا لما امى تسافر وابوى يمرق الجامع يا حبة بنعك لك عكة اول حاجة بننضف البيت الحوش الكبير داك ببقى نضيف ونرص ليك السراير زى كانه فى مسرح ونبدا نعمل برنامج مسرحى وغنائى كل المخدات بتشتغل جيتارات والكمش كمنجات والازياء بنجيب هدوم ابوى نلبس هدوم الرجال منها ومن هدوم امى بنعمل ازياء النسوان ياخ مسرحيات وغنا وجو بكون لطيف لكن لا بنكسر عدة ولا بنتشاتر خلاس بس ارجينى لمن اجى واموص ليك الفطيرة
| |
|
|
|
|
|
|
Re: سلمى سلامة و الاشواق ... ربنا يوصلهم بالسسسسسسسسلامة (Re: اسيا ربيع)
|
الف حمد لله على السلامة يا سلوم ...
وبختكم يا ناس لندن يعني هسى منى خوجلي دي ما تمشي الدوحة ولا القاهرة ولا شنو يعني ..
اسوية عليكم الله استمتعوا لينا معاكم .. انا كان ربنا هون ماشة القاهرة ..
سوميتة انتي لذيذة ياخ اتخيلت منتظر البيت بعد الحفلة شكلو حا يكون شنو!!
محبتي للجميع
| |
|
|
|
|
|
|
Re: سلمى سلامة و الاشواق ... ربنا يوصلهم بالسسسسسسسسلامة (Re: انعام حيمورة)
|
انعام حيمورة ازيك بت امى وحات الله منى دى كان الزول قال ليها ما تمشى معناها امشى راسا زى الحجر لكن زولة عسولة جدا وحميمة جدا انسانة ما تتخيلى مقدار جمال روحها قدر كيف المهم يا زولة لندن ما سمحة ولاحاجة غيرنا راينا مش حرين ؟ لاوالله بهظر غايتو ما شفت جنس حاجة فيها غير ناس سودانيز اون لاين بث
| |
|
|
|
|
|
|
Re: سلمى سلامة و الاشواق ... ربنا يوصلهم بالسسسسسسسسلامة (Re: معتصم محمد صالح)
|
معتصم محمد صالح اولن شى شكرا ليك على المكالمة امس كانت عندنا حفلة فضلة خيرك لذيذة جدا غنى لينا ياسر مبيوع وانبسطنا غاية الانبساط لكن كلها جكس وجكس لطيف جدا وطلعنا من الحفلة لقينا ليك برد ما حصل لاننا لمن وصلنا مكان الحفلة كان الحر مبالغ فيهو واتفاجات طبعا انه المحلات فاتحة والباصات شغالة اصلو بعيد عنك فى البلد القاعدين فيها فى امريكا دى الساعة تمانية كل قردا طلع شجرتو وركبنا البص ابو دورين اول مرة طبعا دا البص الكانت بتسوقو اسيا ظاتاقبل الحادث عالم عجيب لكن ما اظن اقدر اعيش فى البلد دى نحنا ناس قرى ساكت وديل ناس مدن
| |
|
|
|
|
|
|
Re: سلمى سلامة و الاشواق ... ربنا يوصلهم بالسسسسسسسسلامة (Re: محمد خليل ساني)
|
غايتو يا محمد خليل سانى او اول ما بيناتنا لكن بالجد رحلة كانت بايخة بياخة مملة وطويلة وبالجد كنت خايفة اول مرة اخاف فى رحلة طويلة رغم انى مفروض اكون اتعودت لكن تقول شنو فى الخرف؟ اول ما جيت اخوات اسيا سالونى ـ اها الرحلة طولها كم ؟ فقلت ليهم ـ كان سبعين كان سبعتاشر ساعة مش قلت ليك مملة الطيارة زاتا خدماتها عجيبة ياخ فى طيارة المضيفات (رجال ) ليه ؟دى طيارة كيزان ؟ وشينين كمان ولا زول ببتسم ليك مافى عارف المرة الفاتت سافرت بالقطرية والاماراتية واحلاتن المضيفات واحلاتا الطيارة ظاتايا قول هشام هبانى هسى دى رجال وشينين ليه يعنى ؟ ولسه القصة ما تمت
| |
|
|
|
|
|
|
Re: سلمى سلامة و الاشواق ... ربنا يوصلهم بالسسسسسسسسلامة (Re: ميسرة غاندي)
|
... .. بت ربيع الشيخ سلامات باللنقليزي اللزيزي . ياربي جيت قبل المطار .. و للا القطر .. . حاجه فيك .. . طبعا يا هازااته ... الضحكه زاااته و فرحتو . متكيف ليكم . لاكين .. . اعملي حسابك ما تقول ليك مسرح و شنو ما عارف . البت دي سواقت بصات . و متصوره مع المسدس . صور تذكاريه .. . كان ما ضربتو لي عنتر . بكلم سوميتا . و الدول المجاوره ..
| |
|
|
|
|
|
|
Re: سلمى سلامة و الاشواق ... ربنا يوصلهم بالسسسسسسسسلامة (Re: اسيا ربيع)
|
Quote: ح اعترف من اسع إنو عندنا حفلة الليلة،، مش امنا مسافرة؟
ده يعني عشان كان جيتي لقيتي العدة مكسرة تكوني عارفة و كدي،، |
قوشريتا العبوا ساكت والعده هينه المشكله تكسرى الزير انتى عارفه فى امريكا دى حتى الزير العفن ده بالدولار!! اسيا بختك وحات الله ... سلمى حته واحده؟؟ الايام دى لندن جنس حاجات!!! براحه على الظلط يا سمحين... وبعدين ما تتفسحوا سوا بسحروكم!! اسيا طبعا عارفه ليه؟؟ واحده تمشى والتانيه تفضل (قاعده).. خليتكم عافيه،،،
| |
|
|
|
|
|
|
Re: سلمى سلامة و الاشواق ... ربنا يوصلهم بالسسسسسسسسلامة (Re: hamid murahid)
|
ياربي لينا فى العسل ده شرقه؟؟
يالجمال الربيع في لندن زهور تتفتح ونسيم يشيل أريج سلمي وأسيا ..ويسكر سكان أوروبا..
أنا من هسه قاعد ومتفن فوق مطار أمستردام والعشم فى شوفتكن..
لو كان سمعنا من بدري كان حجزنا في ويك إند وجينا بلينا الشوق النشف وقرب ينكسر..
أمنياتي الصادقة بسعادة وهناء وأوقات أكيد مبهجه..
عزيز خطاب
| |
|
|
|
|
|
|
Re: سلمى سلامة و الاشواق ... ربنا يوصلهم بالسسسسسسسسلامة (Re: خدر)
|
يا خدر ياخ اول حاجة زعلانة شديد لانى لغيت البرنامج المهم امس اتكلمت مع منعم شوف واتفقنا حنتلاقى شهر اغسطس حيكون فى شغل مشترك بيناتنا توثيق اعمال مجدى النور وحتكون فعالية دايرة شغل وتحضير شفت كيف؟ بنتلاقى
هسى المقاشيش ارضا سلاح والزعافات برضو تمام يا فندم
| |
|
|
|
|
|
|
Re: سلمى سلامة و الاشواق ... ربنا يوصلهم بالسسسسسسسسلامة (Re: Azhari Nurelhuda)
|
ابو الزوز يا خدارنا يا الكنت دارنا انت فى حبك ودارنا انت غيرك مافى راحة الاغنية دى بتذكرنى سمية حسن وزينب الحويرص ليه ما بعرف وامكن عشان كده بحبها النعمنهن ديل فرداتى وعاين الدنيا شتتنا كيف ؟ لكن يا ابو الزوز كنت مشتاقة الاقيكم لكن يبدو لى التوقيت كان ما مظبوط عموما بنتلاقى كان الله مد فى الايام وشكرا على التلفونات اللذيذة والونسة (نص المشاهدة )
| |
|
|
|
|
|
|
|