كتب الكاتب الفاتح جبرا المتوفرة بمعرض الدوحة
|
لإسقاط المائة ريال مطلوب توقيعااااااات !!!
|
نقوم بمجهودات مقدرة في السعي لإسقاط المائة ريال ... على المغتربيين التوقيع لإسقاط المائة ريال المفروضة على جوازاتنا لصالح المجهود الحربي والتي كانت في العام 1997م وكانت حسب محضر اجتماع تلك المبادرة روحا وموضوعا تقول بفرض مبلغ مائة ريال للتبرع بها لصالح الجهد الحربي أنذاك ومحدودة بمبلغ وموقوتة بتاريخ وإختيارية حسب رغبة الدافع فمن رغب فليدفع ... ولكن أصحاب الغرض قاموا بفرضها فرض عين وإستمرأوها حتى يومنا الحالي أخي المغترب الكريم إن المائة ريال التي تستقطع منك طوال احد عشر عاما خلون لا مسوغ قانونية لها فعليك بالتوقيع لإسقاطها هلا تكرمت ... للذين لا يستطيعون دخول المنبر التوقيع على الايميل الخاص بي وهو ([email protected])
................................................................................................حجر.
|
|
|
|
|
|
|
|
Re: لإسقاط المائة ريال مطلوب توقيعااااااات !!! (Re: ادم شحوتاي)
|
Quote: البترول ده كلو ماكفاكم كمان فارضين مية ريال ..؟ سقطوها ... الله يسقط حجركم |
يسقطوها اليوم ويورونا الفلوس اللي دففعونا ليها ودوها وين دول مش فرضوها بسبل وسموها بضريبة السلام ومشوا ابعد من ذلك حاولوا يقنعونا بان ضريبة السلام دي انجاز للجالية واسالوا امين اعلام الجالية المكلف اللي بيقول في داخل اجتماعات المكتب التفيذي ان مسالة المال دي ما واضحة لينا ويجى بره ويبرر التصرف في المال ويدافع عنها دفاع الزول اللي تصرف في الفلوس - تناقض عجيب
| |
|
|
|
|
|
|
Re: لإسقاط المائة ريال مطلوب توقيعااااااات !!! (Re: علاء الدين صلاح محمد)
|
Quote: وسموها بضريبة السلام ومشوا ابعد من ذلك حاولوا يقنعونا بان ضريبة السلام دي انجاز للجالية |
كيف يعنى انجاز ..؟ زول في زمن الحرب دفع ليك تقديرا لظرفك أها .. مافى حرب هسة.. دايرو يدفع مرتبات المحاربين القدامى كمان ولا قصدهم شنو ..؟
طيب لو السلام ده انجاز للجالية مش المفروض يحفزو الجالية على انجازها بتخفيف الرسوم ..؟ ولا عشان هى انجزت تقوم تقرضها عليها بالزيادة وتندمها على الانجاز ..؟
بالطريقة دى حتدفعوهم في كل انجاز ( رسوم بترول - رسوم استثمارات - رسوم سد مروي - رسوم انتخابات - رسوم عودة الحريات العامة و - ضريبة الديمقراطية ... المسلسل مابينتهى )
عشان نهبكم الكتير ده ربنا ماحيبارك ليكم اصلا لا بالبترول لا بي غيرو السنة كلها حتشيلو قرعتكم وتسساقوا من مؤتمر مانحين لى مؤتمر الدائنين
| |
|
|
|
|
|
|
Re: لإسقاط المائة ريال مطلوب توقيعااااااات !!! (Re: الرفاعي عبدالعاطي حجر)
|
رسوم أولادهم في الجامعات بالزيادة رسوم داخلياتهم ضعف رسوم الأخرين
أبهاتهم يجو خاشين تشيلو منهم الدايرنو ويجو مارقين تعدمو الريال ويطلع بي جلدو
الداير يجيب ليهو عربية تكرهوا حياتو الداير يحجج أمو تكرهوا الكعبة ذاتها
ياخى المغتربين ديل اتقول جالية يهودية اليهودى ذاتو لو مسالم مابيتعاملو معاهو بالقسوة دى
دعم مجهود حربي ..!! طرشمية اتفاق سلام ولسة الناس تدفع رسوم حرب ..؟
| |
|
|
|
|
|
|
Re: لإسقاط المائة ريال مطلوب توقيعااااااات !!! (Re: الطاهر ساتي)
|
ياخي المية ريال براها
ضف عندك:
1- نحن ما حاسبننا في التعداد السكاني 2- وحقوقنا ضايعة في الإنتخابات 3- لا يحق لنا إدخال ممتلكاتنا لبلدنا (سيارات، عفش، إلخ) 4- ندفع دم قلبنا ولا نأخذ غير الوجع 5- ومليون جهة تتكلم بإسمنا ولا أحد يطالب بحقوقنا
يعني بس ناس السفارة بعرفونا لمن يجي بند الدفع!
نحتاج لوقفة قوية من المغتربين تبدأ برمي جهاز شئون المغتربين لمزبلة التاريخ.
إنتخبوا ليكم ناس عندهم مواقف وبيعرفوا ياخدوا حقوقكم ويمثلوكم خير تمثيل.
ما ممكن يمثلوكم سدنة النظام وعايزين حقوقكم. الإثنين ما بيجو.
صاحب بالين كضاب: يا نكون مع النظام ونطبل ونسكت. ولا نكون معارضة للطيش لا تخشى في الحق لومة لائم.
عندها ستعمل لنا السفارات ألف حساب.
وسيعرف كل مسئول أنه مستخدم لخدمتنا نحن المواطنين
العوض الطيب
| |
|
|
|
|
|
|
Re: لإسقاط المائة ريال مطلوب توقيعااااااات !!! (Re: الرفاعي عبدالعاطي حجر)
|
Quote: كيف يعنى انجاز ..؟ زول في زمن الحرب دفع ليك تقديرا لظرفك أها .. مافى حرب هسة.. دايرو يدفع مرتبات المحاربين القدامى كمان ولا قصدهم شنو ..؟
طيب لو السلام ده انجاز للجالية مش المفروض يحفزو الجالية على انجازها بتخفيف الرسوم ..؟ ولا عشان هى انجزت تقوم تقرضها عليها بالزيادة وتندمها على الانجاز ..؟
بالطريقة دى حتدفعوهم في كل انجاز ( رسوم بترول - رسوم استثمارات - رسوم سد مروي - رسوم انتخابات - رسوم عودة الحريات العامة و - ضريبة الديمقراطية ... المسلسل مابينتهى )
عشان نهبكم الكتير ده ربنا ماحيبارك ليكم اصلا لا بالبترول لا بي غيرو السنة كلها حتشيلو قرعتكم وتسساقوا من مؤتمر مانحين لى مؤتمر الدائنين |
الطاهر ساتي راجع لى كلامك الجميل دا وتخيل معي (إذا لم تستح فأصنع ما شئت )... هؤلاء غاب الحياء وأريق الماء ... لكنا ماضون معهم حتى نهاية الطريق ... مزيد من التوقيعات يا أيها المكتون بنار الاتاوات .
.....................................................................................حجر.
| |
|
|
|
|
|
|
Re: لإسقاط المائة ريال مطلوب توقيعااااااات !!! (Re: الرفاعي عبدالعاطي حجر)
|
معا ضد كل الجبايات .. التي تثقل كاهل الغلابة
داخل وخارج الوطن ..
Quote: رسوم أولادهم في الجامعات بالزيادة رسوم داخلياتهم ضعف رسوم الأخرين
أبهاتهم يجو خاشين تشيلو منهم الدايرنو ويجو مارقين تعدمو الريال ويطلع بي جلدو
الداير يجيب ليهو عربية تكرهوا حياتو الداير يحجج أمو تكرهوا الكعبة ذاتها
ياخى المغتربين ديل اتقول جالية يهودية اليهودى ذاتو لو مسالم مابيتعاملو معاهو بالقسوة دى
دعم مجهود حربي ..!! طرشمية اتفاق سلام ولسة الناس تدفع رسوم حرب ..؟
|
عشان كدا بنحبك يا الطاهر ساتي؟؟
تخريمة:
جيت الرياض وزغت مننا!!
| |
|
|
|
|
|
|
Re: لإسقاط المائة ريال مطلوب توقيعااااااات !!! (Re: ahmed haneen)
|
مجدي عبدالرحيم فضل محمد جــــــــــــــــــــــــــــــــــــــــده
نطالب بإعادتها بأسر رجعي للأحقاق الحق المسلوب من تاريخ توقيع أتفاق السلام مع الراحل د.قرنق
دمت أخي رفاعي حجر نعم لعودت حقوق المغترب المغلوب علي أمره هذة الأتاوات جعلت المغترب
غير قادرة علي العودة وأفتقدت أسرته كثير من الحقوق الأساسية في التعليم والصحة وحتي حق المواطن
وضمه إلي السجل الأنتخابي وهذة ضرورة ملحه يجب أخذها في أولويات السجل المدني للمغتربين .
،،،،أبوقصى،،،،
| |
|
|
|
|
|
|
Re: لإسقاط المائة ريال مطلوب توقيعااااااات !!! (Re: الرفاعي عبدالعاطي حجر)
|
Quote: ممكن نعرف موضوغ المائة اولا. يعني بياخذوها عند اي اجراء؟ وبعدها اعتبرنا موقعين فاروق ابوكساوي |
الدكتور ابوكساوي ... عند تجديد الجواز تخصم منك مائة ريال هي كانت مبادرة من احد اعضاء الجالية لدعم المجهود الحربي وإسم الدلع مال السلام فقد كان القرار في مقترحه التبرع بمبلغ مضاعف لما اعطته امريكا للحركة الشعبية وكان المبلغ محدد وموقت بزمن واختياري , في وقتها تم استصدار قرار بإعتماد الخصم كما يقولون من مجلس الجالية وتم العمل به عنوة وإقتدارا , هذا المبلغ الان مصدر دخل ومورد لا تسنده اي مسوغ قانونية فقط الجراءة وانعدام الحياء في مصدر القرار عليه قررنا التحرك لإيقاف هذا الكسب غير المشروع والذي كان محدد بوقت ومبلغ وإختياري والذي صار فرضا على كل مغترب يريد تجديد جوازه ...
لمزيد من التوقيعات نتواصل ونشكر جميع الموقعيين على الايميل الخاص بي وهم ابراهيم عثمان ياسر منصور عثمان عبدالمتعال عباس عبدالرحيم عثمان عزين احمد محمد صالح رشيد جلال على الحاج محمد حسن العمدة (زميلنا بالمنبر العام) ابراهم احمد ابراهيم علي احمد ابراهيم الطاهر الأمين حمد
..............................................................................................حجر.
| |
|
|
|
|
|
|
Re: لإسقاط المائة ريال مطلوب توقيعااااااات !!! (Re: الرفاعي عبدالعاطي حجر)
|
Quote: 100 ريال خاصة بقنصلية جدة فقط ..
الرياض القريبة منكم ما عندهم .. |
Quote: لا يااخى فى الرياض بندفع برضو علي بدري الحاج |
شكرا يا علي بدري للمرور والتوقيع ... نناشد الجميع بالتوقيع لإسقاط هذه الضريبة الفاسدة وهي أحد طرق الكسب غير المشروع . ..............................................حجر.
| |
|
|
|
|
|
|
Re: لإسقاط المائة ريال مطلوب توقيعااااااات !!! (Re: الرفاعي عبدالعاطي حجر)
|
Quote: ياخي المية ريال براها
ضف عندك:
1- نحن ما حاسبننا في التعداد السكاني 2- وحقوقنا ضايعة في الإنتخابات 3- لا يحق لنا إدخال ممتلكاتنا لبلدنا (سيارات، عفش، إلخ) 4- ندفع دم قلبنا ولا نأخذ غير الوجع 5- ومليون جهة تتكلم بإسمنا ولا أحد يطالب بحقوقنا
يعني بس ناس السفارة بعرفونا لمن يجي بند الدفع!
نحتاج لوقفة قوية من المغتربين تبدأ برمي جهاز شئون المغتربين لمزبلة التاريخ.
إنتخبوا ليكم ناس عندهم مواقف وبيعرفوا ياخدوا حقوقكم ويمثلوكم خير تمثيل.
ما ممكن يمثلوكم سدنة النظام وعايزين حقوقكم. الإثنين ما بيجو.
صاحب بالين كضاب: يا نكون مع النظام ونطبل ونسكت. ولا نكون معارضة للطيش لا تخشى في الحق لومة لائم.
عندها ستعمل لنا السفارات ألف حساب. وسيعرف كل مسئول أنه مستخدم لخدمتنا نحن المواطنين
العوض الطيب |
واقعنا صار صعيب , ولكن دونما يأس فواقع الحال مرير والذمم معروضة في سوق الله أكبر بلا رقيب او ضمير او خلق ... علينا الحفر في الصخر حتى نستخرج مكنون الانسان السوداني الأصيل فربما التيار قوي ولكن تظل الحقيقة أنصع من الشمس ويظل مثلنا أنه لا يصح إلا الصحيح , سائرون في الطريق نحو جالية قومية معافاة هدفها خدمة الناس بتجرد وشفافية وسنعلن عن تنظيمنا الجديد قريبا جدا , بعض الترتيبات وبعدها سنعمل في الواقع بقوة ووضوح في الرؤية والأهداف . ....................................................................................مزيد من التوقيعات ......حجر.
| |
|
|
|
|
|
|
Re: لإسقاط المائة ريال مطلوب توقيعااااااات !!! (Re: الرفاعي عبدالعاطي حجر)
|
الدكتورة نفيسة عثمان الجعلي (مهيـــرة)سلمتي وخلينا على الماسنجر وح اديك زول جدع وعندو قضية مرفوعة للمحكمة الدستورية بخصوص قضية التعليم لأبناء المغتربين ... فأرسلي لي تلفونك او ننسق العمل عبر الماسنجر الداخلي.
Quote: أوقع وابصم بالعشرة
د.نفيسة عثمان الجعلى
وما تنسوا يارفاعى اخوى تشوفوا ليكم زولا كلس يدق سدره ويقابل المحامى فى الخرطومفى الاجازة الجاية عشان يرفع قضية ضد ضريبة المغتربين باسمه، عشان بالمرة كمان نخلص من ضريبة الذل والهوان، بالمناسبة القضية جاهزة والمحامى مستعد يرفعها للمحكمة الدستورية أول ما يصله المغترب الشجاع الذى يوافق على رفعها باسمه حسب شروط المحكمة الدستورية، والتفاصيل تجدوها فى البوست:
http://www.sudaneseonline.com/cgi-bin/sdb/2bb.cgi? seq=msg&board=58&msg=1188280787&rn=0
تحياتى |
...................
مكاوي محمد علي فضل السيد تسلم على كل كلمة وبأمثالك نزداد ثبات وقوة وإيمان بالقضايا ونمتلئ فرحا بأن الحياة مازالت بخير وان المقاومة تستمر لكل أشكال الظلم والجور والطغيان في الدنيا.
..................
مصطفى احمد الضو تجدني سعيد جدا بهذا الموقف النبيل منك فلنمضى في صفوف قضايا المغتربين ونلتزم قضايا رفع الظلم شكرا سيدي.
..................
نزار علي سعيد المقدم يارجل تسلم والله وأنا كم فخور بتوقيعك ولنا مشوار مقدر نمشيه في الزود عن القضايا العامة.
..................
| |
|
|
|
|
|
|
Re: لإسقاط المائة ريال مطلوب توقيعااااااات !!! (Re: الرفاعي عبدالعاطي حجر)
|
أول شيء كل المبالغ التي تدخل لايمكن إخراجها بسهولة مرات لو عندك باقي وخليتو لي ناس الحكومة والله تاني ماتشم ريحتو حتى ناس بيتكم مرات مابيرجعوا ليك باقي القروش !!! وأغرب الايصالات التي رايتها في السودان كانت غريبة وعجيبة جداً على اليمين يكتبوا ليك المبلغ مثلاً 750000 23000 860000 اما مقابلها على اقصى اليسار يكتبوا ليك تفاصيل وترجمة لهذا المبلغ لكن والله كان بقيت حاوي ماتقدر تقرا الرسوم دي بتاعت شنو على كل حال هذا توقيعي لارجاع الحقوق لأصحابها وتوقيع آخر مشروط من ست النفر وقالت لو المبلغ رجع نديها النص !!! والله قلت ليها كان منتظراه يرجع واطاتك أصبحت أنا القدامك دا والله العظيم طالب الحكومة أكثر من 10 الف ريال لاقاك سوداني طالب الحكومة كانت مهنتي في الجواز بياخدوا عليها ضرائب 1500 ريال وأحضرت كل الأوراق الرسمية التي تثبت أن عقدي ومهنتي التي اعمل بها غير ذلك قاموا جابوا المصحف ومشيت اتوضيت وقلت الله أكبر وحلفت وقالوا لي خلاص العشرة سنوات السابقة دي حانعوضك ليها في المرات القادمة يعني كل سنة يخصموا حق الضريبة ويتركوا الباقي لحد الآن عليك امان الله ماشفنا ولا قرش
| |
|
|
|
|
|
|
Re: لإسقاط المائة ريال مطلوب توقيعااااااات !!! (Re: ابوحراز)
|
Quote: على اليمين يكتبوا ليك المبلغ مثلاً 750000 23000 860000 اما مقابلها على اقصى اليسار يكتبوا ليك تفاصيل وترجمة لهذا المبلغ لكن والله كان بقيت حاوي ماتقدر تقرا الرسوم دي بتاعت شنو على كل حال هذا توقيعي لارجاع الحقوق لأصحابها |
ليه تمشى بعيد ما عندك موظف القنصلية السودنية بجدة (الرسالي ) بيعملوا كدة في ال 100 ريال لذلك نطالب بالغائها اليوم قبل الغد وجاليتنا تتسول
| |
|
|
|
|
|
|
Re: لإسقاط المائة ريال مطلوب توقيعااااااات !!! (Re: الرفاعي عبدالعاطي حجر)
|
Quote: الاخ الرفاعي لك التحية
انا ابصم بالعشرة من اجل الغائها. طبعا الجماعة سموها الآن ضريبة السلام و لو البلد بقت معلقة بين الحرب و السلام لاتوا بمسمى ثالث. لا يهم تختلف الاسماء و المائة ريال ماااااااااااااااااااااااااااشة.
و لك العافية
عبدالله محمد احمد |
شكرا ياعبدالله وكما عنوانك نحن ضد دولة الجبايات وسيصل صوتنا للمسؤولين جميعا وسننتظر ردهم وبالمقابل تستمر عريضة الدعوة ومن يمثلنا هو الان بالخرطوم لتسجيل الدعوة بإسمه ونيابة عنا لك الشكر . وهبى وصلني من بريدك الاسم فقط وتشكر وننتظر توضيح الرسالة . الامين الامين وصلني بريدك لك التقدير وسعيدون جدا بتوقيعك في قائمة الشرف , التي ترفض وبشكل حضاري هذه الجبايات غير المسنودة وغير المبررة فقط لتذهب في جيوب تجار الحرب والسلام فقد كان اسمها ضريبة الحرب والان بقدرة قادر تحولت لضريبة السلام وفي كلا الحالتين لا سند قانوني لها. .......................................................................................حجر.
| |
|
|
|
|
|
|
|