|
Re: الحنين البيه (موسيقه) ميسره غاندي (Re: ميسرة غاندي)
|
موسيقى تشرح الصدر اول حاجة تانى حاجة عجبنى استخدام البيانو/الاورغ مقدار من الجمال لمقطوعة تبدو عادية حين تستمع اليهافى اصلها لكنك خلقت لها انسجاما غير عادى واضيف الاوركسترا واستخدام الالات الوترية ايضا اضاف بعدا موسيقيا رائعا هذا ما تحتاجه الموسيقى السودانية ادعم تيارك الموسيقى بشدة لانك كل مرة تدهشنى بكثير من الموسيقى الموسيقى البحته تحديدا تسلم يا ميسرة تسلم يا ميسرة اتمنى لك كل يوم نجاحا اكبر من سابقه
| |
|
|
|
|
|
|
Re: الحنين البيه (موسيقه) ميسره غاندي (Re: اسيا ربيع)
|
بعيدة عن الأصل ؟؟ حرام عليك دي روح الأصل وإبداعك ان الأغنية كاسرة فيني ضلعة عديل ما بعتقد انها اغنية عادية ولا مكان اخترتها زي ما قلت ليك الأغنية شجيةوالموسيقة نقلتنا الى شجن ناعم لو بجوز الوصف للشجن بالنعومة الحوار بين الآلات فيهو تناغم اختيار البيانو لاداء الغناء والإستريتغز للمحاورة وبقية الألات لتردد صدى الحكاية فيهو كثير من الصدق الفني والمحافظة على الطابع العام للأغنية الأصلية وده الكلام القلناه زمان لمن الكوريين وزعوا الأغاني الخالدة وقامت الدنيا وما قعدت وقلنا حيجي يوم اولادنا بوزعوا بي احساسهم وفد حدث واليوم انت بتأكد كلامنا بانو الأحساس بالنغم موجود والحفاظ على اللحن ـ الميلودي ـ موجود توزيع دوت استعراض عضلات بمهنية راقية وإحساس متناهي في الرقة واموت في الخلفية نهاية العمل حينما غنى البيانو ودخلت بقيةالوتريات والبراصات في الخلفية وهنا انبرى لنا الساكسفون في دخول خجل يعلن اصراره على المشاركة حتى ولو نهاية الموسيقى كأنه يعلن لنا نهاية الحالة الدرامية للأغنية وزع واطبع وصور وانقلنا الى مملكة الجمال الموسيقي المجرد خلي الخلايق تحس
| |
|
|
|
|
|
|
Re: الحنين البيه (موسيقه) ميسره غاندي (Re: محمد سنى دفع الله)
|
الحبيب السني
صباح الخير بي توقيت هنا
والله ما خليت لي حاجه عشان اقوله بخصوص الماده دي.
عموما خليني امشي الشغل واجيك راجع يمكن انجر لي كلاام
واشكرك كتير واحنا ناس لسه (سمك صير) زي ما بيقولو
لك الود يا عذيزي تسلم
تخريمه اخبرنا بما حدث يوم امس بخصوص الافتتاح .
غاندي
| |
|
|
|
|
|
|
Re: الحنين البيه (موسيقه) ميسره غاندي (Re: سلمى الشيخ سلامة)
|
الاستاذه سلمي
التحيه لكي ومساك سعيد
اول حاجه انتي ذوله فنانه وانا مدرك تماما انو لكي ملااحظات
في اي عمل له علااقه بي الفن .
كما زكرت لون اخر لماده مسموعه لديكم . من الملااحظ في اي ماده
مكرره بواسطه فنان اخر تجدي انو التركيز في المقدمه واخر جزء
في الماده هما اكتر جزئين حصل بهما التقيير. وكانت دي نقطه هامه جدا لي
وفكرته بتلوين بما حول الماده بحيث ان لا اخرج من اساسها المعروف لديكم
واتمني ان اكون قد نجحت في اختيار الالوان .
| |
|
|
|
|
|
|
Re: الحنين البيه (موسيقه) ميسره غاندي (Re: unixo)
|
يا U N
مساك سعيد
انا ما حا اقدر اقول ليك غير انو حقيقي
طشيط شديد وما عرفتك وارجو المعزره وكمان
تكون ما قصرت لو تكرمت وساعدتني بي معلومه بسيطه
عشان اقدر اعيد الزاكره الطاشه دي
لك الود
غاندي
| |
|
|
|
|
|
|
Re: الحنين البيه (موسيقه) ميسره غاندي (Re: بكري الخير)
|
الحنين البي والشوق ليك مطر ياودغاندي
دائما مجتهد عشان كده فت الكبار والقدرك ....
اتذكر زمان لمن كنت بتعزف معانا وانت صغير السن حديث العزف كنا دائما نتنبأ لك
بمستقبل باهر في مجال العزف علي الاورغن ..كنت بتدخل حاجات من عندك (محسنات)
وتوقعنا ذلك لنشاطك واجتهادك ونلت اعجاب الكثيريين ..وهاهي الثمرة نقطفهاونتزوقها
بمشاعرناواحاسيسنا ..
دمت ايها الحبيب .. ميسرة
| |
|
|
|
|
|
|
Re: الحنين البيه (موسيقه) ميسره غاندي (Re: عماد شمت)
|
عويس يا حبوب
التحيه لك
يا اخي واين ان ما باين
مشيت الامتداد ما لااقيتك
اجيك بي هنا تجيني بي هنا
بقينا زي طام اند جيري (فلم الكرتون و كده )
والله مشتاقين كتير ويا اخي اشكرك علي المجامله
انت راجل فنان ويا حليل ايام زمان يا عماد وييييييييييييييييييييييييييييييييييييييييييييا حليل
تعرف يا عماد المواد الزي دي كتيره وممكن تنفذ مع المغنين ولكن ممكن تلقي صعوبه في الهضم
عشان كده فكرته في انو اذا حاولت في تلوين ما بحول الفكره الاساسيه احتمال تكون في شكل نقله
بسيطه والعافيه درجات .وكمان ماتنسي الاصل هو الاساس ولكن محتاج منننا لي مجهود بسيط وما معقد
عشان ما نخرج من لب الفكره الاساسيه وفي نفس الوقت ننقلو لي مرحله المواكبه
لك الود والتقدير يا صديقي
غاندي
| |
|
|
|
|
|
|
Re: الحنين البيه (موسيقه) ميسره غاندي (Re: ميسرة غاندي)
|
طبعا ما داير أقول شغل نجيض ومكرب ,لأنو دى مفروغ منها..لفت نظرى المدخل والنهايه..أكثر من العضم نفسه,,ولأنى من محبى الجاز الmain streem والrag time ..ف دى أول مره أسمع سودانى بشتغل الشفل ده,بلونيه ونكهه جميله وجديده..ياخ واصل فى الاتجاه ده.. وأنا أيضا عاشق للبلوس blues وحاولت أعادة توزيع بعض الاغانى السودانيه,وأعطيتها كل مفاتيح البلوس وإحاسيس ممفيس والمسيسبى ,وطبعا لازم يكون فى دكوه وشمار وزيت سمسم عشان الطعم السودانى..أها الشغل عجب الخواجات والسودانين خستكوا لى بالموضوع.ومن ديك زى ما قال أستاذنا الباشكاتب : ولا بنقز.. تحياتى وفى أنتظار جديد اعمالك..
| |
|
|
|
|
|
|
Re: الحنين البيه (موسيقه) ميسره غاندي (Re: محمد مكى محمد)
|
مساك سعيد يا محمد
اولا انا كنت قايل زمن الحنين انتهه
ويا اخي الموسيقه هي لغه الشعوب احنا ايضا لنا لونيه جازيه وبلوزيه
بس المشكله لو اترتبت بعدم تعقيد عشان ما نخلي المستمع يطش وزي ما قالو
الطشه بتودي (الخور) عموما سعيد جدا بمداخلتك وسعدته اكتر لما زكرته انك
بتحب الجاز والبلوز وهي ايضا موسيقه وممتعه
تخريمه
باري الخواجات ديل ماااااااااااااااااااااااااااااااابتطش
وخلينا نسمع حاجه منك في القريب العاجل
لك الود
غاندي
| |
|
|
|
|
|
|
Re: الحنين البيه (موسيقه) ميسره غاندي (Re: ميسرة غاندي)
|
تعرف يا ميسره ,مشكلتنا فى السودان مجتمع محافظ ,ومتزمت جدا للمحافظه ,وسلوكنا تقريبا واحد ,يعنى الناس كلها بستعمل نوع أو نوعين من الصابون وكذلك معجون الاسنان ووو بناكل فول الصباح وكمان باليل,دى مشكله كبيره..لأنه حتى الاضان بقت محافظه ,والحاجه الجديده,بتبقا ليها مشكله.. زمان زارنى صديق فى الداخليه ,وقعد عندى كم يوم,المهم يوم طلعت وخليته فى الغرفه بيسمع فى الرديو..ولما رجعت قال لى انا سجلتا أغانى من الرديو,ما اهتميت بالموضوع كتير ...فجأه اكتشفت أن صديقى سجل الاغانى على شريط به أوبرا موزارت The Magic Flute,وبعد الثورة والغضب سألته ليه الشريط ده?قال ده الوحيد اللقيتو ما نافع ,كلو واك ويك وجوطه فارغه...تخيل!!!! بعد الرضاء بقضاء الله وقدره لملمت أى شريط فيه(واك ويك,أو يعتبر فى نظر المحافظين نحو ذلك) وقفلتو فىالشنطه.. يا ميسره أنت زول فنان ,والفن تمرد..فتمرد على القديم ,فيوما ما سيبصبح ايضا قديما.. تحياتى حارسل ليك نماذج بعد تسجيلها,تجسيل هواه..وكذلك بعد ما اشترى عضم جديد
| |
|
|
|
|
|
|
Re: الحنين البيه (موسيقه) ميسره غاندي (Re: محمد مكى محمد)
|
الاخ محمد
والله ضحكتني اليوم تعرف المشكل دي صعب انو نتخلي عنها احنا السودانين
كتير من الناس ما بحبو THE INSTROMENTEL MUSIC كويس صحبك ده ما قال ليك
الموسيقه البصحي الاموت دي شنو.
تعرف الشي المعزبني يا محمد انو في كتير من الشرايط الجديده بشوف اسماء
العازفين ومن ضمن عاز الاورغن ولكن ما بتسمع كلام الاورغن وتلقاهو محصور في
ايطار المولديه لا غير بلرغم من جوده الاستيديوهات والعده الموجوده في السودان
المواد المنتجه ضعيفه جدا والمشكله كلهم بقيسو بمقياس السودان علما بان اليوم
عبرNET اي حاجه موثقه ودي مشكله كبير جدا بث التلفزيون تسجيلاات الكاست دي كلها
عبر النت متوفره وبي جوده تخجل
لك الود
غاندي
| |
|
|
|
|
|
|
Re: الحنين البيه (موسيقه) ميسره غاندي (Re: ميسرة غاندي)
|
يا سلاااام ... يا ميسرة,
شغل جميل وموسيقى تحط على الصميم وتجعله فؤدا مستعرا بالإحساس والنغم الطروب ... يصادف إختيارك ... إختياري ... فقط { أعذرني } على جياشة خاطري الحقيبي جدا والمستصحب للكلمة, وهي شاكوش القلب ومطرقة بابه ... ما عارف أقول ليك شنو ... لكن ... يظل الحنين هو الكتلة الآلقة فى شعورنا السوداني المبين.
مع مودتي
| |
|
|
|
|
|
|
|