|
الانف و العين و الاذنان تعرفنى والقلب و الصدر و الكرعين و القدم هديه ألى عطايا أدريس بكندا
|
http://www.do7a.com/?showcat=32&styleid=4 الوصله اعلاه كلفنى صديقى المقيم بكندا عطايا ان اختار له عروس لفقدانه السيطره على الاختيار لطول غيابه عن السودان وعزمت على مساعدته بحكم استقرارى فى السودان وامتلاكى مفاتيح الحل لكل المشاكل المستعصيه حملنى المواصفات والكتلوج الذى يحتوى على الاتى ان تكون وديعه تقدس الحياه الزوجيه تجيد طهى ملاح القرع بت حله مايقول ليها انتى طالق تقول ليهو دا ما موضوعنا بتاع النقاش نكمل نقاشنا ونرجع لموضوع انتى طالق يعنى بصراحه ما جندريه وما مثقفه تعرف الواجب تسقبل الضيفان خاصه اللوارى القادمه من الشماليه ليلا تعرف العواسه رومانسيه ورومنطيقيه ومنطقيه وكلاما شويه قلت ليهو خير اتلفت شمال يمين لقيت انسب زولا وداد جارتنا فى الحله على درجه من الكياسه والفطانه والرزانه والنضافه ودايما بيتهم ملاياتو مغسله ومكويه ودايما بتكشح فى مويه البلاعه مما يدل على نظافه حمامهم ونظافتها الشخصيه وبالتالى نظافه ذمتها الماليا خاصه فى الزمن الصعب دا وداد منتصف عمر وتبدو لى من عائله عاليه الخصوبه لانها السابعه فى الترتبيب من الاسفل الى الاعلى ودائما فى المناسبات فى الكواليس خلف الطباخين وداد وداد وداد
عطايا صاحبى ارعن عديم الاحتراز زى ديك العده بشخر بياكل اى حاجه الا الجمكسين عندو بنطلون جينز واحد من ايام الجامعه ما حرامى لكن شحاااااااااد مرزق كرعينو مشققات بشرب بى خشم الباقه كرعينو معفنات دايما بعد ما يقلع الجزمه عندو جواز كندى طويل اخضر قيافه لا بدينك ولا بتدين منك عطايا عطايا عطايا رايكم شنو الناس ديل مناسبين لى بعض قبل ما اتهور اشربكهم
|
|
|
|
|
|
|
|
Re: الانف و العين و الاذنان تعرفنى والقلب و الصدر و الكرعين و القدم هديه ألى عطايا أدريس بكندا (Re: فرح)
|
Quote: عطايا صاحبى ارعن عديم الاحتراز زى ديك العده بشخر بياكل اى حاجه الا الجمكسين عندو بنطلون جينز واحد من ايام الجامعه ما حرامى لكن شحاااااااااد مرزق كرعينو مشققات بشرب بى خشم الباقه كرعينو معفنات دايما بعد ما يقلع الجزمه عندو جواز كندى طويل اخضر قيافه لا بدينك ولا بتدين منك عطايا عطايا عطايا رايكم شنو الناس ديل مناسبين لى بعض قبل ما اتهور اشربكهم |
هسه انت داير تجيب ليهو عروس ولا داير تطفّش منو عروس
وبعدين قبل كدا كانت في عروس وديتها وين !! !!!!!!!!
| |
|
|
|
|
|
|
|