|
|
 يا بكري ياخ.........يحى حسين القدال.................ليه تكسر ليه قلمه...؟؟؟؟
|
الأخ بكري أبو بكر
أخونا يحى حسين القدال، من الأقلام الجيدة والمعتدلة في هذا المنبر ،،،
لاقيته أمبارح في بيت بكى حق واحدا يشتغل معانا....
سعلته ما لك يا يحيى خليت الكتابي في خلوة بكري؟؟؟
قلت الزول ماشي يقول لي زهجان ولا فتران؟؟؟
ولكن الشي قال أنه ماهو قادر يفتح الباب وماهو عارف كان الشي القاعد تقولولوا (الباسورد) راح ولا كان خرب عليه ساي؟؟؟
كمان قال أنه كتب لك كتييييير وما أشتغلت بيه...
غايتو أنا رضيته وقلتلو بكري ده مشكلته في المشغولي الكتيري والشي مشغووووووووووووووووووووووول وما يتلام...
أهه كدي عليك الله كان لقيت ليك فرقة فضاوه شوف الخرابي ده ما شغال ماله؟؟؟
وكتر خيرك يا بكري أخوي
الشايقي
http://alkatwah.com
www.Alshaygi.dubaimlm.com
.
|
|
 
|
|
|
|
|
|
|
 Re: يا بكري ياخ.........يحى حسين القدال.................ليه تكسر ليه قلمه...؟؟؟؟ (Re: Al-Shaygi)
|
Quote: يحى حسين القدال
قلم واعد .. مكسب حقيقى لـ SudaneseOnline.com
نتمنى سرعة حضوره
شكرآ الشايقى فى تفقد الزملاء
يدك معانا يا بكرى .. وربنا يعينك فى الزحمة دى
بس الرجل يستحق الإهتمام |
حبيبنا رأفت ميلاد
شكراً على كلماتك الطيبة في حق أخونا القدال وياها المحرية فيك، وأذكر في مارس 2006 عندما طلبت عضوية للأخ يحيى كنت أنت من أوائل المثنين والمؤيدين للعضوية، فلك كل الشكر.
Quote: الاخ حسن
تحياتي
الأخ يحي حسين القدال من الأقلام الهامة وقد افتقدت كتاباته فعلاً في هذا المنبر الجامع
آمل لو تهتم الادارة بتسهيل فتح حسابه عليه
مع التحية |
أحمد الشايقي
مولانا ود العم
شكراً على الإطراء وأنت من خير العارفين للأخ يحيى.
Quote: الأخ الكريم / الأستاذ أحمد الشايقي
سلام
لقد افتقدنا قلم أخونا القدال الرشيق وكتاباته الممتعة. آخر مرة التقيت الأخ القدال كان يسأل عن سر غياب الأخ الرائع الأستاذ أبي عزالدين عن المنبر، والأخ القدال أحد المعجبين بكتاباته، وفعلاً أن الأستاذ أبي أحد القلائل الذين يكتبون بعقولهم لا بأقلامهم، فما زلنا نؤمل في عودة الأستاذين الرائعين لإثراء هذا المنبر بكتاباتهم المتميزة. |
إسحاق بله الأمين
شكراً على المرور الكريم
بكري الرسول فيك اكان ما شوفتو خرب كيفين..وبعداك صلحو
ازيكم ناس البيت..
Muna Khugali
بت عمي منى شرفتي وآنستي البوست.
وعلى قول أهلنا المصريين (دا أحنا زارنا النبي)...
| Quote: عندك اهداء في لحظه من فضلك بالشايقي.. |
بجي كبي غادي وبي روقه وشكراً على الإهداء.
Quote: يحى القدال
راجل ماساهل
ووجوده ضرورى للغاية
وممتنين يابكرى
والله يقويك |
البعيو المابعيو....
شكراً على مرورك وشرفتنا كتييييييييير.
Quote: رسالة خاصة:
الشايقى وين العزاء الذى لم تخبرنى به |
بتصل بيك هاتفياً.
الشايقي
http://alkatwah.com
www.Alshaygi.dubaimlm.com
| |
|
|
|
|
|
|
|
|
|
Re: يا بكري ياخ.........يحى حسين القدال.................ليه تكسر ليه قلمه...؟؟؟؟ (Re: الحارث سرالختم عبد الله)
|
أخي العزيز حسن (الشايقي) ،
تحياتي وأشواقي ،
أضم صوتي لمن سبقوني في
مناشدة سيد الحوش ، أخونا
بكري أن يفك أسر باسورد أخونا
يحيى القدال ، الذي عرفته
إنساناً مهذباً وأخو أخوان ،
وذو قلم سيال وفكر ثاقب ،
وأحسب أن المسألة قد تكون
فنية أكثر منها حجر على قلم ،
وأذكر أنني واجهت نفس المعضلة
من قبل ، وكان قد مضى على اشتراكي
أكثر من ستة أشهر ، وفجأةً وجدت
نفسي غير قادر على الدخول بنفس
الباسورد الذي اعتدت عليه ،
ومضت الأيام وكنت أحسب المشكلة
من النت أو من كمبيوتري الذي كان
وقتها يشكو لطوب الارض حاله .
وعندما طالت المدة وتجاوزت الشهرين
استنجدت بالاخوان محمد ود قاسم
ومحمد عبدالجليل ، اللذان طلبا مني
مخاطبة سيد الحوش مباشرة عبر البريد
الالكتروني ، وإن لم أجد استجابة ألجأ
للهاتف معه ، فهو دوماً مشغول وقد لا
يقرأ بريدك .. وأرسلت الرسالة له عبر
البريد ، وجاءني الرد سريعاً ومعه
باسورد جديد (لنج) خلاف السابق ،
وبالطبع تلاشت كل مداخلاتي السابقة
خلال الشهور المنصرمة والتي تجاوزت
الخمسمائة أو كادت .
وحمدت الله على ذلك .
ويبدو أن مشكلة أخي القدال مثل مشكلتي
لا ناقة لأخينا سيد الحوش الباشمهندس بكري
فيها ولا جمل .
و .. رغم ذلك نناشد زعيم الوطن الاسفيري
بأن يمنح ود القدال باسوورد جديد (لنج)
عوضاً عما ضاع منه أو لم يتمكن من الولوج
عبره لهذا الوطن الحدادي مدادي .
وعبرك أخي حسن ، تحياتي
وتقديري وسلامي لأخينا ود القدال .
مودتي ،
( ليمو )
| |
|
|
|
|
|
|
| |
Al-Shaygi
رأفت ميلاد
أحمد الشايقي
إسحاق بله الأمين
Muna Khugali
الحارث سرالختم عبد الله
abdulhalim altilib
ادم الهلباوى
فيس بوك
تويتر
انستقرام
يوتيوب
بنتيريست