|
Re: عشان اهلك بخليكى اشيل فى جرحى ماضيك (Re: محمد عادل)
|
الأخ محمد عادل مرات كده عندك فلتات رائعة! الطراك هاشم شنو؟ شاكوش ولا مناجاة؟ فى كل الأحوال أحيك وأنت تتحفنا بإحدى روائع العاشق النبيل هاشم ميرغنى
غنى لمحبوبته كتير الدمعه فوق عينيك تشوفينى وتخبيها ... ونحن فى ذكرى وفراق هاشم كتير الدمعة فوق عينينا.. ولا نخبيها! نسأل الله له المغفرة والرحمة
| |
|
|
|
|
|
|
Re: عشان اهلك بخليكى اشيل فى جرحى ماضيك (Re: محمد عادل)
|
شفت انا عندي الأغنية بتاعت خليل اسماعيل لكن ماااااااااااابنزل ليك.... راجعخيمة العزاء الأولى الناصبة قدام الحلة ديك وشوف قلت ليك شنو... شفت اسه تلقاها هي بتقرا وتتبسم ما ارضيت غرورهاياولد خلي التبكي دا وارمي الفات لانه مات...يا الله قايتو المحب ده بكون لديح خلاص تلقاها اسه هي اتجاوزت الموضوع اسه ده زمن حب التيك اوي ياولد اتنفض من التفينة وكب التراب البتسوي ده وقشقش الدميعات ديل مافترت اسه عليك الله ليك كم شهر هي تلقاها اسه نست اسمك.
ده الكلام المفروض تقوله لي نفسك ...البستغنى يا ابوي انت عنه اغنى.
بكرة اجمل واحلى وانضر وبكرة تقعد تضحك في البتبكي عليه اسه دنيتك لي قدام خضرة والعندك ده بتلقى البقيمه صاح والبستاهله. ياوفي ده مازمن الوفاء...
| |
|
|
|
|
|
|
Re: عشان اهلك بخليكى اشيل فى جرحى ماضيك (Re: محمد عادل)
|
با المناسبة دى انا جادى والله فى واحد فى حلتنا فى الحلفايا اسمو كرم ده مكشكش مرة واحد عمنا قاليهو يا كرم قول قصيدك فى حبيبتك قام قال مطلع الغنية دى (وانا متحيلر الزول ده جاب الكلام ده منوييييين) تاريهو جابو من الغنية دى انا يادوووووب عرفتها مع كل الاحترام لشاعر الغنية والفنان هاشم ميرغنى
| |
|
|
|
|
|
|
Re: عشان اهلك بخليكى اشيل فى جرحى ماضيك (Re: نادر الفضلى)
|
الحبيب ابن الحبيب محمد عادل لك التحيه وللاسره الكريمه اتابع بشغف مايخطه يراعك اليافع واقول ماشاءالله عليك ولاغرابه فهذا الشبل من ذاك الاسد وانت ابن الاستاذ واتابع تمردك وانت الذي تعودت عليه منذ الصغر ومازلت اذكر لك ياعسكري ماهيتك كم ورطل السكر بقى بي كم على كل ياحبيب سر وعين الله ترعاك وانت تختار الطريق الصعب تقبل تحيات خالد الجفري وياريت تبعت لي تلفون الهادي الصديق على الايميل [email protected] تقبل تحياتي بس الماحيرني الجابرك على البكاء شنو وانت المصادم القوي
| |
|
|
|
|
|
|
Re: عشان اهلك بخليكى اشيل فى جرحى ماضيك (Re: عادل خياري)
|
الحبيب عادل كيف احوالك وصحتك واحوال الاهل فى امريكا عم يحى ومحمد وخالد كيف خال ياخى واخبارو شنو واخبار كل الاهل لعلكم بخير فعلا ذكرتنى بايام الصباء الاولى ايام الانقاذ الاولى والاهل قاعدين يفطرو فى رمضان بره فى الشارع واجى اقول يابوليس ماهيتك كم رطل السكر لقى بى كم نحنا انصار بناكل النار الشعار ياكل شطه هههههههههههههههههههههههههههه كانت ايام سارسل لك تلفون الهادى صديق انشاءالله
| |
|
|
|
|
|
|
Re: عشان اهلك بخليكى اشيل فى جرحى ماضيك (Re: محمد عادل)
|
محمدعادل
كفّااااااااااااااارة ياخ
لكن هو بالله الحنك بتاع أهلى دا لسة ماشى؟ تمام والله يعنى الواحدة لما تجى تزوغ تقول ليك أهلى
طيب الماجابو ليها سيرة العرس أساسا تتعذر بشنو؟ حنك الأهل ما بنفع كان قام قال السألهم منو حسى
بس قلنا نجى نديك فاتحة وكدا
الغنية خطيرة بالمناسبة... اللهم ارحم هاشم ميرغنى
| |
|
|
|
|
|
|
Re: عشان اهلك بخليكى اشيل فى جرحى ماضيك (Re: محمد عادل)
|
اخونا محمد عادل
اللحن ......والدموع
انت يعنى حتقوم بالاغنيه دى تتالم لينا وتتاوه وتتمزق وتتعب ....تبقى علينا تلاته حاجات الفنان يبكى... والكلمات تبكى... وانت تنوح
لا ... للعذاب من اجل العذاب تاكد ان المرأة لم تطلب منك كل هذه المناحهود عادل عمى
بكره احلى
| |
|
|
|
|
|
|
Re: عشان اهلك بخليكى اشيل فى جرحى ماضيك (Re: baha eassa)
|
الحبيب بهاء شكرا على هذه الاغنيه الجميله التى كل مانسمعها نبكى وفعلا هى مامشتاقه لى مازمان قبال اسيبك كان فراق صعب عليك جيت بشوق الدنياء كلو داير احس بشوقى فيك بس لقيت الهفا راحت حتى عينيك ماعينيكا انتى مامشتاقه لى
| |
|
|
|
|
|
|
|