كتب الكاتب الفاتح جبرا المتوفرة بمعرض الدوحة
|
|
 السني دفع الله .. اموت ركن
|
انا عارف انا بحب محمد السني دفع الله ليه ..
انتو عارفين ؟
طيب السني زاتو عارف ؟
____
السني .. تعال نحبكـ ياخي والله انت فنان بستاهل
|
|
 
|
|
|
|
|
|
|
 Re: السني دفع الله .. اموت ركن (Re: خدر)
|
خدر ....ياخدر
خضر الله ايامك
Quote: انا عارف انا بحب محمد السني دفع الله ليه ..
انتو عارفين ؟
طيب السني زاتو عارف ؟ |
انا عارف.....
عارف ياخدر اخر تلفون تلقيته الليلة كان من السني .....دعوة لحضور عرض مسرحي ومعاي الاولاد كمان .
عشان كده مابرااااااااااااااك انا ذاتي بحبه.
متعك الله بالصحة والعافية اخي الحبيب المبدع السني كما انت دائما تعطر ايامنا بكل جميل ..
كل الود
هارون دياب
| |
|
|
|
|
|
|
|
|
|
Re: السني دفع الله .. اموت ركن (Re: Alsa7afa_30)
|
و راسو من ورا شين شنة ..
مفلق ياخ .. و مقرّم قريم .
.....
السني تعال نتونس و .. جيب معاك الفسيخ الكعب الما بتعرف تعملو داك ..
فسيخ قال !!! بالله ؟!! .
خدر هوووي ..
الزول ده لو عزمك بيتو و قال ليك : ح أظبط ليك فسيخ كده ( و أشّر لي فوق ) .. بس قوم جاري .
أنا أول مره عزمني عملت ظريف غايتو .. و بلّعت اللقم رجالة ساكت و حرارة قلب ..
( كنت قايل الفسيخ عملتو إحلام .. قلت نمسك لساننا الفالت ده .. الزولة برضو رطانية زينا و جاي ..
يقوم و نحنا ماسكين بطوننا و ماشين على عرباتنا يقول لينا : فسيخي لقيتو كيف ؟ .. ما كان عندي مروّه أرفع طوبة أديهو بيها طبعاً ) ..
أتاري الفليق الفي راسو من ورا داك كلو .. بسبب فسيخو ..
قعدت المسكينة حليمة الليل داك كلو ماسكة يدي و تقرا السبعة آيات المنجيات .. و انا أهضرب .
تاني مرة جه يراودني عن الفسيخ , قلت ليهو : السني ما داير معاك فسيخ ياخ .. أمشي إشتكيني .
| |
|
|
|
|
|
|
|
|
|
Re: السني دفع الله .. اموت ركن (Re: Emad Abdulla)
|
السني
الزول الجميل
منو فينا الما بيحب السني
حب مع سبق الاصرار والترصد من زمن محطة التلفزيون (الما حكومية)
من زمن ( عزيزي المشاهد شوف انا بتعب ليك كيف عشان اقدم ليك الحلقة دي)
من زمان
والسني فنان
فنان حتى في توحيد قلوب الجميع على محبته
حتى المريخاب بيحبو السني
بس برضوا لو المريخاب عملو شنو داك ما ممكن يوم من الايام يكون مريخابي وده اجمل حاجة فيهو
جمال
| |
|
|
|
|
|
|
|
|
|
Re: السني دفع الله .. اموت ركن (Re: جمال السنوسي)
|
كتب المسخوت المشوطن عماد عبدالله عن المشوطن الاخر السني
مايلي..
السني مجنون يا كيكي ..
عندو بسم الله ..
يا حافظ يا حفيظ ..
السني يندهش إذا مثلا الباب عمل صوت و هو بيقفل .. مش حاجة عادية ؟؟
لأ .. السني بيشوف فيها : ( الباب بيتكلم و يعبر ) .. أها ده كلام ده ؟؟
مافي شي عندو جامد .. و مافي شي في الوجود ده عندو ما بيقول و يعبر , كل شي عند السني عندو لغتو و مداخلو و مخارجو .
في عربيتو في عرايس .. عرايس لعب .. دُمى .. و بلاوي غريبة , ورق و ملفات و بواقي شخبطات و حديد شكلو غريب كده و أربعة نضارات و زي عشرمية قلم , و ما عندو ساعة !!!
ما فارقه معاهو لو نطت في راسو فكرة ملهمة ينسى أي حاجة و يدور شغل مسرح مكرب جوه عربيتو .
و عندو كتابات عجيبة غريبة .. و كمان خطه سمح ( غريبة .. مش ؟؟ ) .. أي شي في الوجود و مكون لحركة الحياة السني بيمسرحو .. أي شي .
الزول ده ما بيشوف الحاجات زينا كده .. عندو ليها فهم تاني .. و الدنيا دي عندو بمجمل حاجاتا شي واحد و متماسك .. ناس و جماد و ظواهر و بلاوي , كله حاجة واحدة , زي نغمة كبيرة كده و متصلة من يوم مرقت من يد الله ليوم الليلة ده , نغمة ما عندها أول ولا آخر , و مستعد يغرق فيها و يغرف منها قدر ما الله سيدو ده أداهو .
الزول ما نصيح يا كيكي ..
السني ممكن يكون بيتكلم معاك و يعاين لشعرك .. وللا يدك وللا اللمعة الفي نخرتك وللا لفة لياقة القميص عندك , ما وشك و بس .. كل شي بيلقطو من زاوية يعرفها براهو و يوزنا براهو , لأنه ممكن يكون في شي عاملو شعرك مع الضو الوراك .. وللا صوتك دخل مع صوت عادم لوري بعيد وللا حتى تعبيرك لما قلت ليهو : قطع شك ,تفاصيل عادية عندنا و مملة و مكررة , عندو هو لأ .. ما مكررة ولا مملة .. فيها استمرارية جديدة و خاطرة أجدّ و زاوية لنج لمصيبة لافه في راسو البقى صغير بعد حلقو ده , فجأة ممكن يقول ليك كلام ينقلك لعالم خرافي مبني بس على زاوية الشوف ديك و وللا ربط الشوف الشافو ده يربطو ليك بذاكرتو ( و عندو ذاكرة بديعة ما شا الله ) ذاكرة فوتوغرافية مدهشة .. يجيب حاجة مرت عليهو من سنة حفرو البحر يلصقا ليك مع شي قبال ثانية حصل و يطلع منها شغل ما أنزل الله به من ... و بعد ده زول رقيق رقة الشفع ديك , و حساسيتو على الهبشة , و بيتحرج بسرعة عجيبة و يدخل في أضافرينو .. و أي حاجة جميلة تخلي في أم هلا هلا .. أي شي جميل يتعبو و يجهجهو .. كلمة سمحة .. بت سمحة .. صورة سمحة .. لقطة سمحة .. أكلة سمحة .. نكتة سمحة , و بعدين النكت بتاعتنا دي ما بيضحك فيها .. نكت الله و الرسول دي ما بتخليهو إلا يبتسم مجاملة كده غايتو .. يضحك لما يدمع في حاجات نحنا نشوفا عاااادية , هو بيشوفا شوف تاني , يضحكو بس الموقف الدرامي نفسو بتاع النكتة , وللا يقوم يسرح جوه النكتة وللا الموقف الكوميدي و يحولو في دماغو المقلوز داك لمسرح و يبني براهو منو و ليهو نكتتو , جن وللا هبشة وللا شنو ما تعرف ..
يا زول زولك ده مشوطن و مسكون .. نسأل الله السلامة .
حكاية الطاهر السقا...محمد السني دفع الله المدهش حقا..!!
| |
|
|
|
|
|
|
|
|
|
Re: السني دفع الله .. اموت ركن (Re: كمال سالم)
|
طارق سلامات يازول ياجميل
اسماع انا غايتو عايزه الركن الشمال.... ops .. احلام هنا؟؟ حب كبير ليك و لى العزيز الغالى السنى .. ود خالتى عشان احلام ماتزعل
دى لى احلام... وتحت تحت كده ليكم كلكم
| |
|
|
|
|
|
|
|
|
|
Re: السني دفع الله .. اموت ركن (Re: خدر)
|
مولانا خدر
لك التحايا وللسني..
كل ما زول يذكر اسم السني بتجي في بالي محطة التلفزيون الأهلية والناس الجميلين ديل ..العميري ..محمد نعيم سعد..مصطفى أحمد الخليفة..
السني رجل مسكون بالابداع..زيك..و.......كفى.
| |
|
|
|
|
|
|
|
|
|
Re: السني دفع الله .. اموت ركن (Re: فتحي الصديق)
|
نحنا طبعاً ناس مدني حبنا للسني براااهو ياخدر
ذي حبنا للبحر وود اللمين والمساح وفول كشك وسمك حسن جادالله
وكوره أولاد الله جابو ومشي الكداري وحيدر قطامة و.....و.....عيييك
منو المابحب السني؟
| |
|
|
|
|
|
|
|
|
|
Re: السني دفع الله .. اموت ركن (Re: رامي يوسف الصديق)
|
ياخدوري يا أخضر ياليموني
كيفك والروائع
وجنابو لقاء والأوامر التنفيذية؟؟
وخلودي ووالدتهم..؟؟
حب فى كل مكان.. الأربعة أركان،، أذينين وبطينين وما جوارهما من حنايا ومسام، تجد حب الحبيب السني متحكر ومتسنتر ومتسلطن يوزع الأبتسام مع الدم المؤكسد بالعشق للجمال لهذا الفنان الأنسان..
أستاذنا العظيم السني محبة صادقة وود وأمنيات..
عزيز خطاب
| |
|
|
|
|
|
|
|
|
|
Re: السني دفع الله .. اموت ركن (Re: عزيز)
|
لاحولااااااااااااااااااا
البوست ده كتبتو امس بالليل و انا في حلة خرمه لي ونسة السني
جيت لقيت البوست عامر و الشباب ماخد راحتو
البتونس مع اخوهو و المستغرق في سجارتو و الخاتي كرسي بعيد و تحتو
قزازة فيها مويه بيضاء و البشاغل في بنات المدارس قدام باب البوست
والله يا السني بيتكـ عامر ..
فـ
شكرا لتكبدكم المشاق للونسه مع اخونا السني
..
...
انا آخر مره لاقيت السني كان في الخرطوم في منتصف التسعينات تقريبا
واول مره كانت في عطبرة تخيلوا ؟ زمان كده غايتو ما عارف بالضبط
و كان جا مع المسرحي جعفر سعيد و عملو ندوه في احد نوادي عطبرة عن المسرح
في الندوه ديكـ تعرفت علي بعض من افكار السني ولاول مره
و عجبتني واحده من (بنات) افكارو و قررت اتزوجها 
اسه نحن هنا نتونس مع السني الفنان الراسو مفلق داكـ ولا السني صاحبنا ده ؟
| |
|
|
|
|
|
|
|
|
|
Re: السني دفع الله .. اموت ركن (Re: Rihab Khalifa)
|
داخلي / ليل .
( رجة كده .. و تِنِحنِح و أصوات كراسي كراسي و أفففف أفففف .. واحد واح .. تيست .. تيست ) .
السني : عرفتا !! ..
كيكي : أممممم .. أيوة أيوة .
السني : ما تخليها تنتبه .. و نزّل يدك دي ..
كيكي : أممممم .. أيوة أيوة .
السني : ما تدنقر لي كده , أرفع الميتين ده شوية عشان هي بتنقش سريع .. أرفع أرفع ..
كيكي : ما كاحلانا هي .. سارحة في المسرح ..
السني : غلط .. غلططططططططط .. ده هو زاااتو العايزاك تفتكر إنها بتعملو ..
كيكي : عليك الله ؟؟ .. نظام موساد و كده ؟؟
السني : وطي صووووووووووووتك .. إنت مع الصديري ده صوتك بقى عالي .. صاح ؟
كيكي : منو ؟؟
السني : صلعتي ..
كيكي : أممممم .. أيوة أيوة .
السني : أكحلها كده جنباوي .. قاعدة تتصنت ؟ .. ماااااا تتلفت ياخ .. ما تتلفت , خليك معسم قدامك ..
كيكي : سارحة .. سارحة .
السني : ششششششششششششش .. شششششششششش ..
كيكي : أممممم .. أيوة أيوة .
السني : هي ح تمشي ناس خالا بعدين .. تكونوا قيام راقدن إنتا و ود المكي و ود رملية في الفسحة المضلمة قدام البيت ..
كيكي : في ضُبُبه هناك ياخ .. حُجار حُجار فسحتكم ديك .. كعبه .
السني : قيام واقفن طيب .. كويس معاك ؟؟!
كيكي : جدن ..
السني : مكياجكم معاكم .. ما تجوني شايلين قداديمكم ساكت .. أخرج ليكم و كمان أدوكركم ؟؟ شششششششش .. وطي حسك .
كيكي : موطيهو .. موطيهو .. أممممممممم .. امممممممم
السني : قاعدة تعاين لسه ؟
كيكي : لا لا .. أمان امان ..
السني : راسك عجيب بالجنبه ..
كيكي : عارفو .. واصل واصل ..
السني : تمشي هي بي جاي تتلبوا الحيطة , و سريع سريع تضايروا الصالون و بحركة واحدة تقلبوهو مسرح .. معاي ؟؟
كيكي : ما معاك .. أحلام عاينت لينا .. عاينت عاينت ..
السني : منو ؟
كيكي : صلعتك ..
السني : كيكي ما تخليني براي .. أقعد أقعد .. أحسن ليك ما تخليني براي .. ما تخلـ........ .
( أصوات مبهمة و قطع ناشف و لبيع , يعلو من بينها صوت إحلام : مسخرة ..
صمت تام بعدها .. ثم فجأة : اللاهو أكبررررررررررر )
ستار .
| |
|
|
|
|
|
|
|
|
|
Re: السني دفع الله .. اموت ركن (Re: imad braka)
|
خدر
إمام مصري سرح بالناس فى صلاة عصر بكذا ركعة لمن قالوا الروب
لما إنتهى قالوا ليهو إنت صليت بينا تراويح عديل ياشيخنا
ما لقى طريقة يتخارج منهم قال ليهم ... ده ربنا يستاهل اكثر من كده
___
السني الحنين يستحق حبنا له وأكثر
| |
|
|
|
|
|
|
|
|
|
Re: السني دفع الله .. اموت ركن (Re: Elmosley)
|
Quote: إمام مصري سرح بالناس فى صلاة عصر بكذا ركعة لمن قالوا الروب
لما إنتهى قالوا ليهو إنت صليت بينا تراويح عديل ياشيخنا
ما لقى طريقة يتخارج منهم قال ليهم ... ده ربنا يستاهل اكثر من كده |
Quote: السني انا مابحبو
لانو الوحيد الممكن ينافسني في السفسفة |
| |
|
|
|
|
|
|
|
|
|
Re: السني دفع الله .. اموت ركن (Re: خدر)
|
قلنا ليكم ..... برفدونا بالطريقة دى
و بتهمة الضحك الجنونى
قطاعين ارزاق
| Quote: كيكي : في ضُبُبه هناك ياخ .. حُجار حُجار فسحتكم ديك .. كعبه . |
اول مرة اسمع بي ضب بخاف من ضببه
Quote: داخلي / ليل .
( رجة كده .. و تِنِحنِح و أصوات كراسي كراسي و أفففف أفففف .. واحد واح .. تيست .. تيست ) .
السني : عرفتا !! ..
كيكي : أممممم .. أيوة أيوة .
السني : ما تخليها تنتبه .. و نزّل يدك دي ..
كيكي : أممممم .. أيوة أيوة .
السني : ما تدنقر لي كده , أرفع الميتين ده شوية عشان هي بتنقش سريع .. أرفع أرفع ..
كيكي : ما كاحلانا هي .. سارحة في المسرح ..
السني : غلط .. غلططططططططط .. ده هو زاااتو العايزاك تفتكر إنها بتعملو ..
كيكي : عليك الله ؟؟ .. نظام موساد و كده ؟؟
السني : وطي صووووووووووووتك .. إنت مع الصديري ده صوتك بقى عالي .. صاح ؟
كيكي : منو ؟؟
السني : صلعتي ..
كيكي : أممممم .. أيوة أيوة .
السني : أكحلها كده جنباوي .. قاعدة تتصنت ؟ .. ماااااا تتلفت ياخ .. ما تتلفت , خليك معسم قدامك ..
كيكي : سارحة .. سارحة .
السني : ششششششششششششش .. شششششششششش ..
كيكي : أممممم .. أيوة أيوة .
السني : هي ح تمشي ناس خالا بعدين .. تكونوا قيام راقدن إنتا و ود المكي و ود رملية في الفسحة المضلمة قدام البيت ..
كيكي : في ضُبُبه هناك ياخ .. حُجار حُجار فسحتكم ديك .. كعبه .
السني : قيام واقفن طيب .. كويس معاك ؟؟!
كيكي : جدن ..
السني : مكياجكم معاكم .. ما تجوني شايلين قداديمكم ساكت .. أخرج ليكم و كمان أدوكركم ؟؟ شششششششش .. وطي حسك .
كيكي : موطيهو .. موطيهو .. أممممممممم .. امممممممم
السني : قاعدة تعاين لسه ؟
كيكي : لا لا .. أمان امان ..
السني : راسك عجيب بالجنبه ..
كيكي : عارفو .. واصل واصل ..
السني : تمشي هي بي جاي تتلبوا الحيطة , و سريع سريع تضايروا الصالون و بحركة واحدة تقلبوهو مسرح .. معاي ؟؟
كيكي : ما معاك .. أحلام عاينت لينا .. عاينت عاينت ..
السني : منو ؟
كيكي : صلعتك ..
السني : كيكي ما تخليني براي .. أقعد أقعد .. أحسن ليك ما تخليني براي .. ما تخلـ........ .
( أصوات مبهمة و قطع ناشف و لبيع , يعلو من بينها صوت إحلام : مسخرة ..
صمت تام بعدها .. ثم فجأة : اللاهو أكبررررررررررر )
ستار . |
للتوثيق
الزول ده "يشاع" انو نسيبنا و كده .. نظام عبدالعظيم و سهير و كده... الله يستر
| |
|
|
|
|
|
|
|
|
|
Re: السني دفع الله .. اموت ركن (Re: esam gabralla)
|
Quote: السني : وطي صووووووووووووتك .. إنت مع الصديري ده صوتك بقى عالي .. صاح ؟
كيكي : منو ؟؟
السني : صلعتي ..
كيكي : أممممم .. أيوة أيوة . |
- هذا البوست تحت رعاية و إشراف (كيكي)
- السني دفع الله ملكية عامة فأخدوا راحتكم يا شباب و شوتو في القون.
- كيكي الحقنا بي صور جديدة.
| |
|
|
|
|
|
|
|
|
 Re: السني دفع الله .. اموت ركن (Re: خدر)
|
Quote: كيكي : منو ؟؟
السني : صلعتي .. |
احي يا مصاريني
كدي اخت طوبتي في طابور محبة السني دي
والله ولا طابور العيش صباح السيول والامطار سنة 88
ويستاااااااااااهل
| |
|
|
|
|
|
|
|
|
|
Re: السني دفع الله .. اموت ركن (Re: خدر)
|
| Quote: كيكي الحقنا بي صور جديدة |
حاضرين ياخدر
بس الصور حتجي تاني بحسابات وحذر شديد مع التماسيح اللافة في البوست ده
بالذات الحاقدان الكبيران عصام وعماد
| |
|
|
|
|
|
|
|
|
|
Re: السني دفع الله .. اموت ركن (Re: لؤى)
|
| Quote: كيكي: الفارات عماد وعصام ديل يا السني شاحد ربي الم فيهم في زقاق ضيف وفي يدي مرق كبير خلاس واكون كاتح ليهم مخصوص قزازة ونص من بت قنيرة.. |
السني ( في سِرو ) : آآآآآي صاح .. عندي قنبور أنا أجيب ليك قزازة و نص ..
لا نلم في المرق .. و لا قروشنا .
| |
|
|
|
|
|
|
|
|
|
Re: السني دفع الله .. اموت ركن (Re: طارق عمر مكاوي)
|
(*)
(السني) خفيييف رغم خداع بصري يلفه ,
يزينه (جتة) و(سمين) ,
طفل كبير بحق ,
تراه يتنقل بين الناس في الخرطوم والقاهرة والدوحة ,
كأنه يمارس هوايته المفضلة في لملمة الأصحاب ,
التي بدأها في (تاريخ ما ..) تحت مسمى برنامج تلفذيوني جميل ,
(أصحاب .. أصحاب)
ومازال (السني) يواصل تقديمه وممارسته عبر مشوار حياته ,
الذي عنوانه (أصحاب .. أصحاب) ,
(السني) لا يحب السياسة وأحاديثها ,
أظنه يخاف أن تفقده السياسة وقذارتها ,
روحه البريئة , الطفلة ,
و(أصحابه ) الذين يتوزعون بين أركانها ,
هذا هو الركن الوحيد الذي يجمع بين من فرقتهم السياسة ,
ركن محبة (السني) وأحبابه , الذين هم هنا , جميعهم ,
(أصحاب ... أصحاب) ..!!
__________________________________________
(السني) وين العروس ؟
| |
|
|
|
|
|
|
|
|
|
Re: السني دفع الله .. اموت ركن (Re: طارق عمر مكاوي)
|
طارق عمر مكاوي
كيفك ياصاحب ماقلتا ليكم السني بجمع الأصحاب , وينك (لندن) ولا (الفتيح) ؟؟
العريس ده منو , السني؟
ياخي أنا طالبوا (عروس) داسيها مني ,
كان قاصدوا هو بي (العريس)دي , (يعرس ركبيكم الإتنين) ..
| |
|
|
|
|
|
|
|
|
|
Re: السني دفع الله .. اموت ركن (Re: خدر)
|
بدون مجاملة ..السني فنان حقيقي
من القلة الذين لااستطيع معهم ماوراة ابتسامتي العريضة
عندما اشاهده في موقف كوميدي
اكاد لايمر وقت طويل واتذكر لازمته الظريفة في فيلم { الأرهاب والكباب}
الناس في اوروبا والدول المتقدمة...... 
كدي واحد يكملها...
| |
|
|
|
|
|
|
|
|
|
Re: السني دفع الله .. اموت ركن (Re: محمد سنى دفع الله)
|
Quote:
ما ببقى
صديقك
كان ما شاف
هضاريم
فاخورتك
وهندسة دقنوسك |
صديق ده وللا حلاق ؟!!
هضاريم دي شنو يا سني ؟؟
قضاريف ما قضاريف .. كراضيم ما كراضيم .. هراديم ما هراديم .. !!
الفسيخ قام بيك ؟؟؟
......
و دوبيتك القاطعو من راسك ده ..
إن شا الله تقولو لي نسيبتك .
| |
|
|
|
|
|
|
|
|
|
Re: السني دفع الله .. اموت ركن (Re: خدر)
|
السني قمـه ورقي وابـداع ..
وسفير مميز من طــراز نجم لامع ..
حبــابكـم ..
ومــااجمل السـودان و السودانيين.
.
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
|
|
|
|
|
|
|
|
|
Re: السني دفع الله .. اموت ركن (Re: Gazaloat)
|
السنى الثمين
صحبى الجميل
من يوم عرفتو لغاية الان
زمن طويييييييييييل امكن اكتر من عشرين سنه
لكن اجمل ايام عشناها سوا فى مصر
طبعا( الاوزان دى من اوزون )
اها كلما نمشى محلة نجى راجعين
اول حاجة حيلو بموت لمن يشوف سيد عربية الباسطة
حيلو بموت
اقول ليهو
ـ يا السنى الدكتور قال نعمل رجيم
خاصة لو كانت الدنيا رمضان
ـ يا بت الشيخ بعد رمضان حنعمل رجيم
ـ يا السنى ياخ
ـ هسى عليك الله عاينى الباسطة دى ؟ولا الكنافة ؟ولا اقول ليك اسمع يا اخينا اعمل لينا كيلو
من دى ، آآآى دى ومعاها باسطة ومعاها بسبوسة
ـ يا السنى ياخ
ـ ما قلنا بعد العيد رجيم قاسى جدا
ولا فى زول بعمل رجيم لانه سيد الباسطة ساكن سكنه ورا العمارة
ولسه فى قصص كتيرة مع السنى
اخر واحدة فى الدوحة
قوم يا السنى اهلو يرسلو ليهو باسطة من السودان وحلاوة مولد
يقوم السنى يجينى فى بيت حسان اخوى
ـ اسمعى ارحكى معانا البيت عندنا باسطة وحلاوة مولد
مشيت البيت ، اجيب لى باسطة فى صحن كباية (عينة)
ولمن سالتو من حلاوة المولد قال
ـ حلاوة المولد بدوها كمان ؟
السنى صحبى الجميل (احبكم ياخ )لانه ثمين
| |
|
|
|
|
|
|
|
|
|
Re: السني دفع الله .. اموت ركن (Re: اسيا ربيع)
|
حقو
نجتمع
على حب الوطن
فى السنى
آآآآآىىىىىى
مالو
مش هو من
مدنى السنى
ولما يضحك
تشوف
بياض السن
اذن
دا زول
منك ومنى
بعدو
تجنى
وقربو
تمنى
ياخدر
انا ما شفت
السنى
لكن
سمعت
بحامل
الدن
كفو
املس للحنى
كل مافيه
فن فى فن
يخلى الولد
يحن
والانثى تحنى
بالله دا
ما شغل جنى
ما دام
الموت بقى
تمنى
وموتكم
عرس فيه
التهنىء
انا ليش
عايش بعدكم
ياخدر ياحنى
انا
ميت معاكم
فى السنى
| |
|
|
|
|
|
|
|
|
|
Re: السني دفع الله .. اموت ركن (Re: abuguta)
|
خدر المعادلات دي لو فتشت الدنقوس ده فولدر فولدر ماح تلم فيها
حسي الطالع كلو (فواتير كيوتل-فواتير كهرباء -ايجار-بوستات)
ولو بعبصت شوية كده ممكن تطلع ليك (مساككة ملاسي)
| |
|
|
|
|
|
|
|
|
|
Re: السني دفع الله .. اموت ركن (Re: محمد سنى دفع الله)
|
سامعك ياريس
ابو شنب ده عكتلييييت خلاس.بس انت اديني حق المواصلات للكمبو
اكلم ليهو فكي قوبي يطرطشوا ليك طرطيشة يااامن ذاتو..
واخليهو يكتب شعر واركلوجيا في الراس الشين بتاعي ده
بوستاتو كلها تكون
راس كيكي روية سيريالية
راس كيكي اركلوجيا الزاويا(توجد صور)
راس كيكي الجنبة ولون قزح...
اكرهو ليك الروؤس ذاتتها .....
وبعدين العامل فيها نسيبك (عصام جبرالله) برضو
اخلي الفكي يبقي كوزززز
| |
|
|
|
|
|
|
|
|
|
Re: السني دفع الله .. اموت ركن (Re: محمد سنى دفع الله)
|
اول مره اعرف السنى فى اول التمانينات من القرن الماضى وهو فى حالتو دى ، نحن الزمن داك برالمه فى جامعة الخرطوم ومعاى برلومات برضو ومحامى كبير ، كنا فى الجمع والعطلات نمشى لملجأ الاطفال اليتامى ومجهولى الابوين ونجد السنى هناك ، كان يلتف حوله الاطفال ، يضاحكهم ويسعدهم ، يحبونه ويحبهم ، ينتظرونه بفارغ الصبر فى العطله الاسبوعيه ، وكنت مبهورا بهذا الحب وهذا الانسان الذى يعطى بلا حساب ويعطى بلا من ويعطى ولا يأخذ ، نافورة عطاء انسانيه وينبوع من الحب المتدفق وعرفت ان هناك صنف من البشر اختصهم الله بحب الانسان وحبب فيهم البشر هؤلاء مأمونون من امراض البشر والسنى احدهم .
نحن فى اوروبا وامريكا والعالم المتحضر والسودان وافريقيا واستراليا وفاس الماوراها ناس بنحب السنى
| |
|
|
|
|
|
|
|
|
|
Re: السني دفع الله .. اموت ركن (Re: wadalzain)
|
خدر شوف الحصل على
ابوراس كبير اديني عين في دقنوسي الشين
خلاني ماشي على عكاز
كده ارضيك
يا خي حب زي ده بجيب الكساح وبتور النفس
لاكن اقول ليك لغز
شدة ما بحبك حبيت الحباك
والله ياطارق محبتي ليك
من حبك ليهو
وحبي ليك من حبي ليهو
وهوبحبنا الأتنين
الا تجيني في الماسنجر
| |
|
|
|
|
|
|
|
|
|
Re: السني دفع الله .. اموت ركن (Re: محمد سنى دفع الله)
|
| Quote: مالك ياخدر علينا ,, يعنى حنجيب كلام من وين عشان نقولوا فى السنى ؟ |
قلنا النعبر عن تقديرنا للزول الماكن ده
لكن ناس عماد عبدالله ديل ما بنعقبو يا جماعة،
وان كان سبقوك علي بوست عيلا تقعد تعاين معاهم بعيونك بس.
اها دحين
نحن برضو نموت ركن يا السني
اقبلها كده
عملا بصريح تعبير المثل:
"لا تبخل بالموجود ولا تتعضر بـ المافي"
| |
|
|
|
|
|
|
|
|
|
Re: السني دفع الله .. اموت ركن (Re: طارق عبد اللطيف نقد)
|
| Quote: مَسح جوخ + إبتزاز + إرهاب علي صفحات سودانيزاونلاين |
بالله يا مولانا أنا في عرضك ..
أمسك لي القضية دي ..
و ( العقوبتين معاً ) ديك انا ما شغالة معاي ..
عقوبة واحدة و الله واحد :
كسِر كده لمن يآآآآآآمن .
......
السني مُحرضاتي لاكين طيب ..
محِطوهو .. بس .
| |
|
|
|
|
|
|
|
|
|
Re: السني دفع الله .. اموت ركن (Re: عبدالكريم الامين احمد)
|
والله يا كيكي الله يديكـ العافية
شغال مجازفات تقيله
انت وكت حق المواصلات مافي الموديكـ الكمبو شنو
ياخي الكمبو ده بمشوهو يوم الماهية
الواحد بمشي يكب الماهية في راسو و بطنو
ويرجع حاسر الرأس عند كل جمال
و .. اهو ..
يوم سعيد من ايام الله و ضقناهو
| |
|
|
|
|
|
|
|
|
|
Re: السني دفع الله .. اموت ركن (Re: خدر)
|
السني الحبيب
ادور حولك باحساسي
ربيع بيغازل النوار
واشيلك جوه انفاسي
عشان تطفئ اشتياقي الحار
كاني حداك ظل مشتول
علي دروب الزمن بطول
اشوف معناك في كل زول
شرب من طعمك المعسول
مسارح صيد مهاوي سيول
شديرات حنه فوقه حجول
وده الخلاني فيك اقول
قبل مايرجي عمري الحول
كلاما بالغزل مغزول
ولحنا في البعاد موصول
برق عبادي سوي الهول
بصدق افعاله مابي القول
روي اليابس علي المبلول
قلب فرح الحزانا سرور
بالنسبة لي انت المقصود
متعك الله بالصحة والعافية والعمر الطويل
ودي وعاطر محبتي
هارون دياب
| |
|
|
|
|
|
|
|
|
|
Re: السني دفع الله .. اموت ركن (Re: haroon diyab)
|
الحبيب محمد،
على ذمة شوقي شوقي بدري، جبرتي أم درمان ورائد فن الحكي، إليك هذه الرواية اللطيفة:
( وعبارة (أموت ركن)، مصدرها أم درمان، لان الباسطة التى فى ركن الصينية اكبر من غيرها من ذوات الحجم العادى، ولان صينية الباسطة توضع غالباً فى شكل مائل، فكل العسل كان يتركز فى الركن، لذا كان الصبية يقولون لمن يود شراء الباسطة: موت ركن يازول وعمنا (بيّن)، بائع الباسطة الشهير كان يتضايق عندما يطلب البعض الركن فى رأس الصينيه ويقول:
ـــ لا والله دى حاجزنها لى زول..!
لان اخراج الركن فى أول البيع، يشوه منظر صينية الباسطة الجميل، وعادة من يطلب الركن يكون من غير اولاد امدرمان، لان اولاد امدرمان يعرفون ان (عمنا بيّن) كان يتضايق من هذا الطلب)..
إنتهي نص شوقي بدري
أها يا محمد الياس أخوي، أنا (من على هذا المنطلق الحلو)، حموت ركن في باسطة كبيرة حلوة إسمها محمد الياس السني..!
رأيك شنو؟
| |
|
|
|
|
|
|
|
|
|
Re: السني دفع الله .. اموت ركن (Re: وجدي الكردي)
|
وجدي الكردي
نحن ما اتفكينا من عماد عبد الله
جاي انت تلخبط في اسمي
محمد الياس السني ده الصحفي الهمام
وهوراجل اظرف من الظرافة
وعندو مشاكل دايما وابدا مع الفنانين والعازفين
بنجضهم نجاض قبورة
اكتب المقال من هنا والقى انا الجماعة واقفين لي جنب باب الإذاعة
يا استاذ ده شنو الكتيتو ؟
يا جماعة والله ده ما انا واكب الجرسة
ده الصحفي ود الياس السني
وانا بتاع التمثيل يا الله انخارج منهم
عارف لمن واحد اقول ليك دقيقة يا ستاذ عايزك في موضوع
يعني بسوقك بي ورا المكاتب ولا ورا الشدر وهاك يا علقا
هسي يا وجدي
كده تعال لي دقيقة
عشان تاني ما تكتب اسمي
محمد الياس السني
وبعد ده بقول ليك
مودتي ومحبتي
| |
|
|
|
|
|
|
|
|
|
Re: السني دفع الله .. اموت ركن (Re: محمد سنى دفع الله)
|
سلامات
وعوافي
السني وما ادراك ..
الرجل حياته "فن" ..
* كل شيء مُوقًع فيه ..
ياكل ويشرب ويعيش في "مسرح" ..
مسرح كبير اكبر من ان تحتويه جدران اربع ..
يشعر بالاشياء قبل ان تشعر بها الطبيعة ..
"ُيتَمٍثل" كل الاحداث من حولها .. حتى الحزين منها ..
لا يؤمن بالصدفة في مشاهد الحياة فكل "حدث"اساسه "سلف"..
ذواق .. وذوق ..
شفاف .. وشفيف ..
مرهف .. ورهيف ..
طيب .. وحريف..
حاجة زي ريحة الدعاش لما تغازل المطرة الرصيف ..
زي فرحة الزهرة بقُبلة فراشة مع هبة نسايم الخريف ..
حاجة زي صوت طفل ضاحك او زقزقة عصفور من فوق الصريف..
زي حلم طفلة بالتألق تبقا قمرة ..
وتبقا نجمة تسحر الليل بالضو الظريف ..
حاجة زي ريحة العذارى ..
وزي بسمة بت سميحة بتداعب الجو اللطيف ..
..
احبك يا السني
| |
|
|
|
|
|
|
|
|
|
Re: السني دفع الله .. اموت ركن (Re: خدر)
|
محمد السني دفع الله هو بقية من ذكريات زمن جميل... أيام كنا نقعد ننتظر محطة التلفزيون الأهلية... كل ما أشوفه أتذكره و هو يمثل دور أبو عبلة و لما لقى عنترة مع عبلة يخت يده في قلبو و يقول السكري... الضغط... وجع القلب و قبل ما يقع يقلع الساعة و يجدعها و هو بقول يا ولد أمسك الساعة دي و بعد داك يقع يغمر. رعاه الله و أسرته و رزقه السعادة في الدنيا و الآخرة كما أسعدنا و أضحكنا.
| |
|
|
|
|
|
|
| |
خدر
عبدالكريم الامين احمد
طارق جبريل
haroon diyab
عامر تيتاوى
Alsa7afa_30
Emad Abdulla
جمال السنوسي
كمال سالم
اسيا ربيع
فتحي الصديق
ممدوح أبارو
عزيز
jini
Rihab Khalifa
Abu Mariam
imad braka
حيدر حسن ميرغني
Elmosley
Azhari Nurelhuda
الجندرية
لؤى
ALazhary2
طارق عمر مكاوي
كمال علي الزين
ASHRAF TAHA
omer abdelsalam
محمد سنى دفع الله
شهاب الفاتح عثمان
Gazaloat
سلمى الشيخ سلامة
abuguta
wadalzain
بله محمد الفاضل
Ahmed Yousif Abu Harira
هاشم أحمد خلف الله
طارق عبد اللطيف نقد
ودرملية
Elawad
فيس بوك
تويتر
انستقرام
يوتيوب
بنتيريست